هل ممكن يصطدم المجلس العسكرى بالاسلاميين ؟

[raouf]

بعد ما تم تسريبه او اعلانه عن نتائج المرحلة الاولى امامنا سيناريوهين

اولا ماحدث فى 2005 بعدما فاز الاخوان بالمرحلة الاولى وبعدها تم تغيير تام فى مرئيات وطريقة الحكومة فى ادارة الانتخابات فى المرحلة الثانية والثالثة حتى انه لم يفز اى من الاخوان بها وطبعا تم تزويرها بالكامل للحزب الوطنى اللى اتعلم الدرس ولم يعطى اى فرصة وبطريقة غبية لفوز اى معارض فى 2010

او تستمر الانتخابات فى المرحلتين المقبلتين كما فى المرحلة الاولى بنزاهة وساعتها اتوقع ان الاخوان يفوزوا ب40% والنور ب30% وكده يبقى الاسلاميين اغلبية كبيرة جدا

ده اولا

طيب لو سلمنا ان المجلس اكمل الانتخابات بنزاهة

هل يجرؤ فى فترات ما بعد مجلس الشعب على تحدى الاخوان والسلفيين بعد ما رؤه من تاييد كامل للشعب وشعبية جارفة وقدرة رهيبة على الحشد الجماهيرى فى اى وقت وفى اى مكان ؟

علشان كده ارجو الجميع ان ينسى مرجلة الانتخابات سريعا بعد انتهاءها طبعا والالتفاف حول من اختاره الشعب حتى يعرف المجلس العسكرى او غيره كل الشعب يد واحدة

ويكون مجلس الشعب فعلا هو من يمثلنا

قولا وفعلا

اتمنى رايكم فى الاجابة على السؤال ما توقعك هل يجرؤ الجيش على تحدى الاسلاميين بعد اكتساحهم فى الانتخابات والتى اظهرت مدى ما يتمتعوا به من تاييد ؟

[الدكتور ياسر]

الوضع الآن مختلف يا أستاذ رءوف .

في عهد مبارك كان الإخوان المسلمون يسمون بالجماعة المحظورة . ولو تذكر كل ما يحصل قلق في البلد

يقوم أمن الدولة بالقبض على قيادات الإخوان وإيداعهم السجون بتهم جزافية .

لم يكن وقتها يجرؤ أحد على التفكير في مظاهرة في التحرير و لا حتى أمام باب الجامعة فكل ذلك كان محظورا ومن يفعل ذلك قد يذهب

وراء الشمس بلا رجعة .

ومع كل ذلك حقق الإخوان انتصارا في المرحلة الأولى من انتخابات 2005

أما الآن فالشعب ثائر وأعلن بوضوح رغبته في ترشيح التيار الإسلامي ولم يعد الخوف موجودا وأي تلاعب ضد إرادته

سيقود الشعب حتما إلى ميدان التحرير مرة أخرى وهذا ما لا يريده المجلس العسكري.

أعتقد أن المجلس العسكري لن يتدخل في نزاهة الانتخابات ولكنه سيحاول قدر جهده أن يجعل مجلس الشعب القادم ذو صلاحيات ضيقة.

وهذا هو التحدى القادم للاسلاميين .

تم تعديل 1 ديسمبر 2011 بواسطة الدكتور ياسر

[raouf]

الوضع الآن مختلف يا أستاذ رءوف .

في عهد مبارك كان الإخوان المسلمون يسمون بالجماعة المحظورة . ولو تذكر كل ما يحصل قلق في البلد

يقوم أمن الدولة بالقبض على قيادات الإخوان وإيداعهم السجون بتهم جزافية .

لم بكن وقتها يجرؤ أحد على التفكير في مظاهرة في التحرير و لا حتى أمام باب الجامعة فكل ذلك كان محظورا ومن يفعل ذلك قد يذهب

وراء الشمس بلا رجعة .

ومع كل ذلك حقق الإخوان انتصارا في المرحلة الأولى من انتخابات 2005

أما الآن فالشعب ثائر وأعلن بوضوح رغبته في ترشيح التيار الإسلامي ولم يعد الخوف موجودا وأي تلاعب ضد إرادته

سيقود الشعب حتما إلى ميدان التحرير مرة أخرى وهذا ما لا يريده المجلس العسكري.

أعتقد أن المجلس العسكري لن يتدخل في نزاهة الانتخابات ولكنه سيحاول قدر جهده أن يجعل مجلس الشعب القادم ذو صلاحيات ضيقة.

