مونتريال من اللاندنج لبيبو فى كندا

[بيبو كندا]

طالما هذا طلب الكثير من الجماهير

يبقى نفتح موضوع جديد عن الاحداث اليومية و انطباعاتى عن مونتريال

و نبدأ بأسوأ الاحداث تذاكر الطيران

اول القصيدة بعد بحث و تدوير و شقلباظلت ملهاش اى لازمة ( لأن جميع المصريين فاكرين انهم اذكى خلق الله و بيحبو يبتدوا من حيث ما بدأ به الاخرين و ليس من ما انتهوا اليه ) لان كل الناس حجزت على الاردنية و بعد بحث اقل ما يوصف بالطويل تم الحجز على الاردنية برضو لانها ارخص الشركات سعرا و 2 شنطة لكل راكب و طبعا زى ما الناس قالو لى لازم الترانزيت على الاقل 3 ساعات بس على مين لازم احس ان الناس دول مش ادارجية حجزت ساعة واحدة ترانزيت و اللى يقول لى ده خطر اقول و انا منفوخ لا ما انا اكدت عليهم قالو لى انه وقت كافى :unsure:

و بكده حجزت قبل ميعاد الرحلة ب 18 يوم بالكمال طبعا ده وقت قصير للإستعداد و زيارة الاهل و الاصدقاء لكن له ميزة وحيدة ان فترة فراق الاحبه بيكون قصير

و فى يوم الرحلة يوم الاثنين الموافق 21/11/2011 من الساعة 5 صباحا و انا بستعد علشان الرحلة بتاعتنا الساعة 8 صباحا للأردن يعنى لازم اكون فى المطار الساعة 6 بالكتير

ملاحظه هامة جدا وزن المطار اقل من الوزن العادى يعنى انا كنت وازن جميع الشنط و كانت 23 و حتة صغيرة كده بس فى المطار لقيتهم 21 ك و ده عكس اللى حصل فى مطار الاردن ( طبعا تندهشو مطار الاردن - ولكن لهذا قصة )

المهم رحنا الترمنال اللى المفروض الطيارة تطلع منه بدرى ساعه علشان الاردنية مش عليها ضغط فى مطار القاهرة ( عكس الاردن تماما )

و بعد ما خدوا منى الولاعات اللى جايبها معايا من القاهرة و انا داخل الترمنال و خلونى كل ما اولع سجارة الف على خلق الله فى كل مكان لحد ما ربنا كرمنى بكبريت

المهم استنينا شوية لقيتهم بيزيعو انه نظرا لسوء الاحوال الجوية فى مطار الاردن تقرر تأجيل الطائرة لمده نصف ساعة قولت و مالو قدامنا نصف ساعة اخرى ..... ما فيش مشكلة

المفروض الطيارة تطلع 8.15 و بقت الساعة 9.00 و محدش قال حاجة غير البنت بتاعة الاذاعة الداخليه تسمعنا نفس العبارة بتاعة الاحوال الجوية مرة اخرى قلت لا لابد من عمل شئ اتصلت بالاردنية على التليفون و قالو لى

احنا بالاردن و مافيش سوء لا حاجة طيب ثوانى و بعد شوية قالت لا تقلق دى مشكلتنا احنا مش انت لا تقلق

المهم البنت اللى جت من الاردنية علشان تقول يا جماعة لا تقلقوا الطائرات لا تتحرك من مطار الاردن فاللى عنده طيارة هناك هتكون مستنياه

المهم 9.15 قالو لنا يالا على الطيارة هى طيارة صغيرة بس جميلة قوى و طيارين الاردنية لا تشعر معهم بأى شئ لا فى الصعود ولا فى الهبوط زيهم زى مصر للطيران كده

طلعنا الطائرة ووصلنا هناك 10.30 و طائرتى ميعاد اقلاعها 10.15 و بالسؤال قالو لى بخ استنى ليوم الخميس بقى و عليك خير ايه ازاى و كان معايا حوالى 4 اشخاص تانى

اللى معاه باسبور كند ودوه امريكا تانى يوم و منها لمونتريال

اما ذوى الباسبور المصرى فيوم الخميس ان شاء الله و للحكايه بقيه

تم تعديل 6 ديسمبر 2011 بواسطة بيبو كندا

[Sharm]

