هوايات كان نفسنا نتعلمها ..

[METALLICA]

فذات مرة شاهدت موقفا أثر فى تأثيرا شديدا وقررت أن أعبر عنها، فكانت رائعتى "الخماسين" lo:: ...

عظيم . . . طيب وهي فين ديه علشان نقراها !!

وبعديد محدش قاللك قبل كده إن التدخين عيييييييييب lo::

هامووووووووت و أتعلم الرسم cbyb: 

طب ما تعيطيش أوي كدة . . . .

يا بنت مصرية . . . سمعاني . . . فيه مصلحة هنا أهي . .

و هكلمهالك تعملك تخفيض محترم brth)

تم تعديل 6 نوفمبر 2004 بواسطة METALLICA

[linux]

هوايتي الأولي كانت الرسم.

لغاية النهاردة بندم أني مادخلتش فنون جميلة. كنت برسم كويس جدا، لدرجة أن مرة في ثانوي رسمت أستاذ في حصته و ظبطني لأني كنت مندمج جدا. توقعت أنه يغتت علي لكن فوجئت أنه طلب مني يستلف الصورة علشان يوريها للمدام و الأولاد! lo::

مرة برضه صديقة لأختي شافت بعض "أعمالي" و أدتني كلام كبير قوي، أني بتبع المدرسة الفولانية في الرسم، و أنا عمال أقول ياحاجة مدرسة ايه و فولانية و لا حمصية أيه ... دنا بهؤ و خلاص lo:: . المهم قالت لي أني لازم أقابل الفنان عناني لان أسلوبه مشابه و طبعا كبرت دماغي و طنشت.

أصحابي كلهم كانوا متوقعين أني أدخل فنون، و في الجامعة تطوعت أني أرسم كاريكاتير في مجلة حائط و كنت هاروح في داهية علشان كان كاريكاتير سياسي و العميد أداني كلمتين.

المهم، فكرت جديا أني أدرس الرسم هنا في أمريكا خاصة أن الدراسة الحرة متوافرة و بسهولة. لكن أرجع و أقول خلاص بقا، أستخدم الوقت في حاجة تانية أحسن.

فيروز، بما أنك صاحبة الموضوع الرائع ده فأنا أقترح عليكي تفتحي موضوع مشابه "وظيفة كان نفسك تشتغلها". أفتكر ها يكون موضوع ظريف برضة.

[Lighthouse]

انا زيي زي اغلبكم كان نفسي اتعلم الرسم rs:

وكنت باخد فيه درجات وحشة جدا وانا في المدرسة

لكن هواياتي لها علاقة بالرسم بشكل او آخر

يعني باحب الخياطة والتطريز والتريكو والحاجات دي كلها

وحتى في المدرسة كنت باشارك في الانشطة الخاصة بالتدبير المنزلي والاشغال اليدوية

كان نفسي جدا جدا اتعلم باقي الاعمال اليدوية كالنجارة مثلا والسباكة B)

بس اخدت تريقة للركب من البيت وابتدوا يسموني الاسطى لايت

فسكت عن الموضوع ده وقتها

ولكن روح الاصرار جوايا brth)

وحب التعلم موجود

وعندي كتب كتيرة جدا بتعلم الاعمال اليدوية كطلاء الابواب والشبابيك وتركيب القيشاني والسيراميك lo::

يعني بشكل أو آخر باحاول امارس مالم استطع تعلمه في الصغر

كان نفسي جدا اتعلم ركوب العجل :D

وانا صغيرة والدي ضبطني متلبسة بركوب عجلة اخويا واحنا بنلعب وزعق لي وقال عيب البنات تركب عجل lo::

علشان كده ماعرفتش اتعلم ركوب العجل ولا حتى حاولت لما كبرت

مش عارفة ليه دي الحاجة الوحيدة التي لم احاول تعلمها غصب عنهم ههههههههه

نفسي جدا اتعلم الرسم على الزجاج والقماش

بس الوقت بيضايقني ساعات rs:

