هل يتم تعيين كمال الجنزروي رئيساً للوزراء ؟؟؟

[se_ Elsyed]

إحساس مالوش حل

والله باتكلم جد

يعني لما أنام يوم الخميس .. واصبح الجمعه الاقي عندي 21 سنة والدكتور جنزوري بيحلف اليمين كرئيس وزراء

وأرجع بقى اسنن من تاني .. قصدي أكون لسه متخرج وبأفكر هاعمل إيه ... والموزة تاكل دماغي وتقول لي تعالى بقى قابل بابا في ميكانيكا جارنا متقدم لي وجاهز من مجاميعه .. وانا أديها في وشها وأقول لها انا لاقي أكل .. مش تستني على اهلي لما أشوف هاتنيل هادخل الجيش ولا الظروف هاتبقى عامله إزاي ... إحنا نمشيها قراية فاتحه دلوقت ... او - هابقى صايع بقى وأعرف إن في جواز عرفي هايخترعوه بعد كده - نضرب ورقتين عرفي ونحط اهالينا قدام الامر الواقع

وأحضر ورقي بقى - تاني - عشان أخد دورة كمبيوتر في جامعة عين شمس وأدرس إم إس دوس ... ولوتس ... والبتاع اللي قبل الوورد ده اللي مش فكر كان إسمه إيه .... واطلع مع صحابي رحل للأقصر واسوان وأقعد 10 أيام أكل عيش وجبنة ليل نهار لما بقيت أتكلم دنماركي وأرجع مسطح في القطر ... وأشتري مجلة الشباب كل شهر عشان أراسل البنات بتوع بره يمكن ينتشلوني من الضياع ؟؟؟؟

ياااااااااااااااااه ... طب والله حلم جميل نفسي يتحقق ... ده انا هاعمل عمايل ... بس على شرط مش عاوز افقد الذاكرة بتاعت دلوقت .. يعني هاستفيد هناك من الخبرات الحالية وأتفادى البهدلة بتاعت دلوقت ... واخزن لي شوية دلارات من ام إتنين جنيه ... وكل قرش هاكسبة هاشتري به دهب من أبو 15 ج الجرام عشان أبيعه دلوقت بـ 300 ... ومش هاحط فلوسي في الريان يابا لانه هايطلع نصاب في نهاية الفيلم ....

[se_ Elsyed]

بلا جنزوري بلا وجع قلب..أنا جبلكلوا الخلاصة

طب وطنط عفاف لا مؤخذه شعيب .. مش هانمسكها حاجه ؟

تعديل صغير بحكم موقعي كمشرف عام مفتري

عاوز أدي وزارة شئون المرة قصدي المراة للأدمي ده

ياختي إن شالله تكبر وتتجوز

[ozoozo]

بلا جنزوري بلا وجع قلب..أنا جبلكلوا الخلاصة

طب وطنط عفاف لا مؤخذه شعيب .. مش هانمسكها حاجه ؟

تعديل صغير بحكم موقعي كمشرف عام مفتري

عاوز أدي وزارة شئون المرة قصدي المراة للأدمي ده

ياختي إن شالله تكبر وتتجوز

احنا ممكن نسيب تامر لشئون المرأه زي ماهو حكم شعر صدره مفيد في المرحله الجايه

ونمسك زبايضر وزاره .....الامؤاخذه

اظن ان عطاءه في الوزاره دي هايكون بلا حدود

[متعب]

http://www.youtube.com/watch?v=VIK6ge5La7o&feature=share

[Ahmed Anwer]

بيقولك مرتضى منصور ماسك على المسؤولين السابقين سي ديهات

إلا الجنزوري...مرتضى ماسك عليه فلوبي ديسك

--------------------------------------------------------------

الجنزوري يرجع للوزارة ، و نيللي ترجع للفوازير ، و الجوهري يرجع للمنتخب

و أنا بكره أرجع الحضانة

--------------------------------------------------------------

طنطاوي سأل حسن شحاته أنزل مين ،، قاله نزل جدو

تم تعديل 25 نوفمبر 2011 بواسطة Ahmed Anwer

[عادل أبو عمر]

