شارك برأيك . إستفتاء مع أو ضد فض الإعتصام بميدان التحرير ؟

[آل مصريم]

أنا مع فض الإعتصام بشكل مطلق... و تفضيلا أن يكون فض طوعى

البلد بتخرب... و ليس فى المنظور بهذه الطريقة إلا فوضى عارمه تأتى على ما بقى من اليابس!!! بعد إن طاااااار الأخضر

عندى قناعة تامة إن المجلس العسكرى ليس له أى فائده فى هذه الفوضى... و إنما المستفيد من ذلك هى القوى المتأسلمة التى دعت للجمعه و هيجت الناس ثم إنسحبت لتترك مفرطى الحماس ... يتفاعل حماسهم و ينقلبوا للتخريب.. إنحرافا عن ما نادوا به من الإعتصام السلمى... و سلم لى على أطفال الحجارة

[التونسى]

عقلى ((وسحقا لعقلى)) مع فض الاعتصام والتهدئه حتى بدء الانتخابات فى موعدها .. فهى بأى حال لن تكون فى فجر وعهر انتخابات((عز)) التى اشعلت ثورتنا المباركه .. مع مصلحة الوطن العليا .. وعدم الانقسام والتشتت اكثر من ذلك

قلبى ((وتبا لقلبى)) مع النزول بكثافة لمساندة اخواتنا فى الدين والوطن .. للحفاظ على دمائهم .. من جهه .. والحفاظ على الثورة من الموت المحقق من جهة اخرى ..((كما ذكر الاخ الفاضل عصام ابو الفتوح))

وما بين الصراع بين عقلى وقلبى .. تدور رحى الفتنة المنشوده ...((لو يفقهون ))

[Om Zayd]

عندى قناعة تامة إن المجلس العسكرى ليس له أى فائده فى هذه الفوضى... و إنما المستفيد من ذلك هى القوى المتأسلمة التى دعت للجمعه و هيجت الناس ثم إنسحبت لتترك مفرطى الحماس ... يتفاعل حماسهم و ينقلبوا للتخريب.. إنحرافا عن ما نادوا به من الإعتصام السلمى... و سلم لى على أطفال الحجارة

نقول كمان ... اتفق الجميع على عدم الاعتصام و أعلنوا هذا في يوم الجمعة

و يمكن الرجوع للفيديوهات و البيانات

أما وقد أصر البعض على الاعتصام السلمي (200 من أهالي الشهداء و الجرحى) دون تعطيل للمصالح و لا قطع للطريق

فبأي ضمير .. و بأي عقل و بأي قلب .. تتم مهاجمتهم بهذه الوحشية؟؟

و كيف ننكر على من نزل للدفاع عنهم؟؟

السؤال... كيف نترك الميدان دون أن ننكسر و تنكسر الثورة؟؟

يا رب أنر بصائرنا

يا رب آتنا رحمة من عندك و هيئ لنا من أمرنا رشدا

يا رب احفظ بلادنا

و رد كيد الكائدين في نحةرهم و اخزهم يا قوي يا عزيز

حسبنا الله و نعم الوكيل

حسبنا الله و نعم الوكيل

حسبنا الله و نعم الوكيل

[اثار]

احد التعليقات اللي قريتها في رصد لواحد راجع من الميدان حاسة ان كلامه معقول جدا

احد التحليلات السياسية للموقف الراهن

بعد العودة من ميدان التحرير ..

أستعن بالله و أقول :- المجلس العسكرى قادر تمام القدرة على فض الاعتصام فى ميدان التحرير و فض المظاهرات . و لكنه يلعب لعبة الاستنزاف :( فلا تسخروا من قادة عسكريين يعرفون كيف يديروا حروبا ) من باب أعطائه حقة فى فنه فهو يقوم الان باستنزاف الشعب ( مع العلم انه واضع نسبة من الخسارة البشرية ) وهذا لا يخفى على القادة العسكريين من الخسائر البشرية و يقدر نسبة لها و يرضى بها مثل مثلا 2% خسائر بشرية و 2% ايضا معدات و زخيرة .

فالاثبات على انه قادر على هذا :-

1- فض الاعتصام امس بمنتهى القوة ... و سيطرته على ميدان التحريركاملا ثم فجأة يترك الميدان ثانية للثوار .(ليه؟؟؟؟)

2- دخول الشرطة العسكرية و سيطرتها على الميدان اليوم قبل المغرب بدقائق و لم يأخذ ذلك جهد مع الشرطة العسكرية ففى أقل من 20 دقيقة سيطرت الشرطة العسكرية على الميدان .

