كل ما يخص التعديل الوزاري الجديد

[ام سلمي]

خبر حلو بس يا رب ما يطلعش حد ينفيه

الجنزوري: تغيير وزير الإعلام أسامة هيكل

في رده على سؤال لمندوبي مجلس الوزراء، حول استمرار أسامة هيكل، وزير الإعلام، بعد المطالبات بإقالته، أشار الدكتور كمال الجنزوري، رئيس الوزراء المكلف، بيديه معبرا عن علامة "لا".

بوابة الأهرام

تم تعديل 4 ديسمبر 2011 بواسطة ام سلمي

[ام سلمي]

هيكل يغادر وزارة الإعلام ويجمع متعلقاته

غادر أسامة هيكل وزير الإعلام في الحكومة المستقيلة، مكتبه صباح اليوم، بعد جمع متعلقاته وتسليم السيارة الخاصة بالوزارة.

وكان الدكتور كمال الجنزورى رئيس الوزراء المكلف بتشكيل الحكومة الجديدة قد قال فى تصريحات للصحفيين أمس: إنه سيتم تغيير أسامة هيكل وزير الإعلام فى حكومة الدكتور شرف.

لكن الجنزورى لم يفصح حتى الآن عن الشخصية التى ستتولى تلك الحقيبة.

كان الجنزورى قد أعلن أنه انتهى من تشكيل الحكومة، ولم يتبق سوى حقيبة الداخلية.

اقرأ المقال الأصلي علي بوابة الوفد الاليكترونية الوفد - هيكل يغادر وزارة الإعلام ويجمع متعلقاته

[se_ Elsyed]

خايف أبوظ فرحتك يا ام سلمى

أصل هناك كلام شبة مؤكد عن تولي اللوا أحمد انيس لوزارة الإعلام

أحمد أنيس حضرتك هو رئيس مجلس إدارة شركة نايل سات ... وقبلها قعد فترة كبيرة مدير امن مبنى الأذاعة والتليفزيون وطبعاً عارفين إنه لوا شرطة

وبما ان كله عند العرب صابون .. فعادي إنك تلاقي لوا شرطة وزير إعلام وكدهوت

--------------

وصرح منذ قليل كيمو الجنزوري أنه لن يتم الإعلان عن إسم وزير الداخلية الا وهو بيحلف اليمين وذلك لأسباب امنية

مش عارف إيه هي الأسباب دي ؟ على أساس خايفين عليه يعني من الحسد ولا إيه

[pink rose]

هاسأل سؤال و تعالوا على نفسكم معلش و استحملوني فيه

هو احنا ايه اهم وزارات بالنسبالنا في الفترة الانتقالية دي من هنا لحد شهر 6؟؟؟؟؟

في رأيي و صححولي لو انا غلطانة

اهم وزارات هما الداخلية و التموين باين و لا مش عارفة اسمها ايه و الخارجية

الداخلية عشان نفسنا يبقى عندنا شرطة محترمة ترجع الامن تاني و تتعامل مع المواطن بطريقة اكثرا رقيا و تحافظ على الامن الداخلي و دا هاينعكس بقى على الاستثمار و الاقتصاد و السياحة

وزارة التموين دي عشان تظبط الاسعار بدل ما الدنيا مولعة كده

و الخارجية عشان العلاقات مع الدول

انما بقى صحة و لا تعليم و لا اعلام ولا زراعة حتى كل دا مش محتاجين اكتر من حد يمشي الدنيا كده لحد ما يجي رئيس و مؤسسات بخطط و برامج عشان تتبني البلد من اول و جديد

[se_ Elsyed]

مؤتمر صحفي هام للجنزوري الأن

[se_ Elsyed]

أسف على الخبر

المؤتمر طلع عبيط ومافيهوش حاجه جديدة ولا إسم وزير حتى وكيمو كان بيتكلم فيه عن المجهود المُضني اللي بذله في إختيار الوزراء

ويمكن أهم نقطة قالها فقط هي إختيارة لحوالي 7 شباب عشان يكونوا مساعدين للوزراء اللي اختارهم

[وطني حر]

للاسف كنت اتوقع يحدد برنامج الوزاره الجديده . بدل ما يتكلم عن تفاصيل تثبيت الوظائف المؤقتـه . .

ما هو السر في عدم اعلان من هو وزير الداخليـه .

