الفرق بين الاخوان و السلفين ؟؟!!!

[وردة الايمان]

السلام عليكم ورحمة الله وبركاته

ماهو الفرق بين الاخوان المسلمين و السلفين ؟؟؟؟

سؤال يطرح نفسه على كل فرد فى مجتمعنا الحالى و خصوصا بعد ان قرر المصرين خوض الانتخابات و لكل منهم حزبة السياسى

فوجدت هذا الموضوع والذى اتمنى ان يستفاد منه الجميع

نبداء بالراي الاول

الفرق بين الإخوان والسلفيين والذي استوعبه السلف ولم يدركه الخلف عندما قال رسول الله صلى الله عليه وسلم فيما معناه ( من كان يؤمن بالله واليوم الآخر فليصلين العصر فى بنى قريظة )

ظهرت مدرستين من الصحابة :

1) مدرسة التزمت نص قول رسول الله فلم يصلوا إلا فى بنى قريظة

2) ومدرسة نظرت فى مقاصد الحديث فتحركوا على الفور وعندما حان العصر صلوا فى أماكنهم قبل أن يصلوا إلى بنى قريظة ..........

وأقر رسول الله الفعلين بالسكوت فظهرت مدرستين مدرسة الحديث ومدرسة الرأي

والسلفيون و الإخوان هم خليفتا المدرستين

~ ~ إن جماعة الإخوان المسلمين هى إمتداد مدرسة الرأى والاجتهاد

والتي هى امتداد لمنهج الإمام ابي حنيفة إلا أن منهج أبى حنيفة كان فى الفقه

ولكن منهج الإخوان يشمل جميع مظاهر الحياة

مع كامل الالتزام بالقواعد والثوابت والمقاصد العليا للإسلام .

~ ~ أما السلفيون فهم امتداد مدرسة أهل الحديث

التي هى امتداد منهج الامام مالك والتي تميل إلى الالتزام بالنصوص

والتي كانت فى البداية على عهد مالك القرآن والأحاديث

ولكن السلفيين أضافوا لها أقوال السلف من الثلاث قرون الأولى مع بعض الاجتهادات القليلة .

وسلفنا رضى الله عنهم استوعبوا هذا الاختلاف فى المنهجين وتنافسوا بينهم فى إفادة العلم والفقه

وتحاوروا تحت مظلة الاخوة والثقة والحب فى الله

أما بعض الخلف فتناطحوا ولم يدركوا انه اختلاف تكامل وتنوع لا تناحر وتفرق .

ورأيى والله أعلم اننا فى حاجة للمنهجين فهما منهجين متكاملين ليس للإسلام غنى عنهما .

والذى يجعل تعصبه لجماعة أو حزب فليراجع إخلاصه لله

فالمحب لدين الله يحب ويجل كل من يعمل لرفعتــــــــــــــــــــه

الراي الثانى

سئل ذات مره الامام حسن البنا_رحمه الله_ وهو يخطب فى احد الندوات التى اقامها شباب الاخوان المسلمين سأله احد الجلساء

فقال له :يا أمام هناك جماعه تسمى الاخوان المسلمين واخرون يسمون السلفيون او الجمعيه الشرعيه فما الفرق بينهما ؟؟؟؟

تتوقع رد قال ايه؟؟

فقال له الامام حسن البنا: الفرق بين الاخوان والسلفييون او الجمعيه الشرعيه ان الاخوان مقرّهم فى الدرب الاحمر والجمعيه الشرعيه فى كذا (لا اذكر مكان المقر صراحة)

(تخيلوا هذا هو كان الفرق فى ذهن الامام حسن رحمه الله)

فقال له السائل مره اخرى: ولكن الجمعيه الشرعيه او السلفييون افضل من الاخوانلانهم يبنون المساجد اما الاخوان فلا يبنون المساجد

فرد عليه الامام حسن وقال: خيرا عليهم ان يبنو المساجد وعلينا(الاخوان) ان نعمّرها بالمصليين

هذا هو كان فكر الامام البنا مؤسس الاخوان فى الفرق بين الاخوان والسلفيين انه اختلاف مكانى (اختلاف مقرّ ومركز) او اختلاف دورى (هذا يبنى المسجد وهذا يعمره بالمصليين) هذا هو الاختلاف اختلاف فى فرعيات الفرعيات وليس فى العقيدة او الفكر الدينى او غيره

