حقيقة موقف المجلس العسكري من الانتخابات (موثق)

[abdulmuttaleb]

لو المجلس العسكري عايز يؤجل الانتخابات، ما أسهل السماح للمتظاهرين بدخول وزارة الداخلية (يكفي دخول الدور الأول وتصوير ذلك عبر الفضائيات)، هل سيجد المجلس وسيلة أقوى من هذه لكي تكون مبررا له لتأجيل الانتخابات بل وفرض الأحكام العرفية بل وحتى إلغاء الاستفتاء وهنا الشعب المصري (المرعوب من سيناريو الانفلات والمأزوم اقتصاديا والمنهك نفسيا) ح يبصم بالعشرة ويوافق؟

والسيناريو ده لذيذ وخفيف وطريف (ومحدش ح يموت فيه خالص ولا واحد لأن الثوار لن يجدوا من يصدهم عن وزارة الداخلية أصلا:)) و المجلس مش سبب فيه ولكن السبب فيه ح تكون الشرطة وغباوتها يعني ح يطلع كمان في مظهر الحريص على الشعب ومصالح الوطن العليا، و ساعتها الناس مش ح تقدر تنزل التحرير أساسا (يا ريت حضرتك تقرأ نص قانون الأحكام العرفية كويس تشوف بيقول ايه).

ملحوظة واحد: كل يوم ضباط الجيش بيزداد كرههم للتحرير وشباب الثورة (على عكس 25يناير)، خصوصا مع شتائمهم للجيش وليس فقط للمشير أو المجلس.

ملحوظة اتنين: رغم تأثير الأحكام العرفية اقتصاديا إلا أنها أحب للشعب مليون مرة من أي سيناريو فيه اختفاء للجيش من المشهد (ده للي مش مقتنع أن الشعب فعلا بيحب الجيش والمجلس وعارف إنهم مش ملائكة وأنهم وارثين بلاوي).

ملحوظة تلاتة: ده كمان المجلس ممكن يضرب عصفورين بحجر في السيناريو أعلاه بأن يصور للناس "سقوط" الداخلية في يد الثوار على أنه كان تعاونا من ضباط شرطة "شرفاء" يرفضون سياسات القمع والتعذيب...إلخ وطبعا ح يكونوا أبطال و ح يكون منهم الوزير الجديد اللي الشعب (وصفحة كلنا خالد سعيد) ح يستبشروا بيه.

نيجي بقى للتخويف من الانتخابات القادمة.

أنا لا أرى داعيا للتخوف من الانتخابات (الأحداث الاخيرة حفزت كثيرين للإصرار على التصويت والذهاب للانتخابات بشكل جدي).

براجماتيا فالمجلس العسكري هو أول من يستفيد من إجراءها ونجاحها حتى يتخلص من المسؤولية التي تحرجه ليس فقط إعلاميا وسياسيا وإنما داخل القوات المسلحة نفسها حيث لاحظوا أنه يؤكد دوما أنه ليس بديلا عن الشرعية لماذا؟ لأنه يوصل رسالة لضباطه أنه مؤقت وغير دائم وغير طامع ومضطر لإدارة البلاد حتى لا يفتح الباب لانقلابات ضد الرؤساء القادمين.

لاحظ أن الجيش كما صرح أعضاؤه ضاقوا ذرعا بالإعلام المسيس و تأثيره السلبي على أية مؤسسة وهو التأثير الذي تسبب سابقا في جرح كافة مؤسسات الدولة الدينية والعلمية والأكاديمية والسياسية عدا الجيش بسبب قوانين النشر والحظر الصارمة سابقا، هذا فضلا عن تصوير الإعلام لأبطال على غير الحفيقة (هل تتخيل أن شخص مثل د.حسام عيسى يرشح لرئاسة الوزارة ويخرج ليل نهار ضد المجلس وضد وضد وتكتشف في النهاية أنه كان محامي شركة مجدي راسخ في قضية تعويض بالملايين ضد الحكومة في 2010م والأطرف أنه رئيس لجنة أو جمعية لاسترداد أموال مصر بالخارج؟)

عمليا، فخلينا ناخد أسوأ سيناريو وهو وجود بلطجية، ايه هدف البلطجي أثناء الانتخابات؟

واحد من تلاتة:

1-إما أن يحاول البلطجي منع الناس من الوصول للجان الانتخابية: ده مستحيل لأن كل دائرة فيها مش أقل من 30 مرشح لو قلنا إن نصفهم بيهزروا فمؤكد النصف الآخر يهمهم أن يذهب الناس للتصويت ليفوزوا في الانتخابات، وبالتالي سيكون على البلطجي ليس فقط مواجهة الناس وإنما كذلك مواجهة المرشحين وأنصارهم جميعا بلا استثناء، فضلا عن الجيش والشرطة.

