ليه توقع نفسك في العيب يا نجيب !!

[م تيمور المراغي]

بدون اي داعي نجيب نازل تريقه ع الشعب المصري !

هو ساعات بتجيله شعرة هبل كده ويورط نفسه ويورط شركاته في خساير ويرجع يعتذر ويلطم بعد كده !

للحياديه انا حطيت الفيديو هنا عشان زي ما بنلاقي هرتله من الاسلاميين ونجري نحطها آدي كمان ليبرالي اتهبل على كبر

http://www.youtube.com/watch?v=LLgE5HiwHd4

[م تيمور المراغي]

المحاسب المصري و المهندس المصري و الطبيب المصري لايدانيهم اي لبناني ودي مش عنصريه والله دي حقائق هما بس شاطرين اوي في التجاره حتى المهندس اللبناني محطوط في الشركة عشان يقابل العميل مش عشان يشتغل ويعرق و يبتكر

بس كلام في سركم هما فعلا كل فلوسهم ع اللبس والبرفانات :happy:

[MZohairy]

اول مره استحمره بصراحه

[ابو محمود]

اول مره استحمره بصراحه

هههههههههههههههههههههههه يافنان دة باين انة حمار وتاجر غبي

[التونسى]

انا اصلا مفهمتش نص كلامه .. شكله كان معمر الطاسه ..ب ويسكى او فودكا

[Mr MAGED]

هو اساسا كلامه من تفاهته ومن مستوي ثقافته ميستهلش انه يترد عليه

ومافيش داعي اننا نعدد ميزات الشباب المصري اللي بيتقلد أعلي المناصب في كل شركات العالم مش في الخليج بس

بس المفيد في الفيديو ده ان الناس بتبان علي حقيقتها .. يعني يا ريت يتعمل مقارنة صغيرة اوي بين اللي في الفيديو ده

وبين الاعلانات اللي عاملها ساويرس عن حزبه وطالع فيها بنفسه ومالي بيها القنوات التليفزيونية

انا مش فارق معايا اللي ينجح ليبرالي ولا اخواني .. المهم يكون مصري ... وبيحب مصر بجد مش تمثيل

[raouf]

سويرس كان تاجر شاطر قبل ما بقرر الدخول فى السياسة

وللاسف رهانه خاسر وغبى كمان

عمل حزب وعايزه يكتسح وانا باسميه حزب الشعارات

وكل همه من الحزب نصرة دينه وده حقه 100% ولا استطيع ان الومه عليه

لكن بغباءه حط نفسه رئيس للحزب فرسخ صورة سيئة لدى الشعب

فى الاونة الاخيرة ظهرت له العديد من الفيديوهات واخرها بتاع المايوه والخمرة اللى اعلن فيها رفضه العيش فى دولة لا تستطيع زوجته ارتداء المايوه فيها ولا يستطيع ان يشرب الخمر

الامر ليس دينى ولا عقائدى لكن خلينى اقول امر مخالف لكل تقاليد المسلمين والمسيحيين معا

فكم اسرة مسيحية تسمح لابناءها بشرب الخمر ؟

وكم اسرة مسيحية تسمخ لبناتها بليس المايوه ؟

[elzahraa]

كانت فكرتي عن رجال الاعمال انهم عباقرة

لكن لما شوفت سوايرس بقيت مستغربة جدا ازاي البني ادم اللي كل يوم يوقع نفسه في مصيبة كدة

ملياردير من غير قضية فساد واحدة

يا اما فعلا احنا اغبى منه يا اما بقى في لغز حوله محدش عارفه !!!

بس في النهاية اقول مصر طلعت زويل و الباز و نجيب محفوظ و سامية المشد و علماء كتير هل ينفع فعلا نعتبر الشعب دا غبي جينيا !!!!