بسجل متابعتي و بحجز مكان و بعدين اقرأ و ارجع اعلق :cheer: :cheer:

[Sharm]

اوباااااااااااا

يا دي النيلة على الباسبور المصري اللي مبهدلنا في كل حتة ده

:blink: :blink: :blink:

كمل يا بيبو كلي اذان صاغية

[Muhammad Zidan]

تسجيل متابعة في الصفوف الأولى

[بيبو كندا]

:unsure: نكمل القصة المؤلمة

المهم بعد هات و خد و خناقات قلنا ما فى اليد حيلة نروحعلى الفندق مع وعد بحل المشكلة باليوم التالى

دخلنا فندق متواضع يبعد عن المطار حوالى نصف ساعة ده بعدبهدلة الشنط لانهم قالو نفضل انك تاخذ الشنط معاك و انا و الحمدلله 8 شنط وزنهم اكثرمن 180 كيلو جرام و 4 هاند باك الواحدة 10 كيلو جرام

بالاضافة لشنطة اللاب توب و شنطة ايد المدام و جواكتلزوم التلج و كوفيات لاربع اشخاص و عدد 4 ايس كاب لكل واحد منا ايس كاب ده غيرالعيال و ما ادراك بعوزة الحمام يا سيد فى عز المرمطة اللى احنا فيها :sad:

و بصراحة الاردنية شركة محترمة جدا جدا ما فيش واحدشافنا و ساعدنا انشالله بيد واحدة بس .............و ايه بقى الدقة فى تفتيش الشنط و انت خارج ولازمن ولا بد انك تعدى الشنط كلها على جهاز الكشف و ترجع تضعها كلها تانى علىالعربيات

يعنى تمرين تدفع عليه فلوس فى الجيم ....bsh:) ............المهم بعد ده كله

ذهبنا كلنا ننتظر اتوبيس الفندق ( الترانزيت ) المهم بعد حوالى ساعة او اكثر قليلا

شرف الباشا و عليك انك تطلع الشنط بالسيارة بقى ( يعنى يطلع

تيييييييييييييييييييييييييييييت اهلك من الاخر )

المهم وصلنا الفندق و ساعدونىاخيييييييييييييييييييييييييرا هم فى ادخال الشنط لجهاز الاشعة الحمراء بالفندق وبعد كده سبت الشنط عندهم تحت كأنى سبت هم كبير جدا و اكتفيت بالهاندباك فقط

و من سوء الحظ ان للشركة الاردنيه مكتب بالفندق لمتابعةالناس اللى زينا ترانزيت المهم بعد خناقات كل يوم

و طبعا هتقول ده من حظك مش هتدبمشوار للمطار كل يوم علشان تعرف موقفك اوك انا معاك بس الرجل ده لا بيحل ولا بيربطيعنى زى قلتة بس الفندق كله بيتخانق معاه مش لوحدى يعنى المهم روحت للرجل يوم كانرايق و معندوش حد

حكيت له الموقف بالراحة وقلت لهياريت تحل لنا المشكله كان الموضوع لى (انا 4 أفراد و مدام هى و إبنها الرضيع ) يعنىالموضوع كله 5 أفراد فأجاب الجل سيبونى نصف ساعة و قد اوفى الرجل

جاب تذكرة من الاردن لفرنسا 5.30طيران و من فرنسا 7 ساعات طيران لمونتريال مباشرة قلنا عنب اهى الدنيا ابتدت تزقزقو مشينا من الفندق السعة 4 صباحا لاذدحام المطار المهم روحنا المطار الساعة 4.30لان الطيارة ماشية الساعة 7.00 صباحا و الترانزيت ساعتين يعنى اهو فى وقت كافى

بعد طبعا رحلة الشنط و فى الفندق والمطار و الذى منه و كميه الشنط الغير طبيعى و انت بتعديها على جهاز الاشعة الفوقحمراء طبعا و الشهامة اخدتنى علشان الست الوحيدة كنت بساعدها

كنت يا مؤمن بشر عرق و درجةالحرارة اقل من الصفر بشوية يعنى نقول متوسط 18 شنطة تقريبا المهم خلصنا ووزناالشنط تانى و بكده الشنط كانت بها زيادة و شوفت ناس يا سيد بيفتحو الشنط و يرمومنها حاجات قلت اهى كملت بس ربنا ستر و عدت

