ليه توقع نفسك في العيب يا نجيب !!

[pocy]

لن اقول غبي او مش عارف هو بيقول ايه ولا سكران ولا معمر الطاسه ...............

كل اللى أقدر اقوله انى نفسي الراجل ده يتكلم كمان كمان حتى تعلو كلمه الحق والتى هى على لسان غيره وليست على لسانه ...............

واتسأل واضم للاخوات هنا ................ازاى مفيش قضيه فساد واحده .............وهو عنده كل المليارات دى .................

سؤال يجب البحث ورائه ولكن بعد ان تنتهى الانتخابات والانتخابات الرئاسيه وتعديل امور البلاد ................ان شاء الله

ياريت يا ساويرس تتحفنا اكتر واكتر باللى بتقوله ..................

ولو حطيت بعد كده المكالمات بقرش شوف مين هيتكلم من عندك ...................

انا عرفت اهلى ليه كلهم غيروا ارقامهم .............من تفاهه وسذاجه صاحب الشركه خوفا من العدوى .................

الفاضلة بوسي ..هل اي واحد ربنا مديله قرشين لازم يكون شخص فاسد..تفتكري ان كل اغنياء العالم على مجلة فوربس فاسدون و حصدوا من دون تعب او جهد؟ هل في غناهم لم يفدموا اي شئ بالمقابل لفائدة البشرية؟ هل تظنين بمقاطعتك لشركة موبينيل المصرية الخالصة انك تقطتعين من جيب ساويروس و ان موبنيل هي استثماره الوحيد داخل مصر او خارجها؟؟ الا تدركين انك تقتطعي من اقتصاد بلدك و هي شركة مساهمة مصريه دث حتي ان اسمها الشركة المصريه. هل لا تدركين و انتي تقاطعين انك تقتطعين من ارزاق ولاد بلدك المصريين مسلمين و مسحيين؟ الا تدركين ان بتوجيه اموالك للشركات الاخري انك توجيها لاقتصاد اجنبي اذ ان التمثيل المصري بها مجرد شراكة و ليس ادارة اصول( الله يرحمك يا كليك)و اخيرا هل تظنيين فعليا ان استعمال خدمات موبنيل المجانية يصيب بالتفاهة و العدوي؟؟ تحياتي

أخى الفاضل جون ....كنت فى الماضي افتخر بساويرس مثلما افتخر بنجيب محفوظ واحمد زويل رغم انه لم يأخد جايزه نوبل او اى جائزه دوليه الا انى افتخر به كمصري استطاع ان يبدأ من الصفر كما يقال وانه انشأ العديد والعديد من الشركات خارج مصر وليسداخلها فقط فيكفي ان يقال ان صاحب الشركه العالميه الفولانيه هو نجيب ساويرس وهو انسان مصري ولكنى بعد الثوره وبعد مشاهده ارائه وافكاره واستهزائه بدين الاسلام والاسلامين ومهاتراته مع الصحفيه الكنديه كل تلك الاشياء جعلتنى افكر واعيد فكرى مره اخرى فى شخصه وفى افكاره بعد ان خذلنى وخذل كل المصريين فى اغلب تصريحاته فلقد افتخرت به ذاتيوم لانه مصري والكل سيقول عليه انه مصري وينهض بمصر الا انى الان اجده لا يحمل لمصر الا مهاترات واستهزاء ................بالدين والوطن ..............الا ترى اخى الفاضل ان هذا عيبا خطيرا ينبغي بعده ان نرى أذا كان شريفا ام لا .................؟؟؟؟؟؟؟؟؟؟؟؟

اما بالنسبه انى لما اقاطع شركته فانا بقاطع رزق اوولاد بلدى فعايزه انبهك ان الرزق بيد الله عز وجل واذا اغلق له بابا فتح له بابا اوسع منه ...............

المقصود بترك خدماته المجانيه هو مقاطعه الشخص وكل ما يعطيه حتى ولو كان الكثير فلا يستحق منا اى شئ ولقد سحبت احترامى له من فتره طويله منذ ان بدأ يظهر بمهاتراته فى قنواته وفى القنوات الخارجيه اعاننا الله على ما نحن به

ولك الله يا مصر ....................