وهذا هو التحدى القادم للاسلاميين .

ما ده بالظبط اللى عايز اناقشه

ما ايام مبارك برضه كانوا عارفين ان الاخوان اقوى من الوطنى وعارفين شعبيتهم ولكن تجرؤا على تدليس ارادة الشعب بكل صفاقة

لا انا سؤالى الان كسر الشعب حاجز الخوف اللى كان موجود

هل بعد كسر حاجز الخوف ده واختلف راى الاغلبية فى مجلس الشعب مع المجلس العسكرى ولتفرض فى الدستور او فى اعضاء اللجنة اللى هاتكتبه واللى هايخترها وينتخبها اعضاء مجلس الشعب اللى معظمهم اسلاميين ماذا تتوقع ؟

هل سيجرؤ المجلس على التحدى ام سينسحب تماما ام يفرض رايه على طريقة الجيش التركى كمثال ؟

[الدكتور ياسر]

هل بعد كسر حاجز الخوف ده واختلف راى الاغلبية فى مجلس الشعب مع المجلس العسكرى ولتفرض فى الدستور او فى اعضاء اللجنة اللى هاتكتبه واللى هايخترها وينتخبها اعضاء مجلس الشعب اللى معظمهم اسلاميين ماذا تتوقع ؟

هل سيجرؤ المجلس على التحدى ام سينسحب تماما ام يفرض رايه على طريقة الجيش التركى كمثال ؟

تلك هى المعركة الحقيقية القادمة بلا شك .

معركة الدستور و اللجنة المؤسسة له .

و أعتقد أن التيارات الإسلامية تعى ذلك جيدا بلا شك ولكنها تؤمن بمبدأ التدرج وعدم القفز فوق الأحداث .

فالبرلمان سيصير هو الممثل الشرعي الآن للشعب الذي يجب أن يتصدى و بمنتهى القوة لأى محاولة من المجلس العسكري للحد من سلطاته.

و لا أعتقد أن المجلس العسكري سينسحب من الصورة و لكنها ستكون معركة سياسية أكثر تكافؤا من الوضع الحالى الذى لا يجد فيه

من يتحدث معه سوى قوى متناحرة أو شباب ثائر هنا و هناك .

[eslam elmasre]

انا اعتقد ان الصدام لن يكون بين الاسلاميين والعسكر ولكن بين الاسلاميين والقوى الثورية الرافضة والغير متفرغة للانتخابات وافرازاتها

المجلس للاسف سيكون مجلس بلا انياب او يمكن من غير اسنان خالص اهتم يعني لان المجلس لو قال احنا عايزين فلان وفلان و الثورة اللي لسه في الميدان لو قالت لا كلامها هي اللي هايمشي ويتحول الصراع بين الشرعية المسروقة وبين الشرعية الحقيقية وهي الشرعية الثورية ويفضل المجلس يتفرج عليهم

لاسف المجلس استطاع ان يجنب فصيل له ثقله من الميدان بعد ان رمى له مجلس بلا انياب

هذا رأيي وممكن اكون مخطيء

[الباشمهندس ياسر]

الاصطدام قادم لا محالة

بس المجلس حب يحفر نقرة و هيقع فيها و هتبقي فرجة يا معلمين

[ابو محمود]

الاصطدام قادم لا محالة

بس المجلس حب يحفر نقرة و هيقع فيها و هتبقي فرجة يا معلمين

قصدك النقرة اللي كان محضرها للأخوان يوم او مساء يوم 18 نوفمبر

[raouf]

انا اعتقد ان الصدام لن يكون بين الاسلاميين والعسكر ولكن بين الاسلاميين والقوى الثورية الرافضة والغير متفرغة للانتخابات وافرازاتها

المجلس للاسف سيكون مجلس بلا انياب او يمكن من غير اسنان خالص اهتم يعني لان المجلس لو قال احنا عايزين فلان وفلان و الثورة اللي لسه في الميدان لو قالت لا كلامها هي اللي هايمشي ويتحول الصراع بين الشرعية المسروقة وبين الشرعية الحقيقية وهي الشرعية الثورية ويفضل المجلس يتفرج عليهم

