آلة الزمن

[عبير يونس]

أوقات كتير الحاضر اللي احنا عايشينه بيبقى مؤلم اوي

و غالبا تغيير الحاضر دايما بيكون صعب

عشان كده بنحب نحس اننا برة الحاضر ده

ولو شوية في حلم يقظة مثلا

تعالوا نسرح مع بعض في حلم إن معانا آلة الزمن

و خدوا بالكم السفر بيها المفروض يكون في الزمن فقط

و المكان يبقى ثابت

بس عشان انتو غاليين عليا

حنوسع دائرة الحلم

و حنخليه سفر في الزمان و المكان كمان

يا ترى لو معاك آلة الزمن حتروح بيها فين و أي زمن؟؟؟

حترجع للماضي و الاحتحب تشوف المستقبل ؟؟؟

كل واحد يقول على المكان و الزمان اللي نفسه يتواجد فيهم يوم بحاله

و يحلم معانا حيروح لفين و امتى و ليه و نفسه يعمل ايه في الرحلة دي؟؟؟

منتظرة حضراتكم

♥

[ViralMind]

السلام عليكم..

طيب هو اشمعنى يوم واحد بس؟ انا عايز اروح و اريح هناك على طول هههههههه

عموما آلة الزمن احنا بنحتاجها علشان حاجة من الاتنين.. اما نروح نصلح غلطة عملناها زمان..

او نشوف نتيجة اللى بنعمله دلوقتى فى المستقبل..

نفسى ارجع 3 سنين بس.. حاجات كتير كانت هتتغير..

[Folana]

السلام عليكم ورحمة الله..

موضوع جميل وفى وقته يا أم سلافة ،الواحد محتاج ينشط خياله شوية ويبعد عن الواقع ..

بس خلينا نتفق الأول قبل ما أدخل آلة الزمن ،..فيها بنزين يكفينى أروح وأرجع ؟..عايزين كمان نوديها مركز الصيانة للاطمئنان على حالتها الصحية ، وحتسد معنا فى الرحلة ولا تتعطل فى منتصف الطريق وننزل نزق بقى ...طريق الزمن ده آمن ولا فيه بلطجية حيسرقوا منى الآلة واقعد أنا فى وسط الطريق الزمنى أغنى ظلموه؟...

عايزين نطمئن بس الأول قبل مانجازف بشبابنا :old:

صباح الجمال

[raouf]

نفسى ارجع ايام بداية الدعوة الى الاسلام وامتع عينى برؤية رسولنا الكريم وادافع عنه وبكده اكون من الصحابه هههههههههههه طبعا مستحيل

طيب حلو تانى انى ارجع اعيش فى عصر محمد على الى عصر الخديوى اسماعيل

بجد مصر كانت حلوة قوى قوى

وفى اقوى حالتها

للاسف اسوء عصر عاشته مصر بعد ثورة 1952 مصر بتعيش فى اضمحلال وجحيم منذ عام 1952

[عبير يونس]

السلام عليكم..

طيب هو اشمعنى يوم واحد بس؟ انا عايز اروح و اريح هناك على طول هههههههه

عموما آلة الزمن احنا بنحتاجها علشان حاجة من الاتنين.. اما نروح نصلح غلطة عملناها زمان..

او نشوف نتيجة اللى بنعمله دلوقتى فى المستقبل..

نفسى ارجع 3 سنين بس.. حاجات كتير كانت هتتغير..

ما ينفعش يا باشا

هي دي شروطنا

:closedeyes:

بس برضه لازم تقول من 3 سنين فين و ليه ؟

مش شرط نكون عايزين نغير حاجة غلط على فكرة

[عبير يونس]

السلام عليكم ورحمة الله..

موضوع جميل وفى وقته يا أم سلافة ،الواحد محتاج ينشط خياله شوية ويبعد عن الواقع ..

بس خلينا نتفق الأول قبل ما أدخل آلة الزمن ،..فيها بنزين يكفينى أروح وأرجع ؟..عايزين كمان نوديها مركز الصيانة للاطمئنان على حالتها الصحية ، وحتسد معنا فى الرحلة ولا تتعطل فى منتصف الطريق وننزل نزق بقى ...طريق الزمن ده آمن ولا فيه بلطجية حيسرقوا منى الآلة واقعد أنا فى وسط الطريق الزمنى أغنى ظلموه؟...

