ازاي تساعد ميدان التحرير؟

[Dreamwithme]

السلام عليكم ورحمة الله وبركاته

أنا بأفتح الموضوع ده هنا ليس لمناقشة رأيك في ما يحدث في التحرير

لكن هناك دماء تراق وأرواح تزهق وواجب علي كل فرد منا المساعدة بما يستطيع

هنا هتلاقي إزاي تساعد في حدود إمكانياتك

ازاي تساعد ميدان التحرير؟

دعم كل فرد مهم, حتى لو مش قادرين تبقوا معانا في الميدان في طرق كتيرة ممكن تساعدونا بها هناك. هاحاول أجمع هنا كل طرق المساعدة من داخل و خارج الميدان.

1- متطوعين:

محتاجين متطوعين من الأطباء يبقوا متواجدين في المستشفيات الميدانية. في مستشفى في جامع عمر مكرم و مستشفى في كنيسة قصر الدوبارة خلف المجمع. الاتنين بعاد عن خطوط التشابك مع الأمن المركزي. مش كفاية أخصائيين كبار في المستشفيات, محتاجين أطباء في الميدان نفسه لسرعة الاسعافات. محتاجين متطوعين كتير لأن الاصابات و القتلي في تزايد و الأطباء اللي هناك أرهقوا. بالأخص أطباء جراحة, عظام و رمد.

محتاجين متطوعين محامين . أما بتواجدهم عند مشرحة زينهم للمتابعة مع أهالي الشهداء و التأكد من اتخاذ الاجراءات اللازمة لاثبات الاصابات التي أدت للوفاة, او بالتواجد في نيابة قصر النيل - محكمة عابدين للتواجد مع المتظاهرين المقبوض عليهم و الموجه لمعظمهم حتى الان تهم اصاباة و قتل زملاءهم المتظاهرين!! للتنسيق أتصلوا بجبهة الدفاع عن متظاهري مصر 01220624003 أو التوجه لمركز هشا مبارك للقانون 1ش سوق التوفيقية , الدوا الخامس. خلف دار القضاء العالي- وسط البلد

متطوعين عند مشرحة زينهم , يتواجدوا مع أهالي الشهداء لدعمهم معنويا و للتصدي لأاي محاولات من العاملين بالمشرحة لفبركة التقريرات أو التعتيم على الاجراءات

2- التبرع بالدم:

التوجه لمستشفى القصر العيني القديم - مركز الدم

3-اعاشة و احتياجات للمستشفى الميداني و للشهداء:

أكل نواشف ( بسكوت بالعجوة, بقسماط, .. ) , تمر, موز, لبن, عصائر, مياه, حلاوة, مربى, عيش, معلبات سهل الفتح

ماسك و نظارات ماء للوقاية من الغاز المسيل للدموع ( بيتباعوا في محلات الأمن الصناعي ش الجمهورية محطة مترو أحمد عرابي, الماسك ب 13 جنيه )

توابيت للمشرحة في زينهم . ممكن تشتروها من جورج عزيز نهاية شارع الترعة البولاقية شبرا

كمامات , بخاخات تنفس فنتولين, هيدرو سيف (يخفف من أعراض الغاز المسيل للدموع) , محلول ملح. محلول جفاف, فولتارين امبولات, ابيكو جل , قطرة نافكون, مراهم حروق.

بطاطين و كوفرتات

تابعوا احتياجات المستشفى و الميدان على تويتر على هاشتاج #TahrirNeeds‏

تابعوا نقاط تجمع الاعاشة في مناطق مختلفة من القاهرة

المعادي : 01007779965 والاسم أحمد عزب

الزمالك: 01223293958

باقي الأماكن مذكورة هنا

4- أرقام هامة: أحفظها و ساعد في نشرها

أرقام المستشفي الميداني 01149900115 01117678422

طوارئ مجموعة لا للمحاكمات العسكرية 01002850271

5- نشر حقيقة الأحداث:

