اتمنى اعرف رأيكم ...فى اول شعر ليا فى المنتدى

[وردة الايمان]

اول موضوع اكتبة فى قسم الادب بقلمى

شعر اسمة

صــرخه ....من فلــسطين

ليه الدمـــــار ليه الخــراب .......ليه بيـــــوتنا بتتهدِم

ليه نحط راسنـــا فـ التراب ......ليه وجودنــــا بينعدِم

ليه نخـــلى الخضره نار .......والزرع فـ ارضه بيتردِم

وقدســــنا دمه بينــــزف ......والآه فـ قلبـــــه بتتــكتِم

حتى أرضى ....قدام عنيا ....وبين اديا .....بتتسرق

وعن ولادنا ...وعن بلادنا ...وعن وجودنا ...بنفترق

قــــوم ياعربى شد حيـلك........وََرٍِى للعــــالم مكانـــك

اوعى خوفك يكون سبيلك .......فين عزيمتك فين ايمانك

اوعى تحسب حقك يجيلك .......لما ترضى ويطول هوانك

عُمر عدوك ما كان حبيبك ....وعُمر اخوك فـ الأزمه خانك

خلى ثقتــك ف الله دليـــلك .....هى سنـــدك وزاد زمـــانك

قوم يا عربى ......شد حيلك

ورى للعــــــــــالم .......

مكــــانك

تم تعديل 3 ديسمبر 2011 بواسطة وردة الايمان

[نوران]

عشان مش عايزة أبقي من بخلاء المنتدي :)

وعشان تقييماتي خلصت :sad:

هقول رأيي وبصراحة

جميل جدا يا وردة

وماحستش فيه بأي تكلف أو بأي كلمة في غير محلها

حقيقي أحسنت

[ام سلمي]

الحمد لله انا كنت محوشة تقيمات لوقت عوزة واهه جه وقتها :)

فعلا جميل يا وردة ، ربنا يزيدك

و نتمني النصر لفلسطين وعودة القدس لينا قريب باذن الله

و يا نوران ابقي حوشي شوية تقيمات ينفعوكي في الايام الصعبة دي :)

[اثار]

جميلة جدا يا وردة ومنتظرين المزيد

علي فكرة يا نوران الورد احلي من التقييم مش كده ولا اية يا ام سلمي :yes:

تحياتي للجميع

تم تعديل 3 ديسمبر 2011 بواسطة همسات مصرية

[وردة الايمان]

عشان مش عايزة أبقي من بخلاء المنتدي :)

وعشان تقييماتي خلصت :sad:

هقول رأيي وبصراحة

جميل جدا يا وردة

وماحستش فيه بأي تكلف أو بأي كلمة في غير محلها

حقيقي أحسنت

شكرا نوران

انا سعيده جدا برأيك

ويكفينى كلماتك الرقيقة

تم تعديل 3 ديسمبر 2011 بواسطة وردة الايمان

[وردة الايمان]

الحمد لله انا كنت محوشة تقيمات لوقت عوزة واهه جه وقتها :)

فعلا جميل يا وردة ، ربنا يزيدك

و نتمني النصر لفلسطين وعودة القدس لينا قريب باذن الله

و يا نوران ابقي حوشي شوية تقيمات ينفعوكي في الايام الصعبة دي :)

ربنا يخليكِ أم سلمى

وما اتحرم ابدا من رقتكم وذوقكم

ويارب النصر لفلسطين ولكل الشعوب العربية الثائرة

[وردة الايمان]

جميلة جدا يا وردة ومنتظرين المزيد

علي فكرة يا نوران الورد احلي من التقييم مش كده ولا اية يا ام سلمي :yes:

تحياتي للجميع

شكرا همسات مصرية على ردك الرقيق وعلى الوردة الجميلة

وانا سعيده فعلا برأيكم كلكم

[زهرة الجبل]

جميله و الله يا ورده

كفايه معناها و نبل موضوعها

تسلم ايدك

و ان شاء الله نقرأ لك بالمنتدى أكتر

و يبقى كلامك من جميل لأجمل

تحياتي

أم كريم

:redrose: :redrose:

[عبير يونس]

جميل يا وردة الإيمان

و أهلا بيكي في المنتدى الأدبي

[المطحون]

الاخت الجميله اعتقد انه اقرب للشعر الغنائى منه للشعر العادى لان مكسور اوى والقوافى ضعيفه ارجو انك متزعليش لكن كاغنيه والله جميله وربنا يوفقك

[التونسى]

اولا برحب بيكى فى منتدانا اختى وردة الايمان ..