تم تعديل 8 ديسمبر 2011 بواسطة elzahraa

[jonathan]

صباح الخير جميعا..(طبعا اول ما اسمي حيتشاف حيتقال محامي ساويرس وصل)اولا انا متفق معاك يا تيمور على ان كان في شئ من السخريه مالوش داعي ( بتاع الفول و الدولار دة)لكن هل الفيديو فعلا ماكنش بيتحدث اي حقيقة ملموسه عن مستوي العمالة المصرية؟ هل اللي بيتكلم فيه شي من الخيال و ان دة كلام واحد ضارب فودكا و ويسكي؟ هل التغاضي عن الكلام اللي ميعجبناش و النفاق الذاتي هو الحل الامثل دايما لكل مشكلاتنا؟ واحد بيقول ان في لبنان اهم حاجة عند الاباء هو تعليم ابنائهم و احنا هنا مازال الاباء بيخرجوا اولادهم من المدارس و بيشغلوهم..هل عندهم هناك ظاهرة اطفال الشوراع متفشية كما الحال عندنا دة اذا وجدت اصلا عندهم..ماذا اخرجت لنا الجامعات المصرية صاحبة اللا تصنيف في قائمة افضل الجامعات بالعالم؟؟ حضرتك كنت تسمع زماااااااان عن واحد مات بسبب اهمال الطبيب و اقول اهمال و ليس خطاء. ما سبب اجتياح العمالة الشرق اسيوية لدول الخليج و خاصة في مجالات المحاسبة و برمجة الالكترونيات( لسة بنتريق عليهم لحد النهاردة و نقول انت شايفيني هندي ..يا ريت نحصلهم فعلا) ادعوكم للاطلاع على الدراسة التحليلية التي قام بها مركز المعلومات و دعم اتخاذ القرار لعام 2009 عشان تعرفوا العمالة المصرية وصلت لحد فين و ليه..و ارجو ان نكف عن اتهام الناس بالباطل ان لم يكن عندنا اضافة مفيدة...تحياتي

[pocy]

لن اقول غبي او مش عارف هو بيقول ايه ولا سكران ولا معمر الطاسه ...............

كل اللى أقدر اقوله انى نفسي الراجل ده يتكلم كمان كمان حتى تعلو كلمه الحق والتى هى على لسان غيره وليست على لسانه ...............

واتسأل واضم للاخوات هنا ................ازاى مفيش قضيه فساد واحده .............وهو عنده كل المليارات دى .................

سؤال يجب البحث ورائه ولكن بعد ان تنتهى الانتخابات والانتخابات الرئاسيه وتعديل امور البلاد ................ان شاء الله

ياريت يا ساويرس تتحفنا اكتر واكتر باللى بتقوله ..................

ولو حطيت بعد كده المكالمات بقرش شوف مين هيتكلم من عندك ...................

انا عرفت اهلى ليه كلهم غيروا ارقامهم .............من تفاهه وسذاجه صاحب الشركه خوفا من العدوى .................

[م تيمور المراغي]

الرسالة التنويريه ليها معايير يا جوناثان ليس من بينها يقينا السخرية من المتلقي واتهامه بالغباء الوراثي او ان جيناته وجينات سلسفينو مش متظبطه

فيه اساليب بالتاكيد ارقى واكثر احتراما من كده

تحيتي ,,

[elzahraa]

