كذب وتضليل حزب الحرية والعدالة

[Alshiekh]

فتحت هذا الموضوع ليس لأدراج مواد تدين حزب الحرية والعدالة ، ولكن للإعتراض على النغمة المقيتة الحادثة الآن في المنتدي والتي لايبغي المشاركين فيها إلا تشويه القويى السياسية المصرية.

ياريت الناس دي تفوق وتبذل مجهودها في أفكار نافعة بدلا تضييع الوقت في مشادات لاطائل منها.

مع العلم أنني قررت أن أستمر في إبقاء الموضوع في الصدارة حتى يتوقف إخواننا عن أسلوبهم هذا.

تحياتي للجميع

[raouf]

مش فاهم يا استاذ محمد

حضرتك فاتح 3 مواضيع

واحد سلفيين

واحد اخوان

واحد حرية وعدالة

فقط لاظهار سلبيتهم ؟

ولماذا هم فقط انت نسيت التكفير والهجرة

والجهاد

والجماعة الاسلامية

اعتبر دى المرة الوحيدة اللى هارد فيها فى هذه المواضيع واتمنى من باقى الشباب عدم الرد حتى لا تتطور الامور ويتفتح جولات من الجدال البيزنطى المضيع للوقت اللى لا طائل منه

على العموم بعد المقدمة الطويلة دى هاترك الثلاث مواضيع لاخونا الباز ومعاه اسلام علشان يعملوا اثراء للموضوع كعادة اى

موضوع فيه اسم الحرية والعدالة والاخوان

لله فى خلقه شئون وحكم

[عماد حمدي]

طيب حضرتك معلش ياعني مفتحتش المواضيع دي ليه من أسبوعين بالظبط ..

لما كان موجود علي المنتدي 5 موضوعات نشطه تهاجم الإخوان ؟

و كيف حضرتك تُطالبنا بعدم الهجوم مع أنه علي حق و نذكر حقائق بالصوت و الصورة ، كيف تطالبنا بذلك

و سيادتك أول من يهاجم في الإخوان و الدليل مشاركات سيادتك في موضوع تعرف علي الحرية و العدالة ؟

لن أتوقف عن إظهار الحقيقة مهما حدث ، التدليس المتعمد و إستغفال عقول الناس . لن أسمح بيه نهائياً

لاني سأحاسب عليه يوم الدين .. موضوع كذب و تدليس حزب المصريين الأحرار ..

تدليس و كذب و إستغفال بعقول الناس و أتيت بدليل صوتي و مرئي علي لسان متحدثهم الرسمي

يناقض نفسة بنفسه و الفيديو واضح و صريح ..

كفاكم مهاجمة التيار الإسلامي و أنصحوا أنفسكم قبل أن تفرضوا علينا أرائكم

لماذا لم نرى مثل هذه المواضيع قبل ذلك ؟؟

لما هذا الوقت تحديداً ، عندما علمتم أن إرادة الشعب تريد الإسلام تريد التيار الإسلامي

لماذا و أكررها مراراً و تكرارً لماذا لم نري موضوع مثل هذا منذ أسبوعين فقط و كان هناك

5 خمســـــــة موضوعات نشطة علي المنتدي تهاجم و تسب و تلعن في الإخوان

بخلاف موضوعات تسب و تلعن في السلفيين

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شوية إنصاف و عدل أرجوكم أرجوكم ..

أتأمرون الناس بالبر و تنسون أنفسكم

أتأمرني بعدم مهاجمة الأخرين و الإكتفاء بالعمل النافع ..

و أنتم أول من يهاجم و الدلائل و الحقائق علي كلامي موجودة ..

يراها الأعمي قبل المُبصر ..

أرحمونا يرحمكم الله .. أرحمونا يرحمكم الله .. إرحمونا يرحمكم الله ..

