تجديد البيعة للقائد

[se_ Elsyed]

جريدة المساء السمورية 8/11

بيعة جديدة للقائد..في اجتماع الهيئة البرلمانية

تحول اجتماع الهيئة البرلمانية للحزب الوطني إلي بيعة جديدة للقائد والزعيم.. الرئيس حسني مبارك من أجل استمرار مسيرة التنمية والعطاء.. تفاعل أعضاء الهيئة البرلمانية بحميمية شديدة حينما أعلن كمال الشاذلي الأمين العام المساعد للحزب الوطني أن مصر تقدر إنجازات الرئيس مبارك ومازالت في حاجة إلي عطائه ونقائه واخلاصه في طرح الرؤي التي تنير الطريق.

وتحدث صفوت الشريف الأمين العام للحزب الوطني خلال الاجتماع مؤكداً إن أعضاء الهيئة البرلمانية للحزب يعتزون بزعامة الرئيس مبارك ويفخرون بقيادته ورئاسته لمصر كلها.. وأضاف إن عقل وحكمة الرئيس مبارك هما طوق النجاة لمصر في مواجهة التحديات.. فالرئيس عبر عن إرادة الأمة التي اختارته في ملحمة صدق متواصلة ... والله ما حصل وكله كذب في كذب إنتوا اللي أخترتوه وإنتوا اللي بايعتوه .. حتى أسألوا محمد العزبي .

شرح الرئيس مبارك خلال الاجتماع الذي امتد ساعتين حقيقة الموقف علي الساحتين الداخلية والخارجية وتناول كل القضايا بصراحة ووضوح.

تحدث الرئيس عن الاصلاح السياسي الذي يسير بخطي ثابتة ومدروسة حتي لا يؤدي إلي فوضي ... أيوه أيوه الكلام ده سمعناه ديشيليون مرة .. ده حتى لو كان سي إصلاح ده ماشي بسرعة السلحفاة كان زمانه وصل ... إنما انا جي وغلاوتك لاجي .. أصل الإصلاح بتاعنا بيشمي جوه الجزمة الاول .. كما أكد ان الاصلاح الاقتصادي هدفه الأول محدود الدخل ده صحيح وماحدش يقدر ينكر إن الإصلاح الذي بدأه المغفور له المرحوم عاطف عبيد كان يهدف محدود الدخل .. أي القضاء على محدود الدخل اللي هو عالة على المجتمع وعامل قلق ... .. مشيراً إلي أن قانون الضرائب الجديد الذي أعدته الحكومة يؤدي إلي زيادة المرتبات بشكل مباشر بنسبة تصل إلي 15%.

دعا الرئيس إلي نبذ محاولات السيطرة و"التكويش" من البعض مش فاهم يقصد إيه بالتكويش والسيطرة والحركات دي ... يعني كده بيبستف بتوع الحزب الوطني الفاشي .. ولا يقصد امريكا ولا مين بالظبط ؟.. وطالب الحكومة بالعمل بواقعية ومنطق في الأداء والاعتماد علي اللامركزية ومحاربة الروتين والبيروقراطية كلام إنشاء انا فاكرة كويس حتى بالأمارة الموضوع ده كان مقرر علينا في سنة ستة إبتدائي قبل ما يلغوها ..وأكد أن قضية السلام في الشرق الأوسط سوف تحظي باهتمام أكبر من الإدارة الأمريكية بعد إعادة انتخاب الرئيس بوش ده اكيد طبعاً خصوصاً إن رئيسنا القائد يمتلك قدرة عجيبة في التأثير على بوش وإجباره على إتخاذ قرارات معينة لحل مشكلاتنا في الشرق الأوسط ... ويمكن الإهتمام ده بدأه بوش في العراق وبإذن الله هايحل بقيت المشاكل بنفس الطريقة طالما عندنا مثل هؤلاء الزعما الأشاوس . .. وأشار إلي أن مؤتمر شرم الشيخ القادم سيناقش أفكاراً للخروج من المأزق الحالي في العراق.. وقال إن مصر سوف ترسل بعثة مراقبين إلي جنوب السودان ودارفور. ( بعون الله ريسنا ممكن يحل مشكلات العالم كله في قاعدة واحده وفي خلال دقايق .. ربنا يديله الصحة )

