شارك برأيك . إستفتاء مع أو ضد فض الإعتصام بميدان التحرير ؟

[عصام أبوالفتح]

طيب خلينى اسالك استاذ عمده نفس السؤال لكن بشكل تانى

بفرض ان احنا اقتنعنا بفض الاعتصام

و اقنعنا الناس الى هناك برضه انها تروح بيوتها

ايه تصورك للى هيحصل بعد كدا؟

إتفضلي .. لسه قايل حالاً وجهة نظري في النقطة دي بس كان السؤال مُختلف شوية من زهره الجبل

مطلوب دلوقتي التجهيز من قبل الشباب دي للجان شعبية أمام المقار الإنتخابية

و بدل ما يضيعوا مجهودهم و حماسهم و طاقتهم مع العسكر في الميدان دلوقتي

نوفر الطاقة دي كلها ليوم الإنتخابات

و يكون لينا هدف واحد و هو حماية أصواتنا و حماية المقار الإنتخابية

حماية أول طوبة علي في مبني الديمقراطية

ساعتها هنحارب فعلاً علشان هدف محدد و هو بلدنا

بلاش نضيع الحماس و القوه دي كلها مع العسكر دلوقتي

نأجل الكلام دا لأول يوم إنتخابات

نفكر نخطط نقسم نفسنا انته مسئول و المجموعة بتاعتك عن المقر الإنتخابي دا

و أنته مسئول عن المقر دا و هكذا

و حمايته من البلطجية الحقيقيين

حماية صناديق الإقتراع

المواجهة و بعنف و هكون مؤيد لكدة لأي محاولة لإجهاض اليوم الإنتخابي و أول يوم مصر هنشم فيها الحرية

دا رأي الشخصي ..

استطيع الرد هنا كخبير فى ادارة المخاطر :

هذا الحل يضع قوات البوليس فى نفس المأزق ... كيف تفرق بين المواطن العادى والبلطجى والاثنين يطحنان فى بعضهما وفيك ؟

الجيش والحكومة اعلنوا انهم مستعدين تماما لتأمين مقار الانتخابات .. فزى ما كانوا بيسحبوا نفسهم من الميدان ويعلنوا ان تأمينه مسئولية الداعلين له .. فالان تأمين المقار الانتخابية مسئوليتهم هم

وجود ثلاث اطراف دائماً يخلق مشكلة

دعونا نفترض ان اى هجوم او اعتداء على مقر انتخابى او ناخبين سيكون من البلطجية وليس من مواطنين شرفاء وان اى فرد يحمل سلاحا فى الشارع سيعد بلطجى ويجب القبض عليه فوراً ... ودعونا نفترض ان دور المواطن العادى هو حماية نفسه ومراته او اولاده اللى معاه بالانسحاب فورا من الموقع اذا حدث هذا الهجوم

بالتالى هاتكون المواجهة بين الشرطة والبلطجية واضحة وستستطيع وقتها التفرقة بين المواطن والبلطجى .. مش فاهم لغاية دلوقتى احنا ليه بنحب نقف نتفرج ؟!! .. وده طبعا لان الفرجة بتضع المدنيين فى مجال الاصابة وتزداد احتمالات حدوث وفيات .

فاذا حدث فعلا هجوم فيتم التعامل معاه بكل قوة وتتم اعادة الانتخابات فى اللجان فى جولة الاعادة وبعد القبض على البلطجية او مثيرى الشغب ان وجدوا .. وبالتالى لن تكونه هناك أزمة ولن يسقط مواطنين ضحايا وتتحول الانتخابات الى محزنة

المسئلة مسألة وعى بالأساس وليس تأمين لأن فى ناس دى شغلتها.

[Alshiekh]

تم إضافة خيار ثالث " مع فض الإعتصام طواعية والتركيز على المرحلة القادمة "

[عصام أبوالفتح]

تم إضافة خيار ثالث " مع فض الإعتصام طواعية والتركيز على المرحلة القادمة "

بارك الله فيك أستاذ محمد .. شكراً

[عماد حمدي]

تم إضافة خيار ثالث " مع فض الإعتصام طواعية والتركيز على المرحلة القادمة "

استاذ محمد ممكن نمسح الخيار الأول لو سمحت ..

و الخيار اللي حضرتك وضعته يعبر أكثر .. إذا تكرمت ..

و هراسل كل اللي صوّت في الخيار الأول لإعادة التصويت مرة آخري

شكراً لك

[Alshiekh]

أنا مع فض الإعتصام وذهاب المعتصمين إلي بيوتهم لأخذ قسط من الراحة والتفكير فيما هو قادم.

