فين المسيحين في المنتدى دا؟؟

[pink rose]

بجد فعلا حزينة جدا

هو ليه الاخوة الاقباط الموجودين في المنتدي ما بيظهروش و لا يكتبوا الا لو جه في اي موضوع ذكر الكنيسة او اسم البابا او اي كاهن او حتى نجيب ساويرس

انتوا ليه مختفيين و مش بتظهروا الا للمواضيع دي

هل انتوا مش عاوزين تندمجوا معانا؟

هو مش انتوا كمان مهمومين بالبلد زينا؟

ليه ما حدش بيشارك او يفتح موضوعات و لو في باب الابتسام حتى؟؟

منتظرة اجابة واضحة

[عماد حمدي]

السادة الأعضاء المسيحيين بالمنتدي ..

أدعوكم لمشاهدة هذا الفيديو ..

البلتاجى يوجه كلمة لأقباط مصر

http://www.youtube.com/watch?v=fsgLYLSeh0k&feature=share

كلنا مصريين .. إيدي في إيدك هنعمّر بلدنا و نخليها أحسن

..

[الدكتور ياسر]

أنا أيضا أشاركك يا مدام ريم في تلك الملاحظة , و أشعر حقا بالاسف لهذا وإن كنت لاحظت ذلك منذ فترة , و تحديدا منذ أحداث ماسبيرو.

وإن كانت هناك بعض المشاركات القليلة من الأستاذ الفاضل scorpion , و الاستاذ الفاضل Jonathan .

على العموم أتمنى أن يعلموا أننا لا نكن لهم سوى التقدير و الإعزاز فهم إخواننا و جيراننا في هذا الوطن وكلنا شركاء

فيه بالتساوى .

ونتمنى أن نرى منهم المزيد من المشاركات التى تثري هذا المنتدى .

[ViralMind]

انا مستغرب لان محاورات المصريين بالاخص حريص جدا على شعور المسيحيين.. على عكس بعض المنتديات اللى ممكن تحمل الطابع الاسلامى, او حتى تسمح بالمناقشة فى حاجات كتير..

و انا بصراحة كنت عايز افتح موضوع عن كده..

مناقشة العلاقة بين المسلمين و المسيحيين - بهدوء - و بصراحة و موضوعية لن يؤدى ابدا للفتنة..

الفتنة هى اننا ندفن راسنا فى الرمل, و يفضل الجرح مستخبى, و الحقد مكبوت.. لان ساعة الانفجار مش هيفرق ابدا و هتبقى لحظة كارثية.

#####################

عمدة..

هو انتا بتجيب الفيديوهات دى كلها منين؟ :lol:

[عماد حمدي]

انا مستغرب لان محاورات المصريين بالاخص حريص جدا على شعور المسيحيين.. على عكس بعض المنتديات اللى ممكن تحمل الطابع الاسلامى, او حتى تسمح بالمناقشة فى حاجات كتير..

و انا بصراحة كنت عايز افتح موضوع عن كده..

مناقشة العلاقة بين المسلمين و المسيحيين - بهدوء - و بصراحة و موضوعية لن يؤدى ابدا للفتنة..

الفتنة هى اننا ندفن راسنا فى الرمل, و يفضل الجرح مستخبى, و الحقد مكبوت.. لان ساعة الانفجار مش هيفرق ابدا و هتبقى لحظة كارثية.

#####################

عمدة..

هو انتا بتجيب الفيديوهات دى كلها منين؟ :lol:

لكل حدث حديث .. يا فيرال

المهم دلوقتي الأعضاء دي ترجع تكتب تاني عايزين نعرف رأيهم إية في الوضع الحالي ..

لسة دلوقتي حالاً قاري المقال دا علي اليوم السابع عنوانه حسسني ان التيار الإسلامي بعبع ( بعد أن قدم 10 آلاف قبطى طلبات للهجرة.. الكنيسة تدعو الأقباط إلى الهدوء بعد حالة الخوف التى سيطرت عليهم من فوز التيار الإسلامى فى مجلس الشعب.. والقمص صليب للأقباط: الإخوان ليسوا أسوأ من مبارك ) ..

طيب تعالوا نتكلم و نتبادل وجهات النظر توضحلي بالظبط أنته خايف من إية و تسمع مني .. متسمعش عني ..

لي عودة ..

