أنتخابات الرئاسة الأمريكية 2004

[linux]

رحت أدلي بصوتي النهاردة الصبح. فعلا دهشت! طوابير طويلة أمام مختلف لجان الأقتراع.

أول مرة أقف في طابور للأقتراع، و لمدة ساعة كاملة!!

سنة 2000 الموضوع خد مني 5 دقائق، بالكتير!

أتمني أن يكون ده ليس في مصلحة بوش و عصابة القناع الأسود.

هنا واشنطوننننن

لينكس مستقل لينكس

رافض لفكرة ال 99.9%

[linux]

[فــيــروز]

يا عينى يا لينو :huh: ده الكلام

بس انا تخيلت ان الاقتراع فى امريكا هيكون بوسائل متقدمه بقى و كمبيوتر و تصوت من على النت وكله تكترومى !! :blink: ولا هما عندهم نظام القايمه و رمز الجمل و رمز القله و الحاجات اللى تعتبر من تراث مصر الاصيل !!

[hamo90]

أنا أسف جد يا أستاذ لينكس بس فعلا كان حيجيلي غثيان من الصورة الغريبة دي

ازاي الناس دي واقفة كده في الطابور من غير هيصة وزمبليطة وأعطوا صوتكم لفلان أواعطوا صوتكم لعلان

والاهم من دا كله مش هو ده الطابور الي بشوفه عندنا في أي حتة في مصر حتي ولو علي رغيف عيش

ربنا يسامحك يا لينكس

حمو

[afiona]

يا عينى يا لينو :blink: ده الكلام

  ولا هما عندهم نظام القايمه و رمز الجمل و رمز القله و الحاجات اللى تعتبر من تراث مصر الاصيل !!

عندهم رمز الحمار و الفيل ...

linux,

انا انتخبت مبارك . انت انتخبت مين ?

[afiona]

أتمني أن يكون ده ليس في مصلحة بوش و عصابة القناع الأسود.

فى العادة...تاريخيا... الاقبال العالى كان فى صالح الديمقراطيين ... بس مش فى الانتخابات دى.

الجمهوريون عندهم الة دعائية رائعة و يسيطرون على كل وسائل الاعلام و اصبحت قنوات FOX وCNN وNBC اشبه بماسبيرو.

لا حديث على الاطلاق على الفضائح المتوالية لديك تشينى و رامسفيلد و رايس او اللوبى وراء هؤلاء من امثال ريتشارد بيرل و ولفويتس.

بعد ان غسل كيرى الرئيس بوش فى المناظرات الثلاث ... لم يناقش احد ما حدث بموضوعية و لم يتسائل احد عن سقطات بوش الرهيبة فى العراق و تغاضى الجميع عن ضربة سبتمبر ومسئوليته عنها او عن الاقتصاد الذى اصبح متدنى للغاية و عن البطالة الرهيبة ....

كل الكلام تم الغلوشة عليه تماما و تحول الحديث الى شئ اهبل:

كيف يذكر كيرى ان ابنة تشينى (لعنة الله عليه وعليها)... اممم..lesbian?

ونسينا كل القضايا المصيرية والجرائم البوشية (من المصدر بوش) و مسكنا فى الحتة الزبالة دى ?

وامها تتطلع تتشعتف وابوها يطلع عاوج بقه و اختها تعيط وتم الغلوشة التامة على اداء بوش المزرى فى المناظرات....مع الشعارات البراقة ونظام :

This is my story and I am sticking to it

يعنى مافيش مناقشة لاى حاجة بموضوعية ... بل ترديد سخيف لشعارات حتى تنطبع فى اذهان الناس.

احمد زى الحاج احمد ... المهم غسيل المخ الاعلامى ومش مهم اى حاجة تانية. انا عرفت دلوقت Karl Rove المستشار الاعلامى للجمهوريين ليه بيكسب 1000 دولار فى الساعة. ولا حتى جوبلز يقدر ينافسه ..

كل الشعوب فى الاخر غنم.....

[se_ Elsyed]

كلهم كلاب .. كيري بوش ..إن إختلفت الأسماء فالمبدا واحد واللوبي المسيطر واحد ...

