أنفراد . حوار خاص من داخل تنظيم وجماعه طظ فى مصر

[متعب]

بعد ما أعلنت جماعه ( طظ فى مصر ) عن عدم مشاركتها فى اى تداعيات نخص مصر

فجائنا مايلى ؛

لقد اقتحم مكتب الموساد أفراد من شبابها معلنين عن عاركه بالسنج والمطاوى والاسلحه البيضاء متجهين الى البيج بوص

فدار هذا الحوار الذى ننقله لكم على الهواء مباشرة من تل ابيب

هو فين . احنا ضعنا وخسرنا كل شىء . الانتخابات باظت بعد ما كنا ملبسين العمه للشعب

اهدى بس ياحنتيرة خلينا نشوف بس رؤيته هو ايه ما جايز تكون صائبه

صائبه . من الصابئين يعنى ولا ايه الانتخابات ضاعت مننا وتقولى صائبه

انا معاك وانا معاك وانامعاك .

بس خلاص ياجماعه اهو جه نشوفه هيعمل ايه

هيعمل ايه ازاى لازم يخرجنا من الورطه ال حطنا فيها

البيج بوص

انا حفظت عليكوا من الموت هى دى اخرتها . مش احنا اتفقنا ننزل فى الاخر اذا لقينا الثورة انتصرت

ونخش عليهم بشويه الشعارات اياها ونلم النقوط وانتوا كنتوا موافقين على كده فى البدايه

وبعدين انا قلت انهم قله مندسه لايمثلون واحد فى الميه من الشعب

حنتيرة

هأو

واحد فى الميه ازاى وهى من شرقها لغربهاانته لازم تشوف حل لخروج آمن من الورطه دى

البيج بوص

انتوا هتلبسوهالى لوحدى . كل اعضاء مكتب طظ فى مصر كان موافق على ده بعد الشورى واخذنا القرار بعدم المشاركه

انا مش هشيل الليله لوحدى

انا قتلت واتقتلت

حنتيرة

اهو قلب على شفيق . يافرحتى

البيج بوص

انا محارب . بقالى اربعين سنه بحارب . اكتر من اربعين سنه كمان . ولا ايه رايك يابلتاجى

حنتيرة

شفلنا حل وحياة ابوك بلاش شغل المشير ده والقصه الحمضانه دى

بشله وسرنجه وسيفون

ياجماعه اهدوا وصلوا على النبى . انته قاتلين سارقين ناهبين مرتشين مع بعض . صلوا على النبى كده وان شاء الله تنحل

البيج بوص

انا هعملكوا ايه . سندوتشات وجبت وفى الترام حسبت

انا اخدت قرارصائب . لو كنا شاركنا كان امن الدوله طلع السيدهات كلها وعرضها على الشعب

انتوا نسيتوا لقائنا مع عمر سليمان ال اتصور بالصوت والصورة واتفقنا اننا ننقض على ثورة مصر ونفرغها من محتواها

منظرنا هيبقى ايه قدام الشعب لو اتعرضت السيدهات دى .وهتتفئس حكايه زرعنا لشرف فى التحرير وساعتها فضيحتنا كانت هتبقى بجلاجل كده كده كنا ضايعين . اخترت انصاف الحلول

رآى الجماعه

بصوا ياجماعه احنا نضحى بواحد ونعلن عن انشقاقنا كده وكده وننزل الميدان وكده كده الشباب بتوعنا هناك هيحمونا من ضرب البلغ فى الميدان . مع كلمتين ونلم الليله واعتقد ده مخرج آمن للورطه

البلتاجى

بس انا لقيتها . حل ما يخرش الميه

احنا نعملها حلوانه بسلوانه ونخلص مظاهرة الاقصى دى وننزل على التحرير باعتبارها قضيه واحده

ايه رأيكوا . ويبقى كده تمام وهتعدى على خير ونبقى كده رضينا الاطراف كلها والمجلس هارش الليله بقى وهيعديها

موافقه . على بركه الله

هكذا ايها الساده نقلنا لحضراتكم من تحت عقب الباب هذا الحديث من جماعه طظ فى مصر

....

كان مع حضراتكم من أمام مبنى الموساد .