[jonathan]

الفاضلة بوسي ..احترم رايك و لكن في نقطة الرزق دي انا شخص مؤمن جدا و ياما ربنا اعطاني في اوقات كنت فيها بلا عمل و حتي في الدخل البسيط كنت اري يد الله تعمل فتبارك فيه. و عليه اشكرك على التذكير (و ليس التنيبه)..و لكن الا تتفقي معي ان الله اختص من عباده لقضاء حوائج الناس؟ هل تظنين ان الرزق سياتي من دون عمل ..احنا حتي بنقول بالبلدي الايد البطالة نجسة و اسعي يا عبد و انا اسعي معاك و الشغل على العبد و الرزق على الرب. و لو كل الرزق بيجي من فير عمل و سعي يبقي نشكر ربنا و نبوس ايدينا وش و ظهر على المعونه بتاعت امريكا و اهي رزق بردو..ايه رايك

للاسف مشكله ساويروس انه هليهلي زيادة عن اللازم و مالوش في الاعلام و صعيدي مبيعرفش ينمق الكلام و بتكلم في الوقت اللي لازم يسكت فيه..تحياتي

[abaomar]

. لكن الراي اللي قاله ده راي شخصى و مياذيش اي حد لان لما حتروح تدور على شغل في اي حتة حيدوروا على مؤهلاتك مش راي ساويروس غي العمالة المصريه..ولا ايه؟؟ على فكرة العمالة بتاعت موبنيل عمالة مصريه 100% بس عمالة مدربه صح و في مبادرة حلو لتوفير فرص العمل بتاعت موبنيل بس بحق و حقيق مش زي بتاعت اقوم الحق القطر قبل ما يفوتك.

على جنب بقي ..انا سعيد بالتحاور معك في اول مرة و ربنا يديم الود و المحبة..تحياتي

السلام عليكم

الزميل الفاضل جوناثان

رأى نجيب الشخصى فى المصريين يخليه لنفسه لما يكون قاعد بيسكر او فى جلسه خاصه من بتوعه

لكن لما يبقى فى لقاء عام و يسمعه الملايين و يتلقفه أخرون ..إلحق يا جدع شوفوا رجل الاعمال المصرى بيقول

إيه عن المصريين .. دى بتبقى سمعه سيئه و إنطباع عام يتنقل بين الناس فلذلك ينبغى عليه

إذا كان رجل بيفهم و محترف حقا ان يكون اكثر حصافه فى الكلام عن بلد و شعب بحجم مصر

به سلبيات ..لا شك .. لكن كلام مثل ما قاله لن يخرج منه السامع و القارئ الا بالجانب السلبى فقط .

و بعدين ما هى إتصالات و فودافون ايضا يعمل بها مصريون اخرين و مدربين ايضا و لا بالنسبه لك موظفى موبينيل

اكثر حظوه و اهميه من موظفى الشركات الاخرى ..فى النهايه كلهم مصريين يا جون و قصه الاستثمارات

داخل مصر بالونه كبيره لان الجميع يعلم ان حجم استثمارات ساويرس الاكبر هو خارج مصر و ليس داخلها

بما فيها استثمارات داخل اسرائيل ..عدو مصر رقم واحد .. و الاخطر علينا من اى احد اخر ..فاين وطنيته

المزعومه و هو من اسباب الفتنه الحادثه مع الجزائر و فى العراق بتعاونه مع قوات الاحتلال الامريكى هناك

و الكثير مما سوف يتم فتحه امام القضاء قريبا يا جون خصوصا قضيه التجسس لحساب اسرائيل و المتهم فيها

شخصان احدهما اردنى و القضيه مثاره الأن و ساويرس ملطوط فيها بحكم ملكيته لموبينيل و الايام قادمه و ثق تماما

انه باستقرار الوضاع و مجيئ حكومه و رئيس منخبين بحق و الدعم الذى سيحصله القضاء لن يكون هناك

اكبر من القانون ..و سنرى مصير هذا الكذاب ..بس ياريت يكون لسه ما هربش كالجبناء .

