تحليل فنى لخطاب المشير طنطاوى

[سكر]

الرجاء كتابه رايك فى خطاب المشير

هل انت مويد ام معارض للخطاب

[سكر]

انا مع الخطاب بالرغم انه اقل من المتوقع ويجب على المشير

كشف حقيقه مصطلح الايدى الخفيه

عدم الاستهانه باى انسان 19 نوفمبر بدات 200 شخص وومستمرة بمليونيه

ضرب بايدى من حديد على البلطجيه

تطبيق قانون الغدر قبل الانتخابات

الغاء المحاكم العسكريه للمدنين

هو دة كان صعب عليه يقوله فى الخطاب

وحلوة قوى استفتاء التنحى الى فى الاخر

تم تعديل 22 نوفمبر 2011 بواسطة موعود

[عصام أبوالفتح]

راجل يا طنطاوى . . ربنا معاك

[pink rose]

انا مصدقة طنطاوي و معاه لحد ما يسلم السلطة لرئيس منتخب ان شاء الله

[hanzmolar]

1- ممنوع انتقاد المجلس العسكري 2- التحرير مش داخل حدود مصر دا فى بلد تانية 3- شراء 6 شهور كمان بدل اللى خلصوا 4- الخطاب موجه للقادريين على التحكم فى الاستفتاءات او الانتخابات يعنى الاخوان و الفلول اللى معاهم فلوس 5- تقسيم البلد لناس جوا الميدان و ناس برا الميدان ربنا يستر و متحصلش موقعه جمل تانيه

تم تعديل 22 نوفمبر 2011 بواسطة hanzmolar

[سكر]

مصر قدمها حل من اتنين

البدايه من الصفر

التكمله على الخطاء حتى منتصف 2012

وكلاهما مر

[shawshank]

مقدرش أحكم على الخطاب بمعزل عن الـ 9 شهور الماضية. يعني فيه دلوقتي رصيد كبير من عدم الثقة، وكل الثقة في إن المجلس العسكري هو نفسه نظام مبارك المخلوع. يضاف إلى ذلك إن مفيش أفعال على الأرض، ده حتى لسه الضرب شغال في شارع محمد محمود. الخطاب وعود مفيش ليها أي ضمانات. المجلس العسكري كذابين مخادعين ومش مصدق أي واحد منهم. الناس بتطالب في التحرير برحيل المشير، يبقى يرحل. ليه متبتين في السلطة؟ ويعني ايه ممكن يتركوا السلطة لو اتعمل استفتاء ووافق الشعب؟ وهو الشعب أصلا كان جابكوا واللا اختاركوا؟ ده اللي اختاركوا للسلطة هو المخلوع! يبقى المخلوع يجيبك بسبب الثورة، ولما الثورة تقول تمشي تقول عايز استفتاء؟! ولو عندك ذرة كرامة، لما يطلع مئات الآلاف من الشعب يطالبوا برحيلك، وبعضهم بيطالب بإعدامك، ترحل من نفسك مش تقول استفتاء.

مربط الفرس هو عدم إحساسي بوجود إرادة ثورية أو نية للإصلاح والنهضة عند المجلس العسكري. وبيتأكد ده يوم بعد يوم طوال الـ 9 شهور الماضية. وتأكد أكثر وأكثر في خطاب المشير.

المشير وكل أعضاء المجلس ولاد نضيفة (على رأي م. تيمور) ومش هيسيبوا السلطة إلا لو حصل انقلاب في الجيش، أو بعد ما يدكوا مصر وشعبها زي ما بيحصل في سوريا.

أنا أرفض الخطاب

[Abu Reem]

الراجل بيتربط من لسانه

وعد باجراء الانتخابات في موعدها لتسليم السلطة

واظن ان كل ما كان مطلوب من المجلس العسكري هو تسيير الامور حتى تسليم السلطة المدنية الى الشعب...وهذا ما اصبحنا بصدده الان لان الانتخابات ستجرى بعد اسبوع وهذا يعتبر نفس الوقت تقريبا الذي استغرقته تونس لاجراء الانتخابات رغم انتهاء ثورتها قبلنا

- وعد بأن يكون انتهاء انتخابات الرئاسة هو اخر يونيو...وهذا ما طالبنا به جميعا..