[Alshiekh]

لو محتاجين نماذج ، النت مليان ومش أكثر من كوبي وبيست ومش حانخلص

لكن كما قلت أنا لم أفتح الموضوع للتنابز والفرقة.

ياريت الرسالة تكون وصلت.

[متعب]

يا أهلا بالمعارك

صباح الفل ياحج محمد

انا بس بصبح واكيد طبعا اخواننا فى الدين ساعه ما هيشوفوا اسمى فى اخر مشاركه

هيظنوا الظنون الوحشه انى هفتح النار عليهم كاعاده يعنى

وهيخشوا بعصى المعلم يشوفوا ايه الدنيا ويحضروا الذى منه

عموما احنا بس على الصبح فقلت بس اصبح لان كنت عاوز احط خبر كده زى الزفت فى الموضوع ده

بس مش هينفع بقى احط ده حاليا لانه احنا لسه بنصطبح فمش عاوزين نعكنن على حد

روحو شغلكوا واما نيجى كلنا بالسلامه نتكلم

مع الرغم ان الكلام مفروغ منه وكلامنا لاهيودى ولا هيجيب وله لزمه اصلا

لسبب بسيط . هو ان مصر انباعت بعقود رسميه والعقود اتمضت فى امريكا رسمى وفى اسرائيل عينى عينك

ولا يحق للمشترى الرجوع فى البيعه ومفيش شروط جزائيه . الامر منهى .

كل ال انا عاوز اقوله ان ال انتوا شايفينوا من احداث مسلسلات هابطه من الدرجه الاولى وكل مايدور فى الانتخابات سيناريوا سخيف

وهم يعنى . اسمه وهم الانتخابات . الهدف منها مش فوز فريق على الاخر . الهدف منها الانقسام فى المجتمع المصرى واسقاط شرعيه الشعب بانه لها السلطات . وضرب الثورة فى مقتل بمساعده حرميه الثورات سلف واخوان وعسكر واجهزة امنيه قصدى غير امنيه

مسئله الثناء بالاخوان او الهجوم عليهم ولا تنفع ببصله

قضى الامر الذى فيه تستفتيان

أنا بس كتبت المشاركه دى هنا عشان اعرف اجيب الموضوع من مشاركاتى عشان ميضعشى منى

اما نيجى نتسلى بقى مش ننقض . لان كلامنا لاهيودى ولا هيجيب .

اهو قاعده تسالى . تضيع وقت يعنى

واما اجى نكمل ان شاء الله

وانتظروا خبر شديد شويتين

نقول صباح المانجه

[ام سلمي]

الاستاذ الفاضل محمد مع احترامي الشديد لحضرتك

لكن الحق يملي عليه أني اقول ان حضرتك ارتكبت مخالفة لقوانين المنتدي بهذه المواضيع

عنوان الموضوع مخالف لمضمونه وحضرتك أكدت في مداخلاتك انك لم تفتح هذا الموضوع لكتابة ما يسئ للتيارات او الاحزاب الاسلامية ولا تنوي ذلك.

كان الأنسب ان يكون العنوان اعتراض علي طريقة بعض الاعضاء مثلا. اما ان يحتوي العنوان علي اتهام لتيارات بدون دليل في مضمون الموضوع فهذا يخالف القاعدة رقم 2 من قواعد المنتدي

2. الإلتزام بكتابة الموضوعات ............ وإختيار العنوان المناسب لها و عدم إشتماله لعبارات إستفزازية أو تعريض بالآخرين أو أن يكون عنوانآ خادعآ ...

الشئ المخالف الاخر هو قرارك الاستمرار في ابقاء هذه المواضيع في الصدارة مع انك لن تضيف لها اي اتهامات جديدة لهذه التيارات وبالتالي ستكون المداخلات التي تعيد هذه المواضيع للصفحة الرئيسية مداخلات غير هادفة لا يقصد بها الإثراء ولكن مداخلات من نوعية (للرفع او للتذكير ) وهذا يعد مخالفا للقاعدة رقم 7 من قواعد المنتدي

7. الإلتزام بعدم ...........أو إضافة مشاركات لا يقصد الإثراء بها أو الأستفادة وانما فقط لزيادة عدد المشاركات وبالأخص إذا كانت في سياق حوارات جادة.