وكان نفسي جدا اتعلم العزف على البيانو

B)

واكتفيت في حبي للموسيقى بكوني سميعة جيدة

لو عملتوا موضوع عن الشغل بقى ممكن ابقى اقول لكم كان نفسي اشتغل ايه :P

لو افتكرت حاجة ح اجي اكتبها

اصل عندي نوبة زهايمر الايام دي :D

[فــيــروز]

فعلا يا كفايه

انا فشلت فشلا ذريعا جدا وانا صغيره انى اتعلم العوم

والموضوع ده تقريبا سبب لى عقده .. بس بجد الناس كانت تتبع معى طريقه غريبه جدا لتعليمى العوم !! آل ايه يرمونى فى البحر -المعموره على ما اتذكر وكان البحر صعب جدا فيها زمان-

وانا اما الاقى نفسى باغرق هاعوم لوحدى !! rs: طبعا انا لا كنت باعوم ولا حاجه انا كنت باغطس ماقبش .. وهما اما يحسوا باقتراب الخطر كانوا يتكرموا بانتشالى من الميه ويفضلوا يعملوا لى تفريغ على الشط .. :P ده انا شربت كمية مية بحر وانا صغيره يمكننى بها فتح بحر خاص بيا .. rs:

الخلاصه كرهت العوم جدا جدا .. وكرهت البحر فوق البيعه .. brth) خصوصا ان الناس كانوا بيتريقوا عليا انى مش باعرف اعوم

على فكره يا هاندى .. انا كمان اتعلمت سواقة العجل فى تلات ايام رغم انى كنت فى البدايه اشعر باستحالة الحفاظ على التوازن على العجله دى .. بس كما قلت الانسان لو صمم ممكن يعمل حاجات كويسه :D

لأ بجد انا كان نفسى ومنا عينى انى اتعلم باتيناج بس فاتنى القطر

وانا كمان !! ولاد خالتى كانوا فى السعوديه واتعلموه هناك لان العماره كان فيها مكان متسع .. وكانوا اما يرجعوا معاهم باتيناج .. ولاننا كنا مع بعض فى كل حاجه كان نفسهم اتعلم ركوب الباتيناج بس مع اول محاوله اخدت حتة هدر lo:: .. لا ازال اذكره حتى الآن .. فقطعت العلاقات وسحبت التمثيل الدلوماسى كمان lo::

[فــيــروز]

المهم الهوايه الي نفسي اعملها بجد اني ابقي عندي مطعم ابقي انا الشيف  وانا صغيرة كنت اعمل سندويتشات لاخويا

خلاص ممكن نبقى شركا .. اصلى زمان كنت باعيش فى دور استقبال الفنادق جدا .. اروح اجيب ساعه شيك واحطها فوق التليفزيون "عشان كان عالى شويه" .. وبعدين اجيب كرسى

منخفض شويه و احط قصاده ترابيزه عليها اجنده .. واعمل ان فيه حد جه وانا بابص فى الساعه اللى ورايا بقى وباقيد وصل امتى وهينزل فى اى اوضه وكده ..

كفايه .. ايه كل الاعتذارات دى عن الخروج عن الموضوع .. حسستنى بالذنب :P

لا انا شايفه انها تعليقات مفيده و جميله .. استمر ..

الحمد لله بعرف اركب دراجات كويس جدا وكنت رخم جدا لدرجة انى كنت بزنق ع العربيات اه والله شوفتوا الرخامة

ده جبروت ده :D

[فــيــروز]

قمت جبت طين أسوانلى و عكيت البيت "كلله" و الأخر يا دوب قدرت أعمل تعبان كوبرا لافف ديله و مطلع دماغه فوق...!!