المهم استنينا الطيارة فرنسا وتطلع علينا البنت بتاعة الميكروفون فاكرينه بتاعة مطار القاهرة نظرا لظروف تقنيةسوف يتم تأجيل طيارة باريس الى موعد سوف نعلمكم به لاحقا

ايه انت تانى يا رب خدها بقى وخلصنا ..bv:- .... نصف ساعة عدت و مافيش مشكله ما الترنزيت ساعتين ماشى .........ساعة

عدت اوك بس ابتديت اتوتر ...........الساعة 9 جت طيب ما خلاص بقى مافيش اى امل

اتخانق تانى و امرى لله

بس لاحظت ملاحظة غريبة فى المطاركل طائرات الاردنيه بيعتزرو لانها اتأخرت عن موعد اقلاعها او وصولهااااا

ما عدا طائرة واحدة قالت فيه الستبتاعة الميكروفون تعلن الشركة الاردنية عن وصول الطائرة القادمة من السعودية فىموعدها و اخذت انتظر زغروطة ولا حاجة فرحا

بهذا النبأالسار

و إذ فجأة ...جه واحد باشا كده وقال مين اللى رايح مونتريال ........ يا جماعة احنا اسفين هنظبطلكم موعد تانى بكرةاللى هو الخميس (يعنى اللى ما يرضى بالخوخ يرضى بالخوخ برضو ) :blush2:

و بعد مرمطة و دخول الحمام والولادكانهم فى رحلة عمالين يلعبو اطلقوا سراحنا الساعة 2 ظهرا بعد وعد بأننا سنجد الشنطالكبيرة موجوده بكرة صباحا فى الطائرة المتجهه لمونتريال

و عند دخولنا الفندق الناس اصحابىبقى البلمان و مسئول الحجز و كل العاملين بقى.......... اهلا و سهلا مش انتم مشيتوولا ايه اللى حصل و كانت فضيحة يا ريس كل واحد تحكيلة الحكاية و يقولك معلهش كأننامن اللاجئين

طبعا مش لوحدى كنت انا و العيلة والمدام صاحبة الطفل اللى اترمط معانا

ملحوظة هامة سعر الدينار ولاالريال الاردنى ده اغلى من اليورو يعنى بتدفع بالدولار تطلع الورقة ام عشرة يا خدتباقى بالعملة المحليه لا خلاص خلصت و الدنيا هناك غاليه مووووت

المهم تانى يوم الصبح الساعة 7 المرة دى رحاالمطار و كانت فى طائرة بجد و 12 ساعة طيران اى نعم طائرة حلوة و خدمة حلوة بس 12ساعة تخليك تزهق و رجليك تتيبس و هجيلك غالبا هسهس بس رحلة لذيذة على اى حال حتىالهبوط الى مطار مونتريال

[دون كاملو]

تشجيع ساخن و تصفيق حار

jmb-) hpc:!:

لبطل الابطال " بيبوووووووووووو" المهم وصلتوا بالسلامة

[romany beshay]

معاك ياباشا كمل

عندى كدا سؤال احجز ترانزيت الساعه دا على اساس ان كان حظك بس سئ اليوم دا ولو عدت ومشى الحال و لحقت الطياره التانيه يبقى كدا تمام وانجزنا

ولو حصل معايا زى اللى حصل معاك والطياره التانيه طلعت هتبقى بهدله صحيح بس الفندق والطياره التانيه على حسابهم زى منا فاهم

ولا انت دفعت اى حاجه زياده ولا دى مغامره ولا ايه

بس برده ترانزيت ال10ساعات ممل مش عارف فيه فندق على حسابهم ولا بنعد فى المطار كل الوقت دا

احجز ايه ياخوانا مش راسى على حاجه

[دون كاملو]

معاك ياباشا كمل

عندى كدا سؤال احجز ترانزيت الساعه دا على اساس ان كان حظك بس سئ اليوم دا ولو عدت ومشى الحال و لحقت الطياره التانيه يبقى كدا تمام وانجزنا

ولو حصل معايا زى اللى حصل معاك والطياره التانيه طلعت هتبقى بهدله صحيح بس الفندق والطياره التانيه على حسابهم زى منا فاهم