ننظر ايضا فى شىء اخر اذا قرأنا فى احد رسائل الامام حسن البنا رحمه الله وهو يتكلم عن الاخوان المسلمون كجماعه وماهى فقال وهو يصفها أحد اوصافها فقال انها (اى الاخوان) جماعه سلفية اى تدعوا الى ما دعى اليه السلف الصالح منذ عهد النبى صلى الله عليه وسلم وحتى عهد السلف الصالح من صحابه أئمة وتابعين وتدعوا للرجوع الى ماكانو عليه رضوان الله عليهم

وفى رأئى ان هذه النقطة التى اتصف بها الاخوان هى اساسا اصل الجماعه السلفية حتى ان اسمهم(السلفيون) سمو انفسهم بذالك لان مقصدهم هو ذلك ايضا فيشتركان(الاخوان و السلفيون) فى نفس الفكر وفى نفس المقصد السليم

ومن هذا وذاك بجد انه:

1_ لا فرق بين الاخوان والسلفيون فى الاساسيات بل هو فرق طبيعى "ولوشاء الله لجعلكم أمه واحده" فالفرق شىء اساسى فالاشتراك فى المقصد والهدف وهو ارضاء الله وتعمير الارض بالخير والاصلاح فى الدنيا بالدين واما الاختلاف فهو فى طريقة الدعوه او اسلوبها او شويخها او اماكنها او و الخ

2_ انهم مشتركان فى نفس الفكر ونفس المقصد وهو الرجوع الى سلف هذه الامة والاقتداء بهم والعمل على الرجوع الى ماكان عليه النبى صلى الله عليه وسلم واصحابه (من تعاملات واهداف نبيله واصلاح ونشر دين بحب ورحمة والعيش على ما جاء به رسول الله صلى الله عليه وسلم_وليس ذلك بمعنى الدولة الدينية لا ولكن نرجع بكل ذلك مع وجود الدولة المدنيه_ فنجد الطالب المجتهد الذى لا يغش والعامل المتقن لعمله والرئيس الخائف على رعيته فلا يظلم ولا يطغى و و فالدين تغيير للنفوس واصلاح لها قبل اصلاح الظاهر)

منقووول

تم تعديل 4 ديسمبر 2011 بواسطة وردة الايمان

[الدكتور ياسر]

في الحقيقة يا أخت وردة الإيمان أنا أنتظر المرحلة الثانية .

ولم أحسم اختياري بعد و لكنه ينحصر عندى بين حزب الحرية و العدالة و حزب النور .

فأجد قلبي يميل للسلفيين و عقلى يجذبني للإخوان و أحيانا يحدث العكس .

بالنسبة لى الأمر محير و لكنى في النهاية سعيد بما أراه في المرحلة الأولى من تقدم للتيار الإسلامي

بشكل لم يحدث من قبل . :)

في الحقيقة لا أرى فارقا جوهريا بين التياريين إلا في الخبرة السياسية و الممارسة الحزبية فقط .

فالسلفيون جدد في هذا المضمار إن قورنوا بالإخوان .

والفريقان في النهاية يغترفان من مشكاة واحدة وهدفهما مشترك .

على العموم أتمنى أن أحسم أمرى و اختيارى بينهما في الأيام القليلة القادمة إن شاء الله .

شكرا لك على موضوعك .

تم تعديل 4 ديسمبر 2011 بواسطة الدكتور ياسر

[Ahmed Anwer]

هوا أنتوا يا جماعة ما انخرطوتش قبل كده إطلاقا مع السلفيين ؟؟

محضرتوش دروسهم و اختلطتوا بيهم ؟؟

متعرفوش رايهم الحقيقي في الأخوان المسلمين ؟؟

أنا عامة ما بحبش أخش في المواضيع من النوعية دي

عشان محدهش ينطلي يقولي (( قول موتوا بغيظكم ))

بس كلامكم ده بعيد تماما عن الواقع

[الدكتور ياسر]