ليس عندي اي مشكلة في إبقاء مثل هذه المواضيع بشرط ان يكون لديك فعلا أدلة علي كذب وتدليس هذه التيارات وبإمكان اي عضو ان يدحض هذا الدليل او يثبته

اما ان يكون العنوان مخالف للمضمون بغير دليل مقنع ومخالفة لقواعد المنتدي فاتمني منك ومن الادارة الكريمة اتخاذ قرار بحذف هذه المواضيع

يَا أَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ وَلا يَجْرِمَنَّكُمْ شَنَآنُ قَوْمٍ عَلَى أَلَّا تَعْدِلُوا اعْدِلُوا هُوَ أَقْرَبُ لِلتَّقْوَى وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ

[eslam elmasre]

كتب raouf

على العموم بعد المقدمة الطويلة دى هاترك الثلاث مواضيع لاخونا الباز ومعاه اسلام علشان يعملوا اثراء للموضوع كعادة اى

يا سيدي انت حاطط اسلام في دماغك ليه اوي كده

ياريت بدال تلقيح الكلام ياريت تخليك في حالك ودع الخلق للخالق وسيب اللي يقول يقول ولو ماعجبكش كلامه فنده

هو انا تخصص اخوان وبس

حاجة غريبة بصراحة

ياريت تاخد جولة في مداخلاتي وانت تعرف ان الاخوان دول بعض من كل وليس كل وهم بالفعل بعض وليس كل ولا يصلون لهذه الدرجة من الاهمية لانني اعرف تاريخهم اكثر منك وقاريء لفكرهم ومنظريهم اكثر منك مع احترامي لثقافة حضرتك

ولا يعني عشان انا محول مسار ومكوع في الاعدادية 3 سنين تعاملني كده :protest:

[متعب]

ياصلاة النبى احسن

يا هاى يا هاى

العنوان اصبح مخالف للدستور والموضوع اصبح فى السكسونيه

بس سيل المواضيع ال بتحارب الكون كله دى مش مخالفه للدستور

ومرة العنوان ايه ومحتوى الموضوع أبصر ايه

لكن مبنشوفشى التعليقات دى فى مواضيع محاربه وتشويه الكون ال بيقوموا بيها اعزكم الله الاخوان يعنى

ونيجى نزنق حد فيهم فى حوار جاد ولا بنطلع منه بشلن

ونرجع بالصلاة على النبى للخلعون

والنبى منا دى اختى منى

نبدء فى الليله الزرقه

[متعب]

اولا بس عشان نحط النقط على الحروف

اخوان سلفيين . كافراد . ناس عاديه جدا وتعاملهم مريح جدا مع المقربين ليهم وانا عن نفسى اكتر اصحابى منهم

بس لما بيدور نقاش سيان دينى او سياسى بينهم وبين حد بتلاقيهم ابيض من الصينى بعد وقبل غسيله

مشكلتهم بقى انهم مسلمين دقنهم تسليم أهالى لل بيسموهم شيوخ دول وعلماء وفى الحقيقه دول لاعلماء ولا بطيخ بما فيهم حتى الكنيسه

دول تنظيم معين مشترك فى منظومه امنيه بحته وبيجروهم من ... وخلاص . روح هنا يروح هناك . تعالى هنا يجى هنا

بيتفذ بالحرف . أذن بتلاقيهم بدون ما بيحسوا انهم اشتركوا فى التنظيم الامنى بدون ادراك