تحيــاتي يا ريس

[pink rose]

لا يا جماعة الموضوع دا لا له علاقة لا بالانتخابات و لا بالاخوان و لا التيار الاسلامي

اللي انا باتكلم فيه دا ملاحظة عندي من زمااااااان من يوم ما اشتركت في المحاورات

لا عمري شوفت حد حط نكتة في موضوع اضحك اضحك كأنهم ما بيضحكوش

و لا حد كتب عن حاجه شخصية او لا قدر الله مشكلة و لا حد فرحنا بخبر الا يمكن من سنتين فاتوا كده جدو ابو فصاد كان كتب موضوع انه عاوز اغاني افراح

و اد ايه فرحنا كلنا معاه وقتها

و لا شوفت حد منهم دخل هنى حد بيعيد ميلاده

ايه يا جماعة هو انتوا ما بتحبوش الاختلاط؟؟

حتي الفاضل سكوربيون المشرف مداخلاته و موضوعات قلت لدرجة تخض بعد فترة انقطاع اصلا طويلة

كان قريب كده حد بس معلش نسيت الاسم دخلت و رفعت مواضيع جميلة و روحها حلوة و هوب اختفت علي طول

مستغربة جدا و زعلانة اوي في نفس الوقت

مازالت منتظرة اجابة من اخوانا الاقباط

[ابو محمود]

بجد فعلا حزينة جدا

هو ليه الاخوة الاقباط الموجودين في المنتدي ما بيظهروش و لا يكتبوا الا لو جه في اي موضوع ذكر الكنيسة او اسم البابا او اي كاهن او حتى نجيب ساويرس

انتوا ليه مختفيين و مش بتظهروا الا للمواضيع دي

هل انتوا مش عاوزين تندمجوا معانا؟

هو مش انتوا كمان مهمومين بالبلد زينا؟

ليه ما حدش بيشارك او يفتح موضوعات و لو في باب الابتسام حتى؟؟

منتظرة اجابة واضحة

فعلآ ملا حظة ممتازة وتحتاج الى رد من السادة الاخوة الاقباط واعتقد ان اللي هيرد دائمآ كما عودنا هو الفاضل كامل او سكربيون اتمنى ان نجد بيننا من المسيحيين كثير يمكن عندهم شغل ولا مواضيع المنتدى فيها ما يعيبها بالنسبة ليهم هجر شكلهم واقول يمكن سلفيين مسيحيين ههههههههههههههههههههههههههههولا اخوان مسيحيين ولا اقباط زي حلاتى ههههههههههههههههههههههه اتمنى مشاركاتهم

[XXusamaXX]

هقول لحضررتك ليه

لأنهم دلوقتي مشغولين بتقديم اكتر من 10 آلاف هجرة خارج مصر وادعاءتهم انها خوفا من الاخوان والسلفيين smk: smk: smk:

ويا ريت يتقبلوا بصراحة هما والفنانين من وراهم smk:

وعموما النصارى يتحججون وهم يعلمون بأن الشريعة والاسلام سيأتي بالعدل إن شاء الله لهم وللمسلمين جميعا ولكنه التكبر والتعالِ وتلاعبات الآباء في الكنيسة بعقول اناس لم يطلعوا حتى على كتابهم smk:

انا اتحدى ان تجدي ما نسبته 40% من نصارى هذا المنتدى قد قرأوا الكتاب المقدس بعهديه القديم والجديد

تحدي :P ومازلت عند التحدي السابق ايضا لمن حجر على رأيي بحجة " عدم مراعاه اداب الحوار " :P smk: smk:

[اثار]

اشكرك اختي الفاضلة علي الموضوع الجميل واتمني ان يجد صداه عند اخواننا المسيحيين

نفسي فعلا نتشارك كمصريين فقط نتجمع علي نقاط الاتفاق التي تجمعنا

اثق ان التطرف لن يكون له مكان وان كان له مؤيدوه فلن يستمروا بيننا طبيعة غالبية الشعب

المصري ترفضة الاصل في الشرائع السماوية الدعوة للسلام والتراحم...

الصمت لن يحل المشكلات التي يتخوف منها الجميع ...

