نجوم الفن يستعدون للهجرة إذا سيطر الإسلاميون

[engmido]

ثم معلشى من ساعة ما بدأت الانتخابات والناس مش عايزة الاخوان يكسبوا

وفى نفس الوقت يتكلموا عن الديمقراطية ومش عارف ايه

واختلاق الاسباب الواهية اصل الحق دولبيعملوا دعاية خارج اللجان اصل بيوزعوا مش عارف ايه

اصل بيفرقوا منشورات ..اصل جايبين شباب بلاب توب عشان الناس تنتخبهم

واقسم بالله عن تجربة شخصية ...امام لجنتى احد شباب الاب توب سالته سؤال وجاوبنى بادب شديد وقاللى بالحرف

انا ما بقولش انتخب الحرية والعدالة... انت حر ... انتخب اللى انت عايزه

[ابو محمود]

المشكلة مش فى الدعاية المشكلة فى وجود ناس متوهمة انهم نخبة بس كل الموضوع كدة ممكن تشاهدهم فى الصالونات وهما بيتكلمو اكثرهم بلا فائدة وعلى مقهى ريش يحتسون المشروبات الدافئة شتاء

اما بخصوص الفنانين هنكسر وراكو قلة ولا زير يامن ترون الفن عري وجنس وهو اسمى من هذا كم شعوب تعلمت وتخلصت من مساويء لها بسبب الفن والسينما والمسرح

[Alshiekh]

عفوا ايها السادة

انا اعترض على هذا الكلام

لستم اكثر وطنية من هؤلاء الذين تتحدثون عنهم

هم مثلكم مواطنون مصريون ، ساهموا ربما اكثر منكم في حصيلة الضرائب وربما في تبرعات غير معلنة

هم يفكرون في الهجرة لاسباب هم مقتنعون بها ، ومعظمكم ماصدق اخذ الشهادة ونط على الخليج ومفكرش يرد لبلده حق التعليم اللي اتعلمه والبعض الآخر منتظر الهجرة لبلاد الغرب.

لستم أفضل منهم وكما اوجدتم لانفسكم الاسباب التي تجعلكم مقيمين بالخارج معظم حياتكم ، يجب أن تجدوا لهم عذرهم واسبابهم ايضا.

هذه الاقوال انا ارفضها:

في ستين الف داهيه

ومصر بابها مفتوح ... اللي عاوز يسيبها من نفسه من غير ما حد يحك مناخيره ... ففي ألف داهيه وخلي البلد تروق

عفواً انا بأقول الكلام ده وأقصد به الفئران التي تخاف من النور أو ( النظافة )

فى 60 داهية

كفاينا وطو وتردى وتدنى ....خلينا ننضف شوية

[Abu Reem]

التعليق قبل الموضوع كفى و وفى

و أحلى حاجة في الموضوع ده إننا كلنا اتفقنا على رأي واحد

قريت فيها يا عم عادل

:protest:

اهو جالك استاذ محمد ، واولو حاجة قالها لك انا اعترض

رد عليه بقى ياعم

( نشنت يا فالح )

[عبير يونس]

اسمحوا لي أقول رأيي في الموضوع

الفن يجب أن يكون حرا تماما

و لا يجب أن يكون عليه رقابة

هذا مفهوم الفن في الغرب

و هناك ثلاثة ممنوعات في أغلب المجتمعات المحافظة

الدين و الجنس و السياسة

فمتى بدأت تساؤلات في الدين تم اتهام الفنان سواء كاتب أو شاعر أو ممثل بالالحاد و الضلال

