مفروس بن مغلول .. وحكايته مع الفلول !!!

[التونسى]

لو فكرت الحل بسيط

يطلع منها الكام عفريت

م الفرحه ده الشعب يزيط

دي حسبتها كام اسبوع

ليه يقضيها دماء ودموع

ويرعب ام الناس م الجوع !

ان كان على شان امنو خلاص

سبعه اتعرفوا بالاخلاص

وف مريديهم كل خلاص

حط معاهم واحد عسكر

وواحد قاضي لوحده معسكر

وافق يلا بدون ما تفكر !

الى تيمور .. وكل اخواتنا الثوار .. اهديكم سداسيتى تلك

حضــــرات الثـــــــوار .... إخــــواتى

مــحســوبكـم... واحــــد ... بـ ِيهــاتى

بـــــس ....لأخــــر مــــره... بــحـــذر

بـ عـــنادكــوا ... الوضــع .. ح يتفجر

مش طالــبه .. فى كـــلامى .. أكـــرر

يعنى .. ح نقطـــكــــم .. بـ سُـــكـــاتى

مــحســوبكـم... واحــــد ... بـ ِيهــاتى

تم تعديل 25 نوفمبر 2011 بواسطة محمود البصيلى

[Salwa]

مصر عروسة ومش حاتموت .

ومش حايطولها ولا هلفوت .

وزمان قالوا عليها أعادى .

عايزة الحسم أوعاكش تدادى .

دقة مرزبة ولا الف شاكوش .

يجروا يطيروا وعلى فاشوش .

ضحكوا علينا وصدقناهم.

حبة شوية وفوقناهم.

ياما بنوا لهم اهرامات .

وحاتسمع .. من الاهرا آهو مات .

ولا تحسبها ولا تحصيها .

ربك عالم باللى فيها .

بنت ولمضةامبارح قالت .

مصر ياماما صالت جالت.

اوعى تقولى واوعى تحاسبى .

انا راجعة لها دى حسبى ونسبى .

انا من طينها وبها هيمانة .

سايبا بلادهم مش ندمانة .

فيه هناك عركة ف التحرير.

رايحة اشوف شغل التحوير .

وكتبت لها كلام موصلش .

اصلى بكيت ولقيت محصلش .

كنت اتمنى تكونى ف سنى .

او اكون زيك .انك منى .

واجرى معاكى على التحرير .

واصرخ اقول بطلوا تدمير .

سيبوا شباب مصر المظلوم .

يحكم بعد ماكان مكتوم .

لاسلفية ولا اخوان .

ولا ليبرالى ولا بدنجان .

خللواالناس تختار بارادة .

وبلاش غصب وشغل بيادة .

ده غضبنا وصل الحلقوم.

واوعوا تجيبوا علينا اللوم.

:give_rose: :give_rose:

[محمد حامد الغنام]