اتوقع يكون من الجيش ؟؟!!! او يتولاها مجلس اداره

[se_ Elsyed]

إحنا فعلاً محتاجين ثورة بجد

ثورة على اي عقل متخلف

ثورة على اي حد لسه بيفكر وهو لابس طربوش وماسك منشه

يعني كلنا شوفنا الأخ عبد المعز وهو بيعلن بمنتهى المسخرة نتيجة الجولى الأولى وبكلف صلف وغباء يقول للناس روحوا خدوا الورقة مطبوعة وهاتلاقوا فيها النتيجة

والنهاردة الجنزوري بيكرر نفس غباء لا مؤخذه الطرابيش ولما سألوه طب فين أسامي الوزراء ؟؟؟؟

يروح رادد وقايل هاتعرفوهم من التليفزيون أو وهما بيحلفوا اليمين

طب يا إبن الــــــــــــــ اومال عامل مؤتمر صحفي ليه ؟

ولما سألوة إمتى الحكومة هاتحلف اليمين ؟

يقول اتمنى تبقى بكرة ولو ما بقتش بكره يبقى بعده

بالله عليكم دي حكومة إنقاذ ودي عقليات إنقاذ ؟

[mamdowh]

يا ترى إيه آخر أخبار حكومة الجندوفلى وفين الصلاحيات اللى قال عليها, انا متهيألى ان الصلاحيات هاتكون ان من حق الحكومة الاستقاله وقت ما تعوز دون الرجوع للمجلس الكفتجى, ووزارة الداخلية انا متهيألى انه هايمسكها مخبر سرى علشان كده مش عايزن يقولوا اسمه عشان زمايله ما يزعلوش

[mamdowh]

اليكم وزير الداخلية الجديد

[se_ Elsyed]

كوكتيل الفخفخينا الجديد

حسن يونس : وزيرا للكهرباء

فايزة ابو النجا: وزيرة التخطيط والتعاون الدولي

جودة عبد الخالق : وزيرا للتموين والتجارة الداخلية

منير فخري عبد النور: وزيرا السياحة

عبدا لله غراب : وزيرا بترول

عبد الفتاح القوصي : وزيرا الاوقاف

علي صبري رضا: وزيرا للإنتاج الحربي

عبد القادر سالم: وزيرا للاتصالات

الدكتور هشام قنديل: وزيرا للري

محمد فتحي البرادعي: وزيرا للإسكان

محمد كامل عمرو : وزيرا للخارجية

جمال محمد العربي: وزيرا للتربية والتعليم

فتحي فكري : وزيرا القوي عاملة

شاكر عبد الحميد: وزيرا للثقافة

ممتار السعيد: وزيرا للمالية

حسين مصطفي موسي: وزيرا للتعليم العالي

سعد نصار: وزيرا للزراعة

محمد ابراهيم علي: وزيرا الإثار

نجوي خليل : وزيرة للتامينات والشئون الاجتماعية

اللواء احمد انيس: وزيرا للإعلام

حسين مسعود : وزيرا للطيران

المستشار عادل عبد الحميد: وزيرا للعدل

نادية زخاري : وزيرة للبحث العلمي

مصطفي حسين كامل : وزيرا للبيئة

اشرف الشرقاوي : وزيرا للاستثمار

محمود عيسي : وزيرا للصناعة والتجارة الخارجية

جلال مصطفي سعد : وزيرا للنقل

فؤاد النواوي: وزيرا للصحة

الحُمر دول هما الجداد

[se_ Elsyed]

يعني إيه كوك زيرو ؟

يعني وزير الإعلام يبقى ظابط شرطة ...

ووزير الطيران يبقى مدني

يعني وزير الداخلية يخبوه .. لأسباب أمنية وخوفاً عليه من الفتنة

[ام سلمي]

هانت حنعرف علي العصر ان شاء الله مين وزير الداخلية ، ربنا يستر

حكومة "الجنزورى" تؤدى اليمين القانونية أمام "المشير" عصر اليوم

[افندينا]

قرر الدكتور كمال الجنزوري رئيس مجلس الوزراء في حكومة الانقاذ تكليف اللواء محمد إبراهيم مدير أمن الجيزة الأسبق بحقيبة وزير الداخلية.

وكان الجنزوري قد رفض طوال الأيام الماضية الإفصاح عن اسم المكلف بحقيبة الداخلية ودارت تكهنات عديدة حول اسماء المرشحين مؤكدا أنه لن يعلن عن الاسم إلا قبل حلف اليمين الدستورية مباشرة

[Alattar]

رصد | صحافة - التحرير | اللواء محمد إبراهيم قائد مذبحة اللائجين السودانيين في ميدان مصطفى محمود وزيرا للداخلية #RNN

قرر الدكتور كمال الجنزوري رئيس مجلس الوزراء في حكومة الانقاذ تكليف اللواء محمد إبراهيم مدير أمن الجيزة الأسبق بحقيبة وزير الداخلية.

