نتائج المرحلة الأولي - إنتخابات مجلس الشعب ( فردي )

[se_ Elsyed]

إحنا في نقطة ناسيينها كلنا في خضم الحفلة دي

وهي إصوات المغتربين لسه لم تضاف إلى النتيجة

والكل فرح وهلل .... طب إزاي ؟

الحاجه المهمة .... المحافظات والمحليات إبتدت تشيل لافتات المرشحين اللي مش هايدخلوا إعادة .. طب ما تستنى يا عم يمكن النتيجة تتغير وخصوصاً للفردي طبعاً

[se_ Elsyed]

يعني مثلاً في دايرة جميلة إسماعيل ... الفرق بسيط بينها وبين الأول .. حوالي 4 الاف صوت .. طب ما هي ممكن تجيبهم بسهولة من المغتربين .. وهكذا

[Ahmed Anwer]

مش عارف ليه حاسس إن البلتاجي من كثر ما هوا محترم ،، هيلقي مصير ابو الفتوح

N | شبكة رصد

رصد | برلمان الثورة | الدكتور محمد البلتاجي: أدين وبقوة حملة التشويه للدكتور مصطفى النجار واعتباره مرشح الكنيسة أو اعتبار سقوطه نصرا للإسلام!!! . أتفق وأختلف مع مواقف د. مصطفى النجار لكني أرفض وبشدة هذه الممارسات الإنتخابية غير الأخلاقية.كنت أتمنى ألا يكون د. مصطفى النجار و د. محمد يسري متنافسين على مقعد واحد.حتما سيضطر الناخب لاختيار أحدهما على حساب الآخر . ولكن فليبني كل ناخب إختياره على حسابات صحيحة ترضي ضميره دون مزايدات ولا إفتعال أزمات. #EgyElections2011 #RNN

[se_ Elsyed]

اومال نائب مجلس شعب وتشريع إيه وزفت إيه لما عادي الصور دي تظهر مش في الصعيد ولا سينا ولا عند البدو ؟

سلاح غريب وأول مره أشوف رشاش ألي لكن طلقاته خرطوش ...

اومال الصعيد وسينا هايحصل فيهم إيه لما ده يحصل في حلوان ؟

[se_ Elsyed]

دايرة الساحل ودايرة عين شمس عاملين قلق

وبالتالي هاتتأجل عملية إعلان النتيجة إلى الغد وعليكم خير

[se_ Elsyed]

أكدت غرفة عمليات حزب الحرية والعدالة أن اللجنة القضائية المشرفة على الانتخابات فى الدائرة التاسعة فردى بالقاهرة أعلنت فوز رمضان عمر مرشح حزب الحرية والعدالة على مقعد العمال بالدائرة، وحصوله على 428983 صوتا، ومازالت نتائج الفرز فى محافظة الإسكندرية جارية حتى الساعة، بينما قرر رئيس لجنة الفرز فى بورسعيد تأجيل إعلان نتيجة الفردى لما بعد وصول أصوات المصريين فى الخارج، وإن كانت النتائج تشير إلى تخطى د. أكرم الشاعر 50% +1.

وأضاف بيان الحزب أن نتائج المقاعد الفردية التى تم الإعلان عن نتائجها حتى الآن تتمثل فى الآتى:

1- محافظة القاهرة:

يخوض جولة الإعادة كل من: عمرو زكى وياسر عبد الله (القبة والزيتون ـ فئات وعمال) ومحمد يسرى وعصام مختار (مدينة نصر ـ فئات وعمال)، وعمرو خضر ومصطفى فرغلى (قصر النيل ـ فئات وعمال)، وخالد حسن (مصر الجديدة ـ عمال) وخالد محمد ونصر عثمان (الجمالية فئات وعمال).

2- محافظة كفر الشيخ:

يخوض جولة الإعادة: طه منصور (كفر الشيخ ـ عمال) ومحمد الحليسى، ومحمد إدريس (دسوق ـ فئات وعمال) ومحمد عامر وأشرف السعيد (البرلس ـ فئات وعمال).

3- محافظة دمياط:

يخوض جولة الإعادة على الداى ومحمد أحمد أبو موسى (دمياط ـ فئات وعمال)، ومحمد الفلاحجى (كفر سعد ـ فئات).

