هيا سنة سودة من اولها والله ....

[jamalpody]

بسم الله الرحمن الرحيم

معلش أنا مش قادر أسكت أعذروني لأن كمية الكلام إلي أقل ما يقال عليه ( كلام مستفذ ) بكل ما تحمله الكلمة من معاني كتير أوي و أنا مش من النوع إلي يشوف و يقرا كلام زي دة و يفضل ساكت

البداية أنا حأصنف الناس إلي همة ضد الثورة لصنفين إتنين مالهومش تالت

أولا :- الناس ضد الثورة ( كانوا بيحبوا الرئيس المخلوع و عايشين و متمرمغين في نعيمه و عزه و لما ربنا يفتكروا طبعا مش حيسيب العزبة أكيد كان المحروس إبنه حيورثها بكل ما فيها

ثانيا :- الناس ضد الثورة ( صعبان عليهم البلد و إلي بيحصل فيها من تخريب و تدمير ) دول طبعا أنا مش بألومهم و يمكن يكون معاهم حق من الناحية النظرية , طيب من الناحية العملية بأة !!! تعالوا كدة نتكلم بهدوء , مصر بعيد عن السامعين زي المريض إلي عنده سرطان , سرطان و عمال ينتشر بكل بجاحة و في كل شبر من أرضها , السرطان دة إسمه الحزب الواطي اللاديموقراطي و لجنة السياسات بأة و المجالس المحلية و مجلس الشعب و الشورى و المحافظين و الوزرا …. إلخ إلخ إلخ لمالا نهاية , نجاسة في نجاسة , واكلينها والعة , ناس ما يملاش عينها إلا التراب , الناس الوسخة دي مش وليدة اللحظة ولا حتى في عهد المخلوع بس لأ دول إتوجدوا من أيام الثورة الخايبة بتاعت 52 لما الظباط الأحرار إستولوا على الحكم و بدأ حكم العسكر في البلد , حكم العسكر إلي خلى مصر نااااااشفة و مقددة على كل الناس إلا عليهم همة , أحسن و أعلى المناصب مستوليين عليها و بيورثوها لولادهم و ولاد ولادهم , أحسن مرتبات و مزايا و بيوت و أراضي و و و و و لمالا نهاية , يعني بالعربي البلد كانت بلدهم و مبرطعين فيها بالطول و بالعرض و بالورب كمان , السؤال إلي أنا بأسأله للناس إلي قلبها على البلد بأة هل عندك حل تاني غير الثورة علشان البلد تنضف من الأشكال الوسخة النجسة دي ؟ و لو الإجابة آه ياريت نسمع من حضراتكم علشان نستفيد برضه , الورم السرطاني دة كان عمال يكبر و يكبر و كل ما بيكبر بيتشعب و بينتشر بصورة رهيبة , ماكانش فيه حل تاني حضراتكم إلا الثورة و حتى للأسف الثورة ما نجحتش النجاح إلي الناس متوقعاه و علشان كدة كان لازم الناس تفوق تاني لأن السرطان لو رجع تاني حيكون أقوى بكتير من الأول و أشرس و حيبأة صعب أوي لدرجة الإستحالة إن البلد تقوم ليها قومة بعد كدة , دلوقتي نغمة العلمانية و السلفية و البتنجانية بأقول للناس إرحمونا و إرحموا نفسكوا شوية البلد زي ما قلت و بأقول مريضة و في حالة صعبة عاوزة جراحة , إنتم بأة عاملين زي أهل المريض إلي مرمي على سرير الموت و عمالين يتخانقوا مع بعض , أنا عاوز إلي يعمل العملية جراح من القصر العيني , يرد التاني لأ أنا عاوز جراح من مستشفى جمال عبد الناصر , و التالت لأ لأ أنا عاوز إلي يعمل العملية جراح يكون بيعرف ربنا و يدخل برجله اليمين و يسمي قبل ما يبدأ , يفضلوا يتخانقوا مع بعض كدة لحد ما المريض يموت و يروح , و في الآخر حيمسكوا في بعض و كل واحد حيرمي التهمة على التاني , إنت إلي موته إنت السبب لأ إنت السبب لأ إنت ... و هكذا , أنا مش عارف أقول إيه أكتر من كدة الكلام خلص , أحلى حاجة حأختم بيها كلامي الشباب إلي زي الورد إلي بيموت علشان خاطر بلده تبأة في حال أحسن إيه إلي هو مستفيده ؟؟ دة مات خلاص يعني مش حينوبه من الحب جانب و الشاب دة وقف قصاد سلطان جائر أظن دة يعتبر جهاد في سبيل الله و يستاهل عليه لقب شهيد , كمان مستخسرين لقب شهيد عليهم !!!!

[عماد حمدي]

وشكرااا ... وبكدة القارئ الى هيقرا الموضوع سمع كل وجهات النظر

إزاي ياعني القاريء اللي هيقرا الموضوع هيسمع ..

الناس بقت بتقرا بودانها يا جدعان و لا إية !!

إحنا اسفين يا ريس بيقروا بودانهم يا جدعان

لا اله الا الله .. ودا من أمته يا محمد :LOL