صباح الخير جميعا..(طبعا اول ما اسمي حيتشاف حيتقال محامي ساويرس وصل)اولا انا متفق معاك يا تيمور على ان كان في شئ من السخريه مالوش داعي ( بتاع الفول و الدولار دة)لكن هل الفيديو فعلا ماكنش بيتحدث اي حقيقة ملموسه عن مستوي العمالة المصرية؟ هل اللي بيتكلم فيه شي من الخيال و ان دة كلام واحد ضارب فودكا و ويسكي؟ هل التغاضي عن الكلام اللي ميعجبناش و النفاق الذاتي هو الحل الامثل دايما لكل مشكلاتنا؟ واحد بيقول ان في لبنان اهم حاجة عند الاباء هو تعليم ابنائهم و احنا هنا مازال الاباء بيخرجوا اولادهم من المدارس و بيشغلوهم..هل عندهم هناك ظاهرة اطفال الشوراع متفشية كما الحال عندنا دة اذا وجدت اصلا عندهم..ماذا اخرجت لنا الجامعات المصرية صاحبة اللا تصنيف في قائمة افضل الجامعات بالعالم؟؟ حضرتك كنت تسمع زماااااااان عن واحد مات بسبب اهمال الطبيب و اقول اهمال و ليس خطاء. ما سبب اجتياح العمالة الشرق اسيوية لدول الخليج و خاصة في مجالات المحاسبة و برمجة الالكترونيات( لسة بنتريق عليهم لحد النهاردة و نقول انت شايفيني هندي ..يا ريت نحصلهم فعلا) ادعوكم للاطلاع على الدراسة التحليلية التي قام بها مركز المعلومات و دعم اتخاذ القرار لعام 2009 عشان تعرفوا العمالة المصرية وصلت لحد فين و ليه..و ارجو ان نكف عن اتهام الناس بالباطل ان لم يكن عندنا اضافة مفيدة...تحياتي

تصدق مع حضرتك حق في شئ

ازاي بعد ما شخص يهين المصريين بهذا الاسلوب اكثر من مرة و يأتلف مع حزب التجمع سئ السمعة اللي كان تحت جزمة الوطني

يلاقي ناس تديه صوتها

يا ريت حزب الدكتور ابو الغار كان دخل مع الثورة مستمرة ساعتها الكتلة مكنتش حتساوي اي شئ على الاطلاق

و شكرا

[jonathan]

الرسالة التنويريه ليها معايير يا جوناثان ليس من بينها يقينا السخرية من المتلقي واتهامه بالغباء الوراثي او ان جيناته وجينات سلسفينو مش متظبطه

فيه اساليب بالتاكيد ارقى واكثر احتراما من كده

تحيتي ,,

بما اننا حنتكلم عن الرسالة التنويرية يا تيمور اليس من المفترض اذا ان نستمع لهذا الحوار بالكامل بدلا من اقتطاع جزء منه ( على طريقة و لا تقربوا الصلاة كما يقول علماء الازهر) فاقتطاع جزء بعينه و تسمية المقطع بمحاولة التشويه هو بالفعل عملية تشويه. هل تعتقد ان من صنع هذا المقطع صنعه بهدف توجيه رسالة للعمالة المصريه يناديها بان تستفيق ام انه مجرد محاوله من محاولات الهجوم المتكرر على شخص ساويروس؟ هل شاهدنا باقي الحوار لعله يحمل فيما بعد مقترحات لتطوير تلك العمالة؟؟اري انها محاولة للهجوم و التشويه فقط..دحنا حتي اكتر شعب بيتريق على نفسه بنكت الصعايدة. غير كدة هو لم يسخر من جينات الشعب و اننا اغبياء بالوراثة و هو اصلا مصري , بل ذكر كلمة demolished اي تهدمت او اندثرت و بالفعل الي الان يبقي التحنيط سر انفرد به المصريين الفراعنة و بناء الاهرامات الهندسي يظل علامة فارقة في تاريخ فن العمارة. حقولك نكتة مصريه بمناسبة التريقة و اكيد سمعتها قبل كدة..مرة واحد بلديتنا في جنينة الحيوانات مد ايده جوة قفص الاسد فالحارس نادى عليه مفزوع رد عليه بلديتنا و قاله متخافش يا ولد يعني احنا حناكله!!

[jonathan]

لن اقول غبي او مش عارف هو بيقول ايه ولا سكران ولا معمر الطاسه ...............

كل اللى أقدر اقوله انى نفسي الراجل ده يتكلم كمان كمان حتى تعلو كلمه الحق والتى هى على لسان غيره وليست على لسانه ...............

واتسأل واضم للاخوات هنا ................ازاى مفيش قضيه فساد واحده .............وهو عنده كل المليارات دى .................