على فكرة الجنزوري ليس من اختيار المجلس العسكري و لكن المجلس العسكري وافق على اقتراح تولي الجنزوري الوزارة

الكلام ده منين ممن نراجع فيه أخونا تيمور .. لأن الجنزوري تم طرحه كاسم توافقي من ضمن عدة شخصيات زي البرادعي و البسطويسي و عبد المنعم أبو الفتوح ... طبعا كل اللي داخل مرشح للرياسة شال إيده عشان ميحرقش نفسه لأن الوزارة تركة كلها مصايب .. و لو جبنا حكومة اليابان مش هتقدر تحل مشاكل الوضع المعقد في مصر .

على فكرة أنا لا أشكك في قدرة الجنزوري في رئاسة الوزارة مثل كثيرين و لكن الخوف أنه شبه مؤكد إن يتم تنويمه مغناطيسيا مثل ماحدث مع شرف و العيسوي و هيكل و عمرو حمدي و جودة .. فمشكلة الجنزوري لا ترتبط بسنه في رأيي ..

مع بداية الوزارة و على فرض نجاح فرضية المجلس الرئاسي و نقل السلطات

مين يقدر في 6 شهور يحل مشاكل مصر في وجود المشهد التالي

العمل الحكومي في الوزرات و الهيئات خلاص باظ يعني كفاية عليه الاضرابات

الوضع الاقتصادي عاوز مصباح علاء الدين

والوضع السياسي شوفوا مين في مصر كلها ممكن يقدر يدير البلد سياسيا في مواجهة تيارات سياسية و حركات و صحافة و إعلام كلهم احترفوا انتقاد الأداء الحكومي .

وأما الوضع الأمني فده ميئوس منه إنه يتحل في ست شهور .. كفاية العلاقة بين الشعب و الداخلية بقت أسوأ من بعد 25 يناير بل و زاد عليها الجيش ..

اللي عاوزين شباب يمسك الوزارة ... ممكن .. بس الشباب دول لازم يفوروها مش هينفع يشتغلوا على قديمه ...

طب ايه أقل خطة زمنية لتطوير مثلا أهم جهاز و الجهاز الأمني و بداية إحلال عناصر جديدة مدربة ... لو بنحلم و الحلم وسع مننا 3 شهور

طب مين اللي هيأمن الانتخابات في الفترة دي ... دي دايرة مش هتخلص .. في رأيي

كل كلامنا ده على المستوى الداخلي ما بالنا المستوى الدولي .. و ضغط بعض الدول الغير خفي على مصر في ملف الثورة و تبعاتها ..

طب موقفنا إيه مع ليبيا و الاستثمار فيها اللي كله خدته تركيا

طب الوضع في السودان اللي مايطمنش

ما احنا مش هناخد إجازة ست شهور لغاية الريس الجديد ما يجي ...

حتى لو سقط المجلس العسكري

زي ما بقول التركة مليانة بلاوي من فساد عقود و عقول

الوزارة هتشيل كل ده

و مطلوب منها في ست شهور

طب ما نطول المدة شوية

هتطول بس مش شوية .. شويتين ..تلاتة ... عشرة ...و الله أعلم امتى ممكن نتفق تاني

[abdulmuttaleb]

أقسم بالله .. لو إنت قاصد تخرب البلد ما تعمل اللي بيعمله مجلس التخريف ده

حتى لو البرادعي وعمرو موسى رفضوا ..