4- محافظة الفيوم:

يخوض الإعادة كل من: أسامة يحيى وسيد جبر (الفيوم ـ فئات وفلاح)، وجمال محمد حسن وفوزى على عبد العزيز اليمانى (سنورس ـ فئات وعمال).

5- محافظة أسيوط:

يخوض الإعادة كل من: سمير خشبة ومصطفى على حسن (أسيوط ـ فئات وعمال)، ومحمد سلامة بكر عبد الواحد ومحمد مضر موسى محمد موسى (ديروط ـ عمال وفئات)، وعبد العزيز خلف محمد على وعبد الله صادق نصر (الفتح ـ فئات وعمال)، وحسن على عبد العال عامر وعبد العزيز محمد إبراهيم منصور ( أبو تيج ـ فئات وعمال).

5- محافظة الأقصر:

يخوض جولة الإعادة : د. عبد الموجود راجح (فئات).

6- البحر الأحمر:

يخوض جولة الإعادة: محمد محمود يوسف أحمد (الغردقة ـ فئات).

[se_ Elsyed]

حسبي الله و نعم الوكيل

http://www.facebook.com/photo.php?fbid=325802440763087&set=a.260526877290644.79270.259233800753285&type=1&theater

رد محترم من الدكتور محمد يسري الان على قناة دريم في برنامج الحقيقة وبصراحة زاد إحترامي له

فهو قبل ان ينفي ما تم نشرة فهو يطالب في التحقيق في تلك الجريمة ومعاقبة فاعلها أشد العقاب

ويزيد بانه ليس مرشحاً سلفياً او إخوانياً ولكنه مرشح مستقل .. وللعلم فهو دكتور في الهندسة الكيميائية بالمركز القومي للبحوث وصاحب عدة إختراعات في مجال إستخراج البترول وهو حاصل على درجة الدكتوراة أيضاً من الازهر الشريف ...

[عصام أبوالفتح]

إيه الجنون ده ؟

374 الف صوت لمصطفى بكري ؟. هههههههههههههههههههههههه

تيجي إزاي دي يا فلول ويا مخلوع يابو تزوير و3 الاف صوت يدخلوا احلى برطمان

بكرى ومرشح الإخوان يفوزان بمقعد الفئات والعمال بحلوان

الخميس، 1 ديسمبر 2011 - 13:54

مصطفى بكرى

كتب هند مختار و حازم عادل وعزوز الديب وهدير مصطفى

أعلن مسئولو لجنة الفرز بالدائرة التاسعة بحلوان فوز مصطفى بكرى على مقعد الفئات، ورمضان عمر على مقعد العمال، حيث حصل بكرى على 374 ألفا و550 صوتا، وحصل أحمد الدروى على 102 ألف و283 صوتا، وحصل ناصر أمين 90 ألفا و100 صوت على مقعد الفئات، وعلى مقعد العمال فاز رمضان عمر مرشح الإخوان بـ 428 ألفا و983 صوتا.

أضاف مسئولو اللجنة أن إجمالى الأصوات 654732، والأصوات الصحيحة 608 آلاف و503، والأصوات الباطلة 46 ألفا و228 صوتا، وأن نسبة الحضور 60%.

مصطفى بكرى فلول ؟!!! اول مرة أعرف .. اصل انا اعطيته صوتى :) ... وكل معارفى فى مصر فى الدائرة 9 ... مع رمضان عمر ... والحمد لله نجحوا .. عقبال قائمة الوسط

انت ظالم مصطفى بكرى شويتين ومتنساش انه كان اجرأ صحفى فى مصر قبل ظهور ابراهيم عيسى والدستور

تم تعديل 1 ديسمبر 2011 بواسطة عصام أبوالفتح

[عصام أبوالفتح]

خسارة جميلة إسماعيل ......... وفوز عبد المنعم الشحات

يكفي هذا ليكون عنواناً للإنتخابات

''النائب'' عبد المنعم الشحات : الديمقراطية لا تزال حرام

السلام عليكم

شكرا اخي اسلام على هذه المشاركة الهامة جدا من وجهه نظري

نعم الديمقراطية كفر صريح وواضح ونحن هنا نتحدث عن معتقد ولا نتحدث عن اشخاص فلا يعني هذا بأن من يؤمن بالديمقراطية كافر بالطبع، فارجو أن تلاحظ الاختلاف.

