تحليل فنى لخطاب المشير طنطاوى

[ابراهيم عبد العزيز]

هو يا جماعه مابقاش فيه دم ولا كرامه خالص مالص؟

عايزين تعملوا استفتاء على ناس قاتلين قرابة 100 شاب من ولاد مصر في كام يوم و رموا بعضهم في الزباله؟

على ناس عالجوا العادلي في مستشفى الشرطه و مصابين الثوره مش لاقيين علاج؟

الشعوب تستحق حكامها

هو مفيش حد عنده خلايا في مخه قادره على العمل ابدا ؟

صدقت أخي الفاضل

bv:-

تم تعديل 23 نوفمبر 2011 بواسطة ابراهيم عبد العزيز

[أسد]

ما يحدث ....

هو استغلال المجلس العسكري للقوى الطامحة إلى السلطة والحكم في مصر ....

وتسيير الأمور بما يروق له .. مستغلاص هؤلاء ..

لأنه هو طريقهم إلى السلطة .... طبقاً لخارطة طريق معدة سلفاً ....

وتلك أيضاً أحد مؤشرات نجاح الثورة المضادة ...

مصر قامت فيها ثورة ...

وتم تحويلها إلى معترك سياسي للوصول إلى الحكم ...

وشباب حلم بالحرية ... ودفع عمرة ثمن لحلمه ...

وعليه العوض

هناك أخطاء جسيمة تحدث من كل الأطراف ... أخطاء جسيمة .. تغير مسار التاريخ ... وترسمه في إتجاه لم نكن نريده للأسف الشديد

كل الأطراف في مصر اليوم ترتكب أخطاء وخطايا

أما وعن خطاب المشير ...

لم يعجبني نهائياً .. ولم أشعر بالإقتناع ..

واستفزني حينما قال .. "لقد قررت" ... علماً بأنه يتحدث باسم المجلس العسكري .. وليس بصفته هو ...

تأكدت تماماً ... من وجود نفس التخلف المستقر في عقول إداريو مصر على مدار العقود الماضية

[أسد]

ومع ذلك ..

لم أجد أبلغ من هذا الكلام ليعبر عما تمر به مصر الآن

مصر قدمها حل من اتنين

البدايه من الصفر

التكمله على الخطاء حتى منتصف 2012

وكلاهما مر

[mfarag]

ومع ذلك ..

لم أجد أبلغ من هذا الكلام ليعبر عما تمر به مصر الآن

مصر قدمها حل من اتنين

البدايه من الصفر

التكمله على الخطاء حتى منتصف 2012

وكلاهما مر

الفاضل

هناك اخطاء فى المجلس و الحكومة

ولكن الكل يهاجم و ينقد و يخون

بدون التحدث عن بديل حقيقى

وعلى الارض شباب متحمس هو وقود المعركة و مصر ان يدفع البلاد الى الهاوية

بالاضافة الى مجموعة من الاراجوزات فى الاعلام كل كلامهم لدغدغة مشاعر الشباب

و ايكش تولع البلد

[مغتربة]

هو كدا قال خطاب فاضل ليه فى ذمتنا خطابين كمان

مش عارفه استفتاء ايه الى بيتكلموا عليه

الى مش شايف فى الحركه دى مجرد مناوره لتقسيم الناس حوالين الموضوع اتمنى انه يعيد النظر ليه تانى

للاسف هما ماشين على نهج مبارك بالكربون

مبارك قال برضه انه هيمشى بعد 6 اشهر

و برضه ناس كتير طلعت تصرخ فينا تقول لنا يا وحشين

دا هيقعد 6 شهور بس

و عايز يدفن فى مصر

يا قاسيين ما تسيبوا الراجل فى حاله

و دلوقتى استطيع ان اؤكد ان 90 % من الى هيدافعوا عن المجلس العسكرى دلوقتى هما هماهم الى كانوا مصدقين ان مبارك هيسيب السلطه بعد 6 اشهر

استفتاء ايه الى بيتكلموا عليه و هما مجوش باستفتاء اساسا

و يتعمل امتى قبل انتخابات مجلس الشعب و الشورى و لا بعدها

و مين الى يشرف عليه

يا ناس فوقوا

الحدايه مش بتحدف كتاكيت

بصراحة انا مش قادر اشوف اى تطابق بين موقف مبارك و موقف المجلس العسكرى..

ده موضوع و ده موضوع تانى خالص...

