هل تقبل طلبات الهجره في حالة ان تكون مجال الخبره العمليه مختلف عن مجال الدراسه الجامعيه ؟

[khaledmgz]

السلام عليكم ورحمة الله وبركاته.

اخواني دي اول مشاركه ليا في المنتدي, انا بادخل كتير و اقرأ الموضوعات المختلفه الخاصه بباب الهجره الي كندا.

انا حاصل على بكالريوس تربيه رياضيه لكن مجال عملي وخبرتي في مجال تكنولوجيا المعلومات حوالي 8 سنوات من الخبره العمليه وكمان الخبره مدعمه بكورسات وشهادات دوليه.

ليا سؤال و للاسف ماقدرتش الاقي له اجابه واضحه و صريحه و مؤكده.

وسؤالي هو: هل سيتم قبول طلبي للهجره من حيث ان مجال عملي وخبرتي في مجال غير مجال دراستي الجامعيه الاكاديميه ؟ ام سيتم رفض الطلب لهذا السبب ؟

ارجوا من الساده الاخوه المتعاونين ان يدلوني باجابه واضحه و صريحه و مؤكده.

ولكم مني جزيل الشكر والاحترام.

[ViralMind]

و عليكم السلام و رحمة الله و بركاته.. و اهلا بيك معانا.

ايوة تقدر تقدم.. مفيش مشكلة ان شاء الله..

انتا ناوى تقدم كيبك و لا فيدرال؟

[khaledmgz]

و عليكم السلام و رحمة الله و بركاته.. و اهلا بيك معانا.

ايوة تقدر تقدم.. مفيش مشكلة ان شاء الله..

انتا ناوى تقدم كيبك و لا فيدرال؟

متشكر جدا على اهتمامك و الرد على سؤالي. :flr1:

ان شاء الله ناوي اقدم فيدرال , علشان على معلوماتي التقديم كيبك بيتطلب اتقان اللغه الفرنسيه.

لكن انا اسف :blush2: ماقصدتش اششك في معلوماتك , اصل انا ساعات باكون موسوس mfb: :unsure: واحب اتاكد اوي. بس انت متاكد من المعلومه ؟ اسف مره تانيه.

ومتشكر كتير جدا على ردك.

[ViralMind]

انا كنت مقدم بمؤهل و شغال بمؤهل تانى... بس انا ماكنتش المقدم الرئيسى عموما يعنى.

المعلومة مؤكدة مليون فى المية.. توكل على الله.

الفيدرال برضه بيتطلب ايلتس بدرجات معينة.. بتبقى على حسب درجاتك الكلية.

انا بصراحة مش فاهم نظام الفيدرال بالظبط.. بس لازم تكون وظيفتك موجودة فى الليستة و كمان ماتقدرش تقدم فى اى وقت.. يعنى لازم تقدم فى وقت معين, غالبا شهر يونيو او يوليو.

[khaledmgz]

انا كنت مقدم بمؤهل و شغال بمؤهل تانى... بس انا ماكنتش المقدم الرئيسى عموما يعنى.

المعلومة مؤكدة مليون فى المية.. توكل على الله.

الفيدرال برضه بيتطلب ايلتس بدرجات معينة.. بتبقى على حسب درجاتك الكلية.

انا بصراحة مش فاهم نظام الفيدرال بالظبط.. بس لازم تكون وظيفتك موجودة فى الليستة و كمان ماتقدرش تقدم فى اى وقت.. يعنى لازم تقدم فى وقت معين, غالبا شهر يونيو او يوليو.

طب لو وظيفتي مش موجوده في القائمه , بس موجوده في الـ "NOC "National Occupational Classification , يبقى ايه الوضع , يعني طلبي هايترفض ؟؟؟

[ViralMind]

النوك موجود فيه كل الوظايف اللى فى الدنيا.. لانه معمول للتصنيف و لتحديد مهام كل وظيفة.. و علاقة ده بالعجز فى كندا.. دى وظيفة النوك تحديدا.

لازم وظيفتك تكون فى القايمة بتاعت الفيدرال علشان تقدر تقدم..

لو مش موجودة, قدم على كيبك بسرعة قبل ما تقفل.. لانهم بيقبلوا كل الوظايف.

[khaledmgz]

النوك موجود فيه كل الوظايف اللى فى الدنيا.. لانه معمول للتصنيف و لتحديد مهام كل وظيفة.. و علاقة ده بالعجز فى كندا.. دى وظيفة النوك تحديدا.

لازم وظيفتك تكون فى القايمة بتاعت الفيدرال علشان تقدر تقدم..

لو مش موجودة, قدم على كيبك بسرعة قبل ما تقفل.. لانهم بيقبلوا كل الوظايف.

