المجلس رمى القفاز .. فهل يقبل "الميدان" التحدى ؟

[أبو محمد]

معلش .. ده يرجعنا للموقف اللى احنا فيه .. وهو موقف الاختيار بين السئ والأسوأ .. فما هو ذلك السئ الذى سنختاره ..

يمكن يكون الحل فى إننا نتعرف على الأسوأ علشان نتجنبه ..

[ابو محمود]

كثيرآ ما دافعنا وانت تعرف جيدآ عن المجلس والرفض الفل بينة وبين القوات المسلحة ولو شرحنا هناخد وقت يمكن تحصل حرب كمان كما اتهامى بأنى سلفى ههههههههههههههههههههههه

الوقت او الاحداث تدل على ان ماحدث لة مبرر وهو تأجيل الأنتخابات ليس لطمع من المجلس بل لسذاجتة وان هناك من اوهمة من الداخلية ان ما يحدث هو مدبر للقضاء على هبة الشرطة وما تبعة من أحداث ربما نعرفها بعد الانتهاء من هذة الدوامة التى دخلها او صنعها من هم فاشلون على الفضائيات والشارع

ستقول انى خارج الصف وانحرف عن المسار

ماهو الداعى لكل ماحدث الا ذنق فصيل اسلامى بعينة ومحاولة تلبيسة العمة والشيلة بانة هو من احدث هذا الارتباك والمسؤلية تصب على رأسة ظنآ بانة سيخسر الشارع

وجود نية مبيتةمن حركات بعينها سابقآ ان تسقط شرعية المجلس وكم انى نوهت لهذة الصدمة التى نعيشها

وجود تيار كبير من رجال الاعمال يصرفون ببذخ على تيارات صنعت باسم شرعية الثورة واليوم تجدهم فى الميدان يعبرون عن اراء صانعيهم وعمل بلبلة تؤدى الى عدم التمييز بين الصواب والخطأ والتشكيك فى كل الشخصيات التى كانت عليها اجماع بانها وطنية

فى النهاية المجلس العسكرى لن يترك الرقعة ليبرطع فيها حاملى الاشواك ليؤذو الجميع وما يحدث من الشرطة ماهو الا لقص شريط القضاء على قيادات بعينها نفذت صلاحيتها وستهدىء المناوشات حال تم الاعلان عن تأجيل الانتخابات فهو المراد تنفيذة وعندها ستجد ميدان هاديء ويبحث عن اسماء بعينها ولن يتفقو على شيء لانهم اشلاء لأفكار غير مكتملة وسيرغمهم اصحاب التمويل على اختيار ما يريدون كما كان الحال مع شرف

اخيرآ توجد مفاجأة فى الطريق ان من يخرج من الصف ويحاول تخريب طريق تيار بعينة سيكون هو اول الخاسرين لان الناس ستعرف بعد اسبوع من تعيين حكومة جديدة ان ما حدث ماهو الا اتفاق شيطانى لبعض القوى استخدمت فية سلاح المال والداخلية ممثلة فى بعض قياداتها المرتشية والجيش هو من دفع الثمن لتصديقة كلام هذة القيادات من ان هناك مؤامرة تحاك لتخريب الانتخابات وان جمعة ما قبل الهجوم هى بداية المؤامرة

المجلس العسكرى يتم عملية بناء الدولة من جديد بطريقة تحتاج الى عقلاء يعملون معة وتقاطع المصالح هى من افشل ويفشل محاولاتة لبناء مؤسسات قوية لاتحتاج الى اعانة بعدما ينهى مرحلتة فى تسليمها الى من يديرها

فى النهاية اتمنى ان يتحول هذا الدرس القاسى الى ذاكرة الجميع ويحفر بها لاننا فى سبيلنا الى دروس اخرى اشد قسوة والشاهد كان واضح بعد 19 مارس ..فلننتظر دروس اخرى قادمة

[شرف الدين]

معلش .. ده يرجعنا للموقف اللى احنا فيه .. وهو موقف الاختيار بين السئ والأسوأ .. فما هو ذلك السئ الذى سنختاره ..

يمكن يكون الحل فى إننا نتعرف على الأسوأ علشان نتجنبه ..

لا يوجد سيء ولا أسوأ .. يوجد أفضل وأسوأ ..

إن كان عليا أن رأيي واضح في التصويت وهو إجراء الاستفتاء وتوقعي إن المجلس هيفوز باكتساح ...

لكن ما اتمناه إني ألاقي جماعة واحدة تطلع تقول احنا مش عايزين سلطة ولا عايزين انتخابات ولا عايزين حاجة .. احنا عايزين المجلس العسكري يفضل في السلطة ( على اعتبار إنه الجهة المنظمة الوحيدة ) من أجل عودة الاستقرار لمصر .. نفسي ألاقي حركة أو جماعة تفضل مصلحة مصر على مصلحتها الخاصة .. نفسي ألاقي حركة واحدة يكون هدفها وأد الفتنة وليس الإصرار على المضي قدما في الطريق اللي هيا فاكراه انه صح وهيوصلها للسلطة ..