و ايه هو سبب الخوف من الاستفتاء؟ هل لان النتيجة هتتزور؟ ام ان المفروض اننا نقبل برأى اصحاب الاعلى صوتا و خلاص؟

ولا لإننا مختلفين فى الرأى نبقى ولاد كلب فلول و اصواتنا ماتتحسبش؟

طيب ممكن حضرتك طالما عندك رؤية واضحة كده, ورينا اللى احنا مش شايفينه؟

يعنى المجلس هيمشى دلوقتى حالا..

هيحصل ايه؟ بجد عايز افهم؟ ايه الخطوات اللى بعد كده اللى هتوصلنا لوضع مستقر و تداول سلطة لا لبس فيه؟

ملهوش لازمه اسلوب التهكم و السخريه دا

انا لا عندى رؤيه واضحه و لا حاجه

انا اقلكم علم و بتعلم منكم كلكم

[مغتربة]

الراجل بيتربط من لسانه

وعد باجراء الانتخابات في موعدها لتسليم السلطة

جميل بس مش هما برضه كانوا وعدوا اول ما تسلموا الحكم فى فبراير انهم هيقعدوا سته اشهر بس !!!!!!!!!!!

يا فندم هل قالو ست اشهر حتى بداية تسليم السلطة ولا قالوا هنمشي بعد 6 اشهر وخلاص دون ان تكون اي اجراءات تسليم سلطة قد تم الاتفاق عليها

هم بعد استفتاء مارس يعتبر مر الان تقريبا 7 اشهر ولا تنسي الخلافات حول الدستور وحول محاكمة مبارك التي لم تكن في الحسبان وعطلتنا عدة اشهر ـ رغم ان المجلس العسكري دوره انتقالي

يعني لا دوره يحاكم ولا يتكلم في دستور..ولا يحقق انتعاش اقتصادي..بس احنا اللي بنطالبه بده واحنا عارفين ان دوره انتقالي...فنطلب منه اشياء تجعله يجلس سنوات وليس شهور...

ولا تنسي تونس نفسها اجرت انتخاباتها قبلنا مباشرة رغم ان حجم الفساد فيها ليس كمصر وحجم البلطجية فيها ليس كمصر...وليس فيها رئيس مازال موجود داخل الدولة وفلوله بالملايين كما في مصر...وحجم الدولة ليس كمصر

كل هذا يامدام مغتربة يعطينا الحق في تحمل ما بقى من وقت...حتى لو اتفقنا ان المجلس وحش وزي الزفت

دورنا الان ان نتسلم منه السلطة بالانتخابات وما يتبعها وليس البعد عن ذلك بارادتنا ليخرج لنا المجلس العسكري امام العالم ليقول..

هم من رفضوا ذلك ...ولجؤا الى التصعيد والعنف...

وسؤالي طالما لم نضمن ان تجري الانتخابات....فهل نضمن ان يتنازل العسكر عن الحكم لصالح حكومة انقاذ وطني.....اشمعنى يعني دي اللي نضمنها...

جاوبيني انت الله يخليكي...؟؟؟؟؟

استاذ ابو ريم حضرتك بتقيس الست شهور لغايه دلوقتى !!!!!

انت المفروض تقيسها لغايه منتصف 2013 الى كانوا عمالين يتكلموا عليها قبل الاحداث الاخيره دى متحصل

و الى اتكرموا تحت ضغط 30 شهيد و الف مصاب انهم ينزلوها لمنتصف 2012

يعنى الست شهور بتاعتهم كانت مطتت معاهم بقدره قادر لسنتين و نص

و لسه شايفهم بيتربطوا من لسانهم!!!!!

و على فرض كلامك

ايه الى يضمنلك انهم فى منتصف 2012 ميخترعوش مبررات للبقاء فتره اطول زى الى انت بتقولها دى

كمان انا مش شايفه ان محاكمه مبارك مثلا اجراء ممكن يؤدى لاطاله بقاؤهم فى الحكم

الا لانهم كلكعوها فى وشنا فتره طويله

استعرض كدا من ساعه ما مسكوا الحكم كام حاجه وعدوا بيها

و كام حاجه اتنفذت من وعودهم دى

بس خلى بالك تكون اتفذت من غير لا جذب و لا شد و لا تسويف و فى الاخر تتنفذ تحت ضغط مليونيه

يعنى يكونوا وعدونا بيها و نفذوها بسرعه و من نفسهم كمان

[ام سلمي]