بس انا مابعرفش فرنساوي اخري فيه امتحان الثانوي من حوالي خماشر سنه :) . واعرف انه مطلوب شهادةTest d'evaluation du Français" TEF" .

الحل ايه ؟؟؟؟

تم تعديل 24 نوفمبر 2011 بواسطة khaledmgz

[ViralMind]

الاول اتاكد ان وظيفتك فى قايمة الفيدرال ولا لا.. دى اول خطوة.

الخطوة التانية.. لو مش موجودة, قدم كيبك و امرك الى الله.. لان فى خلال شهرين بالكتير, كيبك كمان هتعمل قايمة بالوظايف و كمان هتقلل الاعداد..

يعنى هما دلوقتى بيقبلوا اى حد.. لكن بعد كده هيقبلوا عدد معين زى نظام الفيدرال.

فانتا لو خلاص مفيش قدامك طريق غير الهجرة, قدم على كيبك و ذاكر فرنساوى و امرك لله..

بالنسبة للشهادة المطلوبة, فمستوى الشهادة بيكون على حسب المستوى المطلوب منك فى الفرنساوى..

يعنى على حسب النقط اللى انتا محتاجها.. لو مثلا محتاج مستوى سادس علشان تكمل مستوى الملف, يبقى كده هيطلبوا منك شهادة بالمستوى السادس.. و دى امرها سهل.

و عموما لو عندك ولدين عالاقل, و عمرك اقل من 35 سنة.. يبقى كده اعتقد مش مطلوب منك اكتر من المستوى الخامس و ده سهل انك تجيبه ان شاء الله.

[khaledmgz]

الاول اتاكد ان وظيفتك فى قايمة الفيدرال ولا لا.. دى اول خطوة.

الخطوة التانية.. لو مش موجودة, قدم كيبك و امرك الى الله.. لان فى خلال شهرين بالكتير, كيبك كمان هتعمل قايمة بالوظايف و كمان هتقلل الاعداد..

يعنى هما دلوقتى بيقبلوا اى حد.. لكن بعد كده هيقبلوا عدد معين زى نظام الفيدرال.

فانتا لو خلاص مفيش قدامك طريق غير الهجرة, قدم على كيبك و ذاكر فرنساوى و امرك لله..

بالنسبة للشهادة المطلوبة, فمستوى الشهادة بيكون على حسب المستوى المطلوب منك فى الفرنساوى..

يعنى على حسب النقط اللى انتا محتاجها.. لو مثلا محتاج مستوى سادس علشان تكمل مستوى الملف, يبقى كده هيطلبوا منك شهادة بالمستوى السادس.. و دى امرها سهل.

و عموما لو عندك ولدين عالاقل, و عمرك اقل من 35 سنة.. يبقى كده اعتقد مش مطلوب منك اكتر من المستوى الخامس و ده سهل انك تجيبه ان شاء الله.

معلش انا عارف اني غلس و اسالتي كتير .

انا عندي طفلتين عمرهم 4 سنوات و سنتين.

عمري 34 سنه و3 شهور.

و ميييح في الفرنساوي. مش فاكر منه اي حاجه تقريبا.

تم تعديل 24 نوفمبر 2011 بواسطة khaledmgz

[ViralMind]

ما هو انتا قدامك سنة على ما تجيلك المقابلة.. تقدر تذاكر فيها براحتك.

الحق بقى قدم علشان مايتخصمش منك درجات السن..

[khaledmgz]

ما هو انتا قدامك سنة على ما تجيلك المقابلة.. تقدر تذاكر فيها براحتك.

الحق بقى قدم علشان مايتخصمش منك درجات السن..

متشكر جدا على تشجيعك.

لو مافيهاش غلاسه ممكن تحكيلي تجربتك الشخصيه في ايجاز.

[ViralMind]

تجربتى الشخصية مفيهاش كتير الصراحة.. هههههه

مراتى هى المقدم الرئيسى.. و دخلت المقابلة قبل ما نتجوز.. و لانها كيميائية فلها 12 درجة اضافة و وظيفتها من الوظايف المفضلة..

و تابعنا الاجرائات لغاية اما وصلنا لنهايتها.

طبعا الفرق بين المقابلات زمان و دلوقتى انها كانت اسهل بكتير.. على ما اسمع يعنى.. و كمان مكانش مطلوب اى شهادات على عكس الوضع دلوقتى.

لو انتا خلاص مفيش قدامك طريق.. كندا هى البلد الوحيدة المفتوحة, و كيبك هى الوحيدة اللى بتقبل اى حد بدون اشتراطات للوظيفة..

