في وسط زحمة الانتخابات..هروب قناص العيون

[Alattar]

خبر قرأته منذ قليل علي رصد

رصد | إئتلاف الثورة | عاجل | عيسوى الوزير السابق يؤكد هروب الملازم أول الشناوى فاقع العيون من الحجز الى خارج البلاد #RNN #Tahrir #Egypt #25Nov

بصراحة الكلام ده لو صحيح...يبقي لا بد من محاكمة جميع المسئولين في الداخلية.من أول الوزير..وحتي حارس السجن

أنا كنت حاسس ان الموضوع هيحصل فيه لعب..لأن لو الظابط ده اتحقق معاه ممكن يجيب رجل ناس تانية كتير معاه..و هيبوظلهم الدنيا علي الآخر..بس بصراحة ما توقعتش موضوع الهروب ده..

لأ..وخارج البلاد كمان..يعني حاجة مش سهلة..وأكيد بيترتب لها ترتيب قوي..

[ViralMind]

ازاى اسمه مش ممنوع من السفر؟

و ازاى اصلا ظابط و قدر يسافر؟ فين تصريح السفر؟ طلع امتى و ازاى و مين اللى ختمهوا له؟

يلعن ********غاويين ينكدوا علينا دايما

تم تعديل 29 نوفمبر 2011 بواسطة أسد

[Alshiekh]

ازاى اسمه مش ممنوع من السفر؟

و ازاى اصلا ظابط و قدر يسافر؟ فين تصريح السفر؟ طلع امتى و ازاى و مين اللى ختمهوا له؟

يلعن *****غاويين ينكدوا علينا دايما

لو كان الخبر صحيح وحتى لو هرب ، الإنتربول يجيبه إن شاء الله ، خصوصا انه مش من كبارات النظام يعني وأكيد لامعاه أوراق ولا يحزنون ، أو يفضل طول عمره طريد العدالة.

[Alattar]

ازاى اسمه مش ممنوع من السفر؟

و ازاى اصلا ظابط و قدر يسافر؟ فين تصريح السفر؟ طلع امتى و ازاى و مين اللى ختمهوا له؟

يلعن ******غاويين ينكدوا علينا دايما

لو كان الخبر صحيح وحتى لو هرب ، الإنتربول يجيبه إن شاء الله ، خصوصا انه مش من كبارات النظام يعني وأكيد لامعاه أوراق ولا يحزنون ، أو يفضل طول عمره طريد العدالة.

ده لو حد من عندنا بلغ عنه رسمي يا أستاذ محمد..وده ما أعتقدش انه هيحصل لأن حركة زي دي مستحيل تتم الا بتواطؤ جماعي

[عادل أبو عمر]

الموضوع ده حتى لو اشاعة

لازم نتعامل معاه كانه حقيقة لغاية ما يثبت العكس

لأننا لغاية دلوقتي مش متاكدين حصل معاه إيه .. لأني قريت خبر أن النيابة العامة نفت انه تم القبض عليه أصلا من سلطات الأمن ...

و على فرض إنه هرب لا قدر الله ..

هيلاقي فين بلد مفيهاش مصريين .. المصريين كلهم حفظوه ....... ده هيبقى مطلوب اكتر من حسين سالم

[ابراهيم عبد العزيز]

كلما قرأت هذا النوع من الأخبار تيقنت أن الثورة لم تنجح بعد , وأن من يعتقد ذلك فهو واهم

مثل هذا الضابط قام الناشطون بنشر صوره في المواقع الإلكترونية ولصقوها في الشوارع والميادين ورفعوها في كل التظاهرات , وجرمه ثابت في الفيديو الشهير , فلما لم تتخذ السلطات ( إذا كانت جادة بالفعل في محاسبة المخطىء كما تقول ) بإصدار قرارا بوضع إسمة على قوائم الممنوعين من السفر ؟؟

أي إستهزاء بهذا الشعب ؟؟

تم تعديل 29 نوفمبر 2011 بواسطة ابراهيم عبد العزيز

[se_ Elsyed]