2-إما أن يحاول البلطجي منع الناس من التصويت لمرشح بعينه: راجع فقرة1 إضافة إلى أن المرشحين الآخرين لن يسمحوا بهذا (لأن لديك على الأقل 3 مرشحين يتنافسون فعليا على معظم الأصوات). أضف لذلك أن حتى صغار المرشحين يهمهم مثلا الحصول على أصوات قراهم أو بعض اللجان داخل دوائرهم حتى لو لم يكن لديهم أمل في الفوز بمقعد بالبرلمان لكن يكفيه شرف الفوز مثلا بأصوات لجنة قريته أو الحي المقيم فيه أو كتلة القبيلة في لجان أو مدينة ما مثلا. إذا هنا أيضا مهمة البلطجي صعبة جدا في مواجهة الناخبين ومرشحيهم إضافة إلى اللجنة العليا للانتخابات والجيش والشرطة.

3-إما أن يحاول البلطجي التأثير على سير العملية الانتخابية في مرحلة الفرز والتنسيق:

راجع نقطة2 إضافة لوجود وسائل الإعلام والتصوير المرئي و شبكات الانترنت. والأهم: حراسة الشباب ووجود الناس فضلا عن مرشحي الانتخابات الآخرين ومندوبيهم. وهي كلها عوامل تحول دون نجاح أي مخطط لذلك، إضافة إلى اللجنة العليا للانتخابات والجيش والشرطة.

شير ع الفور و قول عمار يا مصر الخير.

تم تعديل 24 نوفمبر 2011 بواسطة abdulmuttaleb

[se_ Elsyed]

ملحوظة واحد: كل يوم ضباط الجيش بيزداد كرههم للتحرير وشباب الثورة (على عكس 25يناير)، خصوصا مع شتائمهم للجيش وليس فقط للمشير أو المجلس.

يا سلام

صحيح ... ياما في المجلس مظاليم

إحنا أسفين يا مجلس

إحنا أسفين يا طنطاوي

إحنا فعلاً شعب ما اترباش ومش بيعرف يتقتل وهو ساكت

بنفس منطق التحليلات اللي بقى موضه ... ما تديني واحد تحليل يا عبد المطلب بيه على المشهد اللي ظهر امامنا من القتل العمد لضباط الجيش لشباب التحرير وسحلهم وجرهم ثم رصهم زي صفايح الزبالة فوق بعض ؟

بالمرة نفس التحليل اللي ممكن يكون متاخر شويه على موضوع هتك عرض البنات في 19 مارس ؟

وإنت معدي بقى حلل لنا موضوع قتل 27 نفس في ماسبيرو ؟

ومش هاسيبك إلا أما تحلل لنا حشر المواد الخاصة بالجيش في وثيقة السلمي ؟

انا باتكلم جد ... ما هو اللي يحلل يا يحلل الموقف كله ... يا يسيبنا في همنا

[mfarag]

ملحوظة واحد: كل يوم ضباط الجيش بيزداد كرههم للتحرير وشباب الثورة (على عكس 25يناير)، خصوصا مع شتائمهم للجيش وليس فقط للمشير أو المجلس.

يا سلام

صحيح ... ياما في المجلس مظاليم

إحنا أسفين يا مجلس

إحنا أسفين يا طنطاوي

لا يا سيدى ليسوا مظاليم

ليسوا ملائكة و ليسوا شياطين

عشان كدة عايزين نخلص منهم و من كل واحد عايز يفرض و صايتة على الشعب

و بنتكلم عن البدائل

و للاسف من يرفضها الموجودن بالتحرير

مش عايز عسكرى يتكلم باسمى

مش عايز اللى فى التحرير يقولوا الشعب

مش عايز ميدان يتكلم باسمى

مش عايز اى حزب يتكلم باسمى او اسم الشعب

مش عايز مجلس رئاسى

خلصنا من ديكتاتورية مبارك مش هندخل فى ديكتاتورية اى حد يقدر يجمع 20 نفر و يقفل بيهم التحرير و لو الشرطة حاولت تفض الاعتصام يبقى البلد تولع

عايز عضو مجلس شعب يتكلم باسمى

عايز رئيس منتخب يتكلم عن شعب مصر

و مع العسكر موقتا لو هيوصلنا بكدة

و ضد اى حد بيدعوا للفوضى و انهيار البلد

[Mr MAGED]

أستاذ عبد المطلب .. حضرتك بتقول حقيقة الموقف!! وموثق !!