عايزين نطمئن بس الأول قبل مانجازف بشبابنا :old:

صباح الجمال

صباح الفل و الهنا كله على عيونك يا حبيبة قلبي

متخافيش يا قمر

كله معمول حسابه

جمدي قلبك بس

و انطلقي معانا

دي رحلة لذيذة مفيهاش أي منغصات من أي نوع

يللا قولي حتروحي فين و امتى و ليه؟

هه هه ؟

kis)-

[عبير يونس]

نفسى ارجع ايام بداية الدعوة الى الاسلام وامتع عينى برؤية رسولنا الكريم وادافع عنه وبكده اكون من الصحابه هههههههههههه طبعا مستحيل

طيب حلو تانى انى ارجع اعيش فى عصر محمد على الى عصر الخديوى اسماعيل

بجد مصر كانت حلوة قوى قوى

وفى اقوى حالتها

للاسف اسوء عصر عاشته مصر بعد ثورة 1952 مصر بتعيش فى اضمحلال وجحيم منذ عام 1952

جميل

افنظم

[Folana]

السلام عليكم ورحمة الله..

طاااييب ..توكلنا على الله..

شوفى ياستى ..كل حقبة زمنية فى حياتى كان لى فيها أحلام مختلفة عن الحقبات التى تليها ، يعنى أيام الجامعة مثلا ولإنى كنت متيمة بالتاريخ الفرعونى إتمنيت إنى أعيش فى عصر الفراعنة على أن أكون ملكة ( لإنى مافينش صحة أبنى أهرامات وأشق الترع وكدهوت يعنى )..ويبقى إسمى فُلانتيتى وأحلق راسى على الزيرو وأسبل عنييه ويعملوا لى تمثال..إشمعنى أنا يعنى :closedeyes: ، وكنت معجبة جدا بأحمس وتحتمس الثالث وتمنيت أن أقابلهم وأعيش عصرهم ..

ولكن دوام الحال من المحال...وبدأت أحلل عصرهم بمنظور أخر مش مجال التطرق اليه ، فغيرت رائى .

وعشت بقى حقبة تشيلنى وحقبة تحطنى ، الى أن وصلت الى هذا العصر وهذه الأيام، ولما كانت مازالت الفرصة سانحة أمامى لكى أمتطى تلك الالة العجيبة بفضلك ...أجد بداخلى رغبة أن أعود إلى الوراء وأقابل أحمد مظهر...قصدى صلاح الدين الأيوبى .

إمتى؟...أى يوم ماعدا الجمعة لأنه أجازة الحاج :)

ليه؟...لأنى عايزة أتعلم وأشوف إزاى ممكن يكون الإنسان مخلص لوطنه ولشعبه دون تقديم المصالح الخاصة على الصالح العام ، وأسأله النصيحة

وإحتمال كبير أقنعه بالرجوع معايا لأرض الوطن عسى أن يجعل الله لنا مخرجا ..وممكن أعزمه على كنتاكى :)

ايه النكد ده ؟ الواحد فقد قدرته على الاحلام حتى .....أنا عايزة أروح الملاهى :)

طيب وقف هنا يا أسطى..وخلينا نروح على المدينة الفاضلة..نفسى بجد أعرف فيها ايه ؟.والناس بتتعامل ازاى فيها وازاى قادرين يعيشوا من غير خناق دى حتى حاجة مووش صحية بالمرة ...

..تعرفى انت ؟ وتوفرى علىّ المشوار علشان ورايا طبيخ :)

قولى لنا انت عن أحلامك..نفسك تروحى فين وتعملى ايه والاهم حترجعى إمتى علشان ورانا مراجعة مداخلات وانذارات وحاجات تانية فوق بعضها كده ...

متابعة ...