أه

زي امين الشرطة اللي قتل المتظاهرين في الزاوية الحمرا

وخدوا دي ... وزي واحد لوا كان بيُلقب بملك تهريب الاموال في مباحث امن الدولة وهو مسئول عن تظبيط فلوس الكبار ... اول ما لقي التقفيش إشتغل في العصابة راح خد بعضه وهرب على بره وهو لسه في الخدمة خلوا بالكم ومافيش حد جاي سيرتة لحد دلوقت

الموضوع كبير والعيسوي وأمثالة هم من يرعون الفساد

لا مؤخذه الظابط العيل اللي زي ده مش شغال في كازينو صفية حلمي عشان يسافر في أي وقت بمنتهى الحرية .. فمن المعروف بداهتاً إن ظباط الجيش والقوات المسلحة بيحصلوا على 100 موافقة عشان يسافروا يحجوا حتى ...

يبقى الواد ده سافر إزاي يا بهوات ومين وافق له أساساً

هاييجي هاييج ؟

أزاي لو سافر يويسرا او أنجلترا او بلد من البلاد كتيرة من اللي ما فيش بيننا وبينهم معاهدة تسليم مجرمين ؟

أنا قولتها .. مش عاوزين نعمله كبش فدا .. وعاوزين نحاسب الكبار الفاسدين المطرمخين

[se_ Elsyed]

صحيح يا ولاد

الكلب عمره ما يعض في ودن اخوه

والداخلية هي مرتع لمعظم الكلاب الضالة في المجتمع

فمن يفعل ذلك لا يمكن وصفه إلا بالكلب الفاسد

صباح الهوهوا

وذكرت صحيفة الأهرام فى عددها الصادر أمس الاثنين نفى المصدر القضائى ما تردد عن بدء التحقيقات مع الضابط سرا، وقوله إن نيابة الاستئناف لم تقم بالتحقيق معه لأن وزارة الداخلية لم تنفذ أمر النائب العام حتى الآن بتسليمه إلى النيابة، وقامت بالتحفظ عليه فى مكان غير معلوم واخفائه لحمايته.

اقرأ المقال الأصلي علي بوابة الوفد الاليكترونية الوفد - مصدر قضائى:الداخلية تحمى "صائد العيون"

تحفظ في مكان غير معلوم ... واحلى فيزا وجواز سفر ينضرب له ... وقولوا لعين الشمس ما تحماشي .. احسن حبيب القلب ده اللي صابح ماشي

وإذا ما اتحققش في موضوع زي ده بمنتهى الجدية مع التخين في الداخلية ... يبقى نقول على باقي القضايا المطرمخة السلام

واظن كل مصر شافت بعنيها التحية العسكرية الشرطية وهي بتؤدى لمجرمي وصابة الداخلية بقيادة العادلي

وأظن كل مصر قرأت عن حفلات السمر والسهر اللي كان بيعملها لهم مأمور سجن طره

[Abu Reem]

ما أنا قلت امبارح ان كل المشاكل اللي بتحصل وراها الداخلية من اول السماح للمساجين بالهرب الى انعدام وجود الامن في الشوارع مرورا باحداث الفتن التي يندس فيها البلطجية مرورا باحداث السبت والهجوم على المعتصمين

هناك مشكلة بين الداخلية ورجالها والشعب وكل ما يحدث هو محاولات لافشال الثورة وكمما قلت ايضا انه يبدو ان هذا الانفلات الحادث من الداخلية لا يستطيع المجلس العسكري معالجته...

ولذلك علينا ان نفرق بين الداخلية والمجلس العسكري الذي يبدو ان بعض اعضاؤه يوافق ضمنيا على ما يحدث وبين تصرفات المجلس العسكري الذي يبدو انه غير قادر على التحكم في الاوضاع

وعلى اي حال امامنا الان الطريق الشرعي والاقل مخاطر والذي سيظهر مصداقية المجلس امام الشعب المصري كله

وامامنا طريق اخر صعب وشائك وخطير لا نستطيع ان نتوقع فيه النتائج وهو المواجهة مع المجلس والشرطة..واتوقع ان لو سلكنا هذا الطريق ...فسنعطي المجلس قبله الحياه التي ينتظرها لان المواجهة والفوضى المتوقعه منها ستجعل المجلس العسكري يتخلى عن كل البرنامج والمواعيد والتعهدات التي طرحها ويبقى ساعتها جت من الشعب وهيطلع هو السبب في رفضه الطريق الشرعي ورفضه الخطوات الديموقراطية التي وافق عليها في الاستفتاء وسنعود الى المربع صفر هذا اذا رجعنا له اصلا