انا شخصيا مش شايف ان فيه حقيقة .. ولا فيه أي توثيق ... يعني مافيش اي اثباتات ولا براهين ع الكلام اللي بتقوله يبقي موثق ازاي !!

ثانيا .. انا ماعرفش ده تحليلك الشخصي للموقف .. ولا زي ما هو واضح انه منقول من الفيس بوك وبتطلب مننا نشيره !!

طيب مش لمما نتناقش الاول ونقتنع .. وبعدين نشيره .. ولا احنا هنا كمان هنقع في نفس غلطة الاشاعات ونقل التحليلات الغير موثقة اللي بتودي البلد فداهية

لما هيا دي حقيقة الموقف .. والمجلس العسكري مغلوب علي أمره .. وانه مش السبب في اي حاجة من اللي بتحصل ..

وانه يا لو عايز يخرب الامور هيسيبهم يدخلوا وزارة الداخلية ... طيب الفيديوهات بتاعة القتل والسحل والرمي في الزبالة والضرب في العينين ... وغيرها وغيرها

مين اللي وراها ومين المسئول عنها؟؟؟ هو لما ظابط يتعمد يضرب مواطن في عينه بالرصاص .. وكل العساكر اللي حواليه يحييوه علي عمله البطولي ..

ده يكون معناه ايه من وجهة نظر حضرتك .. ده من وجهة نظري ان فيه تعليمات واضحة تمت في اجتماع حضره كل الظباط بالضرب بالرصاص الحي ..

وبناءا عليه لما الظابط اصاب الهدف .. العساكر بتحييه وبتشجعه .. لانه نفذ المطلوب منه

احنا ناس كبيرة وعاقلة .. والمفروض نقرا الكلام ونحلله ونفهمه كويس قبل ما ننقله .. ونطلب من باقي الناس انها تنقله كمان

عشان منكنش مصدر أخر للتحليلات المتفبركة .. والكلام اللي مالوش اي مضمون

[se_ Elsyed]

عايز عضو مجلس شعب يتكلم باسمى

عايز رئيس منتخب يتكلم عن شعب مصر

و مع العسكر موقتا لو هيوصلنا بكدة

يا بيه هو حضرتك معانا في مصر ومتابع الأخبار ؟ ده مش تهكم والله

مجلس شعب إيه ورئيس إيه إذا كان المجلس رمى على مصر كلها قنبلة إسمها الإعلان الدستوري ... وخلى فيها مجلس الشعب والشورى حارة والميت هايبقى كلب وهايختار منهم 20 واحد فقط و80 هايختارهم هو ...

يا بيه ده السلمي طالع بيقول الوثيقة هايتوافق عليها هايتوافق عليها ... وخد دي من الأخر .. والمجلس العسكري هايعمل بها إعلان دستوري ... هل تتخيل ذلك ؟

يا بيه مجلس الشعب إزاي والمجلس بيحارب عشان يخلي فلول الحزب الوطني تنزل الإنتخابات بكل طريقة ؟

يا بيه عشان ما نظلمش الراجل عصام شرف في كل حاجه ... مشروع العزل السياسي متقدم للمجلس بقى له أكثر من 3 شهور ومع ذلك قطعه ورماه في الزبالة .. عارف ليه ؟

سمعت واحد منهم بيقول لك المجلس العسكري بيشعر بالحرج

بيشعر بالحرج لإنه كان مُصر على إبقاء رؤساء الجامعات اللي كلهم حزب وطني

محرج لإن في وزرا عندك حالياً هم أعضاء بالحزب الوطني

محرج لأن كل القيادات الحكومية حزب وطني

محرج لان رجله ممكن تيجي في الموضوع كمان

يا بيهه شاور لي في التاريخ كله واتحدى ... اتحدى إن جبت لي حكم ديكتاتوري على مر التاريخ أشرف على إنتخابات او عمل إنتخابات يشرف عليها وأفرزت جو ديمقراطي .. مستحيل من رابع المستحيلات

اللي متخيل إن في وجود طنطاوي وعنان والعصابة إن مثلاً تُجرى إنتخابات رئاسية وأنزل أنا كمواطن مصري أنتخب الشيخ حازم صلاح أبو إسماعيل وده حقه كمرشح ... ويفوز بأغلبية ويبقى رئيس تؤدى له التحية العسكرية من مث هؤلاء الأوباش ... يبقى واهم وعايش في مية البطيخ ...

