عاجل : قرارات الإجتماع بين المجلس العسكري وبين القوى السياسية

[ام سلمي]

حاسة نفس احساس يوم ما حسني مبارك ساب السلطة، اللهم لك الحمد و الشكر

[ViralMind]

كلام جميل و نفس اللى انا كتبته الصبح. :)

بس يا ترى الاعتصامات هتقف ولا برضه هتطلع مليونية تعترض كل شوية؟

يا أخي الكريم

أتحدى إن ذكرت لي مليونية واحده ما كانتش رد فعل على التباطوء وقلة الأدب بتاعت الحكومة

بالله عليك من فبراير لما روحوا

عإمرك شوفت حكومة ثورية فيها عيشة عبد الهادي وأحمد ابو الغائط وغيرهم من الأشكال الزبالة بتاعت مباك ؟

مش ممكن يعني

هل تتصور إن في حد فاضي ونازل يتمشى في التحرير في عز التلج ده وإحتمال كبير إنه ما يرجعش تاني لبيته ؟؟؟؟

كلنا متفقين ان حكومة شرف كانت لازم تمشى.. و يمكن المجلس كان سايب الموضوع ده ككارت اخير يلعب بيه لما مصيبة تحصل.. و اعتقد ان ده سبب عدم قبول الاستقالة فى المرات اللى فاتت.

بس برضه طول ما احنا لسه معندناش وسيلة محددة لتداول السلطة, هنفضل فى الدايرة دى و اتمنى نخرج منها قريب ان شاء الله.

[justme]

طيب والنائب العام محدش جاب سيرته هو وباقي شلة الانس اللي لسه ماسكه دول اخطر لان كله بيقف عندهم ويتطعل ومحاكم حسني على تهمة واحدة وتجاهل باقي التهم وكمان موضوع وزارة الداخلية ارجو من الله يرسى على بر وينصلح حالها

معلش بس هو سؤال كده في السريع ليه في الدستور كانوا محددين 60 يوم للانتخابات لرئيس الجمهورية في حالة وفاته ليه الموضوع ده ميخلصش بسرعة وكمان ليه ميتلغيش مجلس الشورى ونسرع انتخابات الشعب اللي هتاخد ربع سنة؟

تم تعديل 22 نوفمبر 2011 بواسطة justme

[se_ Elsyed]

طيب والنائب العام محدش جاب سيرته هو وباقي شلة الانس اللي لسه ماسكه دول اخطر لان كله بيقف عندهم ويتطعل ومحاكم حسني على تهمة واحدة وتجاهل باقي التهم وكمان موضوع وزارة الداخلية ارجو من الله يرسى على بر وينصلح حالها

ما احنا قولنا

أي حكومة بدون صلاحيات عشان تنظف ... يبقى نكسة على دماغ البلد

[joo]

يا سلام عليكى يا مصر

من اجمل لا فتات التحرير

[الدكتور ياسر]

حسبنا الله ونعم الوكيل .

يعنى هو لابد من الدماء و القتلى لنرى قرارات ايجابية ؟!

هل لابد لهذا الشعب العظيم أن يجود دائما بأرواح أبنائه ثمنا لحريته و كرامته ؟!

أقبل هذا إن كانت تلك الحرية و الكرامة أنتزعها من عدو أجنبى يغتصب أرضي

ولكن لاأقبل هذا من بنى جلدتى و أخوتى في الوطن .

معلش لابد من القصاص من القتلة .

احنا دمنا غالى و الناس اللى اتسحلت و اترمت جثثها فبي الزبالة

دمها في رقابنا كلنا!

تم تعديل 22 نوفمبر 2011 بواسطة الدكتور ياسر

[mfarag]

اتمنى ان يكون الاتفاق - اى اتفاق واى كان مضمونة

كافى لاطفاء الحريق

يـــــــــــــــــــــــــــارب

[se_ Elsyed]

اتمنى ان يكون الاتفاق - اى اتفاق واى كان مضمونة

كافى لاطفاء الحريق

يـــــــــــــــــــــــــــارب

بإذن الله خير

والذهب لا يصير ذهباً إلا بالتعرض بالنار

والشباب اللي هناك دول هما معدن الذهب الحقيقي اللي بيجيب لنا حقنا

[se_ Elsyed]