سؤال يجب البحث ورائه ولكن بعد ان تنتهى الانتخابات والانتخابات الرئاسيه وتعديل امور البلاد ................ان شاء الله

ياريت يا ساويرس تتحفنا اكتر واكتر باللى بتقوله ..................

ولو حطيت بعد كده المكالمات بقرش شوف مين هيتكلم من عندك ...................

انا عرفت اهلى ليه كلهم غيروا ارقامهم .............من تفاهه وسذاجه صاحب الشركه خوفا من العدوى .................

الفاضلة بوسي ..هل اي واحد ربنا مديله قرشين لازم يكون شخص فاسد..تفتكري ان كل اغنياء العالم على مجلة فوربس فاسدون و حصدوا من دون تعب او جهد؟ هل في غناهم لم يفدموا اي شئ بالمقابل لفائدة البشرية؟ هل تظنين بمقاطعتك لشركة موبينيل المصرية الخالصة انك تقطتعين من جيب ساويروس و ان موبنيل هي استثماره الوحيد داخل مصر او خارجها؟؟ الا تدركين انك تقتطعي من اقتصاد بلدك و هي شركة مساهمة مصريه دث حتي ان اسمها الشركة المصريه. هل لا تدركين و انتي تقاطعين انك تقتطعين من ارزاق ولاد بلدك المصريين مسلمين و مسحيين؟ الا تدركين ان بتوجيه اموالك للشركات الاخري انك توجيها لاقتصاد اجنبي اذ ان التمثيل المصري بها مجرد شراكة و ليس ادارة اصول( الله يرحمك يا كليك)و اخيرا هل تظنيين فعليا ان استعمال خدمات موبنيل المجانية يصيب بالتفاهة و العدوي؟؟ تحياتي

[م تيمور المراغي]

مش معقول يا جون ان كل المقاطع اللي مدتها دقيقتين نطلب مشاهدة كامل الحلقه اللي بتصل لساعات عشان نكون منصفين في احكامنا

كده اليوم كله حيضيع في 4 او 5 مقاطع ده مطلب تعجيزي ,,

تاني حقول ان النقد البناء لا يشمل التجريح او الاهانه وده مش عيل صغير بيقول نكت لا ده رئيس حزب واكبر اقتصادي مصري والاصول يوزن كلامه بميزان الدهب مش يطلع يهرتل و يقول لو اخدنا عينه من الف مصري مش حنلاقي غير 100 منهم بس كويسين

عموما توقع خلال ساعات تبريرات و اعتذار منه شخصيا وده حيثبت ان التوفيق خانه المره دي ,,

تحيتي ,,

[jonathan]

الفاضلة الزهراء..حضرتك كررتي قبل كدة عبارة(حزب التجمع السئ السمعة) بصراحة انا مش فاهم يعني ايه حزب سئ السمعة هل هو حزب مثلا اعضاؤه ماشيين مشي بطال؟ هل هم متورطون في جرائم و صدرت ضدهم احكام؟ هل خم حزب ينادي بالالحاد و الكفر و يحث على ارتكاب المعاصي؟؟ هل هو الحزب الوحيد اللي كان(تحت جزمة الوطني) دونا عن باقي الشعب كله؟ هل الدكتور ابو الغار هو الرمز الوحيد بالكتلة و دكتور مجدي يعقوب او دكتور فاروق الباز او الموسيقار عمار الشريعي او غيرهم من باقي الرموز الوطنية لا يمثلوا اي قيمة للكتله؟ ما رايك انه تجري الان مباحثات بين الثورة مستمرة و الكتله المصرية لتوحيد الاصوات معا؟؟ هل ستغيرين رايك في الثورة مستمرة؟

[elzahraa]

