كل ما يخص التعديل الوزاري الجديد

[se_ Elsyed]

لأ حكومة إنقاذ إنقاذ يعني

لأ واللي عاجبني إنها شباب .. كلهم تحت التلاتين بصراحة

[mezo]

الاسماء دى من مصراوى وكمان لسة جايبنها على اون تى فى

1- صلاح يوسف وزيرا للزراعة واستصلاح الاراضي - مستمر.

2- فايزة ابو النجا وزيرة للتعاون الدولي - مستمر.

... 3- حسن يونس وزيرا للكهرباء والطاقة - مستمر .

4- أسامة هيكل وزيرا للاعلام - مستمر.

... 5- جودة عبد الخالق وزيرا للتموين - مستمر .

6- ممتاز السعيد وزيرا للمالية - جديد.

7- هشام قنديل وزيرا للري - مستمر.

8 - محمد كامل عمرو وزيرا للخارجية - مستمر .

9- محمود عيسى وزيرا للصناعة - مستمر .

10 - محمد عبد الفضيل القوصي وزيرا للأوقاف - مستمر.

11 - محمد عبد القادر سالم وزيرا للاتصالات - مستمر.

12 - عبد الله غراب وزيرا للبترول - مستمر.

13- منير فهمي عبد عبد النور وزيراً للسياحة - مستمر .

14 - جمال العربي وزيرا للتربية والتعليم - جديد.

15 - حسين خالد وزيرا للتعليم العالي - جديد.

16 - محمد ابراهيم علي وزيرا للآثار - جديد .

17 - عادل العدوي وزيرا للصحة - جديد.

18 - شاكر عبد الحميد وزيرا للثقافة - جديد .

19 - عادل عبد الحميد وزيرا للعدل - جديد.

20 - نجوى خليل وزيرة للتأمينات - جديد .

21 - عبد الرحيم القناوي وزيراً للداخلية - جديد .

[se_ Elsyed]

استقبل الدكتور كمال الجنزورى رئيس الوزراء، الدكتور عبد المسيح سمعان عبد المسيح، أستاذ التربية والتوعية البيئية بجامعة عين شمس، والمرشح لتولى حقيبة وزارة البيئة.

واستقبل الجنزورى الدكتور سيد فؤاد البسطويسى المرشح لتولى حقيبة وزارة القوى العاملة والهجرة.

[se_ Elsyed]

- أسامة هيكل وزيرا للاعلام - مستمر.

حاسس إن الراجل ده هاينظف الإعلام بجد

وحاسس إن المجلس العسكري فعلاً فعلاً اعطى كل الصلاحيات لحكومة الجنزوري ...

بامارة إنه قال إن منصب وزير الإعلام موجود في دول الشيوعية والإشتراكية فقط

ولان أسامة هيكل مش وزير إعلام لكنه طرطور عسكري ومتنقى نقاوة لأنه 20 سنة شغال مندوب صحفي في وزارة الدفاع ... ففعلاً ما اعتبروش وزير وسابوه

اما عن الشباب فحدث ولا حرج ... الوزارة مليانة شببببببببببببببباب ثوري وعلى رأسهم شاب عنده 80 سنة وهو الشاب الروش تنين الجنزوري .. وحكومة إنقاذ حقيقية ..

مش ملاحظين إننا محتاجين مشوار لحد التحرير ؟

ولا نسيبهم 10 شهور ونشوف النتايج

[se_ Elsyed]

أه

الراجل بقى له فترة بيعترف إنه ما يعرفش معظم الوزراء الموجودين

طب سيادتك أبقيت ليه على العدد ده كله من الوزارة الفاشلة بتاعت شرف ؟

طبعاً عشان حد يقنعني بالصلاحيات الكاملة وإنه اختار كل ده على الفرازة بإرادة حرة وطنية واختيار حر منه ... يبقى هاقول له " ماما حلوه "

[se_ Elsyed]

بالمناسبة هو ليه وزارة البيئة دايماً مسيحيين ؟

قصدي يعني بينقوا وزارة مالهاش دور في المجتمع وعشان يسكتوا المسيحيين ويبقى شكلهم حلو - أنظر الكتاب صفحة سياسية مبارك بالمللي وبالسنتيمتر - فبيسكنوا فيها مسيحي من ساعة ما أستحدثوا الوزارة لمنى مكرم عبيد ثم الاخ ماجد جورج ثم الأخ سمعان ؟؟؟؟

[se_ Elsyed]

الراجل بصراحة اللي احترمته جداً لما طلع في أخر برنامج له بالوزارة .. وهو الشفيق أحمد فريق .... لما اعترف إنه خيال مآته رسمي من غير ما يتكسف وقال إن في وزارات ما يقدرش أي رئيس وزارة يقرب منها ... يعني دي بتاعت المجلس السمكري ...

