كلمات "ناعوم تشومسكي" خلاصة للثورة المصرية

[الغريب]

برجاء نشر هذا الفيديو لتعم الفائدة

http://www.youtube.com/watch?v=8nPXSsK7QTY

[طارق مصرى]

جزاك الله خيرا

و لكن الكلام مش جديد الكلام ده ناس كتيره بتقوله من شهور و لكن بفضل الله ان الشعب عارف كده و ده يفسر الجمعات المتتالية و الانتفاضات ضد الحكم العسكرى الى الان و الشهداء ان شاء الله الذين قتلوا منذ يوم الجمعة

انا اعتقد و الله اعلم ان امريكا دلوقتى بدور على بديل للمجلس العسكرى او عندها البديل بس عارفة لو نزل الانتخابات مش هيفوز و يكون مدنى يؤدى نفس دور نظام مبارك و لكن فى ثوب الديموقراطية و المدنية و ربما ده سر تشبس المجلس بالسلطة لحد ما امريكا تديله الاوكيه ان كله خلاص العميل بتاعنا متظبط و الامور متظبطه انه يفوز بالانتخابات

[ssamir]

اتفرجت علي الفيديو دة امبارح

رايي من زمان من اول ما قامت الثورة

عندي يقين ان الوضع هيتحسن و عمر ما زمان هيرجع تاني

بس بخسارة قد ايه و لسة فاضل قد ايه اللة اعلم

بس قال اللة عز و جل - أن ينصركم الله فلا غالب لكم

[Salwa]

شوف حضرتك.

لو عاوز عشرين فيديو زى دول مستعدة اجيبهم حالا واضعهم هنا .

فيديوهات من اساتذة ومحللين وصحفيين من كل انحاء العالم والأكثرية اميركان برضه.

الكل بيقول ان كل اللى بيحصل ده تم التخطيط له منذ سنين طويلة .

الكل بيتكلم وبيحكى وكل واحد له وجهة نظر .

المشكلة او نقطة الاختلاف بين رأيهم وبين الحقيقة الواقعة ايه؟؟

ان ... مش كل الموديلات تليق على كل الناس .

لكن....بعض الموديلات تليق على بعض الناس .

وده على فكرة ف كل شئ........مش ف السياسة بس.

التخطيط تم...ماشى حانقول انه تم.

اللى مكانش ف الحسبان بقى (( حتى لو كان فيه تخطيط سابق يعنى على اسوأ الفروض )) ان كووووووول الشعوب تقوم عن بكرة ابيها وتصرخ وتطالب بالتغيير ..

متقدرش تقنع شعب كاااااامل ......بكل ملايينه .....يمشى وراك لمجرد انك صرخت ف النفير .

مش حايحصل ومش بيحصل ..

يعنى لو كانوا (( على كلامه )) عاوزين يتخلصوا من نظام مبارك ويجيبوا بديل ..

طيب ماهو بمنتهى البساطة البديل كان جاهز ...,كان ممكن بشوية تمويه وشوية ( بولوتيكا ) زى مثلا لما حصل الاختلاف ف مباراة الجزائر وايضا ف المباراة المقامة فى السودان .....هما كلمتين اتنين قالهم (( الطفل المعجزة واخوه )) قلبوا الدنيا رأسا على عقب .

والناس بدأت ( ترتاح نفسيا ) ان ياسلام دول معانا ودول حاسين بينا .

و...

ياحبذا بقى (( لما الشاب الجهبذ ) يطلع بكام قانون جديد وشوية تغيير شبابى وينصح والده بتغيير شوية وزرا ء......ويخفض ثمن الرغيف قرش صاغ ...,انبوبة البوتاجاز عشرة صاغ ....واللحمة تبقى حسب التسعيرة باربعين جنيه .

وشوية حركات وكام حفلة فيها كام مغنية من بلد عربى تغنى المصريين اهمه .

ولما حد يحتج علشان الشرطة بتعامل الناس بطريقة قاسية .

وماله....مايجراشى .( مايجراش حاجة يعنى بلغتهم ) ..

ويجيبوا كام مخبر على ظابط والا اتنين و(( يضحوا بيهم )) ...,يطلع كام صحفى قابض يكتب .......لأول مرة ....معلومات تفيد بأن المشير عبد الحكيم عامر ...ووووو.....وان عبد الناصر.....وووو..........وفضائح صلاح نصر...ووووو

شمس بدران....وقول ياتاريخ...

الريان والسعدى والشريف........تنظيف البلاد من شر العباد..

يلهونا يعنى بشوية اخبار هابلة ...وملهاش اى قيمة دلوقت..

اى عك يعنى ..قديم.

كووووول ده كان سهل .............ومكانش حايحتاج لتخطيط دسم يعنى .

خصوصا مع شعب ((( ظنوا انه استكان بعد سنين الاستعباد عن طريق .....اقصد بعدة طرق...دخل لايكفى .اسعار فى السما...محدش فاضى ولا يقدر يثور )))

لكن؟؟

تأتى الرياح بما لاتشتهى السفن ((( بالنسبة لهم ...دول ودول.....بتوع اميركا وبتوع مصر )))

الشعب صاحى والشعب هو اللى حا يخطط لبلده اللى حايبنيها من جديد .

الصورة انهاردة قاتمة ؟؟؟..........هى فعلا باينة قاتمة جدااا.

لكن ان شاء الله كل شئ حايرجع صح .

وكلمة اخيرة ..(( اميركا ضعيفة ...اميركا بها خمسين مليون يعيشون تحت خط الفقر ودى معلومة اكيدة )) اميركا بتحاول تاخد ثروات العالم علشان تقدر تعيش هى .

لكن الشعوب فاقت ...واول شئ ينضف البيت من الداخل وبعدين نبقى نفوق للخارج او بمعنى اصح لما يبقى البيت نضيف من الداخل محدش حايقدر يقرب لنا .

وربك لما يريد ...

بيكون كل شئ...

كن فيكون .