الاخواه الكرام في المنتدي العظيم

[MZohairy]

رأيي تعرض نفسك على طبيب نفساني يا خالد حيث ارى ان كل هذه الامور تندرج تحت تخصصه

و ربنا معاك

[Mr MAGED]

أستاذ خالد .. انا حاولت ابعتلك ع الخاص .. بس من الواضح ان صندوق البريد مليان ومش بيقبل رسايل جديدة

دي الارقام .. وطبعا انا مع الاخ زهيري انك تعرض نفسك علي طبيب نفسي ان كان فيه شكوي نفسية

بس للاطمئنان اكتر مش أقل .. يا ريت لو تقدر تتصل بحد من المشايخ دول وهما اكيد ان شاء الله يفيدوك اكتر مننا ..

الارقام دي معايا من فترة وفعلا ماعرفش ان كانوا غيروها ولا لا .. بس اتمني انها متكنش اتغيرت

د/ عائض القرني 0504222000

د/ سعد البريك 0505441178

د/ محمد العريفي 0505845140

غالبا الدكتور العريفي بيرد أنسر ماشين بيعطيك رقم فاكس .. وممكن تبعتله رسالة وهو يرد عليك

تمنياتي بالتوفيق

[EsoWay]

أخي الكريم مش عارف بصراحة ياريت أقدر أفيدكلا أملك إلا الدعاء ربنا يكفيك شر السحرة والمشعوذين والجن و شياطين الإنسبس مستغرب من حاجةإزاي جنية فيك أديلها 10 سنين وحضرتك مش حاسس !على كدا ممكن أي حد يكون فيه جنية ومش عارف ؟ هل دا ممكن يحصل ؟طيب إيه الأعراض ؟أنا واحد مش متدين خالص ومعرفش إزاي ممكن الإنسان يكون ملبوس ومش عارف ؟!! أعرف الممسوس بيعاني من أشياء معروفة وغير طبيعية !طب ليه عمرنا ماسمعنا عن واحد أمريكي ملبوس مثلًا !

يعنى افعال الامريكان فى العالم دى مش افعال ناس ملبوسين؟ ههههههههفيه طبعا.. و يتخبطهم الشيطان من المس..ممكن تلاقى واحد بيرمى نفسه من غير سبب.. او ينط قدام العربيات.. او يضرب نفسه.. او يتصرف تصرفات غير عقلانية..مش كل حاجة بتحصل برة احنا بنعرفها هنا..و بما ان الشىء بالشىء يذكر..بتضايق لما حد يقول: عمرك شفت حد صومالى ساب بلده و شتمها زى ما انتوا يا مصريين بتعملوا؟ايوة.. بيشتموا بلادهم و يسبوها و يلعنوا اللى جابها كمان.. حتى الامريكان نفسهم.. بيسيبوا بلادهم يروحوا بلاد تانية..

طب ليه عمرنا ماسمعنا عن واحد أمريكي ملبوس مثلًا !

لا بيحصل و كتير كمان و فى برامج كتير اجنبيه مختصه بتسليط الضوء على الناس الى حصلهم الظواهر دىلكن هما مش بيسموها جن و تلبيس لان الديانه المسيحيه مفيهاش ذكر للجن بخلاف الديانه الاسلاميهفبيسموها هجوم من ارواح شريرهاو استحواذ من قبل روح شريرهاو بيتوقوا عند فكره انها ظواهر ميتافيزيقيه مجهوله التفسير

ماشي مش هنختلف بس إيه فايدة الجن داخل الإنسان لو مش هيعرف الشخص إنه فيه جن ؟

يعني الجن لما بيلبس شخص إيه الهدف لو مش هيتخبطه ويعمل أمور مش طبيعية من خلاله ؟

دخول الجن لجسم الانسان بتختلف اسبابه

لكن بالنسبه لسؤالك حوالين ايه فايدته لو الانسان مش هيعرف ان جواه جن

اجابته هى بمعرفه الجن دا دخل جسم الانسان ليه

ممكن يدخله بناء على سحر معمول للشخص دا

و فى الحاله دى بيدخل جسمه علشان ياذيه

سواء بامراض غير معروفه السبب

او حتى مجرد الضيق و الكابه

ووقف الحال او مثلا علشان يحببه او يكره فى شخص معين لو هو سحر محبه او سحر تفريق

علشان كدا مش شرط ان الانسان يعرف انه متلبسه جن

هو بس بيلاقى حاجات بتحصله لكن مش بيربطها بالفكره دى او مبيكونش عارف ان دا سببه

فى كمان تلبس بسبب عشق هذا الجنى للشخص و دا برضه مبيظرهش اى علامات على وجوده لكن بتلاقى مثلا البنت مش بتتخطب او كل ما تتخطب تتفركش او الناس بعد ما يتكلموا عليها يعتذروا بدون سبب

او ان جوزها بقى مش طايقها فجاه او ان الخناقات بينها و بين جوزها تكتر فجاه

و العكس طبعا للرجل

او بيدخل للانتقام منه لان الانسان دا اذاه من غير ما يقصد او حتى يعرف

و ممكن كمان لان الانسان دا فضولى زياده عن اللزوم فبيجرب فى امور الروحانيات كتير من غير ما يكون متمكن و بالتالى بيوقع نفسه فى المشكله دى من غير ما يحس

الخلاصه ان الجنى الى بيتلبس جسم الانسان بيكون علشان ينفذ مهمه محدده و علشان كدا بيكون حريص جدا ان الانسان دا ميحسش بوجوده علشان ميحاولش يصرفه و بالتالى يكمل ما اتى من اجله بسهوله وبدون معوقات

