المجلس رمى القفاز .. فهل يقبل "الميدان" التحدى ؟

[عصام أبوالفتح]

أنا متأكد تماما أنها هاتكون أول مرة استفتاء نزيه تكون نتيجته 99% .. .. لبقاء المجلس حتى انتهاء الفترة الانتقالية

ليست مصادفة ان تتشابه المواعيد التى قطعوها مع جدولى الزمنى المقترح والذى ارسلته قبل المليونية المسمومة الى كل معارفى واصدقائى وعلى كل حوائط الفيسبوك الكبرى والى قيادات الوسط ورئيسه م ابوالعلا ماضى و اصدقائى من الاخوان

لا أفخر بذلك .. ولكن احمد لله ان يسر لى عمل ايجابى يخدم بلادى

[أبو محمد]

استاذ ابو محمد

المجلس العسكرى لم يلقى بقفازه

المجلس العسكرى تصرف بالضبط كمن رمى عليه قنبله غاز مسيل للدموع

فتلقفها قبل ان تنفجر فى وجهه بلحظات و اعاد رميها مسرعا على الثوار الذين رموها عليه

هذا باختصار تحليل ما حدث

موافق على هذا التصور يا سيدتى

بدأت أتابع ردود أفعال "المتكلمين" فى برامج التوك شو .. واضح إن القنبلة عاملالهم خضة

تعرفى أنا اللى كنت مستنيه إيه فى البيان ؟ .. كنت مستنى حيقول الانتخابات حتتأجل ولا لأ .. كنت خايف أحسن يأجلها .. لأن ده كان ممكن يكون له تداعيات أخطر بكتير من اللى احنا شايفينه ده فى الميدان دلوقت .. كان الشعب حيضرب فى بعضه مش فى الأمن .. وأعتقد إن ده رد على اللى بيقول إن اللى حصل ده من تدبير المجلس علشان يشعللها ويقعد .. لو كان عايز يشعللها بصحيح كان أجل الانتخابات

[متعب]

الخلاصه بس عشان موضوع الاستفتاء السخيف ده

كون ان المجلس يطلب استفتاء شعبى او يتكلم عليه يبقى كده بيقر رسمى بانه موجود فى البلاد من غير شرعيه

وعاوز شرعيه من الشعب والشعب فى الميادين رافض وجوده اصلا

يبقى استفتاء على ايه من اساسه

وطالما هو معترف انه متواجد من غير شرعيه وده ال بيقوله طلبه فى اجراء استفتاء

يبقى وجوده وكل عمله فى البلاد باطل وماسك البلاد بلطجه

يبقى الصح هنا انه يرحل قبل ما جرايمه تزيد وبدل الطلب برحيله الان

هيبق ى الطلب الرسمى القديم بتاعه مبارك

ال هو المحاكمه

بس خلاص

وياحلولى المجلس من غير شرعيه وعاوز شرعيه

ده عند امه يا أدهم

تم تعديل 22 نوفمبر 2011 بواسطة الباز افندى

[ViralMind]

ما هو ده اللى اتقال يا استاذ ابو محمد..

مش هما قعدوا يقولوا ان المجلس بيعمل كده علشان يأجل الانتخابات و يقعد؟

تصدق انى بتمنى ان المجلس يعلن انه هيمشى حالا.. علشان اتفرج عالمنظر فى الميدان اللى اكيد اكيد مش هيفضى ابدا بعد كده.

اللى بيحصل من انتقام وحشى للشرطة واضح انه مدبر من الشرطة و مش بعيد حد فى المجلس يكون متورط.

[se_ Elsyed]

نتيجة الأستفتاء ظهرت اهي

مجرد ما انتهى البيان ولا الخطاب .. إلا وأنسعرت الشرطة وهاتك يا يضرب في المتظاهرين تماماً كما فعل مبارك في خطابه السابق لموقعة الجمل

الإستفتاء على بقاء المجلس منتهى التهريج والملهاة

فالجيش زي ما قال سامي عنان وظيفته الدفاع عن الوطن

يبقى يتفضل يدافع من دلوقت وينقل جميع الصلاحيات إلى حكومة إنقاذ وطني محترمه لها كافة القوة والصلاحيات .. ويتعهد الجيش بالوقوف إلى جانب هذه الحكومة ولكن كجهاز دفاع داخلي وخارجي وليس كحكاماً

[se_ Elsyed]