ده من تصريحات مجلس الهلس النهاردة

المجلس العسكري بينفي تدخله في عمل الوزراء وان الصلاحيات كاملة معاهم .. والمفروض نصدق؟

ماشي هاننسى اللي فات .. وننسى تصريحات رسمية بإن المجلس هو المسئول الاول والاخير عن تعيين أو إقالة أي وزير أو محافظ

[عصام أبوالفتح]

حقنا جاء بالتفاوض . . مش بالدم . . وكان ممكن جدا الناس اللى قابلت المجلس النهاردة تقابله قبل الاحداث الدامية دى . . وانا ارسلت الجدول الزمنى لهم من اسبوع قبل المليونية الملعونة لاحاول منع اراقة الدماء التى كنت متأكد تماما من حدوثها وتوقعتها هنا على صفحات المنتدى . . لكن كما قالوا . . لا أحد يمكنه تغيير القدر . .وقدر الله وما شاء فعل

[خالد شحاته]

هو تفعيل فانون العزل السياسي الا قالو عليه قبل امس بالله ده قانون بيلعب بيه علي الناس الغلابه اجيب نيابه من فين ومحكمه تحكم اعرف ان ده افسد الحياه السياسيه ولا لا دي عصابه علي بابا والارعين ضابط معها وشرف لابيش ولا بينش انا مش عارف الشباب كان حصلو شرف فين ده يافرحتي بالهدوء الا فيه والدنيا ولعه في الشارع ده لو عنده حبة كرامه كان نزل الشارع وبلاش نكمل

السلام عليكم .... إزيك يا عم خالد بقى لي كتير ما اتكلمتش معاك

بُص يا ريس

لا مؤخذه بيقولوا عندنا في الفلاحين .. الشاطرة بتغزل برجل حمار

يعني مش محتاجة إمكانيات كتيرة

كلمتين ورد غطاهم .... كل رموز الحزب والوطني وهيئاته ومكتبة التنفيذي ومفيد شهاب ومحمد رجب وحسام أبو الفتوح ... ومعاهم الشلة الزبالة اللي نزلت إنتخابات 2005 و الفجرة اللي زوروا إنتخابات 2010 في الشعب والشورى ... كل دول يتعزلوا 5 سنين

واللي طلع على التليفزيون يقول هانولعها ونقتل ونحرق ... يبقى في ثانية يُعتقل ويبقى عبرة لكل اللي بيفكر يمس البلد دي بسوء

لازم يكون في عبرة او إتنين قدامنا ....

وبالمناسبة ... بنحبك يا ريس ومش عارف مين لجنة ترشيح المشير ... كل دول يتلموا ونوديهم مستعمرة الجزام

صدقني هانعيش في نظافة وهدوء بعد كنس الزبالة دي كلها

والله يا عم س سين الا بيحصل ده كله تحس ان المجلس العسكري مرتبه كويس اوي ومنظم له مه بعض الاحزاب الا مش فاهمه حاجه في الدنيا هو فك الحزب الوطي وجاب 20 حزب كلهم رجالة الحزب القديم هو نظام مبارك بدون مبارك بل افظع من مبارك علي الاقل مبارك منهبلش وقال للشعب تعالو نعمل استفتاء علي وجودي المجلس بيقول استفتاء علي اي اساس استفتاء الا اتعمل في مصر 2 استفتاء واحد ايام مبارك المخلوع واتعمل انتخابات والتاني للدستور الا اتلعب فيه بكلمه واحده وهي لا ونعم وموصلتش للهدف الا الثوار كانت عايزه ربنا يستر علي مصر وشعب مصر

[عماد حمدي]

بيان الإخوان المسلمين الذي يوضح موقفهم من الأحداث وخطاب المشير

[23-11-2011][18:20]

ينطلق الإخوان المسلمون في اتخاذ قراراتهم ومواقفهم من نظرة متوازنة بين العقل والعاطفة، تضبطها القواعد الشرعية، وتنتصر للمبادئ، بعيدًا عن المصالح الخاصة، وهذا هو الذي حكم موقفنا الأخير من عدم المشاركة في الأحداث الأخيرة، فكان تقديرنا للموقف أن هناك خطةً لإحداث فوضى يترتب عليها التهرب من الاستحقاقات الديمقراطية، وتعطيل نقل السلطة من المجلس العسكري إلى سلطة مدنية منتخبة، ومن ثم قررنا الإصرار على استكمال المسيرة الديمقراطية التي هي أهم أهداف ثورة 25 يناير، وألا نستدرج لهذا المخطط.