و هذا يحدث من كافة الديانات

يرفض رجال الدين التفكير

وطبعا عند التعرض للجسد و الغرائز

يحدث رفض اجتماعي باعتبار أن ذلك خروج عن الأعراف و التقاليد

و ذلك في كل المجتمعات الشرقية

و رغم أن الغريزة تشغل تفكيرهم بنسبة تكاد تصل إلى 100%

فهم يرفضون الحديث عنها على الملأ

و في مجتمع شرقي متدين كمجتمعنا يصبح الرفض مركبا

حرام و عيب

أما السياسة فمن يجرمها هم الحكومات الاستبدادية

و من أجلها أصلا تنشأ دور الرقابة على المصنفات الفنية

ماذا يفعل الفنان المصري في مجتمع كمجتمعنا ؟؟

و هو يريد التعبير عن أفكار تراود البشر جميعهم و إن ادعوا بعكس ذلك ؟؟؟

الإجابة

أنه يلجأ للرمزية

فهو يعبر بالرموز عن تلك المحرمات الثلاثة

بمنتهى الصراحة

أعترف

و رغم تفهمي لطبيعة الفنان و لمتطلبات حرية التعبير

أنني من المحافظين

و ذوقي شرقي تماما في هكذا مواضيع

و تعجبني لغة الرموز في التعبير

ليس من منطلق الحرام و العيب و الممنوع

و لكن لأني أعتبرها أكثر جمالا

فالتعبير الحر تماما لا يخلو من الفجاجة و القبح

و مساحات الجمال لا بد أن تغلف قليلا بالغموض لإعطاء الفرصة للمتلقي

لتصله الرسالة كما يريدها

باختصار

فالعري و الصراحة الكاملة في عرض الأفكار قبحٌ في رأيي

ليس فقط لأن ذلك ضد الفطرة

بل لأنه نوع من الحجر على الحريات

و فرض فكر محدد على المتلقي

و في رأيي هذا لا يختلف نهائيا عن أسلوب الوعظ المباشر

و الذي غالبا لا يلقى ترحيبا من المتلقي

و من هذا المنطلق أرفض الفن الصريح

و لا أعتبره فنا من الأساس

و رغم ذلك

فأصحاب هذه التصريحات

سواء كانوا فنانين حقا

أو أدعياء فن

هم مصريون

و لا يجب أن نتعامل مع تصريحاتهم بهكذا ردود أفعال

و يجب ألا ننسى أننا - و أنا أولكم - لا نتفوق عليهم في الوطنية

فمعظمنا مغتربون و لسنوات طويلة بعيدا عن الوطن و لا زلنا

و أيضا من منطلق الديمواقراطية

من حقهم الاحتجاج على مجلس شعب لا يروق لهم

تحياتي و احترامي

لكل المشاركين

[engmido]

فى 60 داهية

كفاينا وطو وتردى وتدنى ....خلينا ننضف شوية

ياريس مع احترامى لسيادتمك انت اكبر منى سنااا ولك عظيم احترامى ويعلم الله

بس النقطة اللى انا ذكرتها دى ماتزعلش حد لانها فعلا كده

وانا للعلم باتفرج على افلام بس بكلت اتفرج على حاجة من الجديد كله لانه انحدر كثيرااااااااا بالذوق العام فى اللفظ والفعل والشكل

يبقى وطو وتردى وتدنى ... وخلينا ننضف شوية

على فكرة انا لا ادعى انى كويس .. انا عايز ابقى كويس والبلد حواليا تبقى كويسة

متأسف... ولا ده مش حقى

تم تعديل 2 ديسمبر 2011 بواسطة engmido

[التونسى]

فرق كبير .. وشاسع .. بين الفــــن .. والعـــــــــفــــن

فنان محترم ..وذو رسالة ومبدأ .. وأغلب أعماله الفنية قيمه وتناقش قضايا مجتمعية ..وصل به احترامه للفن كرسالة سامية .. ان يرفض منصب وزير ... لانه على حد قول لن ينزل من درجة فنان الى درجة وزير .. إنه محمد صبحى .. فهل تتوقعون أن يترك البلد ويهاجر ..... بالطبع لا

مُدعية فن .. تناقش دائما القضايا الجنسيه .. بشكل فج ومثير للإشمئزاز فى أفلامها .. وبإسلوب يخلو من الحرفيه والرمزيه .. وعدم مراعاة لتقاليد الشعب المحافظه .. ووصل بها الشطط والهوس الجنسى أن تدعو الى عودة بيوت الدعاره ....إنها إيناس الدغيدى ..فهل تتوقعون هجرتها من البلد .. فى الغالب نعم

مثالان صارخان .. للفــــن .. وللعـــفـــن .. للإصلاح.. وللإفساد

[وطني حر]

اتمني يكون الكلام دا حقيقي وصحيح

لاننا بكدا هنظف البلد من العفن والقبح الي يرتكب باسم الفن .

