مباراة الاهلي والزمالك

[disappointed]

سيد محبط افتح الأن موقعfilgoal.comتجد خبر عن مهاجمة جماهير الزمالك للاعبين والجهاز الفنى  وقد وصل الامر الى حد الاشتباك بالايادى بين وليد صلاح عبد اللطيف وبعض الجماهير"كريمة المجتمع" وقد حدث ذلك فى اول مران بعد الاربعة. :)

جريدة الأهرام

الرياضة

43070 ‏السنة 127-العدد 2004 نوفمبر 7 ‏24 من رمضان 1425 هـ الأحد

الصمت يسيطر علي تدريبات الزمالك‏..

وقد خيم الحزن علي تدريب الفريق الأول أمس استعدادا للقاء أسمنت السويس في الأسبوع الثامن للدوري‏,‏ وساد صمت طويل داخل التدريبات وحاول الجهاز الفني إعداد اللاعبين نفسيا بينما ظهر دراجوسلاف الألماني وكأن شيئا لم يكن‏,‏ محاولا إعطاء انطباع للاعبين بأن المباراة انتهت ولا كلام فيها مجددا‏.‏

http://www.ahram.org.eg/Index.asp?CurFN=spor4.htm&DID=8298

الأنكى من ذلك.....هو أن تدريب الزمالك بالأمس كان بدون جمهور من الأساس ولم يسمح حتى لأعضاء النادى بحضوره (حسب رواية عديلى الذى كان موجودا بالنادى أثناء تدريب الأمس ولم يتم السماح له بحضور التدريب , حيث تم الإعلان عن حاجة الفريق للتركيز و بالتالى عن عدم حضور الجماهير للتدريبات حتى يوم الثلاثاء)

يا عزيزى ...

هذا الخبر الذى أوردته نقلا عن موقع فيلجول ليس سوى أحد الأكاذيب الصبيانية والأخبار الوهميّة المفبركة التى إعتاد جمهور الزمالك عليها من هذا الموقع الذى تعمل إدارته بشكل منظم و بالتنسيق مع إدارة النادى الأهلى التى شارك أحد أعضائها وهو منصور ياسين فى تمويل الموقع من الأساس( و آخرها عندما نشر هذا الموقع قبل مباراة الأهلى و الزمالك الأخيرة خبراً مفبركاً حول أن إبراهيم يوسف قد صرّح للموقع بأنه قد قرر إيقاف تامر عبد الحميد لمدة 3 أسابيع لأنه تعمّد الحصول على الإنذار الثالث للتهرّب من مباراة الأهلى !!!!!! ثم ظهر إبراهيم يوسف فى حديث صوتى على موقع الزمالك على النت ليعلن تعجّبه من هذه الأخبار حيث أن تامر عبد الحميد مصاب و سيسلتزم علاجه 3 أسابيع , وقد قرّر إبراهيم يوسف منع دخول أى مندوب أو صحفى من هذا الموقع لنادى الزمالك (و من موقع يالاّ كورة أيضا) بعد أن زاد الأمر عن الحد)

ما يحدث من هذه المواقع أمر يتنافى مع شرف مهنة الصحافة و مع أمانة الكلمة و مصداقيّة الخبر...... و ما نتابعه من هذه الحملات الإعلاميّة المسعورة ليس سوى أحد حلقات مسلسل إعلامى أصبح ممل و بايخ بعد أن خرج عن سياق العقل و المنطق....."أفور" يعنى

وبالمناسبة

10 آلاف زملكاوى منتسبين لموقع الزمالك الرسمى على النت قاموا رسميّا بمقاطعة موقع فيلجول و نشروا ذلك رسميّا بذلك الموقع :

هام جدا الى المسئولين عن سايت فى الجول

لقد قرر حوالى 10 الاف عضو زمالكاوى على سايت زمالك تى فى مقاطعة موقع فى الجول

http://www.filgoal.com/DiscussionIncludes/...picID=663&tid=0

الدعوة للمقاطعة مستمرة وستزداد

فالموقع لايخفي انحيازه ، والكثير من التقارير التي نقرأها عن الزمالك مشوهة ..

