هاتنتخب الزتونة .. ولا خُضرة المحشي ؟

[se_ Elsyed]

النهاردة ضحكت كما لم أضحك من قبل .. وكم في مصر من مبكيات

بأتصل بحماتي من شويه .. وبأقولها لها : إزيك يا ماما صحتك عاملة إيه ؟ ( هي مريضة وعلى وشك إجراء عملية كبيرة كمان )

فقالت : الحمد لله كويسة .. وروحت كمان إنتخبت النهاردة

فقلت لها : ليه كده بس ده أنتي مش بتقدري تمشي .. روحتي ليه ؟

قالت لي : العربيات جت المنطقة عندنا وبالمكرفونات قالوا تعالوا هانوصلكم للجنة الإنتخابات ونرجعكم كمان عشان هاتدفعوا 500 ج غرامة لو ما روحتوش .. بس على شرط ... تدخلوا اللجنة وتعلموا قدام ( الزتونة .. وبوكية الورد ) .. فقالت لي مالقيشت بوكية الورد ده بس لقيت في الورقة رسمة شكلها شكل حزمة خُضرة المحشي .. روحت مختارهم هما الأتنين .. بس أسكت يا أحمد .. خرجنا كلنا إحنا والستات ولقيناهم ولاد الذين سابونا ومشيوا بالعربيات .. بعد ما شحنوا فيها الناس كلها بالعشرات ... وعشان يزودوا حبكة العملية كانوا ماسكين يفط مرسوم عليها الشيخ محمد حسان جنب رمز المرشح .. وإحنا بنحب الشيخ محمد حسان

طبعاً أنا سمعت جُملة خُضرة المحشي اللي بالزتون والسماعة وقعت مني وروحت في خبر كان ...

وسلم لي على السلوك الإسلامي للمرشحين والغاية تبرر الوسيلة ويحيا ميكافيللي ...

[Alattar]

لو فعلا الكلام ده حصل زي ما بتقول كده..يبقي لازم تحقيق في الموضوع ده..

ومش معني اني سلفي يبقي أقبل ان يبقي فيه تجاوزات..حتي لو كان من الحزب اللي بيتبع نفس منهجي..بس يتم تحقيق بجد..مش كلام علي ورق..

ولو ثبت فعلا ان ادارة الحزب هي اللي عملت كده..يبقي يعتبر تزوير في إرادة الناخبين..ويجب محاسبتهم فورا..حتي لو تكلف ذلك إيقاف الحزب .. أو حتي اغلاقه بالكلية..

بس كل ده مربوط بتحقيق فوري..وحقيقي..ونزيه..ويكون فيه فعلا أدلة علي الكلام ده

[se_ Elsyed]

انا شوفت موضوع محمد حسان النهاردة الصبح قبل ما اتكلم مع الحاجة من شويه

إنتهازية ولعب على وتر الدين اللي الناس ضعاف أمامه ...

أنا نقلت لكم الصورة بامانة بالظبط زي ما حدثت

[نورالعين]

واضح اننا لم نعد نثق ابدا في اي اعلام

ده الجرايد مليانة معقول فاكرينها كدب وافتراء

طيب الحمد لله انكم تأكدتم :closedeyes:

تم تعديل 6 ديسمبر 2011 بواسطة نورالعين

[se_ Elsyed]

والله الأن على قناة الحياة سامع من امام لجان الإنتخاب نفس اللي حصل النهاردة بالظبط ...

صور لمشايخ عأمام اللجان عشان يأثروا على الناس

شحن للستات بالذات هذا الصباح وتلاقي طبعاً الرجالة كانوا في الشغل او حاجه ودول بيعدوا يخوفوهم من الـ 500 ج ..