نعم هذه الثوره المصريه بدات تجتاح كل ما هو قبيح . الثوره بدات الان . بدانا نقطف ثمارها

قديما قالو .( المصريين مش مستعدين للديقمراطيه )

ما فيش حد يقدر يمسك البلد الا حسني وازلامه

مصر مش مهيأه لانتخابات حره نزيه

المصريين فوضوين المصريين غير انضابطيين

المصريين ......... هل تتحطم كل هذه المصطلحات بمنظر طابور الاقصر

ستختفي مناظر كثيره كنا نحلم ونتكلم ونبحث عن حلول لها من ابسطها كيس الزباله وكسر الاشاره ووو

سيعم الهدوؤ انحاء مصر ان شاء الله . .

طابور الانتخابات اعطي صوره حيه وصادقه ان المصريين منظمين اذا اجد التنظيم وفوضوين اذا وجدت الفوضي . اي ان المصري يتكيف مع

الجو الي هو عايش فيه

ممكن يعيش بجينه وممكن بمئه جنيه مش فارقه معاه

بدات حمله تطهير البلد من الفساد بانواعه واشكاله . من فساد سياسي باسم الحزب الوطني

وفساد فني باسم اولئك الشرذمه من البشر من افسدو الذوق العام والشاشه السينماء ودخلو البيوت بافلام خلع وعهر فني . فاختارو العهر لانه

اسرع طريق للثراء في نظهرهم

وعن قريب يكون التطهير الاعلامي لتلك الشله الفاسده من الاعلاميين الذين يزيفون المشهد المصري وقلب حقائق للشهره والسبق الصحفي

وعن قريب اولئك الحراميه من باعو مصر باسم اختلقو لها اسماء كثيره خصخصه وتعويم وفك ارتباط وفرض ضرائب

والقائمه تطول

[engmido]

فرق كبير .. وشاسع .. بين الفــــن .. والعـــــــــفــــن

فنان محترم ..وذو رسالة ومبدأ .. وأغلب أعماله الفنية قيمه وتناقش قضايا مجتمعية ..وصل به احترامه للفن كرسالة سامية .. ان يرفض منصب وزير ... لانه على حد قول لن ينزل من درجة فنان الى درجة وزير .. إنه محمد صبحى .. فهل تتوقعون أن يترك البلد ويهاجر ..... بالطبع لا

مُدعية فن .. تناقش دائما القضايا الجنسيه .. بشكل فج ومثير للإشمئزاز فى أفلامها .. وبإسلوب يخلو من الحرفيه والرمزيه .. وعدم مراعاة لتقاليد الشعب المحافظه .. ووصل بها الشطط والهوس الجنسى أن تدعو الى عودة بيوت الدعاره ....إنها إيناس الدغيدى ..فهل تتوقعون هجرتها من البلد .. فى الغالب نعم

مثالان صارخان .. للفــــن .. وللعـــفـــن .. للإصلاح.. وللإفساد

عليك نووووور

[لماضة مصرية جدا]

السلام عليكم و رحمة الله و بركاته

طب قبل ما اعمل زوم ان علي موضوع الفنانين و فلاشات الاضواء و الشهرة و كده اسمحولي افتكر حوار دار بيني و بين صديقتي

الحوار ده كان في اول جمعة كانت في التحرير و تقريبا تفضل "بعض" المواطنين انهم رفعوا اعلام السعودية

انا فاكرة اليوم دوت كويس

لان صاحبتي رجعت من الميدان و هي بتقولي يا ريهام انا ابتديت اخاف و احس ان البلد دي مبقتش بتاعتي تاني

صاحبتي مش فنانة علي فكرة...هي طبيبة و بتكافح زي اي حد فينا بيكافح في الدنيا دي علشان عنده مباديء شايف انه مش مضطر يساوم عليها

افتكرت موقف صاحبتي دوت و انتو بتحكوا عن الفنانين

طبعا ان مش هقدر اصنف فن رديء و فن جميل و امنح الاولاني كارت احمر و اطرده من الملعب و لا هدي للتاني صك الغفران