منقول

خايف ﻳﻮﻡ ﺃﺻﺤﻲ

ﻭﺃﻓﺘﺢ ﺍﻟﺸﺒﺎﻙ

ﻣﺎﻻﻗﻴﺶ ﻣﺼﺮ

ﺃﻻﻗﻴﻬﺎ ﻟﻤﺖ ﻫﺪﻭﻣﻬﺎ ﻭﻣﺸﻴﺖ

... ﻟﻤﺖ ﻫﺪﻭﻣﻬﺎ

ﻋﻠﻲ ﻧﻴﻠﻬﺎ

ﻋﻠﻲ ﻫﺮﻣﻬﺎ

ﻭﻃﻔﺸﺖ

ﻭﺣﻠﻔﺖ ﻣﻴﺖ ﻳﻤﻴﻦ ﻣﺎﻫﻲ ﻗﺎﻋﺪﻟﻨﺎ

ﻣﺎﻫﻲ ﺯﻫﻘﺖ

ﺗﻌﺒﺖ

ﺇﺗﺨﻨﻘﺖ

ﺃﺻﻠﻨﺎ ﺯﻭﺩﻧﺎﻫﺎ

ﺃﻛﻨﻨﺎ ﺍﺳﺘﻌﻤﺮﻧﺎﻫﺎ

ﻭﺭﺛﻨﺎﻫﺎ

ﻣﺼﺮ ﺍﻟﺒﻨﻮﺗﺔ ﺍﻟﺤﻠﻮﺓ

ﺍﻟﻠﻲ ﺯﻱ ﺍﻟﻘﻤﺮ

ﺑﻘﺖ ﻋﺠﻮﺯﺓ ﻭﺷﺎﻳﺒﺔ

ﻭﺑﺎﻥ ﻋﻠﻴﻬﺎ ﺍﻟﻜﺒﺮ

[التونسى]

انتوا شجعتوني ،انا حانضم لكم

أنا زيكوا قلقانة وخايفة

والناس مخدوعة ومش شايفة

اللي بيحصل، بس انا عارفة

ده تكتيك طبعا مش صدفة

من ناس قابضة ودافعة وصارفة

ناس عايزة تولعها وحالفة

ما تسيب مصر قوية وواقفة

من مجلس او من داخلية

وكمان بعض جهات خارجية

وغرضهم منع الشرعية

وانتخاباتنا البرلمانية

او يفرضوا احكام عرفية

ويطلعوا كل الحرامية

يللا نهد خططهم دية

ده الانتخابات علي الابواب

يللا ايدي في ايدكم يا شباب

نهدي شوية كفاية خراب

حق الشهدا ودم شباب

راح يرجع طول ما احنا صحاب

ورغم الحزن واي عذاب

يللا نكون كلنا احباب

ونفتح للشرعية الباب

نفتح للشرعية الباب

بعد اذن الجميع ..تحيه خاصه جدا للمداخلة الزجليه للاخت الفاضله ام سلمى

ربـــى .. يِكَــــتَر .. من أمثــــــالِك

محسوبـــِك .. عاجبــاه.. أزجـــالِك

إللى بــيــحــصــل ده ... مــلــعــوب

نــاس مــأجــوره .. تـحـدف طــوب

أمـــن .. يـــرُد .. ودا المـــطــلــوب

نمــشى .. ف ســكه .. أخرها مهالِك

محسوبــــك .. عاجــــباه .. أزجـــالك

[باهى الطائر الحزين]

كان لِزاما على وحتما ان اعاود

فالأزجال هنا بحاجه الى فنجال

من القهوه الشقراء وكأس شاى

لكونها تحتاج إلى مخمخة وروقان

فهي ليست من النصوص العاديه

هنا يكتب الشعر الهادف للشعر

كلما قرأت شعرك ازددت رغبه

في المزيد منه ...

لغتك راقيه واحساس ينبض

لعمري إنك لشاعر يغترف من نهر

لا فُض فوك ..

واقلام تكتب عن آوجاع بهكذا جمال

يخفى ورائه بركان على وشك الإنفجار

لي عوده

فالنصوص هنا لتحتاج لإطلاله تستحقها

فيض تحايا لشخصك / ولمن اثروا موضوعك

[التونسى]

كان لِزاما على وحتما ان اعاود

فالأزجال هنا بحاجه الى فنجال

من القهوه الشقراء وكأس شاى

لكونها تحتاج إلى مخمخة وروقان

فهي ليست من النصوص العاديه

هنا يكتب الشعر الهادف للشعر

كلما قرأت شعرك ازددت رغبه

في المزيد منه ...

لغتك راقيه واحساس ينبض

لعمري إنك لشاعر يغترف من نهر

لا فُض فوك ..