وصلت إنهم بيطلعوا البيوت يخبطوا على الأبواب من انصار بتوع حزب النور

واللي بيفلت من الفخ ده بيلاقي المندوبين الأشاوس امام اللجان يرعبوه ويأثروا عليه .. أو كما قيل زي الورق اللي كان بيتفرق على الناس " لا تنتخب المسيحي أو الفلول .. وانتخب من ينصر الرسول "

لسه .. لسه محتاجين كتير على ما نظبط عقليات الناس ونفهم الجميع إنها مش حرب جهادية ولا دينية ... لكنها عملية سياسية بحته وتعتمد على الخبرة اولاً وليس الدين ... يعني أنا لو وجدت مرشح مسيحي ذو خبرة وكفاءة وأمامة اخر مسلم لا أعتقد أنه سوف يفيدني داخل المجلس ويعبر عن أحلامي وأفكاري ... فبالتأكيد سأختار المسيحي بكل إرتياح .... وأسف على التفرقة دي .. فانا مصري .. وفي مثل تلك المواقف يجب علي أن اختار المصري الكفء ....

لأن يا فرحتي بواحد بيقول قال الله وقال الرسول وبعدين الاقيه نايم جوه البرلمان او يبقى من السقيفة او ما يروحش حتى ....

على الجانب الأخر ... التحزب من الكنيسة نفسها لترشيح ناس على أساس ديني كما يفعل الطرف الأخر هو شيء في منتهى الخطورة ولا يقل خطورة عما يفعله بعض أنصار الحرية والعدالة او حزب النور ....

ويجب إننا جميعاً نتعلم من هذه التجربة

ونوطي على إيد الناس كلها نبوسها إن ده ما يحصلش في إنتخابات الرئاسة .. ونندعك كلنا في نعرات دينية وطائفية ... وننسى البرنامج والأفكار والأخذ بالأسباب ....

وبالتالي نحن نحتاج إلى 4 شهور على الأقل لفتح باب الترشح لإنتخابات الرئاسة عشان كل واحد يعرض أفكارة بطريقة جيدة .. ويكون في مناظرات محترمة تحترم عقولنا ..

ويكون في مواقع إلكترونية لكل مرشح نهائي ويبقى متوفر لدينا أشياء موثقة تشرح برنامجة وأفكارة ....

وايضاً لكي يتمكن كل مرشح بالنزول إلى الناس وعقد لقاءات مع الجماهير ليقدم لهم نفسه

وما تبقاش العملية مسلقوة زي الإنتخابات البرلمانية

أنا ما فيش حد سألته يا جماعة حتى لو كان معاه دكتوراة إلا وقال لي إنه إحتار حيرة كبيرة في الإختيارات الفردية بالذات لان الدوائر متسعة وكبيرة جداً .. وعدد المرشحين يزيد عن 100 شخص يمكن ما شافش منهم حد ولا سمع عنهم حتى .... فالاغلبية الساحقة أختار بشكل عشوائي او إختار لميولة الدينية فقط

[ابو محمود]

والله الأن على قناة الحياة سامع من امام لجان الإنتخاب نفس اللي حصل النهاردة بالظبط ...

صور لمشايخ عأمام اللجان عشان يأثروا على الناس

شحن للستات بالذات هذا الصباح وتلاقي طبعاً الرجالة كانوا في الشغل او حاجه ودول بيعدوا يخوفوهم من الـ 500 ج ..

وصلت إنهم بيطلعوا البيوت يخبطوا على الأبواب من انصار بتوع حزب النور

واللي بيفلت من الفخ ده بيلاقي المندوبين الأشاوس امام اللجان يرعبوه ويأثروا عليه .. أو كما قيل زي الورق اللي كان بيتفرق على الناس " لا تنتخب المسيحي أو الفلول .. وانتخب من ينصر الرسول "

لسه .. لسه محتاجين كتير على ما نظبط عقليات الناس ونفهم الجميع إنها مش حرب جهادية ولا دينية ... لكنها عملية سياسية بحته وتعتمد على الخبرة اولاً وليس الدين ... يعني أنا لو وجدت مرشح مسيحي ذو خبرة وكفاءة وأمامة اخر مسلم لا أعتقد أنه سوف يفيدني داخل المجلس ويعبر عن أحلامي وأفكاري ... فبالتأكيد سأختار المسيحي بكل إرتياح .... وأسف على التفرقة دي .. فانا مصري .. وفي مثل تلك المواقف يجب علي أن اختار المصري الكفء ....

لأن يا فرحتي بواحد بيقول قال الله وقال الرسول وبعدين الاقيه نايم جوه البرلمان او يبقى من السقيفة او ما يروحش حتى ....