ثانيا بالنسبه لرأيى كواحد مهتم بالشعر تذوقا وكتابة .. شايف انك محتاجه تقرى وتسمعى وتكتبى كتير ((كتجارب)) عشان تحسنى من مستواكى على مستوى النظم والوزن .. وعلى مستوى ترتيب الفكره الشعريه وتحديدها ..وبلورتها فى قالب شعرى ما .. اما عن الموهبه .. انا مقدرتش احكم على موهبتك الشعريه من النص ده .. محتاج اقرا ليكى تانى .. لان النص ده مش كفايه .. لكن عامة عجبنى بعض المقاطع اللى فيها موسيقى داخليه مثل

حتى أرضى ....قدام عنيا ....وبين اديا .....بتتسرق

وعن ولادنا ...وعن بلادنا ...وعن وجودنا ...بنفترق

انا بس حسيت ان الفكره القائم عليها الشعر جنحت منك فى بعض المواضع .. محتاجه تركزى فى فكره معينه .. تكون صلب العمل الادبى ..وبعدين تبنى منها .. او عليها ..باقى النص

انا كنت حقترح ليكى بعض التعديلات لضبط الوزن بعض الشئ .. لكن محبتش اتدخل بشكل قد لا تقبلينه

برحب بيكى مره تانيه ولا تترددى فى النزول بأشعار اخرى .. واجعلى من النقد .. اى نقد .. دافع لتحسين مستواكى الشعرى .. وانظرى دائما للجوانب الايجابيه فيه التى من شأنها ان تفيدك

[وردة الايمان]

جميله و الله يا ورده

كفايه معناها و نبل موضوعها

تسلم ايدك

و ان شاء الله نقرأ لك بالمنتدى أكتر

و يبقى كلامك من جميل لأجمل

تحياتي

أم كريم

:redrose: :redrose:

اشكرك أم كريم على كلامك الجميل

انا سعيدة جدا بمشاركتك

جزاك الله عنى كل خير

[وردة الايمان]

جميل يا وردة الإيمان

و أهلا بيكي في المنتدى الأدبي

الجميل بجد هو وجودك فى الموضوع

اشكرك على كلامك

وانا حاسة فعلا انى بين اخوتى واخواتى

[pocy]

حبيبتى فى الله : ورده الايمان

اسمك عذب جدا ..........

زي كلماتك الرقراقه ..........

وان شاء الله من تقدم الى تقدم ..........

بوسي

[وردة الايمان]

الاخت الجميله اعتقد انه اقرب للشعر الغنائى منه للشعر العادى لان مكسور اوى والقوافى ضعيفه ارجو انك متزعليش لكن كاغنيه والله جميله وربنا يوفقك

الاخ الفاضل ..انا اعلم ان ما اكتبه قريب من الشعر الغنائى وهذا الشىء لا يضايقنى ابدا بل بالعكس فأنا احب هذا النوع من الشعر ..اما بخصوص القوافى فأنا احاول دائما التحسين فى هذه الجزئية

وانا لم ازعل ابدا

فأنا يسعدنى دائما النقد الذى يحدد السلبيات قبل الايجابات

اسعدنى تواجدك ...وسأكون اسعد بمورورك على كل ما اكتب

[وردة الايمان]

أستاذ محمود مصيلحى

انا سعيدة بردك

وسأحاول الاستفادة من هذا النقد البناء

ولكن استاذى الفاضل كنت اود مناقشتك ...فى الشعر الحديث الغير مقيد بأوزان وهو من الاشعار التى يستطيع كاتبها توصيل الاحساس الذى يريد التعبير عنه

أنا لست ضد الاشعار التقليدية ذات القوافى والاوزان

فأنا احاول دائما التعلم كى اجيد كتابتها

ولكنى احب تللك الكلمات النابعه من القلب بكل صدقها واحساسها الطبيعى بصرف النظر عن انتمائها لأى انواع من الشعر

قد تكون خواطر او زجل او اى شىء

المهم ان تستطيع الوصول الى قلب قارئها

اعتذر استاذ محمود عن هذه الاطالة

ولكنى كنت اود معرفة رأيك فى هذه النوعية من الكتابة

تم تعديل 5 ديسمبر 2011 بواسطة وردة الايمان

[وردة الايمان]

حبيبتى فى الله : ورده الايمان

اسمك عذب جدا ..........

زي كلماتك الرقراقه ..........

وان شاء الله من تقدم الى تقدم ..........