كل جماعة فاكرة إن هيا الصح وهيا اللي من حقها توصل للسلطة .. مش مهم السلطة دي تكون على حساب دماء المصريين .. مش مهم .. المهم السلطة.

[ابو محمود]

اللي له مصلحة في إن الفتنة تفضل صاحية والدم يزيد هي الأطراف اللي خايفة من الانتخابات

إما المجلس العسكري عشان يبقى مفيش حل ادامه غير إنه يلغي الانتخابات وساعتها الإخوان مش هيقدروا يفتحوا بقهم ...

يا إما القوى الثورية التي لا وزن لها في المجتمع وعارفة ان الانتخابات هتكشفها على حقيقتها .. والسلطة هتضيع من ايديهم ..

عشان كده القوى دي عايزة الدم يزيد .. عشان قميص عثمان والمقصود به حق الشهيد يطلع من جديد .. وهاتك يا مليونيات جديدة تطالب بحق الشهيد اللي محدش عارف أصلا هو شهيد ولا لأ.

الحركة اللي أنا واثق دلوقت انهم هيضربوا نفسهم بالجزمة عشان نزلوا المليونية هما الإخوان .. لأنهم كانوا خلاص على أبواب تحقيق حلمهم القديم وهو دخول المجلس .. لكن تطورات المسألة وضعتهم في كورنر مش قادرين يطلعوا منه .. فإما يطالبوا الثوار بالعودة من الميدان وبكده يبقوا ضحوا بقميص عثمان ( قصدي دم الشهدا ) .. يا إما يوافقوا على استمرار الفوضى والصدامات وبكده يخسروا الحلم ( قصدي الانتخابات ).

زميلى العزيز اتفق مع كثير مما تناولتة فى مداخلتك القيمة المتزنة التى تعبر عن الاحداث بكل شفافية

لكنى انوة فى مداخلتى او ردى على ما جاء بمداخلتكم المحترمة بأن هناك قوى ايضآ اقل وزنآ من حيث الخبرة فى ساحة الميدان واشعر بان هناك تكتيك اخوانى قادم فى محاولة لأعادة الاتزان للشارع وهى اللعب على وتر الحكومة القادمة وستجد ان هناك تقاتل بين القوى التى اشرت اليها من محبى الدم فى اختيار المرشحين للحكومة والصدمة التى ستعترى الشارع هى الاسماء التى سوف يختارها من يمول تلك التيارات الوهمية المسماة بالثورية التى يحركها من الخارج اصحاب المال

[أبو محمد]

أستاذ محمود

أستاذ شرف الدين

ياريت تاخدوا بالكم وانتم بتتكلموا عن الإخوان ..

فيه جماعة الاخوان ، وفيه حزب الاخوان ، وفيه شباب الاخوان .. وكل واحد من التلاتة له موقف سياسى .. سيبك من حكاية إن الجماعة تختص بالدعوة والحزب يختص بالسياسة وإنه مستقل عن الجماعة .. وفكر كويس فى موضوع "شباب الاخوان" اللى دايما بيسمح له إنه يخرج عن نطاق "السمع والطاعة" زى ما حصل فى 25 يناير وأيضا اليومين دول تحت ستار إن فيه موقف رسمى للجماعة وموقف فردى لأفراد الجماعة .. مع تناقض هذا مع مبدأ الالتزام الذى يصل إلى حد تصوير فصل ابو الفتوح كأنه قطع إصبع المرشد ولكن المرشد فضل قطع إصبعه عن الخروج عن الالتزام ونقض العهد مع الله .. فخدوا بالكم لو سمحتم وانتم بتحاولوا تتكلموا عن موقف الاخوان ..

يبقى لما نيجى نتكلم عن الاخوان لازم نسأل نفسنا : ليه مليونية قبل الانتخابات بعشرة أيام فقط .. وهى الانتخابات التى كانوا ينتظرونها على أحر من الجمر ويبشرون باكتساحها ؟ .. ليه ؟ .. وليه السماح للشباب بالاعتصام والانضمام إلى مليونية الثلاثاء التى رفضتها الجماعة ؟ .. ليه ؟ وليه أول شهداء الاسكندرية وثانى شهداء الجمهورية هو مؤسس حزب التيار المصرى "المنشق عن الاخوان" أثناء محاولات اقتحام مديرية أمن الاسكندرية .. ليه ؟

معلش أسئلتى كتير .. غلاسة بقى :)

[ابو محمود]

أستاذ محمود

أستاذ شرف الدين

ياريت تاخدوا بالكم وانتم بتتكلموا عن الإخوان ..