واقلام تكتب عن آوجاع بهكذا جمال

يخفى ورائه بركان على وشك الإنفجار

لي عوده

فالنصوص هنا لتحتاج لإطلاله تستحقها

فيض تحايا لشخصك / ولمن اثروا موضوعك

بعد هذا الكلام الرائع... الفياض بالدفء .. من شخصية تتمتع بكل هذا القدر من الشاعريه.. والحس الرقيق .. لابد لى من كتابة المزيد والمزيد .. وان كان هذا ليس قرارى غالبا ..فلست من لديه القدره على الكتابه بشكل محترف .. فأجمل كتاباتى دائما ..هى التى تأتى نتاج انفعالى بحدث او موقف او عاطفة ما .. وهو ما أمر به حاليا .. فيضان من الازجال يموج برأسى .. تفاعلا مع ما تمر به مصر من احداث جسام .. والغريب والعجيب .. اننى اكثر بلاغة فى توصيل فكرتى من خلال الشعر .. فلست بليغا فى السرد بقدر بلاغتى فى الشعر .. رغم انها الاداة الاصعب .. ولكنها ليست صعبة ..البتة .. عندما انفعل

أشكرك جزيل الشكر على تلك المداخلة التى رفعتنى لعنان السماء .. وجعلتنى احلق فى اجواء من الانتشاء والامتنان

مع خالص تحيتى لشخصك الجميل حقا وصدقا :give_rose:

[ام سلمي]

ربـــى .. يِكَــــتَر .. من أمثــــــالِك

محسوبـــِك .. عاجبــاه.. أزجـــالِك

إللى بــيــحــصــل ده ... مــلــعــوب

نــاس مــأجــوره .. تـحـدف طــوب

أمـــن .. يـــرُد .. ودا المـــطــلــوب

نمــشى .. ف ســكه .. أخرها مهالِك

محسوبــــك .. عاجــــباه .. أزجـــالك

شكرا جدا اخ بصيلي

موضوعكم رائع من غيري

كلمات كل الزملا جميلة

خلت افكار شعري تجيلي

حال مصر كمان ملا تفكيري

حاسة انها جنبي بتشكيلي

تبكي وبدموعها يطول ليلي

بس انا حاسة و قلبي دليلي

ان الفرح مقرب منها

و ان الحزن حيبعد عنها

وان الضحكة حتملا جبينها

وتغني لكم و تغني لي

تم تعديل 27 نوفمبر 2011 بواسطة ام سلمي

[ام سلمي]

انا خلاني اكتب احساس

ان الوضع خطير حساس

ناس مندفعة بكل حماس

غاز وحريق اصابات ورصاص

ناس بتموت وشباب ينداس

رسموا الخطة علينا خلاص

شرطة فلول امن وحراس

فوقوا وشوفوا الفخ يا ناس

وقفوا فترة الاعتصامات

مش وقت نزول في مظاهرات

واذا كان حد اتصاب او مات

دمه ده عمره ما ضاع ولا فات

حقه حناخده واي اهات

بكرة حتصبح ابتسامات

نقل السلطة فاضل له ساعات

والقهوة حتصبح شربات

قوموا معايا شباب وبنات

يللا نروح ع الانتخابات

روحوا رشحوا عمال وفئات

واحرسوا لجنتكم بثبات

لو ميت بلطجي احنا مئات

لو ميت عدو احنا اخوات

ده واجبنا عشان مصر الغالية

اللي سقتنا بنيلها فرات

[التونسى]

خللواالناس تختار بارادة .

وبلاش غصب وشغل بيادة .

ده غضبنا وصل الحلقوم.

واوعوا تجيبوا علينا اللوم.

:give_rose: :give_rose:

ونــا زَيِــــك ... وزيــــــاده كمــــان

محسوبــــك .. واحـــد .. غضبـــان

بــس غـضــبــنا .. لازم ... يِهــمــَد

لـــيه طيــب .. نِتـــهــور .. نِــعـنِــد

يـعـنـى الحـــل .. نِــهـِـــد المـــعــبـد

مـــا الكُـــل .. ساعتها .. خــســران

محسوبــــك .. واحــد .. غضبــــان

[التونسى]