هوا أنتوا يا جماعة ما انخرطوتش قبل كده إطلاقا مع السلفيين ؟؟

محضرتوش دروسهم و اختلطتوا بيهم ؟؟

متعرفوش رايهم الحقيقي في الأخوان المسلمين ؟؟

أنا عامة ما بحبش أخش في المواضيع من النوعية دي

عشان محدهش ينطلي يقولي (( قول موتوا بغيظكم ))

بس كلامكم ده بعيد تماما عن الواقع

أعرف جيدا السلفيين يا أستاذ احمد و لكنى لم أعرفهم عن طريق المقطوعات التى يتصيدها البعض لهم كما نرى كثيرا هنا

و لكن عن طريق معايشتى لهم على أرض الواقع .

أما عن رأيهم في الإخوان المسلمين فأعتقد أن ما حدث من تنسيق بينهم في المرحلة الأولى هو أبلغ رد على كل من يحاول الوقيعة

بينهما . أما عن حديث فرد منهم فهو لا يعبر عن المجموع بل يعبر عن رأيه فقط .

على العموم ثق أن وصول الحرية و العدالة إلى الأغلبية سيسعد بالتأكيد مؤيدى حزب النور فلا تعارض بين الفصيلين في النهاية .

[Ahmed Anwer]

يا افندم بقولك إحتكاك و مخالطة حقيقية لفترة

مش مقطع يوتيوب !!

عموما هوا صديق سلفي لما كنت بتناقش معاه و باستغرب

طبعا ما نافاش إن رايهم في الأخوان سلبي للغاية

بس وجهة نظره إنهم علي الأقل أقربلهم ممن بدون أي مرجعية إسلامية علي الإطلاق (( من وجهة نظره ))

يعني نظام أحسن الوحشين

بخصوص الأخوان أنا للأمانة لم أنخرط معهم أبدا

بس إعتقادي الشخصي إنهم متدبسين في السلفيين ،، و غالبا بيتحسروا علي ظهورهم علي الساحة ،، بس مضظريين ميخسروهمشي بإعتبارهم مخزون إستراتيجي لا يجب فقده

[raouf]

فيه فرق كبير جدا بين الاخوان والسلفيين

والفرق ليس فى العقيدة لكن فى الايدلوجية والعبادات

هاحاول اعمل مقارنة بسيطة وارجو ان يتم تصحيحى اذا اخطات

السلفين طريقة حياتية تدعو الى نهج السلف الصالح وتطبيقه كما قام به الرسول والصحابة تماما وبصرف النظر عن الظروف الزمانية والمكانية

الاخوان هى جماعة خدمية اكثر منها دعوية وتدعو الى التقيد بما جاء فى القراءان والسنة ولكن مع بعض التساهل والتطور حتى يناسب الوقت والمكان

السلفيون : متشددون فى تطبيق العبادات ويتم ايكال التطبيق الى الحاكم الذى يعابر ولى الامر ولا يحوز الخروج عليه

الاخوان نزرتهم اكثر تطورا ولا يقدسون الحاكم بل نهجهم تقويم الحاكم اذا اخطأ

السلفيون انشطتهم المجتمعية مرتبطة بالعبادة بمعنى ممكن تلاقى مستوصف لكن مرتبط مع المسجد وهكذا

الاخوان انشطة اجتماعية لا يوجد لها سند مع العبادة كمثال الاخوان بيعملوا مستوصفات - نوادى - رحلات

النشاط الدعوى للسلفيون نشاط دعوى دينى بالامر بالمعروف والنهى عن المنك كمثال النصح بالصلاة فى الموعد وفى المسجد النصح بالنقابر

النشاط الدعوى للاخوان نشاط اجتماعى اكثر منه دينى ففى دعوتهم وحملاتهم كمثال قد تكون دعوة او حملة نظافة او حملة للاقلاع عن التدخين

مساحة الحرية الشخصية للفرد فى السلفيين ضيقة لانها مرتبطة بما كان للصحابة بالظبط

مساحة الحرية الشخصية للفرد عند الاخوان واسعة ومش عايز اقول لا نهائية طالما لا تخرج عن الدين او التقاليد الاسلامية

حاجة اخيرة هى الشدة واللين فالسلفيون متشددون حينما يتعلق الامر بالدين كالعبادات كمثال ودائما الحكم والنظرة للواقع وما هو موجود