أنا حاسس إن الشعب الأمريكي هايستندل كالعادة وهاينتخب بوش لفترة ولاية آخرى عشان يخلصهم من البقية الباقية من فلول المسلمين والعرب ... لكي ينتهي الفيلم نهاية سعيدة كما يريدها دائماً الكاوبوي الشجيع ...

ولكن هيهات .....

بإذن الله بوش هو اللي هايجيب درافها وهانتفرج قريب على دول مثل أوهايو ونيو مكسيكو وكاليفورنيا ... زي ما حدث للإتحاد السوفيتي الذي كان ... وأصبحوا الآن شوية متسولين .

[disappointed]

كلهم كلاب ....كيري بوش ..إن إختلفت الأسماء فالمبدا واحد واللوبي المسيطر واحد ...

هذا هو مربط الفرس و لب الموضوع و خلاصة القصّة التى يجب أن يعيها العرب و المسلمين

أنا حاسس إن الشعب الأمريكي هايستندل كالعادة وهاينتخب بوش لفترة ولاية آخرى عشان يخلصهم من البقية الباقية من فلول المسلمين والعرب ... لكي ينتهي الفيلم نهاية سعيدة كما يريدها دائماً الكاوبوي الشجيع ...

إذا كنت إنت حاسس فأنا متأكّد ( و من زمااااااان) إن بوش هوّه اللى حيفوز فى الإنتخابات ( انا من الأول شايف إن بوش حيكسب حيكسب رغم شوية التوابل و البهارات اللى حطّها كيرى فى الموضوع)

ياعزيزى.....

غالبية رؤساء أمريكا جمهوريين..... و الديموقراطيين اللى بيدخلوا البيت الأبيض بيخرجوا منه يا بفضيحه... يا بتآمر... يا بيتم إغتيالهم

و إرجع للتاريخ كده و تأمّل

بإذن الله بوش هو اللي هايجيب درافها وهانتفرج قريب على دول مثل أوهايو ونيو مكسيكو وكاليفورنيا

أنا عن نفسى أرى أن إنفراط عقد فيدراليّة الإتحاد الأمريكى مسألة وقت مش أكثر...صحيح وقت طويل و مش حيحصل إلا على مدار 3 عقود مثلا...بس فى الآخر مسالة وقت

لازال الجنوبيين يجترّون مرارة الحرب الأهليّة حتى الآن و يستخدمون العلم الجنوبى و يردّدون : The south will rise

ولا زالت مرارة العبودية و الفصل العنصرى تملأ صدور و عقول الزنوج الذين يبدو و كأنهم قد تجمّعوا فى ولايات محددّة (أى حد مثلا ينزل مدينة "أتلانتا" حيحس إنه فى الكونغو أو فى زامبيا)

ولا زال الهيسبانيك و الميكسيكانز ينظرون إلى عدد من الولايات على أنها مكسيكية (كأسلافهم) و أنها قد تم إحتلالها و إنتزاعها عنوة من وطنهم الأم الأصلى

و لازال الأمريكيين الأيرلنديين محل إنتقاد جميع الأمريكيين من أجناس أخرى لإستئثارهم بالبيت الأبيض والإقتصاد و الصناعة و لتعاليهم على الأمريكيين من أصول أخرى... ولازال الأمريكيين من أصل بولندى مثار سخرية , و الأمريكيين من أصل ألمانى محل كراهية , و الأمريكيين من أصل إيطالى مقترنين بالمشاكل , و الأمريكيين من أصل صينى محل تحفّز و مصدر قلق

التفكّك الحتمى للمجتمع الأمريكى (مستقبليّا) يلخّصه نكتة أمريكية تقول :

إذا كان هناك سيّارة بها أمريكى زنجى و أمريكى هسبانيك فمن الذى يقود السيّارة ؟؟؟؟

و الإجابة هى :

يقودها الشرطى الأمريكى الأيرلندى

و الحدق يفهم

تم تعديل 3 نوفمبر 2004 بواسطة disappointed

[Cleo]

يا عينى يا لينو :huh: ده الكلام

  ولا هما عندهم نظام القايمه و رمز الجمل و رمز القله و الحاجات اللى تعتبر من تراث مصر الاصيل !!

عندهم رمز الحمار و الفيل ...

linux,

انا انتخبت مبارك . انت انتخبت مين ?