بوسي

[="<span id=dtx-highlighting-item" dtx-highlight-backgroundcolor="lime">4</span&gt]

شكرا بوسى على ردك الرقيق جدا وبالتأكيد زى صاحبتة

اسعدنى تواجدك جدا

[/]

تم تعديل 5 ديسمبر 2011 بواسطة وردة الايمان

[عبير يونس]

أستاذ محمود مصيلحى

jdw::

سامحوها ما تعلمش

ربنا يجيب العواقب سليمة

:sad:

معلش يا استاذ محمود سامحها عشان خاطري المرة دي

انا حأحفظها الاسم اهو

قولي ورايا يا بنتي

po::

البصيلى

ا ل بُ ص ي ل ي

البصيلى

[التونسى]

أستاذ محمود مصيلحى

بُصِّى لى .. قواااااام.. بُصِّى لى:)

محسوبك .. إسمُه ... بُصيــــلى

انا سعيدة بردك

وسأحاول الاستفادة من هذا النقد البناء

ولكن استاذى الفاضل كنت اود مناقشتك ...فى الشعر الحديث الغير مقيد بأوزان وهو من الاشعار التى يستطيع كاتبها توصيل الاحساس الذى يريد التعبير عنه

أنا لست ضد الاشعار التقليدية ذات القوافى والاوزان

فأنا احاول دائما التعلم كى اجيد كتابتها

ولكنى احب تللك الكلمات النابعه من القلب بكل صدقها واحساسها الطبيعى بصرف النظر عن انتمائها لأى انواع من الشعر

قد تكون خواطر او زجل او اى شىء

المهم ان تستطيع الوصول الى قلب قارئها

اعتذر استاذ محمود عن هذه الاطالة

ولكنى كنت اود معرفة رأيك فى هذه النوعية من الكتابة

رأيى فى هذه النوعية فى الكتابه .. انها قد تندرج تحت مسميات اخرى ..قد تكون نثر .. قد تكون خواطر .. قد تكون مقالات ادبيه ... ويسمى البعض هذا الشعر بانه ((الشعر الحر ))

لست من التقليديين فى بناء النص الشعرى .. احب التنوع فى الاوزان والاشكال والقوالب الشعريه .. ولست من هواة كتابة الشعر العمودى الملتزم ببحر معين دون غيره .. ولكنى رغم ذلك مازلت لا استسيغ او اقتنع ...انه من الممكن ان نطلق على نص ادبى .. بانه نص شعرى .. بدون ان لا يشتمل فى بناءه وصياغته ..وزن ..وقافيه ..وسجع .. وموسيقى داخليه .. وكذلك فكره معينه او افكار مترابطه ببعضها .. نخرج منها بشئ جديد او مفيد او حتى ماتع

[وردة الايمان]

أستاذ محمود مصيلحى

بُصِّى لى .. قواااااام.. بُصِّى لى:)

محسوبك .. إسمُه ... بُصيــــلى

انا سعيدة بردك

وسأحاول الاستفادة من هذا النقد البناء

ولكن استاذى الفاضل كنت اود مناقشتك ...فى الشعر الحديث الغير مقيد بأوزان وهو من الاشعار التى يستطيع كاتبها توصيل الاحساس الذى يريد التعبير عنه

أنا لست ضد الاشعار التقليدية ذات القوافى والاوزان

فأنا احاول دائما التعلم كى اجيد كتابتها

ولكنى احب تللك الكلمات النابعه من القلب بكل صدقها واحساسها الطبيعى بصرف النظر عن انتمائها لأى انواع من الشعر

قد تكون خواطر او زجل او اى شىء

المهم ان تستطيع الوصول الى قلب قارئها

اعتذر استاذ محمود عن هذه الاطالة

ولكنى كنت اود معرفة رأيك فى هذه النوعية من الكتابة

رأيى فى هذه النوعية فى الكتابه .. انها قد تندرج تحت مسميات اخرى ..قد تكون نثر .. قد تكون خواطر .. قد تكون مقالات ادبيه ... ويسمى البعض هذا الشعر بانه ((الشعر الحر ))

لست من التقليديين فى بناء النص الشعرى .. احب التنوع فى الاوزان والاشكال والقوالب الشعريه .. ولست من هواة كتابة الشعر العمودى الملتزم ببحر معين دون غيره .. ولكنى رغم ذلك مازلت لا استسيغ او اقتنع ...انه من الممكن ان نطلق على نص ادبى .. بانه نص شعرى .. بدون ان لا يشتمل فى بناءه وصياغته ..وزن ..وقافيه ..وسجع .. وموسيقى داخليه .. وكذلك فكره معينه او افكار مترابطه ببعضها .. نخرج منها بشئ جديد او مفيد او حتى ماتع

معذرة استاذ بُصيــــلى ....فى الخطأ بلأسم

اما بخصوص الشعر الحر فأنا من اكبر مؤيدية مع احترامى الشديد للشعر التقليدى

ومما لحظته من ردك ان الملحوظة الوحيده فيما كتبت انى اطلقت علية لفظ شعر

واعتقد اننى اذا اسميته خواطر مثلا فلن يكون هناك اى ملحوظات

اذن النقد فى المسمى وليس فى المضمون

على العموم انا سعيده برأيك فى الشعر الحر وسعيدة اكثر بمناقشتى معاك

وسأكون اسعد واسعد بمرورك على كل ما اكتب