تم تعديل 8 ديسمبر 2011 بواسطة abaomar

[abaomar]

للاسف مشكله ساويروس انه هليهلي زيادة عن اللازم و مالوش في الاعلام و صعيدي مبيعرفش ينمق الكلام و بتكلم في الوقت اللي لازم يسكت فيه..تحياتي

يا جوناثان ليس ضروريا لتدافع عن هذا الكذاب ان تفعل مثله

لكن مش مشكله هو يخبط فى الشعب كله و انت تخبط فى الصعايده :protest: و ارجو ان تعتذر

[التونسى]

يا جون يا حبيبى .. اغلبنا هنا .. وانا منهم ..كنا بنحترم نجيب .. ويمكن كنا بندافع عنه اكتر منك .. بس لما يتطاول على ديننا الاسلامى بشكل متعمد واكثر من مره ((يعنى مش هزار او زلة لسان دا مع سبق الاصرار والترصد)) .. ولما يحاول استعداء الغرب علينا (وهما اساسا مش فاضيين له وفيهم اللى مكفيهم من انهيار اقتصادى)).. ولما يهين المصريين علنا فى احد اللقاءات التلفزيونيه..ويقلل منهم ومن شأنهم ويجعلهم مادة للسخريه (( وحتى لو فرضنا ان فى كلامه جزء صحيح .. عيب اوى تفضح عيوب اهل بيتك او وطنك بالشكل ده.. ساب ايه للاغراب))

باختصار .. نجيب مستقوى بفلوسه .. وب(((...... ))عشان كده بيتكلم بقلب جامد اوى .. وعمال يهبل ويضبش يمين وشمال .. ومطمن انه مهما عمل .. محدش حيقدر ياخد معاه حق ولا باطل ..لكن له يوم.. هو وامثاله ... حتى يتراجع فى اسلوبه وافكاره

على فكره يا جون انا بتكلم عن نجيب ((العلمانى)).. اللى الظاهر انه بيتخذ من دينه المسيحى ((مُطيه)).. وهو أبعد ما يكون عن تعاليم او اخلاقيات اى دين

[jonathan]

اسمحلي يا استاذ ابو عمر ..لا حكر في الراي و في ناس متحبش تدفن راسها في الطين و لو مش عاجبك ان الكلام من ساويروس ممكن تسمعه من ناس تانية كتير ..و بلاش تسمعه ممكن تشوفه في الخليج و نظام الكفيل اللي ابتدع من قبل ما ساويروس يجي و اللي بيهدر كرامة اي مصري متعلم او متخلف( نظام بفلوسي)..حضرتك شايف انه كلام سلبي يهدم فقط ..انا او غيري شايفين انه دافع عشان ابني نفسي و ماديش لغيري الفرصة انه ينتقدني.

بالنسبة لاتصالات و فودافون ..اصحابي و اخواتي و اهلي المصريين بيشتغلوا هناك ..مدربين و زي الفل ..و مصريين..عشان كدة استحالة حقولك في يوم قاطعهم .

الاستثمارت بالونه كبيرة و خارج مصر اكبر من مصر..دة راي حضرتك احترمه و لكن انا في معلوماتي اللي بكتبها(مبنفخش بلالين) يعني بتكلم بالصدق. و بعدين مش فاهم فتنة ايه بتاعت الجزائر..الهيافة بتاعت ماتش الكورة و للاسف اتدمرت شركته هناك بسببها و لا حضرتك تقصد حاجة تانية؟ و هل مشاركته في محاولة اعمار العراق بتاسيس شركة عراقية للاتصالات بقت مساعدة للاحتلال؟؟ هو الاحتلال مستني ساويروس عشان يعملهم شركة يكلموا بيها امريكا ؟؟ اما القضية اللي حضرتك بتتكلم عنها فالي الان لم يتم البت فيها بل هو مجرد ادعاء من المتهم و (كله بيزيط في الزيطة) بس اللي لفت نظري ..حضرتك شايف ان القضاء الان غير مدعوم بالكامل؟ تهيالي لو كان كدة فعلا يبقي القضية اكبر بكتير من ساويروس لان الحكومة و الرئيس اللي بتتكلم عنهم حيكونوا نتاج تزييف..و ساعتها التنكيل حيبقي بالكل مش بساويروس بس...تحياتي