اللي انا اقدر اتفهمه ان الرؤية ضبابية

في ظل اكتساح التيار الاسلامي

حقيقي هما عمالين يقولوا كلام زي الفل بس لغاية دلوقتي مافيش لسه ممارسة حقيقية علي ارض الواقع

يبقي طبيعي ان الواحد يبعر عن تخوفه

قرار الهجرة من وطنك....انا شخصيا بشوف انه قرار شخصي مش راح يخرج عن دايرة الاهمية للشخص نفسه و اسرته مش اي حد تاني

يعني وجودي في المكان مش راح يزدني حتة و لا يزود المكان حتة و العكس

بس القرار ده بياخده البني ادم لما بيحس ان مبقاش ليه جدر هنا...مبقاش ليه حاجة يحبها او تربطه بالمكان

بتضيع ملامحه منه هنا...فبيحاول يلاقي نفسه في مكان تاني

قرار شخصي....لكل بني آدم

يمكن ياخده....و يندم عليه

و يمكن ياخده و يرجع يدور علي ملامحه في الوطن الام

كلها قرارات شخصية اري ان كل بني ىدم حر يفعل ما يجعله سعيدا

و يبقي الوطن....مساحة دفء في القلب لا ترتبط كثيرا بجغرافيا المكان

و دي وجهة نظر

[Ahmed Anwer]

الموضوع رغم إنه فكاهي أكثر من كونه موضوع جاد

بس للاسف فيه شئ من الحقيقة

تسمعوا عن عائلة (( قسطور )) بتاعت الأتوبيسات ؟؟

دي سفرت كل أولادها أمريكا

هنروح بعيد ليه ،،

إيران بعد الثورة الإسلامية خسرت خيرة عقولها

و هاجروا

عشان كده حزب زي حزب الوسط لما وجه له إنتقاد ليه بتضموا المسيحي و المتبرجة رغم إنكم بتقولوا إنكم حزب ذو مرجعية إسلامية

كان الرد ، إن الوطن في وضع لا يسمح له بفقدان أي جزء من مجهود أبنائه

[جويرية]

http://www.youtube.com/watch?v=j4ZWinyRRXM

[Abu Reem]

http://www.youtube.com/watch?v=j4ZWinyRRXM

البيه ساويرس كل اللي خايف عليه من الاسلاميين ان مش هيعرف يشرب خمره ، ومراته مش هتعرف تلبس قصير في الشارع

فالبتأكيد هو لم يتكلم عن شرب الخمر في البيت ولا لبس القصير في البيت

اذن فلتذهب رغبة ملايين المسلمين الى الجحيم وايضا المسيحين فاللي اعرفه ان المسيحية ايضا لا يريد شرب الخمر ولا اللبس الخليع فالاسلام والمسيحية لا تسمح بالانحلال

كلام هذا الرجل يكشف بوضوح ان اغلبية من يعترضون على تولي التيارات والاحزاب الاسلامية زمام الامور سيحرمهم من مصالحهم الشخصية الضيقة ولا ينظرون على اي شيء اخر قد يقدمه هؤلاء للملايين من خدمات..

فمن فنان يخشى على اكل عيشه لانه بضاعته التي يقدمها تثير الغرائز وتدر عليه اموالا طائلة ويخشى من عدم رواج بضاعته الفاسدة..الى اخر يريد ان تتنشر الخمر في المحلات وكل واحد حر ياخذها او يتركها ...الى اخر مش شايف اي مشكلة في ان ترتدي النساء القصير او اي لبس مثير وتمشي في الشارع او تذهب به للعمل المكتظ بالشباب الذي لا يستطيع الزواج وعليه ان يظل طوال الوقت مغمض العينين او صائم...وساويرس لا يعلم انه اذا كان في ذلك حرية للشخص الذي يقوم بهذه الافعال دون مراعاة للاخرين فانه في نفس الوقت يؤذي هذا الاخر الذي من حقه ومن حريته ألا يرى امامه في العمل او الطريق ما قد يحرك غريزته...او شهوته نحو الخمر او نحو النساء.او نحو الرشوة والتي نسهلها له بان نبيحها هكذا في كل مكان...فهو وان كان مأمور بالامتناع عن هذا ولكن الاخر مطالب ايضا بألا يفعل هذا على العلن وامام الناس....