ثم أيضا بعد وقت قصير ترك الميدان للثوار مرة أخرى .(ليه؟؟؟؟).

فهو الان يلعب سياسيا مع فضيل واحد من القوى السياسية فى مصر و يحاول استدراجة و استنزافه الى معركة فاصلة . طب ليه يعمل كده ؟؟؟؟؟ الاجابة عشان هو خسران خسران فى الاتنخابات ....

و سوف يأتى فصيل غير مرغوب فيه خارجيا و داخليا على المستوى القيادى (فهو لابس لابس ). قال خلاص اخر محاولة يا صابت يا خابت قلك استدرجة يا أنزله التحرير وتبقى هى ده المعركة الفاصلة و اشيلهاله .

يا مينزلش و الشعب كله يخونه و يخسر جزء من شعبيته الى كان واخدها قبل اليومين دول وأهز صورته امام الشعب كله ...

والاعلام الذيذ بتاعنا يحط حبت بهارات و يزود الفلفل الاسود.

و بالتالى فى حرب استنزاف بينه و بين الفصيل السياسى ده و الغلبة ان شاء الله لمن استعان به على كل هذا ثم الاطول نفسا و الاكثر جلدا و صبرا و الله المستعان

انا كنت مع النزول باعداد كبيره لاجبار الجيش والشرطة علي الانسحاب وبعدها يتم انسحاب الجميع من الميدان بدون استثناء

بعد ما قرأت المداخلة دي غيرت رايي من الافضل تفويت الفرصة علي المجلس العسكري مما يبدو انه استدراج

ولحماية اخواننا في الميدان يجب ان نحاول اقناعهم بالانسحاب

الافاضل اللي بيقولوا ان المجلس هيعتبر انه قضي علي الثورة بالعكس خليه ينخدع انه انتصر علي الثوار

وانسحبوا وبعد الانتخابات او حتي لو اجلها هيشوف الحشد الحقيقي والمصريين بكل قوتهم خصوصا لو اتحدوا الاخوان والسلفيين

للحشد ده

الاعتصام علشان ينجح ويفيد لازم يكون كل الطوائف متحده ذي ايام الثوره وغير كده مش ممكن

سمعت مكالمه لاحد لمعتصمين يقول ان الهتاف اسقاط المشير وده في نظر الناس بيدعو لسقوط الدوله

[doctor ayman]

وما زال البعض يطالب بالحرية والبعض الأخر يطالب بتحسين شروط العبودية ...مش حقولك غير كلمة احمد حرارة

“‎@FatmaAbed‏: اعيش اعمى ولا اني اعيش بعين مكسورة ...هذا ما قاله احمد حرارة الذي فقد عينيه فداء لمصر”

أنا بفكر بعقلي كل وقت و ليه أدان

حضرتك غلطان

مش مطلوب تفكر بعقلك - المفروض تجرى مع القطيع

و تحرق البلد

و لو توقفت دقيقة و سالت انتوا بتجروا رايحين فين

و لية تجروا من سكة الندامة مدام فية سكة السلامة

تبقى فلول او حزب كنبة او ذليل

اتفق معك تماما

مع الاسف اي حد يرفض التصعيد وينصح بتأجيل الاعتصام يصبح خائن

الكل ينافق الثوار ويشعل النار اكتر واكتر

حازم ابو اسماعيل كان بطل وشجاع في نظرهم حتي يوم الجمعه

عندما دعا الناس للعوده لبيوتهم اصبح خائن

ممدوح حمزه كان ينفق علي حركه 6 ابريل من جيبه ويشتري الخيام والملصقات علي حسابه

وعندما دعا للتهدئه وفض الاعتصام اسماه الاخ تيمور اكبر خروف

كلنا نريد مصلحه البلد قد نتفق في الطريق وقد نختلف

لكن علي الاقل لا نخون بعض مش كل من يدعو للتصعيد بطل ومش كل من يدعو للتفاوض والتعقل خائن

منذ قيام الثوره والمجلس العسكري الفاشل لم يتخذ اي خطوه في الطريق الصحيح سوي الانتخابات

صحيح هي اتاخرت 6 شهور لكن هي اول خطوه علي طريق نقل السلطه غصب عن المجلس

فهل العقل يقول نخطو هذه الخطوه ام نعود اي الوراء عشرين خطوه

تم تعديل 21 نوفمبر 2011 بواسطة doctor ayman

[Ahmed Anwer]

