العمرة و المحرم

[جويرية]

السلام عليكم

سمعت من ناس ان ممكن العمرة من غير محرم و بس بشرط وجود صحبة امنة يعني ممكن الام مثلا

و بعدين ناس تاني بيقولوا لا ده مفيش سفر من غير محرم

افيدوني افادكم الله

[آل مصريم]

فى العصور الغابرة لم يختلف فقهاء المسلمين بمذاهبهم و بطوائفهم على عدم جواز سفر المرأة بدون محرم... لأى غرض كان.... بإستثناء حوادث متفرقة فى عصر النبوه كان لها خصوصيتها كالهجرة و الجهاد... و الخروج معه صلى لله عليه و سلم... و هذا خاص به عليه الصلاة و السلام

و بعد أن تخلصت البشرية من الإبل و الخيل و البغال و الحمير كوسيلة سفر... ذهب معظم علماء الأزهر الشريف إلى أمان سفر المرأة بدون محرم إلا

-أولا ؛ فى وجود صحبة آمنه... و هى موجوده فى إطار سفر العمرة ......ناس طالعه لبيت الله و كثير منهم أزواج و زوجات.. و معهم مشرفين

ثانيا أن تأمن على نفسها من مخاطر الطريق... من قطاع الطرق و ما شبه... و هذا متواجد فى سفر اليوم سواء طائرة أو بحر أو برى.... إلا ما ندر و النادر لا حكم له

و عارض هذا الرأى فريق لا يستهان به من العلماء... فى غالب المذهب الحنبلى.. و آراء متفرقة فى المذاهب الأخرى..... و هو ما جرى عموم الفقه عليه فى السعوديه و تبعهم فى ذلك خلق كثيرون

و القولان قال بهم علماء أجلاء... فايا منهم أخذت به فهو مقبول... توكلى على الله و اعتمرى بما تيسر لك... و لا تنسى أن تدعوا لمصر بالإستقرار و أن يولى الله من يصلح و لسائر بلاد المسلمين ... ...

[جويرية]

انا دلوقتي عايزة اعمل عمرة و كل ما بسأل حد بيقولولي لازم المحرم ، اما ليا واحدة بس قريبتي قالتلي ممكن تاخدي امك معاكي ، بس محدش تاني اكد لي الكلام ده

[raouf]

يا جورية الافضل طبعا انك تسالى عالم او شيخ بالازهر

لاندى حاجة كبيرة مش صغيرة وايضا تتاكدى من القوانين السعودية هل تسمح بدخولك بغير محرم ولا لا

بس اللى اقدر اقوله وااكده انك لو فوق 60 عام تدخلى وتعملى عمرة لوحدك بدون مشاكل

بس اعيد الافضل تسالى احد الشيوخ الثقات وتتاكدى من مكتب سياحة

[لماضة مصرية جدا]

السلام عليكم و رحمة الله و بركاته

ربنا ييسر ليكي كل خطوة في طاعة باذن الله

بالنسبة لسؤاك يا استاذتي

اللي اعرفه ان السعودية بتقبل سفر المرأة بدون محرم في العمرة و ده في حالة ان سنها اكبر من 40 سنة(مع ان فيه وظايف المراة ممكن تسافر فيها عادي السعودية من غير محرم و دي الحكاية اللي مدخلتشي دماغي نوهائي بس قلت كل بلد و سلوها و انا مالي)

و انصح حضرتك انك تتصلي علي السفارة السعودية بالقاهر و تساليهم بنفسك افضل

ربنا ييسر ليكي ل امورك و تدعيلنا معاكي هناك باذن الله و تجيبلنا مية زمزم:)

مساكي..راحة قلب في الحرم