إذن الجيش وظيفتة حماية مصر داخلياً وخارجياً ...

الجيش مش وظيفتة لا يدير مرحلة إنتقالية ولا يشرف على إنتخابات

طب مين ينفع ؟

للمرة المليون بص لتونس وليبيا ... لا ظابط نط على كرسي ولا سرح بالناس وقال لهم هاحمي الثورة والله 5 ايام بس وهارجع مكاني ... وفي الأخر يقول لك مش هارجع الا اما الناس يقولوا لي في إستفتاء رسمي

[se_ Elsyed]

صورة بمليون كلمة لفضح حقيقة العسكري الأخضر

[mfarag]

عايز عضو مجلس شعب يتكلم باسمى

عايز رئيس منتخب يتكلم عن شعب مصر

و مع العسكر موقتا لو هيوصلنا بكدة

يا بيه هو حضرتك معانا في مصر ومتابع الأخبار ؟ ده مش تهكم والله

مجلس شعب إيه ورئيس إيه إذا كان المجلس رمى على مصر كلها قنبلة إسمها الإعلان الدستوري ... وخلى فيها مجلس الشعب والشورى حارة والميت هايبقى كلب وهايختار منهم 20 واحد فقط و80 هايختارهم هو ...

يا بيه ده السلمي طالع بيقول الوثيقة هايتوافق عليها هايتوافق عليها ... وخد دي من الأخر .. والمجلس العسكري هايعمل بها إعلان دستوري ... هل تتخيل ذلك ؟

يا بيه مجلس الشعب إزاي والمجلس بيحارب عشان يخلي فلول الحزب الوطني تنزل الإنتخابات بكل طريقة ؟

يا بيه عشان ما نظلمش الراجل عصام شرف في كل حاجه ... مشروع العزل السياسي متقدم للمجلس بقى له أكثر من 3 شهور ومع ذلك قطعه ورماه في الزبالة .. عارف ليه ؟

سمعت واحد منهم بيقول لك المجلس العسكري بيشعر بالحرج

بيشعر بالحرج لإنه كان مُصر على إبقاء رؤساء الجامعات اللي كلهم حزب وطني

محرج لإن في وزرا عندك حالياً هم أعضاء بالحزب الوطني

محرج لأن كل القيادات الحكومية حزب وطني

محرج لان رجله ممكن تيجي في الموضوع كمان

يا بيهه شاور لي في التاريخ كله واتحدى ... اتحدى إن جبت لي حكم ديكتاتوري على مر التاريخ أشرف على إنتخابات او عمل إنتخابات يشرف عليها وأفرزت جو ديمقراطي .. مستحيل من رابع المستحيلات

اللي متخيل إن في وجود طنطاوي وعنان والعصابة إن مثلاً تُجرى إنتخابات رئاسية وأنزل أنا كمواطن مصري أنتخب الشيخ حازم صلاح أبو إسماعيل وده حقه كمرشح ... ويفوز بأغلبية ويبقى رئيس تؤدى له التحية العسكرية من مث هؤلاء الأوباش ... يبقى واهم وعايش في مية البطيخ ...

إذن الجيش وظيفتة حماية مصر داخلياً وخارجياً ...

الجيش مش وظيفتة لا يدير مرحلة إنتقالية ولا يشرف على إنتخابات

طب مين ينفع ؟

للمرة المليون بص لتونس وليبيا ... لا ظابط نط على كرسي ولا سرح بالناس وقال لهم هاحمي الثورة والله 5 ايام بس وهارجع مكاني ... وفي الأخر يقول لك مش هارجع الا اما الناس يقولوا لي في إستفتاء رسمي

الفاضل س س

تحياتى

لا اعتقد فى صلاحية الجيش او العسكر - و هو راى منذ سنوات - لادارة الحياة المدنية

نحن نتعامل مع الوقائع الحالية و كيف الخروج الامن ممما يجرى

يعنى ما ينفعش تقولى النهاردة الجيش مكانش ينفع يمسك من عشر شهور و احنا على بعد 3 ايام من الانتخابات