ولازلت أتسائل لماذا في هذا التوقيت بالذات قامت تلك التظاهرات؟ هل كانت لإستعراض القوة وإظهار القدرة على حشد الجماهير؟

وعندما قرر من دعوا إليها وانسحبوا بعد أن غيروا رأيهم تجاه الإعتصام ، لماذا لم يقنعوا من تبقى بالعدول عن الإعتصام؟

ولماذا يلجأ المتظاهرون إلى إستخدام أساليب العنف ضد قوات حفظ النظام؟ وماهو المنتظر من قوات حفظ النظام عندما يرفض المتظاهرون الإلتزام بالتعليمات بإخلاء الطريق أو الميدان؟

ولماذا إصرار المتظاهرين على إقتحام مؤسسات الدولة؟ مبنى وزارة الداخلية بالقاهرة ، مديرية أمن الإسكندرية ، أقسام البوليس في عدة أماكن أخرى؟

على من تقع مسئولية سقوط الضحايا قتلى أو مصابين أو معوقين وعميان؟

ولمصلحة من مانراه يحدث الآن؟

[عبير يونس]

ما حدث هو نفس ماحدث ليلة موقعة الجمل

الناس اتخدروا من خطاب المخلوع و مشيوا

وتركوا المعتصمين لمواجهة مصيرهم

لو كانت عدت ليلة امبارح على خيرمن غير الغدر اللي حصل

كنت بقيت مع فض الاعتصام

بس ما ينفعش دلوقت

بعد ما بقى في دم جديد

ما ينفعش

بقول لأحد الزملاء اللي بيقول مش مشكلة 20 قتيل

ياترى لوكان حد من أهل حضرتك وسط العشرين قتيل كان حيكون رأيك برضه انه عادي؟؟؟؟!!!!

الموضوع مش عند على فكرة

الموضوع ان الاعتصام لو انفض

مش بس كل ثورة و انتو طيبين

يبقى حنتفرم كلنا

و مش حتقوم لنا قومة مرة تانية

كل ده عشان انتخابات؟؟؟؟؟؟؟؟؟؟؟؟!!!!!!!!!!!!!!!!!

ياترى الغدر و الخسة اللي اتعاملوا بيها مع عزّل

تضمن ان في انتخابات حتحصل بجد؟؟؟؟

يا ناس شوية كلام معقول

من شهور قلت هنا

ان التيارت الدينية حياخدوا جزاء سنمار

بعد ما المولد ينفض

بالله عليكوا فاكرين حيبقى في انتخابات بجد من المخلوقات اللي ملهاش وصف دي

انتو بتلعبوا مع الشيطان

بس مش مع ابليس اللي بنصرفه بالاستعاذة

مع أعتى شياطين الانس

فوقوا

يارب تفوقوا

من قلبي

يارب تفوقوا

لا حول و لا قوة الا بالله

[احمد رضوان]

ولماذا يلجأ المتظاهرون إلى إستخدام أساليب العنف ضد قوات حفظ النظام؟

على من تقع مسئولية سقوط الضحايا قتلى أو مصابين أو معوقين وعميان؟

ممكن يكون اغرب سؤال قر يته ... طبعاً المتظاهرين غلطانين لإستخدامهم أسليب عنيفه مع الشرطة وعلشان يعملوا تمويه ضربوا نفسهم وموتوا منهم 20 واصابوا حوالى 2000 منهم 56 فقدو اعينهم (دي احصائية وزارة الصحة من على الجزيرة) والشرطة من رحمتها بالشهداء كانت بتجمعهم على كوم زبالة على بعد امتار من مجلس الشعب ممثل الخونة اللى ماتوا دول ، وكمان الشرطة كسرت دراع الطبيب المعالج في المستشفى الميداني لإنه من الخونة وهجمت على المستشفى الميداني لإنه بيعالج الخونة اللى بيرفضوا اساليب الأمن الانسانية اللى العالم الحر بيطبقها ... حسبى الله ونعم الوكيل

[pink rose]

انا اصلا كنت ضد المليونية دي من الاساس

لان وقتها مش مناسب اطلاقا

و كمان كنت خايفة من تكرار سيناريو البالون و 9 ابريل و اول رمضان

المليونية تخلص و تعدي و يفضل ديول يقلبوا الدنيا بعدها

لا احنا نعرف مين دول و لا بيعملوا كده ليه

و تويته واحدة و لا ستيتس واحدة

تلاقي الشباب نزل يحارب و يستشهد

و كنت عارفه ان كل ما الانتخابات تقرب كل ما المصيبة هاتكون اكبر

و الهدف طبعا الغاء الانتخابات مش بس تأجيلها

الكل بيسأل في مصر لسا مكلمة اهلي هما ايه اللي بيوديهم ناحية مديريات الامن و اقسام الشرطة