صوتت اني ضد الخطاب لعدة اسباب

1- حكومة الانقاذ الوطني مش متحدد مين حينتخبها ، ومرشحين الرئاسة اللي اجتمعوا مع عنان في منهم بيقول ده اختصاص المجلس العسكري، يبقي اذن مش حتفرق عن حكومة عصام شرف

2- المشير ما حددش ان الحكومة حتبقي ليها كل الصلاحيات ، فقط حيبقي ليها الصلاحيات الكافية ، ده برضه حيرجعنا لحكومة عصام شرف ،

3- قالوا حيحموا اللي في الميدان وحيوقفوا اطلاق النار ، وطبعا ما اتنفذش الكلام ده ومن امبارح والضرب زاد وكمان غازات مسمومة بتطلق علي المتظاهرين

4- قبل الخطاب ما كنتش متوقعة تنازلات من المجلس ، لكن بعد ما شفت الخطاب واضح انهم عايزين يساوموا علشان يخرجوا بأكبر قدر من المكاسب ،فأعتقد لو صبرنا شوية حيبدأوا في تنازلات اكبر زي ما مبارك عمل

5-صحيح ان الاستفتاء اللي فات كان بيدي سلطة للمجلس يدير البلاد لحد انتخابات الرئاسة ومخالفته لازم تبقي باستفتاء تاني ، لكن الكلام ده كان قبل ما يتسببوا في موت الناس دول كلهم ، لأن دلوقتي الصح انهم كانوا يتقدموا للمحاكمة وحد يدير البلد مكانهم لحد ما القضاء يحدد هما شاركوا في القتل ده واللا لأ

تم تعديل 23 نوفمبر 2011 بواسطة ام سلمي

[ابراهيم عبد العزيز]

صوتت اني ضد الخطاب لعدة اسباب

1- حكومة الانقاذ الوطني مش متحدد مين حينتخبها ، ومرشحين الرئاسة اللي اجتمعوا مع عنان في منهم بيقول ده اختصاص المجلس العسكري، يبقي اذن مش حتفرق عن حكومة عصام شرف

2- المشير ما حددش ان الحكومة حتبقي ليها كل الصلاحيات ، فقط حيبقي ليها الصلاحيات الكافية ، ده برضه حيرجعنا لحكومة عصام شرف ،

3- قالوا حيحموا اللي في الميدان وحيوقفوا اطلاق النار ، وطبعا ما اتنفذش الكلام ده ومن امبارح والضرب زاد وكمان غازات مسمومة بتطلق علي المتظاهرين

4- قبل الخطاب ما كنتش متوقعة تنازلات من المجلس ، لكن بعد ما شفت الخطاب واضح انهم عايزين يساوموا علشان يخرجوا بأكبر قدر من المكاسب ،فأعتقد لو صبرنا شوية حيبدأوا في تنازلات اكبر زي ما مبارك عمل

5-صحيح ان الاستفتاء اللي فات كان بيدي سلطة للمجلس يدير البلاد لحد انتخابات الرئاسة ومخالفته لازم تبقي باستفتاء تاني ، لكن الكلام ده كان قبل ما يتسببوا في موت الناس دول كلهم ، لأن دلوقتي الصح انهم كانوا يتقدموا للمحاكمة وحد يدير البلد مكانهم لحد ما القضاء يحدد هما شاركوا في القتل ده واللا لأ

أتفق معكي تماما يا أم سلمى في كل النقاط التي وردت في تعليقك

أود التعليق على الجزئية الملون بالأحمر : هل يحتاج الأمر لتحقيق لكي نعرف هل على المجلس العسكري مسئولية فيما حدث من قتل وإصابات من يوم يوم جمعة 18 نوفمبر وحتى الأن أم لا !!؟ أولا شىء هناك مسئولية سياسية بصفة أن المجلس العسكري هو الحاكم للبلاد حاليا , ثاني شىء لو فرضنا أن الداخلية تصرفت من تلقاء نفسها في اول يوم إعتداء على المتظاهرين , فلما لم يصدر المجلس العسكري ثاني يوم قراره للداخلية بإيقاف هذا الهجوم فورا ومعاقبة المسئول الذي إتخذ قرار الهجوم لو كان المجلس العسكري يرفض بالفعل ما حدث ؟

أعتقد ان الأمور واضحة دون الحاجة لتحقيقات

تحياتي لكي

تم تعديل 23 نوفمبر 2011 بواسطة ابراهيم عبد العزيز

[عماد حمدي]

وجهـة نظر الفنان " حمـزة نمرة " نقلاً من حسابه في تويتر ..