لما نيجى نتخب حد فيهم على سبيل المثال وليس الحصر

الحاج مصطفى . راجل محترم ومحبوب جدا وراجل مفهوش غلطه . وبيخدم الناس كلها

على العين وعلى الرأس

بس الحج مصطفى مش هيتحكرك من نفسه ده تابع التنظيم اذا كان أمنى أو اخوانى وهما ال ليهم حق القرار . ده الملعب ال يلعب فيه فقط والحاج مصطفى مجرد واجهه ليهم وخلاص يعنى يجى للمصلحه العامه ويلعب بعيد

اراجوز يعنى .. بس اراجوز معدوم الشخصيه لانه حالف على الولاء والطاعه . والنغمه القديمه ال ملهاش معنى ان الحزب منفصل عن الجماعه . وهأو

هيختص الحاج مصطفى فى الخدمات الشخصيه . يخلص ورقه لفلان أو علان . لكن المصلحه العامه للبلد ملوش فيها

واحسن ناس تكون متوائمه مع التنظيمات يكونوا الاخوان والسلفيين

وال يفهم من كلامى ده انى بحارب الاتنين عشان عدم انتخابهم . يبقى مش فاهم حاجه فى اى حاجه

لسبب بسيط

لان البلد متسلمه تسليم مفتاح . شأء من شاء وابى من ابى

والمؤيد والمعارض دول ولا ليهم اى لزمه . ده نوع من انواع التشاحن بين الناس وبعضها مش اكتر

اشتغالات النظام مش اكتر

ونطلع بنتيجه واحده من الكوكتيل ده أن الشعب ليس له أى سلطه على النظام سيان داخلى او خارجى وليس له حق الاعتراض

والسياده للشعب دى حركات محكرته يعنى . على الورق ليس الا . لكن الواقع بيقول غير كده خالص

بيقول ان مصر هتظل مصر ومش هتتغير لا بأيد شعبها ولا بأيد حد

سيان بقى مسكها اخوان او عفاريت زرق

والمؤيد والمعارض يكلوا طين الاتنين

يتبعوا او يتبع

ومن غير ياحلولى

[pocy]

لاحول ولا قوه الا بالله العلى العظيم

وحسبي الله ونعم الوكيل ...............

اطالب بحذف المواضيع ............المخالفه للقانون الموقع اولا ..............(لسذاجه محتواها لانى لا ارى الا عنوان بدون اى دلائل ..............وهذا يسمى قذف وسب )

اخى الفاضل لا نجور على رأى احد فكل رأى له احترام وتقدير منا ولكن عندما يكون الموضوع مفرغ من معناه فهذا إن دل فانه يدل على .....................

لا اعلم كيف يخطأ مشرف في فهم قوانين المنتدى وموقع مثل المحاورات .................

منتظره اغلاق المواضيع وقبل هذا الاعتذار رسميا لكل من الشخصيات التى قذفهم ............بدون اى دليل على اتهامهم بالكذب والتضليل ..............

[pocy]

هى التقيمات السالبه راحت فين ................علشان فى أراء محتاجه تتراجع فى نقاطها الخضراء قليلا

وربنا يرحمنا يا رب من ................. اللى مش قادرين يفهموا

لكى الله يا مصر ............لكى الله

[ابو محمود]

لاحول ولا قوه الا بالله العلى العظيم

وحسبي الله ونعم الوكيل ...............

اطالب بحذف المواضيع ............المخالفه للقانون الموقع اولا ..............(لسذاجه محتواها لانى لا ارى الا عنوان بدون اى دلائل ..............وهذا يسمى قذف وسب )

اخى الفاضل لا نجور على رأى احد فكل رأى له احترام وتقدير منا ولكن عندما يكون الموضوع مفرغ من معناه فهذا إن دل فانه يدل على .....................

لا اعلم كيف يخطأ مشرف في فهم قوانين المنتدى وموقع مثل المحاورات .................