أنا طبعا مع فض الإعتصام

بس مين بيتحكم في الشارع ؟؟؟

محدهش يا سادة

[عصام أبوالفتح]

الإعتصام مظهر احتجاجي ضد سياسة ما عن طريق الاحتلال السلمي لمكان أو مقر يرمز إلى الجهة التي تمارس السياسة موضع الاحتجاج . وكثيرا ما تلجأ الجماعات المعتصمة إلى التقدم بمطالبها و شعاراتها لأجهزة الإعلام و إشعار الرأي العام بأهدافها عن طريق الصحافة و أجهزة الإعلام. وقد شاع هذا النوع من الاحتجاج في الولايات المتحدة و لاسيما ضد سياسة التفرقة العنصرية في الأماكن العامة كالمطاعم ,الأمر الذي كان يلحق الضرر المادي بالمؤسسات المعنية.

[عدل] المصادر

• • موسوعة السياسية. من تأليف الدكتور. عبدالوهاب الكيالي.

السلام عليكم ورحمة الله

التعريف الذي تفضلت بوضعه يا أخي عصام للإعتصام السلمي لا أرى ما يخالفه في إعتصام ميدان التحرير

ولم أرى فيه ما يدعم وجهة نظرك والمتمثلة في ( واذا كان فهم المعتصمين للاعتصام السلمى غلط ؟!!! )

ورد في التعريف الذي وضعته :

أن الإعتصام مظهر احتجاجي ضد سياسة ما : ومتظاهري التحرير يحتجون على السياسية المتبعة في إدارة المرحلة الإنتقالية

عن طريق الاحتلال السلمي لمكان أو مقر يرمز إلى الجهة التي تمارس السياسة موضع الاحتجاج : متظاهري التحرير يحتجون على سياسات العسكري وبالتالي طبقا لتعريفك كان من المفترض أن يحتجوا في مقر المجلس العسكري وبما أنهم رفضوا هذا الأمر لعدم الإحتكاك وإختاروا ميدان التحرير للتعبير عن إحتجاجهم فهو شىء يحسب لهم لا عليهم .

وكثيرا ما تلجأ الجماعات المعتصمة إلى التقدم بمطالبها و شعاراتها لأجهزة الإعلام و إشعار الرأي العام بأهدافها عن طريق الصحافةو أجهزة الإعلام : هذه الجزئية من التعريف تقودنا لأحد أسئلتك التي سألتها : لماذا لم نرهم يعرضون افكارهم ومطالبهم فى اى قناة تلفزيونية او فضائية ؟ إذا كنت تقصد القنوات الحكومية , فهل أتاحت لهم هذه القنوات المنحازة المساحة للتعبير عن مطالبهم ورفضوا ؟؟

اما الفضائيات الإخبارية المحترمة والمحترفة مثل البي بي سي والجزيرة والعربية فقد عرضوا مطالبهم بها بكل وضوح ومنذ اول يوم في الإحتجاجات .

شكرا اخى ابراهيم على الربط بين تعريف الاعتصام واسئلتى الحائرة .. ولكن ما اعنيه هو تصوير فعلى للصينية من الارض ولخيام المجمع من الارض وليس الصورة العامة التى تظهر ثم اللقاءات التليفزيونية على الفضائيات المحترمة دى بتكون مرتبة واماكن تصويرها اما على الكورنيش او وراء المتحف فى عبدالمنعم رياض بعيد عن الاندساس فى الكادر تلك العادة القبيحة للمصريين .. وعلى ذلك جرت كل اللقاءات ليس فعليا وسط الاعتصام .. لما رحت مع العيال بعد المغرب مش بالليل طبعا وقت النوم كان مناظر الناس بكل امانة غجر والعيال خافوا منهم .. وقولتلهم دول باعة جائلين من كسوفى .. قاعدين مبيعملوش حاجة جنب الخيم وشكلهم لا مصابين ولا اهالى شهداء مش معقول كلهم عينة واحدة .. لكن بكل امانة بقولها غجر للى شاف النوعية دى فعلا هايفهم قصدى .. انا اللى افتقدته بعض الاستفتاء هو هدف للتظاهر .. كان كل مليونية مشمومة تتجمع عشان مطالب فئوية .. وبما انى مغترب ففكرت فعلا فى مليونية عشان حق التصويت .. وبعدين كتبت مدونة والصبر الان خيرا منه على صفحتى ونشرت الصور النهارية فقط على الفيسبوك لانى لم اصور فى المساء اصلا .. اولادى خافوا من الميدان وشكل الناس هناك .. وواحدة منهم عطشت والميه اللى معانا خلصت فلقيت كل الازايز اللى بتتباع فى الميدان سخنة ومحطوطه فى ميه شبه شائعة .. مش سائعة خالص فرحت واخدهم وكنت عايز اشرب شاى وقعدنا على قهوة التحرير جوه بعد العديد من الاعتراضات من المدام ... لكن كنت عايز استطلع الاجواء القهوجية فى الميدان .. دخلنا وقعدنا وطلبنا وبعدين دخل مجموعة شباب صغير من 15 - 20 وبنات نفس السن .. اشكالهم مش مريحة وهات يا شيشة وسجائر وكلام بذئ لحسن الحظ ولادى يسمعوه لاول مرة ولا يعرفون معناه كأنهم كانوا بيتكلموا صينى وطبعا ولادى بيبصوا لهم بقرف .. وطلعوا دول اللى بيأمنوا الميدان !!