ليس لي عنده سوى تسليم السلطة

اما محاسبته عن وضع البلد...وعن الاقتصاد وعن الزراعة والصناعة والانتاج ومحاكمة مبارك...وحل مشاكل البلد التي تركها لنا مبارك خرابة وترك اعوانه فيها يخربون حتى الان

فهي ليست مسئولية المجلس العسكري لانهم ليسوا خبراء ي هذه الامور....وعلينا ان نقوم بما علينا في انتشالها من هذا كله عبر حكومتنا التي تأتي بأيدينا

- اي كلام عن الماضي وعن حقوق الشهداء وعن وعن نستطيع ان نثبت جدارتنا ونأخذ حقوقنا بأييدينا

وكل ما هو مطلوب من المجلس العسكري هو ما قاله تسليم السلطة ..فاتركوه يسلمها

ورد فعل بعض الغوغاء على الخطاب يدل على انهم لا يرضيهم اي شي...وسيشعلون الامور الان بعد ان ادركوا ان مصر متجهه الى الاستقرار ولكنهم لا يريدون ذلك ابدا...

والدور الان على شعب مصر للوقوف امام من لا يرضيهم اي شيء

[ابراهيم عبد العزيز]

لم أرى في الخطاب إلا نفس نوعية خطابات الرئيس السابق

خطاب منمق بكلمات براقة ( حافظنا وفعلنا وقمنا وشعب مصر العظيم وثورته المجيده والديموقراطية الحرة وووو إلخ ) ولكن على أرض الواقع تجد الصورة مختلفة والتصرفات مختلفة

ونفس أسلوب خطابات الرئيس السابق في إستخدام بعض الكلمات التي لها أكثر من محمل ومعنى لإتاحة حرية حركة

فعندما تكلم المشير عن تشكيل حكومة جديدة لم يقل أنه سيكون لها صلاحيات كاملة أو مطلقة لإدارة البلاد ولكنه قال (سيكون لها الصلاحيات الكفيلة بإدارة المرحلة الإنتقالية ) وطبعا كلمة الصلاحيات الكفيلة بإدارة المرحلة الإنتقالية سيحددها المجلس العسكري وكلمة فضفاضة تحتمل أي شىء

أيضا الكلام أن هناك هجوم على القوات المسلحة مما يؤثر بالسلب عليها , فلم يحدث أبدا أن هاجم أحد القوات المسلحة , وكل من يهاجم ينتقد المجلس العسكري بشكل محدد كحاكم للبلاد

وبالطبع لم يتم الكلام عن معاقبة من قتل 33 مصريا خلال الأيام الماضية وسيتفرق دمهم بين القبائل كما حدث مع سلفهم ال 880 في الثورة الأولى

المشكلة كما قال أخي شاوشنك أن المجلس العسكري لا يوجد عنده إرادة ثورية وكل خطوة يقوم بها لا تحدث إلا بعد مليونيات وسقوط قتلى وتعطل البورصة وسقوط جرحى ثم بعد ذلك يخرج لينفذ المطلب وهذه هي أساس المشكلة

لكل ما سبق أنا غير مؤيد للخطاب

تحياتي أخي الموعود

تم تعديل 22 نوفمبر 2011 بواسطة ابراهيم عبد العزيز

[EsoWay]

أنا معارض طبعًا طنطاوي كداب وجبان

وإيه الحرص الشديد على الإقتصاد

معندناش أغلى من أرواح المصريين إلي سفكهم وقتلهم و مسح بكرامتنا كلنا الأرض

وبعد مالطعنا 600 ساعة طالع بكلمتين هيفين زي شكله

طنطاوي المفروض ياخد أقرب طيارة لإني حسيت إني بتفرج على حسني لما كان مكانه كدا

[hanzmolar]

ملحوظه على جنب خدتوا بالكوا من المونتاج بتاع الخطاب يعنى مجلس عسكري بجلالة قدره مش عارف يمنتج 10 دقائق حيعرف يدير بلاد فى انتخابات الله اعلم حتبقى عاملة إزاى