[المطحون]

لالوقع اننا كلنا نتمنى ان تاخذنا الة الزمان لوئة محيا رسولنا الكريم لان دى اقصى احلام اى مسلم فى الدنيا

اما على المستوى الفردى فارجع لايامالنيابه فى الدمرداش والحرب كل يوم فى المستشفى والجرى والعمليات الصراحه كان اليوم راثع عمل وخدمة مرضى غلابه وباليل فى السكن حياه كامله وبعد انتهاء عمليات الطوارئ نطلع نجيب العشا من الامور فى شارع الجيش بجنيه فطيره بيتزا مصرى اصلى او نطلع تجيب ساندويتشات جمبرى من شارع جامعة الول والله كنا بنجيب القاهره من اولها لاخرها ونرجع فى نص ساعه

[مغتربة]

يا نهار ابيض اله الزمن

صباح الاحلام الى بتنط فى كل وقت و كل اوان

انا دايما بحلم بيها

بس بصراحه انا طماعه علشان انا مش عايزه عايش فى زمن واحد

انا عايزه اعمل بيها لفه

بصى يا ستى

الاول هخادها و خليها تودينى حقبه الاربعينيات

بعزها جدا جدا

و كل ما اسوف افلام الحقبه دى و اشوف اد ايه مصر كانت راقيه بمعنى الكلمه و اشوف فخامه السرايات و الديكورات و شياكه فساتين ليلى مراد و نجمات الوقت دا اكون هتجنن بجد كان نفسى اعيش فى العصر دا

و بعدين نرجع شويه صغيره لبدايات العصر اروح روسيا القيصريه قبل سقوطها و ازور قصر نيقولا الثانى و اشوف بناته عن قرب و اشوف ليه نظره الحزن الى فى عنيهم دى

يمكن يكونوا كانوا حاسين بالنهايه الماساويه الى منتظراهم كمان كام سنه ......مش عارفه

بعد ما اقعد هناك شويه و بعدين ازهق هروح راجعه كمان شويه لعصر الخديو اسماعيل الف على مصر اتمتع بجمال عمارتها و مناظرها احضر حفل افتتاح قناه السويس و احضر اوبرا عايده و اشوف قطعه الصحرا الى حوالين القناه و الى بعد متين سنه هعيش فيها لانها هتبقى ساعتها اصبحت مدينه اسمها الاسماعيليه بس مش هطول هروح فى ساعتها مسافره بسرعه على فرنسا و اعيش هناك

و البس الفساتين المنفوشه بقى بتاعه الحقبه دى ( بموت فيها بعشقها ) و امسك المناديل الحرير المطرزه و الشمسيات المعموله من الدانتيل

ياه حاجه اليجانت جدا

ازور المتاحف و الاوبرات و الف على الكاتدرائيات اتفرج على جمال العماره و روعه الرسم و التماثيل

اقعد هاك على قد ما انا عايزه و بعدين اخد الاله و ارجع ابعد شويه

لسنه الف او الف و ميه و كدا

بس المره دى بق هزور الخلافه الاسلاميه خصوصا فى الاندلس مش ممكن جمال الطبيعه

و لا جمال القصور

و لا سحر الحرملك و غموضه

جو كله سحر و خيال

و بعدين بعد ما اخلص دوسه محترمه كدا على المارشدير و اروح لزمن هيباتيا و قبليها بشويه كليوباترا و بعدين افضل ارجع شويه لعصور الفراعنه نفسهم

و ابقى اميره فرعونيه و كفايه كدا اركب مركب فى النيل فى فرع من فروعه الخمسه الى جفت دلوقتى

ارتدى مفتاح الحياه على شكل قلاده و حولى الوصيفات بمراوح من ريش النعام

اامر بانهم يجيبوا لى لؤلؤه طبيعيه اذيبها فى قليل من الخل و بعدين اشربها مره واحده

كدا اكون وصلت للخلود بطريقتى الخاصه و مش عايزه حاجه تانيه

انا انثى

احب كل العصور التى احتفت بالانوثه و لا اطيق كل العصور التى قهرتها

[عبير يونس]

السلام عليكم ورحمة الله..

طاااييب ..توكلنا على الله..

شوفى ياستى ..كل حقبة زمنية فى حياتى كان لى فيها أحلام مختلفة عن الحقبات التى تليها ، يعنى أيام الجامعة مثلا ولإنى كنت متيمة بالتاريخ الفرعونى إتمنيت إنى أعيش فى عصر الفراعنة على أن أكون ملكة ( لإنى مافينش صحة أبنى أهرامات وأشق الترع وكدهوت يعنى )..ويبقى إسمى فُلانتيتى وأحلق راسى على الزيرو وأسبل عنييه ويعملوا لى تمثال..إشمعنى أنا يعنى :closedeyes: ، وكنت معجبة جدا بأحمس وتحتمس الثالث وتمنيت أن أقابلهم وأعيش عصرهم ..