http://www.filgoal.com/DiscussionIncludes/...=663&tid=408861

أمّا بالنسبة لــ"سى السيّد".....فسننظر بعين العطف :D فى إلتماسه بالإنضمام لقافلة الصفوة :P مع إحتفاظه بجنسيّته الحمراء الأصليّة ;)

mc(: mf( :)

و موعدنا.....فى........ مكّه

(حيكون لينا موعد ثانى أكيد ...بس.....فى..... الدور الثانى :P mf-: )

و..... كفايه بقى كلام فى الكورة (علشان بريستيجنا يا جماعة )

و...... كل سيزون و إنتم بخير

تم تعديل 7 نوفمبر 2004 بواسطة disappointed

[se_ Elsyed]

و..... كفايه بقى كلام فى الكورة (علشان بريستيجنا يا جماعة )

و...... كل سيزون و إنتم بخير

يُعلن الكابتن س س عن توقفه عن الكتابة حول هذا الموضوع إستجابة لطلب عدد من الاخوة الزملكاوية - دول مهما كانوا مصريين برضوا - .

نداء إلى سلاح الفرسان الأهلاوية .. خلاص يا رجالة كفاية كده احسن هاتقلب بغم وإحنا في شهر كريم .

محبط .. محبط ... هو ماتش الدور الثاني هايبقى يوم كام عشان أجي أشوف معاك الماتش على أوربت ؟ .. يمكن الزمالك بيغلب عندكو :P

[disappointed]

محبط .. محبط ... هو ماتش الدور الثاني هايبقى يوم كام عشان أجي أشوف معاك الماتش على أوربت ؟ .. يمكن الزمالك بيغلب عندكو

يااااااه.....

ده إنت طلعت شايل جوّاك شيل

mc(:

حاسس بيك و الله ys):

الكبت وحش mf( .... و الحرمان أوحش :)

شكلك كده زى ماتكون عايز تخلّص كل اللى بقالك سنين عايز تقوله (قبل ما يحصل حاجه تخلّى الكلام يتحشر ثانى).....

وبعدين كل الأزعرينا دى علشان ماتش؟؟؟ فكّرتنى بردود أفعالنا المبالغ فيها كمصريين لمّا يا دوب إتعادلنا مع هولندا

عموما........ إحنا لينا الشرف إننا فكّينا زنقة أخ لينا..... وهوّه إحنا عندنا كام سى السيّد يعنى (بس ما تاخدش بقى على كده mf-: )

ملحوظة إحصائيّة :

مثّلت مداخلات سى السيّد الــ13 فى هذا الموضوع حوالى ربع عدد المداخلات الكلّية للموضوع , كما مثلت مداخلاته الــ18 فى موضوع الأهلى هوه هوه حوالى ربع عدد المداخلات الكلّية به , أمّا عن المشاركات الإجماليّة لسى السيّد فى باب الرياضة خلال الــ10 أيام الماضية فقد مثلت حوالى ثلث عدد المشاركات الكلّية بالباب

الدلالة الإحصائيّة لهذه الأرقام :

سى السيّد كان تعباااااااااان قوى

:)

و آآآآآه يا قلبه يا كتاكت....يا ما كنت شايل و ساكت

:P :D

تم تعديل 7 نوفمبر 2004 بواسطة disappointed

[se_ Elsyed]

برضوا مس هاعمل أي كومينت على اللي كتبته ...