وللأسف فقد فهم البعض هذا الموقف على غير وجهه الصحيح، وأساءوا إلى الإخوان، ونحن نضرب صفحًا عن الإساءات،

ونوضح الحقائق التالية:

* إن الشباب الذي استفزته المناظر الوحشية لاعتداء الشرطة والشرطة العسكرية على المعتصمين فهرع إلى الميدان لمناصرة المتظاهرين إنما هم شباب وطني مخلص نبيل.

* إن العدوان عليهم إنما هو إجرام في إجرام.

* إننا لو كنا اشتركنا في هذه المظاهرات لتصاعد العنف والقتل والتخريب، وترتبت على ذلك نتائج سيئة قد تصل إلى الانقلاب على كل أهداف ثورة 25 يناير.

* ولو كنا نحرص على مصالحنا الخاصة وحصد الشعبية في الشارع السياسي لكان النزول إلى الميدان هو السبيل إلى ذلك، ولكننا امتنعنا عن النزول على الرغم مما وُجه إلينا من انتقادات من الخصوم المتربصين، ومن المخلصين الذين ليس لديهم من المعلومات ما لدينا.

* إن حرصنا على إجراء الانتخابات في مواعيدها ليس حرصًا منَّا على كسب المقاعد- فذلك كله في علم الغيب- ولكن من أجل البدء في الخطوات الديمقراطية لإنشاء مؤسسات الدولة (برلمان- دستور- حكومة- رئيس جمهورية) أي نقل السلطة من المجلس العسكري إلى سلطة مدنية منتخبة في أقرب وقت ممكن.

* لقد أصدرنا بيانين أمس وأول أمس حددنا فيهما موقفنا، وأرسلنا رسائل إلى كلٍّ من المجلس العسكري وشباب مصر النبيل والشعب المصري العظيم، والسياسيين والمثقفين والإعلاميين، ولم يقف دورنا عند إصدار البيانات، وإنما تمَّ التواصل مع جميع الأطراف المعنية؛ الأمر الذي أثمر بعض الإجراءات والقرارات الإيجابية، وما زلنا ننتظر استكمالها،

فأما المسائل الإيجابية فتتمثل في:

- التعهد بإيقاف القتل والعدوان والعنف من قِبل الشرطة والجيش، واعتبار الميادين مناطق آمنة، والإقرار بالحق الدستوري للشعب في التظاهر والاعتصام السلميين مع عدم المساس بالممتلكات الخاصة والعامة ومؤسسات الدولة.

- تحديد موعد انتخابات الرئاسة الذي سوف يكون نقطة تسليم السلطة كاملة (التشريعية والتنفيذية) إلى المؤسسات المدنية المنتخبة.

- تأكيد إجراء الانتخابات البرلمانية في مواعيدها المحددة سلفًا.

- قبول استقالة حكومة الدكتور عصام شرف.

أما ما نزال ننتظره من قرارات فهي:

- تحويل كل من أمر أو نفَّذ عمليات القتل والإصابة للمواطنين من الضباط والمسئولين إلى التحقيق، والمحاكمة الفورية، ومحاسبتهم على ما اقترفوه من جرائم.

- عدم استمرار الدكتور علي السلمي ووزيري الداخلية والإعلام وتغييرهم فورًا باعتبارهم المسئولين المباشرين عن إشعال الغضب الشعبي.

- تطهير وزارة الداخلية من الضباط الكارهين للشعب، والذين يتربصون للثأر والانتقام منه حسب ما رأينا من مشاهد وحشية غريبة على شعب مصر وقيمه وأخلاقه، إضافةً إلى استخدام الغازات الخانقة.

- تعويض أهالي الشهداء والمصابين وضمان علاجهم على نفقة الدولة.

- الاعتذار الصريح الفوري للشعب المصري عن الجرائم التي ارتكبت في حقه، وعن سقوط عشرات الشهداء وآلاف الجرحى خلال الأيام الثلاثة الماضية، فذلك كفيل بامتصاص جزء من غضب الشعب.

وقى الله مصرنا الحبيبة من كل سوء يُراد بها وبشعبها؛

الإخوان المسلمون

القاهرة في: 27 من ذي الحجة 1432هـ الموافق 23 من نوفمبر 2011م