أنا انتخبت الفيل... :blink:

[linux]

يا عينى يا لينو mfb: ده الكلام

بس انا تخيلت ان الاقتراع فى امريكا هيكون بوسائل متقدمه بقى و كمبيوتر و تصوت من على النت وكله تكترومى !! :blink:  ولا هما عندهم نظام القايمه و رمز الجمل و رمز القله و الحاجات اللى تعتبر من تراث مصر الاصيل !!

هناك عدة طرق للتصويت، أنا مثلا صوت عن طريق جهاز كومبيوتر بـ touch screen، و هناك من يستعمل التصويت الغيابي، أي يملأ الأستمارة و يرسلها بالبريد.

لكن التصويت عبر الأنترنت لسه فيه مشاكل أمنية و هناك عدة جامعات و جهات تبحث حلول لتلك المشاكل.

[linux]

يا عينى يا لينو :blink: ده الكلام

  ولا هما عندهم نظام القايمه و رمز الجمل و رمز القله و الحاجات اللى تعتبر من تراث مصر الاصيل !!

عندهم رمز الحمار و الفيل ...

linux,

انا انتخبت مبارك . انت انتخبت مين ?

أنتخبت البقرة mfb:

لأ، بجد أنا أدليت بصوتي لرالف نادر، حتي و أنا أعلم جيدا انه لن يكسب، لكن رشحت حسب ضميري، راجل ضد حرب العراق و الهيمنة و الغطرسة و الطموح الأستعمارية الأمريكية و ضد تسلط الشركات العملاقة علي سير البلاد، كما أنه ضد أسرائيل ... يبقي ما أرشحوش ليه؟

[linux]

فيه شيئ محيرني الآن ...

فلوريدا، من أربع سنين كانت النقطة الساخنة في أنتخابات الرئاسة، و فاز بوش بعد قصة كلنا عارفينها و بفارق مئات الأصوات فقط.

اما الآن، بوش كسب فلوريدا بفارق كبير.

لاتنسي، هي دي فلوريدا ذات الناخبين الحانقين علي بوش لأحساسهم بسرقة أصواتهم في الأنتخابات الماضية.

1 - فلوريدا بها عدد كبير من الأصوات اليهودية، و أغلبيتها لكبار السن علي المعاش.

2 - فلوريدا بها عدد كبير من الأصوات الكوبية.

3 - فلوريدا بها عدد كبير من الأصوات لمهاجرين من كوستا ريكا مثلا.

طيب ...

1. اليهود عادة يصوتون للمرشح الديمقراطي. كبار السن لديهم مشاكل الآن خاصة بغلاء أسعار التأمين الصحي و الدواء.

كيف يصوتوا لبوش.

2. عدد المهاجرين من كوبا الآن أقل من سنة 2000. دول غالبا بيكون تصويتهم للحزب الجمهوري.

3. الأقليات الجديدة في فلوريدا متوقع أن تصوت لكيري.

الأحتمال الكبير أن التغير حدث نتيجة لسياسة الخوف التي يتبعها بوش و عصابته. الناس فعلا مقتنعة أنه هو اللي ها يحميهم بغض النظر عن كل المصائب و الكوارث التي سببها، سواء علي المستوي المحلي او الساحة العالمية.

دليل قاطع لي أن لا يزال أكثر من نصف الأمريكيين لا يبالوا بحالة العالم من حولهم.

[hamo90]

سؤال للحاج لينكس

لماذا لايعتبر المحللون السياسيون نيويورك وواشنطن العاصمة وكاليفورنيا من الولايات المفاتيح الانتخابية

علي الرغم من أهميتها وشهرتها علي مستوي العالم

ولا هي فعلا من المفاتيح ايه هو السبب الرئيسي لهزيمة كيري علي الرغم أنه فاز بولايات مهمه زي الولايات دي

أصلي بصراحة كنت أتمني أشمت في بوش بس لا أكثر وأقل

عشان عارف أن أحمد زي الحاج أحمد

حمو

[homer]

يا عينى يا لينو :blink: ده الكلام

  ولا هما عندهم نظام القايمه و رمز الجمل و رمز القله و الحاجات اللى تعتبر من تراث مصر الاصيل !!

عندهم رمز الحمار و الفيل ...

linux,

انا انتخبت مبارك . انت انتخبت مين ?