ولا انت دفعت اى حاجه زياده ولا دى مغامره ولا ايه

بس برده ترانزيت ال10ساعات ممل مش عارف فيه فندق على حسابهم ولا بنعد فى المطار كل الوقت دا

احجز ايه ياخوانا مش راسى على حاجه

لية مفكرتش فى الطيران الاوروبي ( اير فرانس - بريتش ايروايز ..... وكدة تكون قسمت المسافة على 2 والترانزين حوالي 4 ساعات

[صيدلى كندى]

:) تسجيل متابعة برضه يابيبوو وحمد الله عالسلامة ..بعد المشوار الطوووووويل ده

[raouf r]

حمدالله على السلامة يا استاذ صامويل

الف مبروك

و ربنا يوفقك

و ادينى قاعد فى اول صف مع كوباية شاى و متابعين يا باشا

[romany beshay]

لية مفكرتش فى الطيران الاوروبي ( اير فرانس - بريتش ايروايز ..... وكدة تكون قسمت المسافة على 2 والترانزين حوالي 4 ساعات

علشان الفرق فى السعر كبير كمان الاردنيه شنطتين لكل واحد

[بيبو كندا]

معاك ياباشا كمل

عندى كدا سؤال احجز ترانزيت الساعه دا على اساس ان كان حظك بس سئ اليوم دا ولو عدت ومشى الحال و لحقت الطياره التانيه يبقى كدا تمام وانجزنا

ولو حصل معايا زى اللى حصل معاك والطياره التانيه طلعت هتبقى بهدله صحيح بس الفندق والطياره التانيه على حسابهم زى منا فاهم

ولا انت دفعت اى حاجه زياده ولا دى مغامره ولا ايه

بس برده ترانزيت ال10ساعات ممل مش عارف فيه فندق على حسابهم ولا بنعد فى المطار كل الوقت دا

احجز ايه ياخوانا مش راسى على حاجه

بص يا رومانى يا صديقى

الاردنية ممتازة بس اقل من 4 ساعات ترانزيت فيها تبقى مخاطرة غير محسوبة

ال 10 ساعات دول انت بتقعدهم فى الفندق باشا شارب اكل نايم على حسابهم ا

لما كنت فى الفندق مساء يوم الاربعاء كان فى افواج كتير جدا جدا جت الفندق و تانى يوم كانو معايا على نفس الطيارة يعنى عشاء و فطار كمان

مش احسن ما تقعد 4 ايام و الناس اللى مستنينك فى كندا كل يوم من و الى المطار علشان خاطر سيادتك

و تذكر إبدأ من حيث انتهى الاخرين

تحياتى لك و للأسرة الكريمه

تم تعديل 8 ديسمبر 2011 بواسطة بيبو كندا

[بيبو كندا]

المرحلة القادمة مرحلة الطيارة بقى اخيرا هنركب الطائرة

بعد مبيت يوم اخير بالفندق بعد غزو الكثير من الحجاج العائدين لمونتريال للفندق لدرجة ان ساعة العشاء و الافطار كان الطابر طويل جدا

تانى يوم صباحا كان اسهل شوية بس شويه ملاحظات غبيه لازم تعرفوها للى رايحين مونتريال عن طريق الاردنية التفتيش المرة دى شديد شويتين

يعنى اول مرحله بعد الاشعة الحمراء لكل الامتعة بما فيهم جزمة حضرتك و حزامك و محفظتك و الجاكيت بتاعك و ساعتك و كل ما يخصك ( هنسمى الموضوع ده القلع لعدم تكرارة مرة اخرى )

حضرتك تتحرك على الكاونتر لوزن الشنط المرحلة اللى خلصناها قبلها بيوم و تاخد التذكرة تذهب للتريمنال الخاص بك و قبل ما توصل طبعا لازت تمر على الجوازات و ده بيفحص الجوازات جواز جواز و طلع لى مش عارف ايه

ثانيا لطريق الترمنال يجى حوالى اتنين او ثلاثة بيعملو الحركة دى علشان المطار مقسم لمخارج للطائرة ارضى و بعض المخارج بالنبوب الموصل للطائرة مباشرة

و اخيرا بعد شويه و صلنا للمجموعه الاولى من المخارج اوم ايه بقى نقلع تانى و الهاند باك على الجهاز نقون نعدى و نمشى فى اتجاه الترمنال بتاعنا تلاقى طابرو ؟ خير يا جماع لا ما ده تفتيش على البسبور و التذكرة قلت عادى