الحقيقه يا كليو انا الحكايه دى اكتر حاجه تعجبنى فى التعابين

دايما كده رافعه راسها لفوق و بتحركها كأنها فى حالة طرب و نشوه :) سبحان الله

فيروز، بما أنك صاحبة الموضوع الرائع ده فأنا أقترح عليكي تفتحي موضوع مشابه "وظيفة كان نفسك تشتغلها". أفتكر ها يكون موضوع ظريف برضة.

اسكتتتت .. دى بقى هتجيب للاعضاء -وانا اولهم- احساس جامد بالقهر :P .. كنت لسه النهارده باسال نفسى للمره السبهتاشر الفف انا ليه دخلت كلية الهندسه mf(

ماشى نستنى اما كله يقول هواياته وندخل بقى على الشغل واكل العيش .. mc(:

نفسي جدا اتعلم الرسم على الزجاج والقماش

بس الوقت بيضايقني ساعات 

وانا كمان .. بس قلت فى عقلى ده انا خيبه فى الرسم على الورق هاروح ارسم على الازاز !!

نفسى اتعلم اعمل ميداليات بالمنشار الآركيت .. كانت حاجه رائجه اوى فى مصر من كام سنه اما كنت لسه فى ثانوى بس ماعرفتش مين بيعلمه :D

[فــيــروز]

رياضه اخرى كان نفسى اتعلمها .. وهى ايضا غريبه شويتين mf( :)

كان نفسى اتعلم رمايه .. بس مش بالطبنجات عشان دى مزعجه وبتجيب صمم فى الودان :D

لا كان نفسى اتعلمها بالقوس "مش اسمه كده"؟ السهم يعنى ..

على العكس من الشيش الذى يتمتع بالحركه المستمره :P .. الرمايه تتطلب قدر عال من الاتزان وضبط النفس .. وباتخيل ان الرامى وهو يسدد ضربته ويمسك انفاسه يركز كللللل تفكيره و

تركيزه على نقطه واحده فى هذا الكون الواسع !! mc(: اكيد احساس مختلف .. حتى الواحد بينفعل جدا اما يشوف فى فيلم حد معاه بندقيه بتليسكوب وهو بينشن على شئ او شخص ..

[hamo90]

بمناسبة هامو و العجل .... عايز أقول معلومة و نصيحة ..

معلش يا فيروز هى بره الموضوع لكن مهمة ..

حاجتين من المهم جدا لكل أب يعلمهم لأولاده فى الصغر عشان مستحيل يتعلموهم فى الكبر ... السباحة و ركوب العجل

kfaya

كفاية حرام عليك

ما هي السباحة الحاجة التانية الي مرضيتش أقول عليها

لازم تفضحنا يعني

حمو

[mohamed]

رياضه اخرى كان نفسى اتعلمها .. وهى ايضا غريبه شويتين  mf(  :)

كان نفسى اتعلم رمايه .. بس مش بالطبنجات عشان دى مزعجه وبتجيب صمم فى الودان  :D

لا كان نفسى اتعلمها بالقوس "مش اسمه كده"؟ السهم يعنى ..

على العكس من الشيش الذى يتمتع بالحركه المستمره  :P .. الرمايه تتطلب قدر عال من الاتزان وضبط النفس .. وباتخيل ان الرامى وهو يسدد ضربته ويمسك انفاسه يركز كللللل تفكيره و

تركيزه على نقطه واحده فى هذا الكون الواسع !! mc(:  اكيد احساس مختلف .. حتى الواحد بينفعل جدا اما يشوف فى فيلم حد معاه بندقيه بتليسكوب وهو بينشن على شئ او شخص .. 