عشان

بحبك يا ساتموني مهما الناس لاموني

[Ahmed Mohsen]

ملحوظة إحصائيّة :

مثّلت مداخلات سى السيّد الــ13 فى هذا الموضوع حوالى ربع عدد المداخلات الكلّية للموضوع , كما مثلت مداخلاته الــ18 فى موضوع الأهلى هوه هوه حوالى ربع عدد المداخلات الكلّية به , أمّا عن المشاركات الإجماليّة لسى السيّد فى باب الرياضة خلال الــ10 أيام الماضية فقد مثلت حوالى ثلث عدد المشاركات الكلّية بالباب

الدلالة الإحصائيّة لهذه الأرقام :

سى السيّد كان تعباااااااااان قوى

و آآآآآه يا قلبه يا كتاكت....يا ما كنت شايل و ساكت

 

:P :D mc(: mf(

[disappointed]

بحبك يا ساتموني مهما الناس لاموني  :)

لأ......لأ :P ....... إذا كان كده بقى يبقى :

تعالى تانى...فى الدور التحتانى

(وفى قول آخر ...فى الدور التانى)

;) mf-:

مع الإعتذار لفيلم "الكيف"

:D :)

mc(: mf(

[البحار الجريح]

اجمل واحلى سلام وتحيه لحبيب الملايين disappointed

واهو ياجماعه احنا بنتصدق في رمضان ,, انتو عارفين فضل العشر الاواخر كبير قوي

واحنا عارفين انكم بقالكم اكتر من سنتين ونص مافزتوش علينا الا يادوبك السوبر وكان بركلات الحظ الترجيحيه

افرحو شويه

وبجد الواحد لما شاف منظر الفرحه اللي وصلت لمستوى عمري ماشفته من الشماته وكانكم عمركو في فزتو على الزمالك ,, خلى الواحد يقول ,, فعلاً رمضان كريم

ودي عيديتنا بالنسبه لكم :rolleyes:

ودمتم بوووووووووود

[hamo90]

لا مؤاخذة يا عم محبط يا كبير الزملكوية

عندي أستفسار صغنن بصراحة ما كنتش عايز أقوله لغاية ما أشوف كبير الاهلوية هيقول أيه بس الراجل أمتنع عن الكلام

فحبيت أستفسر بس يعني

سعتك بما أننا مش من الصفوة والاعلام بتاع مصر طبعا كله أحمر

حتي موقع في الجول عملتوا معاه مقاطعة

طيب نقرأ الاخبار الرياضية منين ؟؟؟؟؟؟؟؟؟؟؟؟

حمو

[kotoz9]

لا مؤاخذة يا عم محبط يا كبير الزملكوية

عندي أستفسار صغنن بصراحة ما كنتش عايز أقوله لغاية ما أشوف كبير الاهلوية هيقول أيه بس الراجل أمتنع عن الكلام

فحبيت أستفسر بس يعني

سعتك بما أننا مش من الصفوة والاعلام بتاع مصر طبعا كله أحمر

حتي موقع في الجول عملتوا معاه مقاطعة

طيب نقرأ الاخبار الرياضية منين ؟؟؟؟؟؟؟؟؟؟؟؟

حمو

لا مؤاخذة يا عم محبط يا كبير الزملكوية

عندي أستفسار صغنن بصراحة ما كنتش عايز أقوله لغاية ما أشوف كبير الاهلوية هيقول أيه بس الراجل أمتنع عن الكلام

فحبيت أستفسر بس يعني

سعتك بما أننا مش من الصفوة والاعلام بتاع مصر طبعا كله أحمر

حتي موقع في الجول عملتوا معاه مقاطعة

طيب نقرأ الاخبار الرياضية منين ؟؟؟؟؟؟؟؟؟؟؟؟

حمو

والله سؤال كويس ياريت يجاوب الاستاذ محبط عليه.

على فكرة انا صدقت خبر فيلجون لانه مش جديد على نادى "الصفوة" حيث انه كثيرا ما يقوم لاعبيه بافعال مخجلة تجاه الجماهير "الصفوة" ولعل اقربها كان فى ماتش السوبر اما المقاولون عندما اشار طارق السيد بالجزمة لجمهور الزمالك"الصفوة" :o :P وبعد ذلك ادعى انه كان يشير الىالاصابة فى رجله(مع انه لم يكن مصاب) وبالطبع مر الامر دون عقاب. :lol:

اللى صعبان عليه بصحيح هو دراجوسلاف :D الراجل متبهدل من الصحافة والجماهير ومجلس الادارة لانه اتغلب من الاهلى مع ان اللى حط التشكيل هو د.كمال درويش(مرحبا بكم........انتم فى نادى"الصفوة" lck:: ha) ) طب عايزين تقيلوه ليه ما تقيلوا اللى حط التشكيل؟ fsh::لكن تعمل ايه بقى مش نادى الصفوة؟؟؟ بس ربنا ينجيه على خير........ده لو طلع بهدومه تبقى نعمة mfb:

[afiona]

حبيبى سى السيد ...