منقول

خايف ﻳﻮﻡ ﺃﺻﺤﻲ

ﻭﺃﻓﺘﺢ ﺍﻟﺸﺒﺎﻙ

ﻣﺎﻻﻗﻴﺶ ﻣﺼﺮ

ﺃﻻﻗﻴﻬﺎ ﻟﻤﺖ ﻫﺪﻭﻣﻬﺎ ﻭﻣﺸﻴﺖ

... ﻟﻤﺖ ﻫﺪﻭﻣﻬﺎ

ﻋﻠﻲ ﻧﻴﻠﻬﺎ

ﻋﻠﻲ ﻫﺮﻣﻬﺎ

ﻭﻃﻔﺸﺖ

ﻭﺣﻠﻔﺖ ﻣﻴﺖ ﻳﻤﻴﻦ ﻣﺎﻫﻲ ﻗﺎﻋﺪﻟﻨﺎ

ﻣﺎﻫﻲ ﺯﻫﻘﺖ

ﺗﻌﺒﺖ

ﺇﺗﺨﻨﻘﺖ

ﺃﺻﻠﻨﺎ ﺯﻭﺩﻧﺎﻫﺎ

ﺃﻛﻨﻨﺎ ﺍﺳﺘﻌﻤﺮﻧﺎﻫﺎ

ﻭﺭﺛﻨﺎﻫﺎ

ﻣﺼﺮ ﺍﻟﺒﻨﻮﺗﺔ ﺍﻟﺤﻠﻮﺓ

ﺍﻟﻠﻲ ﺯﻱ ﺍﻟﻘﻤﺮ

ﺑﻘﺖ ﻋﺠﻮﺯﺓ ﻭﺷﺎﻳﺒﺔ

ﻭﺑﺎﻥ ﻋﻠﻴﻬﺎ ﺍﻟﻜﺒﺮ

http://www.youtube.com/watch?v=EoghdLRHRXU

[التونسى]

انا خلاني اكتب احساس

ان الوضع خطير حساس

ناس مندفعة بكل حماس

غاز وحريق اصابات ورصاص

ناس بتموت وشباب ينداس

رسموا الخطة علينا خلاص

شرطة فلول امن وحراس

فوقوا وشوفوا الفخ يا ناس

وقفوا فترة الاعتصامات

مش وقت نزول في مظاهرات

واذا كان حد اتصاب او مات

دمه ده عمره ما ضاع ولا فات

حقه حناخده واي اهات

بكرة حتصبح ابتسامات

نقل السلطة فاضل له ساعات

والقهوة حتصبح شربات

قوموا معايا شباب وبنات

يللا نروح ع الانتخابات

روحوا رشحوا عمال وفئات

واحرسوا لجنتكم بثبات

لو ميت بلطجي احنا مئات

لو ميت عدو احنا اخوات

ده واجبنا عشان مصر الغالية

اللي سقتنا بنيلها فرات

االاخت الفاضلة ام سلمى .. كنتى تايهه عنا فين ..عنا فين ..جايبه ((شِعرك)) ده منين .. ده منين ((مع الاعتذار للاغنيه المشهوره))

أقدر اقول ... بقناعه شخصيه .. انك المفاجأة الزجليه الجميله لهذا الموضوع بالنسبة لى .. مع وافر احترامى وتقديرى الشديد .. لكل من قرأ او شارك او أبدع ها هنا.. حقيقى لديك موهبه فى النظم والصياغه .. ((الا من بعض الهنات البسيطه .. والتى اقع فيها شخصيا)).. وتوصيل للفكره او الافكار .. بسلاسه زجليه شعريه مميزه .. رغم اننا لم نعهد عليك الكتابه الزجلية او الشعريه .. ومن هنا كانت المفاجأة الرائعه .. متمنيا ان نرى لكى كتابات اخرى فى قاعة الشعر والادب ..ولا انسى ان اشكرك بحراره على إثراءك الموضوع بمداخلاتك الحسنه

[التونسى]

كِـــده ..مــع نفـــســى ..ومش مــع حـَـد

محسوبـــــكوا .... بيتـــكــــلـم .... جَـــد

ولا عــــلــمـــانـــى ..... ولا إخـــــــوان

ولا مع جــــيش.. أو شـــُـرطه.. كمـــان

أنا مع مــــصـــر ... تعيش فى أمــــــان

ضـــد الفـــوضـى....ماليـــش فى الـهــد

محسـوبكــــوا ... بيتــــكلــــم .... جَــــد

[التونسى]

تعددت الفتن .. والقصيدة واحده