اما الاخوان الامر ايسر قليلا ونرتهم للابعد دائما بمعنى لامانع من التنازل قليلا لتحقيق هدف اوسع واكبر

بعض نقاط الاختلاف الدينية

السلفيون : اللحية سنة واجبة والنقاب فرض نادر لما تلاقى اخ سلفى حليق اللحية او زوجته غير منقبه

الاخوان اللحية سنة يجازى من فعلها - النقاب سنة وليست فرض يجزى فاعلها

بالاضافة لبعض الاختلافات وليس هذا المكان لذكرها

طبعا الاخوان اكثر خبرة سياسية لانخراطهم فى العمل السياسى منذ زمن اما الاخوة السلفيون

فكان امرهم اتركوا السلطة لاهل السلطة فهم اهل علم وحقيقة افضل من تاخذ منهم العلم الشرعى والفتوى

ارجو ان اكون وفقت فى الشرح وارجو تصحيحى من الاخوة سواء من السلفيون او الاخوان حيث انى حاولت ان ابعد عن الاختلافات فى الشرعية وتبسيط الفروقات قد الامكان وللعلم انا لا انتمى لاى منهم ولكنى شديد القرب بالكثير من اعضاءهم وما ذكرت هو مما علمته بالتعامل معهم

تم تعديل 4 ديسمبر 2011 بواسطة raouf

[متعب]

الفرق واضح جدا بين الاتنين

اولا الاتنين بيتناقضوا مع بعض ومفيش فيهم حد بيحب النانى بتاتا

السلفيين بيقولوا على الاخوان فرقه ضاله والاخوان كذالك وجميع التيارات المتأسلمه كذالك

كل يدعى على الاخر بانه من الفرقه الناجيه من النار والباقى من اهل النار وكل منهم له دوافعه وافكاره

بس فاهمين بعض كويس جدا . زى الديب والغنم والاتنين بيتفقوا على شىء واحد فقط وهو نفور المسلمين من الاسلام بتشويه عن عمد وتشويه سماحه الاسلام

السلفيين استبدلوا محمد بن عبد الوهاب بمحمد ابن عبد الله . اصبح نبيهم وقبلتهم ومخطاطاتهم واضحه جدا وهو تفريغ الاسلام من محتواحه تحت رايه الاسلام ولضربه

يعنى تخصصوا محاربه المسلمين وتبديعهم وتكفيرهم دون غيرهم من الملل الكافرة والتى ليس لها على ارض الواقع دين من الاصل

فهل رأيتموهم مرة واحده يكفروا بهائى او بوحى من الديانه البوحيه التى انتشرت فى مصر

هل رأيتموهم مثلا يكفروا الملحدين او الهجوم عليهم . وتبديعهم

دول تخصصوا فقط محاربه اهل الكتاب وخصوا المسلمين اكتر من من سموهم عباد الصليب . بس يبتعدوا كل البعد عن اليهود

الاخوان مش هيختلفوا كتير عنهم بس بينجحوا فى التأمر والمؤامرات بشكل بارع جدا وبيتمكنوا من هذا بسلاسه

وعمرهم ما يعترفوا باى اخطاء ليهم مهما ان كان الخطأ وكأنهم منزهين وفوق او يضاهون الانبياء والمعصومين من الخطأ

الاتنين بعيدين كل البعد عن الاسلام

واذا سلمنا انهم يمتدوابصله الى الاسلام فما تصنيف من هو غير منتمى الى جماعه معينه ويعيش فى ارض مصر ويقضى كل فرائض الاسلام

هل نصنفه انه غير مسلم وهؤلاء فقط هم المسلمين !!!!!

وناس كتير بالعبيط من المسلمين المعتدليين والغير منتمين الى تيارات من هذا النوع لايعتبروا هؤلاء يمثلوا الاسلام من بعيد او من قريب

لسبب بسيط جدا انهم ليسوا اوصياء على المسلمين ولا يمتلكوا الوكاله عليهم وعلى تصنيفهم للمسلمين بهذا الشكل الذى نراه من تكفيرات ووو

وايضا الاسلام ليس بحاجه ان احد يمثله او انه لم يطلب من احد ما معين ان يمثله

الاسلام يمثلوه المسلمين بكافه اشكالهم وانتمائاتهم

[الدكتور ياسر]

مش عارف اقولك ايه يا اخ باز !