لاسف المجلس استطاع ان يجنب فصيل له ثقله من الميدان بعد ان رمى له مجلس بلا انياب

هذا رأيي وممكن اكون مخطيء

يا اسلام اتوقع والله اعلم ان اول صدامين هايكونوا بسبب اللجنة اللى هاتكتب الدستور

وصلاحيات مجلس الشعب فى الدستور ايضا

الاخوان مش ناس خونة يا اسلام وبيلعبوا لمصلحتهم بس زى ما نا كثير بتفتى وتقول

الاخوان لو همهم الكراسى زى ما الناس بتقول كانوا نزلوا تحت جناح حسنى مبارك من زمان زى باقى الاحزاب وحدوا عدد المقاعد اللى عايزيتها

لو بس بصيت للتاريخ بنظرة موضوعية متجردة من اى افكار سابقة هتلاقى ان اكثر السياسيين المووجودين حكمة وذكاء هم الاخوان وعارفين يلاعبوا المجلس العسكرى حلو جدا وكانوا عارفين يلاعبوا مبارك بامتياز

عارفين امتى يهجموا وامتى يمتصوا الغضي ولا يقعوا فى فخهم

واجب اى مصرى وطنى الان التخلى عن افكاره ودعم مرشحين الشعب اللى اختارهم الشعب

لان دول السبيل الوحيد للحرية الكاملة والتخلص من حكم العسكر اللى كلنا بنتمناه سواء ليبرالى او اسلامى او اى تيار اخر الا الفلول طبعا

[engmido]

لا يا ياسر ما تقولشى كده ..ان شاء الله مكملين قدما نحو الاستقرار والانتخابات بداية فقط

اما عن مناوشات كل من صدم من تفوق واكتساح الاخوان فكل واحد يعرف شغله دى ارادة شعبية ياريس مش كفتة

[Yasser_71]

أولا مصر دولة رئاسية حتي الان وهو ما يعني أن رئيس الجمهورية هو من يختار رئيس الحكومة وليس البرلمان

لذلك البرلمان لن يشكل الحكومة اذا ما بقي الدستور علي ماهو عليه

ولكن

للبرلمان الحق في سحب الثقة من الحكومة اذا وافق ثلثا أعضاء المجلس وهي نسبة ممكنة للاخوان( لست متأكدا تماما من هذه النسبة)اذا تحالفوا مع قوة أخري قد تكون السلفيين

لذلك سيكون هناك شد وجذب وصفقات مستمرة ولكن لا أتوقع الوصول لدرجة الصدام

[التونسى]

لو فيه صفقة ما .. طبعا مش حيحصل صدام .. الا اذا أخل احد الطرفين بشروط الصفقه .. ساعتها حيكون فيه صدام .. غير كده اعتقد ان المجلس العسكرى موقفه حيكون اضعف .. لانه حيبقى بين فكى رحى الثوريين المرابضين فى التحرير .. والاسلاميين المدعمين بالشرعيه الشعبيه

هذا ظنى .. وان بعض الظن إثم

[moamana]

المجلس مش هيكون طرف فى اللعبة القادمة اللى هى الدستور المجلس هيقعد يتفرج على اللى هيزقهم فى الملعب يلعبوا قصاد بعض عشان يساند هو فصيل و يحكم لصالحه

المجلس عمل زى اللعبة بتاعة السادات زاقق الاسلاميين على الليبرالين

و فى وضع الدستور الدنيا هتولع و هيزق الليبراليين على الاسلاميين

و كده يبقى عندك مجلس شعب اسلامى و قوانين مدنية و ده الاقرب الى نفس الشعب المصرى لانى معتقدش فعلا الشعب المصرى هيرضى حد يجيبله هيئه امر بالمعروف فى مصر

اللعبة الكبيرة و الخطيرة مش الدستور لانه فى الاول و الاخر ديه قوانين عقبال ما الناس تفهمها و تعرفها ابقى قابلنى

اللعبة الكبرى هى انتخابات الرئاسة ديه بقى اللى هتبقى فيلم كبير

المجلس مش هيرضى بحد يحاسبه و اعتقد انه هيميل لحد من طرفه او عمرو موسى

المعونات الخارجية الاسلامية هتصب فى صالح التيار الاسلامى فقطر و السعودية لن ترضى ابدا بحاكم ليبرالى ديموقراطى يقوى مركز مصر تانى فى المنطقة عايزين حكم اسلامى اقرب لطريقتهم عشان لا تحدث قلاقل فى بلادهم على الاقل ده بعيدا عن مصر المنهوبة منهم و من رجال اعمالهم

التيار الاسلامى لن يتنازل عن مرشح ضعيف يتحكم فيه و ذلك سبب ابتعاده عن ابو الفتوح و ان كان ممكن يرجع يسانده فى اى لحظة لو احس ان مصلحته معاه