[Scorpion]

هقول لحضررتك ليه

لأنهم دلوقتي مشغولين بتقديم اكتر من 10 آلاف هجرة خارج مصر وادعاءتهم انها خوفا من الاخوان والسلفيين smk: smk: smk:

ويا ريت يتقبلوا بصراحة هما والفنانين من وراهم smk:

وعموما النصارى يتحججون وهم يعلمون بأن الشريعة والاسلام سيأتي بالعدل إن شاء الله لهم وللمسلمين جميعا ولكنه التكبر والتعالِ وتلاعبات الآباء في الكنيسة بعقول اناس لم يطلعوا حتى على كتابهم smk:

انا اتحدى ان تجدي ما نسبته 40% من نصارى هذا المنتدى قد قرأوا الكتاب المقدس بعهديه القديم والجديد

تحدي :P ومازلت عند التحدي السابق ايضا لمن حجر على رأيي بحجة " عدم مراعاه اداب الحوار " :P smk: smk:

كفت سطورك و ووفت في الرد علي تساؤل الفاضلة pink rose

بارك الله فيك و جعله في ميزان حسناتك

[jonathan]

الفاضلة pink rose..تحياتي..بصراحة ترددت الي حد ما قبل ان اشارك في الموضوع على الرغم من التساؤل المباشر و اللي حضرتك طرحتيه و اسمحيلي الا اخفيكي علما اني قد سبق و طرحته في مناقشات شخصية بيني و بين بعض المسؤلين عن المنتدي. انا حاتكلم بصورة شخصية لحين ظهور باقي الاعضاء و على راسهم الفاضل سكوربيون .

مبدئيا نظرا لظروف العمل و محدودية الوقت اغلب الاحيان لا استطيع المشاركة في كل المواضيع و مع ذلك احاول ان انتقي المواضيع ذات الاهتمام المشترك او التي تحتاج الي تبادل في وجهات النظر .

بالنسبة لسؤالك حول طبيعة المواضيع التي نشارك فيها من كونها لها علاقة بالبابا و نجيب ساويروس فأود ان اطرح سوال..هو ليه اصلا يبقي فيه مواضيع عن الكنيسة و البابا و نجيب ساويروس و الزواج التاني بالمرة و خاصة ان على مدار الكثير من المشاركات و الردود لقيت انها مواضيع ليست بغرض الاستفهام او الاستيضاح و لكن كما نقول فرقعة اعلامية ..قليلون جدا الذين وجدتهم يحترمون فكر الاخرين حتي و ان لم يتقبلوه و كثيرين وجدتهم متشبسين بارائهم و باسلوب غير محترم و كان الموضوع مفتوح فقط بهدف اطلاف النار مما دعاني في احد المشاركات ان اطلق لقب محاورات المتطرفين على المنتدي و كوسام على صدري نلت التحذير المنور عندي دة..بدلا من معرفة الدافع .

ليه مش بنظهر غير في المواضيع دي.. من اللي حضرتك بتتكلمي عنهم ..انا على اتصال بكثير منهم . الاغلب يأس من الكلام و البعض امتعض و خاصة في وجود منتديات اكثر رقي و احترام للاخرين و اللي فاضل (زي حالاتي) بيحاول خلق حلقة تواصل و على الاقل الرد على بعض الافترات التي نتعرض لها.

بردو ليه حضرتك مفترضة اننا مش مندمجين و مش حاسين بمشاكل المجتمع ؟ هو المجتمع هو المنتدي فقط..احنا بنشتفل و عايشين وسط الناس و عندنا نفس الهموم و المشاكل و المخاوف ..انحسارنا في المنتدي حاليا لا نسأال عليه و لكن يسال عليه القائمين عن المنتدي ..مش حضرتك بتقولي ان كان في تواجد و ابتداء يخفت ..اكيد لما يبقي في نفس التوقيت او بنفس النسبة يبقي السبب مش حاجة شخصية او خاصة.