ربنا يهدينا واياك .

بس انت بدات كلامك بان الفرق بينهم واضح جدا و بعد كده

كل كلامك اتهامات و تشنيع على الفصيلين معا فمش معارف بصراحة فين الفرق بينهم في كلامك .

على العموم الشعب قال كلمته و لسة بيقول .

والفصيلين في المقدمة كما ترى .

و لا صحيح دنا نسيت إن الانتخابات مزورة !!!!

[متعب]

هو بعد ما اترمت اصوات المصريين فى الشارع ده ممكن نسميه ايه

والشعب لا قال كلمته ولا حتى نفسه والكل عارف كده كويس بما فيه الاخوان انفسهم

ما علينا ده مش موضوعنا

انا اتكلمت عن كل فصيل على حده يبقى ازاى مش شايف الفرق . من اول الاخوان مش هيختلفوا عنهم كتير بس .....

طيب عموما قلى ايه الاتهامات ال انا قلتها مش متواجده وافتريت عليهم بيها

يعنى انكر مثلا كل ما قلته او بعض منه

وانا عليا البينه بالدليل وان شئت بالصوت والصورة

يعنى اقولى ايه ال مش عاجبك يادكتور بالتحديد يعنى وشايف أن ده افترى مثلا منى او هجوم ليس فى محله او غير مبرر

يعنى النقط مثلا من واحد الى تلاته

ايه هى

[آل مصريم]

السلام عليكم ورحمة ال

فقال له :يا أمام هناك جماعه تسمى الاخوان المسلمين واخرون يسمون السلفيون او الجمعيه الشرعيه فما الفرق بينهما ؟؟؟؟

تتوقع رد قال ايه؟؟

فقال له الامام حسن البنا: الفرق بين الاخوان والسلفييون او الجمعيه الشرعيه ان الاخوان مقرّهم فى الدرب الاحمر والجمعيه الشرعيه فى كذا (لا اذكر مكان المقر صراحة)

(تخيلوا هذا هو كان الفرق فى ذهن الامام حسن رحمه الله)

أرى وجه الجنيه و أميزه... و أرى ظهر الجنيه فأميزه أيضا... اقصد إن العمل لها وجهان لا يغير من طبيعتا شىء... سواء نظرت للوجه أو الظهر

تم تعديل 4 ديسمبر 2011 بواسطة آل مصريم

[AhmedSalim]

الفرق واضح جدا بين الاتنين

اولا الاتنين بيتناقضوا مع بعض ومفيش فيهم حد بيحب النانى بتاتا

السلفيين بيقولوا على الاخوان فرقه ضاله والاخوان كذالك وجميع التيارات المتأسلمه كذالك

كل يدعى على الاخر بانه من الفرقه الناجيه من النار والباقى من اهل النار وكل منهم له دوافعه وافكاره

بس فاهمين بعض كويس جدا . زى الديب والغنم والاتنين بيتفقوا على شىء واحد فقط وهو نفور المسلمين من الاسلام بتشويه عن عمد وتشويه سماحه الاسلام

السلفيين استبدلوا محمد بن عبد الوهاب بمحمد ابن عبد الله . اصبح نبيهم وقبلتهم ومخطاطاتهم واضحه جدا وهو تفريغ الاسلام من محتواحه تحت رايه الاسلام ولضربه

يعنى تخصصوا محاربه المسلمين وتبديعهم وتكفيرهم دون غيرهم من الملل الكافرة والتى ليس لها على ارض الواقع دين من الاصل

فهل رأيتموهم مرة واحده يكفروا بهائى او بوحى من الديانه البوحيه التى انتشرت فى مصر

هل رأيتموهم مثلا يكفروا الملحدين او الهجوم عليهم . وتبديعهم

دول تخصصوا فقط محاربه اهل الكتاب وخصوا المسلمين اكتر من من سموهم عباد الصليب . بس يبتعدوا كل البعد عن اليهود

الاخوان مش هيختلفوا كتير عنهم بس بينجحوا فى التأمر والمؤامرات بشكل بارع جدا وبيتمكنوا من هذا بسلاسه

وعمرهم ما يعترفوا باى اخطاء ليهم مهما ان كان الخطأ وكأنهم منزهين وفوق او يضاهون الانبياء والمعصومين من الخطأ

الاتنين بعيدين كل البعد عن الاسلام

واذا سلمنا انهم يمتدوابصله الى الاسلام فما تصنيف من هو غير منتمى الى جماعه معينه ويعيش فى ارض مصر ويقضى كل فرائض الاسلام

هل نصنفه انه غير مسلم وهؤلاء فقط هم المسلمين !!!!!