بقالى فترة عايز ارد على الحتة الهندى اللى انت حكيتهلنا عن ميدو ابنى ....(مين ابنى ده بالمناسبة ? mfb: ha) )

- ليه يا حماده

- يقولي أصله متأثر قوي بعد الماتش يا عمو وبيقول إنه هايعتكف لحد أخر رمضان ..

- فقولت له يابني الإعتكاف بيبقى في الجامع مش في الخلوة أو الأوضة ؟!!

- فقالي ماعرفش بقى يا عمو : وادينياكل شويه نبص عليه من خرم الباب عشان نطمئن وخايفين يعمل في نفسه حاجة .. وكل اللي بيعمله إنه عمال يحوقل ويتمتم بكلمات غير مفهومة وكل اللي فهمناه إنه عمال يقول " الله يسامحك يا بو طريقة ... منك للي كلت دراع جوزها يا بركات .. إنت السبب يا محبط فضلت ماشي وراك ورافع راية الزمالك لحد ما جبتنا ورا ... شايفك يا جوزيه إوعى تضرب "

- فقلت له : أولاً يا حماده الولد الشقي اللي بهدل الزملكاوية إسمه أبو تريكه .. مش أبو طريقة ... أي نعم هو بقى شيخ طريقة دلوقت وبقى متخصص في بهدله الزمالك ... لكن ده مش سبب قوي إن بابا يعمل في نفسه كده وسألت الولد بكل براءه : إنت أهلاوي ولا زملكاوي يا حماده ؟

- اجاب الولد بكل براءه : زملكاوي يا عمو .

فقولت له : ليه يا حبيبي ؟

- فقال لي : أصل بابت دايماً يقول لي أنا وأخواتي إن الاهلاوية هايدخلوا النار حدف من الإفترا بتاعهم ... وأي عيل فينا هايعتنق الفكر الأهلاوي او حتى يبقى له صاحب أهلاوي هاطلعه من المدرسة وهاشغله كهربائي سليسيون .. ويبقى يخلي الأهلي ينفعه .

- قلت : لا حول ولا قوة إلا بالله .. أإلى هذا الحد وصلت درجة التأثير والتغيير في فطرة الأطفال الصغار ..

الولد دخل الاوضة و اوصاله ترتجف وترتعش اطرافه :o زى ما يكون شاف جن احمر او عفريت ازرق ... اخدته فى حضنى بحنان و ابوة الاب الزملكاوى الحنين اللطيف البشوش السهران على راحة ولاده وقلتله بصوت يغالبه الدموع : مالك يا حمادة يابنى ?

قاللى : عمو سى السيد ... lck::

ماله يا حمادة يا ابنى ? :lol:

كان بره ...لابس فانلة حمالات قطن حمرا و بنطلون تريننج احمر و شراب احمر و جزمة حمرا و صابغ شعره احمر و وشه احمر زى الهنود الحمر وعمال يقول : الشياطين taz:: taz:: الحمر ... اهم اهم اهم ..

اطرقت بنظرى خجلا من عمايل عم س.س. السودة (او الحمراء) ومش عارف اقول لحمادة ابنى ايه ....

[afiona]

الفرق الواضح بين الزملكاوى و الاهلاوى هو فى الاستمتاع بالكرة الجميلة وتقديرها و عشان كده الاهلاوية مش فاهمين ليه مش فارقة فى ماتشات الزمالك و برازيل مصر مين اللى يكسب ... لان الكرة الملعوبة كرة جميلة سلسة اوروبية مفتوحة بلا عنصر اهلاوى يفسد حلاوة الماتش...