السوال الاخير اجابته ببساطة و اجابة شخصية بردو ..لا اري ما يدعو للابتسام .بالعكس انا حاسس ان احنا زي اللي مالقناش حق نتكلم او نعبر و لازم نطلع غلط و الغريب ان بعض الاعضاء بتستهجن الوضع دة و بتشارك هنا و هم نفس الاعضاء ذوي المدافع الرشاشة في مواضيع اخري ! و الاغرب ادعاء ان المنتدي هنا فلة وردة و شمعة منورة و مافيش زيه..لا ادعوكم لمشاهدة بعض المنتديات الاخري و ساعتها حتعرفواايه سبب الهجرة الجماعية من المنتدي لتلك المنتديات..و يا ريت محدش يقولي اللي عايز يمشي يمشي و مش عارف ايه و الكلام دة..لان ببساطة شديدة. الفكر و الحوار ليس له افاق محدودة. تحياتي

تم تعديل 5 ديسمبر 2011 بواسطة jonathan

[jonathan]

استاذي الفاضل سكوربيون تحياتي و اسف ملاحظتش ان حضرتك رديت قبلي و كنت عايز اضع تقييم لمشاركة حضرتك المتواضعة و الرائعة و لكن الورننينج يمنعني..على العموم حضرتك اكبر من اي تقييم ..تحياتي

تم تعديل 5 ديسمبر 2011 بواسطة jonathan

[pink rose]

و الله لما فتحت الموضوع دا بجد و ربنا يشهد كانت نيتي فيه خير

اننا نلم بعض

ايوة بالعامية كده نتلم كلنا

نحس اننا علية واحدة

و ما كانش في بالي نهائي انه ممكن يكون فيه مداخلة زي مداخلة الفاضل اسامة

اللي حقيقي ازعجتني جدا

كل ما حد يحاول يجمع للاسف تطلع ناس تفرق

مش هاقدر اقول ما فيش فايدة لاني مش من النوعية دي من الناس اللي بتيأس

لا الامل موجود ان شاء الله اننا نجمع بعض و نتعامل بطريقة عادية طبيعية

ما عمريش شيلت في قلبي حاجه وحشة للمسيحين الا اللي بيطلعوا يقولوا عاوزين حماية امريكا و اسرائيل

و هايبقى نفس شعوري ناحيتهم هو هو لو حد مسلم هو اللي طلع قال نفس الكلام الحمضان دا

[اثار]

و الله لما فتحت الموضوع دا بجد و ربنا يشهد كانت نيتي فيه خير

اننا نلم بعض

ايوة بالعامية كده نتلم كلنا

نحس اننا علية واحدة

و ما كانش في بالي نهائي انه ممكن يكون فيه مداخلة زي مداخلة الفاضل اسامة

اللي حقيقي ازعجتني جدا

كل ما حد يحاول يجمع للاسف تطلع ناس تفرق

مش هاقدر اقول ما فيش فايدة لاني مش من النوعية دي من الناس اللي بتيأس

لا الامل موجود ان شاء الله اننا نجمع بعض و نتعامل بطريقة عادية طبيعية

ما عمريش شيلت في قلبي حاجه وحشة للمسيحين الا اللي بيطلعوا يقولوا عاوزين حماية امريكا و اسرائيل

و هايبقى نفس شعوري ناحيتهم هو هو لو حد مسلم هو اللي طلع قال نفس الكلام الحمضان دا

بس مش دا الاصل فينا اكيد بس للاسف بيكون الصوت اعلي

تم تعديل 5 ديسمبر 2011 بواسطة همسات مصرية

[pink rose]

هقول لحضررتك ليه

لأنهم دلوقتي مشغولين بتقديم اكتر من 10 آلاف هجرة خارج مصر وادعاءتهم انها خوفا من الاخوان والسلفيين smk: smk: smk:

ويا ريت يتقبلوا بصراحة هما والفنانين من وراهم smk:

وعموما النصارى يتحججون وهم يعلمون بأن الشريعة والاسلام سيأتي بالعدل إن شاء الله لهم وللمسلمين جميعا ولكنه التكبر والتعالِ وتلاعبات الآباء في الكنيسة بعقول اناس لم يطلعوا حتى على كتابهم smk:

انا اتحدى ان تجدي ما نسبته 40% من نصارى هذا المنتدى قد قرأوا الكتاب المقدس بعهديه القديم والجديد

تحدي :P ومازلت عند التحدي السابق ايضا لمن حجر على رأيي بحجة " عدم مراعاه اداب الحوار " :P smk: smk:

شكر الله سعيك

[pink rose]