تم تعديل 29 نوفمبر 2011 بواسطة Abu Reem

[Mr MAGED]

العيسوي بيقول انه هيتسلم هيتسلم ... وانه هرب لما عرف ان شباب 6 أبريل رايحينله عشان يخرموا عينه

معني كده انهم مكانوش قبضوا عليه أصلا !!! ... امال من يومها للنهاردة بيعملوا ايه !!! ايه الهبل ده

وأشار "العيسوى" إلى أن الملازم أول محمد الشناوى؛ والملقب بـ"قناص العيون" ستقبض عليه الشرطة آجلاً أم عاجلاً؛ قائلا: "هيتسلم هيتسلم"؛ مشيرًا إلى أنه هرب بعد أن علم أن نشطاء حركة 6 أبريل سيتوجهون إلى منزله لـ"تخريم" عينه كما كان يطلق الرصاص على أعين المعتصمين فى ميدان التحرير؛ وأضاف أن "الشناوى" كان على اتصال بقياداته الذين كانوا ينصحونه بتسليم نفسه إلى السلطات، ولكنه الآن اختفى ولا أحد يعلم مكانه؛ مؤكدًا أنه لن يكون موجودًا فى انتخابات الرئاسة أو حتى فى المرحلة الثانية من الانتخابات.

اقرأ كامل الخبر علي اليوم السابع

[se_ Elsyed]

لا يا بيه .. دول كانوا فعلاً متحفظين عليه عندهم عشان يهربوه صح الصح

دول عصابة يابا

أه على فكرة

قولت بعلو حسي .. سبحان المُعز المُذل

ولو أنه لم يكن عزاً من الله لهم

بل كان لف للحبل حوالين رقبتهم حتى يتمادوا في طغيانهم

فالميغة اللي كان فيها البشوات ما كانتش عز

والمعفن اللي معاه إعدادية ودخل مندوب شرطة وبقى يتقال له يا باشا .. ما كانش عز

أخويا بيحكي لي على عيل يعرفه كان مندوب وكان هليب وحرامي وتاجر مخدرات درجة أولى وكان الناس بتخاف منه لانه عادي يلفق أي تهمة لأي حد والباشا راح والباشا جه وهو ما بيعرفش يفك الخط لانه خريج إعدادية . بيقول لي بعد الثورة والله العظيم راح لناس كبار في المنطقة يتحامى فيهم عشان يحموه من الناس اللي عاوزين يولعوا فيه .. وبقى يمشي جنب الحيط زي الحرمه المستحية اللي خايفه حد يشوف كعب رجلها

واللي كان جايب 50 % في الثانوية ومامته باعت له دهبها عشان تدفع له رشوة ويدخل كلية الشرطة عشان يقف ويقول " أنا ربكم يا ولاد الـ .... " ما كانش عز - على فكرة دي مش حواديت دي مشاهدات شخصية وممكن أقول لكم اسماء باشوات كانوا بيقولوا كده

واللي كان عايش بلطجة على الشعب وبياكل ويشرب حرام .. ما كانش عز

المهم كلنا عارفين تجاوزات أغلب هذا الجهاز الفاسد في عصر أبو الفساد مبارك اللهي يجحمه

شوفت لحظة الذل بقى بعيني

من يومين وفي اول يوم تكليف للجنزوري إجتمع مع ظباط إئتلاف ضباط الشرطة الشرفاء يسمع لهم ... وإذ بالمكالمات التليفونية تنهال على برامج التوك شو .. واستمتعت إلى رُتب بشنبات من اللي كنا بنسمع عنها وتتهز لها الدنيا .. سمعتهم والدموع حابسه صوتهم : هو بيجتمع معاهم لييييييييييييييييييييه ؟ وهل دول كل جهاز الشرطة ؟ طب إحنا فييييييييييييييييييييييييين ؟ بتطالبوا بتعيين مدني على رأس الجهاز ؟ إحنا موافقين .. بس يبقى للامور والتمثيل السياسي ويسيب لنا إحنا الامور الشُرطية الإجرائية . موافق دلوقت يا فاسد يا حرامي ؟

