أحمد نظيف يرزق بطفلة ويطلق عليها اسم مريم

[ViralMind]

انا حطيت الموضوع فى باب الابتسام..

اقروا انتوا بقى.. بلاش اعلق انا.

رزق رئيس الوزراء الاسبق أحمد نظيف المحبوس حاليا فى سجن المزرعة بطره بطفلة من زوجته الجديدة.

وقال مصدر أمنى إن نظيف تلقى خبر مولودته الجديدة داخل السجن الأحد بعد زيارة من نجله وشقيقة زوجته، وأنه أطلق على الطفلة اسم مريم.

وأضاف المصدر الأمنى أن نظيف قام بتوزيع الشيكولاتة والحلوى التى تلقاها خلال الزيارة على مجندى السجن وزملائه السجناء احتفالا بمولودته الجديدة.

تجدر الإشارة الى أن رئيس مجلس الوزراء الأسبق أحمد نظيف قد تزوج العام الماضى من زوجته الحالية المدعوة زينب زكى التي كانت تعمل تحت رئاسته اثناء توليه منصب وزير الاتصالات قبل تعيينه رئيسا للحكومة عام 2004، وذلك بعد وفاة زوجته الأولى بعص صراع طويل مع المرض عن عمر يناهز 57 عاما، وهو الخبر الذى شهد العديد من التعليقات فى حينها لحرص نظيف على نشره فى صدر صفحات الصحف الرسمية حينها.

[se_ Elsyed]

وفي باب الإبتسام ليه يا عم ؟؟؟

مبروك يا عم نظيف .. وياريت تربيها حلال بقى وتعترف على جرايم العصابة وتبدأ صفحة نظيفة

[ViralMind]

علشان فيه هم يبكى و هم يضحك.. و الناس دول فعلا جبلات و مبيحسوش..

تصدق و تؤمن بايه؟

انا فضلت فترة طويلة منتظر الفيزا و السفر.. ده غير انى اصلا بقالى سنين بحلم اهاجر.. بس للاسف لا فرحان بالسفر ولا حاسس بحلاوة الفيزا..

اما بالنسبة لانه يعترف عالعصابة و يرجع الفلوس.. لا ده هيحصل ولا ده هيحصل..

و خليه بقى يفرح بالفلوس الحرام اللى ان شاء الله مش هيتهنى عليها.. و هيتحاسب عليها زى الحمار و غيره هو اللى هيصرفها و يبعترها فى الهلس.

[hanzalah]

مبروك يا ابو مريم

تتربى في عز الثورة باذن الله

من مال حلال

من خير مصر يعني

مش من خيرك

يارب انبتها نبات حسن

واجعلها من نساء مصر الصالحات

ولا تجعل لها قدوة في أبيها ولا في الحرامي المخلوع وشلته السودة

يارب

[مصطفى يونس]

بيوزع شكولاته كمان

دا مش سجن بقا