الليلة بقى اللى هيحددها هى لو الغرب القى باموال فى مصر هو الاخر يناصر بها الليبراليين حتى تعدل الكفة

لان بكل بساطة لو هذا لم يحدث و حدث ان كسب التيار الاسلامى الانتخاات الرئاسية

ابشروا ان مصر ستكون سودان اخرى بعد بضعة سنين لان اللعبة ستكون بين التيار الاسلامى و اليهود

الذين يسعون جاهدين لتقسيم مصر و تبقى جاتلهم على طبق من دهب

[م تيمور المراغي]

رؤوف انت محسسني ان جيفارا دخل البرلمان وحيواجه المجلس الخائن :happy:

مكتب الارشاد المسن عمره ماكان ثوري

و السلفيين بيفكروني بشخصية اوبلكس الرجل الضخم متوسط الذكاء الذي يطيع صديقه استريكس القصير المكير طاعة عمياء بدون ادنى تفكير

واذا كان هناك امل فهو في شباب الصف الثاني من الاخوان المسلمين انهم يثبتوا رجولتهم و كرامتهم امام العسكر المتواطئ

و ده كاريكاتير رسمه صديقي محمود عبده بيوضح الصورة كاملة !

[raouf]

رؤوف انت محسسني ان جيفارا دخل البرلمان وحيواجه المجلس الخائن :happy:

مكتب الارشاد المسن عمره ماكان ثوري

و السلفيين بيفكروني بشخصية اوبلكس الرجل الضخم متوسط الذكاء الذي يطيع صديقه استريكس القصير المكير طاعة عمياء بدون ادنى تفكير

واذا كان هناك امل فهو في شباب الصف الثاني من الاخوان المسلمين انهم يثبتوا رجولتهم و كرامتهم امام العسكر المتواطئ

و ده كاريكاتير رسمه صديقي محمود عبده بيوضح الصورة كاملة !

اختلف معاك يا تيمور والايام هاتثبت

الفرق الوحيد بين الثوار وكبار جماعة الاخوان ان الثوار متسرعين شوية ومش بيسايسوا واخدينها عافية

جزب الحرية والعدالة بيسايس صح وبيلعبوا على نار هادية وبيعملوا الخطوة بعد تفكير وحسابات

انت لو فاكر ايام الثورة كان الاقتراح بيطلع يتنفز على طول زى ياللا نطلع على محلس الوزراء لاء نروح مجلس الشعب

يا صديقى التروى والتفكير ثم التروى والتفكير

عارف ايه اللى حصل بعد تسرع الثوار وركوب دماغهم ؟

شوف حزب الثورة مستمرة وباقى الاحزاب اللى تمثلهم خدوا كام صوت من شعب مصر ؟

ازاى اسماء محفوظ تخسر ؟ لحد الان انا نفسى مش مصدق

ازاى جورج اسحق يخسر ؟

المجلس لعبها صح وضخك عليكم بالسياسة مش بالعافية والقرارات الفورية

انسى مجتمع الانترنت وتعال معايا الشارع واسال على سمعة 6 ابريل او شباب الثورة وانت هاتعرف

عرف ده نتيجة ايه ؟ نتيجة التسرع والتهور وعدم الخبرة السياسية وعدم تفويت الافخاخ اللى وقعكوا فيها المجلس

شخصيا اعترف وابصم بالعشرة ان كل شباب 6 ابريل من اكثر الناس وطنية وحب لمصر بس للاسف بسبب عدم سماع الاخر والتهور بيظهر عكس كده زى الام اللى بتقتل ابنها من غير قصد

يا تيمور واتقل كلامى لقيادات حركة 6 ابريل اللى اعتز وافخر انهم مصريين زيى

امزلوا الشارع

تعاونوا مع حد قوى واقنعوه برايكم مش تفرضوه

بلا\ش موضوع النحبة وقلةة الوعى دى ماتمشوش عكس التيار

اعرفوا قوة خصمكم وقوتكم علشان تعرفوا تلاعبوه صح

التعلم من الماضى ومن الاكثر خبرة مش عيب

صدقنى الصورة اللى عندك من الاخوان هى نفس الصورة اللى عند الشعب عنكم

وللاسف اللى نقل ليكم وليهم الصورة دى هو عدوكم المشترك

تحياتى لك

[Ahmed Anwer]