من الاخر عشان ما نتعبش نفسنا ونضرب اخماس في أسداس ونقول صلاحيات وأصلاحيات وحكومة إنقاذ وخرابيط فاضية على رأي الخليجيين

[raouf]

الراجل بصراحة اللي احترمته جداً لما طلع في أخر برنامج له بالوزارة .. وهو الشفيق أحمد فريق .... لما اعترف إنه خيال مآته رسمي من غير ما يتكسف وقال إن في وزارات ما يقدرش أي رئيس وزارة يقرب منها ... يعني دي بتاعت المجلس السمكري ...

من الاخر عشان ما نتعبش نفسنا ونضرب اخماس في أسداس ونقول صلاحيات وأصلاحيات وحكومة إنقاذ وخرابيط فاضية على رأي الخليجيين

ما قلنا باه يا حج احمد

سيب ليهم يومين لحد نص شهر مارس

لحد انتهاء انتخابات الشعب والشورى

بعدها هتظهر النية الصادقة

فيه دولة ديموقراطية وجيش هايرجع مكانه بدون اى تدخل ولا لا

قبل كده مش هاينوبنا الا جدل ومظاهرات فى التحرير واخرى فى العباسية والاثنين خسارة فى خسارة فى هذا الوقت والارواح والاموال

نشرح تانى لينا حق وكل الناس مقتنعة

فيه حلين حل عافية وده المظاهرات والاصطدام المباشر بالمجلس وده نتيجته خسارة كل الاطراف ومنهم مصر

الحل التانى اللعب على اهادى وعدم اعطاءهم الفرصة لجرنا لما يريدون وده حل الصبر واتمام الانتخابات

الاصطدام قادم لا محالة ولكن لما ييجى بعد الانتخابات يبقى اسمه اصطدام شرعى وفيه شرعية مجلس منتخب من الشعب

حتى امريكا وغيرها مايقدروش يدعموا المجلس زى ما بيحصل وهاتبقى واضحة انه بيغتصب السلطة

اللى قبلنا قالوها

اصبر تنووووووووووووووووول

تم تعديل 2 ديسمبر 2011 بواسطة raouf

[se_ Elsyed]

ما قلنا باه يا حج احمد

سيب ليهم يومين لحد نص شهر مارس

لحد انتهاء انتخابات الشعب والشورى

بعدها هتظهر النية الصادقة

اصبر تنووووووووووووووووول

حاضر ... وبأستغل الفرصة دي وأطلب من أستاذ عادل يغير إسمي من سين سين إلى " صابر عبد الصبور المتصبر "

اه بالمناسبة ... لحد شهر مارس ..... ربنا يدينا طولة العُمر ... تفتكر هانبقى على الحديدة ولا هانبيع الحديدة ؟

أصل إمبارح وصل الإحتياطي النقدي إلى 20 مليار دولار ..... خسرنا 2 مليار تانيين في نوفمبر .... عجل إنتاج بقى وكدهوت وصباخ الخير يا مصر

[متعب]

زوج ابنة كمال الجنزورى وكيل حسين سالم رجل الأعمال الهارب

[raouf]

ما قلنا باه يا حج احمد

سيب ليهم يومين لحد نص شهر مارس

لحد انتهاء انتخابات الشعب والشورى

بعدها هتظهر النية الصادقة

اصبر تنووووووووووووووووول

حاضر ... وبأستغل الفرصة دي وأطلب من أستاذ عادل يغير إسمي من سين سين إلى " صابر عبد الصبور المتصبر "

اه بالمناسبة ... لحد شهر مارس ..... ربنا يدينا طولة العُمر ... تفتكر هانبقى على الحديدة ولا هانبيع الحديدة ؟

أصل إمبارح وصل الإحتياطي النقدي إلى 20 مليار دولار ..... خسرنا 2 مليار تانيين في نوفمبر .... عجل إنتاج بقى وكدهوت وصباخ الخير يا مصر