الفاضلة الزهراء..حضرتك كررتي قبل كدة عبارة(حزب التجمع السئ السمعة) بصراحة انا مش فاهم يعني ايه حزب سئ السمعة هل هو حزب مثلا اعضاؤه ماشيين مشي بطال؟ هل هم متورطون في جرائم و صدرت ضدهم احكام؟ هل خم حزب ينادي بالالحاد و الكفر و يحث على ارتكاب المعاصي؟؟ هل هو الحزب الوحيد اللي كان(تحت جزمة الوطني) دونا عن باقي الشعب كله؟ هل الدكتور ابو الغار هو الرمز الوحيد بالكتلة و دكتور مجدي يعقوب او دكتور فاروق الباز او الموسيقار عمار الشريعي او غيرهم من باقي الرموز الوطنية لا يمثلوا اي قيمة للكتله؟ ما رايك انه تجري الان مباحثات بين الثورة مستمرة و الكتله المصرية لتوحيد الاصوات معا؟؟ هل ستغيرين رايك في الثورة مستمرة؟

حزب التجمع دائما كان ماشي مع الوطني و بالنسبة ليا كل الاحزاب اللي كانت تحت جزمة الوطني لا تستحق البقاء و لا اعلم حقا لماذا علينا ان نتخذهم بديلا الان

مع ان كان في مناضلين حقيقيين زي كفاية و 6 ابريل و الكرامة و الاخوان

و بالنسبة للدكتور ابو الغار فهو مؤسس الحزب و على هذا الاساس اتحدث عنه

و لعلم حضرتك احزاب كتير خرجت من الكتلة و على رأسها مصر الحرية

و بالنسبة لتوحيد الاصوات فلكل حادث حديث لو حصل توحيد اصوات نبقى نناقش الموضوع دا مع اني واثقة في الثورة مستمرة و انهم مش حيقعو في الخطأ دا

و شكرا

[se_ Elsyed]

كلامه يدل على جهل جهول

لإن الموضوع نسبة وتناسب

ناخد 1000 يطلع منهم 900 لبناني ؟

ده فين ده إن شاء الله في لبنان اللي عاصمتها بيروت ؟

أعتقد إن الساويرس ده راح لبنان ولم يخرج من الفندق أو المطعم اللي على البحر ... لأن لبنان نسبة الفقر فيها عالية جداً ... وهما شارعين تلاتة بالكتير اللي متسفلتين والباقي متدمر من أي الحرب .. ناهيك عن إن اغلبية البلد أرياف .... ومش هاتكلم عن الفقر والدمار اللي في الجنوب كله

يعني عشان شوفت 5 أو 6 بني أدمين مستحميين يبقى البلد كلها كده ؟

وإذا كان البيه بيعايرينا بنسبة الفقر والفول .... فإن شاء الله المليارات دي عملها منين ؟ مش من الشعب بتاع الفول برضوا ؟

وما صرفلوش قد 100 مليون جنية ليه على تعليم الناس الغلابة دول كجزء من رد الجميل ولا هي هات بس ما فيش خد ؟

[jonathan]

مش معقول يا جون ان كل المقاطع اللي مدتها دقيقتين نطلب مشاهدة كامل الحلقه اللي بتصل لساعات عشان نكون منصفين في احكامنا

كده اليوم كله حيضيع في 4 او 5 مقاطع ده مطلب تعجيزي ,,

تاني حقول ان النقد البناء لا يشمل التجريح او الاهانه وده مش عيل صغير بيقول نكت لا ده رئيس حزب واكبر اقتصادي مصري والاصول يوزن كلامه بميزان الدهب مش يطلع يهرتل و يقول لو اخدنا عينه من الف مصري مش حنلاقي غير 100 منهم بس كويسين

عموما توقع خلال ساعات تبريرات و اعتذار منه شخصيا وده حيثبت ان التوفيق خانه المره دي ,,

تحيتي ,,

لا اسمح لي يا تيمور هو دة المعقول مش هنا بس ..بل بالعكس في كل قرار قد تتخده او راي تكونه..يجب ان تقراء الكل و تسمع الكل و تستوعب الكل و من بعد ان تثري معلوماتك , تتوكل علة الله و تتخد القرار او الراي و لا تعجيز في هذا..اما الاقتتطاع فاري انه نوع من العجز.