على الجانب الأخر ... التحزب من الكنيسة نفسها لترشيح ناس على أساس ديني كما يفعل الطرف الأخر هو شيء في منتهى الخطورة ولا يقل خطورة عما يفعله بعض أنصار الحرية والعدالة او حزب النور ....

ويجب إننا جميعاً نتعلم من هذه التجربة

ونوطي على إيد الناس كلها نبوسها إن ده ما يحصلش في إنتخابات الرئاسة .. ونندعك كلنا في نعرات دينية وطائفية ... وننسى البرنامج والأفكار والأخذ بالأسباب ....

وبالتالي نحن نحتاج إلى 4 شهور على الأقل لفتح باب الترشح لإنتخابات الرئاسة عشان كل واحد يعرض أفكارة بطريقة جيدة .. ويكون في مناظرات محترمة تحترم عقولنا ..

ويكون في مواقع إلكترونية لكل مرشح نهائي ويبقى متوفر لدينا أشياء موثقة تشرح برنامجة وأفكارة ....

وايضاً لكي يتمكن كل مرشح بالنزول إلى الناس وعقد لقاءات مع الجماهير ليقدم لهم نفسه

وما تبقاش العملية مسلقوة زي الإنتخابات البرلمانية

أنا ما فيش حد سألته يا جماعة حتى لو كان معاه دكتوراة إلا وقال لي إنه إحتار حيرة كبيرة في الإختيارات الفردية بالذات لان الدوائر متسعة وكبيرة جداً .. وعدد المرشحين يزيد عن 100 شخص يمكن ما شافش منهم حد ولا سمع عنهم حتى .... فالاغلبية الساحقة أختار بشكل عشوائي او إختار لميولة الدينية فقط

سؤال الى الاستاذ احمد هل حماة حضرتك لاتعرف القراءة والكتابة ؟؟؟

اذاكانت كذلك لك كل الحق وان كانت تحمل شهادة بداية من المتوسط تكون فى مأذق لان الاختيار لها مهما كانت مغريات من يرسل لها عربات او هدايا

صدقنى انا لا انكر عليك حديثك لكنى استعجب كيف يتم اقتياد الناس بهذة السهولة ولا الناس ممكن بعد التطور دة والانترنت والتليفزيون ينضحك عليها ولا ناس خلفو ابناء وعلموهم واوصولوهم الى اعلى الدرجات ويكون دة تصرفهم

انا أسف ان كان كلامى بة شيء من العتاب بس علشان اكون صادق معاك انا زوجتى فى دائرة بالزيتون ولم يحدث معنا هكذا اطلاقآ لا عربات حتى والدتى ايضآ لم يحدث معها هكذا اصدق نفسى ولا اكذب امى ومراتى وعيونى يا استاذى على فكرة انا دائرتى على العنوان أخر

تم تعديل 6 ديسمبر 2011 بواسطة محمودمصطفى

[se_ Elsyed]

سؤال الى الاستاذ احمد هل حماة حضرتك لاتعرف القراءة والكتابة ؟؟؟

نعم حماتي لا تقرا ولا تكتب .. وكذلك والدتي اطال الله عُمرها اللي لما سألتها في شهر مارس الماضي عملتي إيه ؟

قالت لي بالنص ( وذكرت ذلك هنا وقتها ) : كان في ناس بدقون واقفين قدام اللجنة وقالوا لي : لو إخترتي الدايرة الحمرا يبقى المسيحيين هايركبوا البلد ويلغوا الإسلام .. عشان كده يا حاجه لازم تختاري الدايرة الخضرا ...

ده إجرام ومنتهى الفسوق والكذب .. مش كده ؟

صدقنى انا لا انكر عليك حديثك لكنى استعجب كيف يتم اقتياد الناس بهذة السهولة ولا الناس ممكن بعد التطور دة والانترنت والتليفزيون ينضحك عليها ولا ناس خلفو ابناء وعلموهم واوصولوهم الى اعلى الدرجات ويكون دة تصرفهم

وتستعجب ليه يا محمود بيه .. ده واقع بيحدث عيني عينك ..