كل حد مش قادر يتواجد في الميادين أرجوكو حاولوا تنقول الصورة الحقيقية للأحداث, على الصعيد المحلي ( بين أهلك, صحابك, زملاءك في الشغل, الناس في الشارع,... ) و على الصعيد الدولي ( ترجمة الاخبار و نشرها )

بداية الأحداث: فض اعتصام لمصابي الثورة. الاعتصام كان بقاله أكثر من أسبوع. عدد المعتصمين يوم الجمعة بالليا لم يتعدى ال 200 شخص. الاعتصام بالأساس كان في الجنينة اللي قدام المجمع, و المرور في الميدان كان مفتوح و عادي. نزلت قوات من الأمن المركزي

بأعداد غفيرة, و فضت الاعتصام بالقوة و تعدت على المصابين.

أنا قابلت شاب من المعتصمين رجله مبتورة لأنه كان واخد فيها 12 رصاصة! تفتكروا دول مطلوب منهم يتصرفوا ازاي مع قوات أمن مركزي نازلة بتسحل و تضرب فيهم!

دي صورة حسن السوهاجي, أحد الظباط اللي كانوا بيشرفوا على الضرب بنفسهم. شوفته بنفسي بيمسك ولد و بيرميه في وسط مجموعة عساكر و هم طوحوا فيه ضرب بالهراوات و الرجلين.

كان بيشتم و هو بيضرب و يقول " سيبونا نشوف شغلنا"

بعدها نزل ميدان التحرير أعداد أكثر للتضامن. و من ساعتها و المعركة مستمرة لم تتوقف الا ساعتين بالظبط صباح اليوم 21 نوفمبر.

المتظاهرين أسلحتهم الأساسية للدفاع عن نفسهم : طوب و اعادة القاء القنابل المسيلة للدموع اللي بتضرب ناحيتنا تجاه الأمن

الأمن استخدم: خرطوش, غاز مسيل للدموع, رصاص مطاط و رصاص حي

المستشفى الميداني - خلف هارديز- اتهاجمت أكثر من مرة بقنابل غاز مسيل للدموع. و امبارح بالليل أقتحموها. و بعد أما تصدى لهم الأطباء و سألوهم اذا كانوا هيعتدوا على أطباء و مرضى, سابوا المستشفى لكن قبل ما يمشوا رموا جواها قنبلة غاز مسيل للدموع!

ملحوظة : المستشفى عالجت 3 جنود من الأمن و سابتهم

عناصر الداخلية كانت بتضرب في مستوى الرأس و الصدر:

صورة ل 3 من أجمل شباب مصر, فقدوا أعينهم

مالك مصطفى - مبرمج, ناشط حقوقي و مدون فقد عينه اليمنى

أحمد عبد الفتاح- صحفي بالمصري اليوم

أحمد حرارة - طيبي أسنان فقد عينه اليمين في 28 يناير, فقد عينه الأخرى 19 نوفمبر

المصدر:الرباط الخاص بي

[عماد حمدي]

أساعد ميدان التحرير بالتهدئة و ليس بالمواجه و شحن المتظاهرين للدخول في معارك مع العسكر و الشرطة

دي المساعدة اللي فعلا المفروض نعملها .. التهدئة

[Dreamwithme]

قائمة بالناس اللي هتتوجه للتحرير من كل انحاء القاهرة النهاردة و ممكن تاخد منكم تبرعات برجاء النشر

https://docs.google.com/viewer?a=v&pid=explorer&chrome=true&srcid=14RT-ouFKFjbCLOH3_kmDsg0Dqanq6Nd3U8ZFSbuVnTyZTn-uzK34QDv3dgvc&hl=en_US

[Dreamwithme]

أساعد ميدان التحرير بالتهدئة و ليس بالمواجه و شحن المتظاهرين للدخول في معارك مع العسكر و الشرطة

دي المساعدة اللي فعلا المفروض نعملها .. التهدئة

أستاذ عمدة أسمح لي أنا قلت في الأول أني هأعرض هنا إزاي نساعد الجرحي والقتلي ولن نناقش مواقفنا الشخصية مما يحدث

تقبل تحياتي وأحترامي

[Dreamwithme]