البزبوز

[متعب]

نفسى احط ليك فيديو ياعمده تشوفه بس مش عارف الحقيقه

كل ما اجى احطه تطلعه رساله غير مسموح ليك بوضع رابط من منتدى اخر

مع الرغم ان الفيديو من اليوتوب

حد عنده طريقه اعرض بيها الفيديو ده ينبكوا صواب

واتحدى اى حد ان يرى هذا الفيديو ولم يتأثر بيه او يبكى بجد

دلونى على طريقه احط بيها الفيديو ده لو امكن

[raouf]

موضوع رائع زى باقى مواضيعك يا باز

يعنى ندخل الموضوع ونخرج منه بولا حاجة الا انك تهاجم الاخوان

ربنا يكملك بعقلك ويهديك لحب بلدك

بصراحة بتدى احلى واجمل مثال للى الاخوان عاملين ليك عقدة وسايب التحرير وسايب البلد واللى فيها وفاضى بس لمهاجمة

الاخوان

نفسى بجد سبب العقدة بتاعتك بجد قول ممكن عمدة يساعد فى علاجها

ونفسى اكثر يكون فيه 2-3 زيك علشان مصر تزيد عمارا

خد دى منى

تم تعديل 25 نوفمبر 2011 بواسطة raouf

[مروان]

الفاضل الباز افندي

للاسف موضوعك ليس فيه اي فكرة او نقاش هادف

بل هو سخرية محضة

الاخوان مثلهم مثل اي فصيل يجنهد فيصيب ويخطيئ

لكن لا نخونهم ابدا

اليهود نفسهم مرعوبين من احتمال فوزهم في الانتخابات

يبقى هم وطنيين مخلصين

رجاء ان تعد الى مشاركاتك الرائعة والمفيدة

وخد منى وردة

[متعب]

ربنا هو الشافى من العقد النفسيه ال الباز فيها

هذ ا الفيديو اضعه امامكم لتقيموا وزنكم الحقيقى فى الشارع المصرى وليس فقط عند الباز

هذه المرأة التى فقدت وليدها من اجل ان يسقط الاخوان كما يزعم الزاعمون

دموعها ستلعنكم أينما كنتم . أينما كنتم ستدرككم هذه الصرخات لتصبح كابوسا لكم ولو كنتم فى بروج مشيده

هذه المرأة التى أبكت ميدان التحرير بأكمله ستضعكم فى مزبله التاريخ وتحملكم مسئوليه عدم القصاص لها من القتله

بل والمشاركه فى قتل وليدها بالتأمر والانحطاط والخزى والعار الذى يلاحقكم

بعد مشاهده هذا الفيديو ستأبى مزبله التاريخ تدوينكم فيها وتعلن عن رفضها التسجيل لكم بصفحاتها

وستعلنها ثورة لتوقظ بها شرفاء هذا الوطن وليس حماعه طظ فى مصر

http://www.youtube.com/watch?v=LQ0ObVrmI7s

[رضوي]

طيب أنا عايزة أسأل سؤال ............. ومعلش استحمولوني اختكم الصغيرة وعايزة تفهم يمكن وجهه نظرها غلط

ليه مهاجمة الاخوان ؟؟؟؟

بصراحة شديدة كلنا شايفينهم انهم الاصلح في الفترة الحالية

يعني هما الحزب الوحيد المنظم وفاهمين سياسة .......... مش متشددين ولا رجعيين ولا هما اوبن مايند ع الاخر ........ يعني بصراحة شايفاهم مناسبين

غير انهم عمرهم مااخدوا فرصتهم ابداً ايام النظام الاخير

وبعيداً عن اللي كانوا بيعملوه ايام الجامعة ( لما كانوا بيدخولوا بين المحاضرات ويحاولوا يلفتوا انتباهنا واحنا بنتضايق منهم علشان عايزين نرغي وهما بيجبرونا اننا نسمعهم )

وبعيد برده عن الاعلام وافلام عادل امام ومسلسل الجماعة

أنا شايفة الاخوان الاصلح ............ ومش انا بس ........ أنا وكل اللي اعرفهم

حد يقولي وانتي عرفتي الاخوان منين انتي منهم ؟؟؟ هقول لا انا مستقلة لا انتمي لأي حزب ............ بس اتعاملت مع الاخوان منهم اصدقائي ........... وكان مرة من ذات المرات مرشح اخواني جامد اوي فضل يناضل سنيييييييييييييييين ضد مرشح الوطني لحد مافي يوم من الايام ربنا نصره واصبح عضو مجلس شعب .................. وبدأ الراجل الطيب يشتغل لمصحلة الدايرة وكان شغل من نار ................. بس مالحقش ......... الله يرحمه مات في حادثة غامضة ............ وبعدها رجع عضو مجلس الشغب بتاع الوطني تاني نائب الدايرة .