و حتى لو ظهرت علامات ممكن ناس كتير متربطهاش بالموضوع دا فمتعرفش ان كل دا سببه جان

بارك الله فيكي بجد معلومات جديدة معظمها

جزاك الله الجنة

[rewsha]

ربنا يقدم لك مافيه الخير يا استاذ خالد

بس راْيي من راْي سي السيد والاخ اوزوزو

تجربه حصلت قدام عيني من بنت كانت بتشتغل عندنا (مشروع خاص بتاعنا وليها بينا صلة قرابه)وفجاْه نلاقيها لما بتسمع الاذان او القراْن تقعد تصوت ويغمى عليها ولما حكت لنا قالت ان ده بسبب مس جن ليها وانه عاوز يفرق بينها وبين زوجها

المهم

راحت لمشايخ كتير ومافيش فايده

اللي حصل بقى ان والدتي قعدت تنصحها ان كل ده كلام فاضي ,وهيه مافيش فايده كل يوم عند شيخ

لحد ماوالدتي قالت لنا والله لاوريكوا ان كل ده تعب نفسي وان البنت دي ماصدقت ان اتقال لها ده مس من الجن وهيه صدقت وشبطت في الموضوع

اللي حصل ,,,,والدتي اتفقت مع واحد انه يجيب شيخ ويقعد يقراْ عليها قراْن وبعدين يقعد يقول له(للجن اللي لابسها) اخرج ويديها كام قلم على وشها (باختصار تمثليه) وبعدين جاب ورقه وحرقها قدامها وقال لها خلاص انا حرقته

مش هاتصدقوا لو قلت لكم ان البنت دي خفت من بعدها فعلا

والموضوع كان كله تمثيليه ,بس لانها بتثق في والدتي وطبعا في اللي بيجي من طرفها البنت خفت بالايحاء

بعد ماقضت سنه ونص او اكتر بتلف على المشايخ في حمهورية مصر كلها

جكاية تانيه حصلت لاختي

وملخصها ان الموضوع كله تعب نفسي ومشاكل والغرقان بيتعلق بقشايه

وكنا هاندخل في دوامة المشايخ برضوا معاها لكن الحمد لله خفت تماما لما داومت على قراءة القران والصلاة

عل فكره حكاية اختي كانت قبل حكاية البنت دي ,علشان كده والدتي كانت بتجزم ان الموضوع كلة نفسي بسبب تجربتها مع اختي

وبالمناسبه انا حضرت جلستين من بتوع المشايخ مع اختي وكنت باتقطع عليها لما كانت بتقعد تصرخ لما تسمع الفراْن والاذان بصوت عالي

والاخر لقبتها بتقول لي انا كنت باصرخ علشان صوت السماعات عالي وبيتعب ودني واتوا مكتفيني ومش راضيين تشيلوا السماعات من ودني

والشيخ لما قلنا له كده ...ضحك وقال ده الجن اللي ماسسها بيخليها تقول كده لانه مش بيحب القراْن وجنسيته كانت غريبه كده (مش فاكراها)

المصيبه بقى ان انا من الكام جلسه اللي حضرتهم معاها كنت هاتعدي بالايحاء وبداْت اخاف اقعد في البيت لوحدي ويتهياْلي اني شفت حاجه معديه في البيت وانا قاعده

بس لحقت نفسي بالقراْن والصلاه والحمد لله

اهم حاجه القراْن يشتغل جنبك علطول والمداومه على الصلاه

والاهم ان يكون عندك يقين بالله انه هو الشافي ونه سبحانه وتعالى ماخلقش الجن علشان يلعبوا بينا

قال تعالى (وأنَّهُ كَانَ رِجَالٌ مِنَ الْإِنْسِ يَعُوذُونَ بِرِجَالٍ مِنَ الْجِنِّ فَزَادُوهُمْ رَهَقًا)

حط في دماغك يا استاذ خالد ان انت بالقراْن اقوى من اي جن ...انت ممكن تحرقه باية الكرسي

وانصحك بالرقيه الشرعيه

اسفه للاطاله بس حبيت اقول كل اللي عندي

تحياتي.

[eman mostafa]

استاذ خالد خدها كلمه وربنا قالها ورسوله لو اجتمع الانس والجن علي ان يضروك بشيء لن يضروك الا باذن الله تعالي ولو اجتمع الناس ع ان ينفعوك بشيء لنم ينفعوك الا باذن الله يا جماعه احب اقلكم حاجه سعات زمان كده كنا لما بنام نحس انني في حاجه مسكانا من رجلينا وشبه مشسلولين غعالسرير وعنينه مفتحه وزنه رهيبه فودانه كده انا مكنتش بصلي بس لما الترزمت بالصلاه وحافظت عليه وعلي القرأن معدتش بتجيلي وكمان لما كانت بتحصلي كنت بفضل اقول اعوذ بالله من الشيطان الرجيم والكلام مكنش راضي يطلع افضل احاول لحد ما يبدا صوتي يهمس والموضوع ده يختفي وسالت ناس كتير كان فعلا بيحصلهم كده التزم القران والصلاه ثم الصلاه ثم الصلاه انت مقصر فحق ربنا ومتصدثقش الراجل الاهبل ده ده دجال زمن الخزعبلات دي انتهي وخليك واثق من كده وهو ممكن يكون والعياذ بالله علي علاقه بجن او كده واه احب افكرك لازم لما تبقي مع زوجتك يعني تقول الدعاء في الاول وميكنش في مرايه قدمكم وكده وكمان الحمام نقول الدعاء بتاعو يعني نلتزم بالدين فكل حاجه عمر ما اي حاجه هتجلنا ولنفرض في عفريته يا عم ما علاجها بسيط اوي المعوذتين والقرأن