شوفوا يا جدعان.. اللي بيثق في رأيي .. انا بقول فيه حاجة غلط جداً ولازم نفكر ونقّيم المشهد..أما اللي اتخنق مني فيعتبرني فلول الثورة الأولى بقى

1- طيب مبدئياً كده الميدان دلوقتي لو حتى من غير غاز ولا أمن مركزي ولا مطاطي مش أمان لأن مفيش لجان شعبية..لو دخلت بآر بي جي محدش كان هيكلمني

2- واحنا تمام ومبسوطين برجوع الميدان..بس هو الحقيقة مخترق بالكامل والدليل الظابط ده..يا ترى مستخبي ف وسطينا مين تاني

3- واحنا كلنا همّنا على دم الشهدا واحنا على حق.مع ذلك مش بنعمل أي مجهود لوقف الدم وفيه تربسة دماغ.كأن فيه حاجة مهنجة اللي بنبات فيه بنصبح فيه

4- أو بنعمل وفيه حد بيخرب اللي بنعمله ماحنا ميدان مخترق أصلاً..ومحتمل -مجرد احتمال- يكون الأمن بيحاول ما يشتبكش بس نفس الحد ده بيخرب الدنيا

5- والإعلام الفلولي بالكامل مع الميدان المرة دي! ده إذاعة الشباب والرياضة النهاردة كانت تقريباً الجزيرة مباشر مصر

6- وكل الناس الكُّمل اللي بثق في آرائهم ومعروفين بالتفاؤل والهدوء والروقان مرعوبين! لدرجة أستاذ كبير بكى وهو بيفسر لي اللي بيحصل

7- احنا داخلين على ضربة تانية..الضربة الأولى الشرطة اتقمصت..المرة دي الجيش هيتقمص? وأخيرا وعارف ده مش بيعجب ناس كتير وهو الحديث عن الاقتصاد

8- كنت قاعد مع أخويا وهو شغله في البورصة وفسّر لي شوية حاجات في الوضع الاقتصادي المصري(بجد مش عجلة انتاج وهجايص) مش عايز أرعب حد.

9- عموماً أنا هفضل مع لا للعسكر..ومع برلمان ودستور ورئيس وح مدنية في أسرع وقت ومحاكمةالسفاحين وأخذ حق الشهدا..بس بمهارةالصقر مش بغشومية الدب .

[ViralMind]

هو كدا قال خطاب فاضل ليه فى ذمتنا خطابين كمان

مش عارفه استفتاء ايه الى بيتكلموا عليه

الى مش شايف فى الحركه دى مجرد مناوره لتقسيم الناس حوالين الموضوع اتمنى انه يعيد النظر ليه تانى

للاسف هما ماشين على نهج مبارك بالكربون

مبارك قال برضه انه هيمشى بعد 6 اشهر

و برضه ناس كتير طلعت تصرخ فينا تقول لنا يا وحشين

دا هيقعد 6 شهور بس

و عايز يدفن فى مصر

يا قاسيين ما تسيبوا الراجل فى حاله

و دلوقتى استطيع ان اؤكد ان 90 % من الى هيدافعوا عن المجلس العسكرى دلوقتى هما هماهم الى كانوا مصدقين ان مبارك هيسيب السلطه بعد 6 اشهر

استفتاء ايه الى بيتكلموا عليه و هما مجوش باستفتاء اساسا

و يتعمل امتى قبل انتخابات مجلس الشعب و الشورى و لا بعدها

و مين الى يشرف عليه

يا ناس فوقوا

الحدايه مش بتحدف كتاكيت

بصراحة انا مش قادر اشوف اى تطابق بين موقف مبارك و موقف المجلس العسكرى..

ده موضوع و ده موضوع تانى خالص...

و ايه هو سبب الخوف من الاستفتاء؟ هل لان النتيجة هتتزور؟ ام ان المفروض اننا نقبل برأى اصحاب الاعلى صوتا و خلاص؟

ولا لإننا مختلفين فى الرأى نبقى ولاد كلب فلول و اصواتنا ماتتحسبش؟

طيب ممكن حضرتك طالما عندك رؤية واضحة كده, ورينا اللى احنا مش شايفينه؟

يعنى المجلس هيمشى دلوقتى حالا..

هيحصل ايه؟ بجد عايز افهم؟ ايه الخطوات اللى بعد كده اللى هتوصلنا لوضع مستقر و تداول سلطة لا لبس فيه؟

ملهوش لازمه اسلوب التهكم و السخريه دا

انا لا عندى رؤيه واضحه و لا حاجه

انا اقلكم علم و بتعلم منكم كلكم

لا انا بتكلم بجد.. و مشاركة حضرتك الاولانية فيها وصف واضح ان كل المعارضين لرأيك اما فلول او غلابة مبيفهموش.

