مين له مصلحة لخنق الشعب بأزمة الانابيب؟

[ViralMind]

السلام عليكم..

ازمة الانابيب المرة دى غير كل مرة..

اولا جاية بدرى.. لأ و الصدفة العجيبة المريبة انها متوازية مع الانتخابات.. قال صدفة قال..

البلد كلها مفيهاش ولا انبوبة يا جدعان..

يعنى حتى الانبوبة اللى كانت ب50 جنيه من يومين.. مبقيتش موجودة اصلا..

و سمعت خبر ان الناس قطعت الطرق لان مفيش انابيب..

مين اللى عايز يلهى الشعب و يخنقه بالطريقة دى و بيدفعه للانفجار و الجريمة؟

اساسيات الحياة مش بس اكل و شرب.. و لكن الامان من اساسيات الحياة.. فعلا مصر افتقدت الامان من كل جوانبه..

ربنا ينتقم من اللى بيعمل كده فى الشعب ده..

ربنا يجعل كيدهم فى نحورهم..

ربنا يسلط عليهم افعالهم و شياطينهم..

يا ريت جماعة بقى بالمرة, اللى عنده غاز فى البيت.. يقول لنا الغاز لسه موجود و لا قطع هو كمان.

و و حياة امهم.. هروح انتخب برضه.. ياكش آخدها مشى