ولكن دوام الحال من المحال...وبدأت أحلل عصرهم بمنظور أخر مش مجال التطرق اليه ، فغيرت رائى .

وعشت بقى حقبة تشيلنى وحقبة تحطنى ، الى أن وصلت الى هذا العصر وهذه الأيام، ولما كانت مازالت الفرصة سانحة أمامى لكى أمتطى تلك الالة العجيبة بفضلك ...أجد بداخلى رغبة أن أعود إلى الوراء وأقابل أحمد مظهر...قصدى صلاح الدين الأيوبى .

إمتى؟...أى يوم ماعدا الجمعة لأنه أجازة الحاج :)

ليه؟...لأنى عايزة أتعلم وأشوف إزاى ممكن يكون الإنسان مخلص لوطنه ولشعبه دون تقديم المصالح الخاصة على الصالح العام ، وأسأله النصيحة

وإحتمال كبير أقنعه بالرجوع معايا لأرض الوطن عسى أن يجعل الله لنا مخرجا ..وممكن أعزمه على كنتاكى :)

ايه النكد ده ؟ الواحد فقد قدرته على الاحلام حتى .....أنا عايزة أروح الملاهى :)

طيب وقف هنا يا أسطى..وخلينا نروح على المدينة الفاضلة..نفسى بجد أعرف فيها ايه ؟.والناس بتتعامل ازاى فيها وازاى قادرين يعيشوا من غير خناق دى حتى حاجة مووش صحية بالمرة ...

..تعرفى انت ؟ وتوفرى علىّ المشوار علشان ورايا طبيخ :)

قولى لنا انت عن أحلامك..نفسك تروحى فين وتعملى ايه والاهم حترجعى إمتى علشان ورانا مراجعة مداخلات وانذارات وحاجات تانية فوق بعضها كده ...

متابعة ...

عسل يا فُلتي

هههههههههههه

عجبني اوي حرصك على اجازة الحاج

من خاف سلم طبعا :)

هههههههههه

اختياراتك جميلة جدا

عن نفسي انا مبهورة جدا بآلة الزمن

و أحب جدا أستخدمها للذهاب إلى لحظات معينة

مش عشان أغيّرها

لا

عشان أعيشها تاني و تاني و تاني

أنا مؤمنة جدا ان كل حاجة بتحصل مترتبة بدقة من الخالق العظيم جل شأنه

عشان كده عمري ما حأغيّر حاجة

و لو قدرت أرجع عشرات المرات

برضه حأستمتع جدا بكل لحظة مرت

و مؤكد

حأختار نفس الاختيارات بحذافيرها

[عبير يونس]

الوقع اننا كلنا نتمنى ان تاخذنا الة الزمان لرؤية محيا رسولنا الكريم لان دى اقصى احلام اى مسلم فى الدنيا

اما على المستوى الفردى فارجع لايام النيابه فى الدمرداش والحرب كل يوم فى المستشفى والجرى والعمليات الصراحه كان اليوم راثع عمل وخدمة مرضى غلابه وباليل فى السكن حياه كامله وبعد انتهاء عمليات الطوارئ نطلع نجيب العشا من الامور فى شارع الجيش بجنيه فطيره بيتزا مصرى اصلى او نطلع تجيب ساندويتشات جمبرى من شارع جامعة الدول والله كنا بنجيب القاهره من اولها لاخرها ونرجع فى نص ساعه

مع اني مش طبيبة لكن بتعجبني جدا حياة الأطباء

فعلا كلها مشاعر انسانية

و رغم انهم الدم بالنسبة لهم بيبقى شيء عادي و حتى أكبر الاصابات يرونها دون اضطراب

الا ان ده ضروري جدا عشان يقدروا يتعاملوا مع الحالات اللي قدامهم بسرعة ومهارة

أكثر عمل فني جسد شخصية جراح و عجبني بشدة

هو مسلسل خاتم سليمان اللي قام ببطولته خالد الصاوي

و جسد فيه شخصية سليمان العريني الجراح الماهر جدا و الانسان الحساس جدا الممتلئ بالمشاعر الانسانية