لأ ومن مين ؟

من ناس رجال دين .. كتب عليهم الله إنهم يعتلوا المنابر في اماكن العبادات

فشوفنا قساوسة بيحضوا الناس على إختيار معين .... عشان المسلمين ما يركبوناش وأتذاعت الكليبات دي

وشوفنا مسلمين بل وناس يحملون درجة الدكتوراة بيقولوا للناس البسطاء في الاماكن الشعبية " الليبرالية ...يعني أعوذ بالله أمك تخلع الحجاب ... والراجل يتجوز الراجل ... والخمرة تبقى حلال ومباحه .... إلخ "

يقدر نفس اللي قال الإفتراءات والكذب على الله ده .. يقدر يقوله في منطقة راقية او داخل جامعة مثلاً ؟

وإيه دخل الشيخ محمد حسان او الحويني او محمد حسين يعقوب الإنتخابات عشان تُرفع صورهم على أبواب اللجان الإنتخابية ؟

وبعدين ده يا ريس المرحلة الأولى كان فيها محافظات من الحضر .. ما بالك بقى بالريف اللي الضرب فيه هايبقى على الكيف واللعب على الوتيرة الدينية هايبقى للصبح وسوري ... الفلاحين والبسطاء سيُساقوا كالـــ عشان يصوتوا وينتخبوا من غير ما يعرفوا هما بيعملوا إيه وذلك أن العمدة قال كده أو الشيخ قال كده أو القسيس قال كده

[آل مصريم]

بأتصل بحماتي من شويه .. وبأقولها لها : إزيك يا ماما صحتك عاملة إيه ؟ ( هي مريضة وعلى وشك إجراء عملية كبيرة كمان )

تقوم بالسلامة إن شاء الله... نسأل الله لها أن يشفيها شفاء لا يغادر سقما إلا شفاه... بفضل و رحمة منه سبحانه

خُضرة المحشي اللي بالزتون

يا سلااام لو معمول على لحم ال (غنم ) ال (إبل)... و تبقى ليلييييه يا عووومديه

المندوبين الأشاوس امام اللجان يرعبوه ويأثروا عليه .. أو كما قيل زي الورق اللي كان بيتفرق على الناس " لا تنتخب المسيحي أو الفلول .. وانتخب من ينصر الرسول

تجاااااره

مش حرب جهادية ولا دينية ... لكنها عملية سياسية بحته وتعتمد على الخبرة اولاً وليس الدين ... يعني أنا لو وجدت مرشح مسيحي ذو خبرة وكفاءة وأمامة اخر مسلم لا أعتقد أنه سوف يفيدني داخل المجلس ويعبر عن أحلامي وأفكاري ... فبالتأكيد سأختار المسيحي بكل إرتياح .... وأسف على التفرقة دي .. فانا مصري .. وفي مثل تلك المواقف يجب علي أن اختار المصري الكفء ....

هذا تفكير الراشد العادل..... و العكس تفكير الجاهل... الفاشى.... و بتوع أهل الثقة قبل أهل الخبرة... اللى خربوا البلد زمان بإيدلوجيات متعدده الأن سيخربوها بسم ايدلوجى العقيده... النفق المظلم من جديد... و إدى الغيش للى يحرقه كله... و يأكله للناس غصب بعد كده

الت لي بالنص ( وذكرت ذلك هنا وقتها ) : كان في ناس بدقون واقفين قدام اللجنة وقالوا لي : لو إخترتي الدايرة الحمرا يبقى المسيحيين هايركبوا البلد ويلغوا الإسلام .. عشان كده يا حاجه لازم تختاري الدايرة الخضرا ...

ده إجرام ومنتهى الفسوق والكذب .. مش كده ؟

وشوفنا مسلمين بل وناس يحملون درجة الدكتوراة بيقولوا للناس البسطاء في الاماكن الشعبية " الليبرالية ...يعني أعوذ بالله أمك تخلع الحجاب ... والراجل يتجوز الراجل ... والخمرة تبقى حلال ومباحه .... إلخ "

و من يكذب فى ديه... يكذب فى غيرها... الكذب كله واحد... بس فيه أكيد من أنصار الغاية تبرر الوسيلة.... مش عايزينهم... الكذابين

وإيه دخل الشيخ محمد حسان او الحويني او محمد حسين يعقوب الإنتخابات عشان تُرفع صورهم على أبواب اللجان الإنتخابية ؟

و ما الغريب فى ذلك... ليس مستبعدا عن من تاجر بالدين بالكليه و أحتكره... ان يتاجر بأحد رموزه

وووووووووووو

وسلم لي على السلوك الإسلامي للمرشحين والغاية تبرر الوسيلة ويحيا ميكافيللي

...