صفحات علي الفايسبوك تمكنك من المساعدة وأنت في بيتك

https://www.facebook.com/event.php?eid=231288283604484

https://www.facebook.com/groups/314708448542352/

[Dreamwithme]

حملة تبرع بالدم

https://www.facebook.com/event.php?eid=292338110788626

https://www.facebook.com/event.php?eid=270683609644724

[Dreamwithme]

الأماكن التي يمكن التبرع بالدم لمصابي التحرير فيها هي :

by El Nadeem on Tuesday, 22 November 2011 at 13:38

القصر العيني

مستشفى الدمرداش

مستشفى الهلال

مستشفى أحمد ماهر

مستشفى المنيرة

[عبير يونس]

هو ده الكلام يا دريم

ربنا يجعله في ميزان حسناتك يارب

و يحمي الشعب الجميل اوي ده اللي فيه ناس زيك

[spain]

انا ما الرأي اللي بيقول تهدئة

مش ممكن دي ثورة مضادة قادة جزء من الشعب وانجرفنا وراها

المؤسسات ااتشركت

الامن

الشرطة

الداخلية

وقبلها الخارجة

الحكومة اللي انتخبت من الميدان

والملس العسكري والجيش

الاحزاب والسياسات اللي المفروض حيبنوا البلد(قال ايه مصلحجية )

وبكرة يكملوا علي القضاء

وبعدين ناكل في بعض

!!!!!!!!!!!!!!!!!!!!!

انا مش عارفة كلللل التغيريات اللي حتصل دي حتؤدي الي ايييييييييييييه

صحيح هي كانت المفروض تحصل من زمان بس خلاص

فاضل 5 ايام علي الانتخابات وكل ده حيخلص ومن غير ما نفكك الدولة

ده امريكا لما جم يخلصوا من بوش.....ما اعترفوش حتي انه غلطان وودي بلدهم في 60 داهية

[hanzalah]

اردت فقط أن أشكر هذا المجهود الرائع والهمة العالية

ميدان التحرير ليس خناقة بلدي ف حارة مابين اتنين كما يتصور البعض

الميدان اصبح رمز لمصر لما قامت ضد كل ظالم

الميدان يعكس صورة هذا الشعب

فلنخرج اجمل ما فينا ونحن داخل هذا الميدان

ومن هو خارج الميدان

نسأله الدعاء

[Dreamwithme]

[Om Zayd]

الغاز الغير مرئي الجديد الذي يتم استخدامه من قوات الامن ..الغاز اسمو غاز ''التابون'' واعراضه كثيرة منها القئ والغثيان والاسهال وصعوبة التنفس .ينصح باستخدام هذا... الاغراض التي تحمي الجسم كامله من هذا الغاز .. ( 1 ) استخدام مضادات انزيم الاسيتايلي كولين واستخدام الاوكزيمات واستخدام عقار الفاليوم ويمكن شراءهم من الصيدلية ... ( 2 ) للتخلص من آثار هذا الغاز- استخدام البصل المفروم ووضعه على الانف - ( 3 ) استخدام غاز ثاني اكسيد الكربون- ( 4 ) استخدام اي محلول حمضي- ( 5 ) استخدام الخميرة في الماء - ( 6 ) استخدام محلول الملح... "

[Dreamwithme]

دي أرقام دكاترة (رمد) مستعدين يعالجوا حالات مجانية

د/عمرو البكري أستاذ الرمد في القصر العيني 01222453030

د/حازم ياسين 01223271717

[Dreamwithme]

نقابة أطباء مصر: لجنة الإغاثة الانسانية: المستشفى الميدانى بالتحرير:

للتبرع: د. مصطفى الزغبى (مدير لجنة الإغاثة) 01001676458 - 01227140039

د. عبد الرحمن جمال (منسق المستشفى الميداني) 01006244415

د. أحمد لطفى 01115505709

... د. عبد الله الكريونى 01003810361

د. أحمد فوزى 01117771993

للتواصل مع المستشفى (01008358282 - 01002341020 - 01090147007 - 01008734560)

عنوان النقابة لإستقبال التبرعات:

42شارع القصر العينى - دار الحكمة - القاهرة

أو فروع اللجنة بمقرات اللجنة المختلفة بنقابات الأطباء الفرعية بالمحافظات المختلفة.