المظاهرات في التحرير او في الميادين التاني. يروحوا يهاجموا ليه اقسام البوليس و مديريات الامن

للاسف اللي بيحصل دا بيفقدهم تعاطف الناس حتى

وقت الثورة الشعب نزل لانها كانت سلمية و كانت في امكان محددة لكن دلوقتي الناس شايفين ان الشباب بيروح يهاجم مؤسسات الدولة

انا مع فض الاعتصام دا فورا لان الزيادة و التطويل معناها دم زيادة

و فوضى الله وحده هو الاعلم بمداها

[عصام أبوالفتح]

ولماذا يلجأ المتظاهرون إلى إستخدام أساليب العنف ضد قوات حفظ النظام؟

على من تقع مسئولية سقوط الضحايا قتلى أو مصابين أو معوقين وعميان؟

ممكن يكون اغرب سؤال قر يته ... طبعاً المتظاهرين غلطانين لإستخدامهم أسليب عنيفه مع الشرطة وعلشان يعملوا تمويه ضربوا نفسهم وموتوا منهم 20 واصابوا حوالى 2000 منهم 56 فقدو اعينهم (دي احصائية وزارة الصحة من على الجزيرة) والشرطة من رحمتها بالشهداء كانت بتجمعهم على كوم زبالة على بعد امتار من مجلس الشعب ممثل الخونة اللى ماتوا دول ، وكمان الشرطة كسرت دراع الطبيب المعالج في المستشفى الميداني لإنه من الخونة وهجمت على المستشفى الميداني لإنه بيعالج الخونة اللى بيرفضوا اساليب الأمن الانسانية اللى العالم الحر بيطبقها ... حسبى الله ونعم الوكيل

مرافعة دفاع مبارك القادمة ستتضمن سى دى لمشاهد مما حدث بالتحرير والمحافظات ومظروفات فارغة وطلقات خرطوش من التى استخدمت فى 19 فبراير .. واختصام خصوم جدد فى القضية ومحامين دفاع جدد خمنوا من هم ...ومبارك هايخرج براءه ... ودم الشهداء بلا مقابل

كل ذلك لاننا تمسكنا بالسيناريو المرسوم منهم تماماً والذى حاولت فضحه هنا مراراً وتكراراً بلا فائدة

مفيش فائدة

[عادل أبو عمر]

رأيي يا عماد هو فض الاعتصام طواعية ( بعد ) نزول الشعب للدفاع عن اخواننا في الميدان أيا كانت نواياهم

الدفاع عنهم بأنهم لو غلط إحنا اللي نحميهم من أنفسهم قبل ما نحميهم من جهاز امني مجرم

و لو هم صح يبقى نقف معاهم و نقولهم إنتوا مش لوحدكم

في كل الأحوال يجب توصيل رسالة للمجلس أنه ليس هو مصر كما تخيلنا .. وقوع المجلس هو وقوع مصر .. فمن قبلها اوهمونا ان وقوع مبارك هو وقوع مصر ...

لذلك لم يصدق الشعب كلمة مبارك ذلك الوقت انه سيترك الرئاسة بعد ستة أشهر فرفض الشعب ... لأنهم يعلمون كيف سيفعل مجرد رجوع الثوار لبيوتهم

نفس الموقف الآن المجلس منذ استلام السلطة .. يستوي حسن النية و سوء النية ... و عد و أخلف في كل وعوده فلا يلوم إلا نفسه

ولن يثق أحد في كلام المجلس مرة أخرى خصوصا بعد الصمت المخزي الذي لم يختلف أبدا عن صمت مبارك على دماء المصريين في الشوارع ..

بل المجلس أسوأ لأنه حتى لم يشارك المصريين غضبهم عن انتهاك حرمة الموتى من المصريين و ألقاء جثث أبنائهم وسط القمامة ..

و ما زال حتى هذه اللحظة صامتا فهل لم ير ... أم لم يعلم ...

هل هو جاني يتلقى تعليماته من المستشفى و من طرة ؟؟

أم هو مجني عليه من تيارات سياسية أعلنتها ببجاحة طلبها من المجلس الاستمرار في الحكم .. فتم التغرير به ؟؟

لذلك أكررها .. يستوي حسن النية و سوء النية .. كفاية على حد كدة

موقف الانتخابات يا عماد لن يتأثر بالنزول لميدان التحرير .. بل بالعكس النزول هو حماية للانتخابات و إعطاء إنذار لمن يريد التلاعب بالشعب في اختياره

أرى سرعة نزول للتحرير و إنهاء كل شيء قبل يوم الجمعة لأن استمرار الاعتصام حتى يوم الجمعة هو انفجار كامل غير معلوم نتائجه ..