ما يجرى الان هو عملية جر البلد للفوضى

سوالى لحضرتك - اختلف مع المجلس العسكرى ( بتاع مبارك الخائن العميل ابن التيت و التيت ) و انا بجوارى مجلس شعب منتخب اايا كان مكوناتة ( اخوان - سلفيين - هنود -....) ولا اختلف و اطالب يرحيلة بدون هذا المجلس؟

اما حكاية الحزب الوطنى و الفلول فاولا المرجع للشعب اللى عايز ينتخب فلول ينتخبهم و اللى عايز ينتخب هنود ينتخبهم و بعدين هو رفعت السعيد بتاع حزب التجمع مش فلول ؟

مش هنوقف البلد عشان حزب وطنى ملوش وجود اساسا

دا حزب الريس - عاش الملك مات الملك

و بعدين حضرتك مصمم تتكلم فى المشكلة مش فى الحل

و اطمن انا موجود فى مصر عشان كدة باقولك الكلام دة

[mfarag]

صورة بمليون كلمة لفضح حقيقة العسكري الأخضر

الفاضل س س

لا عرف ان كنت تريد الديمقراطية ام لا

و هو بالمناسبة نظام بة عيوب و لكنة الافضل حتى الان

انا فى مصر و اوكد لك انى قمت بسوال من اعرف و تاكد ان اكثر 80 % يويدن بقاء المجلس العسكرى لادارة و فقط لادارة الفترة الانتقالية

و بعضهم يا سيدى ممن كان 28 فى الميدان

هذا لا يعنى طبعا ان النسبة تمثل شعب مصر و لكن فقط موشر

باختصار كان التحرير فى 25 يناير يعبر عن راى الاغلبية اما الان فالتحرير يعارض راى الاغلبية

الحل الان هو انتخابات ديمقراطية

بالمناسبة : انا مش اخوان حتى اتجنب مقدما اهتمامات لا داعى لها

[Abu Reem]

اللي متخيل إن في وجود طنطاوي وعنان والعصابة إن مثلاً تُجرى إنتخابات رئاسية وأنزل أنا كمواطن مصري أنتخب الشيخ حازم صلاح أبو إسماعيل وده حقه كمرشح ... ويفوز بأغلبية ويبقى رئيس تؤدى له التحية العسكرية من مث هؤلاء الأوباش ... يبقى واهم وعايش في مية البطيخ ...

يا سين سين يا خويا ، ما هو بنفس كلامك ده نقدر نقول يعني ان لو المجلس مش ناوي على الانتخابات مطلقا يبقى برده مش هيسيبك لا تعمل حكومة انقاذ وطني ، ولا مجلس رئاسي مدني

مش كده ولا أنا غلطان

- اذن الحل الافضل عدم الدخول في متاهة ان المجلس مش هيسمح بانتخابات والكلام ده...

يعني هما اللي قالوا بلسانهم الانتخابات في موعدها وتسليم السلطة اخر يونيو

ولو هوه مش عاوز انتخابات يبقى ايضا مش هيعوز مجلس رئاسي مدني...ولو جت حكومة انقاذ وطني الان ..لن يكون لها صلاحيات مطلقة....يعني زيها زي حكومة عصام شرف

- الحل المنطقي الوحيد هو ان ننتظر للانتخابات لكي نرى كيف سيتصرف المجلس العسكري...لما يجد ان كل الناس تنتظر هذا...ولا نعطيه فرصة لاستفزازنا وحتى لو عمل نستحمله لحد ما نشوف الانتخابات زي ما استحملنا كل ده على شهدا 25 يناير

غير كده يبقى هبل...لما ارمي الشباب امام ثيران الشرطة ونيرانها

نلزم البيوت لكي لا نعطيهم المبرر للنكوس بعهدهم...وام الحقوق والاستحقاقات والبطيخ نبقى ناخذها لما يغور المجلس.....ولو تلاعب في مسألة الانتخابات ..تأكد ساعتها ان مفيش حد هيجرؤ يلوم شباب الثورة لو حتى هاجموا وزارة الدفاع نفسها مش الداخلية

[متعب]

امال السيرة الذاتيه فين بتاعته

وولد وترعرع

[abdulmuttaleb]

أستاذ عبد المطلب .. حضرتك بتقول حقيقة الموقف!! وموثق !!