فيه جماعة الاخوان ، وفيه حزب الاخوان ، وفيه شباب الاخوان .. وكل واحد من التلاتة له موقف سياسى .. سيبك من حكاية إن الجماعة تختص بالدعوة والحزب يختص بالسياسة وإنه مستقل عن الجماعة .. وفكر كويس فى موضوع "شباب الاخوان" اللى دايما بيسمح له إنه يخرج عن نطاق "السمع والطاعة" زى ما حصل فى 25 يناير وأيضا اليومين دول تحت ستار إن فيه موقف رسمى للجماعة وموقف فردى لأفراد الجماعة .. مع تناقض هذا مع مبدأ الالتزام الذى يصل إلى حد تصوير فصل ابو الفتوح كأنه قطع إصبع المرشد ولكن المرشد فضل قطع إصبعه عن الخروج عن الالتزام ونقض العهد مع الله .. فخدوا بالكم لو سمحتم وانتم بتحاولوا تتكلموا عن موقف الاخوان ..

يبقى لما نيجى نتكلم عن الاخوان لازم نسأل نفسنا : ليه مليونية قبل الانتخابات بعشرة أيام فقط .. وهى الانتخابات التى كانوا ينتظرونها على أحر من الجمر ويبشرون باكتساحها ؟ .. ليه ؟ .. وليه السماح للشباب بالاعتصام والانضمام إلى مليونية الثلاثاء التى رفضتها الجماعة ؟ .. ليه ؟ وليه أول شهداء الاسكندرية وثانى شهداء الجمهورية هو مؤسس حزب التيار المصرى "المنشق عن الاخوان" أثناء محاولات اقتحام مديرية أمن الاسكندرية .. ليه ؟

معلش أسئلتى كتير .. غلاسة بقى :)

بما انك لك موقف معلوم من الجماعة بس غلاسة بغلاسة انا لست ممن ينتمى للجماعة انتمى فقط للجماعة بتوعى فى البيت هههههههههههههههههههههههههههههه هتودينى فين صحابنا اللي وضعونى بالسلفية هيزعلو

بص بقى يا كبير .. ماحدث هو عملية مدبرة من قوى العلمانية بمصر بمساعدة الشرطة والدجيش مع بعض باريحية امريكية وهذا سيتضح يا عزيزى عنما تخرج اول بالون اختبارى من الصندوق بتاع المجلس

وبص تانى بس لفوق ... لا يوجد فى السياسة عواطف ستنسحب كل الأحزاب من التحالف مع الاخوان وسبدأ الغد ومن ثم الكرامة وهكذا الخ ألخ

نبص بقى تانى على الارض ... هناك من يظن ان الشارع المصرى بعد احداث الميدان والمجازر وبمنتهى الاريحية ايضآ خسر الاخوان السباق ودة ما يتم التاعمل معة داخل الأخوان ككل جماعة وحزب وشباب

يا عزيزى ليس لدينا نخب بل لدينا لصوص تابعين لمبارك ليس لدينا أحزاب بل لدينا زيول لمبارك يا عزيزى ليس لدينا قضاء مستقل بل لدينا من تخرج من فساد مبارك يا عزيزى ماتملكة مصر فقط هو حزب الكنبة الذى يشاهد التمثيليات التى تحدث وسيرفض مؤامرات الجميع على مصيرة كما فعلها سابقآ

يبدوى ان هناك من يتوهم ان المصريين اغبياء او يحتاجون الى بافتة اثناء الأكل والكلام والتعامل المصريين ليسو رضع او اطفال .. مبارك علم الشعب وخاصة حزب الكنبة التدبير والمصلحة بدون قصد عندما تركهم فريسة للأغنياء والفاسدين فتعلمو كيف يختصرون الزمن والبحث عن المصلحة باقل مجهود

معلهش كمالة بشلن هههههههههههههههههههه

كلما نظرت او ذهبت الى الميدان ضحكت لكن بألم عارف لية كل دة كان معد سلفآ للأخوان كانت هتبقى مجزرة يا كبير بس نقول اية تبقى فى بؤك وتقسم لغيرك خلى التيار العلمانى يشرب

على فكرة لية حزب المصريين الاحرار وكل الاحزاب العلمانية كانو اول الاحداث يصفون من بالميدان بالخونة ؟؟؟؟؟؟؟؟

تم تعديل 24 نوفمبر 2011 بواسطة محمودمصطفى

[mfarag]

أولا .. آسف لغيابى عن الموضوع منذ الأمس لظروف خاصة بالعمل

ثانيا .. قرأت المداخلات وكلها مداخلات قيمة تستحق الرد عليها جميعا .. ولكن .. أعتذر عن عدم المقدرة على ذلك الجهد الذى تستحقه المداخلات وتستحق ما أعظم من الجهد

ثالثا .. لفتت نتيجة الاستفتاء نظرى ..

1) أكثر من ثمانين عضو فاضل طالعوا الموضوع .. 32 فقط منهم أدلى بصوته بنسبة 38.5 % .. وهى نسبة تقارب النسبة التى أدلت بصوتها فى استفتاء مارس الماضى .. لا أدرى إن كان لهذا دلالة معينة أم أنها مجرد صدفة ؟؟!!

2) تركت الموضوع بالأمس وكانت الغالبية تؤيد إجراء الاستفتاء .. وأعتقد أن هذا كان بسبب رئيسى هو حسم المطلب الذى طغى فى هتافات الميدان وهو طلب رحيل المجلس العسكرى ..