وناس كتير بالعبيط من المسلمين المعتدليين والغير منتمين الى تيارات من هذا النوع لايعتبروا هؤلاء يمثلوا الاسلام من بعيد او من قريب

لسبب بسيط جدا انهم ليسوا اوصياء على المسلمين ولا يمتلكوا الوكاله عليهم وعلى تصنيفهم للمسلمين بهذا الشكل الذى نراه من تكفيرات ووو

وايضا الاسلام ليس بحاجه ان احد يمثله او انه لم يطلب من احد ما معين ان يمثله

الاسلام يمثلوه المسلمين بكافه اشكالهم وانتمائاتهم

استاذ الباز افندي

لكم هو محزن و مؤسف ان نسمع ذلك النقد والتجريح فى كلا الطرفين ممن ينتسبون للاسلام

فماذا تركت لاعدا الاسلام

انا لست سلفيا ولا إخوانيا و لكن اكن الاحترام للطرفين فهم افضل منى علماو عملا واجتهادا

و طاعا لله عز وجل ولرسوله فلو راي احدنا انه افضل منهم علما وعملا و طاعة لله عز وجل وحسن خلق وتعاون مع الاخرين

فليتكلم عنهم كيف يشاء والا فرجاء منه ان يلتزم الصمت

[عماد حمدي]

فيه فرق كبير جدا بين الاخوان والسلفيين

والفرق ليس فى العقيدة لكن فى الايدلوجية والعبادات

هاحاول اعمل مقارنة بسيطة وارجو ان يتم تصحيحى اذا اخطات

السلفين طريقة حياتية تدعو الى نهج السلف الصالح وتطبيقه كما قام به الرسول والصحابة تماما وبصرف النظر عن الظروف الزمانية والمكانية

الاخوان هى جماعة خدمية اكثر منها دعوية وتدعو الى التقيد بما جاء فى القراءان والسنة ولكن مع بعض التساهل والتطور حتى يناسب الوقت والمكان

السلفيون : متشددون فى تطبيق العبادات ويتم ايكال التطبيق الى الحاكم الذى يعابر ولى الامر ولا يحوز الخروج عليه

الاخوان نزرتهم اكثر تطورا ولا يقدسون الحاكم بل نهجهم تقويم الحاكم اذا اخطأ

السلفيون انشطتهم المجتمعية مرتبطة بالعبادة بمعنى ممكن تلاقى مستوصف لكن مرتبط مع المسجد وهكذا

الاخوان انشطة اجتماعية لا يوجد لها سند مع العبادة كمثال الاخوان بيعملوا مستوصفات - نوادى - رحلات

النشاط الدعوى للسلفيون نشاط دعوى دينى بالامر بالمعروف والنهى عن المنك كمثال النصح بالصلاة فى الموعد وفى المسجد النصح بالنقابر

النشاط الدعوى للاخوان نشاط اجتماعى اكثر منه دينى ففى دعوتهم وحملاتهم كمثال قد تكون دعوة او حملة نظافة او حملة للاقلاع عن التدخين

مساحة الحرية الشخصية للفرد فى السلفيين ضيقة لانها مرتبطة بما كان للصحابة بالظبط

مساحة الحرية الشخصية للفرد عند الاخوان واسعة ومش عايز اقول لا نهائية طالما لا تخرج عن الدين او التقاليد الاسلامية

حاجة اخيرة هى الشدة واللين فالسلفيون متشددون حينما يتعلق الامر بالدين كالعبادات كمثال ودائما الحكم والنظرة للواقع وما هو موجود