دايما الذكريات اللذيذة تغرينا جدا للعودة إليها مراتٍ و مرات دون ملل

و ما أحلى توفر آلة زمن تأخذنا إليها لنعيشها ثانية

تحياتي و احترامي

[عبير يونس]

يا نهار ابيض اله الزمن

صباح الاحلام الى بتنط فى كل وقت و كل اوان

انا دايما بحلم بيها

بس بصراحه انا طماعه علشان انا مش عايزه عايش فى زمن واحد

انا عايزه اعمل بيها لفه

بصى يا ستى

الاول هخادها و خليها تودينى حقبه الاربعينيات

بعزها جدا جدا

و كل ما اسوف افلام الحقبه دى و اشوف اد ايه مصر كانت راقيه بمعنى الكلمه و اشوف فخامه السرايات و الديكورات و شياكه فساتين ليلى مراد و نجمات الوقت دا اكون هتجنن بجد كان نفسى اعيش فى العصر دا

و بعدين نرجع شويه صغيره لبدايات العصر اروح روسيا القيصريه قبل سقوطها و ازور قصر نيقولا الثانى و اشوف بناته عن قرب و اشوف ليه نظره الحزن الى فى عنيهم دى

يمكن يكونوا كانوا حاسين بالنهايه الماساويه الى منتظراهم كمان كام سنه ......مش عارفه

بعد ما اقعد هناك شويه و بعدين ازهق هروح راجعه كمان شويه لعصر الخديو اسماعيل الف على مصر اتمتع بجمال عمارتها و مناظرها احضر حفل افتتاح قناه السويس و احضر اوبرا عايده و اشوف قطعه الصحرا الى حوالين القناه و الى بعد متين سنه هعيش فيها لانها هتبقى ساعتها اصبحت مدينه اسمها الاسماعيليه بس مش هطول هروح فى ساعتها مسافره بسرعه على فرنسا و اعيش هناك

و البس الفساتين المنفوشه بقى بتاعه الحقبه دى ( بموت فيها بعشقها ) و امسك المناديل الحرير المطرزه و الشمسيات المعموله من الدانتيل

ياه حاجه اليجانت جدا

ازور المتاحف و الاوبرات و الف على الكاتدرائيات اتفرج على جمال العماره و روعه الرسم و التماثيل

اقعد هاك على قد ما انا عايزه و بعدين اخد الاله و ارجع ابعد شويه

لسنه الف او الف و ميه و كدا

بس المره دى بق هزور الخلافه الاسلاميه خصوصا فى الاندلس مش ممكن جمال الطبيعه

و لا جمال القصور

و لا سحر الحرملك و غموضه

جو كله سحر و خيال

و بعدين بعد ما اخلص دوسه محترمه كدا على المارشدير و اروح لزمن هيباتيا و قبليها بشويه كليوباترا و بعدين افضل ارجع شويه لعصور الفراعنه نفسهم

و ابقى اميره فرعونيه و كفايه كدا اركب مركب فى النيل فى فرع من فروعه الخمسه الى جفت دلوقتى

ارتدى مفتاح الحياه على شكل قلاده و حولى الوصيفات بمراوح من ريش النعام

اامر بانهم يجيبوا لى لؤلؤه طبيعيه اذيبها فى قليل من الخل و بعدين اشربها مره واحده

كدا اكون وصلت للخلود بطريقتى الخاصه و مش عايزه حاجه تانيه

انا انثى

احب كل العصور التى احتفت بالانوثه و لا اطيق كل العصور التى قهرتها

قبل ما أعلق

بجد حكاية اللؤلؤة و الخل دي ؟؟:blink:

طبعا متوقعة اختياراتك و ليست بعيدة عن تصوري لشخصيتك الثرية جدا

كل هذه الأزمنة أتمنى زيارتها خصوصا فرنسا بعد الثورة الفرنسية و الاحتفاء بالمرأة في الأدب الرومانسي