انا شخصيا مش شايف ان فيه حقيقة .. ولا فيه أي توثيق ... يعني مافيش اي اثباتات ولا براهين ع الكلام اللي بتقوله يبقي موثق ازاي !!

ثانيا .. انا ماعرفش ده تحليلك الشخصي للموقف .. ولا زي ما هو واضح انه منقول من الفيس بوك وبتطلب مننا نشيره !!

طيب مش لمما نتناقش الاول ونقتنع .. وبعدين نشيره .. ولا احنا هنا كمان هنقع في نفس غلطة الاشاعات ونقل التحليلات الغير موثقة اللي بتودي البلد فداهية

لما هيا دي حقيقة الموقف .. والمجلس العسكري مغلوب علي أمره .. وانه مش السبب في اي حاجة من اللي بتحصل ..

وانه يا لو عايز يخرب الامور هيسيبهم يدخلوا وزارة الداخلية ... طيب الفيديوهات بتاعة القتل والسحل والرمي في الزبالة والضرب في العينين ... وغيرها وغيرها

مين اللي وراها ومين المسئول عنها؟؟؟ هو لما ظابط يتعمد يضرب مواطن في عينه بالرصاص .. وكل العساكر اللي حواليه يحييوه علي عمله البطولي ..

ده يكون معناه ايه من وجهة نظر حضرتك .. ده من وجهة نظري ان فيه تعليمات واضحة تمت في اجتماع حضره كل الظباط بالضرب بالرصاص الحي ..

وبناءا عليه لما الظابط اصاب الهدف .. العساكر بتحييه وبتشجعه .. لانه نفذ المطلوب منه

احنا ناس كبيرة وعاقلة .. والمفروض نقرا الكلام ونحلله ونفهمه كويس قبل ما ننقله .. ونطلب من باقي الناس انها تنقله كمان

عشان منكنش مصدر أخر للتحليلات المتفبركة .. والكلام اللي مالوش اي مضمون

أولا ده تحليلي المتواضع جدا.

ثانيا خلينا نكون واضحين، القتل والسحل والفقأ ده لا هو حلال ولا هو مقبول ولا هو صح أيا ما كانت مبرراته أو أسبابه.

دعني أصارحك بأن المثالية تقتضي أن يخرج المشير طنطاوي ويعتذر علنا بل ويعلن أنه يتنحى اعتذارا وأسفا حتى يضرب قدوة لكل قائد أو مسؤو...ل في تحمل تبعات المسؤولية الأدبية تجاه كرامة وآدمية المواطن المصري والشباب في الميدان (أيا كانوا). وأنا مؤمن أن الكثيرين من المواطنين المصريين (خصوصا البسطاء منهم) مجروحون منذ عقود في إحساسهم بالكرامة الآدمية سواء في قسم الشرطة أو المصالح الحكومية أو في العثور على وظيفة تكاد تسد رمق الجوع (قارن مثلا بين معاملة شاب متقدم لوظيفة في شركة كبرى معاه واسطة وشاب آخر قد يكون أفضل منه دينا وعلما وخلقا ونسبا ولكن من أسرة بسيطة أو فقيرة وطبعا ليس معه واسطة، ستجد أن المقابلة الشخصية للأول تدور حول صحة الأب والأم والاطمئنان على أحوال الأسرة وعلاقتها بالشخص اللي متوسط له، بينما الشاب الثاني يستلم أسئلة عجيبة من الموارد البشرية وإذا كان عاجبه). لكن هل هذه المثالية قابلة للتحقيق؟ أحيانا كثيرة تكون الإجابة لا ليس لأن الشخص المطلوب منه الفعل (المشير في هذه الحالة) مكابر أو معاند، ولكن لأن عوامل كثيرة تنتج عن قرار كهذا فلا أحد يسير وحده في هذا الكون لديك جيش وضباط ولديك مواطنون وشعب ولديك مسؤوليات والتزامات. كل شخص له وجهة نظره ولكن ربما يرى البعض أن هكذا تصرف قد تكون له تبعات سيئة باعتبار أن الردع الأمني قد يكون مطلوبا وقد تنتج عنه تجاوزات يمكن العمل على تحجيمها قدر الإمكان، ولاحظ أننا لم نأخذ في الاعتبار كواليس المشاهد التي رأيناها وتصرفات الضحايا. لاحظ عزيزي أن الكثيرين شهدوا بأن الميدان آمن وأن الإشكالية في حرص فئة على اقتحام وزارة الداخلية نفسها بشكل جنوني وهستيري وأتصور أن الفيديوهات كلها هي للفئة الأخيرة (وإن كان هذا لا يبرر قطعا ذاك).