كل الناس اللى بتقول المجلس يمشى حالا..

ايه هى الخطوات الواضحة اللى الكل متفق عليها و هتخلينا نوصل لرئيس جمهورية منتخب فى اقل من الفترة اللى المجلس اقترحها؟

لان حتى اللى بيتكلموا عن خطوات, بيتكلموا عن سنتين و حاجات كده.

اما لو مفيش خطوات واضحة هتوصلنا بشكل اسرع و بطريقة مضمونة لرئيس منتخب, يبقى كل اللى عايز المجلس يمشى ليه مصلحة فى خراب البلد.

تم تعديل 23 نوفمبر 2011 بواسطة ViralMind

[Simba]

خطاب المشير برؤية واقعية شوية

http://www.youtube.com/watch?v=t5l9P3-_Ff4&feature=youtu.be

[moamana]

معلش و الجيش ليه يتقصم ما يروح على ثكناته و يسيبها لحد بيفهم يديرها ما يسبها لمجلس وزراء قوى يرجع الامان و الاقتصاد

و الكل عارف ان لو رجع الاقتصاد و الامان الكل هيحط لسانه فى بئه و مش هيتكلم لان ده اللى عايزه الميدان و حزب الكنبة مش فارقه معاه اساسا

طيب مين هيعترض طبعا الاحزاب ما اصل احنا لو عينا البرادعى مينفعش مش مع الاسلاميين اما لو ابو الفتوح مش مع الليبرالين و الله الاحزاب بتاجر فى دم اللى فى الميدان

انا مش بطرح الاسمين دول بس فيه كثير بس طبعا كل واحد بيدور على الاسم اللى هيكون مكسب ليه و مش مهم الاقتصاد و لا البلد ....الخ

معلش الجيش اساسا مش المجلس العسكرى و لو اللى بيحصل هيقسمه او هيربعه او يثلثه يبقى يرجع ثكناته و طبعا مع الوعد بعدم المحاسبة على اللى فات لان ده اللى بيلعبوا عليه .....بدل ما يفضل قابض على انفسنا و فى الاخر نفاجئ بنكسة تانية زى لان ده اللى اتقال ساعتها الجيش هو الحجر الراسخ فى مصر و طلع الحجر لراسخ على نفس مصر67

حكومة انقاذ وطنى هى الحل و كانت الحل من الاول بس نقول ايه للقوى السياسية

و الله كرهت السياسة و فعلا تذكرت الفتنة ايام سيدنا عثمان بن عفان و على بن ابى طالب

لعن الله المزايدات على الدين و على حب الوطن

و اللى يقولى طرف تالت و رابع و خامس معلش الاطراف ديه موجودة فى كل وقت فى كل مكان قبل و بعد و اثناء الثورة و عمرها ما هتقف

يبقى الحل اننا نعمل الصح اى كان عدد الاطراف

و للى هيقولى الصح فين هقوله الامور واضحة و اللى بيموتوا يوميا فى الميدان طرحوها و بيناقشوها بدمهم

[عماد حمدي]

بيان الإخوان المسلمين الذي يوضح موقفهم من الأحداث وخطاب المشير

[23-11-2011][18:20]

ينطلق الإخوان المسلمون في اتخاذ قراراتهم ومواقفهم من نظرة متوازنة بين العقل والعاطفة، تضبطها القواعد الشرعية، وتنتصر للمبادئ، بعيدًا عن المصالح الخاصة، وهذا هو الذي حكم موقفنا الأخير من عدم المشاركة في الأحداث الأخيرة، فكان تقديرنا للموقف أن هناك خطةً لإحداث فوضى يترتب عليها التهرب من الاستحقاقات الديمقراطية، وتعطيل نقل السلطة من المجلس العسكري إلى سلطة مدنية منتخبة، ومن ثم قررنا الإصرار على استكمال المسيرة الديمقراطية التي هي أهم أهداف ثورة 25 يناير، وألا نستدرج لهذا المخطط.

وللأسف فقد فهم البعض هذا الموقف على غير وجهه الصحيح، وأساءوا إلى الإخوان، ونحن نضرب صفحًا عن الإساءات،

ونوضح الحقائق التالية:

* إن الشباب الذي استفزته المناظر الوحشية لاعتداء الشرطة والشرطة العسكرية على المعتصمين فهرع إلى الميدان لمناصرة المتظاهرين إنما هم شباب وطني مخلص نبيل.