عرفتم الأن إن الله حق أيها الفاسدون المتجبرون في الأرض ؟

عرفتم الان أنكم كنتم بشوات من ورق ولبستوا لبس نسوان عشان ما تبينوش إنكم شرطة وتهربوا من الناس اللي سقتوهم سوء العذاب ؟

بالتأكيد لازم تبقى من أولويات أي وزراة جديدة او مجلس الشعب إنه يُعيد هيكلة وتنظيم هذا الجهاز المدني الخدمي في المقام الأول .. ويجعله جهاز خادم للشعب ومحقق للعدالة ومنفذ لها ... مش جهاز تعذيب ونفخ وسحل وجهاز بشوات فوق المجتمع ..

ولازم لازم مثل هذه الواقعة لا تمر بهسولة وكل المتسببين واللي وراها يتحاسبوا علناً

[محمد عبدالعزيز]

إذا كان ضابط صغير قدر يهرب بالسهولة دى... أنا أثق إزاى بقى إن مبارك ولا العادلى على الأقل محبوسين مش هربانين كمان؟!

[Alattar]

نقلا عن مصراوي..

ما زالت تطورات قضية اتهام الملازم محمود صبحي الشناوي الملقب به ''صائد العيون''، تلقي بظلالها، ما بين استدعاء النيابة للملازم للتحقيق، وبين أنباء هروبه تبدو كثير من الحقائق غائبة.

وكانت أنباء قد ترددت مساء الأثنين، عن هروب محمد صبحي الشناوي ملازم الشرطة والشهير ''بصائد العيون''، إلى مكان قد يكون خارج أو داخل مصر، إلا أن اللواء منصور عيسوي وزير الداخلية أكد في تصريحات إعلامية أن الملازم وأسرته انتقلوا من محل سكنه الذي تم تداوله عبر الشبكات الاجتماعية خوفا من التهديدات التي تلقاها، إلى محل سكني آخر.

وأكد عيسوي أنه على اتصال دائم بقيادات الضابط لحين انتهاء تحقيقات النيابة وبيان الحقيقة، سواء بإدانته أو براءته من إطلاق الخرطوش على المتظاهرين وإصابة العديد منهم بإصابات مباشرة في العين، نافيا هروبه خارج البلاد أو اختفاءه داخلها، وهو ما أكدته أيضا لمصراوي مصادر أمنية مطلعة.

وعلى صعيد ذا صلة أجلت النيابة العامة التحقيق مع الملازم محمود صبحي الشناوي، لحين انتهاء الانتخابات البرلمانية، وكان المستشار الدكتور عبد المجيد محمود النائب العام بضبط وإحضار الملازم محمود صبحي الشناوي الملقب به ''صائد العيون'' والذي كان قد ظهر في عدد من المشاهد في الفضائيات وشبكات التواصل الاجتماعي وهو يطلق أعيرة الخرطوش صوب المتظاهرين السلميين بميدان التحرير على نحو ألحق بهم إصابات.

وكلف النائب العام نيابة وسط القاهرة بإجراء التحقيقات معه في ضوء البلاغات المتعددة التي تلقتها النيابة بشأن قيام ذلك الضابط بإلحاق إصابات بالغة بعدد من المشاركين في تظاهرات التحرير.

خلاص يا جدعان..طالما العيسوي قال ما هربش..يبقي أكيد هرب .. و من زمان كمان..

[أسد]

العيسوي حيقول

ماعندناش ظباط بتهرب في الداخلية

[se_ Elsyed]

العيسوي حيقول

ماعندناش ظباط بتهرب في الداخلية

لأ وإنت الصادق

ما عندناش ظباط في الداخلية

ههههههههههههههههههههه

والله هايوحشنا عم شكشك

[Yasser_71]

طب بلاش ده

ماكنش فيه أي واحد معاه

طب اللي بيناوله النبلة

بلاش

طب رئيسه المباشر

بلاش

طب وزير الداخلية

كلهم هربوا

ولا هوه اللي هيشيل القضية كلها وهيهرب وبخ

يعني ببساطة كل اللي معاه في السرية ولا الكتيبة ولا المجموعة مع قائدهم المباشر يتجابوا ويتحقق معاهم كل علي حدة قبل مايخترعوا تمثيلية وهمية