اما الاخوان الامر ايسر قليلا ونرتهم للابعد دائما بمعنى لامانع من التنازل قليلا لتحقيق هدف اوسع واكبر

بعض نقاط الاختلاف الدينية

السلفيون : اللحية سنة واجبة والنقاب فرض نادر لما تلاقى اخ سلفى حليق اللحية او زوجته غير منقبه

الاخوان اللحية سنة يجازى من فعلها - النقاب سنة وليست فرض يجزى فاعلها

بالاضافة لبعض الاختلافات وليس هذا المكان لذكرها

طبعا الاخوان اكثر خبرة سياسية لانخراطهم فى العمل السياسى منذ زمن اما الاخوة السلفيون

فكان امرهم اتركوا السلطة لاهل السلطة فهم اهل علم وحقيقة افضل من تاخذ منهم العلم الشرعى والفتوى

ارجو ان اكون وفقت فى الشرح وارجو تصحيحى من الاخوة سواء من السلفيون او الاخوان حيث انى حاولت ان ابعد عن الاختلافات فى الشرعية وتبسيط الفروقات قد الامكان وللعلم انا لا انتمى لاى منهم ولكنى شديد القرب بالكثير من اعضاءهم وما ذكرت هو مما علمته بالتعامل معهم

أحسنت يا رؤوف جزاك الله خيراً .. رد مُختصر و وافي ..

تحيــاتي

[عماد حمدي]

للجميع ..

[Mr MAGED]

أستاذ رؤوف معلهش هاختلف معاك في بعض النقاط وده مش لنصرة طرف علي طرف انما للتوضيح ليس الا

في البداية انت قلت :

والفرق ليس فى العقيدة لكن فى الايدلوجية والعبادات

بتهيألي مينفعش يكون فيه اختلاف في العبادات .. الاختلاف ممكن يكون في الاحكام حسب المذهب المتبع مثلا .. لكن في العبادات بيتهيألي مينفعش.. يعني مثلا السلفيين هيقولوا ربنا أمر اننا نصلي خمس مرات .. والاخوان هيقولوالا هما 3 بس ؟؟ المثال مش للسخرية طبعا للايضاح فقط لا غير ..

لكن ممكن يختلفوا في حكم الحجاب مثلا زي مانت قلت

وقلت تاني :

السلفين طريقة حياتية تدعو الى نهج السلف الصالحوتطبيقه كما قام به الرسول والصحابة تماما وبصرف النظر عن الظروف الزمانية والمكانية

الاخوان هى جماعة خدمية اكثر منها دعوية وتدعوالى التقيد بما جاء فى القراءان والسنة ولكن مع بعض التساهل والتطور حتى يناسبالوقت والمكان

أنا باختلف معاك هنا كمان .. لو حضرتك مثلا بتتابع دروس الشيخ محمد حسان .. أكيد هتتأكد انه بيراعي كتير الظروف الزمانية والمكانية مش مغمض عنيه وماشي وخلاص ... ويعني ايه الاخوان بتدعوا لبعض التساهل والتطور .. يعني الاخوان متطورين والسلفيين متخلفيين ؟؟؟ ماظنش ان هيا دي الصورة اللي المفروض ننقلها عن ناس بيدعوا لاتباع نهج الرسول عليه الصلاة والسلام

وتقريبا نقطة تاني مشابههة :

السلفيون : متشددون فى تطبيق العبادات

يعني ايه متشددون في تطبيق العبادات !!! ماهو العبادة يا اما تطبق يا اما لا .. يا اما نصلي يا اما منصليش .. دي مافيهاش حل وسط .. الاخوان هيخلونا نقضي العبادة ازاي .. مش فاهم ؟؟

حاجة اخيرة هى الشدة واللين فالسلفيون متشددون حينما يتعلق الامر بالدين كالعبادات كمثال ودائما الحكم والنظرة للواقع وما هو موجوداما الاخوان الامر ايسر قليلا ونرتهم للابعد دائما بمعنى لامانع من التنازل قليلا لتحقيق هدف اوسع واكبر