ولا أنكر وجود البعض ممن يشجع على الاعتصام لأهداف سياسية خاصة بهم .. و هؤلاء يجب مواجهتهم بالوحدة و الأغلبية .. و الأغلبية يجب أن تترك الميدان قبل يوم الجمعة حفاظا على مصر ,, و لا يجب ترك الميدان قبل الوصول لاتفاق معلن مع المجلس

كل ثانية بتعدي هي مزيد من دماء اخوانا المستضعفين في الميدان و هي في نفس الوقت سبب مباشر لتأخير الانتخابات

رأيي

يجب فورا تحرك أكبر قوة سياسية و هي الإخوان لتقديم يد الدعم رسميا لمن في الميدان

مطلوب تحرك الاخوان فورا لإثبات برائتها من كل ما اتهموها به انها جائت بعد الثورة

وكما طالبنا المجلس بعمل جدول زمني

علينا أن نجرب بانفسنا

عمل جدول زمني لفض الاعتصام قبل يوم الجمعة

و حتى لو أعلن المجلس جدول تسليم السلطة فيجب عمل لجنة تحالف وطني من جميع التيارات لتفويض مجموعة ( أحد عشر ) من أهم الشخصيات السياسية النزيهة و ياريت تكون قضائية ( من غير المدرجين في انتخابات مجلس الشعب أو الرئاسة ) تكون مهمتها إنهم يجيبوا كراسي و يقعدوا جنب أعضاء المجلس و يراجعوا دفتر اليومية من يوم الجمعة 25 نوفمبر ... مش لازم من يوم 11 فبراير

نقطة هامة المجلس دلوقتي ما بينامش شايف صورة مبارك و شلته في سجن طرة .. فبالتالي هيعمل إيه حاجة عشان محدش يشيله غصب عنه ...

يبقى لازم التفاوض معاه

التفاوض على اساس أقل الخسائر

ياخد الأمان بعدم الملاحقة في حال الالتزام بتسليم السلطة تحت اشراف اللجنة من التحالف الوطني ..

يعني نقطع عرق و نسيح دمه .. نقطع العلاقة المفضوحة بينه و بين النظام السابق و نشجعه على الانقلاب عليه

المطلوب من الشعب الآن إعلانها مرة أخرى من التحرير ..

المصريون في مصر هم الأعلون على أرض مصر ..

ولا يلقى بهم وسط القمامة

تم تعديل 21 نوفمبر 2011 بواسطة عادل أبو عمر

[se_ Elsyed]

كلامك يا عماد هو نفس كلام المجلس العسكري يوم 12-2

فاكره ؟

تاني يوم خطاب الخلع

" نطالب المتظاهرين بالرجوع إلى منازلهم وغحنا هانحقق أهداف الثورة ... وإذا ما اتحققتش اهو الميدان موجود وانزلوا تاني "

ههههههههههههههههههههههه إزيك يا عماد بيه بعد 10 شهور ؟

خد كلام أم مجدي اول ما اتعينت اول إبريل " إدوني فرصة أسبوعين تلاتة .. وإذا ما حققتش اهداف الصورة .. أبقوا إنزلوا الميدان وانا هانزل معاكم "

رد إنت بقى

يا حبيبي كلنا مع إنتخابات برلمانية حرة

لكن إزاي ؟

إزاي في وجود عقليات مبارك اللي صنعها على إيده ؟

عقليات لم تتخذ قرار واحد مع الثورة ... هات لي حاجه عملها المجلس العسكري دون ضغط ودون مليونيات ؟.

هل كان يحتاج عزل الفلول إلى ثورة ومعجزة يا عزيزي ؟

هل كان تشكيل وزارة محترمة بصلاحيات حقيقية لتحقيق اهداف الثورة هل كانت تحتاج إلى معجزة ؟

يا حبيب قلبي أقسم لك بالله العلي العظيم إن مجلس شعب قوي في وجود مثل هؤلاء الحثالة هايبقى ديكور ...