[masr_watany]

وانتقلت مدارات الحركة من مسرح العبث إلى خشبة التاريخ، وثبت أن مصر المحتقنة بالغضب تريد التغيير الآن، ثبت أن مصر كلها ساخطة رافضة لحكم العائلة، فليست القصة فقط فى استبداد سياسى عصف وتوحش، وليست القصة فقط فى تداخل السلطة والثروة على نحو مخيف مفزع، وليست القصة فقط فى تخطى دولة القانون إلى قانون المافيا، وتراخى سلطة الدولة إلى حكم العصابة، وليست القصة فقط فى مليارات المال الحرام، وليست القصة فقط فى نهب ألفا مليار جنيه مصرى فى مجالات بيع القطاع العام وهروب الأموال وقروض البنوك، وليست القصة فقط فى بطالة السبعة ملايين وفقر الخمسين مليون مصرى، وليست القصة فقط فى تضييع الاستقلال الوطنى وتحويل مصر إلى مستعمرة أمريكية،

فقد جرى اختطاف مصر على مدى الثلاثين سنة الأخيرة، وتداعى السيناريو المنهك خانقا للروح على مدى 24 سنة من حكم الرئيس مبارك، جرى دهس المصريين بأحذية القهر الثقيلة، جرى شطب الشعب المصرى بجرة قلم، واستبدلوا بالشعب المصرى الغاطس النادى المصرى الطافى، وانتهى حكم البيروقراطية إلى الكليبتوقراطية أى حكم اللصوص، وراح النادى المصرى المحظوظ بالثروة والسلطة يرتب أوراقه لإقامة طويلة، راحت جماعة المماليك فى طبعتها البيزنسية تتدافع بالمناكب من حول بيت السلطان، وانتهى التدافع إلى حل وسط بين المماليك القدامى والجدد، حل يمد الولاية إسميا للرئيس مبارك إلى ثلاثين سنة، ويعطى الولاية الفعلية للرئيس الابن الموعود بالتوريث، حل ينتهى بنا إلى وضع غير مسبوق حتى فى أسوأ عصور الملكية، فالرئاسة مزدوجة والحكم ثلاثى معلوم الأطراف، وفى وضع الخطر بالجملة قد لا يصح الغرق فى التفاصيل،

حين تستيقظ مصر

[kfaya]

معقولة الجمود والتحجر ده ....

نفس الجلسة بنفس الوجوة , و نفس الكلام , نفس المنظومة , حتى كمان نفس القاعة ....

معقولة هى دى مصر اللى بيقولوا عليها ولادة ؟؟؟؟ دى عاقر و عقيم و قاطعة الخلف ...

نفسى أعرف نسمة التفاؤل متى ستهب على ذلك الوطن المتيبس .....

معقولة بعد كام شهر عندنا نفس الأنتخابات , بنفس الأشخاص , بخمسين فى المائه عمال و فلاحين ؟؟؟؟؟!!!!! ده روسيا أم الشيوعية و الصين الحمراء و كوريا الشمالية مستحيل يتركوا نصف المجلس التشريعى عمال و فلاحين الحد الأدنى لدخولهم البرلمان المصرى هو أجادة القراءة و الكتابة !!!!!!!!!

انا هاقتبس سطر واحد من كلام س س :

تحدث الرئيس عن الاصلاح السياسي الذي يسير بخطي ثابتة ومدروسة حتي لا يؤدي إلي فوضي

ده يلخص كل الكلام اللى أحنا عمالين نلف و ندور ... و ندور عليه .... و من الأخر .... سيبقى الوضع عما هو عليه ..

عليه العوض فى الجيل بتاعنا كله ....

[Tamsite]

شهر أكتوبر 2005

الاستفتاء على التجديد لرئيس جمهورية مصر العربية الحالي

أنا عارف ان أنا و أبويا و أمي و عمي و عمتي و كل عيلتي ، الي عايشين ربنا يديهم الصحة و اللي ماتوا الله يرحمهم ، بيروحوا كل مرة عشان يقولوا نعم لمبارك ، و اختارناك اختارناك ، و نعم نعم من جوه القلب ، مع إن مافيش حد فيهم بيروح لا لجان و انتخابات و لا يحزنون بما فيهم انا ، كلنا بنبقى قاعدين ( نحن الأحياء ) في مكاننا مكبرين دماغنا، اما عن الأموات (اللهم تغمدهم برحمتك ) فدول أصلا قاعدين في قبورهم مرتاحين من الهم اللي احنا فيه

و نفس الوضع بالنسبة لانتخابات مجلس الشعب و المجالس المحلية

بس المرة دي بقى ............