هل صدور الجرائم عن شخص أو فرد أو قائد كتيبة يبرر تعميمه على الجميع واعتبار الكل مدانا؟ وبعدين فيه تحقيقات انتظر وشوف، لو أنا عايز أحاكم وأدين وأعاقب كده عمياني ده مش تصرف منطقي. شوف كده الناس هنا بتقول ايه جوة الجيش:

http://www.youtube.com/watch?v=Zal6R3DdMGo

وبالمناسبة ايه رأيك في كلام أمين أمناء الثورة في موضوع الذمة المالية:

http://www.youtube.com/watch?v=exr5DyfkoV8

دم الشهداء هذا صدقني ليس في رقبة المجلس العسكري فقط ولو في رقبته فقط لهان الخطب، بل هو في رقبة كل فرد منا قصر في أداء عمله أو زيادة إنتاجيته، فكر حضرتك في شركات رواتب بعض موظفيها دون الألف جنيه، هل تعرف معنى هذا؟ معناه أن يعيش الموظف (وقد يكون في الخمسين من العمر) في منطقة عشوائية ليدخر ما يكفيه، وتعلم ما ينتج عن هذا من أمراض اجتماعية وصحية (حساسية صدر للأطفال)، وكلها تستنزف أموالا من الراتب الضئيل أصلا، وتأمل عما ينتج عن معاناة هذا الموظف من عدم قدرته على تثقيف أبناءه أو رعايتهم فضلا عن التكلفة الباهظة للعلاج والتأخر في التشخيص. الطريف أن أصحاب هذه الشركات لا يطعن عليهم في دين أو وطنية أو خلق ولا يؤثر هذا الحد الأدنى على الأرباح التجارية لشركاتهم، وهم الأكثر استعدادا لتطبيق هذا الحد بوازع تطوعي لو دعوا إليه وأدركوا آثاره الإيجابية فهل رأيت أحدا من دعاة السياسة أو خطباء التحرير يسعى لهكذا خطوة مثلا بدلا من لوم المجلس والعسكر؟

هل تعلم أن البسطاء يعانون أكثر من الأغنياء ليس بسبب فقر المال ولكن فقر المعلومة، ربما لأن الله منحك ثقافة وعلما فأنت تدرك أن الألم الفلاني معناه الذهاب لطبيب تخصصه كذا، لكن غيرك قد لا يدرك هذا وقد عملت في شركة سماعات أذن طبية ورأيت كيف أن البسطاء نتيجة غياب المعلومة عنهم يعانون أكثر من غيرهم (الأطفال صغار السن يفترض أن يبدأوا الكلام بعد6أشهر وإلا وجب علاجهم من ضعف السمع، أما البسطاء فلا يدركون هذه المعلومة فيأتي الأب بعد سنتين مثلا ويشتكي من عدم نطق الولد ولكن بعد فوات الأوان والاحتياج لسماعات أغلى وعلاج أطول). الناس يا عزيزي تبخل على المتسول بأن تقول له اذهب لجمعية رسالة فقط جملة قد تفتح له طاقة القدر.

تحياتي وآسف للرغي ع الصبح

تم تعديل 24 نوفمبر 2011 بواسطة abdulmuttaleb

[abdulmuttaleb]

صورة بمليون كلمة لفضح حقيقة العسكري الأخضر

سيدي الكريم حفظك الله وبارك في عمرك ووقتك

لو شاهدت لقاء اللواءين العصار ومحمود حجازي أمس على التلفزيون المصري فقد أجابا عن كل تساؤلات حضرتك

واكدا أن شباب التحرير شرفاء ولا مساس بهم واليوم ع الفيسبوك أعلنوا إقامة مستشفى ميداني عسكري ثابت في الميدان

وبعدين لو هو يضيق برأي الميدان طيب ما كان من الأول خلص ع الجاهز مع كل المليونيات السابقة وللا أنا غلطان؟

وبعدين حضرتك ناسي حاجة مهمة جدا: إن فيه تظاهرات كثيرة حصلت بعد11فبراير مرت بسلام وبعضها حصلت فيه مشاجرات وقتلى وجرحى من التحرير للعباسية لماسبيرو