وبعدين فين الكلام عن الدم والمحاسبة الفورية للمتورطين في المدابح ؟

[أبو محمد]

على فكرة الجيش بيحكم البلد من 1952 وبالرغم من كده قامت ثورة يناير .... هل تنفع دي استفتاء على رجوعهم ثكناتهم

لأ ما تنفعش .. لأن بعد الثورة (قصدى الموجة الأولى) حصلت حاجات كتير غيرت من الأوضاع على الأرض .. أبسطها الاستجابة من 18 مليون مصرى لطلبه استفتاء الشعب فى مارس

ياترى تصويتك كان إيه وليه يا أستاذ Radws ؟

[Abu Reem]

أنا متأكد تماما أنها هاتكون أول مرة استفتاء نزيه تكون نتيجته 99% .. .. لبقاء المجلس حتى انتهاء الفترة الانتقالية

ليست مصادفة ان تتشابه المواعيد التى قطعوها مع جدولى الزمنى المقترح والذى ارسلته قبل المليونية المسمومة الى كل معارفى واصدقائى وعلى كل حوائط الفيسبوك الكبرى والى قيادات الوسط ورئيسه م ابوالعلا ماضى و اصدقائى من الاخوان

لا أفخر بذلك .. ولكن احمد لله ان يسر لى عمل ايجابى يخدم بلادى

نفس اعرف ليه انت مصر انها جمعة مسمومة

ما حدث ليس له علاقة بالجمعة له علاقة بتصرف مقصود فعلته الشرطة....ضد معتصمين موجودين في اماكنهم قبل الجمعة المسمومة كما تسميها

فممكن يس اعرف وجهة نظرك

[ViralMind]

وبعدين فين الكلام عن الدم والمحاسبة الفورية للمتورطين في المدابح ؟

العسكري يقرر إحالة أحداث ماسبيرو والتحرير للنيابة العامة

[أبو محمد]

الخلاصه بس عشان موضوع الاستفتاء السخيف ده

ياريت توضَّح تقصد أى استفتاء هو اللى سخيف ؟ .. الاستفتاء اللى فى البيان ولا الاستفتاء اللى فى الموضوع ده ؟

لأن لكل مقام مقال يا باز افندى .. آه

[الترجمـان]

اخترت لا ..

فلست مستعد ان اعاقب على رفضي لبقاء ميزانية المؤسسه العسكرية كصندوق اسود لا يمكن الاقتراب منه او محاسبة الفائمين عليه ...

طبعا العقاب هو اجراء استفتاء سيقوم بكتابته واخراجه هو المجلس العسكري نفسه ..

[شرف الدين]

بسم الله الرحمن الرحيم

استاذي الكبير / أبو محمد

يا عزيزي .. كل ما حدث من تظاهرات ومشاحنات ومصادمات في التحرير منذ نهاية الثورة وحتى الآن .. لم تكن بسبب الخلاف على تشكيل حكومة أو الانتخابات ( وهذه فقط يستثنى منها تظاهرات الإخوان المسلمين فهم يريدون الانتخابات ) .. كل التظاهرات مهما اتخذت من شعارات ومهما تلبست من ثياب فإن هدفها الأساسي هو إخراج المجلس العسكري من الحكم .. وتشكيل مجلس رئاسي .

واليوم وأمس فقط أتيحت لهم أكبر فرصة لتحقيق هذا الهدف .. ولا أظنهم سيتراجعون عنها .. وحتى إن تراجعوا عنها الآن فعند أول فرصة قادمة ستتجدد المظاهرات مرة أخرى ..

اليوم المجلس العسكري قال أنه لو رحل فسيرحل باستفتاء شعبي وليس بناء على تظاهرات التحرير .. وهذا كلام جيد ولكن .. ثوار التحرير لن يقبلوا بحدوث هذا الاستفتاء لأنهم يعلمون أن إجراءه سيعني هزيمة ساحقة لهم .. وبيان حقيقة أنهم لا يمثلون 5% حتى من الشعب المصري.

لذا فالحجج الجاهزة

1) أن المجلس العسكري لم يأت للحكم بطريقة شرعية حتى يرحل عنه بطريقة شرعية .. هذه واحدة ..

2) والثانية أن المجلس العسكري باستفتائه هذا يضعنا ما بين خيار إما المجلس وإما الفوضى لأنه لا توجد سلطة بديلة في حال اختار الشعب في الاستفتاء رحيل المجلس .. وبناء عليه فنتيجة لعدم وجود هذه السلطة البديلة فالشعب مجبرا سيضطر لاختيار السلطة الموجودة حاليا وهي المجلس ..