فهل عدمت مصر القيادات القوية اللي ممكن تتولى هذا المنصب ؟

حضرتك إذا كانت وزارة د.عصام شرف الثانية يونيو تقريبا

نص الشعب رفضوا المناصب اللي عرضت عليهم ومنهم شباب وقادة في الثورة

وهذا ما كتبه د.معتز في أكثر من مناسبة

بل قال إن أحد الوزراء قال لو أعرف أن الوضع كده لما قبلت الوزارة

تيجي النهاردة وسط الجو ده وعايز حد يقبل

لا تقوللي قيادات قوية ولا زعامات شبابية

الكل عارف إنه ح يمسك وضع الله أعلم بيه

ومشكلات لا حصر لها تستعصي على الجبال

قول يا رب

[engmido]

ونمسك زبايضر وزاره .....الامؤاخذه

قصدك ايه يا از از

نيتك مش سليمة .... :wub:

[se_ Elsyed]

خلاص .. بقت رسمي حسب التليفزيون المصري

إشربوا

79 سنة ... راجل ثور ثوري يعني من أيام ثورة عرابي

[Alattar]

من علي قناة النيل..

رسميا .. كمال الجنزوري رئيسا للوزراء..ومنحه كافة الصلاحيات

[se_ Elsyed]

من علي قناة النيل..

رسميا .. كمال الجنزوري رئيسا للوزراء..ومنحه كافة الصلاحيات

ما هم قالوا كده على عصام شرف ؟

من الاخر .. أي حكومة في وجود الديكتاتورية العسكرية التي لا تعرف النقاش ولا الشورى ولا المناقشة ... تبقى سكرتارية

[عادل أبو عمر]

على فكرة الجنزوري ليس من اختيار المجلس العسكري و لكن المجلس العسكري وافق على اقتراح تولي الجنزوري الوزارة

الكلام ده منين ممن نراجع فيه أخونا تيمور .. لأن الجنزوري تم طرحه كاسم توافقي من ضمن عدة شخصيات زي البرادعي و البسطويسي و عبد المنعم أبو الفتوح ...

من الجزيرة مباشر على لسان الشيخ مظهر شاهين يرد على سؤال لماذا ترفضون الجنزوري رغم أن البرادعي نفسه استغرب عن سبب رفض الشارع للجنزوري ... بما يعني أن البرادعي موافق على الجنزوري

[ViralMind]

على فكرة الجنزوري ليس من اختيار المجلس العسكري و لكن المجلس العسكري وافق على اقتراح تولي الجنزوري الوزارة

الكلام ده منين ممن نراجع فيه أخونا تيمور .. لأن الجنزوري تم طرحه كاسم توافقي من ضمن عدة شخصيات زي البرادعي و البسطويسي و عبد المنعم أبو الفتوح ... طبعا كل اللي داخل مرشح للرياسة شال إيده عشان ميحرقش نفسه لأن الوزارة تركة كلها مصايب .. و لو جبنا حكومة اليابان مش هتقدر تحل مشاكل الوضع المعقد في مصر .

طيب و هل دول ناس نستأمنهم على بلدنا؟

ولا ده دليل قاطع ان دول ناس واطية عايزة المنصب و خلاص؟

للاسف كلهم معندهمش مانع ان الف واحد يموت و يسيل دمه فى سبيل انه يحقق هدفه و ينط عالسلطة

[عادل أبو عمر]

على فكرة الجنزوري ليس من اختيار المجلس العسكري و لكن المجلس العسكري وافق على اقتراح تولي الجنزوري الوزارة

الكلام ده منين ممن نراجع فيه أخونا تيمور .. لأن الجنزوري تم طرحه كاسم توافقي من ضمن عدة شخصيات زي البرادعي و البسطويسي و عبد المنعم أبو الفتوح ... طبعا كل اللي داخل مرشح للرياسة شال إيده عشان ميحرقش نفسه لأن الوزارة تركة كلها مصايب .. و لو جبنا حكومة اليابان مش هتقدر تحل مشاكل الوضع المعقد في مصر .