أليس من الحرية ان تحترم شعور الاغلبية المحافظة المتدينة من المسلمين والمسحيين...كيف أأمن على ابنائي عندما يذهبون اي مكان ثم يفاجأوا بحرية مثل حرية علياء المهدي وصديقها اللذان قبض عليه في وضع مخل في حديقة عامة

- ولن اعجب ان ارى هذه النماذج التي تهتم بمصلحتها الشخصية الضيقة ولا تهتم بمعاناة الاخرين المحافظين....ثم يقول لك حرية ، وللاسف يتكلم عن تمويل خارجي ثم يطالب بالمساعدة والتدخل من الغرب...يا اخي روح عيش في الغرب طالما هذه البلد مش عاجباك...بدلا من ان تحكم على الملايين بالداخل ان يتم فرض السيطرة عليهم من الغرب

- فإن لم تستحي فافعل ما شئت ...ولا يهمك الناس ولا يهمك حرية الاخرين التي تعتدي عليها بما يخالف الاعراف والتقاليد والاديان وتريد ان تعتدي عليها بتدخل الغرب

لأ هنا اقول لك في ستين داهية...ورينا عرض كتافك....

تم تعديل 3 ديسمبر 2011 بواسطة Abu Reem

[se_ Elsyed]

عاوز أوضح نقطة هنا للأهمية

الموضوع يا اخواننا مش تخوف البعض من وصول الإسلاميين او غيرهم .. لكن المشكلة تكمُن في الإبتزاز .... يعني الجماعة دول وغيرهم من قبل ما يشوفوا أي نتائج على الأرض قالوا الحقوهم بالصوت قبل ما يغلبوكم وخلينا نهددهم بإننا هانسيب مصر وغن مصر هاتخسر كتير وما إلى ذلك

وهو شيء غير مقبول بالمرة ..

[أبو محمد]

فرق كبير .. وشاسع .. بين الفــــن .. والعـــــــــفــــن

كما أن هناك فرق بين الأداء العلنى و السب العلنى

[وردة الايمان]

طيب انا نفسى افهم ليه الهروب ؟

ليه ما يفكروش يقدموا فن هادف ومحترم

الاعلام مجالة مفتوح ومن اكتر المجالات اللى بيتأثر بيها الشعب

لازم يبقى ليهم هما كمان دور فى البلد اللى محتاجه لكل انسان فى مجاله

ياريت يستغلوا مهنتهم بطريقه سليمة ....بدل ما يهربوا ويسيبوا البلد

[زهرة الجبل]

الموضوع مش مستاهل لا داهيه و لا ستين

الموضوع ببساطه إنهم أرادوا أن يحفظوا لأنفسهم بقيه متبقيه من ماء الوجه فلم يحالفهم الحظ في إختيار طريقه مناسبه

قالوا ((هنهاجر)) حتى لا يقال عنهم أن الإصلاح لفظهم ولم ينتبهوا إلى أن إنتقاد الإصلاح يشير بكل وضوح إلى غرقهم إلى (الشواشي) في الفساد

يعني لما نستخدم الديتول في تطهير أرضية البيت أكيد الميكروبات هتبقى عارفه إنها ذاهبه بلا عوده

يبقى لما تهدد بالهجره و تلحق تشوف لها مكان بعيد عن الديتول ده إعتراف منها إنها جراثيم لا تحتمل النظافه

ليس كل الفن إسفاف و ليس كل الفنانيين دعاة رذيله ..

من حقنا أن نحلم بفن جميل .. هادف .. راقي .. بدون إسفاف و لا عري و لا إبتذال

فن جميل بجميع صوره .. كوميدي أو درامي .. تعليمي أو فكهاكي .. للتسليه أو للتوعيه ..

مرحباً بالفن في جميع صوره المرئية منه و المسموعه ..لكن في إطار أخلاقي راقي و بمقاييس فنيه متخصصه جديده و محترمه

من حقنا أن نحلم و من حق الجميع أن يساهم في تحقيق هذا الحلم

و من الطبيعي في طريق تحقيق هذا الحلم أن تتكشف لنا فئه معينه من المنتمون إلى الفن لتعترف بأن هذه المقاييس الجديده أكبر من إمكانياتها المحدوده ..