[المهندسه]

انا عن نفسى مش عارفه اذا كنت مصدقاه و لا عاوزه اصدقه من كتر خوفى و رعبى على البلد...انا عندى نفس احساس الايام العصيبه فى الثوره من بعد 28 يناير

حاسه بخوف و رعب طول ما انا قاعده و فى كل ثانيه بقول يا ترى كام رصاصه حرقت قلب ام دلوقت على ابنها؟؟

انا متلخبطه

[سكر]

الخطاب فعلا مخيب لامال بس

انا شايف ان احنا بكرة كدة رايحين لسيناريو موقعة الجمل

بنفس السيناريو السابق لا زادت الم ولا نقص الم

انا ارفض الاستفتاء لان النتيجة معروفه

القوات المسلحة هتكتسح بنعم بامارة 70% بتاعت التعديلات الدستوريه

وبعدة هيكون اخد شرعيه موكدة من الشعب للجلوس

لو فى استفتاء يكون يبقى انتخابات رئاسه جكهوريه مباشرة قبل اى شى

[ViralMind]

الخطاب كما كان متوقع..

الاستفتاء مقصود بيه انه يرحل فورا او ينتظر حتى منتصف العام القادم.. بديهى انه مش مقصود بيه انه يفضل فى الحكم على طول.

انا مع الخطاب ببساطة لانى مش شايف حاجة واحدة المجلس عملها تدل على سوء نيته فى عدم تسليم السلطة..

ممكن يكون فيه سوء نية او تصرف فى اى حاجة تانية.. زى مثلا انهم يكون ليهم سلطة على الميزانية اللى بتدخلهم فيضمنوا انها متقلش او عدم التفتيش ورا مرتباتهم و اساطيل العربيات و البلاوى التانية..

لكن تسليم السلطة, مفيهاش اى نية سيئة والله اعلم.

[متعب]

ال مع المشير يروح يلحق يركبله جمل قبل الجمال ما تنشغل

وربنا المعبود لتتحاكموا حتتحاكموا

[Ahmed Anwer]

أنا مع الخطاب

و الفيصل بالنسبة ليا

إختيار الحكومة القادمة أو المجلس المدني بصلاحيات مطلقة أيهما اقرب

و أكيييد طبعا توقيف الضرب

و لا نترك التحرير حتي يتحققا

طبعا الإستفتاء ده هبل * الجبل

إستفتاء ايه ؟؟ علي 6 شهور

و لو حصل إستفتاء و قولنا لأ لحكم العسكر

لأن مفيش عاقل يقول نعم

آشطه هنعمل آيه بعدها بقه ؟؟

تم تعديل 22 نوفمبر 2011 بواسطة Ahmed Anwer

[اثار]

عن نفسي مع الخطاب نستحملهم شوية علشان نقدر نوصل لسلطة مدنية منتخبة ترضي جميع الاطراف

التصميم علي رحيل المجلس العسكري بدون وجود بديل يعني فوضي خصوصا اذا كان البديل غير منتخب

المشكلة ان رأينا مش مهم المهم رأي المعتصمين هل الخطاب كافي ليهم في الفترة دي

يا رب يقتنعوا لما مصر توصل بر الامان يبقي يعملوا في العسكر اللي هما عاوزينه

عايزين حق الشهداء طيب هو احنا اخدنا حق شهدا الثورة اللي ماتوا من اول ايام الثورة اصلا

خلينا نصبر وان شاء الله هيتحاسبوا علي كل روح شهيد لكن المهم اننا نختار الوقت المناسب

[ابراهيم عبد العزيز]