هذه هي الحجج الجاهزة التي سيتهرب بها ثوار الميدان من إجراء الاستفتاء الذي سيكشفهم على حقيقتهم..

ولذا فقد طالبت بتشكيل المجلس الرئاسي حتى يكون الأمر أشبه بانتخابات وليس باستفتاء .. وعندها ستختفي حجة أن المجلس لم يأت بشرعية الاستفتاء حتى يرحل بشرعية الاستفتاء .. لأن المسألة وقتها ستكون اختيار ما بين جبهتين لإدارة شؤون البلاد .. كما ستختفي أيضا حجة عدم وجود البديل ..

ولو حدث الأمر كما أرجو .. فالمتوقع أنه سيحدث اختلاف هائل بين متظاهري التحرير حول أعضاء المجلس الرئاسي .. وحينها حالة من اثنتين

1) إما أن ينجحوا في تشكيل المجلس الرئاسي ويكون توافقيا يحظى باتفاق ثوار التحرير .. وفي هذه الحال يتم الاختيار ما بين المجلسين .. ويكون الأمر بيد الشعب المصري ..

2) إما وهو المتوقع أن يفشلوا في الاتفاق على تشكيل المجلس خلال الفترة المحددة .. وفي هذه الحال سينكشف للجميع أنهم بالفعل يذهبون بمصر للفوضى لأنهم يطالبون برحيل الجيش عن السلطة في الوقت ذاته الذي لا يستطيعون فيه تشكيل بديل لهذه السلطة .. وفي هذه الحال سيبقى الجيش في السلطة أيضا بالتزكية .. وسيكون قد حصل على الشرعية لعدم وجود منافسين.

[أبو محمد]

أنا متأكد تماما أنها هاتكون أول مرة استفتاء نزيه تكون نتيجته 99% .. .. لبقاء المجلس حتى انتهاء الفترة الانتقالية

ليست مصادفة ان تتشابه المواعيد التى قطعوها مع جدولى الزمنى المقترح والذى ارسلته قبل المليونية المسمومة الى كل معارفى واصدقائى وعلى كل حوائط الفيسبوك الكبرى والى قيادات الوسط ورئيسه م ابوالعلا ماضى و اصدقائى من الاخوان

لا أفخر بذلك .. ولكن احمد لله ان يسر لى عمل ايجابى يخدم بلادى

برضه ده أكثر السيناريوهات تفاؤلا يا باشمهندس .. لاحظ إن برنامج حضرتك مفيهوش أى Float يعنى من أوله لآخره "مسار حرج" .. أى تأخير فى بند من بنوده حيأخر البرنامج كله .. أنا مش عايز أقول تقديرى أنا .. خليها واحدة واحدة كده أحسن ..

[متعب]

هههههههههه

لاء لاء يا أبو محمد انا بتكلم على الاستفتاء ذاته ال طلبه المشير مش موضوعك

لاء لاء

ده كلام برده انته موضوعك على راسنا ياعم

خد دى بقى

جايه لنج لسه بالكرتونه بتعتها اهيه

[moamana]

مفيش حاجة اسمها استفتاء استفتى على ايه على بقاءه و لا على بقاءه مع مجلس مدنى و لا على بقائه من غير المشير و لا بالمشير

الموضوع هيبقى فيه فرق تسد .............بلاش غباء احنا دلوقتى نلتزم باللى قاله

بس بشروطنا مش بشروطه

يعين حكومة الان و يوريهالنا و نوافق عليها و يعمل انتخابات بعد اسبوعين و ووثيقة السلمى فى الزبالة زى اللى عملها

[احمد رضوان]

على فكرة الجيش بيحكم البلد من 1952 وبالرغم من كده قامت ثورة يناير .... هل تنفع دي استفتاء على رجوعهم ثكناتهم

لأ ما تنفعش .. لأن بعد الثورة (قصدى الموجة الأولى) حصلت حاجات كتير غيرت من الأوضاع على الأرض .. أبسطها الاستجابة من 18 مليون مصرى لطلبه استفتاء الشعب فى مارس

ياترى تصويتك كان إيه وليه يا أستاذ Radws ؟

لا أنا مش قابل الفكرة اصلا لعدم جديتها اولا وثانيا لانها عصا موسى التى سيفرق بها المجلس العسكري ما تبقى من تجمع لم يكن يتوقعه ويشرذم الموجة الثانية للثورة .... هل نسيت الاستفتاء الاول وبعد ذلك مسحه المجلس واعلن اعلان دستوري لم يستفت الشعب عليه