لو حصل صدام

أنا و كل الشرفاء هأقف بكل قوة مع الإسلاميين

[م تيمور المراغي]

كلمات حق تؤدي الى باطل

ماهي دي نفس الكلمات اللي لو كنا استمعنا ليها ماكانش اي مكسب من مكاسب ما بعد الثورة قد تحقق

اسلوب الحنكة و التروي والمداهنه و التقيه وكل مفردات مكتب الارشاد دي هيا اللي مخليه الثوار راميين طوبة الاسلاميين شيف ليها كمان طاعة الحاكم وان زنى وان سرق بتاعت السلفيين و دعاء الشيخ حسان الله يسامحه للعسكر على جبل عرفات تتضح امامك الصورة كامله

المواجههة بين الاكثر رجولة والادنى رجوله قادمة بين البرلمان والعسكر

ومجلس الشعب ده يا رؤوف مش بتاع الاخوان والسلفيين وبس ده بتاع مصر كلها

لو اثبت رجولته وانتزع الشرعية من انياب العسكر الخونه حنرفع له القبعه و نتكاتف معه و لو سقط الوف الشهداء

ولو طلع طرطور فيشوفولهم بقى اي مكان يتلقحوا فيها الا مجلس الشعب

لان الترتيب دلوقتي هو منعهم - في تلك الحالة - من دخول البرلمان

لان القبة بعد الثورة مش حيقعد تحتها الا الرجاله وبس

[raouf]

كلمات حق تؤدي الى باطل

ماهي دي نفس الكلمات اللي لو كنا استمعنا ليها ماكانش اي مكسب من مكاسب ما بعد الثورة قد تحقق

اسلوب الحنكة و التروي والمداهنه و التقيه وكل مفردات مكتب الارشاد دي هيا اللي مخليه الثوار راميين طوبة الاسلاميين شيف ليها كمان طاعة الحاكم وان زنى وان سرق بتاعت السلفيين و دعاء الشيخ حسان الله يسامحه للعسكر على جبل عرفات تتضح امامك الصورة كامله

المواجههة بين الاكثر رجولة والادنى رجوله قادمة بين البرلمان والعسكر

ومجلس الشعب ده يا رؤوف مش بتاع الاخوان والسلفيين وبس ده بتاع مصر كلها

لو اثبت رجولته وانتزع الشرعية من انياب العسكر الخونه حنرفع له القبعه و نتكاتف معه و لو سقط الوف الشهداء

ولو طلع طرطور فيشوفولهم بقى اي مكان يتلقحوا فيها الا مجلس الشعب

لان الترتيب دلوقتي هو منعهم - في تلك الحالة - من دخول البرلمان

لان القبة بعد الثورة مش حيقعد تحتها الا الرجاله وبس

نعيد تانى يا تيمور

مجلس الشعب خطوة فقط يا صديقى

احنا بنتكلم على تغيير سيستم كامل

- تغيير مجلس شعب وشورى

- فين المجالس المحلية اللى تاثيرها علينا كمواطنين تاثير مباشر واخطر من تاثير مجلس الشعب كمان

تفيير وتعديل القوانين الغبية الموجودة دلوقتى

تطهير القضاء والداخلية من الفاسدين

استرداد حقوقنا من اللى سرقونا وبهدلونا

والكثير كمان

شفت بقى ان لسه خطوات كثيرة جدا واللى اتعمل خطوة صغيرة فقط

ولكى نكمل المشوار لازم نتحد ونطاطى شوية مش كله عافية واللى مش معايا فهو ضدى

حاجة على جنب عمال اتصل بيك من الصبح مش بترد على موبايلك ليه عايز اكلمك

[متعب]

هو المجلس سازج بالشكل ده ان يسلم للاخوان وهو عارف تاريخهم كويس

دول غدروا بالدنيا كلها والمثال قدامه واضح وباعوا الثورة والشهداء قدام عينه .

يعنى ال يبيع الميدان يبيع البرلمان نفسه ايه المشكله

الطبيعى ان يكون واخد كافه الضمانات له كافيه جدا ليكونوا تحت البيادات ليهم

وان تكون ليه الغلبه

والاخوان ضمنين الشارع ليهم وممكن يستغلوا فوران الشارع وشعاراتهم الرنانه مفيش اكتر منها ال يحركوا بيها الشارع

بس هنا بقه يقف العسكر ويطلع كل المستندات عليهم ويعملهم فضيحه بجلالجل فى الشارع ويحرقهم فيه

و لو مش متأكد من نفسه مكنشى اعطاهم فى قلب الاسكندريه والقاهرة هذه الاصوات .