منتظره اغلاق المواضيع وقبل هذا الاعتذار رسميا لكل من الشخصيات التى قذفهم ............بدون اى دليل على اتهامهم بالكذب والتضليل ..............

لأ يا أخت بوسى الله يخليكى احنا هنقول للفاضل محمد كلمتين

الى الفاضل محمد انت تعطينا دائمآ المثل والقدوة فى المحاورات ما ذا حدث الصبر يا سيدى ستنتهى هذى المنازلات وسنكون جميعآ اخوة متحابين مرة ثانية وقريبآ ومصر ستكون افضل بالجميع وليس فصيل واحد فحى على الفلاح وسيبك بقى من ما يحدث الان هذة سنة الحياة التغيير دي حكمة ربنا

[عماد حمدي]

لا حول و لا قوه إلا بالله ..

لو أعرف أن إكتساح الإخوان و الحرية و العدالة هيعملوا كدا

كنت أتمنيت أنهم يخسروا الصدمة شديدة جداً 3 مواضيع في وقت واحد الفاصل بينهما اقل من دقيقة !

كلهم تبدأ عناوينهم : كذب و تضليل : الحرية و العدالة & الإخوان & السلفيين

أطالب بحذف المواضيع .. المنشورة بغير دليل .. و محتواها مُخالف تماماً عن العنوان

لان هذا هو التضليل بعينه ..

تم تعديل 6 ديسمبر 2011 بواسطة omda2006

[متعب]

اه اه

والمواضيع ال انتوا فتحينها للهجوم على البشر وعللاى الكون كله عليها سكر

بس دى عليها ملح

مش تصبروا شويه عشان نكمل الليله الزرقه ال جايه

ولا لسته الاتهامات جاهزة للمواضيع المعارضه وخلاص

فوكك

كلام خسارة فيه التعليق اصلا

كنا بنقول ايه بقى بالصلاة على النبى كده الاول

اه

المؤيد للنظام والمعارض له

المؤيد دائما وابدا ومنهم الاخوان بالاخص بيتهموا الدنيا كلها بالعماله الامريكيه والاجندات السوده والزرقه

وهما طبعا خارج المنظومه دى خالص مالص ولو جبنا ليهم وثائق بدينهم وبتقلب السحر على الساحر

تلاقى سيل من المبررات العبيطه بيستخدموها للتضليل ليس الا

وهما عارفين كويس جدا انها عبيطه ومع ذالك لايحرمونا منها ابدا . اذا اكان المصنف برئيس علماء رابطه المسلمين كفر بسنه محمد ولقينه المبررات له بالعبيط وان وان وكان كمان واخواتها .

هبل فى الجبل يعنى مش اكتر

المسئله بالنسبه للاخوان المسانده ليهم ال يهمهم حاجه واحده فقط انهم يكونوا ضمن مكاسب الليله بالوعود بان يتم تعينهم فى الوزرات السياديه هما واولادهم والحاشيه

والنظام يعيد نفسه ويبقى ابن القاضى قاضى وابن الظابط ظابط وهكذا واستنوا بقى تلاتين اربعين سنه فى كلام وقرارات ملهاش اى لزمه نهائى ولا بتاكل الايام دى خالص باأرش ابيض

فمن هنا بقى شايف ان بيحارب عشان ذاته مش عشان البلد والوطن والكلام ال مش بيأكل عيش ده خالص الايام السوده دى

الكلام يمشى مع بتوع التحرير ال اتهمناهم بالدنيا كلها وانهم عملاء لل وال وأم اللى بدون اى دليل يذكر

وتشويه الخلق غيه مش قوانين . وبيسقطوا من حساباتهم ما يلفظ من قول .