طيب و هل دول ناس نستأمنهم على بلدنا؟

ولا ده دليل قاطع ان دول ناس عايزة المنصب و خلاص؟

للاسف كلهم معندهمش مانع ان الف واحد يموت و يسيل دمه فى سبيل انه يحقق هدفه و ينط عالسلطة

هي دي السياسة

[مغتربة]

طبعا كل اللي داخل مرشح للرياسة شال إيده عشان ميحرقش نفسه لأن الوزارة تركة كلها مصايب

مش صحيح استاذ عادل

البرادعى قبل من حيث المبدأ بشرط الموافقه على منحه صلاحيات يراها ضروريه لاتمام مهمته

لكن هما الى موافقوش

و بصراحه مادام هو الى كان هيشيل اليليه ادامنا و يتحاسب حساب الملكيين مننا فكان لازم تاكد ان عنده الصلاحيات الى تمكنه من تحقيق الحاجات الى الناس متوقعاها منه و الا مش هيمشى الحال

[ViralMind]

فعلا البرادعى ملاك..

لكن العيب فى الشعب... احنا؟ ده احنا ولاد كلب.. ربنا ياخد الشعوب كلها

[مغتربة]

فعلا البرادعى ملاك..

لكن العيب فى الشعب... احنا؟ ده احنا ولاد كلب.. ربنا ياخد الشعوب كلها

يا ريت حضرتك لما تيجى ترد على مداخله ليا ترد باسلوب ارقى من كدا ياتتجاهلها تماما

دى تانى مره تعملها

كلنا على اعصابنا علشان الى بيحصل فى البلد

لكن مش معنى كدا ان دى ذريعه لينا علشان نخبط فى بعض بالشكل دا

[عادل أبو عمر]

طبعا كل اللي داخل مرشح للرياسة شال إيده عشان ميحرقش نفسه لأن الوزارة تركة كلها مصايب

مش صحيح استاذ عادل

البرادعى قبل من حيث المبدأ بشرط الموافقه على منحه صلاحيات يراها ضروريه لاتمام مهمته

لكن هما الى موافقوش

و بصراحه مادام هو الى كان هيشيل اليليه ادامنا و يتحاسب حساب الملكيين مننا فكان لازم تاكد ان عنده الصلاحيات الى تمكنه من تحقيق الحاجات الى الناس متوقعاها منه و الا مش هيمشى الحال

أيوة حضرتك بس أنا قلت ( كل )

الجنزوري تم طرحه كاسم توافقي من ضمن عدة شخصيات زي البرادعي و البسطويسي و عبد المنعم أبو الفتوح ... طبعا كل اللي داخل مرشح للرياسة شال إيده عشان ميحرقش نفسه لأن الوزارة تركة كلها مصايب .. و لو جبنا حكومة اليابان مش هتقدر تحل مشاكل الوضع المعقد في مصر

يعني مخصصتش البرادعي و لأني أعرف إن عمرو موسى كمان رفض

الموضوع في رأيي مش صلاحيات ... الموضوع هو حسبة برما

المشكلة مش بس في الشخص او الصلاحيات ..

المشكلة في ضيق الوقت .. و حجم المسئولية و النتائج المطلوب تحقيقها من أي حد يمسك المكان ده..

وترصد العيون كلها للأداء ..

كل عين ترى و تتوقع الفشل

الموضوع محتاج روح شعب كلنا لازم نساعد مش بس نتفرج

نساعد بأننا نحاول نقرب و ما نبعدش .. نختلف بس منتخانقش

مطلوب كلنا نحب مصر

مطلوب لده شخصية قيادية لها رؤية و فكر و كاريزما

مين موجود دلوقتي فيه كدة

وهل احنا مستعدين نتجمع على هدف

[عادل أبو عمر]

التلفزيون المصري

مؤتمر صحفي للجنزوري بعد قليل

[se_ Elsyed]

التلفزيون المصري

مؤتمر صحفي للجنزوري بعد قليل

هو كان مجهز أسامي الوزراء في جيبه ولا إيه ؟