[عصام أبوالفتح]

ممكن تكون فكرة الاتوبيسات ونقل الناس عشان ميدفعوش الغرامة شئ كويس

اللى مش كويس هو الاشتراط على الناس انها تدى صوتها لحد معين . . وبعدين ماهو كل واحد المفروض مختار بالفعل مرشحيه مش مستنى لا اتوبيس ولا صورة محمد حسان اوغيره عشان ياخد قراره

وفى حاجة مهمة جدا لازم ناخد بالنا منها . . اذا كان الشيوخ مصرين على اقتحام البرلمان فسيبوهم يدخلوا ونسمع رأيهم تحت القبة فى قضايا البلد بدل اجتهادات خطباء الجمعة لما بيدخلوا فى السياسة. . بس بشرط اللى يقعد تحت القبة ميقفش على منبر الدعوة تانى . . حتى نتجنب استخدام المنابر للدعاية السياسية ويجب ان يعتبر ذلك جريمة يعاقب عليها القانون

[Mr MAGED]

أظن ان السلفي اللي يستخدم صورة الشيخ محمد حسان في الدعاية ده يكون عنده نقص في الشخصية

وعدم اقتناعه هو نفسه بكفائته وقدرته علي اقناع الناس باختياره .. وما اظنش ان واحد زي ده المفروض الناس تنتخبه

مش معني اننا شايفين ان الشيخ محمد حسان شخصيه محترمة وبنحبه .. يبقي كل السلفيين عندهم نفس مؤهلاته

والا كنا رحنا رشحنا الشيخ محمد حسان وريحنا نفسنا

بنلتمس العذر لابائنا وامهاتنا كبار السن .. لكن منلتمسش العذر لابنائهمم اللي ماتكلموش معاهم قبل ما يروحوا يحطوا صوتهم

نفس اللي ينطبق عالشيخ محمد حسان ينطبق علي اي شخصية محترمة من اي تيار تاني .. المفروض انه ميسمحش انه يزج باسمه عالفاضي والمليان

[se_ Elsyed]

بنلتمس العذر لابائنا وامهاتنا كبار السن .. لكن منلتمسش العذر لابنائهمم اللي ماتكلموش معاهم قبل ما يروحوا يحطوا صوتهم

ده احنا صوتنا أتنبح يا عم مع ناس كتيرة

لكن الزن على الودان أقوى من السحر

لما تلاقي واحد واقف لك زي العمل الردي قدام اللجنة وعمال يهددك بالجنة والنار والويل والثبور وعظائم الامور يبقى إيه الوضع بقى ؟

[محمد عبدالعزيز]

وفى حاجة مهمة جدا لازم ناخد بالنا منها . . اذا كان الشيوخ مصرين على اقتحام البرلمان فسيبوهم يدخلوا ونسمع رأيهم تحت القبة فى قضايا البلد بدل اجتهادات خطباء الجمعة لما بيدخلوا فى السياسة. . بس بشرط اللى يقعد تحت القبة ميقفش على منبر الدعوة تانى . . حتى نتجنب استخدام المنابر للدعاية السياسية ويجب ان يعتبر ذلك جريمة يعاقب عليها القانون

متفق مع هذا الرأى ولكن مع زيادة شرط آخر وهو أن يقبلوا النقد ولا يهددون منتقديهم ومنافسيهم بتهم كالكفر والإلحاد وكره الإسلام وما شابه من التهم المعلبة الجاهزة لكل من ينتقد المنتسبين للتيار الدينى.

يعنى ماحدش منهم ولا من أنصارهم يزعل لما واحد منهم يقصر والناس تضربه بالبيض الفاسد والطماطم مثلاً زى ما عصام سلطان قال, ومش عاوزين نسمع إن ده رمز دينى وده راجل محترم وشيخ ويعرف ربنا.

اللى أوله شرط آخره نور.

تم تعديل 7 ديسمبر 2011 بواسطة محمد عبدالعزيز