على سبيل المثال مثلا جماعه 6 ابريل عملاء الى والى والى ونطلع من والى نروح الى اين

ومع ذالك مازالوا يمارسوا حياتهم بشكل واسع النطاق

بدون محاكمات وبدون محاسبات على خيانتهم وكأن الخيانه والعماله اصبحت بس كلام وكمان مرضى عنها وانها مش جريمه يعاقب عليها القانون ولا حاجه

والنتيجه بلاغ متقدم منهم فى سياده اللواء ال اثار الضجه دى عليهم بالباطل ومصرين على محاكمته ياما يقدم دليل على اتهاماته ال تغنى بيها فى نفس الوقت الاخوان والسلفيين زى اللبانه فى بوقهم

ومش بس كده دول قلبوا على التكفير لميدان التحرير والمؤمرات ال بيشجونا بيها فى كل جمعه عشان تبرير عدم اشتراكهم فيها

يتبع

[متعب]

«واشنطن»: نحن على اتصال دائم بـ«الإخوان» ولا نتخطى «الخطوط الحمراء».. وننتظر ا لنتائج

طالبت وزارة الخارجية الأمريكية السلطات المصرية بمواصلة سير العملية الانتخابية بشكل إيجابى يتسم بالمصداقية ويضمن دعم الشعب، لأن الفوز بالانتخابات لا يقل أهمية عن إيضاح كيفية إدارة البرلمان الجديد بشكل يضمن الحقوق الديمقراطية الأساسية مثل حرية التعبير والتدين والتجمع. ووصف المتحدث باسم الوزارة، مارك تونر، فى مؤتمر صحفى عقده فى واشنطن، أمس الأول، الانتخابات بـ«ديمقراطية وطويلة»، مؤكداً أن إدارة الرئيس الأمريكى، باراك أوباما، لا تزال فى انتظار إعلان النتائج.

وأكد «تونر» أن الإدارة الأمريكية على اتصال دائم مع جماعة الإخوان المسلمين، مع مراعاة عدم تخطى الخطوط الحمراء بشأن ذلك، حسب تعبيره، موضحاً أنه مادامت التزمت الأحزاب بالمبادئ الديمقراطية والحكم الديمقراطى، فإن واشنطن ستستكمل دعمها، وقال:«نتحدث مع طيف واسع من الأحزاب السياسية فى مصر، بما فيها المعارضة».

وأضاف: «لا نعرف سبباً لتأخر إعلان نتائج المرحلة الأولى من الانتخابات، فربما يرجع السبب إلى نوع من الخلل، أو رغبة القائمين على الانتخابات فى مراجعة التصويت مرة أخرى، كما لا نعرف كامل التفاصيل بشأن تأخر إعلان النتائج».

ورداً على أسئلة أحد الصحفيين حول شعور الإدارة الأمريكية حيال فوز التيارات الإسلامية فى الانتخابات البرلمانية، أجاب «تونر»: «من المبكر التعليق على ذلك السؤال إلى حين صدور النتيجة رسمياً، فذلك أمر سابق لأوانه، ولا نستطيع توقع نتائج المراحل الثلاث للتصويت». وأكد أن الجميع فى أنحاء العالم شاهد الطبيعة السلمية للتصويت، معرباً عن تمنياته باستمرار العملية الانتخابية على ذلك النحو، وأضاف أن المهمة أمام الشعب المصرى «صعبة»، لكنها تبدو مشجعة للغاية.

المصرى اليوم | «واشنطن»: نحن على اتصال دائم بـ«الإخوان» ولا نتخطى «الخطوط الحمراء».. وننتظر ا لنتائج

طالما هناك إتصالات بين جماعة الإخوان والإدارة الأمريكية ، لمذا لا تعلن الجماعة ذلك ، أم هى إتصالات عيب لا سمح الله ، ولماذا لا تكذب الجماعة خبر مثل هذا الذى يدعى أن هناك دعماً أمريكياً طالما إلتزموا بالديمقراطية ..... هذه ليست أول مرة تتحدث فيها الإدارة الأمريكية عن وجود إتصالات بينها وبين الجماعة ..... والجماعة ودن من طين وودن من عجين أو أن الأخبار لا تصلها بنفس السرعة التى تصل فيها لنا

[عادل أبو عمر]

فتحت هذا الموضوع ليس لأدراج مواد تدين حزب الحرية والعدالة ، ولكن للإعتراض على النغمة المقيتة الحادثة الآن في المنتدي والتي لايبغي المشاركين فيها إلا تشويه القويى السياسية المصرية.