أنا لن ابلع الطعم هذه المرة اعتذر لك

[se_ Elsyed]

وبعدين فين الكلام عن الدم والمحاسبة الفورية للمتورطين في المدابح ؟

العسكري يقرر إحالة أحداث ماسبيرو والتحرير للنيابة العامة

بجد ؟

يعني ممكن النيابة او فريد الديب يثبت إن ضباط الجيش اللي قتلوا الشباب وكوموهم في الزبالة هما كائنات فضائية ؟

وإن الظباط دول غير تابعين للمشير ؟

وفريد الديب يطلب شهادة عصام شرف عشان يبرا المشير ؟

ويا ترى المشير هايتحط في القفصص وييجي على سرير برضوا ؟

الخلاصة يعني ... هو القفاز اللي إترمى ده يا عم أبو محمد .. مالحتظش فيه إنه بينزل دم من قتل 33 شاب .... وخزق عين العشرات ؟

مين اللي كان لابس القفاز يا عم ابو محمد عشان نحاسبة ؟

[عادل أبو عمر]

الفاضل أبو محمد

دعني أولا أحييك على قدرتك على احتفاظك بهدوئك اللي مخليك من ضمن قلة ما زلت تتحدث بالعقل في الوضع المتفجر الذي نعيشه

باختصار أنا اخترت رقم 1 و 2 و 3

آه بجد

هو اختيار واحد بيساوي الثلاثة مجتمعين

و هو الاختيار رقم 3

لا .. لا أوافق على إجراء الاستفتاء

بص حضرتك

لو حصل استفتاء النتيجة 90 % على أقل تقدير هتكون رقم 2 : نعم .. والنتيجة ستكون البقاء حتى تسليم السلطة

بس من واقع خبرتنا بالاستفتاءات في مصر بعد الثورة و طبقا لديموقراطية البعض

ستجد أن جميع الأحداث و نحن نراها بأعيننا توجهنا إلى الاختيار رقم 1 : نعم .. والنتيجة ستكون بالعودة للثكنات

و بعد كدة هنقعد تسعة شهور سيكون خلالها الاختيار هو رقم 3 : هو سيد الموقف

فأنا قلت فالواحد لازم يتعلم أخطائه

[عصام أبوالفتح]

أنا متأكد تماما أنها هاتكون أول مرة استفتاء نزيه تكون نتيجته 99% .. .. لبقاء المجلس حتى انتهاء الفترة الانتقالية

ليست مصادفة ان تتشابه المواعيد التى قطعوها مع جدولى الزمنى المقترح والذى ارسلته قبل المليونية المسمومة الى كل معارفى واصدقائى وعلى كل حوائط الفيسبوك الكبرى والى قيادات الوسط ورئيسه م ابوالعلا ماضى و اصدقائى من الاخوان

لا أفخر بذلك .. ولكن احمد لله ان يسر لى عمل ايجابى يخدم بلادى

نفس اعرف ليه انت مصر انها جمعة مسمومة

ما حدث ليس له علاقة بالجمعة له علاقة بتصرف مقصود فعلته الشرطة....ضد معتصمين موجودين في اماكنهم قبل الجمعة المسمومة كما تسميها

فممكن يس اعرف وجهة نظرك

منظر ابواسماعيل وهو منفعل جدا وبيخبط كوباية المية المسمومة وبيقول للناس متشربوش .. روحوا ومحدش يعتصم .. وانسحاب الاخوان اول ناس .. دى دلائل كافية انهم اكتشفوا السم اللى فى العسل .. بس للاسف كان متأخر جدا .. طبعا انا عارف ومتأكد من النتيجة وقلت ان جر رجل الاخوان هايجرأ الناس على الاعتصام وبالتالى هايكون فرصة جيدة للتحرش بهم وهو ما حدث صباحا من البلطجية وفى نفس الوقت تحرش البلطجية بوزارة الداخلية ولبسوا الاثنين فى بعض

[se_ Elsyed]

تم حذف المداخلة التي لا تستند إلى اي أساس او مصدر موثوق

ونؤكد إن مهما أنتقدنا وضع معين او جهة معينة فلا يمكن أن يدفعنا ذلك إلى تأليف إشاعات او المساعدة في نشرها