عندى بندقية رش كده لذيذة كانت عند والدي من زماااااااااان

ما زالت موجوده وبستخدمها دلوقتى والحمد لله اعتبر نفسى موفق فيها الى حد ما

[mohamed]

الحمد لله بعرف اركب دراجات كويس جدا وكنت رخم جدا لدرجة انى كنت بزنق ع العربيات اه والله شوفتوا الرخامة  

ده جبروت ده :D

هى مش مسالة جبروت

بس الواحد كان يحب يمشى فى عكس اتجاه العربيات ويفضل يترنح بالعجلة حينا الى اليمين وحينا الى اليسار وتعمل اكنك هتخبط فى العربية يقوم اللى سايق يخاف يخبطك طبعا يقوم مفرمل او يحود بسرعة فكنت تحس كده انك جامد اوى ومفترى mc(:

وبصراحة ربنا كنت بحب استلم الستات اللى سايقين :P

[mohamed]

لأ بجد انا كان نفسى ومنا عينى انى اتعلم باتيناج بس فاتنى القطر

وانا كمان !! ولاد خالتى كانوا فى السعوديه واتعلموه هناك لان العماره كان فيها مكان متسع .. وكانوا اما يرجعوا معاهم باتيناج .. ولاننا كنا مع بعض فى كل حاجه كان نفسهم اتعلم ركوب الباتيناج بس مع اول محاوله اخدت حتة هدر :P .. لا ازال اذكره حتى الآن .. فقطعت العلاقات وسحبت التمثيل الدلوماسى كمان

طيب بقى انا هقولك على حاجة بس محدش يجيله عقد

انا اخوية اللى اكبر منى كان مفتري فى الباتيناج وقيادة الدراجات

كان بيعمل ايه المفترى ده ؟؟ كان يركب العجلة وهو لابس الباتيناج ويسيب الجدون بتاع العجلة ويقف على كرسى العجلة وكل ده وهى ماشية بيه وهو لابس الباتيناج ويقوم هووووب ناطط من ع العجلة وينزل يكمل جرى بالباتيناج :D mc(:

[hamo90]

طيب بقى انا هقولك على حاجة بس محدش يجيله عقد

انا اخوية اللى اكبر منى كان مفتري فى الباتيناج وقيادة الدراجات

كان بيعمل ايه المفترى ده ؟؟ كان يركب العجلة وهو لابس الباتيناج ويسيب الجدون بتاع العجلة ويقف على كرسى العجلة وكل ده وهى ماشية بيه وهو لابس الباتيناج ويقوم هووووب ناطط من ع العجلة وينزل يكمل جرى بالباتيناج  :lol:  cr((:

معليش اعذرني بس كلمتين لازم أقولهم

أنتو من الاحرار أنت وأخوك :unsure: :angry: jmb-)

حمو

[mohamed]

طيب بقى انا هقولك على حاجة بس محدش يجيله عقد

انا اخوية اللى اكبر منى كان مفتري فى الباتيناج وقيادة الدراجات

كان بيعمل ايه المفترى ده ؟؟ كان يركب العجلة وهو لابس الباتيناج ويسيب الجدون بتاع العجلة ويقف على كرسى العجلة وكل ده وهى ماشية بيه وهو لابس الباتيناج ويقوم هووووب ناطط من ع العجلة وينزل يكمل جرى بالباتيناج  :lol:  rs:

معليش اعذرني بس كلمتين لازم أقولهم

أنتو من الاحرار أنت وأخوك :unsure: :angry: jmb-)

حمو

قصدك ايييييييييييييه ؟؟

اصل مفهمتش بصراحة ؟؟

cr((: :P

[METALLICA]

أنا مش هقول الرسم . . لأن الرسم مش مجرد هواية لي . . إنه حياتي كلها . .