هقول لحضرتك سبب من الاسباب انت تعاني منه الآن في وصول التيارات الاسلامية على حد زعمك. smk:

الديمقراطية تساوي بين العالمة والعالم

الديمقراطية تساوي بين الفاسد والمصلح

الديمقراطية تساوي بين المتعلم والجاهل

فكما ادلى الجاهل بصوته ادلى المتعلم بصوته وكلاهما واحد فكيف يتساوى الطرفين !!

هل يتساوى مثلا صوت دكتور في ارقى الجامعات يعلم مئات الطلاب ويشارك في آلاف الابحاث ويأتي بالنفع على البلاد مع شخص لا يستطيع القراءه والكتابة ؟ !!

ولكن هذا ليس احد الاسباب بأن الديمقراطية كفر.. السبب الرئيسي ان الديمقراطية كفر هي انها تقر بأن الحكم للشعب، والقرآن الكريم يقول إن الحكم إلا لله، فشرع الله وحكمه ليس مجالا للشعب يختار فيه

والسلام عليكم

هذه المداخلة تفسر لى لماذا لم أر أى مرشح لجماعة التكفير والهجرة فى الانتخابات !!!

[eslam elmasre]

اعلان نتيجة انتخابات فردي دائرة المنتزه بالاسكندرية وخبر اعادة المهندس عبد المنعم الشحات (فردي فئات النور) وأ. حسني دويدار (فردي فئات مدعوم من الحرية والعدالة) واعادة أ. صبري سليم (فردي عمال النور) وأ. مصطفى محمد مصطفى (فردي عمال الحرية والعدالة)

الاعادة بإذن الله يوم الاثنين 5/12 وبالنسبة للعاملين بالخارج يوم السبت 3/12

هما مش اعلنوا نجاح الشحات

انا من شوية سامع عربية الاخوان بتذيع ان هناك اعادة بين حسني دويدار وعبد المنعم الشحات فئات وبين مصطفى محمد مصطفى وصبري سليم عمال

[نورالعين]

"الحرية والعدالة" تخوض الإعادة على كل مقاعد الفردى بالإسكندرية

يخوض حزب "الحرية والعدالة" جولات الإعادة على جميع المقاعد الفردية وتجرى الإعادة فى جميع دوائر المحافظة، وذلك بعد أن أعلنت اللجان القضائية المشرفة على فرز أصوات إجراء جولة الإعادة على المقاعد الفردية فى كل من الدائرتين الثالثة والرابعة.

وأعلنت اللجنة القضائية المشرفة على فرز أصوات الدائرة الثالثة بالإسكندرية، والتى تضم (كرموز وباب شرق ومحرم بك والعطارين والجمرك والمنشية) عن إجراء جولة إعادة بالدائرة على مقعدى الفئات والعمال معا؛ حيث يخوض محمود عطية، مرشح حزب الحرية والعدالة على مقعد الفئات جولة الإعادة بـ208.644 صوتا، وذلك أمام موسى السنوسى، مرشح حزب النور، الذى حصل على 88.872 صوتا بينما يخوض صابر أبو الفتوح مرشح "الحرية والعدالة" على مقعد العمال جولة الإعادة بـ 210.675 صوتا أمام القيادى اليسارى والبرلمانى السابق كمال أحمد الذى حصل على 95.409 أصوات.

يذكر أن حجم الأصوات الصحيحة هى 552.922 صوتا والباطلة 27.321 صوتا، وأصوات المصريين بالخارج بلغت 4.644 صوتا.