اللى هانخسره فى ال3 شهور دول مش هاييجى ولا حاجة جنب اللى خسرناه قبل كده

ولا قد اللى هانخسره لو عمت الفوضى وبدأ الصراع الان

نصب ناخد الشرعية رسمى الاول

[لماضة مصرية جدا]

بقاوح نفسي اني مخشش التوبيك دوت...علشان الضغط و السكر و الحول في حاجب عيني اليمين من القهر و الفرسة

بس قبل ما ارص الرصة

مش هرد غير باللي قاله علي سلامة

كد مصدر مسؤول

بأن الشمس ما طلعتش

وأن الضوء ده شقاوة

لمبة فقيرة نيون..

صفحة واحدة كفاية..

متكملش..

ما دام الباقى..

مجرد صورة بالكربون..

نفس الصوت..

والحالة..

ألف رسالة..

ومفيش ولا حرف اتغير

اللى اتغير..

بس التليفون..

حد بقي يحطلنا الايقونة بتاعت السخص اللي بيخبط راسه في الحيط...متهيالي هنحتاجها الفترة الجاية

لله الامر من قبل و من بعد

[ام سلمي]

تعليق علي التشكيل الوزاري الجديد

هيه جت يعنى على عصام شرف ماكان عينه برضه

تعليقات علي استمرار فايزة ابو النجا

- مادة (3) فى الدستور الجديد : فايزة أبو النجا وزيرة التعاون الدولى! وتلغى الوزارة فى حال وفاتها

- أنا حليت لغز فايزة أبو النجا .. محدش معاه مفتاح الوزارة غيرها و هي مش عايزة تسيبه لحد

- فايزة أبو النجا واخدة الوزارة حق انتفاع

[وطني حر]

كتب : فاطمة منصور (نقلا عن الاهرام )

للمرة الثالثة فى أقل من سنة يتم تغيير الحكومة منذ اندلاع الثورة مع بقاء بعض رموز الوزارات فى النظام السابق والتخلى عن البعض الآخر، وتعد فايزة أبوالنجا وزيرة التعاون الدولى من أبرز الوزراء الذين أبقى عليهم الدكتور كمال الجنزورى فى تشكيله لحكومة الإنقاذ الوطنى وكانت ضمن الوزراء التى اجتمع بهم صباح اليوم.

لذا يطرح السؤال نفسه ما السر وراء استمرارها رغم التغيير الوزارى المتكرر بناء على طلب الثوار وهل قدمت لمصر على مدار سنوات ترأسها للوزارة ما يستحق الإبقاء عليها؟ أم أنها بعيدة عما يحدث فى الشارع السياسى وليست طرفا فيه باعتبار شئون الوزارة تهتم بالعلاقات الخارجية مع الدول الغربية والعربية ؟ أم أن هناك سببا لا يعرفه الكثيرون ؟

فايزة أبوالنجا ولدت في مدينة بورسعيد في الثاني عشر من شهر نوفمبر عام 1951 وتولت وزارة التعاون الدولي في نوفمبر 2001 لتصبح أول سيدة يتم تعيينها في مثل هذا المنصب في مصر والعالم العربي.

شغلت فايزة أبوالنجا قبل انضمامها إلى مجلس الوزراء، في الفترة من 1999 حتى نهاية 2001 منصب مندوب مصر الدائم لدى الأمم المتحدة في جنيف وكافة المنظمات الدولية في المدينةالسويسرية.

كما شغلت منصب مندوب مصر الدائم لدى منظمةالتجارة العالمية، ومؤتمر نزع السلاح، وهكذا ومرة أخرى تصبح أول سيدة في مصر تشغل أي من هذه المناصب.

وقد لعبت أبوالنجا من خلال هذه المناصب دوراً مؤثرا عبر مشاركتها في العديد من المؤتمرات الدولية الهامة، والتي كان من أهمها المؤتمرات الوزارية لمنظمة التجارة العالمية في كل من سياتل 1999والدوحة 2001، ومؤتمر مراجعة معاهدة منع انتشار الأسلحة النووية في نيويورك 2000، ومؤتمر الأمم المتحدة العاشر للتجارة والتنمية في بانكوك 2000.