وكان الجنزوري قد رفض طوال الأيام الماضية الإفصاح عن اسم المكلف بحقيبة الداخلية ودارت تكهنات عديدة حول اسماء المرشحين مؤكدا أنه لن يعلن عن الاسم إلا قبل حلف اليمين الدستورية مباشرة

[طبيبة بالخارج]

عاجل من النيل للأخبار:

المجلس العسكري يفوض الجنزوري مباشرة الاختصاصات المخولة لرئيس الجمهورية ما عدا ما يخص الجيش و القضاء

[ابراهيم عبد العزيز]

رصد | صحافة - التحرير | اللواء محمد إبراهيم قائد مذبحة اللائجين السودانيين في ميدان مصطفى محمود وزيرا للداخلية #RNN

قرر الدكتور كمال الجنزوري رئيس مجلس الوزراء في حكومة الانقاذ تكليف اللواء محمد إبراهيم مدير أمن الجيزة الأسبق بحقيبة وزير الداخلية.

وكان الجنزوري قد رفض طوال الأيام الماضية الإفصاح عن اسم المكلف بحقيبة الداخلية ودارت تكهنات عديدة حول اسماء المرشحين مؤكدا أنه لن يعلن عن الاسم إلا قبل حلف اليمين الدستورية مباشرة

لو كان هذا الترشيح صحيحا , وكان هذا الرجل بالفعل هو قائد المذبحة الكبيرة التي حدثت للاجئين السودانين في شارع جامعة الدول العربية منذ سنوات , فهو إختيار خاطىء ولا يليق بمرحلة ما بعد الثورة , فمن إستسهل سفك دماء لاجئين لن يكون غيرهم أكرم وأغلى عنده

هناك إصرار أن لا تخرج حقيبة وزارة الداخلية عن أشخاص ذوي صفات معينة , وهناك إصرار أكبر على إبعاد هذه الوزارة عن المنتمين للثورة وعن المدنين , والإصرار في الحالتين يثير الظنون تجاه نوايا المستقبل

عاجل من النيل للأخبار:

المجلس العسكري يفوض الجنزوري مباشرة الاختصاصات المخولة لرئيس الجمهورية ما عدا ما يخص الجيش و القضاء

كنت أتمنى ان يكون هذا التفويض بصلاحيات رئيس الجمهورية لرئيس وزراء منتمي للثورة وشارك فيها, كان الوضع سيختلف كثيرا .

تم تعديل 7 ديسمبر 2011 بواسطة ابراهيم عبد العزيز

[Alattar]

الحكومة كانت بتحلف يمين تلاتة من شوية..

الناس كانت بتتريق علي الجنزوري .. وبتقول اننا رجعنا لأيام ويندوز 95..روحوا شوفوا منظر الوزراء دلوقتي عامل ازاي

ولو حد عاوز كورس دوس و فورتران أنا تحت امره..

[se_ Elsyed]

طالما بدأت بكذب بين ... يبقى عليه العوض

الجنزوري كذب لما صدعنا بإن الحكومة ستضم على الاقل 3 شباب .... و3 سيدات .... وفي الأخر طلع بخخخخخخخ

وتكم عن وزارة لمصابي الثورة . وطلعت بخخخخخخخخخخ

وتحدث عن إلغاء وزارة الإعلام لأن وزارات الإعلام موجودة في الدول الإشتراكية والشيوعية فقط ... ومع ذلك جاب لنا لواء شرطة لوزارة الإعلام

وعملوا فيلم أمير الإنتقام والسرية والكتمان والحيطة والحذر لإعلان وزير الداخلية .. وفي الأخر جاب لنا واحد على المعاش زي العيسوي .. ومشهور بدمويتة

وسلم لي على حكومة الثورة اللي بتفكرني بحكومة نوبار باشا اللي كلهم فوقت التسعين

[mahmoh]

ليه وهو في عاقل بيصدق كلام المجلس السمكري اللي فلقين دماغنا به وبيقولوا إن هناك صلاحية كاملة للجنزوري في إختيار الوزراء ؟

يعني حد يجرؤ إنه يقول إن الجنزوري إختار الأبقاء على أسامه هيكل وفايزة أبو النجا والراجل بتاع الإنتاج الحربي .. كل ده من نفسه وعن إقتناع ؟

حضرتك مش واخد بالك

الاصلاحية دى فى اختيار الوزراء اللى المجلس محددها

مش برا المجلس