[Om Zayd]

عاجل | ميدان التحرير | تم الاتصال بالطبيب والتأكد| دكتور احمد عيد الاجهوري اخصائي امراض عصبية ونفسية متواجد الاّن في القصر العيني الفرنساوي للصباح - لو حد عايز يبعث أو يستشير بخصوص أي حالة عصبية في الميدان يتصل علية على الرقم 01002658859 -

[abdulmuttaleb]

حضرتك هل المشاركة أدناه تعتبر من مساعدة ميدان التحرير وللا خارج نطاق الموضوع؟

أرجوك لا تترددي في إزالتها إن كانت خارج السياق وعذرا

لو المجلس العسكري عايز يؤجل الانتخابات، ما أسهل السماح للمتظاهرين بدخول وزارة الداخلية (يكفي دخول الدور الأول وتصوير ذلك عبر الفضائيات)، هل سيجد المجلس وسيلة أقوى من هذه لكي تكون مبررا له لتأجيل الانتخابات بل وفرض الأحكام العرفية بل وحتى إلغاء الاستفتاء وهنا الشعب المصري (المرعوب من سيناريو الانفلات والمأزوم اقتصاديا والمنهك نفسيا) ح يبصم بالعشرة ويوافق؟

والسيناريو ده لذيذ وخفيف وطريف (ومحدش ح يموت فيه خالص ولا واحد لأن الثوار لن يجدوا من يصدهم عن وزارة الداخلية أصلا:)) و المجلس مش سبب فيه ولكن السبب فيه ح تكون الشرطة وغباوتها يعني ح يطلع كمان في مظهر الحريص على الشعب ومصالح الوطن العليا، و ساعتها الناس مش ح تقدر تنزل التحرير أساسا (يا ريت حضرتك تقرأ نص قانون الأحكام العرفية كويس تشوف بيقول ايه).

ملحوظة واحد: كل يوم ضباط الجيش بيزداد كرههم للتحرير وشباب الثورة (على عكس 25يناير)، خصوصا مع شتائمهم للجيش وليس فقط للمشير أو المجلس.

ملحوظة اتنين: رغم تأثير الأحكام العرفية اقتصاديا إلا أنها أحب للشعب مليون مرة من أي سيناريو فيه اختفاء للجيش من المشهد (ده للي مش مقتنع أن الشعب فعلا بيحب الجيش والمجلس وعارف إنهم مش ملائكة وأنهم وارثين بلاوي).

ملحوظة تلاتة: ده كمان المجلس ممكن يضرب عصفورين بحجر في السيناريو أعلاه بأن يصور للناس "سقوط" الداخلية في يد الثوار على أنه كان تعاونا من ضباط شرطة "شرفاء" يرفضون سياسات القمع والتعذيب...إلخ وطبعا ح يكونوا أبطال و ح يكون منهم الوزير الجديد اللي الشعب (وصفحة كلنا خالد سعيد) ح يستبشروا بيه.

نيجي بقى للتخويف من الانتخابات القادمة.

أنا لا أرى داعيا للتخوف من الانتخابات (الأحداث الاخيرة حفزت كثيرين للإصرار على التصويت والذهاب للانتخابات بشكل جدي).

براجماتيا فالمجلس العسكري هو أول من يستفيد من إجراءها ونجاحها حتى يتخلص من المسؤولية التي تحرجه ليس فقط إعلاميا وسياسيا وإنما داخل القوات المسلحة نفسها حيث لاحظوا أنه يؤكد دوما أنه ليس بديلا عن الشرعية لماذا؟ لأنه يوصل رسالة لضباطه أنه مؤقت وغير دائم وغير طامع ومضطر لإدارة البلاد حتى لا يفتح الباب لانقلابات ضد الرؤساء القادمين.