الاخوان كان العدو الاول - بل الاقوى ضد النظام

هما الوحيدين النهاردة اللي احنا كلنا شايفينهم منظمين ........... متماسكين ........... ايد واحدة ومش منشقين

والاكتر من كل دة فهما لامسين كل اللي بيحصل في البلد .......... عارفين احتياجات كل دايرة ايه

ناشطين من زمان اوي حتى لو كان نشاطهم بيواجه القمع ........ كفاية انهم لحد دلوقتي صامدين

صحيــــــــــــــــــــــــــــــــــح احياناً بلاقيهم بيشتغلوا لمصحلة الجماعة بس .............. وساعات بخالفهم الرأي ......... بس مااقدرش اشكك فيهم

وبصراحة اكتر هما لحد دلوقتي المسيطرين على الشارع وعلى الناس ............ ودي حاجة مابتفرحنيش اوي ........ لأنهم مش دايماً صح على طول ........ زي ايام التعديلات الدستورية

بس برجع بلاقيهم هما الاقوى والاصلح للادارة تلك المعارك .......... والمجلس العسكري بيعمل حسابهم

وهما بس الجاهزين النهاردة للفوز في الانتخابات وماحدش من الموجودين على الساحة السياسية مابيعملش ليهم حساب

بالعكس كل القوى والاحزاب السياسية عارفة ان الاخوان المنافس الاقوى ليهم

علشان كدة من وجهه نظري المتواضعة شايفة ان الاخوان الاصلح ............. بالمشاركة مع القوى السياسية الاخرى ............ مش الاخوان لوحدهم علشان مااصنعش دكتاتور تاني في البلد

أتكلمت ببساطة وشرحت وجهه نظري في الاخوان ......... وبسأل فين المشكلة ........ يمكن مااكونش شايفاها ؟؟؟

[raouf]

ربنا هو الشافى من العقد النفسيه ال الباز فيها

هذ ا الفيديو اضعه امامكم لتقيموا وزنكم الحقيقى فى الشارع المصرى وليس فقط عند الباز

هذه المرأة التى فقدت وليدها من اجل ان يسقط الاخوان كما يزعم الزاعمون

دموعها ستلعنكم أينما كنتم . أينما كنتم ستدرككم هذه الصرخات لتصبح كابوسا لكم ولو كنتم فى بروج مشيده

هذه المرأة التى أبكت ميدان التحرير بأكمله ستضعكم فى مزبله التاريخ وتحملكم مسئوليه عدم القصاص لها من القتله

بل والمشاركه فى قتل وليدها بالتأمر والانحطاط والخزى والعار الذى يلاحقكم

بعد مشاهده هذا الفيديو ستأبى مزبله التاريخ تدوينكم فيها وتعلن عن رفضها التسجيل لكم بصفحاتها

وستعلنها ثورة لتوقظ بها شرفاء هذا الوطن وليس حماعه طظ فى مصر

http://www.youtube.com/watch?v=LQ0ObVrmI7s

وده دليل تانى انك مقتنع انى من الاخوان ههههههه

لو فرضت ان ما كتبته صحيح ممكنك رايك فى ال38 اللى استشهدوا الاسبوع اللى فات واللى غرر بيهم ناس تانية ( اكيد هاتقول الاخوان وحازم صلاح كمان مش عارف ليه نسيته )

يا باز هاعيد ليك الكلام ممكن ويارب تفهم

- ليه بتهاجم الاخوان بالذات ؟ ما تهاجم الوفد والتحمع وباقى الفصائل اللى مش بس مانزلتش ( رغم انى عارف ان نص الميدان اواكثر اخوان وسلفيين ) وليك فى المليونيات الاونطة التى لم يشاركوا فيها عبرة ودليل كنت تلاقى 2000-3000 واحد بس فى الميدان

- انا مش من الاخوان لكن باحب تفكيرهم ورجاحة عقلهم

- صدقنى لولا انى عارف ان ده غلط كنت تمنيت ان يلزم الاخوان اعضاءها بالانسحاب من الميدان ومعهم السلفيين وهاشوف كام واحد هايكملوا فى الميدان