ووصلنا الترمنال لقيت خير الله هم اجعلة خير شوية من الجيش واقفين يفتشو الهاندباك باليد يعنى تتفتح شنطة شنطة و تفتيش على ابوه اللى معاه زجاجة برفان اكثر من 150 مل فى الزباله و هكذا كل الممنوعات اللى قال عليها الكتاب

و بعد كده واحد من كندا الام بيبص فى جوازات السفر جواز جواز لمعرفة ان الورق اللى معاك مش مضروب ولا حاجة و بعد كده تدخل على موظف لرؤية التذاكر و قطعها و التأكد من الباسبور و طلعت الطائرة الى ملجأنا الاخير مونتريال

زى ما قلت قبل كده الطيرا ن ممتاز و و المضيفات كلهم صينيين او من الفلبين بس طول الرحلة كانو مبتسمين و اى طلب تطلبه موجود و متاح و الطيارين اكثر من ممتازين

بس طيران 12 ساعة مع انه منجز يعنى انت قاعد على الكرسى و هتوصل هتوصل بس الزهق لو مش بتعرف تنام فى الطيارة هتبقى مشكله زى حالاتى كده على ما وصلنا كانت روحى فى مناخيرى

المهم وصلنا مونتريال و كان الثلج مغطى كل البيوت و الشوارع خطوط سوداء يعنى منظر رائع و بعد الهبوط الدنا منظمة بتوع الجوازات 10 دقايق و خلاص

و بعد كده على بتوع الهجرة بيسألك معاك كام فلوس و هتجيب حاجة تانية من مصر و لا لا و تنتظرة شوية وقت و كام توقيع و اهلا و مرحبا بيكم فى بلدكم و راح مشاور على مكتب بعيد عليه علم كيبك و قالى ممكن توحو المكتب اللى هناك ده

و قابلتنا مدام بتضحك و حددت ميعاد الانترفيو فى مكان بوسط البلد جنب العمارة بتاعة المديكال يعنى خلى الميعاد متأخر شوية علشان تعمل كارت المديكال صباحا و تطلع منه على المقابلة و تضرب عصفورين بحجر زى ما انا عملت

وو خرجنا على اصدقاؤنا هناك و بعد كده تانى يوم رحلة البحث على شقة و بتوفيق من الله اجرنا واحدة اخر النهار و فى اليوم الثانى اشترينا مراتب و سراير لزوم النوم و بعض الاجهزة المنزليه و فى ثالث يوم مشتريات و شوية اكل و خلافة و فى نفس اليوم تم الاتصال ببل كندا علشان التليفون و هيدرو كيبك علشان نعمل عقد الكهرباء

طلعنا رابع يوم على السوشيال نمبر بعد حوالى 10 دقائق من الانتظار رحنا لواحد لبنانى الاصل و اعدنا حوالى 15 دقيقة و طبع الورق الخاص بالسوشيال نمبر و فى تمام الساعة الثانيه عشر تحركنا لوسط البلد مع احد الاصقاء لعمل كارت التأمين الصحة و تم الانتهاء منه بسرعة و تم عمل مقابلة كيبك

النصائح عقد الشقة و رقم التليفون من اهم الاشياء اللى انت محتاجها للإنتهاء من جميع اوراقك بسرعة والاشتراك ببنك ار بى سى

طبعا الورقة المكربنة و السى اس كيو و الباسبور هم دول ما يفيد انك بكندا

يعنى بفضل الله تم الانتهاء من جميع الاوراق خلال اول 7 ايام من الوصول

[tassneem]

ربنا يعينك يا صمويل دى كانت رحلة عذاب فعلا

بس ان شاء الله ربنا هيعوضكم خير

بالله عليك تدعى لنا احسن احنا خلاص مفيش اى جديد والواحد خلاص

[Rock]

الف مبروك التوبيك يا ابو صامويل

بصراحة انا ممكن كان جالي صرع لو حصللي اللي حصلك في الاردن مع لكشة الشنط دي

معلش دايما البدايات صعبة لكن حبة بحبة هتبقي الدنيا احلي

ان شاء الله نتابع فيه لغاية ما نقرا فيه يوما ما انك جوزت عيالك و انك رايح تقضي الويك اند في جزر المالديف :)