وخلال الفترة من 1997 حتى 1999، شغلت فايزة أبو النجا منصب نائب مساعد وزير الخارجية للعلاقات الأفريقية الثنائية، حيث لعبت دوراً بارزاً في تحسين علاقات التعاون بين مصر والدول الأفريقية.

واعترافاً بإسهاماتها العديدة لصالح إفريقيا، تم التنويه بها في كتاب الدكتور شارون فريمان "حوار مع قيادات نسائية أفريقية قوية : الإلهام، والدافع، والإستراتيجية" بإعتبارها واحدة من القيادات النسائية الأحد عشر الأكثر قوة في إفريقيا.

ونظراً لعلاقات العمل الممتدة مع الدكتور بطرس بطرس غالي، عندما كان وزيراً للدولة للشئون الخارجية، تم اختيار أبو النجا، بصفتها الدبلوماسية المصرية الوحيدة للعمل معه كمستشار خاص عندما تم انتخابه أمينا عاما للأمم المتحدة عام 1992.

وفي عام 1987، انضمت أبو النجا إلى فريق الدفاع المصري برئاسة السفير نبيل العربى في لجنة هيئة تحكيم طابا في جنيف، والتي أصدرت حكمها لصالح مصر بعد جلسات استماع قانونية ودبلوماسية طويلة وشاقة، مما أدى إلى استعادة مصر لشبه جزيرة سيناء بالكامل.

وقد بدأت أبو النجا مشوارها المهني بالانضمام إلى السلك الدبلوماسي عام 1975، وذلك عندما التحقت بالعمل في وزارة الخارجية المصرية.

وكانت أولى مهامها في الخارج هي عضوية البعثة الدائمة لمصر لدى الأمم المتحدة في نيويورك، حيث مثلت مصر في اللجنة الأولى للجمعية العامة للأمم المتحدة المعنية بنزع السلاح والأمن الدولي، وكذلك في اللجنة الثالثة المعنية بموضوعات الحقوق الاجتماعية وحقوق الإنسان.

انتخبت فايزة أبو النجا عام 2010 كعضو بمجلس الشعب عن مدينة بورسعيد، حيث فازت بأحد المقعدين المخصصين للنساء عن المحافظة.

فى الوقت الذى زادت فيه التساؤلات حول استمرار أبوالنجا يرى سياسيون أنها الأصلح لتولى المنصب.

السفير جمال بيومى مدير برنامج اتفاقية المشاركة الأوروبية يقول إن إبقاء الدكتور الجنزورى على فايزة أبوالنجا يعنى انه يفضل مصلحة مصر على المصالح الشخصية، ولا يعنى ذلك أنها من الفلول إذا كان من عينها هو الرئيس السابق حسنى مبارك لأنها من سلطاته المباشرة .

وأضاف أن السر وراء استمرار أبو النجا هو كفاءتها التى استطاعت من خلالها جنى العديد من المصالح التى انعكست على الاقتصاد بعد أن عينت مستشارين وانهت مشكلة تأخر المعونات الأجنبية.

كماأنها كشفت ما فعله بطرس غالى من تبديل الإتفاقيات والتحالفات الدولية بدون الرجوع لأى من المسئولين فضلا عن العديد من الشراكات التى افادت بها مصر على الصعيد الداخلى والخارجى.

الدكتور محمد حسين أستاذ العلوم السياسية بجامعه القاهرة يرى أن أبو النجا كانت موفقة وأعادت الخير الكثير على مصر فى مجال التعاون الدولى إضافة إلى أنها الأكفأ على الإطلاق على مدار السنوات الماضية ولها خبرات موفقة تستحق الاحترام من خلال متابعتها للملفات الدولي.

وقال إن أبوالنجا ليس لها علاقة بالملفات الداخلية فهى تتصرف كسفيرة للشئون الخارجية وليست فلولا كما يدعى البعض لأن من أفسد الحياة السياسية استحق العقاب

تم تعديل 3 ديسمبر 2011 بواسطة وطني حر

[se_ Elsyed]

عرفتوا ليه مجلس الأنس رافض حتى الان قانون العزل السياسي ؟

لان واحده زي الست فايزة إتزورت لها الإنتخابات في فضيحة 2010 ومع ذلك بمنتهى البجاحة مكملة معانا عادي جداً

[ام سلمي]