- الانتخابات القادمة هاتعرف اللى عايزين يفصلوا الشعب عن الدين سواء مسلمين او مسيحيين كام نسبتهم

[طبيبة بالخارج]

لست من الاخوان و لم اكن يوما تابعة لأي حزب سياسي

لكني اعمل عقلي و اجتهد لاختار الاصوب الذي اراه في الاخوان حاليا جايز بعد عدة سنوات يظهر فصيل جديد يكون افضل الله اعلم لكني اتحدث عن المرحلة الحالية

نغمة تخوين الاخوان التي لا اعلم ما هي علاقتها بسبب تجمع الناس بالتحرير ماشية مع سكة استفذاذ الداخلية و البلطجية الذين يهاجمون مديريات الأمن بالمحافظات

عشان يضربوا الانتخابات من ناحيتين تخويف الكتلة الصامتة من المشاركة بالانتخابات اكتر ما هي خايفة و ضرب حملة انتخابات الاخوان

في اعتباري الاخوان مشاركين في الثورة قبل 25 يناير بسنين طويلة

يعني حبسهم و تعذيبهم بالسجون كان حلال و ضرب المتظاهرين دلوقتي هو بس اللي حرام؟

ي أخي ده امن الدولة كان بيبدأ وصلة التعذيب مع صوت الآذان عشان يعمل رد فعل نفسي يجعل الشخص يربط الألم بصوت الآذان ده غير طرق التعذيب نفسها لقد رأى حماي بعينيه بأمن دولة أسيوط واحد عينه مقتلعة و مدلدلة على خده

و بعدين جايين تتكلموا عن خيانة الاخوان و حبهم للسلطة فقط

[mfarag]

تحياتى للاخوان

الفريق الانضج سياسيا و القادر على قراءة المعطيات و اتخاذ القرار السليم

لم اكن قد حسمت قرارى بالاختيار فى الانتخابات المقبلة

الا ان موقف الاخوان اثبت بالنسبة لى تفضيلهم لمصلحة الوطن على مصالح انتخابية ضيقة

نعم للاخوان

[أبو ياسين]

أهدي للأخوان وغيرهم ممن أحسبهم على خير قول الله تعالى:

"وإن تصبروا وتتقوا لا يضركم كيدهم شيئا إن الله بما يعملون محيط"

وأهدى لكاتب الموضوع قول الله تعالى:

"والذين يؤذون المؤمنين والمؤمنات بغير ما اكتسبوا فقد احتملوا بهتانا وإثما مبينا"

تم تعديل 25 نوفمبر 2011 بواسطة أبو ياسين

[الدكتور ياسر]

تحية للإخوان المسلمين أكثر الأحزاب تنظيما و عملا بلا ضجيج و كلام فاضي .

هم الأقرب حاليا للفوز بمعظم مقاعد البرلمان و ليس ذلك من فراغ بل لأنهم يستحقون ذلك .

عملوا سنوات طوال و قدموا مصالح البلد على مصالحهم الشخصية فزج بهم مبارك الفاسد إلى السجون وسماهم الجماعة المحظورة .

يسيرون الآن بخطى ثابتة ليجنوا ثمار ما زرعوه في سنوات طوال فلن يضيرهم بإذن الله ما يشنه المهاجمون في حقهم فيما يشبه الصراخ في البيداء.

عرفناهم منذ كنا طلبة في الجامعات يغرقونا بالخدمات دون مقابل فكان جزاء البعض منهم الإضطهاد من أمن الدولة و قيادات الجامعة .

لم يأخذوا أي فرصة لنطعن الان في وطنيتهم ونتهمهم بالخيانة و العمالة.

بل هم ينتظرون الفرصة ليثبتوا للجميع جدارتهم و حبهم لوطنهم .

أعلم أن كلامى هذا لا يعجب الكثيرين و لكن هذا رأيي في الإخوان المسلمين.