و الله لما فتحت الموضوع دا بجد و ربنا يشهد كانت نيتي فيه خير

اننا نلم بعض

ايوة بالعامية كده نتلم كلنا

نحس اننا علية واحدة

و ما كانش في بالي نهائي انه ممكن يكون فيه مداخلة زي مداخلة الفاضل اسامة

اللي حقيقي ازعجتني جدا

كل ما حد يحاول يجمع للاسف تطلع ناس تفرق

مش هاقدر اقول ما فيش فايدة لاني مش من النوعية دي من الناس اللي بتيأس

لا الامل موجود ان شاء الله اننا نجمع بعض و نتعامل بطريقة عادية طبيعية

ما عمريش شيلت في قلبي حاجه وحشة للمسيحين الا اللي بيطلعوا يقولوا عاوزين حماية امريكا و اسرائيل

و هايبقى نفس شعوري ناحيتهم هو هو لو حد مسلم هو اللي طلع قال نفس الكلام الحمضان دا

بس مش دا الاصل فينا اكيد بس للاسف بيكون الصوت اعلي

ما هو عشان كده يا همسات انا كتبت اني ما فقدتش الامل

[jonathan]

همسات مصرية ..قد يكون الصوت اعلى لكن الاهم ..هو الاذن التي تسمع و العقل الذي يعي و يستوعب و يدرك

[اثار]

همسات مصرية ..قد يكون الصوت اعلى لكن الاهم ..هو الاذن التي تسمع و العقل الذي يعي و يستوعب و يدرك

ما هو انا قصدي كدا والله

مش العقل يا استاذ جوناثان بيقول ان مش كل المسلمين كده وان كل مصري ليه في البلد دي

ذي التاني واننا لازم نتجمع علي هدف واحد لان مصلحتنا واحده والخسارة لا قدر الله هتكون علي الجميع

[لولا]

هقول لحضررتك ليه

لأنهم دلوقتي مشغولين بتقديم اكتر من 10 آلاف هجرة خارج مصر وادعاءتهم انها خوفا من الاخوان والسلفيين smk: smk: smk:

ويا ريت يتقبلوا بصراحة هما والفنانين من وراهم smk:

وعموما النصارى يتحججون وهم يعلمون بأن الشريعة والاسلام سيأتي بالعدل إن شاء الله لهم وللمسلمين جميعا ولكنه التكبر والتعالِ وتلاعبات الآباء في الكنيسة بعقول اناس لم يطلعوا حتى على كتابهم smk:

انا اتحدى ان تجدي ما نسبته 40% من نصارى هذا المنتدى قد قرأوا الكتاب المقدس بعهديه القديم والجديد

تحدي :P ومازلت عند التحدي السابق ايضا لمن حجر على رأيي بحجة " عدم مراعاه اداب الحوار " :P smk: smk:

ايه الأسلوب ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عادل أبو عمر]

لأننا رغم ما في هذا المنتدى من شخصيات محترمة و عقول مستنيرة لكن للأسف طوال العام الذي سبق الثورة كان هناك البعض بيقول شكل للبيع و ماسكين في خناق بعض في مناظرات و جدال لا ينتهي و لا أنكر أنه عند مناقشة قضايا المسيحيين كان هناك حدة و أحيانا غلظة في القول من بعض الأعضاء المسلمين و ما أبرئ نفسي و ما قابله ذلك من عدة اختلافات و خلافات تركت أثرا في النهاية في نفوس كلا الطرفين

ثم بدأت الخسائر مع توقف/ إيقاف عضوة متميزة يكن لها الجميع الاحترام و هي الفاضلة أغابي و لا أشك أنها هي أيضا خسرت من ارتضتهم يوما أن تشاركهم أفراحها و أحزانها .

المشكلة مش المسيحيين و المسلمين .. لأن الواقع الذي نعايشه الآن في اختلاف المسلمين مع المسلمين شبيه لحد ما بالاختلاف السابق ..

و مع أن الاختلاف طبيعي بل هو الأصل لكنه رغم أنه في نقط محدودة لكنه يسيطر على الصورة و يلغي أو يتجاهل المساحة الأكبر وهي الاتفاق في ما هو أكثر ..

ما زلنا نحتاج ان نختلف في الرأي في المنتدى و في الشارع في البرلمان بأدب الاختلاف في بيوتنا .. اختلاف إخوة داخل نفس البيت نتناقش نزعل نتقمص نغضب نصرخ بس في النهاية كل واحد يبات في سريره آخر الليل لأن عندنا شغل تاني يوم في البيت كلنا ملزمين بيه بدون فرق مسيحي أو مسلم .. اخواني أو ليبرالي سلفي أو علماني .. كبير أو صغير .. رجل أو إمرأة