و أن إمكانياتها المحدوده تلك لن تتجاوز الإسفاف و العري ..

لذلك سيصبح من الطبيعي جداً أن يخرجوا من المنظومه الجديده التي تحمل شروطاً لمواصفات لا يملكونها ..

و من الطبيعي جداً أن يرحلوا غير مأسوف عليهم

أعتقد أن كل من يهدد الآن بالرحيل يعرف أن وجوده لن يحتمل التطهير

و من مصلحتنا جميعاً أن يظل داخل مصر كل من يرحب بالإصلاح و أن يخرج منها كل من لن يحتمله

[عادل أبو عمر]

اسمحوا لي أقول رأيي في الموضوع

الفن يجب أن يكون حرا تماما

و لا يجب أن يكون عليه رقابة

هذا مفهوم الفن في الغرب

و هناك ثلاثة ممنوعات في أغلب المجتمعات المحافظة

الدين و الجنس و السياسة

فمتى بدأت تساؤلات في الدين تم اتهام الفنان سواء كاتب أو شاعر أو ممثل بالالحاد و الضلال

و هذا يحدث من كافة الديانات

يرفض رجال الدين التفكير

وطبعا عند التعرض للجسد و الغرائز

يحدث رفض اجتماعي باعتبار أن ذلك خروج عن الأعراف و التقاليد

و ذلك في كل المجتمعات الشرقية

و رغم أن الغريزة تشغل تفكيرهم بنسبة تكاد تصل إلى 100%

فهم يرفضون الحديث عنها على الملأ

و في مجتمع شرقي متدين كمجتمعنا يصبح الرفض مركبا

حرام و عيب

أما السياسة فمن يجرمها هم الحكومات الاستبدادية

و من أجلها أصلا تنشأ دور الرقابة على المصنفات الفنية

ماذا يفعل الفنان المصري في مجتمع كمجتمعنا ؟؟

و هو يريد التعبير عن أفكار تراود البشر جميعهم و إن ادعوا بعكس ذلك ؟؟؟

الإجابة

أنه يلجأ للرمزية

فهو يعبر بالرموز عن تلك المحرمات الثلاثة

بمنتهى الصراحة

أعترف

و رغم تفهمي لطبيعة الفنان و لمتطلبات حرية التعبير

أنني من المحافظين

و ذوقي شرقي تماما في هكذا مواضيع

و تعجبني لغة الرموز في التعبير

ليس من منطلق الحرام و العيب و الممنوع

و لكن لأني أعتبرها أكثر جمالا

فالتعبير الحر تماما لا يخلو من الفجاجة و القبح

و مساحات الجمال لا بد أن تغلف قليلا بالغموض لإعطاء الفرصة للمتلقي

لتصله الرسالة كما يريدها

باختصار

فالعري و الصراحة الكاملة في عرض الأفكار قبحٌ في رأيي

ليس فقط لأن ذلك ضد الفطرة

بل لأنه نوع من الحجر على الحريات

و فرض فكر محدد على المتلقي

و في رأيي هذا لا يختلف نهائيا عن أسلوب الوعظ المباشر

و الذي غالبا لا يلقى ترحيبا من المتلقي

و من هذا المنطلق أرفض الفن الصريح

و لا أعتبره فنا من الأساس

و رغم ذلك

فأصحاب هذه التصريحات

سواء كانوا فنانين حقا

أو أدعياء فن

هم مصريون

و لا يجب أن نتعامل مع تصريحاتهم بهكذا ردود أفعال

و يجب ألا ننسى أننا - و أنا أولكم - لا نتفوق عليهم في الوطنية

فمعظمنا مغتربون و لسنوات طويلة بعيدا عن الوطن و لا زلنا

و أيضا من منطلق الديمواقراطية

من حقهم الاحتجاج على مجلس شعب لا يروق لهم

تحياتي و احترامي

لكل المشاركين

تحياتي مدام عبير

الثلاثية اللي حضرتك قولتيها بالأحمر فوق لو نطبقها مثلا على الفنان المصري الكبير عادل إمام .. تقييمنا له يكون إزاي ؟

