التجارب الشخصية لتصويت المغتربين في الإنتخابات البرلمانية

[أبو يمنى]

ذهب بعض الزملاء اليوم الخميس بالفعل وسلّموا المظاريف بالسفارة بحي السفارات بالرياض .

وأكد المسئولون أن السفارة تعمل غدا الجمعة 25-11 من 9ص إلى 9م

في السفارة تجد صناديق زجاجية ، لكل محافظة صندوق تضع فيه أظرف الترشيح .

نسأل الله التوفيق والسداد .

[ام سلمي]

انا لسة راجعة من السفارة دلوقتي ، رايقة جدا و مافيش اي زحمة ، اللي قريب من السفارة وعايز يروح ما يترددش ما فيش زحمة خالص ،

ويا ريت كل واحد يبلغ اللي يعرفه لأن عدد اللي حيصوتوا كدة حيبقي قليل خالص

هو بالنسبة للقاهرة في صندوق لكل دايرة فردي ، يعني حتحط الظرف في الصندوق اللي حسب دايرتك الفردي

اعتقد نفس الكلام بالنسبة للمحافظات الاخري

في 3 افراد كانوا موجودين واحنا بنحط الظروف مش عارفة الحقيقة كلهم من السفارة والا فيهم حد لجان شعبية او متابعة، اتمني يكون في منهم متابعة.

[الغريب]

لسه راجع من سفارة مصر بالكويت

أيه الحلاوة والجمال ده

موظفين في منتهى الشياكة والذوق

منتهى التعاون

بيطبعوا للناس اللي جاية مش جاهزة وبيسعدوهم بمنتهى الذوق والابتسامة

يااارب الأمر يتم بخير

هنزلكم بالصور كمان شوية

[عصام أبوالفتح]

بسم الله الرحمن الرحيم :

اليوم الجمعة بعد صلاة العصر قررت الذهاب للسفارة و كانت فاتحة ابوابها للمصريين للادلاء باصواتهم .. ولا توجد اى مشاكل فى الدخول والمواقف ...وكان الدخول من البوابة الجانبية ليست التى بجوار المواقف .

هناك طابور لتسجيل الاسماء وكانت مشكلة انى لا اعرف اسم جارى الكامل وزوجته وكان معى ظرفين خاصين بهما .. فقمت بالاتصال ومعرفة الاسماء الثلاثية وتسجيلها .. هذا التسجيل احصائى لمعرفة عدد المصوتين وعلق الكثيرون على يافطة افتتاح السفارة المقابلة لهذا المكتب والمدون عليها اسم المخلوع .. ارمى الماضى ورا ظهرك كانت القناعة وملخص الاجابات

قبل صالة الاقتراع كان الكل مشغول بمراجعة الاوراق وغلقها قبل الدخول ووضع الاظرف .

اللحظة الحاسمة والتصويت وستجد العديدين يأخذون صوراً تذكارية لهذه اللحظة .. ستضع المظروف فى دائرة الفردى .. لا توجد صناديق للقوائم .. فى حالتى الدائرة التاسعة قاهرة والرابعة قوائم تم وضع التصويت فى صندوق الدائرة التاسعة فردى

والاعداد كبيرة لو بنتكلم ان الوقت كان بعد العصر كما تلاحظون من الصناديق خلفى

وانت خارج ممكن تاخد وصل او لأ .. مش مهم .. لكن الدردشة مع الناس كانت ممتعة وانستنا الطابور الصغير .

بالداخل ستبحث عن اسمك ضمن اربع ملفات مقسمة ابجديا ومرتبة حسب الرقم المسلسل المكتوب فى الاقرار .. ستبلغ الموظف بالاسم وتعطية اثبات الشخصية ويعطيك ايصال باستلام السفارة لتصويتك .. وكانت الخطوة دى فى مكانها الصحيح بعد الخروج مباشرة من قاعة الصناديق لكن مش مشكلة والمرة الجاية تبقى كده ان شاء الله

وبعد المغرب تكاثرت الاعداد بشكل ملحوظ وحرصت العديد من الاسر على المجئ باطفالها فى هذا العرس الانتخابى ليشاهدوا اول انتخابات فى تاريخ مصر

وقد لاحظت العديد من المصريين الذين جاءوا بتلقائية للسفارة بدون اوراق وفى ناس لم تسجل وأتت أيضا لتسأل عن موقفها .. وكنا بنرد عليهم ان دى البداية .. وسنلقاهم فى الانتخابات القادمة ان شاء الله .. وسيفتح التسجيل لاحقاً لمجلس الشورى بالتأكيد وللانتخابات الرئاسية

انتهى التقرير والى اللقاء فى انتخابات مجلس الشورى

[se_ Elsyed]

لسة راجع من شوية ...