مخهم مابيجبش الحتة دى ... زى ما تجيب عجلاتى متعود على شرايط كتكوت الامير و تسمعه ام كلثوم...

بس برضه مبروك يا شباب ....

[kotoz9]

لولا اعلم انه لايوجد فى الكون نادى يحمل اسم الزمالك غير الزمالك المصرى لظننت ان افيونة يتكلم عن زمالك اخر يلعب فى المريخ او المشترى.بس انا مقدر برضه الصيام بيعمل عمايل ربنا يكون فى العون.

الزمالك يقدم اداء اوروبى.......كل شئ اصبح ممكن بعد ان اصبح جمهور الزمالك هو الصفوة وجمهور الاهلى العامة ممكن كمان ان الزمالك يقدم اداء اوروبى!!!!! :unsure:

يكفينى ان اقول ان اجمل وامتع ماتش فى الكرة المصرية فى العشر سنين الماضية كان بين الاهلى والاسماعيلى وانتهى 4-4.وان اجمل اداء هذا الموسم يقدمه الاهلى. stnd::

واما حريفة تبويظ الماتشات فهم لاعبى الزمالك بلا منافس والدليل ماتش الاهلى الاخير بعد ان دخل الجون الثالث اصبحوا يلعبوا بعنف متعمد على اقدام لاعبى الاهلى ده غير الاشارات اللى اطلقها عبد الحليم stnd::

يمكن ده هو الاداء الاوروبى اعذرونى فانا لااتفرج على الدوريات الاجنبية

[Scorpion]

اعتقد ان الموضوع ده طال اكتر من اللازم ..... خلاص فضفنا كلنا بما فيه الكفاية حوالين العمالقة الرياضيين ...

نرجع بقي للمواضيع المفيدة ...

[راضي]

اعتقد ان الموضوع ده طال اكتر من اللازم ..... خلاص فضفنا كلنا بما فيه الكفاية حوالين العمالقة الرياضيين ...

نرجع بقي للمواضيع المفيدة ...

حلوة :unsure:

ملعوبة fsh::

[أسامة الكباريتي]

اللي بيشوف حواركم على ماتش بيفتكر إن عمره ما حصل قبل كده!!

طيب عادي جدا يعني ..

طول عمره الأهلي حديد

وطول عمره الأهلي هوه اللي فوق .. فوق فوق ..

ماتفوق يا محبط وخلي روحك رياضية!!

هو نادي المختلط من إيمتى بيطلع من خلاط العصير بتاع الأهلي ..

شوف التاريخ والإحصائيات اللي هي هوايتك المفضلة ..

بروفيسور سي السيدأستاذ كرسي ترويض الزملكاوية ..

علشان خاطري .. تخِف شوية عليهم اليومين دول ..

تبقى انت والغلب عليهم ..

[Cleo]

اعتقد ان الموضوع ده طال اكتر من اللازم ..... خلاص فضفنا كلنا بما فيه الكفاية حوالين العمالقة الرياضيين ...

نرجع بقي للمواضيع المفيدة ...

:unsure:

[hamo90]

يكفينى ان اقول ان اجمل وامتع ماتش فى الكرة المصرية فى العشر سنين الماضية كان بين الاهلى والاسماعيلى وانتهى 4-4.وان اجمل اداء هذا الموسم يقدمه الاهلى. stnd::

واما حريفة تبويظ الماتشات فهم لاعبى الزمالك بلا منافس والدليل ماتش الاهلى الاخير بعد ان دخل الجون الثالث اصبحوا يلعبوا بعنف متعمد على اقدام لاعبى الاهلى ده غير الاشارات اللى اطلقها عبد الحليم :unsure:

يمكن ده هو الاداء الاوروبى اعذرونى فانا لااتفرج على الدوريات الاجنبية

ys): ys): ys):

stnd:: stnd::

حمو

[se_ Elsyed]

بروفيسور سي السيدأستاذ كرسي ترويض الزملكاوية ..