ياريت الناس دي تفوق وتبذل مجهودها في أفكار نافعة بدلا تضييع الوقت في مشادات لاطائل منها.

مع العلم أنني قررت أن أستمر في إبقاء الموضوع في الصدارة حتى يتوقف إخواننا عن أسلوبهم هذا.

تحياتي للجميع

ياريت لو تسمح حضرتك توضح لنا ما هي المعايير أو المؤشرات التي على أساسها حكمت بوجود " نغمة مقيتة حادثة الآن في المنتدي " ؟؟

لأني و كأحد الأعضاء لاحظت منذ شهر تقريبا ما يشبه نفس الوصف اللي حضرك ذكرته "نغمة مقيتة" في مداخلات موجهة في تقريبا في كل الموضوعات لا تحمل أي فكر سوى صب الاتهامات و الشتائم .. و الهدف من ذلك في نظري هو بالضبط مثل ما وصفته حضرتك " تشويه القوى السياسية المصرية "

لذلك يهمني جدا أن أعرف كيف يتم تحديد هذه النغمة متى تكون " مقيتة " و متى تكون " مستحبة " لأن الواضح أنها كانت تلقى استحسان و ترحيب

توضيح هذه المعايير مهم أيضا لنفهم هل حضرتك " قررت " ما أعلاه بصفتك الإشرافية أم الشخصية ؟؟

[عماد حمدي]

http://www.youtube.com/watch?v=OWEy6A_CiI0

[باهى الطائر الحزين]

جلعاد شاليط ؟

حد هيقولى دخله ايه فى الموضوع

هقوله مش عارف !

لكن اهو اسم ورد على تفكيري وخلاص

قلت اكتبه للتواجد علشان بقالى فتره غايب

وحابب اثبت حضور

[نوران]

فتحت هذا الموضوع ليس لأدراج مواد تدين حزب الحرية والعدالة ، ولكن للإعتراض على النغمة المقيتة الحادثة الآن في المنتدي والتي لايبغي المشاركين فيها إلا تشويه القويى السياسية المصرية.

ياريت الناس دي تفوق وتبذل مجهودها في أفكار نافعة بدلا تضييع الوقت في مشادات لاطائل منها.

مع العلم أنني قررت أن أستمر في إبقاء الموضوع في الصدارة حتى يتوقف إخواننا عن أسلوبهم هذا.

تحياتي للجميع

أي نغمة مقيتة يا أستاذ محمد؟؟

وأي تشويه ولمن ؟؟؟

نحن لسنا دعاة فرقة ولكن لا أدفن رأسي في الرمال

فالفيديو بموضوع كذب وتضليل حزب المصريين الأحرار ( أحد أحزاب الكتلة المصرية ) واضح والكلام الخطير اللي إتقال صوت وصورة

كما أبلغنا الفاضل جوناثان أن المتحدث باسم الكتلة المصرية قال نفس الكلام علي الجزيرة وقنوات إخبارية أخري

أي تتداوله وسائل الإعلام والنت

وأنا فقط نقلت بعض ما جاء في الفيديو

فأين التجني فيما قلت أنا؟؟

ولماذا لم تعلق حضرتك علي ماجاء في الفيديو ؟؟

ولماذا لم تغضب من مداخلات وفيديوهات بها تطاول وسب صريح في الأحزاب الإسلامية ومرشحيهم؟؟؟