[متعب]

تلوث مرئى لايرقى حتى الى السمع لان اذا ارتقى الى السمع سيصبح تلوث سمعى ايضا

مجرد فيرس سرعان ما يذهب فى فقاقيع الهواء ولا يغنى ولا يثمن من جوع مجرد حديت كسراب يحسبه الظمآن ماء

الاخوان تعبر عن فلول النظام الذى عشق جلاده ليقوم بدورة مرة اخرى ليعيدنا الى جلاد جديد ويتقاسم السلطه والبرلمان مع معشوقيه

وهذا التحدى الصارخ الذى نراه الان لكل فئات الشعب وكل الهيئات السياسيه بنزولها الان فى مليونيه لتحرير الاقصى رغم ما تمر به مصر حاليا من قمع وقتل لهذا الشعب رغم ان الاقصى مرهون منذ سنين عده فبات الان تحريره عوضا عن تحرير هذا الشعب الذى ينتمون اليه زورا وبهتانا

اليس من الافضل ترك الاقصى جانبا الان بجمله القرون التى تركناه فيه وان ننظر الى ما نحن فيه الان للعبور ببلدنا الى بر الامان ؟

انما هو التحدى الصارخ والمعلن الذى يضمد كره هذا الفصيل لكل فئات الشعب

كان من الافضل له ان ينضم الى مسيرة العباسيه لتآييد المجلس العسكرى بدعوى انهم يريدون الاستقرار والعبور بمصر الى بر الامان وهذه الكلمات الرنانه ايضا التى يمكن ان تلقى صدى عند البعض وحتى لو القليل

ولكنهم اصروا على البعد عن الشعب وعن مصر التى يحملون اعلامها وقت الضرورة ووقت المنفعه والاستفاده فقط

الاخوان المتواجدون الان فى التحرير بالطبع هم منشقون عنهم بما فيهم شباب الاخوان الذى اعلن على العلن انه منشق عنهم

وراينا احد السلفين وهو يكتب على ظهره كفرت بالاشخاص ولا انتمى الا لمصلحه بلدى

ولو كان للاخوان سلطه عليهم لمنعوهم . فأمنعوهم ان شئتم ؟

الميدان يتشرف بمن انشق عن هذه الفئه الضاله واصبح تابع نفسه لالمنظومه مجهوله المصدر

فأعشقوا انتم بمفردكم ماشئتم منهم واكتبوا فيهم الشعر فقولوا أذن طلع البدر علينا من ثنيات الاخوان

وهذا يعنيكم فقط ولايعنى احد غيركم

[متعب]

ياسوااديييييييييييييييييييييييييى

الطمى يا أنشراح ال جاى أسخم من ال راح

...........

هذه النساء تحل محلكم وتشكل درع بشرى لاحراج الشرطه لتوقف العنف عن هذا الشعب

فما موقعكم الان من الاعراب ؟؟؟؟؟؟؟؟؟؟؟؟؟؟؟؟

فهل اصبح دم الشهداء فى رقبه النساء ؟ !!!!!!!

فالطبع سنتخلى عنكم كما تخليتم عن هذا الشعب ونظرتم فقط الى برلمانكم الملعون

فهل افقدتكم هذه النساء رجولتكم الان ؟

ملعون هذا البرلمان الذى يقام على جثث البشر وكل الرضاء لهذا منكم

تبت يداكم اينما تولوا وجوهكم واينما كنتم

http://www.youtube.com/watch?v=_VfBe7oCnTs&feature=related

[متعب]

هؤلاء ايضا اصيبوا بمرض الاخوان المعشوقين

فلا نتعجب فأن هناك الى الان معشوقين لهتلر ونابليون وكل قياصرة العالم واباطرته

والى الان ايضا يعشوقون دكتاتوريين العصور كعبد الناصر وشلته وحرميه يوليوا ويعبدونه من دون الله

الى الان ايضا نرى من يصنف صدام حسين بطلا من ابطالا الامه وشهيدها وايضا نسبوه الى آل البيت رغم قتله لملايين من الشعب العراقى

وابادته قرى ب أكملها عن بكرة ابيها

الى الان نرى معشوقين لمبارك رمز الفساد وصفحات أسفين يافساد

فلا اتعجب ابدا من عشاق الباطل ضد الحق

فنرجع الى هؤلاء الذين اصابوا ايضا بمرض الاخوان

.............