3) الآن نحن أمام غالبية (19 صوت بنسبة 56% تقريبا) لا تؤيد إجراء استفتاء لأسباب عديدة أغلبها – فى اعتقادى – لن تصمد فى مناقشة موضوعية .. إذا كنا فى الحقيقة نرغب فى مناقشة ذلك

4) ونحن أيضا أمام أقلية (14 صوت بنسبة 41% تقريبا) تؤيد إجراء الاستفتاء وتعتقد أنه سيسفر عن نتيجة مؤداها أن "الشعب" سيؤيد بقاء المجلس لحين تسليم السلطة

5) ونحن أيضا أمام أقلية ساطعة فى قلتها (صوت واحد فقط) تؤيد الاستفتاء وتعتقد أنه سيسفر عن رغبة "الشعب" فى عودة المجلس إلى الثكنات

ماذا يعنى هذا ؟

فى رأيى أنه يعنى الخوف من مواجهة "المجهول" .. وهو خوف مبرر ، ما فى ذلك شك .. وأصبح علينا أن نسأل أنفسنا ما هو ذلك المجهول الذى نخافه ؟

على العموم أنا شايف إن النتيجة النهائية هى "بقاء المجلس العسكرى إلى أن يسلم الدولة إلى مؤسسات منتخبة" فى منتصف 2012 كما أعلن البيان .. مش كده برضه ؟ .. أصل مش معقول إن الغالبية عاوزة المجلس يرجع لثكناته من نفسه كده أو باستمرار الاعتصام فى ميدان التحرير

الغالبية التى رفضت الرجوع إلى الأصل – وهو الشعب – لكى "يحسم" المطلب الطاغى فى "هتافات الميدان" برحيل المجلس لم تقدم لنا بديلا لما جاء فى البيان بكل أسف (أرفض أن أصم أو أسم – الاتنين صح على فكرة - الميدان بسطحية طلب رحيل فرد واحد وهو طنطاوى كما كان الهتاف يطلب "حرفيا") .. وفى رأيى أن هذا الرفض - وأرجو ألا تغضب منى الغالبية – راجع إلى الخوف من البدء فى ممارسة الديموقراطية .. وهو خوف مثل خوف الطالب اللى مش مذاكر وخايف يعيد السنة ونفسه إن الامتحان يتأجل أو حتى يتلغى ، علشان كل الدفعة تعيد السنة معاه .. معلش .. آسف مقدما .. المثال جايز يكون جارح شوية بس هو ده المثال اللى جه فى بالى دلوقت .. فهناك البعض الذى يريد أن يبقى المجلس العسكرى ، ولكنه يريده أن يبقى كهدف تصوب إليه الاتهامات بالفشل ، والاتهامات بعدم الشرعية ، والاتهامات بعدم الخبرة السياسية ، أو كشماعة تعلق عليها المخاوف من ممارسة الديموقراطية

للأسف نحن الآن أمام موقف الاختيار بين بدائل كلها سيئة .. ليس هناك بديل جيد .. بمعنى آخر أننا أصبحنا أمام حتمية الاختيار بين السئ والأسوأ .. أرجو ألا نضيع الوقت فى مناقشة من هو السبب فى وصولنا إلى هذا الموقف .. فهى ستكون مناقشة لا طائل من ورائها سوى إننا كلنا حنزعل من بعض ..

ياريت تنحصر المناقشة فى البديل اللى يخرجنا من المستنقع الذى يخوض فيه الجميع .. إيه هو البديل اللى نقدر نقول عليه "أحسن الوحشين" ؟

أعرف أن أول خطوة هى تهدئة الجو المتفجر .. وده ممكن يتم مثلا باعتذار المجلس العسكرى ، وإعلانه عن محاسبة المسؤولين عن إراقة الدماء وتكريم الشهداء وأسرهم وكل الحاجات اللى تهدئ العواطف المتأججة ..

وبعدين .. نعمل إيه .. نطلع كلنا فى مليونية يوم الجمعة اللى بيسموها مليونية الفرصة الأخيرة ؟؟ .. يعنى إيه ؟؟ .. حندى للمجلس فرصة أخيرة ؟؟ .. طيب .. برضه وبعدين ؟؟ .. وازاى ؟؟

تحياتى للفكر الراقى

سيدى الفاضل

الخيار الان للحفاظ على الدولة

للاسف معظم من يتبنى فكر الثورة يرفض اى حل و اقعى

ثورة بدون راس بدون قائد

محاولات اقتحام مديريات الامن فى المحافظات بدون جدوى الا تدمير الوطن و سقوط بعض المغرر بهم من الشباب لنطلق عليهم شهداء و نمارس اعادة الشحن لتتسع كرة الثلج

فكر مخطط و مرسوم و راجع مداخلات بعض الاعضاء على المنتدى و ما يدعون الية من شهور من مسار المواجهة و الدم و تخوين و السخرية - و ليس النقد- من المجلس العسكرى

نحن امام دولة ام لا دولة

البعض يهلل حاليا على الانترنت لانشقاق احد ضباط الجيش و يعتبرة نصر للثورة

بايديهم يقطعوا ايديهم

[احمد رضوان]