على حد معلوماتي المتواضعة ..نجيب ساويروس ليس رئيسا لحزب المصريين الاحرار و انما مؤسس و ارجو ان تبحث عن السبب وراء عدم رئاسته للحزب. نجيب ساويروس مش عيل صغير كل شوية حيطلع يعتذر ..اعتذاره لما قامت الهوجة بتاعت صور ميكي ماوس على صفحته الخاصة كان لشعوره ان مشاعر اخواتي المسلمين قد تأذت على الرغم من كون ذات الصور قد نشرت قبل ما هو يضعها بشهور كثيرة و على مواقع عربية معروفة..لكن هو الجرح من القريب بيزعل. لكن الراي اللي قاله ده راي شخصى و مياذيش اي حد لان لما حتروح تدور على شغل في اي حتة حيدوروا على مؤهلاتك مش راي ساويروس غي العمالة المصريه..ولا ايه؟؟ على فكرة العمالة بتاعت موبنيل عمالة مصريه 100% بس عمالة مدربه صح و في مبادرة حلو لتوفير فرص العمل بتاعت موبنيل بس بحق و حقيق مش زي بتاعت اقوم الحق القطر قبل ما يفوتك.

على جنب بقي ..انا سعيد بالتحاور معك في اول مرة و ربنا يديم الود و المحبة..تحياتي

[abaomar]

السلام عليكم

الاخوه الكرام جزاكم الله خيرا

.

يا جوناثان نحن نتكلم عن رجل الاعمال المصرى نجيب ساويرس و ليس عن رجل الاعمال ...المسيحى .. لأن الموضوع صار

اخطر و اوسع من عباءه التطرف و العنصريه التى يحصر البعض نفسه فيها .

بلاوى نجيب ساويرس ليست وليده اليوم و مواقفه المخزيه و سلاطه لسانه و قله ادبه و سخريته من عقيده

جل المصريين ليست جديده و لو هناك متسع من الوقت لاحضرت لك مواضيع من منتدانا منذ سنوات عن هذا الكذاب

بدايه من صدور قنوات اون تى فى و كونها اول قناه مصريه تذيع افلاما un cut و البلبله الشديده وقتها

ثم سخريته الان من الشعب كله الذى لحم اكتاف ساويرس اليونانى الاصل و عائلته كلها من خير هذا الشعب

الذى يتندر عليه هذا الكذاب و انه يفوق على طبق الفول و البصل

الامر الان اخطر يا جو

نجيب ساويرس يستعدى العالم الغربى برمته على مصر و يهيجها للتدخل فى مصر

هل سمعت هذا و شاهدته ام لا

ساويرس يتهم الاخوان و السلفيين زورا و بهتانا بانهم يتلقون تمويل من قطر و السعوديه دون ان يقدم دليل واحد

على كلامه و بناء على ذلك يطلب من المجتمع الغربى ان يتدخل فهل هان عليك وطنك الذى تعيش فيه

لتدافع عن هذا الكذاب

هل تعتقد يا جو ان امريكا عندما تتدخل سوف تدلع مسيحيي مصر مثلا

امريكا البروتستانتيه و من قبلها انجلترا التى احتلت مصر اكثر من 70 عاما لو لا قدر الله استقر لها الوضع فى مصر

فستنكل بمسيحيي مصر الاورثوزوكس ايما تنكيل و هذا التاريخ إذا كنت تقرأه او تعرفه يؤكد كلامى .

.

يا جو و يا كل مسيحيي مصر خذوا على يد هذا الكذاب و احموا انفسكم قبل مصر من مصير رأينا غيرنا وصل اليه

بعد دخول امريكا و غيرها الى اى بلد و ما العراق و افغانستان و يوغوسلافيا سابقا و غيرها منا ببعيد .