يعني تيجي تتظاهر عشان شايف البلد بتخرب ... هاتتسحل لان مش من حقك طالما في نواب عنك في مجلس الشعب

طب ييجي نواب الشعب يتكلموا .... إبقى قابلني وإنت سلطة تشريعية فقط وإحنا السلطة التنفيذية والتشريعية واللي شايفين مصلحة البلد فين ومن حق رئيس المجلس العسكري يحل المجلس

وأديك شوفت ... لمما لقوا إن الشارع المصري متعاطف مع الجماعات الإسلامية ... ووافق بإكتساح على التعديلات الدستورية .... وقعوا في حيص بيص واخترعوا وثائق وتعديلات ومباديء فوق دستورية وتشكيل هلامي للجنة الدستورية

هههههههههههههههه

يعني تنتخب إنت حوالي 800 شخص ممثلين عن الشعب في مجلسي الشعب والشورى .. يقوم البيه مجلس مختار منهم 20 فقط في اللجنة التاسيسية لوضع الدستور

أليس هذا نفس الأسلوب القذر لمبارك ... أعمل اللي تعمله .. وقول اللي تقوله ... اما احنا فلنا رؤية تانية خالص

[احمد رضوان]

انا اصلا كنت ضد المليونية دي من الاساس

لان وقتها مش مناسب اطلاقا

و كمان كنت خايفة من تكرار سيناريو البالون و 9 ابريل و اول رمضان

المليونية تخلص و تعدي و يفضل ديول يقلبوا الدنيا بعدها

لا احنا نعرف مين دول و لا بيعملوا كده ليه

و تويته واحدة و لا ستيتس واحدة

تلاقي الشباب نزل يحارب و يستشهد

و كنت عارفه ان كل ما الانتخابات تقرب كل ما المصيبة هاتكون اكبر

و الهدف طبعا الغاء الانتخابات مش بس تأجيلها

الكل بيسأل في مصر لسا مكلمة اهلي هما ايه اللي بيوديهم ناحية مديريات الامن و اقسام الشرطة

المظاهرات في التحرير او في الميادين التاني. يروحوا يهاجموا ليه اقسام البوليس و مديريات الامن

للاسف اللي بيحصل دا بيفقدهم تعاطف الناس حتى

وقت الثورة الشعب نزل لانها كانت سلمية و كانت في امكان محددة لكن دلوقتي الناس شايفين ان الشباب بيروح يهاجم مؤسسات الدولة

انا مع فض الاعتصام دا فورا لان الزيادة و التطويل معناها دم زيادة

و فوضى الله وحده هو الاعلم بمداها

الغريب أن رأي المجلس العسكري يختلف كلياً عن رأيك .. لأن ممثلهم حالاً إعترف بحق الإعتصام السلمي ، وعرض ان المجلس يبعتلهم تأمين لحمايتهم من البلطجية ... ده طبعاً بعد ما شافوا إن الناس دي حتموت في أماكنهم

كسر شوكة البلطجية اليوم وثبات القلة المرابطة هو ما يضمن تأمين الإنتخابات لمن يعقل ، لأنها معركة بكل المقاييس ، وأبطال اليوم هم رجال الغد ومن باع نفسه اليوم هو من سيقف امام اللجان الإنتخابية ليؤمنها

المطلوب الآن الثبات ، وفتح قنوات إتصال سياسية وبما يضمن عمل تحقيق ومحاسبة المسئولين بشكل جدي

مكاسب اليوم ، الشعب جدير بحريته ، لا ايدلوجيات بغيضة داخل التحرير وحتى الأفراد الموجودين هم فقط مصريين مسلم ومسيحي سلفي تناوله مسيحية الحجارة وإخواني يحمى ليبرالي ومتبرجة يسحلها الشرطة ومحجبة تحمل عصا تدافع بها عن زملائها وعجوز مصابة بالسرطان تطلب الموت على الأرض وشيخ بعبائته يتقدم الصفوف رافعه عصاته ليقود الشباب ... اليوم كلنا مصريون وفقط مصريون ... تحيا مصر يحيا الإنسان وتسقط الأقنعة ولتذهب الإيدولوجيات للجحيم

[moamana]

المجلس العسكرى شايف انه ماشى فى مخططه تمام

و الاخوان فاكره انها حاكمه المجلس العسكرى بقوتها

و اغلب الحملات الانتخابية بتاعة الناس الكويسين وقفت و الانتخابات بعد يومين و ده لصالح الفلول طبعا اللى كده هيدخلوا مجلس الشعب مستريح

و هنرجع تانى لفكرة مجلس شعب من الاخوان و الفلول

يعنى نقول مجلس شعب اللى قبل اللى فات

و مفيش اى حاجة من الداخلية او السياسة المصرية الداخلية اتغيرت و جبنا حكومة زى الفل زى اللى قبلها تمام

كل الاطراف فاكرة انها ماسكة بقية الاطراف من رقبتها

و المنتصر الوحيد هو العدو الاصلى يا اغبياء هى فعلا الايادى الخارجية اللى عمرها ما هتسمح لمصر بالاستقرار او التقدم