وأعلنت اللجنة القضائية المشرفة على فرز أصوات الدائرة الرابعة بالإسكندرية والتى تضم (مينا البصل والعامرية وبرج العرب والدخيلة واللبان) عن إجراء جولة إعادة بالدائرة على مقعدى الفئات والعمال معا؛ حيث يخوض حمدى حسن مرشح حزب الحرية والعدالة على مقعد الفئات جولة الإعادة بـ152.692، وذلك أمام عصام حسنين، مرشح حزب النور، الذى حصل على 8157.008 أصوات، بينما يخوض محمود محمد مرشح الحرية والعدالة على مقعد العمال جولة الإعادة بـ170.175 صوتا أمام عصام محمود المرشح المدعوم من حزب النور الذى حصل على 100.786 صوتا.

وبهذا يخوض حزب الحرية والعدالة جولات الإعادة على جميع المقاعد الفردية وتجرى الإعادة فى جميع دوائر المحافظة، ويتبقى الآن نتائج قوائم دائرة غرب التى لم يعلن عنها حتى الآن.

[se_ Elsyed]

مصطفى بكرى فلول ؟!!! اول مرة أعرف .. اصل انا اعطيته صوتى ... وكل معارفى فى مصر فى الدائرة 9 ... مع رمضان عمر ... والحمد لله نجحوا .. عقبال قائمة الوسط

انت ظالم مصطفى بكرى شويتين ومتنساش انه كان اجرأ صحفى فى مصر قبل ظهور ابراهيم عيسى والدستور

!!!!!!

أنا قولت فلول ؟؟؟؟

انا قولت الفلول والحزب الفاشي ييجي يتفرج على 374 الف صوت .. في حين كان أجدعها واحد في إنتخاباتهم بيكسب بـ 5 الاف صوت مزور

[أسد]

نصائح للمراحل التالية

http://www.youtube.com/watch?v=anEwbNLO0uc

[moamana]

مبروك لكل الفائزين و اقول لكل الخسرانين اعملوا لان المجلس ده اساسا مؤقت فمتشغلوش الكم فى الخناق لسه فيه فرصه تانية س عد سنة تكونوا وعى سياسى اكثر عمقا خلالها

و اعتقد ان هذا المجلس مثل حكومة الجنزورى نوع من انواع المسكنات للالم لكنه للاسف لا يعالج

انا لا استغرب نجاح الاخوان و لكن استغرب نجاح حزب النور

و على العموم ده راى الاغلبية فربنا يوفق الكل

اعتقد فعلا ان الامل فى كرة دا و انا و انتم متاكدين ان بعد 4 سنين ان شاء الله لن تعود علينا هذه الانتخابات بنفس النتائج اكيد فاحزاب ثيرة محترمة لم تظهر ستظهر و احزاب اخرى ستهط

لكن فعلا اللى انا عايزاه عشان يحصل كده الامية الامية لازم تقل

اعتقد ان اى حز عايز بجد يعمل حاجة لمصر يشتغل على حاجتين الامية و اطفال الشوارع و العشوائيات اكثر مشكلتين هيهدوا المجتمع

يلا يا اخوان او نور او وسط او كتلة او مستقل ورونى هتعملوا ايه

الاخ xxusamaxx

اللى بيقول ان الديموقراطية حرام و يستخدم ايات قرانية اجده راى مثير للاهتمام جدا كان اول مرة قراه و مش عارفة ارد عليه بايهصراحة من كثر صدمتى منه ممكن لما دماغى تفضى شويه ادورله على الادلة الشرعية التى تعرفه راى الطرف الاخرالذى يشيد الديموقراطية الاسلامية و على العموم رغم صدمتى من رايه الا انى احترمه و ده رايه و هو حر

[engmido]

شكرا طبعا للاخوة اللى بتجيبلنا اخبار الانتخابات اول باول سواء فى الموضوع ده او موضوع متابعة اخبار برلمان الثورة

بس ملاحظ انا حاجة غريبة مستنكرها عالزملاء اللى بيكتبوا هنا

ان دايما الكومنتات فوز حزب الحرية والعدالة او فوز مرشح كذا وكانه مجلس الشعب اصبح هدف او غاية

اللى افهمه ان مجلس الشعب وسيلة لتحقيق اهداف الثورة وليس غاية او هدف يتنافس عليها المرشحين

يعنى اقول لحزب الحرية والعدالة مبروك او انتم فزتم لما يجوا فى نهاية الدورة او نهاية السنة وبالنتايج الاقيه محققلى اهداف الثورة وساعتها اقوله مبروك انت فزت الجنة فى الاخرة وفزت باحترامى وتقديرى فى الدنيا