يااااااه فعلا بأموت في الفساتين و المناديل المطرزة دي

و ياه بقى لو أقابل فارس نبيل يخطفني على حصانه و يطير

اممممممممممم يوم واحد بس :blush2:

أعيش فيه قصة اسطورية

زي الغنوة دي كده

http://www.youtube.com/watch?v=8xg3vE8Ie_E&feature=player_embedded

[التونسى]

انا حستخدم ألة الزمن فى السفر للمستقبل .. تحديدا لزمنين معينين .. اول زمن .. هو الزمن اللى حينزل فيه سيدنا المسيح عليه السلام للارض ((حسب معتقداتى الاسلاميه)) وخلال تواجده فى الارض .. حيقوم بعدة أشياء .. اهمها قتل المسيخ الدجال .. ونشر العدل والسلام والامان .. انا حلمى الاكبر انى اعيش فى اجواء من العدل والسلام الامان .. حتبقى تجربه مثيره ومغريه ايضا انى اشوف المسيخ الدجال اللى بنقرا عنه عامل ازاى وشكله ايه

الزمن التانى .. هو الزمن اللى حينطق فيه الحجر ويقول ان وراه يهودى .. وساعتها حتمنى اكون مجاهد من ضمن المجاهدين اللى حيخلصوا العالم من شر اليهود للابد

لو سافرت للماضى احب اسافر للزمن اللى كانت فيه الاندلس تحت حكم المسلمين .. واشوف قد ايه اننا اثرنا وأثرينا اوربا بحضارتنا .. ومنها هما انطلقوا وسبقونا بمراحل عظيمه

[عبير يونس]

انا حستخدم ألة الزمن فى السفر للمستقبل .. تحديدا لزمنين معينين .. اول زمن .. هو الزمن اللى حينزل فيه سيدنا المسيح عليه السلام للارض ((حسب معتقداتى الاسلاميه)) وخلال تواجده فى الارض .. حيقوم بعدة أشياء .. اهمها قتل المسيخ الدجال .. ونشر العدل والسلام والامان .. انا حلمى الاكبر انى اعيش فى اجواء من العدل والسلام الامان .. حتبقى تجربه مثيره ومغريه ايضا انى اشوف المسيخ الدجال اللى بنقرا عنه عامل ازاى وشكله ايه

الزمن التانى .. هو الزمن اللى حينطق فيه الحجر ويقول ان وراه يهودى .. وساعتها حتمنى اكون مجاهد من ضمن المجاهدين اللى حيخلصوا العالم من شر اليهود للابد

لو سافرت للماضى احب اسافر للزمن اللى كانت فيه الاندلس تحت حكم المسلمين .. واشوف قد ايه اننا اثرنا وأثرينا اوربا بحضارتنا .. ومنها هما انطلقوا وسبقونا بمراحل عظيمه

اختيارات جريئة

طبيعة البني آدم أنه يطمئن للماضي أكثر حيث أنه عرفه و اعتاده و ألفه

و هو منطقة أمان

طبعا إذا لم يحوي أحداثا سيئة

تعرف

آلة الزمن و اختيارات الماضي و المستقبل استخدمتها مع طالباتي

طبعا بهدف استخدام صيغ الماضي و المستقبل لغويا

لكن كنت مستمتعة جدا أشوف الجيل الحالي ( أعمارهم تتراوح بين 13 و 17)

بيفكروا ازاي

كانت اجاباتهم متباينة جدا و في منتهى الغرابة

بس أغلبهم عايشين بجد في الحاضر

و مش عايزين لا يروحوا ماضي و لا مستقبل!!!

ظاهرة صحية جدا

مش عايزين يهربوا من الواقع و ده معناه انهم متصالحين مع واقعهم

رغم الخوف المتأصل من المجهول

اللي لسه منعرفوش

و اطمئنانا بالماضي عن المستقبل

يساورني الشك في الماضي

نحن لا نعرف ماضينا شخصيا قبل سن الادراك

لا نعرف ماذا حدث فيه

مجرد حكايات الوالدين و الاقارب

هذا سبب رهيب لافتقادي من توفاهم الله من أهلي

أحسست أن الماضي بأسراره مات معهم

و الغريب ان اختياراتك المستقبلية غير مخيفة

فحسب عقيدتنا ندرك جيدا ماذا سيحدث

فالخوف حقا يكمن من المجهول و الغير مؤكد

و هنا تطفو على السطح لذة المغامرة

مرة شاهدت فيلم عن آلة الزمن للأسف لم أعرف اسمه

كانت أحداثه تدور في كندا

و الماضي هناك كان حرب ضروس بين الانجليز و الفرنسيين

و لأن كندا الآن موحدة بالاثنين فقد كان في المجموعة ناطق بالفرنسية

عندما عادوا للماضي تم قتله على ايدي الناطقين بالانجليزية !!!