عايز اقول ان اللقاءات بتبقى مع الوجوه الفوتوجينك والمشهورة .. اما الناس البسيطة دى فكل المطلوب كلمتين وبيرددهم .. واذا طولت شوية مش هاتلاقيه فاهم الالف من كوز الدرة ... بعد القعدة دى بدأت مشاهد ميدان التحرير لا تثير حماس اولادى كما كان الوضع قبلها .

ومحصلش ريبورتاج او تحقيق فعلى طول فترة الاعتصامات ( بعد الاستفتاء ) لتغطية هذا الامور وبيان جوانبه .

مش عايز حد رجاء ينط لى ويقول طلعت زكريا والكلام ده ... دى شهادتى امام الله .. وايام ماقبل التنحى كان انضف ناس فى البلد هما اللى مالين الميدان حتى اخواتى الثلاثة كانوا معاهم خيمة لهم وطلعت صورتهم فى الشرق الاوسط ... واخواتى الثلاثة ومعهم كل من اعرف لم يعتصم بعد التنحى .. فمن يفعل ذلك الان .. ولأى هدف ؟ وبأى تكلفة.. ؟

[عصام أبوالفتح]

منذ قيام الثوره والمجلس العسكري الفاشل لم يتخذ اي خطوه في الطريق الصحيح سوي الانتخابات

صحيح هي اتاخرت 6 شهور لكن هي اول خطوه علي طريق نقل السلطه غصب عن المجلس

فهل العقل يقول نخطو هذه الخطوه ام نعود اي الوراء عشرين خطوه

كلام سليم مليون المية عدا هذا النقطة التى اصبحت كعقيدة ودين عند الجميع يصعب تغييرها .. الانتخابات فى موعدها تماما يا سادة والدليل المادة 41 من الاعلان الدستورى الصادر فى 30 مارس والتى نصت ان بدء الاجراءات خلال ستة اشهر والاجراءات بدأت فى 27 سبتمبر بفتح باب الترشيح بعد تعديل قانون مجلس الشعب والشورى عدة مرات وبعد اتاحة عدة اشهر لتكوين الاحزاب الجديدة

[عماد حمدي]

خطــــــــة المجلس العسكـــــــــري

المجلس العسكري يسعى لجر الثوار للعنف ومن ثمَ تخوين تيار معين و شن حملة اعلامية ضده

وبالتالي ينقسم الشعب وتنشر الفوضى وبعدها يفرض علينا المجلس العسكري الاختيار بين الفوضى و قوة العسكر وتسرق الثورة !!

اطالب الجميع من الاحتراس من تخوين تيار معين لتقسم الشعب !

[عماد حمدي]

و قرر الإخوان النزول و ربنا يستر نازلين بكل تقلهم ..

و كلمت محمد أخويا دلوقتي أتأكد برده ، قال انه طلع قرار خلاص من مكتب الإرشاد و كلهم نازلين

و محمد أخويا نازل هوه كمان .. و هتبقي مدبحة مش مجزره بقا

أخويا حُر مش هفرض رآي عليه .. حتى أبويا 61 سنة نازل !!

ربنا يستر و كد البلد ضاعت و كل ثورة و أنتم طيبين

هيتعاد مسلسل 54 من جديد

و ضاعت البلد ..

الناس دلوقتي بقا هتسيب الميدان و تتكلم عن الإخوان و ركبوا و مركبوش !!