و المتضرر الوحيد هو الشعب المصرى اللى هو كلنا و كل اللى فوق لانهم فى الاول و الاخر مصريييييييييييييييين

احنا اغبيا و الله احنا اغبيا

[hanzalah]

مكاسب اليوم ، الشعب جدير بحريته ، لا ايدلوجيات بغيضة داخل التحرير وحتى الأفراد الموجودين هم فقط مصريين مسلم ومسيحي سلفي تناوله مسيحية الحجارة وإخواني يحمى ليبرالي ومتبرجة يسحلها الشرطة ومحجبة تحمل عصا تدافع بها عن زملائها وعجوز مصابة بالسرطان تطلب الموت على الأرض وشيخ بعبائته يتقدم الصفوف رافعه عصاته ليقود الشباب ... اليوم كلنا مصريون وفقط مصريون ... تحيا مصر يحيا الإنسان وتسقط الأقنعة ولتذهب الإيدولوجيات للجحيم

أكثر من رائع بكل تأكيد

بالامس كان تميم البرغوثي مع دينا في قناة التحرير وقال كلام يوجع

كل القيادات السياسية من الاطياف المختلفة التي تختلف على مشاكل تافهة وتترك قواعدها

القواعد الشبابية ستتخلى عنكم جميعا قريبا جدا

لان كل واحد فينا له صديق مسيحي وسلفي و علماني واخواني ويساري ومن كل نوع

لكنه في ارض الواقع وفي الميدان يتعاون معه بشكل رائع

فلماذا يلهث قادة ورؤوس الاطياف السياسية ويشحتون مكسب سياسي من نظام ثار الشعب عليه

لماذا هذا الاستجداء من العسكري ومن الامريكان من خلفه .. لماذا لا يتصالخحون مع سعبهم ويستمون منه القوة والمدد

سادتي الافاضل

الموقف الان لايحتمل سوى ان نلتحم جميعا مع التحرير ومع كل تحرير في مصر لنقتنص ثورة يتم سرقتها من بين اعيننا

او

نذهب أيدي سبأ وينفض المولد ونراكم قريبا على اعواد المشانق وفي السجون والمعتقلات

لابد من الاصرار على تسليم السلطة الى سلطة مدنية الان وليس غدا

اليوم وليس بعد اسبوع

الان يتم تسليم السلطة ويتم محاكمة ثورية لكل من سفك دم هذا الشعب العظيم بدم بارد ولم تطرف له عين حين فقأ عيون شباب مصر

لابد من محاكمة هؤلاء وبشكل فوري

وتجري انتخابات برلمانية ورئاسية بشكل متزامن وينتهي حكم العسكر الان

اقول الان يا مصريين

دعونا من صوت العقل الذي لم نصل به الى شيء طيلة شهور وشهور من لعبة الكراسي الموسيقية بين اغبياء السياسة وتجارها

ولنسمع لصوت الثورة والتطهير مرة واحدة

هل رأيتم سحل جثث المتظاهرين

هل رأيتم فيديوهات الثناء على الضابط الذي اطلق النار على عين المتظاهر فهلل من حوله جدع ياباشا

هل رأيتم جر وسحل البنات من شعورهن على ارض الميدان

هل تتعطشون لمزيد من دماءكم يا اصحاب العقل

[ابراهيم عبد العزيز]

قلتها في أكثر من تعليق يا أخي عمدة

الموضوع ليس إجراء الإنتخابات من عدمه

الوضع الأن كالتالي : قوات الأمن وكل هذه القسوة التي قامت بها تجاه المعتصمين لم يكن شيئا عشوائيا وإنما هو مقصود لكي يبغضوا الشعب المصري والثوار في فكرة الإعتصام في حد ذاتها ولكي يسلبوا الشعب المصري واحدة من اكبر مكتسباته من ثورة 25 يناير وهو حق الإعتصام السلمي وبالتالي يقبل الشعب المصري وثواره بالفتات الفترة القادمة وليس لهم حق التعليق سواء بالقبول أو بالرفض

إذا تم فض الإعتصام فستكون هذه الخطوة بمثابة إسدال الستار على ثورة 25 يناير لأن الشعور الذي سيسود قوات الأمن هو أنهم كسروا الثوار في ميدان التحرير , وبعدها لا تنتظر أبدا إنتخابات نزيهة أو معبرة عن الشعب ولا تنتظر إنتقال للديموقراطية بشكل صحيح .