أكيد كلنالازم نتشدد لما يتعلق الامر بالعبادات ..ان الله يحب اذا عمل أحدكم عملا أن يتقنه .. مينفعش نتدلع واحنا بنصلي مثلا ...وتساهل الاخوان في بعض الامور لتحقيق هدف اوسع ده مالوش مجال في العبادات .. ممكن حضرتك تقصد في السياسة .. لكن في العبادات مظنش انه يبقي تصرف صح لو عملوا كده

[وردة الايمان]

نقاشكم مستواه عالى من الثقافة السياسية اللى صعب انى اكون طرف فيها

لكن من وجهة نظرى المحدودة جدا فى الموضوع ده

هو انى شايفه ان كل طرف هو مكمل للطرف الآخر وانهم وجهان لعملة واحدة ( ان صح التعبير )

فى البداية كنت اعتقد ان السلفيون يمتازون بالتشدد والتعصب حتى علمت ان الشيخ الجليل محمد حسان هو من السلفين وغيرة من الشيوخ الذين يمتازون بالبساطة والسهولة فى التعامل

كما علمت ان عناصر من الاخوان كانت تقوم بتوزيع اسماء مرشحى الحزب السلفى مع اسماء مرشحيهم فى انتخابات النقابات

احنا فى وقت لا يحتمل الانقسام بين الطرفين

وياريت نختار النظام اللى نقدر نعيش معاه كلنا فى امان

تم تعديل 5 ديسمبر 2011 بواسطة وردة الايمان

[رضوي]

شكراً اخت وردة الايمان علي مجهودك

وان كنت اميل للرأي الاول في المقارنة

وأتفق مع رأي اخي الفاضل استاذ رؤف لأنه أوجز نقاط الاختلاف ببراعة

أنا اتعاملت مع الطرفين اخوان وسلفيين

بصراحة السلفيين كدعاه هايلين جداً

لكن في الحياه السياسية عندي تحفظات عليهم

أما الاخوان فموجودين في الشارع المصري من سنييييييين طويلة وعندهم خبرة سياسية محترمة اوي ...... غير السلفيين

على المستوى الشخصي ...... ممكن اتناقش مع اخواني/ة بسهولة ...... اعرف اتناقش واتكلم واعرض وجهه نطري ويردوا عليا ...... وممكن كمان يعترفوا بخطأهم لو هما غلطانين وعادي جدا

أما السلفيين فمجرد نقاشي معاهم بيسموه جداااااااال لامعنى له وماينفعش اناقش اصلاً

شايفة ان الاخوان معتدلين والسلفيين شوية متشددين

[متعب]

نجول تانى

السلفيين او الاخوان هل هما الاسلام وهل ال ينتقدهم يبجى أكده بينتقض الاسلام

طيب يبجى بجى المسلمين ال مش منتمين ليهم وضعهم ايه يعنى

وال ينتقضهم وضعه ايه برديكى . هل عادى يعنى انا ننتكد الغير المنتمين للاتنين سلف واخوان

بس لما بجى ننتكد الاخوان او السلفيين . أكده مش عادى !!!

طيب ايه الفرج يعنى . بين الانتكادين ؟

وهل من ينتكد هذا يكون حرام ومن ينتكد ذاك يكون مكروه مثلا او مستباح ؟

الحكيكه ان النكد واحد يعنى انا شايف أكده وبصفه خاصه اذا شفنا حاجه غلط منهم

والا بجى الاتنين مش بيغلطوا مثلا ومنزهين ومرفوع عنهم الاكلام مثلا . ودى قصه تانيه خالص مالص

يعنى هنجعد نتكلم فيها للصبح بجى

لما نجى ننتكد المخلوع مثلا او المشير او النظام ككل ولا بنشوف حد يفتح بجه . عادى يعنى اكده

ولما الناس بتنتكد الذات الالهيه والرسول والقرآن مش بنتكلم برديكى

انا شايف الحكيكه ان دا عيب واضح جدا عند الاتنين . انهم لايقبلوا أى نقد وكأنهم فوق كل هؤلاء الرسل وووو

وهل الاتنين مثلا برديكى عملوا شىء صح مثلا وبنشوف حد ينتكدهم فى الصح . ده يبجى عباسيه لمؤخذه يعنى

والتبيعى برديكى أن أما نشوف غلط منهم ننتكده وهنا مفيش عباسيه خالص

يابوووووووووووووى . يلا

أهو كله سلف وأخوان