يا اخينا يا من تكتب مشاركة في موضعات قديمة .. ارحمنا

[Abu Reem]

احيانا الواحد بيندهش من عضو تجده فجأه دخل على مواضيع عديدة تمت مناقشتها والانتهاء منها من زمان ثم تجده دخل ليكتب تعليق لا يقدم ولا يؤخر

فاخدهم دخل فتح عدة مراضيع من هذا النوع ومنها موضوع عودة احد السادة المشرفين الذي يذكر سبب انقطاعه عن المنتدى ثم تجد هذا العضو دخل بعد 11 شهر ليكتب له حمد الله علي السلامة

او يدخل ليكتب جملة واحدة في موضوع كنب منذ 5 او ست سنوات ليقول شكرا او ما شابه ذلك

فما الغرض من هذا

هل: زيادة عدد المشاركات

ام لفت الانتباه

ام ان هناك مرضوعات في صفحة المواضيع الحديثة يريد ان يخسف بها الارض

صراحة تصرف عجيب ياريت حد يفهمنا غرضه

[ViralMind]

الغرض هو الدخول للرسائل الخاصة و استخدامها..

تم تقرير مشاركة سيئة بخصوصه.

[Abu Reem]

الغرض هو الدخول للرسائل الخاصة و استخدامها..

تم تقرير مشاركة سيئة بخصوصه.

بس انت كده فهمتني ،

تشكرات يا فندم

المهم بس ياخد باله ، ويشرفنا هنا

[لماضة مصرية جدا]

احيانا الواحد بيندهش من عضو تجده فجأه دخل على مواضيع عديدة تمت مناقشتها والانتهاء منها من زمان ثم تجده دخل ليكتب تعليق لا يقدم ولا يؤخر

فاخدهم دخل فتح عدة مراضيع من هذا النوع ومنها موضوع عودة احد السادة المشرفين الذي يذكر سبب انقطاعه عن المنتدى ثم تجد هذا العضو دخل بعد 11 شهر ليكتب له حمد الله علي السلامة

او يدخل ليكتب جملة واحدة في موضوع كنب منذ 5 او ست سنوات ليقول شكرا او ما شابه ذلك

فما الغرض من هذا

هل: زيادة عدد المشاركات

ام لفت الانتباه

ام ان هناك مرضوعات في صفحة المواضيع الحديثة يريد ان يخسف بها الارض

صراحة تصرف عجيب ياريت حد يفهمنا غرضه

السلام عليكم و رحمة الله و بركاته

و لا تزعل نفسك استذانا ابو ريم

اوقات كتير بنرفع موضوع قديمة و بنكتب في المداخالة ايقونة شايلة حديد و كدهوت قال يعني شيلنا الاثقال مع انها ضغطة زرار...او بنكتب كلمة واحدةللرفع...اكيد كان حوار مهم لحد في لحظة ما....ايه المشكلة

اوقات كتير بنكون غبنا عن المحاورات فترة و بنلاقي فيه مناسبات فرح كتير بنزعل اوي انها فاتتنا و فاتنا نحط حتي مشاركة افتراضية او هدية كده و كده بس يمكن تبسط قلب حد...فبنرفعها

اوقات كتير بنبقي مفتقدين قلم بعينه و فكره و رؤيته....و بنقول في نفسنا يمكن يجي في يوم من الايام و يرجع تاني فجميل يلاقي كلمة من "عابرين" بس اتعلموا من حرفه و لسه فاكرينه

اوقات كتير.....بنحب نتمشي في ارجاء المكان....قديمه....و جديده....مش بيتنا....يعني نقعد نقلب في دفاترنا القديمة و ننكش في الفرش الجديد كمان

اوقات كتير

متزعلشي نفسك يا استاذي

و الموضوع اللي تحس انه اتغطي و لا استخبي

ارفعه

و اتاكد.....انه بيتك....تعمل فيه اللي يريحك...و تحش العفش منين ما تحب

صباحك.....ونس...من البيت اوي:)

[لماضة مصرية جدا]

الغرض هو الدخول للرسائل الخاصة و استخدامها..

