المجلس رمى القفاز .. فهل يقبل "الميدان" التحدى ؟

[ابو محمود]

على فكرة ، قبل ما أنسى .. لمحت عنوان فى مواضيع "المحاورات" بيقول

"الاخوان المسلمون يدعون إلى تظاهرة غداً بالجامع الازهر لنصرة الأقصى"

بجد ؟ .. حقيقى ؟ .. أكيد ؟ .. الاخوان فعلا ؟ .. أصل مرة 6 أبريل – فى ظروف مشابهة – كانت عاوزة تعمل حاجة زى كده ومسيرة تخترق سيناء مش عارف لغاية فين !!! .. يا سلام يا ولاد .. مش حاقدر اقرا الموضوع .. بس حاسأل : تكونش دى أمارة وحدة الصف ؟؟!!

تصبحوا على خير وإلى اللقاء إن شاء الله

ودى تيجى يا كبير تنام ال لازمآ نفكرك يعنى اية اقصى

يعنى شرف لكل مسلم ضائع ومحتل وهيبقى مختل وغير طبيعى من يترك جميع مساجد العالم الاسلامى تندد بتهويد القدس وتقولى 6 ابريق كانت وقالت والنبى اية هو وجة المقارنة بين ناس عايزة تروح لغزة وتهجم على الحدود وناس قاعدين فى مصر وبيصلو الجمعة فى مليونية لتذكير المسلمين بشرفهم الم يكن من الاصلح ان ينادى فى الميدان بهذا اليس الاقصى مخطتف مثل حرية مصر من عسكر الفارق ان التيار العلمانى المتلبرن فى مصر يكرة حتى اضفاء صفة مليونية الصلاة للاقصى على مليونية ضد العسكر نوع من عدم الرؤيا بان شعب مصر من هم فى التحرير ليسو الا مسلمين فى الغالبية وليسو ليبراليين صرف او علمانيين فماهو المانع ان نتذكر الاقصى مع مطالبنا بخلع العسكر ولا الدين كوخة والسياسة سكر هههههههههههههههههههههههههه انا عن نفسى اعتبر خطف الاقصى كمن خطف من كل مسلم سروالة....... :protest:

[مغتربة]

والله يا جماعة أنا لسه راجع من الشغل دلوقت .. من الساعة 10 الصبح وانا بره البيت .. وباكتب وانا لسه ما غيرتش هدومى .. كنت عاوز أضرب غطس فى السرير لكن قلت أدخل أقرا واشوف أخبار القفاز إيه .. وبدل ما اضرب الغطس استوقفتنى مداخلتين .. مداخلة الفاضلة "مغتربة" ، ومداخلة الفاضلة "نور العين" .. يااااااه .. صحيح الستات ما يعرفوش يكدبوا

يا سيداتى .. المداخلتين بيأكدوا كلامى .. إنه "الخوف من المجهول" ..

الفاضلة مغتربة بتقول :

مينفعش ان احنا نوافق على فكره باطله و عارفين تماما ان الهدف الوحيد منها شق صف الناس ليس الا

الرفض لرفض المبدأ و ليس خوفا من النتيجه

ازاى اكون شايفه بعينى الكمين الى بيتنصب لينا بمتهى المهاره لاحداث المزيد من الانشقاق بين الناس و بعد كدا اقبل بيه

والفاضلة "نور العين" بتقول نفس الكلام تقريبا :

الاستفتاء يبعدنا عن بعضنا فنحارب بعضنا وننسى ان هناك من يتفرج علينا مفتخرا بحنكته

المفروض اننا تعلمنا من درس سابق

حارجع أسأل نفس السؤال اللى سألته فى مداخلة سابقة : "بأمارة إيه هذا التلاحم ، وبأمارة إيه وحدة الصف اللى خايفين ان الاستفتاء يشقها ؟" .. إعتبروا السؤال جملة اعتراضية لا قيمة لها إذا كنتما لا تريدان إعطاء الأمارة

نيجى بقى للرد على الاقتباسات اللى فوق دى :

الفكرة ليست باطلة.. فعندما تختلف الآراء فى أمر مصيرى بالنسبة للأمة (بأمارة الاستفتاء بتاعنا والاستفتاءات على المواقع الأخرى) فالحل هو الرجوع للأصل .. لصاحب الحق الأصيل فى القرار ، وهو الشعب بأكمله .. ولا وسيلة لهذا سوى استفتاؤه .. أما إذا كان ادعاء بطلان الفكرة هو ادعاء على أساس إن المجلس العسكرى لم يأت باستفتاء حتى يذهب باستفتاء فأعتقد أننى قد بينت أنه أساس متهافت ومفيش مانع الاستفاضة فى شرح ادعائى بتهافته فى مداخلة أو مداخلات أخرى