شهر أكتوبر 2005 ..........

أنا رايح بجد لجان الاستفتاء بتاع رئيس الجمهورية ده

هروح و أنا كلي عزم و همة ان شاء الله

عشان أقول من كل قلبي و جوارحي ................

لأ

واحد يقوللي ، يا سلام ياخويا ، كان غيرك أشطر ، مانتا صوتك مش هيفرق مع الناس دول حاجة ، و الريس هيكسب المرة دي كمان ، و بنسبة 99.9999999999999% ، غصب عنك و عن التخين

ردي المتواضع :

مانا عارف ان صوتي الغلبان مش هيفرق معاهم ، وانه هيكسب هيكسب ، انما هيفرق معايا أنا ، هيفرق معايا اني على الأقل مرة واحدة في حياتي رحت و قلت كلمة ( لأ ) رسمي

قدام ضميري و قدام خالقي سبحانه و تعالى

ما دمت مش قادر أغير و ضع بايظ ، و حسيت بالياس و الاحباط خلاص ، وضاقت كل الاستحكامات

يبقى أروح أريح ضميري ،و أعبر عن رأيي الغلبان ، عن طريق قناة ( يقال ) انها شرعية ....

و دمتم .............

تم تعديل 8 نوفمبر 2004 بواسطة Tamsite

[تصحيح]

جال في خاطري لاول وهلة ان الموضوع يقصد تجديد البيعة للقائد العظيم جورج بوش ...............لكن ............ انها أزهي عصور الديموقراطية .. في المحروسة .. من الحسد

[thepoet]

صدق من قال :

و الـسِّـفـْـلــَـــة ُ تـَحْـكــُــمُ فــــي وَطـَـنـــــي . . .

و الـخـَمْـــرُ - بـِـرَغـْـــم ِ نـُصُـوص ِ الـشـَّــرْع ِ تـُحَــــرِّمُ - مَـــا زَالـَــــتْ وَثـَـنــــــي . . . !

و الـحَـاكِـــــمُ يَـمْـلِـــــكُ كـُرْبَـاجَــــــا ً . . .

إنْ أسْـكـُـــتْ عَـــــنْ مَـــــدْح ٍ . .

بـالـمَـــدْح ِ سَـيُـنـْطِـقـُـنــــي . . . !

و إذا فـَكـَّـــرْتُ بـِــــذ َمِّ الــــــذ َّاتِ الـعُـلـْيـَــــا فـــي يَــــوْم ٍ . . .

فـالـحَـاكِــــمُ - جـَــلَّ - يُـحَـــرِّكُ جَـيْـشـَـــاً

يَـقـْـتـُـلـُـنـــــي . . . ! ! !

الـفـُـــولُ . . طـَعـَــــامٌ جَـوَّعَـنـــــي . . .

و مَـوَائِــــدُهُـمْ . . .

تـَـتـَـبَــاهَـــى " بـالـكـَـافـْـيَــــار ِ" . . .

تـُعَـيـِّـرُنـِـــــــــــي . . . ! ! !

و الـعــُـــــرْيُ بَـــــدَا لـَهُـمُــــــو . .

إغـْــــرَاءْ . . .

و الـسِّـتــْـــرُ بَـــــدَا لـــــي

- إن ْ فـَـكـَّــــرْتُ بـِـمَـعْــنـــى جَــوْهـَــــر ِ مَـعـْـنـَــــى الـسِّـتــْـــــر ِ -

كـَـمـَـــــا كـَـفـَـنــــــي . . . ! ! ! !

أ ُنــْـسِــــيـــــــــتُ الـفــَـــرْقَ دَوَامـَــــــا ً بَـيْـــــنَ رَئـِـيــــــس ِ الـدَّوْلــَــــــةِ . . .

و الــوَطـَـــــن ِ . . . ! ! ! ! ! ! ! ! ! !