أنا انتخبت الفيل... :blink:

جوووووووون يا كليو

القاضية الفنية

[se_ Elsyed]

مبروك للرئيس بوش ..

مبروك لشارون والصهاينة ..

وكل سنة والشعب الأمريكي طيب .. وهو الذي بإختياره الحر الديمقراطي فتح على نفسه ابواب جهنم .. لأني اتوقع 4 سنين عجاف قادمة لا محالة على امريكا .. مع تنامي موجة الكره لكل ما هو امريكي حتى لو كان ماسح أحذية في الشارع فكل ذنبه سيكون إنه امريكي ...

لن تلاحق امريكا على القواعد التي ستفتح في وجهها .. يعني مش هايبقى عندنا تنظيم قاعدة واحد .. لأ ده هايبقى في قاعدة في إيران وقاعدة تاني في كوريا الشمالية وقاعدة في امريكا الجنوبية لمحاولات أمريكا السافرة التدخل في شئون بعض بلدانها .. ومش بعيد تتقلب أوروبا على أمريكا هي الآخرى .. حيث لا يوجد حليف قوي لأمريكا هناك غير الجرو بلير .

عشان بس الناس ما يبقوش يقولوا إيه ذنب الورد .. وذنب المدنيين .. اهم المدنيين دول هما اللي قعدوا بوش على الكرسي .. يبقى يشربوا بقى نتيجة إنتخاباتهم .

وإفتكروا الكلام ده كويس ...

لن يستطيع شخص مهما بلغ من قوة أو جبروت أن يضمن الامن لشعبه طالما هو نفسه يدفع الجميع لأن يكرهوا بلده .

[linux]

سؤال للحاج لينكس

لماذا لايعتبر المحللون السياسيون نيويورك وواشنطن العاصمة وكاليفورنيا من الولايات المفاتيح الانتخابية

علي الرغم من أهميتها وشهرتها علي مستوي العالم

الأخ العزيز hamo90 زميل الكفاح في مدرجات الدرجة التالتة يمين، جنب الجون:

الولايات المفاتيح بتتحدد حسب أهميتها للأنتخابات، بمعني ...

مع أن كاليفورنيا لديها أكبر عدد من الأصوات (55 Electroal votes) الأ أنه من المسلم به أنها ولاية تصوت للديمقراطيين. لذلك فهي مضمونة للديمقراطيون، و هي خارج حسابات الجمهوريون. فلا تلقي الأهتمام الكافي.

و هذا أيضا صحيح بالنسبة لنيويورك، فهي ديقراطية أيضا.

أما بالنسبة لواشنطن، و هي مقاطعة كولومبيا و ليست ولاية، فعدد أصواتها الأنتخابية ثلاث أصوات فقط، تذهب للديمقراطيين حيث أن غالبيتة سكانها من السود.

و العكس أيضا صحيح، فمثلا ولاية تكساس تذهب الي الجمهوريين و لاتحظي بأهتمام من كلا الحزبين لأنها مضمونة و لاتستحق المصاريف و العناء من كلا الحملتين الأنتخابيتان.

[linux]

وكل سنة والشعب الأمريكي طيب .. وهو الذي بإختياره الحر الديمقراطي فتح على نفسه ابواب جهنم .. لأني اتوقع 4 سنين عجاف قادمة لا محالة على امريكا .. مع تنامي موجة الكره لكل ما هو امريكي حتى لو كان ماسح أحذية في الشارع فكل ذنبه سيكون إنه امريكي ...

لن تلاحق امريكا على القواعد التي ستفتح في وجهها .. يعني مش هايبقى عندنا تنظيم قاعدة واحد .. لأ ده هايبقى في قاعدة  في إيران وقاعدة تاني في كوريا الشمالية وقاعدة في امريكا الجنوبية لمحاولات أمريكا السافرة التدخل في شئون بعض بلدانها .. ومش بعيد تتقلب أوروبا على أمريكا هي الآخرى .. حيث لا يوجد حليف قوي لأمريكا هناك غير الجرو بلير .

ys): ys): ys):

[G.G]

رأى أمريكي سابق عن بوش..

(أسمع كلامك أصدقه,,أشوف أمورك أستعجب)

تم تعديل 4 نوفمبر 2004 بواسطة G.G