ما حدث في اليومين الماضين هو أكبر ضمانة لإجراء إنتخابات نزيهة وسيجعل من كان يخطط لتزويرها أن يفكر ألف مرة قبل أن يقدم على ذلك

لا ضير أخي عمدة أن يستمر الإعتصام في بقعة صغيرة من أرض مصر لا تمثل حتى 0.1% من إجمالي مساحة الأرض (وأقصد ميدان التحرير) وفي نفس الوقت تجري الإنتخابات في ياقي أرض مصر الشاسعة وبالتالي يصبح ميدان التحرير أشبه بمجلس رقابة للإنتخابات طوال فترة عقدها

تم تعديل 21 نوفمبر 2011 بواسطة ابراهيم عبد العزيز

[عصام أبوالفتح]

قلتها في أكثر من تعليق يا أخي عمدة

ولكي يسلبوا الشعب المصري واحدة من اكبر مكتسباته من ثورة 25 يناير وهو حق الإعتصام السلمي

واذا كان فهم المعتصمين للاعتصام السلمى غلط ؟!!!

الإعتصام مظهر احتجاجي ضد سياسة ما عن طريق الاحتلال السلمي لمكان أو مقر يرمز إلى الجهة التي تمارس السياسة موضع الاحتجاج . وكثيرا ما تلجأ الجماعات المعتصمة إلى التقدم بمطالبها و شعاراتها لأجهزة الإعلام و إشعار الرأي العام بأهدافها عن طريق الصحافة و أجهزة الإعلام. وقد شاع هذا النوع من الاحتجاج في الولايات المتحدة و لاسيما ضد سياسة التفرقة العنصرية في الأماكن العامة كالمطاعم ,الأمر الذي كان يلحق الضرر المادي بالمؤسسات المعنية.

[عدل] المصادر

• • موسوعة السياسية. من تأليف الدكتور. عبدالوهاب الكيالي.

ثم الى اسئلة بلا اجابات :

لماذا طوال عمر الثورة لم تنزل كاميرات الاعلام للتصوير مع المعتصمين واحصاء عددهم بوضوح ؟

لماذا لم نرهم يعرضون افكارهم ومطالبهم فى اى قناة تلفزيونية او فضائية ؟

لماذا كانت الكاميرات تتوالد عند الضرب فقط وعند الهجوم على الناس ؟

لماذا لم ينشر اى تقارير عن المعتصمين كما فعلت انا على سبيل المثال بوضع صور للخيام ومن يبيتون فيها وكنت مستاءاً مما رأيت والصور شاهدة ؟

لماذا كنا نسمع دائما عن اشتباكات بين مصورين وبين المعتصمين أو الباعة الجائلين !!! ... أثناء وجودنا بالتحرير بالنهار .. وأولادى شهود على ذلك

فما بالنا بالليل اذا فكر احدهم فى التقاط صور للخيام وبيان نوعية المعتصمين فيها ؟

............... قد تحمل الاجابات عن هذه الاسئلة مفاجآت عديدة

[عماد حمدي]

قرأت كل تعليقاتكم

و رايت أن من وجهة نظر البعض أن الإنسحاب الآن من الميدان يًُعتبر نهاية الثورة ؟؟؟

و لي تعليق علي هذه النقطة

نجاح الثورة مش نزول للميدان و أدخل في معارك مع العسكر أو الشرطة

دي معركة بينا إحنا الإتنين شباب الثورة و العسكر

و لازم يكون فيها خدعه أيوه سموها خدعة مش هزيمة و إنسحاب و إنكسار

أطلع أنا أذكى و أنصح منهم و أنسحب و ابين ليهم أني إنسكرت و و و و و

و أرتب لما هو أقوي و ابدأ من الآن كل واحد يعرف هيعمل إية في الإنتخابات لتأمينها

فرض حماية شاملة لكل المقرات الإنتخابية الترتيب مع الأهل و الجيران إزاي نأمن اليوم دا و ندافع عنه

بكل ما أوتينا من قوه ، إزاي في اليوم دا نحافظ فعلاً علي حريتنا اللي بنبنيها

هما عايزين يوصلونا للنقطة دي اننا ننسى اصلاً ان فيه إنتخابات

و العسكر داخل بيطحن مش بيهز و مش هيستسلم بسهوله لحد الإنتخابات ما تخلص

هيكون ساعتها ناس بتحارب في الميدان و ناس بتحارب عند اللجان

و مين في الميدان هيفضى اصلاً انه يروح ينتخب

مين هيديله الفرصة لكدة

و هتبقي هيصة و كلها تزوير و سرقة

و هيطلعوا لينا يقولوا شفتم مش عايزين إنتخابات أدي إحنا عملناها

و الفلول تنجح و مجلس الشغب يتعمل من فلول

و نرجع تاني لأيام المخلوع

طيب ليه و الحل في إيدينا من دلوقتي

كل اللي بيحصل دا لمصلحة الفلول ، و أي حزب وقف حملته الإنتخابية و قال هنزل الميدان