لكن حاليا اقولهم ربنا يوفقكوا فى المرحلة الجاية والشيلة التقيلة اللى انتوا هتشلوها واحب اقولكوا الحساب سيكون عسير جدا يا اعضاء مجلس الشعب القادم والاعداد الغفيرة اللى نزلت تنتخب هتحط صوابعها فى اتخن تخين يتهاون او يتغافل عن تحقيق اهداف الثورة

اللى وقع عليه اختيار التمثيل فى مجلس الشعب عليه التاهب والاستعداد للمسئولية القادمة ويعرف انه فيه حساب جاى ويخاف على نفسه والناس المترشحة اللى موقعش عليها الاختيار ياريت تتوجه للاعمال التطوعية لخدمة البلد - مش بردوا كانوا عايزين يترشحوا عشان يخدموا البلد ولا عشان يقعدوا على كراسى

مين ؟؟؟

حسام ؟؟؟!!1

يخيى العظام وهى رميم

انت فين يا حسام ...انت كنت فى المعتقل ؟؟

هههههه

[raouf]

مين ؟؟؟

حسام ؟؟؟!!1

يخيى العظام وهى رميم

انت فين يا حسام ...انت كنت فى المعتقل ؟؟

هههههه

يا عم ميدو الراجل كان بيتجوز

وعامل شهر عسل جامد

يعنى كان فى معتقل كله عسل وحلاوة وبسبوسة كمان ربنا يوعدنا هههههههههههههههه

[engmido]

مين ؟؟؟

حسام ؟؟؟!!1

يخيى العظام وهى رميم

انت فين يا حسام ...انت كنت فى المعتقل ؟؟

هههههه

يا عم ميدو الراجل كان بيتجوز

وعامل شهر عسل جامد

يعنى كان فى معتقل كله عسل وحلاوة وبسبوسة كمان ربنا يوعدنا هههههههههههههههه

ياعم يتجوز مين ؟؟؟

انا بقالى كتييييييييير جدااا يمكن من رمضان ما بشوفلوش مشاركات

هههههههه..... عموما

100000 مبروك

[ام سلمي]

دلوقتي مؤتمر اللجنة العليا للانتخابات حيعلنوا النتايج

[se_ Elsyed]

13 مليون لهم حق التصويت في المرحلة الاولى

اللي أشتركوا 8 مليون ونصف .. بنسبة 62 % .. نسبة تاريخية غير مسبوقة في تاريخ مصر كلها

[Ahmed Anwer]

سي السيد ،،

آدي فيديو الحلقة ،،

http://www.youtube.com/watch?v=XygohgvWHM0&feature=player_embedded

ملخصه يعني

د/ مصطفي بيمدح في د/ يسري و يقول ده راجل فاضل و أكيد مالهوش دعوة و كده ،، آلخ و بينتقد فقط ممارسات الحملة بتاعته

د/ يسري ، بينكر إن الحملة نشرت ،،، و في نفس الوقت بيرجع يأكد علي قوائم الكنيسة و إن الكنيسة غيرت موقفها فقط في يوم الإنتخاب لصالح د/ مصطفي !!!

وائل الإبراشي ،، بيقوله عندك دليل ،، قاله لأ

ساعتها أبدي د/ مصطفي آسفه علي الأساليب غير الشريفة التي لا تنتمي للإسلام بصلة و إصراره علي تكرار نفس الإتهامات

و بعدين ظهروا علي برنامج تاني علي CBC

http://www.youtube.com/watch?v=E9KcZTQWzKA&feature=player_embedded

نفس الكلام

شاهد آخر 30 ثانية

برده الشيخ الجليل بيقول فيه رسالة آلكترونية (( يقال - حسب تعبيره )) إأرسلها د/ مصطفي للكنيسة بطلب دعمها !!!!

يعني واحد بيعتذر و هوا مصمم إنه يكرر نفس الإتهامات

يا فرحتي بقه بالإنكار و الإعتذار

يعني واحد عمال حتي هذه اللحظة يطلع إتهامات علي الهواء