أكبر غلطه الإخوان عملتها بجد ، إنها خدت قرار تنزل .. محاولة من المجلس لسحبهم و جرهم للميدان

لتبرير فرض الأحكام العرفية

[mfarag]

و قرر الإخوان النزول و ربنا يستر نازلين بكل تقلهم ..

و كلمت محمد أخويا دلوقتي أتأكد برده ، قال انه طلع قرار خلاص من مكتب الإرشاد و كلهم نازلين

و محمد أخويا نازل هوه كمان .. و هتبقي مدبحة مش مجزره بقا

أخويا حُر مش هفرض رآي عليه .. حتى أبويا 61 سنة نازل !!

ربنا يستر و كد البلد ضاعت و كل ثورة و أنتم طيبين

هيتعاد مسلسل 54 من جديد

و ضاعت البلد ..

الناس دلوقتي بقا هتسيب الميدان و تتكلم عن الإخوان و ركبوا و مركبوش !!

أكبر غلطه الإخوان عملتها بجد ، إنها خدت قرار تنزل .. محاولة من المجلس لسحبهم و جرهم للميدان

لتبرير فرض الأحكام العرفية

ملاحظة

مش عارف ربما اكون مخطى

انا شايف ان الداحلية كان ممكن و سيطرت فعلا على الميدان

مرات عديدة

ثم انسجبت

يا ترى حد لاحظ كدة ولا انا غلطان

ولو الملاحظة صحيحة

هل هو فخ لاستدراج الناس ام محاولة لابقاء الاحداث مشتعلة كمبرر لالغاء الانتخابات

[عصام أبوالفتح]

و قرر الإخوان النزول و ربنا يستر نازلين بكل تقلهم ..

غير صحيح .. د محمود غزلان المتحدث الرسمى للجماعة لسه نافى الكلام ده على دريم 2 ...

وفى نفس الوقت اللى رحب حرس الميدان بممدوح حمزة تم طرد د محمد البلتاجى من الميدان واجبروه على الخروج

تم تعديل 21 نوفمبر 2011 بواسطة عصام أبوالفتح

[رضوي]

صعب اوي ننسحب دلوقتي بعد كل اللي شوفناه

النهاردة يوم صعب جداً ............ واعداد المصابين والوفيات لحد دلوقتي ماحدش يقدر يحدده

بلطجية علي شرطة علي جيش وكله بيضرب في المتظاهرين ............ مُصرين يشوهوا صورة الثورة والثوار .......... مُصرين يقولوا للعالم كله ان الثوار بلطجية وبيتعدوا على الداخلية

ونفس السيناريو بيتعاد من تاني ادمنا ............

س : اذكر في ايجاز الفروق الواضحة بين اول ايام الثورة وبين مايحدث اليوم ؟؟؟

ج : لايوجد اي فروق جوهرية يمكن ذكرها !!!!

نفس الاسلوب المستفز ........... دة حتى طنطاوي مااتعلمش من حسني

حد يقولي فين مطالب الثورة اللي اتحققت ؟؟؟؟؟؟

بلاش

حد يقولي رقم محدد لأعداد المصابين والشهداء ؟؟؟؟؟؟

بلاااااااااااااااش ................. حد يشوف اللي بيحصل في مشرحة زيهم

ياناس دول لسة بيطلبوا من اهالي الشهداء التوقيع علي ان ابنائهم ماتوا بهبوط في الدورة الدموية ؟؟؟؟؟؟؟؟؟؟؟

يييييييييييييييييييييييييييييه احنا خلاص فاض بينا

النهاردة كل المستشفيات القريبة من الميدان اتملت مصابين

بعد دة كله مااقدرش اقولهم انسحبوا ............. يمكن كنت ضد الاعتصام من بعد يوم الجمعة ......... لكن النهاردة اصبحت في حيرة من امري ............ بين مايحدث بالفعل .......... وبين مايجب ان يحقق لمصلحة البلاد

اللهم اني استودعك بلادي فاحفظها واحفظ اهلها يارب العالمين

[spain]

كنت ضد الاعتصام

ولكن...الموضوع فلت من ايديهم ....وايدينا

دائماً ما يتخذ الكبار قرار الحرب، ولكن الصغار هم من عليهم خوض الحرب والموت فيها. ....وما حدث كان العكس

[pink rose]

و قرر الإخوان النزول و ربنا يستر نازلين بكل تقلهم ..