طب لازمتها ايه حكومة الانقاذ الوطني اما رئيس الوزرا ما يقدرش يختار اللي هو عايزه

الجنزوري يطلب إستبدال هيكل بوزير آخر للإعلام.. والعسكري يرفض

December 3rd, 2011 1:58 pm

اعلن رئيس الوزراء المكلف بتشكيل حكومة الإنقاذ الوطني كمال الجنزوري أن هناك إعادة نظر في بعض المرشحين لتولي الحقائب الوزارية والذين قام بمقابلتهم أمس الجمعة مضيفا في تصريحاته عند مغادرة مقر وزارة التخطيط قبل لحظات أنه سيتم دراسة باقي الأسماء وبعدها سيتم إختيار الوزراء.

وقد غادر مقر الوزارة في احتمالات لتوجه للمجلس العسكري.

وكان الجنزوري قد وصل اليوم لمقر وزارة التخطيط حيث كان من المقرر ان يتم الإختيار النهائي للوزراء اليوم وسيتم حلف اليمين الدستوري بعد ذلك أو في صباح غد الأحد.

يذكر ان الجنزوري قد أبقى على 11 وزير من حكومة الدكتور عصام شرف في مشاوراته أمس.

وقد طلب الجنزوري تغيير وزير الإعلام وتعيين وزير آخر غير أسامة هيكل ولكن المجلس العسكري رفض ذلك.

جريدة التحرير

تم تعديل 3 ديسمبر 2011 بواسطة ام سلمي

[وطني حر]

هذا ما فعله الاسلاميون في مجلس الشعب .

الرباط الخاص بي

 http://www.youtube.com/watch?feature=player_embedded&v=Nu6ZXrpNIgU  

عوده لفائره

لا تغيير يذكر في حكومة الجنزوري و الإبقاء على معظم الوزراء من الحكومات السابقة...

وزيرة التعاون الدولي في حكومة الدكتور عاطف عبيد 2001

وزيرة التعاون الدولي في حكومة الدكتور أحمد نظيف 2004

وزيرة التعاون الدولي في حكومة الفريق أحمد شفيق 2011

وزيرة التعاون الدولي في حكومة الدكتور عصام شرف 2011

وزيرة التعاون الدولي في حكومة الدكتور كمال الجنزوري !!!!!!!!!!!!!!

حدث في مثل هذا اليوم العام الماضي

فايزة أبو النجا -

"الحزب الوطني في الانتخابات دي طور نفسه بشكل إيجابي جدا، أولها إنه أحسن ودقق اختيار مرشحيه وده

كان واضح جدا وكان في رأيي أكبر سبب في النتيجة اللي حققها الحزب في انتخابات مجلس الشعب 2010"

من تصريحات فايزة أبو النجا - وزيرة التعاون الدولي من عصر حكومة الدكتور عاطف عبيد!!

برنامج البيت بيتك مع خيري رمضان - 2 ديسمبر 2010

تم تعديل 3 ديسمبر 2011 بواسطة وطني حر

[mezo]

امبارح على قناة مودرن حرية معتز مطر كلم واحد على التليفون شغال مع الجنزورى وقال ان الجنزورى مقابلش اى حد امبارح وانه مشى من وزارة التخطيط ووشه على علامات الاسى وواضح انه مضغوط عليه لاختيار اسماء بعينها وطول مالمجلس العسكرى ماشى بنفس الاسلوب ده مع كل رئيس وزراء يجى يبقى عمرها ماهتنفع

[se_ Elsyed]

ليه وهو في عاقل بيصدق كلام المجلس السمكري اللي فلقين دماغنا به وبيقولوا إن هناك صلاحية كاملة للجنزوري في إختيار الوزراء ؟

يعني حد يجرؤ إنه يقول إن الجنزوري إختار الأبقاء على أسامه هيكل وفايزة أبو النجا والراجل بتاع الإنتاج الحربي .. كل ده من نفسه وعن إقتناع ؟

[raouf]

اعتقد والله اعلم ان سبب بقاء فايزة ابو النجا حاجة من اثنين

اما ان ليها علاقات بدول اخرى وبالتالى وجودها بيسهل تهريب اموال شلة الحرامية وتظبيهم

او

انها بتصبغ شعرها اصفر

احة قرف مصر عدمت من الكفاءات الا هؤلاء العملاء

معلش الصبر طيب وهانت