الخطاب فعلا مخيب لامال بس

انا شايف ان احنا بكرة كدة رايحين لسيناريو موقعة الجمل

بنفس السيناريو السابق لا زادت الم ولا نقص الم

انا ارفض الاستفتاء لان النتيجة معروفه

القوات المسلحة هتكتسح بنعم بامارة 70% بتاعت التعديلات الدستوريه

وبعدة هيكون اخد شرعيه موكدة من الشعب للجلوس

لو فى استفتاء يكون يبقى انتخابات رئاسه جكهوريه مباشرة قبل اى شى

لا يوجد أي خوف من الإستفتاء على هذا الامر أخي موعود

بشرط أن يتم بالشكل الصحيح

فالإستفتاء ليس على بقاء القوات المسلحة أو لا في الحكم

ولكن الإستفتاء هو على بقاء المجلس العسكري أو لا في الحكم

وهناك فرق

لذلك إذا قاموا بهذا الإستفتاء سيقومون بعمله بالصيغة الأولى على أساس أن الإستفتاء عن الجيش كمؤسسة وليس عن المجلس العسكري كحاكم وفي هذه الحالة طبيعي جدا وكلنا أول الناس سنختار الجيش

لذلك إذا أرادو الإحتكام للإستفتاء فليكن بالصيغة الثانية الصحيحة الموصفة للواقع ووقتها لا تخشى من نتيجة الإستفتاء نهائيا

وأنت نفسك أخي العزيز وقعت في هذا اللبس عندما قلت ( القوات المسلحة هتكتسح بنعم بامارة 70% بتاعت التعديلات الدستوريه)

فإستفتاء الشعب المصري على قواته المسلحة شىء غير منطقي

لذا وجب التوضيح

[زهرة الجبل]

رغم إن أتمنى بشده أن تهدأ الأمور

و بقول يا رب تكون كل كلمه قالها صحيحه و صادقه

لكن في نقاط عديده في الخطاب فشلت في إبتلاعها أو تمريرها مرور الكرام

مثلاً عندما تكلم عن المحاكمات العسكريه لم يجزم أنها ستتوقف .. لكن ربطها بإستثناء و هو (( إلا بما يتفق مع القانون العسكري ))

يعني ممكن يبقى في محاكمات عسكريه لمدنيين و لما نقول ليه يبقى الرد الطبيعي إنه القانون العسكري بينطبق عليه

مع إن اللي أعرفه _ في حدود معرفتي المحدوده يعني _ إنه ميصحش تحت أي ظرف من الظروف أن يحاكم أي مدني محاكمه عسكريه

و مثل آخر عندما قال إنه لم تخرج طلقه واحده من الشرطه العسكريه إلى صدور المتظاهرين .. و كأننا كنا بنتفرج على شئ آخر و بنشوف تهيؤات و ليست حقائق

كان لازم يكمل الكلام و يقول إن كان في عناصر مندسه لبست ملابس جيش و إنتحلت شخصية الجيش و ضربت و سحلت الجثث و رمتها في الذباله علشان يبقى الكلام معقول

كان نفسي قوي يقول حتى إن كان في تصرفات فرديه من بعض أفراد جنود الجيش اللي نزلت و اننا لن نتوانى عن معاقبتهم

كانت نار ناس كتير هتبرد و كان هيبقى في مصداقيه تانيه خالص للكلام

و مع ذلك و الله العظيم أنا مع التهدئه .. عاوزين حل يضمن إستقرار الوضع شويه

لــــــكـــــــن

بدون أن نغفل حق الدم

بدون أن نغفل حق الدم

بدون أن نغفل حق الدم

لأن الشباب اللي ماتوا دول أطهر من ناس كتير عايشه و آمنه

و الشباب اللي إتصابوا أحق من ناس كتير بالحياه الطبيعيه السويه

و الشباب اللي فقدوا بصرهم دول لوحدهم نور و الله .. حرام نحرمهم من نور عيونهم و نقول لهم يعوض عليكم ربنا

صحيح هو ربنا هيعوض عليهم لكن كمان لهم علينا حق .. لو لم نحافظ لهم على هذا الحق يبقى ما نستاهلش نتمتع معاهم بالحريه اللي نزلوا يطالبوا بيها

لازم المجلس العسكري يبدي نيه واضحه لعقاب المتسبب مهما كان هو مين

مش معقول يغلط نفس غلطة المخلوع لما طلع خطاب و التاني و اللي بعدهم من غير حتى كلمة عزاء لأهالي الشهداء

ببساطه لأن الدم مش رخيص

[سكر]

اعتقد لو البرادعى مسك الوزارة يبقى كدة ضربه معلم من المجلس

لانه يبحث عن الخلاص