كان حدثا مؤثرا فعلا

من أمتع ما شاهدت عن آلة الزمن

المسلسل الاسترالي

The Girl from Tomorrow

http://www.youtube.com/watch?v=J-Cacagg2wU

يااااااااااااه أحاديث الزمن لا تنتهي بالنسبة لي

لذلك أعشق الأدب جدا فهو بحق آلة الزمن التي تنقلنا إلى عوالم و أحداث لنعيشها بحذافيرها و نحن في أماكننا

[Alshiekh]

﴿ وإذ قال إبراهيم رب أرني كيف تحيي الموتى قال أولم تؤمن قال بلى ولكن ليطمئن قلبي قال فخذ أربعة من الطير فصرهن إليك ثم اجعل على كل جبل منهن جزءا ثم ادعهن يأتينك سعيا واعلم أن الله عزيز حكيم ﴾

لو أتيحت لي تلك الفرصة فأول شيئ سأفعله أن إذهب لزمن بدء الخلق حتى أرى إن كان تشارلز دارون مخطئا أم محقا وأشوف الجنة وأبانا آدم وأمنا حواء وأسألهم هل لو لم تأكلوا من الشجرة كان ممكن تخلفونا أم كنتم ستنعمون بالجنة وحدكم.

[عبير يونس]

﴿ وإذ قال إبراهيم رب أرني كيف تحيي الموتى قال أولم تؤمن قال بلى ولكن ليطمئن قلبي قال فخذ أربعة من الطير فصرهن إليك ثم اجعل على كل جبل منهن جزءا ثم ادعهن يأتينك سعيا واعلم أن الله عزيز حكيم ﴾

لو أتيحت لي تلك الفرصة فأول شيئ سأفعله أن إذهب لزمن بدء الخلق حتى أرى إن كان تشارلز دارون مخطئا أم محقا وأشوف الجنة وأبانا آدم وأمنا حواء وأسألهم هل لو لم تأكلوا من الشجرة كان ممكن تخلفونا أم كنتم ستنعمون بالجنة وحدكم.

طرأ على ذهني سؤال

طب حتقول ايه حضرتك لأبونا آدم عليه السلام ؟؟؟:blink:

حتقول له انت مين ؟؟؟

وتحضرني هنا طرفة

اللي قالها الله يسامحه بقى

أن حواء جات تخرج فآدم سألها رايحة فين

قالت له رايحة للخياطة!!!

طبعا النكتة مقصود بيها

ان الرجل عمره ما يبطل شك

و لا المرأة عمرها تبطل كذب

حتى لو عايشين لوحدهم

[الدكتور ياسر]

السلام عليكم

شكرا لك مدام عبير.

أنا أطمع في الجنة .

ولو كانت معى آلة زمن لتمنيت ان تنقلنى إليها.

أسأل الله ان يجعلنا من اهلها.

تم تعديل 9 ديسمبر 2011 بواسطة الدكتور ياسر

[عبير يونس]

السلام عليكم

شكرا لك مدام عبير.

أنا أطمع في الجنة .

ولو كانت معى آلة زمن لتمنيت ان تنقلنى إليها.

أسأل الله ان يجعلنا من اهلها.

أهلا أهلا يا دكتور ياسر

احنا رحلتنا دنيوية

اختار حاجة في الدنيا يا فندم

الجنة لها طريق آخر يا دكتور

جعلني الله و إياك من سالكيه

آمين

[Salah El Din]

اتمنى ان تأخذني آلة الزمان و المكان دي الى المكان اللي متصور فيه ال background الاصلية بتاعة ويندوز xp اللي اسمها "Bliss" ثم توقف آلة الزمان الزمن عند هذه اللحظة !