غير صحيح .. د محمود غزلان المتحدث الرسمى للجماعة لسه نافى الكلام ده على دريم 2 ...

وفى نفس الوقت اللى رحب حرس الميدان بممدوح حمزة تم طرد د محمد البلتاجى من الميدان واجبروه على الخروج

علي فكرة و لا حد فينا يعرف اي حاجه

من شوية قريت على رصد ان ممدوح حمزة حاول يدخل الميدان مرتين و انطرد

و من شوية برنامج وائل الابراشي قال ان المهندس ابو العلا ماضي حاول يدخل الميدان و انطرد اللطيف ان الهيئة العليا للحزب مجتمعة في المقطم يعني المهندس ابو العلا ما راحش الميدان اصلا

بس يعني الاعلام يقعد فاضي؟؟؟؟

ما يولعش الدنيا دي حتى تبقى عيبه في حقه

[عادل أبو عمر]

و محمد أخويا نازل هوه كمان .. حتى أبويا 61 سنة نازل !!

ربنا يبارك فيكم يا عماد

بإذن الله يأتي النصر مع مثل هذه القلوب

ربنا يحفظ الجميع

ربنا آتنا من لدنك رحمة و هيئ لنا من أمرنا رشدا

تم تعديل 21 نوفمبر 2011 بواسطة عادل أبو عمر

[عماد حمدي]

و قرر الإخوان النزول و ربنا يستر نازلين بكل تقلهم ..

غير صحيح .. د محمود غزلان المتحدث الرسمى للجماعة لسه نافى الكلام ده على دريم 2 ...

وفى نفس الوقت اللى رحب حرس الميدان بممدوح حمزة تم طرد د محمد البلتاجى من الميدان واجبروه على الخروج

دا قرار رسمي من مكتب الإرشاد يا أستاذ عصام و تأكدت بنفسي من ذلك بإتصالي بمصر .. و تم تأكيد الخبر ..

إتفضل و بلاش كلام من غير دليل .. مش ناقصة هيا خالص

http://www.youtube.com/watch?v=5mXzccVepjg&feature=player_embedded

تم تعديل 21 نوفمبر 2011 بواسطة omda2006

[عماد حمدي]

هل سيتكرر هذا السيناريو

لقد نجح المجلس العسكري في سحب كل الشعب إلى الميدان و ستكون معركة دامية

[عماد حمدي]

خبر عااااااااااجل جداً جداً جداً جداً

كشف مصدر عسكري عن التوصل لمخطط وضعه عدد من رجال النظام السابق المسجونين حاليًّا في سجن مزرعة طره، خاصةَ مَن صدر في حقهم أحكام قضائية، يقضي بإحداث حالة من الفوضى في الشارع المصري تصل إلى حدِّ فتح واقتحام السجون تمهيدًا لهروبهم.

وأضاف المصدر في تصريحاتٍ خاصة أن كل الاضطرابات الحالية التي تحدث في المشهد السياسي المصري غير بعيدة عن هذا المخطط، خاصةً الفتنة بين القضاة والمحامين، واعتصامات أمناء الشرطة وغيرها، للحيلولة دون إجراء الانتخابات، وإطالة الفترة الانتقالية بمزيدٍ من الفوضى حتى فتح السجون مرةً أخرى، فيما يُعرف بالثورة المضادة، وانتهاءً بهروبهم خارج البلاد.

المصدر

[عصام أبوالفتح]

خبر عااااااااااجل جداً جداً جداً جداً

كشف مصدر عسكري عن التوصل لمخطط وضعه عدد من رجال النظام السابق المسجونين حاليًّا في سجن مزرعة طره، خاصةَ مَن صدر في حقهم أحكام قضائية، يقضي بإحداث حالة من الفوضى في الشارع المصري تصل إلى حدِّ فتح واقتحام السجون تمهيدًا لهروبهم.

وأضاف المصدر في تصريحاتٍ خاصة أن كل الاضطرابات الحالية التي تحدث في المشهد السياسي المصري غير بعيدة عن هذا المخطط، خاصةً الفتنة بين القضاة والمحامين، واعتصامات أمناء الشرطة وغيرها، للحيلولة دون إجراء الانتخابات، وإطالة الفترة الانتقالية بمزيدٍ من الفوضى حتى فتح السجون مرةً أخرى، فيما يُعرف بالثورة المضادة، وانتهاءً بهروبهم خارج البلاد.

المصدر

اخيرا لاعب العرائس الخفى! تفاصيييييييييييي