علشان خاطري .. تخِف شوية عليهم اليومين دول ..

تبقى انت والغلب عليهم ..

عمي العزيز والمناضل الكبير .. أسامه الكباريتي ..

أنقل لك تحياتي العطِره المحمله برائحة الفل والياسمين والورد البلدي الأحمر ..

أعرفك يا عمي إن عندنا في بلدنا لما بيكون فيه مشكلة بين طرفين بيبقى فيه كبير في القاعدة ويوم ما واحد بيزمجر ويرفض الصلح فالكل بيقول له .. ما تكبر بقى يا بني للناس اللي قاعدة دي .. وبعدها معاك ... فطبعاً بيتكسف ويكبر .

فعشان كده أنا مش هامد إيدي على حد زملكاوي تاني طالما انت موجود ... gsm::

مع إن اللي يمكن ما تعرفوش يا عمي إني بقيت مطلوب حياً او ميتاً من بعض الزملكاوية ...

هاتشتغرب إزاي وليه هو انا أبو عمار الاهلوي ؟!!

هاقولك إن بعض أصدقائي الاهلاوية إتصلوا عليه وبعتوا لي بالإيميل نسخ من مقالات على موقع الزمالك ومواقع آخرى لناس عامله إقتباس لمقالات الكابتن محبط هنا ورده على عدو الشعب س س اللي تجرا وفرح بعد الماتش..

يقوم جماهير نادي الصفوة شايلين محبط على الاعناق وينصبوه زعيماً ويردوا على مقالاته وعلى الجاسوس الاهلاوي س س وهما أساساً مش عارفين هو مين .. او كتب إيه في الموضوع الأساسي وعشان كده محبط رد عليه ..

يرضيك كده يا عمو أسامه ؟

بس انا مش زعلان والله ...لأن الدم الاحمر يجري في عروقي ... وأنا على فكره وبأكد عليها .. والله العظيم يا جماعة لو الاهلي هو اللي كان إنهزم الهزيمة القاسية دي كنت كتبت نفس الكلام عنه لأني لا أرحم النادي الاهلي حينما يُخطأ ، والعام الماضي كان خير مثال فأنا اكثر واحد بهدلت إدارة الاهلي ولاعبيه ...

عامةً عايز أقول إني was searching for fun only لكن في ناس عندها حساسية من البيض والسمك والاهلي وخدت الموضوع بحمقه زيادة وكل ما كانوا بيتحمقوا كنت بازداد رغبة في إني اغيظهم وألعب معاهم ..

أفيونة .. محبط .. سكوربيون ... حقكوا عليه وأدي راسكوا ابوسها :D

بس علي النعمة لو كسفتونا النهاردة قدام أسمنت السويس بتاع محمد عامر لا هاجي بكره الصبح وأقطعكوا .. مش بعد البوس والاحضان وده كله تيجوا تخسروا من اندية القاع هي كمان ...

آآآآآآآآآآآآآآآآآآآف مليتوا البلد .

[Modest]

بس علي النعمة لو كسفتونا النهاردة قدام أسمنت السويس بتاع محمد عامر لا هاجي بكره الصبح وأقطعكوا .. مش بعد البوس والاحضان وده كله تيجوا تخسروا من اندية القاع هي كمان ...

آآآآآآآآآآآآآآآآآآآف مليتوا البلد .

[linux]

يا جماعة الضرب فىالميت حرام

شوية شفقه لو سمحتم ...

جاءنا الآن من أستاد السويس أن "الأسمنت" هزم الزمالك 2-1. هذا و قد كان الأسمنت متقدما بهدفين، الا أن الحكم أحمد عوده لم يطلق صافرته بعد أنتهاء الثلاث دقائق من الوقت المحتسب بدل الضائع و "زود" دقيقه من عنده، و قد أحرز الزمالك هدفه فى الدقيقه الرابعه من الوقت المحتسب بدل الضائع.

هنا السويس.

يا ترى الأمن المركزى ها يقفل ميت عقبة تانى و لا أيه؟