حضرتك بتقولي ممنوعات لكنها صارت هي الأصل في الأفلام و في الفيديو كليب .. و حتى طالت المسلسلات (الرمضانية) في أسوأ صور الفن

لا ننفي وجود فن جيد من البعض لكن كم منا يستطيع أن يغامر بمشاهدة هذا الفن مع أسرته

نقطة ثانية .. هو فيه حد أصلا اعترض على احتجاجهم على المجلس ؟؟

الخبر المنقول لنا .. تهديد في دلالته وليس عرض رأي .. يساومون المصريين بأنهم سيحرمونهم من فنهم ما لم يتراجعوا عن اختيارهم .. فهل دي طريقة في عرض الرأي أو نقاش نقبله ..

تحياتي للجميع

تم تعديل 3 ديسمبر 2011 بواسطة عادل أبو عمر

[عبير يونس]

أهلا أخي الفاضل

بدون تسميات لأشخاص

الكل يعرف من يقدم شيء و من هم المفلسين

كل ما في الأمر

أني استنكرت حكاية في ستين داهية بس

ما يقعدوا و الا يهاجروا همة أحرار

يعني انا مثلا عايزة اهاجر بشدة عشان مستقبل ولادي

و اعلنها أني مش حقدر أربيهم في مصر

أنا شايفة كده

و دي حياتي و دول ولادي

دي وجهة نظري وتفكيري

هل من حق حد يقول لي في ستين داهية ؟؟؟

و الا يشكك في حبي لبلدي

و الا يقول عليا اني خايفة من الاصلاح

و الا اني ضد الدين

كل واحد حر

اللي يقعد يقعد

واللي يهاجر يهاجر

فقط هذا كل ما في الأمر

تحياتي للجميع

[Abu Reem]

أني استنكرت حكاية في ستين داهية بس

ما يقعدوا و الا يهاجروا همة أحرار

يا مدام عبير ....انت ليه مش عاوز تشوفي الشيء المعوج وتتكلمي عنه وتريدي فقط الدفاع عن المنطق المعكوس

هل انا غيري نعترض على واحد عاوز يهاجر ام سيمنعه احد مثلا ان يهاجر لاي اسباب هو شايفها

انا اقول في ستين داهية له هو وامثاله ليس لانه يريد الهجرة هو او غيره ولكن اقولها له لانه لا يريد ان يهاجر اصلا ولكنه يقول ذلك لكي يشيع الفتنه بين المصريين ويستعدي الغرب علينا ويطلب منه التأييد والمساندة

وياريت اسبابه مقبولة....

بل يقول ذلك لانه يرى ان في نجاح التيارات والاحزاب الاسلامية في تولى مقاليد الامور في مصر سيمنعه من علانية شرب الخمر وعلانية ان ترتدي المرأة ملابس مثيرة او قصيرة في اي مكان

وغيره من الفنانين يرى الهجرة لان الاسلاميين سيمنعون القبلات والعرى في الافلام

ثم تجديهم يروجون ابشع الاكاذيب عن الاحزاب الاسلامية...ويساعدهم الاعلام الفاسد

هؤلاء لابد ان اقول لهم في ستين داهية واعلنها على الملأ كما أعلنوا هم عن فحشهم ونجاستهم على الملأ

اللي عاوز يهاجر يهاجر لكن لا يلوث الاخرين...ولا يشوه الاخرين لانهم قد يمنعوا مظاهر الفحش من ان تكون هكذا على العلن.....

ويستهزأ بهذا...ويدعي الاضطهاد.....هل سيمنعه احد النواب الاسلاميين من حق التعليم لاولاده ...هل سيمنعه احد من حق الرعاية الصحية...هل سيمنعه احد من التجارة...والمكسب

هو الذي اقحم الدين في الامر وليس الاسلاميين ، اذن فحقوقه مكفولة ...سواء مسيحي او مسلم..ولكن مظاهر الفحش والانحلال...لو منعت ستمنع على الجميع مسلم ومسيحي..لانها اشياء غير مقبولة في لا المسيحية ولا في الاسلام....

تم تعديل 3 ديسمبر 2011 بواسطة Abu Reem