شد حيلك يا كبيييير و كلنا وراك

صباحك زبادي خلاط بعنب البنات مع شعرة فانيليا

[jonathan]

صباح الفل يا روك...هو انتوا بقيتوا بتبيعوا ايه في الصيدلية بالظبط :)

[Rock]

صباح الفل يا روك...هو انتوا بقيتوا بتبيعوا ايه في الصيدلية بالظبط :)

صدقني من بعد ما الدنيا بقت واقفة و في كتير من الاصناف بقت ناقصة في السوق ,هي و بدايلها كمان

زمان كنت تقول للعيان خد البديل و كان يقولك لااااااااااااااا انا عايز الصنف اللي كتبه الدكتور في الروشتة..دلوقتي بيجي يقولك طيب هات البديل و طبعا الاجابة بتكون بابتسامة خبيثة من جانب الفم :P ,انة البديل مش موجود يا فندم و انه الله يرحم ايام زمان ....و يجعله عامر

و الاتجاه حاليا لصرف خلطات و وصفات من عند العطار bv:-

.

.

.

.

معلش خمسة كده

.

.

.

هو اللي انا برغي فيه ده اساسا

يا عم انا مش صيدلي اصلا

انا طبيب بشري....معلش المفاجاة كانت صعبة عليا ;)

[خائف]

:protest:

طبعا بحتج علي المسخرة الي حصلت معاك في الاردن بس الحمد لله و عدت

بجد برافو عليك لانك انجزت كتير

طبعا انا بغبط دماغي لان الفيزا ليسه ماجتش من 30-8-2011 و هو تاريخ وصول الميديكال لندن

ادعولي يا جدعان دعوه صلبة و جامده كده انا و تسنيي bsh:)

[بيبو كندا]

رحلة البحث عن شقة تانى يوم الجمعه الموافق 25/11/2011

ذهبنا مع زوجة صديقى اللى نزلت عليه و كان مستنينى فىالمطار مع صديقه كمال و ده ليه معايا قصة جميلة

المهم نزلنا و اتفرجنا على حوالى 10 شقق و كان الكثيرمنها فى كوندو او الكندو ده عبارة عن شقق كتير فى الدور يعنى من 4 الى 10 شققبالدور كان فى شقق جميلة بس فى الدور الاخير و كانت شاملة التدفئة و شاملة المطبخكاملا يعنى بوتجاز و ثلاجة و الغسالات منفعه عامه فى البدروم بس يمكن من خبرتى السابقة مع الافلامالامريكى معظمهم بيكون لامم ناس كتير بمعنى انك ساكن فى مصر فى بيت مكون من 10 شققو ليك جار مش كويس فتخيل بقى لو عندك 40 او 50 شقة فإمكانية ان يكون لك شوية جيراناخلاقهم مش كويسة هتبقى حياتك جحيم و انا معايا اطفال صغننين

و لقينا شقة فى بيت مكون من 6 شقق الشقتان اللى بالدورالارضى شقق مباعة و ليهم الباك يارد بتاعهم مشترينه و عاملين حمام سباحة قلت ممتازهرمى العيال عليهم فى الصيف حتى لو رميتهم من البلكونة فى الحمام مباشرة و لمادخلنا الشقة عجبتنى جدا و دمها خفيف و لذيذة قلت اوك و كان الابجار 650 فى الشهربس بدون اى حاجة خالص لا تلاجة ولا بوتجاز و لا اى حاجة و التدفئة و الكهرباء و كلشئ خارج الايجار بس الشقة تستاهل و الشارع اللى انا فيه قريب جدا من شارع رئيسىقاطع لمونتريال من الشمال للجنوب اسمه بى نيف و كتبنا العقد على طول و العقد ده شئمهم جدا لانه مطلوب فى السوشيال نمبر و الكارت دى ملادى و المدرسة و كل حاجة ممكنتتخيلها مطلوب عقد الايجار

بس رحلة البحث عن شقة استغرق يوم كامل يعنى يوم الجمعهراح فى البحث عن شقة

ثانى يوم صباحا رحنا نشترى المراتب و السراير اولا لزومالنوم وخلافه طبعا اللى اشتريت منه السرير و المراتب شاب لبنانى برضو يعنى تقريبالم اقابل اى شخص لا يتحدث العربية حتى الان و اشتريت ثلاجة مستعمله و الشحاتة قامتبالباقى تقريبا يعنى سفرة و كراسى من صديقى و اصدقاؤه و مجفف من كنيسة كاثوليكبتبيع الاجهزة بأسعار ذهيدة و الغسالة من الاستاذ محمد احد الاصدقاء اللى هنامجانا