للشاعر المصري : عبدالرحمن يوسف

وشكرا

[VAMPIRE]

شهر أكتوبر 2005

الاستفتاء على التجديد لرئيس جمهورية مصر العربية الحالي

أنا عارف ان أنا و أبويا و أمي و عمي و عمتي و كل عيلتي ، الي عايشين ربنا يديهم الصحة و اللي ماتوا الله يرحمهم ، بيروحوا كل مرة عشان يقولوا نعم لمبارك ، و اختارناك اختارناك ، و نعم نعم من جوه القلب ، مع إن مافيش حد فيهم بيروح لا لجان و انتخابات و لا يحزنون بما فيهم انا ، كلنا بنبقى قاعدين ( نحن الأحياء ) في مكاننا مكبرين دماغنا، اما عن الأموات (اللهم تغمدهم برحمتك ) فدول أصلا قاعدين في قبورهم مرتاحين من الهم اللي احنا فيه

و نفس الوضع بالنسبة لانتخابات مجلس الشعب و المجالس المحلية

بس المرة دي بقى ............

شهر أكتوبر 2005 ..........

أنا رايح بجد لجان الاستفتاء بتاع رئيس الجمهورية ده

هروح و أنا كلي عزم و همة ان شاء الله

عشان أقول من كل قلبي و جوارحي ................

                لأ

واحد يقوللي ، يا سلام ياخويا ، كان غيرك أشطر ، مانتا صوتك مش هيفرق مع الناس دول حاجة ، و الريس هيكسب المرة دي كمان ، و بنسبة 99.9999999999999% ، غصب عنك و عن التخين

ردي المتواضع :

مانا عارف ان صوتي الغلبان مش هيفرق معاهم ، وانه هيكسب هيكسب ، انما هيفرق معايا أنا ، هيفرق معايا اني على الأقل مرة واحدة في حياتي رحت و قلت كلمة ( لأ ) رسمي

قدام ضميري و قدام خالقي سبحانه و تعالى

ما دمت مش قادر أغير و ضع بايظ ، و حسيت بالياس و الاحباط خلاص ، وضاقت كل الاستحكامات

يبقى أروح أريح ضميري ،و أعبر عن رأيي الغلبان ،  عن طريق قناة ( يقال ) انها شرعية ....

و دمتم .............

يا جماعة أنا من أشد المؤيدين لسياسة الرئيس حسني مبارك

كفاية اللي أحنا فيه دلوقتي واللي كنا فيه من 5 سنين

كفاية أن مسموح لينا بحرية الحديث اللي مكانتش مسموحة للجيل السابق

أنا على فكرة عندي الكثير لأقدمه لهذا المنتدي المحترم أنما الادارة مش عاجباها مشاركاتي مع اني مظلوم و مش بأذي حد و مسيركم تعرفوا كدة

أناشد الادارة بانها تخف عليا شوية

بحبكم كلكم

[Shams100]

هذا اذا دل على شيئ انما يدل على المهزله التى وصل اليها حال مصر الا يوجدفى ثمانيه وستين مليون شخص يصلح لقياده مصر سوي مبارك رغم ما الانحدار الذي وصل اليه حال مصر واذا كنا ننادى بالتغيير واعطاء الفرصه لوجوه جديده كنت اتمنى من مبارك ان يكتفى بهذه الفتره ويترك الفرصه ويسعي مع المصريين لتغيير هذاالنظام العقيم المتخلف فى تجديد البيعه الوهمى ولذلك انارغم كل كراهيتي للولايات المتحده الا انني احترم هذه البلد ويكفينا ما حدث بين بوش وكيري ويكفينا اتهام اي معارض للتوريث بالجنون

[Mohammad Abouzied]

حسني مبارك رجل عادي جدا

ومجلس الشعب الى جابه بناءا على انتخابات ونظام موضوع بدقه شديدة ، هو الى ساند وجود الرئيس في السلطة ولن يسمح لغيره ان يعتلي هذا المكان سواء من قريب او بعيد ، وانتو وحظكم اذا اصاب مبارك في سياسته او اذا اخطأ ، ودا نصيب ، وكل واحد لازم يقبل بنصيبه

والا غيرو نظام الانتخابات وتنازلوا عن المكاسب الاشتراكية (50% عمال وفلاحين)