وبعدين لما نكون "خايفين" من الوقوع فى كمين .. يبقى "خايفين" .. ونظرية "رفض" شق الصف - وبلاش نقول "الخوف" من شق الصف - هى نظرية لاتقف على أقدام ثابتة إلا إذا أعطانا أصحاب النظرية "أمارة" إن الصف متوحد .. وياريت شرح متوحد على إيه بالضبط ؟ .. على إن المجلس العسكرى شريف أم خائن ؟ .. المجلس العسكرى بيفهم سياسة ، بل داهية سياسة (زى مداخلتى السيدتين الفاضلتين ما بتقول) أم أنه عديم الخبرة فى السياسة ؟ .. المجلس العسكرى عاوز يتبت فى الكرسى ولا مستعجل على الانتخابات ، ودى أول وأهم خطوة لنقل السلطة والتحول الديموقراطى .. وهى الخطوة التى لا يفعل الموقف فى الميدان سوى عرقلتها أو وضع أحجار العثرات فى طريقها .. يعنى بالمختصر إحنا عاوزين انتخابات ولا عاوزين نأجلها أو ما نعملهاش خالص ؟ .. إحنا عاوزين المجلس يستنى ولا عاوزينه يمشى دلوقت ؟ .. ولو مطلوب أمثلة أخرى على الطلبات والطلبات المضادة كأدلة على تهافت نظرية الصف الموحد ، مفيش مانع .. بس أكون فى حالة أفضل من اللى انا فيها

كان هذا ردا – على ما قسم – على اقتباساتى من مداخلات السيدتين الفاضلتين ، ولهما عندى كل الاحترام والإعجاب برصانة أرائهما

حاجة عاوز أقولها قبل ما اضرب غطس ، وقبل لقائى القادم اللى ممكن يكون يوم السبت أو الأحد

عاوز أقول خلوا بالكم من الإعلام .. أنا أصلى زهقت من التليفزيون والراديو اللى باسمعه فى ذهابى إلى العمل وإيابى منه .. الناس اللى بتتكلم سواء فى البرامج أو فى الاتصالات التليفونية "وكلها غير تلقائية" .. بيحاولوا يلقوا فى روع المتابع لهم إنهم بيتكلموا باسم الشعب .. وناجحين فى كده إلى حد بعيد .. ودى سبوبة حتنقطع لما يكون فيه برلمان بيتكلم – بحق وحقيقى – باسم الشعب .. يعنى التحول الديموقراطى فيه قطع عيش لبعض الناس "المتكلمين"

القنوات والصحف يا حضرات لها "سياسة تحريرية" .. والسياسة التحريرية دى هى اللى بتخلى – مثلا – قناة أو صحيفة تقول على مبارك "الرئيس السابق" وقناة أو صحيفة تانية تقول عليه "الرئيس المخلوع" .. قناة أو صحيفة تقول "العدو الصهيونى" أو "الكيان الصهيونى" وقناة أو صحيفة تقول عليها "إسرائيل" .. قناة أو صحيفة بتركز – مثلا – على استضافة المعارضين للمجلس وقناة أو صحيفة بتركز على "بروزة" المؤيدين للمجلس .. خلوا بالكم من فضلكم .. تابعوا الصنفين وبعدين احكموا بالعقل اللى ربنا أعطاهولنا ..

على فكرة ، قبل ما أنسى .. لمحت عنوان فى مواضيع "المحاورات" بيقول

"الاخوان المسلمون يدعون إلى تظاهرة غداً بالجامع الازهر لنصرة الأقصى"

بجد ؟ .. حقيقى ؟ .. أكيد ؟ .. الاخوان فعلا ؟ .. أصل مرة 6 أبريل – فى ظروف مشابهة – كانت عاوزة تعمل حاجة زى كده ومسيرة تخترق سيناء مش عارف لغاية فين !!! .. يا سلام يا ولاد .. مش حاقدر اقرا الموضوع .. بس حاسأل : تكونش دى أمارة وحدة الصف ؟؟!!

تصبحوا على خير وإلى اللقاء إن شاء الله

استاذ ابو محمد

معلش اعذرنى ان انا تهت من الفكره الى حضرتك بتتكلم فيها

مش فاهمه ايه موضوع الخوف من المجهول

حضرتك فى المداخله الى انا عقبت عليها قولت ان دا خوف من التجربه الديموقراطيه ان فى ناس حاسه انها مش مستعده ليها

فبقول لحضرتك لا دا مش خوف من الديموقراطيه

لكن ماننكرتش الخوف المطلق

ما كل الى بيتكلم هنا بيتكلم من منطق خوفه على البلد

يعنى حضرتك شايف ان الى مش عايز استفتاء هو الى رافض من منطلق خوف من مجهول لكن الموافق على بقائهم هو الى مش خايف من المجهول ؟

طيب تيجى ازاى دى

فكره شق الصف انا وضحتها قبل كدا ان احنا عارفين ان احنا دلوقتى قسمين قسم مع الى بيحصل فى ميدان التحرير و قسم ضده لكن الى هو بيحاول يعمله بالحركه دى هو صب البنزين على النار بدل ما يطفيها يعنى بيحاول يوسع الشق فى التوب

كل ما الامور تخليه يبدا يلم هو عايز يوسعه اكتر و اكتر و يلهينا فى جدل الاستفتاء دا علشان لو كنا ضعاف قراط يضعفنا قيراطين

لكن مش معنى كلامى ان احنا مش ضعاف القيراط من الاصل

تم تعديل 25 نوفمبر 2011 بواسطة مغتربة