بل وحضرتك تقيم مثل هذه المداخلات أيضا؟؟

إن المقيت فعلا هو التناقض الرهيب في موقف المتحدث الرسمي باسم الكتلة المصرية

الذي إتخذ من إلغاء المادة الثانية من الدستور معركة يجاهد فيها ليفقد بلدنا هويتها الإسلامية

ما زلنا في انتظار إغلاق الموضوعات الثلاثة المخالفة لقواعد وقوانين المنتدي

مع الشكر

[متعب]

«واشنطن»: نحن على اتصال دائم بـ«الإخوان» ولا نتخطى «الخطوط الحمراء».. وننتظر ا لنتائج

طالبت وزارة الخارجية الأمريكية السلطات المصرية بمواصلة سير العملية الانتخابية بشكل إيجابى يتسم بالمصداقية ويضمن دعم الشعب، لأن الفوز بالانتخابات لا يقل أهمية عن إيضاح كيفية إدارة البرلمان الجديد بشكل يضمن الحقوق الديمقراطية الأساسية مثل حرية التعبير والتدين والتجمع. ووصف المتحدث باسم الوزارة، مارك تونر، فى مؤتمر صحفى عقده فى واشنطن، أمس الأول، الانتخابات بـ«ديمقراطية وطويلة»، مؤكداً أن إدارة الرئيس الأمريكى، باراك أوباما، لا تزال فى انتظار إعلان النتائج.

وأكد «تونر» أن الإدارة الأمريكية على اتصال دائم مع جماعة الإخوان المسلمين، مع مراعاة عدم تخطى الخطوط الحمراء بشأن ذلك، حسب تعبيره، موضحاً أنه مادامت التزمت الأحزاب بالمبادئ الديمقراطية والحكم الديمقراطى، فإن واشنطن ستستكمل دعمها، وقال:«نتحدث مع طيف واسع من الأحزاب السياسية فى مصر، بما فيها المعارضة».

وأضاف: «لا نعرف سبباً لتأخر إعلان نتائج المرحلة الأولى من الانتخابات، فربما يرجع السبب إلى نوع من الخلل، أو رغبة القائمين على الانتخابات فى مراجعة التصويت مرة أخرى، كما لا نعرف كامل التفاصيل بشأن تأخر إعلان النتائج».

ورداً على أسئلة أحد الصحفيين حول شعور الإدارة الأمريكية حيال فوز التيارات الإسلامية فى الانتخابات البرلمانية، أجاب «تونر»: «من المبكر التعليق على ذلك السؤال إلى حين صدور النتيجة رسمياً، فذلك أمر سابق لأوانه، ولا نستطيع توقع نتائج المراحل الثلاث للتصويت». وأكد أن الجميع فى أنحاء العالم شاهد الطبيعة السلمية للتصويت، معرباً عن تمنياته باستمرار العملية الانتخابية على ذلك النحو، وأضاف أن المهمة أمام الشعب المصرى «صعبة»، لكنها تبدو مشجعة للغاية.

المصرى اليوم | «واشنطن»: نحن على اتصال دائم بـ«الإخوان» ولا نتخطى «الخطوط الحمراء».. وننتظر ا لنتائج

طالما هناك إتصالات بين جماعة الإخوان والإدارة الأمريكية ، لمذا لا تعلن الجماعة ذلك ، أم هى إتصالات عيب لا سمح الله ، ولماذا لا تكذب الجماعة خبر مثل هذا الذى يدعى أن هناك دعماً أمريكياً طالما إلتزموا بالديمقراطية ..... هذه ليست أول مرة تتحدث فيها الإدارة الأمريكية عن وجود إتصالات بينها وبين الجماعة ..... والجماعة ودن من طين وودن من عجين أو أن الأخبار لا تصلها بنفس السرعة التى تصل فيها لنا

محدش يعنى سمعنا صلاة النبى

ولا ال طالع اليومين دول الغاء الموضوع . الغاء الموضوع

أعمل نفسك ميت . أعمل نفسك ميت