* إن العدوان عليهم إنما هو إجرام في إجرام.

* إننا لو كنا اشتركنا في هذه المظاهرات لتصاعد العنف والقتل والتخريب، وترتبت على ذلك نتائج سيئة قد تصل إلى الانقلاب على كل أهداف ثورة 25 يناير.

* ولو كنا نحرص على مصالحنا الخاصة وحصد الشعبية في الشارع السياسي لكان النزول إلى الميدان هو السبيل إلى ذلك، ولكننا امتنعنا عن النزول على الرغم مما وُجه إلينا من انتقادات من الخصوم المتربصين، ومن المخلصين الذين ليس لديهم من المعلومات ما لدينا.

* إن حرصنا على إجراء الانتخابات في مواعيدها ليس حرصًا منَّا على كسب المقاعد- فذلك كله في علم الغيب- ولكن من أجل البدء في الخطوات الديمقراطية لإنشاء مؤسسات الدولة (برلمان- دستور- حكومة- رئيس جمهورية) أي نقل السلطة من المجلس العسكري إلى سلطة مدنية منتخبة في أقرب وقت ممكن.

* لقد أصدرنا بيانين أمس وأول أمس حددنا فيهما موقفنا، وأرسلنا رسائل إلى كلٍّ من المجلس العسكري وشباب مصر النبيل والشعب المصري العظيم، والسياسيين والمثقفين والإعلاميين، ولم يقف دورنا عند إصدار البيانات، وإنما تمَّ التواصل مع جميع الأطراف المعنية؛ الأمر الذي أثمر بعض الإجراءات والقرارات الإيجابية، وما زلنا ننتظر استكمالها،

فأما المسائل الإيجابية فتتمثل في:

- التعهد بإيقاف القتل والعدوان والعنف من قِبل الشرطة والجيش، واعتبار الميادين مناطق آمنة، والإقرار بالحق الدستوري للشعب في التظاهر والاعتصام السلميين مع عدم المساس بالممتلكات الخاصة والعامة ومؤسسات الدولة.

- تحديد موعد انتخابات الرئاسة الذي سوف يكون نقطة تسليم السلطة كاملة (التشريعية والتنفيذية) إلى المؤسسات المدنية المنتخبة.

- تأكيد إجراء الانتخابات البرلمانية في مواعيدها المحددة سلفًا.

- قبول استقالة حكومة الدكتور عصام شرف.

أما ما نزال ننتظره من قرارات فهي:

- تحويل كل من أمر أو نفَّذ عمليات القتل والإصابة للمواطنين من الضباط والمسئولين إلى التحقيق، والمحاكمة الفورية، ومحاسبتهم على ما اقترفوه من جرائم.

- عدم استمرار الدكتور علي السلمي ووزيري الداخلية والإعلام وتغييرهم فورًا باعتبارهم المسئولين المباشرين عن إشعال الغضب الشعبي.

- تطهير وزارة الداخلية من الضباط الكارهين للشعب، والذين يتربصون للثأر والانتقام منه حسب ما رأينا من مشاهد وحشية غريبة على شعب مصر وقيمه وأخلاقه، إضافةً إلى استخدام الغازات الخانقة.

- تعويض أهالي الشهداء والمصابين وضمان علاجهم على نفقة الدولة.

- الاعتذار الصريح الفوري للشعب المصري عن الجرائم التي ارتكبت في حقه، وعن سقوط عشرات الشهداء وآلاف الجرحى خلال الأيام الثلاثة الماضية، فذلك كفيل بامتصاص جزء من غضب الشعب.

وقى الله مصرنا الحبيبة من كل سوء يُراد بها وبشعبها؛

الإخوان المسلمون

القاهرة في: 27 من ذي الحجة 1432هـ الموافق 23 من نوفمبر 2011م

[Mr MAGED]

انا باقول أفلح ان صدق ... ولو ان الخطاب زيه زي اللي قبله مافيش فرق كتير ... المهم التنفيذ

انا مش عايز من المجلس العسكري غير 3 حاجات يركز فيهم .. حفظ الأمن - انتخابات حرة نزيهة - تسليم السلطة

وبعد كده يرجع زي ما كان .. لكن لا خطابات هتأثر ولا وعود هتهدي ... كله لحد الوقتي كلام في الهوا

وشوفوا المقارنة الظريفة دي بين الخطاب ده ... والخطابات اللي قبله