اشمعنى المرة دي المجلس بقى وحش ومفتري على عكس كل المرات السابقة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[خالد شحاته]

الاخواه الكرام

مش هنقول الجيش هنقول المجلس العسكري عنده اسلوب حرب استنزاف علشان علشان يموت ثورة 25 يناير لان كل اعضاء المجلس العسكري كلهم رجال مبارك انت عايزه من طنطاوي وهو كان رئيس الحرس الجمهوري الاول لمبارك متوقع انه هيخدم الشعب علي حساب نفسه وعصابته لا طبعا والف لا هما كل يوم يطلعو بكمتين هدوى الشعب من 10 شهور عملو ايه في مصر ولا حاجه بل كل يوم اسؤ من الاخر من كم يوم لسه بياجل التجميد في امال رشيد لانهم كلهم عصابه واحده وعارف كلهم مزنق بعض كويس وكل وزير من وزراء مبارك عارف انه في الامان حتي لو في طره مبارك عايش في امان والاوده في امان اكتر من الشعب المظلوب علي الاقل في كلاب الشرطه حراسهم مش زاي الكلام الا نزلت تموت في ميدان التحرير الثوار الغلابه المشير استكنر انه يعزي الشهداء في البيان والاخر بينزل بيان عزاء علي الفيس بوك يامشير كنت اتمني اي شخص من الوزارء او اولاد المخلوع يكون مصيرهم السحل مثل المتظاهرين علشان يحس بقلب كل اب وكل ام ابنها ولابنتها توفت وكل يوم المجلس يلطع يقول موعيد وموعيد ومفيش فايده علي راي سعد زغلول الا حصل في الميد من يوم الجمعه الي يوم الاثنين تعرف ان الشرطه كانت مرتبصه للمتظاهرين والاخر في الاهرام اليوم لواء يقول الشرطه العسكريه منزلتش الميدان نهائيا بيضحكو علي عقول مين ولا بيضحكو علي نفسهم

[عماد حمدي]

عشان تبقى فاهم وميتلعبش بيك ... وتبقى عارف الدعوات لمليونية هدفها إيه ... الورقة دي كانت بتتوزع إمبارح في ميدان المحافظة فى الدقهلية ... دا نوع من الإنقلاب الشرعي

[mfarag]

عشان تبقى فاهم وميتلعبش بيك ... وتبقى عارف الدعوات لمليونية هدفها إيه ... الورقة دي كانت بتتوزع إمبارح في ميدان المحافظة فى الدقهلية ... دا نوع من الإنقلاب الشرعي

يا سيدى دول حزب المش مستعدين

من جهة بيثيروا الناس عشان التحرير و العسكر

و معندهمش مانع العسكر يفضل وقت اطول ولا انهم يوافقوا على وثيقة السلمى

دول النخبة

بس على جنب

انا فاهم انهم يقولوا الانتخابات تتاجل لاسباب امنية بس

يعنى اية الانتخابات تتاجل لاسباب اخلاقية ؟؟؟؟

[عماد حمدي]

عشان تبقى فاهم وميتلعبش بيك ... وتبقى عارف الدعوات لمليونية هدفها إيه ... الورقة دي كانت بتتوزع إمبارح في ميدان المحافظة فى الدقهلية ... دا نوع من الإنقلاب الشرعي

يا سيدى دول حزب المش مستعدين

من جهة بيثيروا الناس عشان التحرير و العسكر

و معندهمش مانع العسكر يفضل وقت اطول ولا انهم يوافقوا على وثيقة السلمى

دول النخبة

بس على جنب

انا فاهم انهم يقولوا الانتخابات تتاجل لاسباب امنية بس

يعنى اية الانتخابات تتاجل لاسباب اخلاقية ؟؟؟؟

بثينة كامل قالت إية !!

و طلعت زكريا قال إية !!

و توفيق عكاشة قال إية !!

لما سبق فهذا ما يعنوه بكلمة أخلاقيه ..

[عماد حمدي]

نعم هي أكبر فضيحة لميدان التحرير وذلك نتيجة التصويت الذي أجري على كل المواقع

والصفحات الرسمية توافق على خطاب المشير واستمرار القوات المسلحة لحين انتهاء الفترة الانتقاليه

كلنا نعمل شير عشان يعرفوا أنهم لا يمثلوا 1 % من صوت الشعب المصرى

عمار يا مصر ..