انتوا مصدقين ان الانتخابات دى نزيهه ههههههه

نزيهه ماتت ياعم

وبعدين المجلس فى حاجه ماسه حاليا للتيارات دى عشان كتابه الدستور والذى منه

لازم يكتبوا دستور يكونوا دوله فوق الدوله ولا محاسب ليهم وده الاتفاق ومفيش غيره

بعد كده بقى الانقسامات هتحصل لامحاله من جانب العسكر عليهم ولا اى حد منهم هيقدر يعملهم اى شىء

لانهم اصبحوا دوله حاكمه على الدوله نفسها والباقى دول كلهم مجرد اراجوزات

[engmido]

روق بس يا بزبوز افندى

انت داخل سخن كده ليه

تلعب ماتش شطرنج ؟؟؟؟

[ام سلمي]

مش عارفة المجلس العسكري ناوي علي ايه، نتمني ان الكل يقف مع البرلمان لحد ما ياخد صلاحياته كاملة ،

الخبر ده في جريدة الحياة بيتكلم عن نقطتين مهمين ، قلق المجلس العسكري من النتايج ، والتوقعات بزيادة نسب الاسلاميين في المراحل الجاية

مصادر للحياة اللندنية: الجيش "منزعج" من نتائج المرحلة الأولي للانتخابات لكنه يقبل بها

بوابة الأهرام

نشرت جريدة الحياة اللندنية علي موقعها الالكتروني اليوم السبت نقلا عن مصادر لم تسمها أن نتائج المرحلة الأولي للانتخابات البرلمانية المصرية سببت انزعاجاً وقلقاً داخل المؤسسة العسكرية، خصوصاً أن التوقعات في جولة الإعادة وكذلك في المرحلتين الثانية والثالثة تشير إلى زيادة فرص الإسلاميين إلى درجة تجعل حصول القوى المدنية على الثلث المعطل أمراً مشكوكاً فيه.

وقالت المصادر لـ الحياة: رغم قبول الجيش للنتائج كونها تعكس إرادة الناخبين، إلا أن شعوراً بالقلق يسود المؤسسة العسكرية، خصوصاً أن التيار الإسلامي لديه حظوظ وافرة في محافظات الدلتا ومنها الدقهلية والغربية والشرقية التي سيجري فيها الاقتراع في المرحلتين الثانية والثالثة ويتوقع حصول المرشحين الإسلاميين فيها على نسب تفوق ما حققوه في المرحلة الأولى». واعتبرت أن «النتائج تصعب من موقف الجيش في مواجهة الإخوان والسلفيين في معركة مدنية الدولة في الدستور بعد الانتخابات».

ونقلت الجريدة علي لسان المصدر عتاباً من المؤسسة العسكرية على القوى المدنية التي ركزت جهودها في مواجهة المجلس العسكري واعتبرت أن معركتها مع العسكر». وقالت إن «سبب تفوق التيار الإسلامي في المرحلة الأولى مرجعه حال الضعف والفرقة وعدم الاتفاق بين قوى التيار الليبرالي، وانشغالها بالعمل على مواجهة المجلس الأعلى للقوات المسلحة، رغم أن المجلس أرسل رسائل عدة بأن مشكلة العسكر ليست معهم، إلا أنهم لم يفطنوا لذلك».

ورأت أن «الليبراليين اعتقدوا أن برحيل الجيش، ستخلو الساحة لهم، ولم يدركوا مدى ترابط التيار الإسلامي وخبرته الكبيرة في عملية الانتخابات». ولفت إلى أن «النتائج التي ظهرت حتى الآن لم تجعل القوى المدنية تعدل من مسارها وتغير من استراتيجيتها... والغريب أن نشهد، مثلاً، تحريضاً من أصوات ليبرالية لقوى التيار الإسلامي في شأن صلاحيات البرلمان المقبل يفوق ما صدر عن الإسلاميين من مطالب في هذا الشأن».

وإذ شددت المصادر على أن المؤسسة العسكرية «ليست في صراع مع أي تيار وستتعامل في النهاية مع الأمر الواقع»، إلا أنها أكدت أن «المجلس العسكري يهمه في نهاية الأمر اتخاذ القرارات التي في مصلحة مصر، وأنه لن يتنازل عن أمرين هما وضع الجيش في الدستور الجديد ومدنية الدولة التي تعتبر خطاً أحمر».