كتب - محمد معوض

تعرض موقع الإخوان المسلمين لعملية قرصنة مساء اليوم الجمعة من قبل مجهولين، وكانت منظمة" انونيموس" قد وجهت تهديداً مباشراً لجماعة "الإخوان المسلمين" في مصر يوم الثلاثاء على "اليوتيوب"، قالت فيه "إنها تسعى إلى تدمير مواقع الإخوان وتفكيك أي شكل من أشكال تلك المنظمة على شبكة الإنترنت بدون أي رحمة".مقطع الفيديو أظهر شعار الإخوان وصورة المرشد العام للجماعة الدكتور محمد بديع ومؤسس الجماعة الشيخ البنا، وقال المتحدث باسم المنظمة :"أيها المواطنون في العالم أجمع نحن منظمة "انونيموس" .. إن الثورة في مصر التي هزت العالم تحققت من أجل الحرية ولن نسمح للإخوان المسلمين تحويل مسار الثورة فى ظل تعطشهم للاستيلاء على السلطة بعدما انتظروا الوقت المناسب لتحقيق ذلك، لذا قررت منظمة انونيموس تدمير الإخوان وتفكيك أي شكل لها على شبكة الإنترنت ولن تظهر أى رحمة".

وزعمت منظمة "انونيموس" تدمير موقع الجماعة المنشور على شبكة الإنترنت في يوم الحادي عشر من نوفمبر 2011 في السادسة مساء بتوقيت جرينتش، وفي الثامنة مساء بتوقيت القاهرة .

[eslam elmasre]

ضرب وطرد البلتاجي من الميدان

www.youtube.com/watch?NR=1&v=oFDcPOq4ln4

عشان يحرم ينزل تاني الميدان ويركب الثورة بعد كده

اهو خد اللي فيه النصيب

[eslam elmasre]

أهدي للأخوان وغيرهم ممن أحسبهم على خير قول الله تعالى:

"وإن تصبروا وتتقوا لا يضركم كيدهم شيئا إن الله بما يعملون محيط"

وأهدى لكاتب الموضوع قول الله تعالى:

"والذين يؤذون المؤمنين والمؤمنات بغير ما اكتسبوا فقد احتملوا بهتانا وإثما مبينا"

هذا نموذج للاتفاق والاختلاف مع الاخوان

كل من هو معهم مؤمن صبور ولا يضيره كيد الكائدين

وكل من هو ليس معهم فهو ممن يؤذون المؤمنين والمؤمنات

عرفتوا الفرق

[متعب]

البلتاجى اول واحد فيهم ينفذ الانقلاب على الثورة بطريقه عمليه

اتكلف من قبل العصابه بزرع شرف فى التحرير واوهموا الناس انه ثائر من الثوار ورافض الوضع والاوضاع والذى منه وطبعا بعتوا معاه مجموعه هايله من عبيدهم عشان برده التصفيق وهييييييييييه ووسع ياجدع

ولبسوا العمه للتحرير كله ومن ثم الشعب

وبعد ما تولى شرف . كلمتين نعمين بالسمنه الصفرة زى القراقيش ال بتجيب اسهال دى

وبعدها حرم المظاهرات بعد ما الجو هدى وجرمها كمان بس التيار كان شديد عليهم فرجعوا تانى فى كلامهم

وقال ايه احنا بنعمل كده عشان الفلول وهما اصلا ارباب ارباب الفلول

والفلول بالنسبه لهم قران

[eslam elmasre]

ضرب وطرد البلتاجي من الميدان

www.youtube.com/watch?NR=1&v=oFDcPOq4ln4

عشان يحرم ينزل تاني الميدان ويركب الثورة بعد كده

اهو خد اللي فيه النصيب

http://www.youtube.com/watch?v=5DUn919Px9I&feature=related

[Abu Reem]

انا لم ارى الفيديو ولكن عنوانه فكرني

بفيديو ضرب د. البرادعي بالطوب والبيض في استفتاء مارس من جموع الشعب المحترم اللي كان نازل يدلي بصوته

لكنه المشكله انه ما بيحرمش ،

[eslam elmasre]

انا لم ارى الفيديو ولكن عنوانه فكرني

بفيديو ضرب د. البرادعي بالطوب والبيض في استفتاء مارس من جموع الشعب المحترم اللي كان نازل يدلي بصوته

لكنه المشكله انه ما بيحرمش ،

ليه بس ماتفرجتش على الفيديو

ده ظريف اوي وفيه ضرب افيان وشلاليت ورغم كده كان عمال يضحك

اتفرج واتبسط