إحساس لا يمكن أن تصفه في إنك تشارك في صنع القرار ورسم مستقبل لبلدك .. ويخليك تدعي على مبارك ومن قبلة لأنهم حرمونا من هذا الأحساس

بصراحة السفارة في الرياض منظمة جداً والعملية كلها لا تأخذ دقائق معدودة ... صناديق زجاجية شفافة .. وكل صندوق مكتوب فوقه أنهي دائرة .... وتسجل إسمك في دفتر قبل ما تدخل ترمي الظرف ... لكن المقرف بقى هو طابور طويل وأنت طالع عشان تاخد ورقة مختومة إنك ذهبت للإنتخاب ضمان لحقك ... بصراحة وصلت لحد الموظف وروحت سايبة وماشي .. لانهم طبعوا أسامي الاف المصريين اللي سجلوا على الموقع ... ورتبوهم أبجدياً .. وكل واحد لازم يمسك الدفتر ويدور على أسمه ويروح للموظف يشاور على اسمه ويكتب إسمه في نموذج مطبوع ويختمه له وبخ كده مما يتسغرق وقت طويل وزحام داخل غرفة ضيقة وإتنين موظفين بيتأفأفوا لأنها مش شغلتهم وبيشتطوا لطوب الأرض .. روحت سايب الدنيا وماشي وأكتفيت بكده

لكن لفت نظري تنظيم عملية التصويت ... ومقابلة بشوشة ومساعدة منهم جميعاً .. والاهم من ذلك لفته بسيطة لكنها مؤثرة وهو إنهم موفرين أظرف ولاصق مجاناً هناك لمن يريد لان النماذج لابد أن توضع في المظاريف ... شيء مبشر بصراحة

من الأخر ... أنا اخترت قائمة حزب الوسط عشان على رأسها الدكتور محمد محسوب عميد كلية الحقوق جامعة المنوفية وهو من بعد خلع المبارك تطوع وأنشأ لجنة لأسترداد ثروات مصر المنهوبة في الخارج ...

وفي الفردي أخترت مرشحي حزب الحرية والعدالة لأني أعرفهم بصراحة ...

بشكل عام الإقبال ممتاز جداً .. والكل هناك فرحان ومتشجع وبإذن الله القادم أفضل انا متأكد

[pink rose]

غيظوني بقى عشان ما انتخبتش

ما حدش يعرف اللجنة بتاعت الرقم القومي هاتيجي امتى الرياض؟

[se_ Elsyed]

غيظوني بقى عشان ما انتخبتش

ما حدش يعرف اللجنة بتاعت الرقم القومي هاتيجي امتى الرياض؟

اومال لما انزل بالصور بقى وتشوفي سعادة السفير القنصل سين سين السمين وهو يعانق الصندوق ويقول له : كم أشتقت لك أيها الصندوق .. بعد ما حرمني منك المحروق ...

ما تقلقيش يا ريمو أنا بأراقب الموقف عشان الحاجه عماله تعيط جنبي اهي وكانت عاوزه تنتخب النهاردة .. فقولت لها أسكتي يا ساقطة القيد .. الإنتخاب ده بيكون للثوار مش حزب الشلتة ...

لأان داخل علينا بإذن الله أيام مفترجة ورا بعض وكله على ودنه ... يعني شويتين وفي مجلس شورى ... بعدها على طول أستفتاء الدستور ... بعدها الزغلول الكبير وأنتخاب البرادعي رئيساً .. وبعدها مباشرةً إنتخابات مجلسي شعب وشورى من أول وجديد لان الأولاني هايتحل بمجرد الإستفتاء على الدستور

يعني بيني وبينك الواحد يدور له على سكن في حي السفارات عشان مش كل شويه رايح جاي بقى

[pink rose]

غيظوني بقى عشان ما انتخبتش

ما حدش يعرف اللجنة بتاعت الرقم القومي هاتيجي امتى الرياض؟

اومال لما انزل بالصور بقى وتشوفي سعادة السفير القنصل سين سين السمين وهو يعانق الصندوق ويقول له : كم أشتقت لك أيها الصندوق .. بعد ما حرمني منك المحروق ...

ما تقلقيش يا ريمو أنا بأراقب الموقف عشان الحاجه عماله تعيط جنبي اهي وكانت عاوزه تنتخب النهاردة .. فقولت لها أسكتي يا ساقطة القيد .. الإنتخاب ده بيكون للثوار مش حزب الشلتة ...

لأان داخل علينا بإذن الله أيام مفترجة ورا بعض وكله على ودنه ... يعني شويتين وفي مجلس شورى ... بعدها على طول أستفتاء الدستور ... بعدها الزغلول الكبير وأنتخاب البرادعي رئيساً .. وبعدها مباشرةً إنتخابات مجلسي شعب وشورى من أول وجديد لان الأولاني هايتحل بمجرد الإستفتاء على الدستور

يعني بيني وبينك الواحد يدور له على سكن في حي السفارات عشان مش كل شويه رايح جاي بقى

ماشي ماشي يا استاذ احمد

على فكرة و لا يهمني

بعد الاحداث بتاعت التحرير دي ما تخلص و الدنيا ترجع تروق

هانزل مصر و اعمل بطاقة عشان ما حدش يعايرني تاني bsh:)

و في الانتخابات الجاية انتخب زيي زيي بقيت المغتربين و اتصور و اصور مريم كمان جنب الصندوق

[se_ Elsyed]

هانزل مصر و اعمل بطاقة عشان ما حدش يعايرني تاني

إوعي إوعي

هايحصل لك زي اللي حصل لواحد صاحبي ما تعرفهوش إسمه عبد الشكور

بعيد عنك طلع البطافة من مصر .. وجه ينتخب في أبو ظبي ... راحوا قالوا له : خلي بتوع مصر ينفعوك وكدهوت

[Abu Reem]

لسة راجع من شوية ...

إحساس لا يمكن أن تصفه في إنك تشارك في صنع القرار ورسم مستقبل لبلدك .. ويخليك تدعي على مبارك ومن قبلة لأنهم حرمونا من هذا الأحساس

بصراحة السفارة في الرياض منظمة جداً والعملية كلها لا تأخذ دقائق معدودة ... صناديق زجاجية شفافة .. وكل صندوق مكتوب فوقه أنهي دائرة .... وتسجل إسمك في دفتر قبل ما تدخل ترمي الظرف ... لكن المقرف بقى هو طابور طويل وأنت طالع عشان تاخد ورقة مختومة إنك ذهبت للإنتخاب ضمان لحقك ... بصراحة وصلت لحد الموظف وروحت سايبة وماشي .. لانهم طبعوا أسامي الاف المصريين اللي سجلوا على الموقع ... ورتبوهم أبجدياً .. وكل واحد لازم يمسك الدفتر ويدور على أسمه ويروح للموظف يشاور على اسمه ويكتب إسمه في نموذج مطبوع ويختمه له وبخ كده مما يتسغرق وقت طويل وزحام داخل غرفة ضيقة وإتنين موظفين بيتأفأفوا لأنها مش شغلتهم وبيشتطوا لطوب الأرض .. روحت سايب الدنيا وماشي وأكتفيت بكده

لكن لفت نظري تنظيم عملية التصويت ... ومقابلة بشوشة ومساعدة منهم جميعاً .. والاهم من ذلك لفته بسيطة لكنها مؤثرة وهو إنهم موفرين أظرف ولاصق مجاناً هناك لمن يريد لان النماذج لابد أن توضع في المظاريف ... شيء مبشر بصراحة

من الأخر ... أنا اخترت قائمة حزب الوسط عشان على رأسها الدكتور محمد محسوب عميد كلية الحقوق جامعة المنوفية وهو من بعد خلع المبارك تطوع وأنشأ لجنة لأسترداد ثروات مصر المنهوبة في الخارج ...

وفي الفردي أخترت مرشحي حزب الحرية والعدالة لأني أعرفهم بصراحة ...

بشكل عام الإقبال ممتاز جداً .. والكل هناك فرحان ومتشجع وبإذن الله القادم أفضل انا متأكد

اختيار موفق بصراحة ، حزب الوسط حزب معتدل ومرشح الحرية والعدالة..يدل على انك اخواني عميل....ياويلك من الباز افندي....

[se_ Elsyed]

لا يابو ريم

انا واخد عهد على نفسي إني مصري وبس .. بدون اي إنتماءات .. وبالتالي ما عنديش أي مشكلة إني أرشح ولو عفريت حتى .. طالما أقتنعت ببرنامجه وشخصيته وأفكارة

[raouf]

طبعا انا شرقاوى واكيد فى المرحلة التانية

ان شاء الله مش هاقدر استحمل انى ابعت صوتى بالبريد

هانزل من الدمام مخصوص علشان بس لحظة وضع ورقى التصويت فى الصندوق

لاول مرة فى حياتى هانتخب واحس ان صوتى ذو قيمة

وهاخد الاولاد معايا كمان علشان يتعودوا على الموضوع ده لما يكبروا وياريت كلنا نعمل نفس الشىء

يا بختكم ياللى فى الرياض

[se_ Elsyed]

طبعا انا شرقاوى واكيد فى المرحلة التانية

ان شاء الله مش هاقدر استحمل انى ابعت صوتى بالبريد

هانزل من الدمام مخصوص علشان بس لحظة وضع ورقى التصويت فى الصندوق

لاول مرة فى حياتى هانتخب واحس ان صوتى ذو قيمة

وهاخد الاولاد معايا كمان علشان يتعودوا على الموضوع ده لما يكبروا وياريت كلنا نعمل نفس الشىء

يا بختكم ياللى فى الرياض

تصدق يا رؤوف ؟... هاتصدق إن شاء الله

انا من اكتر تعلقي بالصندوق .. خدته معايا البيت أفرجه للاولاد

ده غير إني اتصورت جنبه وهانزل الصور إن شاء الله .. بس خايف الناس تنسى الانتخابات وتنشغل بصورتي وكدهون

[se_ Elsyed]

سعادة السفير ركن سين سين أثناء إدلاءه بصوته في الإنتخابات

يا لهوي .. مامتي لو شافت الصورة دي هاتقول أخلاقي باظت وبقيت أشرب سجاير .. ومش بعيد اكون كمان مصاحب عيال عندهم اكونتات على الياهو ماسنجر ... لكن وكتاب الله ده كان قلم جاف عشان لو كنت هاحتاج اكتب حاجه وكدهوت

[se_ Elsyed]

وده منظر عام للجنة الإنتخابات من الداخل

[نورالعين]

يا بختكم

ربنا يستر علينا في مصر

يا ترى حنعرف ولا لأ

[se_ Elsyed]

يا بختكم

ربنا يستر علينا في مصر

يا ترى حنعرف ولا لأ

تفتكري ممكن يكتفوا بترشيحات المصريين في الخارج بس ؟ ههههههههههه

حتى الان أكثر من 100 الف مصري بالخارج أدلوا بصوتهم

[نورالعين]

يا بختكم

ربنا يستر علينا في مصر

يا ترى حنعرف ولا لأ

تفتكري ممكن يكتفوا بترشيحات المصريين في الخارج بس ؟ ههههههههههه

حتى الان أكثر من 100 الف مصري بالخارج أدلوا بصوتهم

يعنى ولا زحمة ولا بلطجية

ولا حد يدخل في اختياراتك

ايه حظكم ده

حفضل انق عليكم لحد ما اروح وانتخب انا كمان

ايه مية الف يعني

انتم كتير جدا عن كده

[Ahmed Anwer]

إزاي يا سين سين

أخترت في الفردي مرشح الحرية و العدالة ؟؟؟

إذا كان مالهومشي مرشح فئات في مدينة نصر ؟؟؟

[عادل أبو عمر]

ماشاء الله ربنا يتم فرحة كل المصريين

الصور جميلة

اتفرجت على تقرير مصور على الجزيرة مباشر عن التصويت في قطر الناس فرحانة جدا و من كل الأعمار متواجدين كأنها زفة عشان كدة بقول يا رب يتم فرحتنا .

أنا لسة في المرحلة التانية و مستني على نار الشوق أول مرة أنتخب يا ناس من ساعة انتخابات رئيس الفصل في ابتدائي