♥♥♥ كله يقرّب هنا جنبي أخونا ريمون على باب القفص الذهبي♥♥♥

[rewsha]

.

. الف الف مبروووك

دامت الافراح في دنياك....ودامت السعاده في حياتك...ودمتم احلى اتنين للابد

[ريمون]

الله يبارك فيكوا يا شباب

طبعا الاكل قبل الحلو يا عطر! احنا اسكندرانيه و جدعان :closedeyes:

ادونى بس يومين علشان ادور على حبت صور اكل حلوه :P

اسلام: احنا لبسنا دبل بس. الخطوبه الرسمى هتبقى فى مصر انشاء الله بس مش عارفين لسه امتى. متقلقش انت فى بالى

وانا احب اطمن الجميع ان العروسه مش من الاخوان. العروسه من الاخوات عيب عليكوا يا شباب :closedeyes:

غالبا العروسه هتقضى على مستقبلى السياسى! فهى امريكيه من اصل مصرى

اي نعم هى معاها البطاقه و الباسبورت المصرى بس طبعا هى معاها الجنسيه الامريكيه بالميلاد

الا ده يمنعنى من الترشح فى الانتخابات؟

عموما هى بصره فغالبا انا هقضى على مستقبلها السياسي فى امريكا برضوا.

بس انا عاوز اطمن الجميع ان العروسه بتطبخ كل اللى نفسكوا فيه من او ل الملوخيه و الباميه للمحشى للبشاميل للحلو كالكنافه و البتى فور

و ناويه تتعلم الفطير المشلتت فى الخطه الخمسيه الجايه انشاء الله

شكرا مره اخرى يا جدعان و نجاملكوا فى الافراح

[pink rose]

اسلام: احنا لبسنا دبل بس. الخطوبه الرسمى هتبقى فى مصر ان شاء الله بس مش عارفين لسه امتى. متقلقش انت فى بالى

يعني هاتعزم استاذ اسلام و انا لأ

ايوووووووووه يا جدعان

يعني داخلين و محلمين تورتاية و شايلنها كل المسافة دي من جوجل للمحاورات و في الاخر نتنسوا كده :protest:

[ابو محمود]

مبروك يا ريمون وربنا يوفق وعقبال الزفاف لو فى مصر الزفاف ابقى عرفنا علشان نرسل لك ورد ونحتفل بيك

[لونا]

ألف مبروك أ/ ريمون

و عقبال الزفاف إن شاء الله

تم تعديل 12 ديسمبر 2011 بواسطة لونا

[لماضة مصرية جدا]

الل حلو اوي الواحد جي يلاقي بشارة فرح

ربنا يسعد قلبك بيها

و يسعد قلبها بيك

انا مش بعرف ازغرط

و لا بعرف اغني

بس مممكن ارص الكراسي و كدهوت

او اعمل منولوجست الفرح

ايه رايك بقي...(وش ماجد الكيدواني في فيلم الفرح و هو ماسك المكروفون و بيزق الناس عشان تنقط:)

ربنا يسعدكم بحجم بحر اسكندرية بحاله

صباحك....بشارة فرح

[رضوي]

الف مليون مبروك ياريمون

وربنا يتمم بخير ان شاء الله وعقبال الفرح الكبير على خير باذن الله

[الســـاري]

الف الف مبروووووووك ريمون .. تستاهل كل خير والله

وربنا يديم الافراح دايما عليك وعلى كل اللي تحبهم .. تحياتي الخالصة القلبية لك