تم تقرير مشاركة سيئة بخصوصه.

بس انت كده فهمتني ،

تشكرات يا فندم

المهم بس ياخد باله ، ويشرفنا هنا

كلاكيت تاني مرة

انا مش متفقة مع استاذ "مخ حلزوني"

لانك بتفترض ان فيه اساءة حصلت

طب ليه...التحفز دوت....مش يمكن يعني مافيش اساءة اصلا؟؟

مش يمكن تقرير اساءة يتبعت في يوم ل"حد"

يكسر بخاطره....و يمنعه انه يكتب في مساحة كان في امس الاحتياج ليها

و يمكن ساعتها نخسر قلم....غاضب...بس حقيقي

مش يمكن

مش يمكن

مش يمكن

و برضه دي وجهة نظر

مع كامل احترامي لوجهة نظر استاذ فيرال و استاذي ابو ريم

[ViralMind]

السلام عليكم..

حضرتك تقدرى تعتبرى ان ده من واقع التجربة و الخبرة اللى الواحد شافها من الاعضاء الجدد..

طبعا انا شخصيا مؤيد منح الحرية الكاملة لاى عضو يقوم بتأكيد بريده الاليكترونى و منحه جميع الصلاحيات توماتيكى توماتيكى, و ضد الشك فى اى عضو جديد كما يحدث فى بعض المنتديات المنغلقة, فقط لمجرد ان شخص او مجموعة اشخاص قاموا بتسجيل عضويات بهدف السب او غيره..

فيه كلمة قالها باراك اوباما زمان, و على الرغم من ان امريكا لا تطبقها اطلاقا, الا انى مؤمن بيها جدا..

"أمننا لا يجب ان يكون ضد مبادئنا و قيمنا"...

يعنى عضو يدخل يكتب فى كل المواضيع القديمة فى باب او بابين معينين.. و كلها نفس المشاركة تقريبا.. حضرتك شايفة ايه؟ ده اسمه اغراق spam.

علشان كده لازم يتم حذف كل المشاركات المكررة.. و لكن دون ايقاف العضو.

دى رؤيتى الشخصية طبعا.

[عادل أبوزيد]

فى محاورات المصريين إخترنا منذ البداية عدم حذف الموضوعات القديمة و الإكتفاء بالموضوعات النشطة فقط.

ما سبق كان إستهلالا لابد منه

بالتأكيد أنت محق فى عدم جدوى المشاركات من قبيل "مشكور" و "بارك الله فيك" بل أن فريق التنسيق و الإشراف يعمد إلى هذه النوعية من المشاركات بالحذف و في قواعد المشاركة فى محاورات المصريين عبارة بهذا المعنى.

و لكن فعلا قد يوجد سبب وجيه للعودة و التعقيب على موضوعات قديمة و ربما تجد هذا من قبل قدامى الأعضاء - مثلي - الذين تحوي ذاكرتهم صورة عن الموضوعات القديمة و كيف سار فيها الحوار أو ربما تجد فى آخر الموضوع إشارة إلى موضوعات قديمة قد يلفت نظرك و تعود إلى تصفحها و ربما تضيف إليها.

أنا مثلا اليوم أضفت مشاركة إلى موضوع قديم عن محاولة إحياء الحزب الوطني و تسائلت فى تلك المشاركة عما آل إليه الحال لهؤلاء الذين كانوا ينادون ببقاء الحزب الوطني و أجابني الفاضل سى السيد بأن الحزب الوطني الجديد آل إلى ثمان أحزاب جديدة - معلومة لم أكن أعرفها - و مازال هناك سؤال ما هى هذه الأحزاب و هل يعرف الشارع أنها بقايا الحزب الوطني القديم.