قليلا من الاحترام للثورة ولعقولنا أيها السادة

[justme]

ما يمكن ان يفسر الامر هو احد التعليقات التي وجدتها في موقع مصراوي على الخبر

الملازم محمد صبحى الشناوى وهو ابن اللواء صبحى الشناوى من احد رجالات الداخلية المعروف عنه القسوة مع المتهمين اثناء عمله مدير امن المنوفية ومدير امن البحيرة ومساعد الوزير للامن بوسط الدلتا وصاحب الواقعة الشهيرة فى البحيرة عندما حاصر مبنى النيابة بالامن المركزى فى اواخرالثمانينات وهو صديق شخصى للوزير منصور العيسوى وعشان كدة مش راح يسلمه للنيابة مهما حصل

مش عارف طبعا مدى المصداقية لكن حبيت انقله لكم

تم تعديل 29 نوفمبر 2011 بواسطة justme

[se_ Elsyed]

طب بلاش ده

ماكنش فيه أي واحد معاه

طب اللي بيناوله النبلة

بلاش

طب رئيسه المباشر

بلاش

طب وزير الداخلية

كلهم هربوا

ولا هوه اللي هيشيل القضية كلها وهيهرب وبخ

يعني ببساطة كل اللي معاه في السرية ولا الكتيبة ولا المجموعة مع قائدهم المباشر يتجابوا ويتحقق معاهم كل علي حدة قبل مايخترعوا تمثيلية وهمية

قليلا من الاحترام للثورة ولعقولنا أيها السادة

ما احنا قولنا ... الكلب مش بيعض ودن أخوه ...

[se_ Elsyed]

هع هع هع ..أووووووووووووووووو

التليفزيون المصري اللي لسه تابع لمبارك لسه عايش في مية البطيخ دلوقت حالاً جايبين خبر في الشريط الاخباري بيقول إن هايتم التحقيق مع الظابط ده خلال 72 ساعة

زي ما كانوا بيقولوا إن خلال كلها كام ساعة ونقبض على أمين الشرطة بتاع الزاوية الحمرا اللي إتحكم عليه بالإعدام ... وأتحدى عم شكشك - أم مريم دي بقى تريقه إتكلمي بقى ؟- أتحداه إن كان يطلع يقول إنه كلف عسكري معفن إنه يدور عليه او يتتبع رقم الموبيل اللي بيتصل منه كل شويه على البرامج الحوارية

عارفين ليه ؟

لأن العيسوي وجميع من معه من قيادات بدون إستثناء من نفس المدرسة القذرة اللي إتربوا على إن ظابط الشرطة هو إله .. لا يُخطيء ... لا يُحاسب ... لا يُنتقد ....

الأخ المتحدث الرسمي بإسم وزارة الداخلية أيام قضية عماد الكبير وكام قضية بتوع فيديوهات التعذيب ...سمعت له رد غريب بيقول فيه : بالتأكيد الداخلية بتحاسب الظباط المخطئين والمقصرين لكن بمنتهى السرية

هههههههههههههههههههههههه

وبعدها مبارك رقاه وبقى محافظ المنيا على فكرة لكن إتشال في التطهير الاخير

[se_ Elsyed]

الداخلية تتراجع وتؤكد اختفاء ''صائد العيون''

11/30/2011 10:27:00 AM

كتب- أيمن شعبان:

أكدت وزارة الداخلية على لسان مساعد وزير الداخلية والمتحدث الرسمي باسمها، اللواء مروان مصطفى، هروب الملازم أول محمد الشناوي، المعروف إعلاميا بـ''صائد العيون،'' والمتهم باستهداف أعين المتظاهرين أثناء فض الاحتجاجات بميدان التحرير الأسبوع الماضي.

وقال مصطفى، في تصريح خاص لموقع CNN بالعربية، إنه غير معلوم حتى الآن ما إذا كان هروب ''قناص العيون'' داخل أو خارج البلاد

وعاوزين بتوع التحرير يمشي والبلد مليانة عفن وقذارة ؟؟؟؟؟

اومال لما الداخلية ما تعرفش هو هرب بره ولا هربتو جوه

يبقى بالتأكيد وزارة الزراعة هي اللي تعرف ؟