البعض يهلل حاليا على الانترنت لانشقاق احد ضباط الجيش و يعتبرة نصر للثورة

البعض يصرخ من الخطر من إنشقاق ضابط ويحذر من أن كل الضباط والمجندين لهم اهل في الميادين ... أنه الطريق إلى سوريا وليبيا واليمن ويحمل المجلس العسكري مسئولية المخاطرة تلك لأنها لعب بالنار التى ستحرق الجميع

تم تعديل 24 نوفمبر 2011 بواسطة Radws

[mfarag]

البعض يهلل حاليا على الانترنت لانشقاق احد ضباط الجيش و يعتبرة نصر للثورة

البعض يصرخ من الخطر من إنشقاق ضابط ويحذر من أن كل الضباط والمجندين لهم اهل في الميادين ... أنه الطريق إلى سوريا وليبيا واليمن ويحمل المجلس العسكري مسئولية المخاطرة تلك لأنها لعب بالنار التى ستحرق الجميع

لا يا سيدى مقارتة ظالمة

فى سوريا و فى ليبيا لم يكن هناك استجابة او مخرج من الازمة

و بالتالى اغلق النظامين اى فرصة لحل

و فى ليبيا لم يقم القذافى الا بنعتهم بالجزران و العملاء

اما فى مصر

باقى 3 ايام على الانتخابات

الا ان البعض يصر على اشعال البلد

للاسف من يتحمل وزر ذلك ليس المجلس و لكن من هو موجود التحرير

الا تستحق عدم المخاطرة بالبلد انتظار 3 ايام فقط

حتى من باب ابراء الذمة

حتى نتاكد بدون ادنى مجال للشك انة لا يوجد حل سلمى

من فى التحرير الان هم من يغلقون الباب على اى حل سلمى للازمة

ثورة ثورة الى الامام الى الامام

[احمد رضوان]

لا يا سيدى مقارتة ظالمة

فى سوريا و فى ليبيا لم يكن هناك استجابة او مخرج من الازمة

و بالتالى اغلق النظامين اى فرصة لحل

و فى ليبيا لم يقم القذافى الا بنعتهم بالجزران و العملاء

اما فى مصر

باقى 3 ايام على الانتخابات

الا ان البعض يصر على اشعال البلد

للاسف من يتحمل وزر ذلك ليس المجلس و لكن من هو موجود التحرير

الا تستحق عدم المخاطرة بالبلد انتظار 3 ايام فقط

حتى من باب ابراء الذمة

حتى نتاكد بدون ادنى مجال للشك انة لا يوجد حل سلمى

من فى التحرير الان هم من يغلقون الباب على اى حل سلمى للازمة

ثورة ثورة الى الامام الى الامام

هل فض اعتصام 200 شخص بطريقة تجمع مليون شخص موضوع غير مخطط

هل السيطرة على الميدان من قبل الأمن والشرطة العسكرية اكثر من مرة وبعد كل مرة تتراجع وتسيبه للمتظاهر يسيطروا عليه كلام عشوائي

هل لعب دور المحلل اللى المجلس بيقوم بيه وكأن ليس له سيطرة على الشرطة وهو المسئول عن الحكم الآن ... ممكن يلغي مسئوليته ، وهل عدم تحمله مسئولية الشهداء والمصابين بيخلى مسئوليته

للأسف من الواضح ان المجلس بيخطط لحاجة بدليل حصر المواجهات في شارع واحد فقط ، والعمل على نقض كل هدنة بالرغم من بدء الثوار في تنظيف الشارع ، وكمان الكذب بشأن استخدام الغازات ، والعمل على إبقاء المواجهات مشتعلة لكن تحت السيطرة لأكبر وقت ممكن

يبقى مين اللى بيخلق وضع بيتوجه بالبلد ناحية المنحدر اللى في ايده يحل ومطنش واللا ما فيش في ايده غير حجارة بيدافع بيها عن نفسه ... مجلس مجلس إلى الأمام إلى الأمام

تم تعديل 24 نوفمبر 2011 بواسطة Radws

[عصام أبوالفتح]

الحمد لله ان نتيجة حكية الانتخابات اتحسمت بالنسبة للى بره مصر لانهم ببساطة مش هينفعوا يبنتخبوا اساسا

لان نظام البريد الموضوع ده زبالة

فاضل ايه بئه يا ترى ايه عشان الانتخابات نفسه بئه تتزور

أطالب بعودة التقييم بالسالب

المداخلة دى فورت دمى .. واضح ان الشعب ده محتاج دايه مش حاكم

[Abu Reem]

أستاذ محمود

أستاذ شرف الدين

ياريت تاخدوا بالكم وانتم بتتكلموا عن الإخوان ..

يبقى لما نيجى نتكلم عن الاخوان لازم نسأل نفسنا : ليه مليونية قبل الانتخابات بعشرة أيام فقط .. وهى الانتخابات التى كانوا

ينتظرونها على أحر من الجمر ويبشرون باكتساحها ؟ .. ليه ؟ ..

مليونية ما قبل الانتخابات في رأيي لها هدفين

1- علشان الغاء وثيقة السلمي وعدم العمل بها لأنها تعطي صلاحيات للمجلس في مسألة التحكم في تحديد اعداد المجلس التأسيسي للدستور وايضا من حق المجلس رفض الاختيارات او رفض الدستور نفسه في مرحلة لاحقة

2- السبب الثاني رسالة الى المجلس انك لو حاولت اثارة فتن ينتج عنها تأجيل الانتخابات او الغاؤها يبقى ...لا تلوموا إلا أنفسكم بعد ذلك...لو طالبنا بتنحيكم من قيادة البلد

وليه السماح للشباب بالاعتصام والانضمام إلى مليونية الثلاثاء التى رفضتها الجماعة ؟ .. ليه ؟ وليه أول شهداء الاسكندرية وثانى شهداء الجمهورية هو مؤسس حزب التيار المصرى "المنشق عن الاخوان" أثناء محاولات اقتحام مديرية أمن الاسكندرية .. ليه ؟

معلش أسئلتى كتير .. غلاسة بقى :)

ردي على اول سؤال موجود بالاحمر

اما باقي الاسئلة فجزء منها يتعلق بموازنة الامور ومسك العصى من المنتصف

اما موضوع الشهداء هذا لا اعلم عنه

تم تعديل 24 نوفمبر 2011 بواسطة Abu Reem

[مغتربة]

الغالبية التى رفضت الرجوع إلى الأصل – وهو الشعب – لكى "يحسم" المطلب الطاغى فى "هتافات الميدان" برحيل المجلس لم تقدم لنا بديلا لما جاء فى البيان بكل أسف (أرفض أن أصم أو أسم – الاتنين صح على فكرة - الميدان بسطحية طلب رحيل فرد واحد وهو طنطاوى كما كان الهتاف يطلب "حرفيا") .. وفى رأيى أن هذا الرفض - وأرجو ألا تغضب منى الغالبية – راجع إلى الخوف من البدء فى ممارسة الديموقراطية .. وهو خوف مثل خوف الطالب اللى مش مذاكر وخايف يعيد السنة ونفسه إن الامتحان يتأجل أو حتى يتلغى ، علشان كل الدفعة تعيد السنة معاه .. معلش .. آسف مقدما .. المثال جايز يكون جارح شوية بس هو ده المثال اللى جه فى بالى دلوقت

كلام مش حقيقى

الاغلبيه الى رفضت الاحتكام للاستفتاء المزعوم دا مش كلهم مبررتهم الخوف

خلينى اتكلم عن نفسى لان معرفش الاخرين مبررتهم ايه و بالتالى مقدرش احكم عليها و ان كانوا هما افضل منى فى التعبير عنى

عن نفسى انا رفضت الاستفتاء دا ليس خوفا من نتيجته و لكن لانها فكره باطله من الاساس

و مينفعش ان احنا نوافق على فكره باطله و عارفين تماما ان الهدف الوحيد منها شق صف الناس ليس الا

الرفض لرفض المبدأ و ليس خوفا من النتيجه

ازاى اكون شايفه بعينى الكمين الى بيتنصب لينا بمتهى المهاره لاحداث المزيد من الانشقاق بين الناس و بعد كدا اقبل بيه

[عماد حمدي]

عشان تبقى فاهم وميتلعبش بيك ... وتبقى عارف الدعوات لمليونية هدفها إيه ... الورقة دي كانت بتتوزع إمبارح في ميدان المحافظة فى الدقهلية ... دا نوع من الإنقلاب الشرعي

]

[سميرة ابو السعود]

[عماد حمدي]

نعم هي أكبر فضيحة لميدان التحرير وذلك نتيجة التصويت الذي أجري على كل المواقع

والصفحات الرسمية توافق على خطاب المشير واستمرار القوات المسلحة لحين انتهاء الفترة الانتقاليه

كلنا نعمل شير عشان يعرفوا أنهم لا يمثلوا 1 % من صوت الشعب المصرى

عمار يا مصر ..

[ViralMind]

ماتتعبش نفسك يا عمدة.. هيا باينة من اولها..

اتفاق وسخ بين العسكر و الحركات الليبرالية.. و ملعون ابو اللى مات.. مش مهم.. مصر ولادة و بتجيب كتير

[نورالعين]

الغالبية التى رفضت الرجوع إلى الأصل – وهو الشعب – لكى "يحسم" المطلب الطاغى فى "هتافات الميدان" برحيل المجلس لم تقدم لنا بديلا لما جاء فى البيان بكل أسف (أرفض أن أصم أو أسم – الاتنين صح على فكرة - الميدان بسطحية طلب رحيل فرد واحد وهو طنطاوى كما كان الهتاف يطلب "حرفيا") .. وفى رأيى أن هذا الرفض - وأرجو ألا تغضب منى الغالبية – راجع إلى الخوف من البدء فى ممارسة الديموقراطية .. وهو خوف مثل خوف الطالب اللى مش مذاكر وخايف يعيد السنة ونفسه إن الامتحان يتأجل أو حتى يتلغى ، علشان كل الدفعة تعيد السنة معاه .. معلش .. آسف مقدما .. المثال جايز يكون جارح شوية بس هو ده المثال اللى جه فى بالى دلوقت

تحليل حضرتك مش في محله

لانه رأينا وقد اوضحنا سبب اختياره كما طلبت منا فكيف تصنفه من وجهة نظرك!!

ولو حتى افترضنا ان كان رأي الشعب هو رفض نبض الميدان

فهذا ما حدث بالفعل في يناير الماضي

قلة هي الثوار من اصرت على مطالبها

كانت الغالبية تركن الى السلم والامان ولقمة العيش

وياما سمعنا كفاية وروحوا بيوتكم احنا مكناش بنحلم للى وصلناله

انا نفسي وصلت لهذه المرحلة

لكن اثبت لنا ثوار التحرير انهم على حق

واتضح ان هناك من الممكنات ما ظنناه مستحيلا

واتضح للشعب بعدها انه كان غير محق في مخاوفه وعدم ثقته بالثوار

صحيح ان الهدف الاساسي للثورة هوالديمقراطية

والتى من الممكن الان من يتهمنا اننا لا نريدها

ولكن الديمقراطية هي ثمرة الثورة

فكيف لنا انا نجنى ما لم نزرعه اصلا

الثورة لم تعيش لتثمر

كنا كثور جاهين يلف بالساقية ويقول هي خطوة اللى فاضلة ونوصل نهاية المطاف

هذه طبيعتنا كمصريين لا نستطيع انكارها

نحب السلام والامان

وكنا كلنا عارفين في داخلنا ان ولا اي مطلب للثورة تحقق لكن كنا نكدب نفسنا ونقول جايز

كلنا كنا شايفيين بعيوننا ان المجلس العسكري ماسك في خناق شباب الثوار ونازل فيهم محاكمات

ولكن على سبيل المثال كان قامة كبيرة ومرشح رئاسي يشتم فيهم علنا فلا يصيبه مكروه

كل هذا الخوف من الثوار كان له معنى واحد

هو لن نسمح لكم بثورة من جديد

ولماذا كانوا سيقومون بثورة الا لو فعلا كانت الثورة الاولى فشلت

اراهن ان فكرة الاستفتاء لم تأتى لمبارك

وانه اليوم يتحصر على غباءه عندما لم يستخدمها

الاستفتاء يبعدنا عن بعضنا فنحارب بعضنا وننسى ان هناك من يتفرج علينا مفتخرا بحنكته

المفروض اننا تعلمنا من درس سابق

ولهذا سيظل الثوار هم حاملين الشعلة

وهم اصحاب الاقدام والسبق

وسيعود الشعب للالتفاف حولهم

وسيتكرر مشهد ركوب الثورة مجددا

فانا على يقين ان الله سبحانه وتعالى يرعى هذه الثورة

[ابو محمود]

الثورة مش حصان بيتركب الثورة تغيير مفاهيم وانقلاب على السيء

اما ان نتخذ من الثورة وعاء للتخريب والانانية واقصاء الاخر دى تبقى فوضى مش ثورة

الثورة الحقيقية مكانها وصناعتها هو استأصال فساد وبناء مؤسسات سليمة لا هى تخريب او تحالفات مع اقوياء من اجل اسقاط قوى أخرى

[أبو محمد]

والله يا جماعة أنا لسه راجع من الشغل دلوقت .. من الساعة 10 الصبح وانا بره البيت .. وباكتب وانا لسه ما غيرتش هدومى .. كنت عاوز أضرب غطس فى السرير لكن قلت أدخل أقرا واشوف أخبار القفاز إيه .. وبدل ما اضرب الغطس استوقفتنى مداخلتين .. مداخلة الفاضلة "مغتربة" ، ومداخلة الفاضلة "نور العين" .. يااااااه .. صحيح الستات ما يعرفوش يكدبوا

يا سيداتى .. المداخلتين بيأكدوا كلامى .. إنه "الخوف من المجهول" ..

الفاضلة مغتربة بتقول :

مينفعش ان احنا نوافق على فكره باطله و عارفين تماما ان الهدف الوحيد منها شق صف الناس ليس الا

الرفض لرفض المبدأ و ليس خوفا من النتيجه

ازاى اكون شايفه بعينى الكمين الى بيتنصب لينا بمتهى المهاره لاحداث المزيد من الانشقاق بين الناس و بعد كدا اقبل بيه

والفاضلة "نور العين" بتقول نفس الكلام تقريبا :

الاستفتاء يبعدنا عن بعضنا فنحارب بعضنا وننسى ان هناك من يتفرج علينا مفتخرا بحنكته

المفروض اننا تعلمنا من درس سابق

حارجع أسأل نفس السؤال اللى سألته فى مداخلة سابقة : "بأمارة إيه هذا التلاحم ، وبأمارة إيه وحدة الصف اللى خايفين ان الاستفتاء يشقها ؟" .. إعتبروا السؤال جملة اعتراضية لا قيمة لها إذا كنتما لا تريدان إعطاء الأمارة

نيجى بقى للرد على الاقتباسات اللى فوق دى :

الفكرة ليست باطلة.. فعندما تختلف الآراء فى أمر مصيرى بالنسبة للأمة (بأمارة الاستفتاء بتاعنا والاستفتاءات على المواقع الأخرى) فالحل هو الرجوع للأصل .. لصاحب الحق الأصيل فى القرار ، وهو الشعب بأكمله .. ولا وسيلة لهذا سوى استفتاؤه .. أما إذا كان ادعاء بطلان الفكرة هو ادعاء على أساس إن المجلس العسكرى لم يأت باستفتاء حتى يذهب باستفتاء فأعتقد أننى قد بينت أنه أساس متهافت ومفيش مانع الاستفاضة فى شرح ادعائى بتهافته فى مداخلة أو مداخلات أخرى

وبعدين لما نكون "خايفين" من الوقوع فى كمين .. يبقى "خايفين" .. ونظرية "رفض" شق الصف - وبلاش نقول "الخوف" من شق الصف - هى نظرية لاتقف على أقدام ثابتة إلا إذا أعطانا أصحاب النظرية "أمارة" إن الصف متوحد .. وياريت شرح متوحد على إيه بالضبط ؟ .. على إن المجلس العسكرى شريف أم خائن ؟ .. المجلس العسكرى بيفهم سياسة ، بل داهية سياسة (زى مداخلتى السيدتين الفاضلتين ما بتقول) أم أنه عديم الخبرة فى السياسة ؟ .. المجلس العسكرى عاوز يتبت فى الكرسى ولا مستعجل على الانتخابات ، ودى أول وأهم خطوة لنقل السلطة والتحول الديموقراطى .. وهى الخطوة التى لا يفعل الموقف فى الميدان سوى عرقلتها أو وضع أحجار العثرات فى طريقها .. يعنى بالمختصر إحنا عاوزين انتخابات ولا عاوزين نأجلها أو ما نعملهاش خالص ؟ .. إحنا عاوزين المجلس يستنى ولا عاوزينه يمشى دلوقت ؟ .. ولو مطلوب أمثلة أخرى على الطلبات والطلبات المضادة كأدلة على تهافت نظرية الصف الموحد ، مفيش مانع .. بس أكون فى حالة أفضل من اللى انا فيها

كان هذا ردا – على ما قسم – على اقتباساتى من مداخلات السيدتين الفاضلتين ، ولهما عندى كل الاحترام والإعجاب برصانة أرائهما

حاجة عاوز أقولها قبل ما اضرب غطس ، وقبل لقائى القادم اللى ممكن يكون يوم السبت أو الأحد

عاوز أقول خلوا بالكم من الإعلام .. أنا أصلى زهقت من التليفزيون والراديو اللى باسمعه فى ذهابى إلى العمل وإيابى منه .. الناس اللى بتتكلم سواء فى البرامج أو فى الاتصالات التليفونية "وكلها غير تلقائية" .. بيحاولوا يلقوا فى روع المتابع لهم إنهم بيتكلموا باسم الشعب .. وناجحين فى كده إلى حد بعيد .. ودى سبوبة حتنقطع لما يكون فيه برلمان بيتكلم – بحق وحقيقى – باسم الشعب .. يعنى التحول الديموقراطى فيه قطع عيش لبعض الناس "المتكلمين"

القنوات والصحف يا حضرات لها "سياسة تحريرية" .. والسياسة التحريرية دى هى اللى بتخلى – مثلا – قناة أو صحيفة تقول على مبارك "الرئيس السابق" وقناة أو صحيفة تانية تقول عليه "الرئيس المخلوع" .. قناة أو صحيفة تقول "العدو الصهيونى" أو "الكيان الصهيونى" وقناة أو صحيفة تقول عليها "إسرائيل" .. قناة أو صحيفة بتركز – مثلا – على استضافة المعارضين للمجلس وقناة أو صحيفة بتركز على "بروزة" المؤيدين للمجلس .. خلوا بالكم من فضلكم .. تابعوا الصنفين وبعدين احكموا بالعقل اللى ربنا أعطاهولنا ..

على فكرة ، قبل ما أنسى .. لمحت عنوان فى مواضيع "المحاورات" بيقول

"الاخوان المسلمون يدعون إلى تظاهرة غداً بالجامع الازهر لنصرة الأقصى"

بجد ؟ .. حقيقى ؟ .. أكيد ؟ .. الاخوان فعلا ؟ .. أصل مرة 6 أبريل – فى ظروف مشابهة – كانت عاوزة تعمل حاجة زى كده ومسيرة تخترق سيناء مش عارف لغاية فين !!! .. يا سلام يا ولاد .. مش حاقدر اقرا الموضوع .. بس حاسأل : تكونش دى أمارة وحدة الصف ؟؟!!

تصبحوا على خير وإلى اللقاء إن شاء الله