يعنى الموضوع اتلم بسرعة و فى يوم الاحد اشترينا غلايةالشاى و التوستر و شوية حاجات كتير من دولاراما و كندايان تاير و ماكسى و 1000 حاجة من مستلزمات البيت ومساء يوم الاحد تم نقل العائلة الكريمة الى شقتنا المتواضعة

فىيوم الاثنين الموافق28/11/2011

صباحاعدى علينا محمد افندى احد المصريين الجدعان قوى اللى عايشين جنبنا هنا فى النورد (صاحب الغسالة الاصلى ) و صديق لاصدقائى اللى انا نزلت عليهم

ذهبناصباحا للحصول على السوشيال نمبر و رحنا و معانا الCPR

و الباسبورات و اخذنا رقم و انتظرنا حوالى 10 دقائق ولقيت واحد بينده علينا فى الاول ما كنتش فاهم ان ده اسمى

المهم رحت عليه انا و المدام لقيتة لبنانى و كلمة من هناو كلمه من هناك و الحديث كان بالانجليزى و بعد 15 دقيقة طبع اربع ورقات و قالنا دهالسوشيال نمبر بتاعكم انتم الاربعة و تحافظو عليه و ماتقلوش لحد عليه علشان ده سرى

المهم خلصنا فى ربع ساعة و ذهب محمد معانا يعرفنا ببتوعجزم الثلج و لم نجد شئى ذو قيمه للشراء من النورد إلا للواد ابنى الصغنن و كامتليفون من الاصدقاء لانه كان عندنا ميعاد مع مكتب كيبك

لقيت احد الاصدقاء هنا ( كمال ) اللى كان مستنينى فى المطار قالى طالما عندك ميعاد معبتوع كبك نخلص الكارت دى ملادى بالمرة لان الاتنين جنب بعض قلت اهى مصلحة كمانالمهم ذهبنا لبتوع الكارت دى ملادى الساعة 2 تماما و شويه انتظار اعتقد حوالى 45دقيقة

وجدت الرقم بتاعى على الشاشة روحت انا و المدام و شويةحكاوى و فن كارت السوشيال نمبر بتاعك .... اهو لسه طازة طيب اوك ..... الورقةالمكربنة بتاعة اللاندنج ..... اهى وادى الباسبورات .... اوك و عقد الايجار بس مش فاكر خدت صورة من السى اس كيو ولا لا

و بعد حوالى 20 او 25 دقيقة طبعت الورق و قالت لى ان الميديكال بتاعناهيكون سارى من اول شهر فبراير و ده ممتاز وقالت انتظرو هناك لان الرقم بتاعكمهيظهر تانى غلشان تتصورو و لقينا الرقم بتاعنا ظهر و رحنا نتصور و بعد ما خلصناقالى الشاب اللى بيصور مع السلامة ؟؟؟؟؟ انت مصرى قالى لا لبنانى

يخرببيتكو مليتو البلد

طلعت منالعمارة دى لقيت العمارة بتاعة كيبك قدامى طلعنا و اللى قابلنا كان عربى

و مشهقول جنسيتة ايه علشان هسيبكو انتو تقولو جنسيتة ايه ؟؟؟

طبعاهتقولو لبنانى ....صح

لاده جزائرى و كان شخص ذو شخصية رائعه و قعديفهمنا نعمل ايه و ايه هو التشيلد بينيفت و كورسات الفرنساوى و عمل المعادلة

و اخدناالاستاذ المحترم كمال و ذهبنا لاحد محال احذية الثلج قريبا من وسط المدينة طبعا ماحدش يقولى حتى اسمة ايه انا فاكر حاجة واحدة انى دفعت 250 دولار و خرجت باشا

و بكدهيبقى خلصنا كل الورق تقريبا فى يوم واحد و اعتقد ان هذا التسلسل كان مفيد لنا جداو فاضل موضوع فتح حساب البنك

و للحديثبقة

[خائف]

تسجيل متابعه رائع يا صموئل