لاحظ أن الجيش كما صرح أعضاؤه ضاقوا ذرعا بالإعلام المسيس و تأثيره السلبي على أية مؤسسة وهو التأثير الذي تسبب سابقا في جرح كافة مؤسسات الدولة الدينية والعلمية والأكاديمية والسياسية عدا الجيش بسبب قوانين النشر والحظر الصارمة سابقا، هذا فضلا عن تصوير الإعلام لأبطال على غير الحفيقة (هل تتخيل أن شخص مثل د.حسام عيسى يرشح لرئاسة الوزارة ويخرج ليل نهار ضد المجلس وضد وضد وتكتشف في النهاية أنه كان محامي شركة مجدي راسخ في قضية تعويض بالملايين ضد الحكومة في 2010م والأطرف أنه رئيس لجنة أو جمعية لاسترداد أموال مصر بالخارج؟)

عمليا، فخلينا ناخد أسوأ سيناريو وهو وجود بلطجية، ايه هدف البلطجي أثناء الانتخابات؟

واحد من تلاتة:

1-إما أن يحاول البلطجي منع الناس من الوصول للجان الانتخابية: ده مستحيل لأن كل دائرة فيها مش أقل من 30 مرشح لو قلنا إن نصفهم بيهزروا فمؤكد النصف الآخر يهمهم أن يذهب الناس للتصويت ليفوزوا في الانتخابات، وبالتالي سيكون على البلطجي ليس فقط مواجهة الناس وإنما كذلك مواجهة المرشحين وأنصارهم جميعا بلا استثناء، فضلا عن الجيش والشرطة.

2-إما أن يحاول البلطجي منع الناس من التصويت لمرشح بعينه: راجع فقرة1 إضافة إلى أن المرشحين الآخرين لن يسمحوا بهذا (لأن لديك على الأقل 3 مرشحين يتنافسون فعليا على معظم الأصوات). أضف لذلك أن حتى صغار المرشحين يهمهم مثلا الحصول على أصوات قراهم أو بعض اللجان داخل دوائرهم حتى لو لم يكن لديهم أمل في الفوز بمقعد بالبرلمان لكن يكفيه شرف الفوز مثلا بأصوات لجنة قريته أو الحي المقيم فيه أو كتلة القبيلة في لجان أو مدينة ما مثلا. إذا هنا أيضا مهمة البلطجي صعبة جدا في مواجهة الناخبين ومرشحيهم إضافة إلى اللجنة العليا للانتخابات والجيش والشرطة.

3-إما أن يحاول البلطجي التأثير على سير العملية الانتخابية في مرحلة الفرز والتنسيق:

راجع نقطة2 إضافة لوجود وسائل الإعلام والتصوير المرئي و شبكات الانترنت. والأهم: حراسة الشباب ووجود الناس فضلا عن مرشحي الانتخابات الآخرين ومندوبيهم. وهي كلها عوامل تحول دون نجاح أي مخطط لذلك، إضافة إلى اللجنة العليا للانتخابات والجيش والشرطة.

شير ع الفور و قول عمار يا مصر الخير.

تم تعديل 24 نوفمبر 2011 بواسطة abdulmuttaleb

[Dreamwithme]

السلام عليكم ورحمة الله وبركاته

يا جماعة ميدان التحرير أكتفي بالأدوية خلاص لو حد عايز يتبرع بحاجة يبقي أجهزة طبية

وبطانيات وأكل للمعتصمين وطبعا الأطباء والصيادلة مطلوبين جدا

ولو أنت مؤمن بالاعتصام فالناس محتاجينك جدا جدا

دي معلومات مؤكدة أنا كنت هناك بنفسي

[باهى الطائر الحزين]

اثمن بكِ هذه الروح العاليه

كل الشكر / وكامل الاحترام

( Dream )

[مغتربة]

فى موازين حسناتك باذن الله يا دريمى

فى ناس بحس ان اكتر مساعده ممكن تقدمها للناس الى فى التحرير انهم يكفوا اذى السنتهم عنهم

ربنا يسخرك فى الخير دايما باذن الله