الليلة لقاء السحاب \\ مرتضى منصور يواجه توفيق عكاشة !

[م تيمور المراغي]

لقاء القمة العالمى ( وحوش الشاشة .. مورتة وعكاشة )

مصر كلها منتظرة لقاء توفيق عكاشة مع مرتضى منصور انهاردة اكتر من انتظارنا لماتش النهائى بتاع امم افريقيا ده حتى الاعلام العالمى والاوربى كله والماسونى بيتابعوا معانا الحدث التاريخى ده

والاتنين مرشحين لرئاسة الجمهورية يعنى هايقعدوا يرشحوا علينا للصبح

ده هايبقى فيه ضرب وشتيمة واقلام وشلاليت وسيديهات وفقرة للمصارعة الحرة واحتمال اللى يذيع اللقاء يكون الطفل الموهبة احمد سبايدر

وفيه فاصل غنائى للنجم العبقرى مكتشف الألغاز وفاكك شفرات الأرقام الغريبة والسرية نجم الجيتار الأهبل عمرو مصطفى وهايغنى فيه

وييجى ع المحطة ييجى .. وادبحله بطة ييجى ع الرشاح ييجى .. وادبحله فراخ ييجى .. بس تيفا ييجى

وياللى ع الترعة حود ع المالح .. والهيل الهيل .. أحنا الفراعين .. الهيل الهيل .. ياماسونيين

والناس اللى مش فاضية تشوف اللقاء ده ممكن تتفرج عليه الساعة 12 بليل فى الاعادة على قناة موجة كوميدى

اما الناس اللى فى الشوارع احب اطمنهم ان المجلس العسكرى عامل شاشات عرض كبيرة فى العباسية وفى السرايا الصفرا ومستشفى الخانكة للأمراض العقلية والنفسية ومكتشفى الماسونية ومستشفى أبو زعبل

واحمد سبايدر هو اللى يعمل دور زعبل

هذا اللقاء تحت شعار ( احنا الفراعين ياماسونيين )

كله يجهز الفيشار والحاجة الساقعة والشيبسى العائلى

احنا بقالنا كتير مضحكناش بجد ينهار ضحك

احنا هانسقف بأيدينا ورجلينا وتحت بطاطنا كمان :happy:

تحيا مستشفى المجانين

تحيا قناة الفراعين

[التونسى]

على فكره انا من عشاق مشاهدة ((الشو الكوميدى)) التلقائى والغير متكلف .. بتاعهم هما الاتنين .. بس بالامانه توفيق عكاشه اكثر اضحاكا و((مسـخرررره)).. ده حيبقى لقاء السحاب والضباب .. وعجب العجاب كمان

انت بتتكلم بجد يا مان .. اللقاء اللاسع ده حقيقى

لو فعلا حبقى اشوفه ان شاء الله على اليوتيوب .. دحنا حنضحك ((ضوحك)) .. مع الاعتذار للراحل حسن عابدين

[م تيمور المراغي]

صباح الوروود مع احلى هدية

مورتا وعوكشه في بروجرام واحد !

http://www.youtube.com/watch?v=0Obw2eHj_vs

[Mr MAGED]

الموضوع ده بجد ولا اشتغالة

طب قلنا فين وامتي وازاي .. بس يا ريت ميكنش ع الفراعين

أصل عقبال عندك انا اشتراكي Due ودول مش معترفين بالقناة الهبلة دي فمش جايبينها في القايمة بتاعتهم

[م تيمور المراغي]

الموضوع ده بجد ولا اشتغالة

طب قلنا فين وامتي وازاي .. بس يا ريت ميكنش ع الفراعين

أصل عقبال عندك انا اشتراكي Due ودول مش معترفين بالقناة الهبلة دي فمش جايبينها في القايمة بتاعتهم

اللقاء اعلن عنه 5 ديسمبر لاكن المكالمه حدثت امبارح فقط

تحيتي ,,

[raouf]

مكالمة تستحق ان يطلق عليها

لقاء السحاب

هههههههههههههههههههههههه

طيب توفيق عكاشة خد 112 صووت وقلنا ماشى

امال اللى اسمه مرتضى منصور خد الاصوات دى كلها ازاى ؟ وازاى وصل للاعادة

حاجة زى الفل