من وجهة نظري خايف من المواجهه و من الصندوق علشان ضعيف

و شايف ان مش من مصلحته ان الإنتخابات تتم في موعدها

و أخدها فرصه و جت لحد عنده علشان يأجلوا الإنتخابات

و يقدر يكون ليه شعبية تؤهله للمنافسه في البرلمان

هما و الفلول كل دا هياخد راحته و جت لهم عل الرااااااااايق أوي

يبقي الحل بقوله تاني ننسحب و كانها خدعة مش هزيمة للثورة زي ما انتم فاكرين

و نروح نأمن المقار الإنتخابية نأمن أول طوبة في مبني الديمقراطية اللي كلنا بنحلم بيها

العسكر بالشكل دا فتت أصوات كتير أوي مش هتقوم بالإنتخاب

و عايز يسحب التيار الإسلامي هوه كمان للميدان

و الإنتخابات هتتعمل في ميعادها بالفعل

[se_ Elsyed]

فما بالنا بالليل اذا فكر احدهم فى التقاط صور للخيام وبيان نوعية المعتصمين فيها ؟

لأ من غير ما تقول أو تصور

كان في حفلات جنس جماعي وعيال بتشرب مخدرات

مع تحيات طلعت زكريا

[عصام أبوالفتح]

فما بالنا بالليل اذا فكر احدهم فى التقاط صور للخيام وبيان نوعية المعتصمين فيها ؟

لأ من غير ما تقول أو تصور

كان في حفلات جنس جماعي وعيال بتشرب مخدرات

مع تحيات طلعت زكريا

ياريت متفسرش كلامى على مزاجك

[ابراهيم عبد العزيز]

الإعتصام مظهر احتجاجي ضد سياسة ما عن طريق الاحتلال السلمي لمكان أو مقر يرمز إلى الجهة التي تمارس السياسة موضع الاحتجاج . وكثيرا ما تلجأ الجماعات المعتصمة إلى التقدم بمطالبها و شعاراتها لأجهزة الإعلام و إشعار الرأي العام بأهدافها عن طريق الصحافة و أجهزة الإعلام. وقد شاع هذا النوع من الاحتجاج في الولايات المتحدة و لاسيما ضد سياسة التفرقة العنصرية في الأماكن العامة كالمطاعم ,الأمر الذي كان يلحق الضرر المادي بالمؤسسات المعنية.

[عدل] المصادر

• • موسوعة السياسية. من تأليف الدكتور. عبدالوهاب الكيالي.

السلام عليكم ورحمة الله

التعريف الذي تفضلت بوضعه يا أخي عصام للإعتصام السلمي لا أرى ما يخالفه في إعتصام ميدان التحرير

ولم أرى فيه ما يدعم وجهة نظرك والمتمثلة في ( واذا كان فهم المعتصمين للاعتصام السلمى غلط ؟!!! )

ورد في التعريف الذي وضعته :

أن الإعتصام مظهر احتجاجي ضد سياسة ما : ومتظاهري التحرير يحتجون على السياسية المتبعة في إدارة المرحلة الإنتقالية

عن طريق الاحتلال السلمي لمكان أو مقر يرمز إلى الجهة التي تمارس السياسة موضع الاحتجاج : متظاهري التحرير يحتجون على سياسات العسكري وبالتالي طبقا لتعريفك كان من المفترض أن يحتجوا في مقر المجلس العسكري وبما أنهم رفضوا هذا الأمر لعدم الإحتكاك وإختاروا ميدان التحرير للتعبير عن إحتجاجهم فهو شىء يحسب لهم لا عليهم .

وكثيرا ما تلجأ الجماعات المعتصمة إلى التقدم بمطالبها و شعاراتها لأجهزة الإعلام و إشعار الرأي العام بأهدافها عن طريق الصحافةو أجهزة الإعلام : هذه الجزئية من التعريف تقودنا لأحد أسئلتك التي سألتها : لماذا لم نرهم يعرضون افكارهم ومطالبهم فى اى قناة تلفزيونية او فضائية ؟ إذا كنت تقصد القنوات الحكومية , فهل أتاحت لهم هذه القنوات المنحازة المساحة للتعبير عن مطالبهم ورفضوا ؟؟

اما الفضائيات الإخبارية المحترمة والمحترفة مثل البي بي سي والجزيرة والعربية فقد عرضوا مطالبهم بها بكل وضوح ومنذ اول يوم في الإحتجاجات .

تم تعديل 21 نوفمبر 2011 بواسطة ابراهيم عبد العزيز