فقدم كيبك احسن كمان كام شهر حتى كيبك مش هتبقى موجودة و هتقفل و تقلل العدد.

[khaledmgz]

تجربتى الشخصية مفيهاش كتير الصراحة.. هههههه

مراتى هى المقدم الرئيسى.. و دخلت المقابلة قبل ما نتجوز.. و لانها كيميائية فلها 12 درجة اضافة و وظيفتها من الوظايف المفضلة..

و تابعنا الاجرائات لغاية اما وصلنا لنهايتها.

طبعا الفرق بين المقابلات زمان و دلوقتى انها كانت اسهل بكتير.. على ما اسمع يعنى.. و كمان مكانش مطلوب اى شهادات على عكس الوضع دلوقتى.

لو انتا خلاص مفيش قدامك طريق.. كندا هى البلد الوحيدة المفتوحة, و كيبك هى الوحيدة اللى بتقبل اى حد بدون اشتراطات للوظيفة..

فقدم كيبك احسن كمان كام شهر حتى كيبك مش هتبقى موجودة و هتقفل و تقلل العدد.

اسمع الهجره لاقليم الكيبيك ليه عيوب. ممكن اعرف ايه هي العيوب و القيود اللي بتفرض على المهاجر بعد الهجره لاقليم الكيبيك ؟

[ViralMind]

العيب الوحيد انك بتضطر تذاكر فرنساوى..

كيبك افضل من المقاطعات الانجليزية فى حاجات كتير, خصوصا فى المساعدات للى معاه اطفال.

و كمان مجرد ما تاخد التأشيرة, تقدر تروح المكان اللى بتحبه.. يعنى مش لازم تقعد فى كيبك.

[khaledmgz]

العيب الوحيد انك بتضطر تذاكر فرنساوى..

كيبك افضل من المقاطعات الانجليزية فى حاجات كتير, خصوصا فى المساعدات للى معاه اطفال.

و كمان مجرد ما تاخد التأشيرة, تقدر تروح المكان اللى بتحبه.. يعنى مش لازم تقعد فى كيبك.

انا مقيم في الكويت حاليا. وعرفت اني علشان اقدم بابعت جواب لمكتب الهجره الكندي في لندن علشان يبعتولي الملف. هل الكلام ده صحيح؟

وامتى اخر فرصه للتقديم. على حسب كلامك ؟

[ViralMind]

انتا تقصد كيبك ولا فيدرال؟

الفيدرال هما اللى مكتبهم فى لندن للى عايشين فى الخليج.. بس انا مش متأكد اذا كنت بتبعت على هناك ولا بتبعت على كندا مباشرة و هما يحولوا ملفك للندن..

اما كيبك, فانتا بتبعته على مونتريال مباشرة..

هو مش جواب و لكن ظرف بيكون فيه الاتى:

الابلكيشن

صور من الباسبورات

الشيك بالرسوم المطلوبة

شهادة الثانوية

شهادة البيكالريوس او الليسانس

شهادة الميلاد للكل

قسيمة الجواز لو متجوز

صور شخصية لكل فرد

شهادة الخبرة طبعا من الشركة اللى شغال فيها, و اى شركات تانية فى خلال فترة آخر 5 سنين

التأمينات لو كنت فى مصر

ده الورق المطلوب على ما اتذكر.

[Muhammad Zidan]

انتا تقصد كيبك ولا فيدرال؟

الفيدرال هما اللى مكتبهم فى لندن للى عايشين فى الخليج.. بس انا مش متأكد اذا كنت بتبعت على هناك ولا بتبعت على كندا مباشرة و هما يحولوا ملفك للندن..

اما كيبك, فانتا بتبعته على مونتريال مباشرة..

هو مش جواب و لكن ظرف بيكون فيه الاتى:

الابلكيشن

صور من الباسبورات

الشيك بالرسوم المطلوبة

شهادة الثانوية

شهادة البيكالريوس او الليسانس

شهادة الميلاد للكل

قسيمة الجواز لو متجوز

صور شخصية لكل فرد

شهادة الخبرة طبعا من الشركة اللى شغال فيها, و اى شركات تانية فى خلال فترة آخر 5 سنين

التأمينات لو كنت فى مصر

ده الورق المطلوب على ما اتذكر.

على فكرة الورق ده كله لازم يكون مترجم إنجلش أو فرنساوي وكمان تبعت شهادة لغة لو موجودة وتبعت على كتب مونتريال ولو مش موجودة لازم تدخل امتحان لغة في المركز الثاقافي الفرنسي وتاخد شهادة وتكون معاك في المقابلة

تم تعديل 28 نوفمبر 2011 بواسطة Muhammad Zidan