أنا فعلاً أريد تعلم عزف الموسيقى ولكنت أريد المساعد في إختيار الآلة المناسبة لي و اين يكمنني تعلمها

[Cleo]

أنا فعلاً أريد تعلم عزف الموسيقى ولكنت أريد المساعد في إختيار الآلة المناسبة لي و اين يكمنني تعلمها

جرب معهد الموسيقى العربية فى رمسيس أو دار الأوبرا المصرية

[Tamsite]

كان نفسي أتعلم جيتار إليكتريك

أنا مجنون بآلة الجيتار سواء ، أسباني أو اليكتريك :) mfb:

بس الجيتار الاليكتريك كان نفسي أتعلمه من وانا صغير ، عشان آلة الجيتار محتاجة لتدريبات كثيرة و شاقة مع بدء تعلمها في سن صغيرة و مع الأسف ملقتش الوقت الكافي اني أدخل المجال ده، و أصبحت مستمع جيد لفن العزف على هذه الآلة ......

محدش بياخد غير نصيبه :rolleyes:

[راضي]

الخط العربي

ايوة الخط العربي ys): ما تستغربوش

فبالرغم من اني خطي الحمد لله كويس و واضح ومقروء و ساعات بيبقى على درجة جيدة جداً من الجودة و الجمال ، الا اني كان نفسي فعلا انتظم في مدارس او دورات لتعليم فنون الخط العربي و انواعه ، لكن للاسف لم اتمكن من ذلك و كل ما قمت به في هذا الاتجاه هو شراء كراسات لتعليم الخط العربي ولم تكن كافية وحدها للوفاء بالغرض ، بس هي كده ليس كل ما يتنماه المرء يدركه :rolleyes:

تم تعديل 8 نوفمبر 2004 بواسطة راضي

[G.G]

عزف العود كان نفسي اتعلمه أوي... و اديني اهو بانتظم فيه على كبر ...كبر أوي أوي :) ..

الموسيقى كهواية لا تماثلها هواية أخرى..

اهوى الرسم و النحت و لكن بأي حال لا يوازي هذه الفنون المرئية الفنون السمعية : يمكن لإن إصدار الصوت و السمع صفة أساسية من صفات الأحياء ..و فعلا بعد وقت قليل تشعر به (العود) كأنه شئ حي بين يديك,,, تألفه و يحاورك و يواسيك يوم تحتاج لرفيق..

و بمجرد مداعبة أوتاره حتى لو بنغمات متقطعة مبتدئة تجد استجابة سريعة مخلصة تخرجك ... :rolleyes: من احلك الحالات.. mfb:

[METALLICA]

كان نفسي أتعلم جيتار إليكتريك

بس الجيتار الاليكتريك كان نفسي أتعلمه من وانا صغير

ملقتش الوقت الكافي اني أدخل المجال

محدش بياخد غير نصيبه  :rolleyes:

على العموم ماتزعلش يا ولد عمي . .

أعتقد إن روميل حل الموضوع ده بشكل جيد . . . ربنا يفك سجـ . . . آآآه أصدي جيشه mfb:

[kfaya]

أقتباس : جىجى كتبت

عزف العود كان نفسي اتعلمه أوي... و اديني اهو بانتظم فيه على كبر ...كبر أوي أوي  ..

الموسيقى كهواية لا تماثلها هواية أخرى..

اهوى الرسم و النحت و لكن بأي حال لا يوازي هذه الفنون المرئية الفنون السمعية : يمكن لإن إصدار الصوت و السمع صفة أساسية من صفات الأحياء ..و فعلا بعد وقت قليل تشعر به (العود) كأنه شئ حي بين يديك,,, تألفه و يحاورك و يواسيك يوم تحتاج لرفيق..و بمجرد مداعبة أوتاره حتى لو بنغمات متقطعة مبتدئة تجد استجابة سريعة مخلصة تخرجك ...  من احلك الحالات..

ممكن أسالك انتى بتتعلمى عود أزاى ؟؟؟؟

يعنى لوحدك ممكن ؟؟؟ و لا لازم مدرس ولا ايه الحكاية ؟؟؟

حكاية السن دى مش مهمة قوى ... يعنى لو انتى اتعلمتى فى السن ده , يبقى أنا أكيد هاعرف ... mfb:

شكرا يا باشمهندسة .. :rolleyes: