إعتصامات في التحرير عشان الباكو بتاع عبير

[se_ Elsyed]

Top 20 Reputations

عبير الشرقاوي ..... 1001

نما إلى علمنا أن هناك العديد من حركات سياسية تعتصم الان في التحرير للضغط على المشير للمطالبة بإقالة المشرفة عبير بعد ان وصلت في تقييماتها إلى ما بعد البراميل

وهم يرددون هتافات من نوعية

- يا مُشير يا مُشير .. شوفلك حل مع عبير

- مش هانمشي مش هانطير إلا لما تمشي عبير

- مش هانمشي ... هي تمشي .. وكدهوت

- يا عبير يا عبير قولي لنا مصدر التمويل

------------

كما خرجت عدة مظاهرات أخرى في ميداني العباسية ولاظوغلي لتأييد المشرفة عبير .. مرددين

- لا تقولي مُشرف ولا مدير .. مش هايانفع غير عبير

- يا مشير يا مشير والنبي ترقي لنا عبير

وأشارت مصادر عسكرية إلى إن المشير يفكر في ترقية الرفيقة عبير إلى رُتبة " مُشيرة " ..

كان معكم مراسلكم سين سين ..من أمام موقف عبود

[se_ Elsyed]

ميرسي يا عبير لكل مجهوداتك في المنتدى .. خصوصاً في النواحي الفنية والحركات ... بجد بجد إنتي عاملة فرق كبير

انا عارف إنك مش لاقية نفسك اليومين دول عشان الضرب والرزع والغازات .. لكن غُمه وتعدي بإذن الله

وبالنيابة عن إدارة المنتدى وبالأصالة عن نفسي .. إقبلي مني بوكية الورد ده

الظرف اللي مع البوكية في قرشين على ما قُسم لزوم المعايش والشاي والسكر ...

[عبير يونس]

ههههههههههه

ميرسي يا أحمد ربنا يخليك

بصراحة القرشين جم في وقتهم

و انا كنت مكسوفة في الظروف دي أطلب من الادارة شاي و سكر و كدهوت

:blush2:

ميرسي على الكلمات الرقيقة و الورد الجميل

[عماد حمدي]

مواضيعك كلها مميزة بلا إستثناء ..

مواضيع متعددة في جوانب كتير و متنوعه ..

ردودك تتسم بالحكمة و الصبر ..

مخليانا عايشين فعلاً جو أسره واحدة ..

مش بتنسي ابداً مناسبة اي عضو سواء عيد ميلاد ، زواج ، خطوبة ..

سباقّه في الخير دايماً ..

ربنا يبارك لك

و لو تسمحيلي أمغص عليكي المناسبة الجميلة دي

و أديكي نكته جاهلي سريع سريع كدة ;)

بيقولك فى ايام الجاهليه

كان هناك شاب يعشق فتاه من القبيله

وبعد ان فاض به الشوق ذهب بحماره الى خيمتها وربط الحمار صف اول

وقام بالتصفيق(لان مفيش باب اساس) فأذا بالفتاه تخرج من الخيمه

قالت له خير يابرنس الليالي إيه اللي جابك الساعه عدت 12

فقال لها مبتسماً ندى لقد غلبني شوقي

فقالت له شوقي ولا ابوتريكه فضحكو جميعا وقال لها انا غلطان عشان حبيت واحدة زيك :P

وسبها و اتجوز اختها علشان يحرق دمها :110:

ألف مبروك و لو تسحميلي الهدية الركيكة دي

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

هي بس الحاجة بتاخد لفة و هترجعهولك تاني

بيقولك قال المريض للطبيب : اني اعاني من الم في البطن

فرد عليه الطبيب : الم ولا دفتر

فضحكت الممرضة , وقام المشلول يركض ضاحكا , و عم الفرح و السرور في المشفى !!

ألف مبروك يا مدام عبير

تم تعديل 26 نوفمبر 2011 بواسطة omda2006

[Alattar]

ألف مبروك يا مدام عبير..

موضوع النقط ده أنا ولا يهمني إطلاكا..ولا عمري فكرت فيه..أنا هنا شمعة تولع في الآخرين..ومش مستني مقابل يا جماعة

من يوم ما شفت محمد الغنام..ولونه بقي أخضر بعد حذف النقاط الحمراء..وأنا بفكر أروح ميدان العباسية

الي الأخ عمدة..الشهير بعماد حمدي..ارحمنا شوية يا عم انت من نكت الجاهلية دي..انت بتجيب الحاجات دي من أنهي عبد حبشي..؟

عموما أنا رايح ان شاء الله يثرب قريب..ياريت أشوفك هناك

[التونسى]

تستاهلى الباكو يا عبير .. الشرقاويه فى الصداره ماشاء الله .. هل يا ترى فيه مرشحين للرياسه من الشرقيه ..عشان حفكر جديا فى انتخابه .. خلاص بقى انتهى العصر الذهبى للمنايفه .. وبدأ عصر الشرقاويه .. شدى حيلك بقى عشان تنتزعى الصداره من سى السيد واحنا معاكى ههههههههههههه

لا بجد يعنى مجهودك فى المحاورات يستحق تكريم خاص مننا جميعا ... اداره واعضاء .. ومسألة التقييم دى اقل تقدير لجهدك المبذول على المستوى الفكرى والفنى والادارى

[ابراهيم عبد العزيز]

مبروك للاخت عبير

بصراحة وبدون مجاملة مشاركاتها مميزة جدا لأن عندها شخصية المحاور

إذا حجبت الإسم والتوقيع الخاصين بها وقرأت المداخلة فقط تستطيع أن تعلم بسهولة أن المداخلة للأخت عبير

عقبال الألفية الثانية

تم تعديل 26 نوفمبر 2011 بواسطة ابراهيم عبد العزيز

[عماد حمدي]

ألف مبروك يا مدام عبير..

موضوع النقط ده أنا ولا يهمني إطلاكا..ولا عمري فكرت فيه..أنا هنا شمعة تولع في الآخرين..ومش مستني مقابل يا جماعة

من يوم ما شفت محمد الغنام..ولونه بقي أخضر بعد حذف النقاط الحمراء..وأنا بفكر أروح ميدان العباسية

الي الأخ عمدة..الشهير بعماد حمدي..ارحمنا شوية يا عم انت من نكت الجاهلية دي..انت بتجيب الحاجات دي من أنهي عبد حبشي..؟

عموما أنا رايح ان شاء الله يثرب قريب..ياريت أشوفك هناك

ههههههههه إخبط دي لسة جيالي مع حمامة زاجل دلوقتي

انطلق صلاح الدين الأيوبى إلى ريتشارد قلب الأسد فقال له : أتريد الســـــــــــــــــــلام ؟؟؟؟؟؟

رد ريتشارد : لا الــــــــــعــــــــــبـــور . . . .

فقال صلاح الدين : انها نفس الأجرة … اركب يامعلم

[عماد حمدي]

كفاية كدة لحسن مدام عبير تخبطني باللي قدامها دلوقتي ههههههههه

ألف مبروك يا مدام عبير

[عبير يونس]

الأفاضل

عماد

العطار

محمود البصيلي

ابراهيم عبد العزيز

مع حفظ الألقاب

الحقيقة تأثرت جدا بكلمات حضراتكم

مضطرة أنزل دلوقت

ألتقي بحضراتكم في المساء

و بجد مش حالاقي كلمات تعبر عن امتناني من تلك المشاعر الرقيقة

تحياتي لحضراتكم جميعا

و لي عودة

بإذن الله

[م تيمور المراغي]

عبير ست الكل المشرفه الخلوق الكفؤه المجتهده ولا نزكيها على الله

وعقبال الف جنيه دهب يتحطوا في حسابك في البنك يابيرو يارب :happy:

[eslam elmasre]

عبير تستاهل كل خير

واللي بيحبه ربه يحبب فيه خلقه

تحياتي لحضرتك وتقديري لك

[ViralMind]

السلام عليكم..

حضرتك تستحقى التقييم عن جدارة..

احلى حاجة هنا فى نظام التقييم انه نقطة واحدة فقط على المشاركة..

[احمد رضوان]

شكراً جزيلاً من كل قلبى على الجهد المبذول منك لبعث الدفئ في المكان ... لك ولأسرتك كل تحية

[عادل أبو عمر]

1000 مبروك يا مدام عبير

و مليون مبروك لينا إننا قدرنا نتشارك مع حضرتك بعض أفكارك

ومشاركاتك المتنوعة و القيمة في محتواها و معانيها

وشكرا للمحاورات و كل القائمين عليها

أن سمحت لنا فرصة التواجد بين كل هذه الشخصيات المحترمة

[raouf]

الف مبروك يا مدام عبييييييييييييييييييييير

ممكن تفوتى ليا بريزة من الباكو بتاعك ؟ احسن اخوكى مزنوق فى 66 نقطة اوزعهم على الحبايب

تم تعديل 26 نوفمبر 2011 بواسطة raouf

[رضوي]

الف ميلون مبروك ياقمراية المحاورات

ودايماً رافعة راس الشراقوة لفوق يارب ( انتي طبعاً والامبراطور الكبير س س )

ودي هدية بسيطة بالمناسبة السعيدة دي

( بس حرام عليكوا بجد النكت دي ............ المفروض تكتب عليها ممنوع الدخول لاصحاب الضغط المرتفع ياعماد حرام عليك :blink: )

[اثار]

الف مبـــــــــــــروك يا بــــــــيرو

سمعت اشاعة بتقول ان الواحد بعد ما بيوصل للالف بيوزعهم علي الاعضاء

متنظرين تأكيد الخبر

[doctor ayman]

الف مبروك مدام عبير

مشاركات حضرتك دائما مفيده وعقلانيه

حضرتك تستحقي 10000 نقطه

وبهذه المناسبه يسرنا ان نعرض عليكي تاسيس الحكومه الجديده

بلا برادعي بلا جنزوي

[عصام أبوالفتح]

ألف مبروك يا مدام عبير

طبعاً أول ألف ده مجرد تليين ومستنين الفول باور :scooter:

ربنا يبارك فيكى وتسعدينا دائماً بمواضيعك ومشاركاتك القيمة

انا مبحبش اقطف الورد ولا اهادى بيه ، علشان كده حبيت اهديكى حاجة تانية :

اتفضلى :

...

...

...

...

...

...

...

...

...

...

...

...

...

...

...

كده محدش هايقيم أقل من عشرة نقط خضر ... يادوب ثمن البنزين :)