تم تعديل 8 ديسمبر 2011 بواسطة jonathan

[jonathan]

للاسف مشكله ساويروس انه هليهلي زيادة عن اللازم و مالوش في الاعلام و صعيدي مبيعرفش ينمق الكلام و بتكلم في الوقت اللي لازم يسكت فيه..تحياتي

يا جوناثان ليس ضروريا لتدافع عن هذا الكذاب ان تفعل مثله

لكن مش مشكله هو يخبط فى الشعب كله و انت تخبط فى الصعايده :protest: و ارجو ان تعتذر

يا استاذ ابو عمر..لو حاعتذر يبقي اولي اعتذر لنفسي ..نسيت اقول لحضرتك اني اساسا صعيدي ..و بعين دي اللي ضايقتك و النكتة مضايتتكش؟؟

تهيالي الاعتذار واجب عليك لانك بتتهمني بالنفاق و الكذب عشان ادافع عنه..على فكرة انا لا ادافع عنه و لما حادافع عنه اكيد مش حاهينه زي ما حضرتك متخيل..فهذا لم و لن يكون اسلوبي..على العموم و احتراما لقوانينللمنتدي و لعدم الانسياق وراء شخصنة المواضيع ..انا مش عايز اعتذار و لا حاجة فنحن هنا نتحاور بكل ود و احترام...بعد اذنكم حاخد استراحة عشان حاسس ان الناس كلها بقت عليا..تحياتي لكم جميعا

[abaomar]

اسمحلي يا استاذ ابو عمر ..لا حكر في الراي و في ناس متحبش تدفن راسها في الطين و لو مش عاجبك ان الكلام من ساويروس ممكن تسمعه من ناس تانية كتير ..و بلاش تسمعه ممكن تشوفه في الخليج و نظام الكفيل اللي ابتدع من قبل ما ساويروس يجي و اللي بيهدر كرامة اي مصري متعلم او متخلف( نظام بفلوسي)..حضرتك شايف انه كلام سلبي يهدم فقط ..انا او غيري شايفين انه دافع عشان ابني نفسي و ماديش لغيري الفرصة انه ينتقدني.

بالنسبة لاتصالات و فودافون ..اصحابي و اخواتي و اهلي المصريين بيشتغلوا هناك ..مدربين و زي الفل ..و مصريين..عشان كدة استحالة حقولك في يوم قاطعهم .

الاستثمارت بالونه كبيرة و خارج مصر اكبر من مصر..دة راي حضرتك احترمه و لكن انا في معلوماتي اللي بكتبها(مبنفخش بلالين) يعني بتكلم بالصدق. و بعدين مش فاهم فتنة ايه بتاعت الجزائر..الهيافة بتاعت ماتش الكورة و للاسف اتدمرت شركته هناك بسببها و لا حضرتك تقصد حاجة تانية؟ و هل مشاركته في محاولة اعمار العراق بتاسيس شركة عراقية للاتصالات بقت مساعدة للاحتلال؟؟ هو الاحتلال مستني ساويروس عشان يعملهم شركة يكلموا بيها امريكا ؟؟ اما القضية اللي حضرتك بتتكلم عنها فالي الان لم يتم البت فيها بل هو مجرد ادعاء من المتهم و (كله بيزيط في الزيطة) بس اللي لفت نظري ..حضرتك شايف ان القضاء الان غير مدعوم بالكامل؟ تهيالي لو كان كدة فعلا يبقي القضية اكبر بكتير من ساويروس لا الحكومة و الرئيس اللي بتتكلم عنهم حيكونوا نتاج تزييف..و ساعتها التنكيل حيبقي بالكل مش بساويروس بس...تحياتي

السلام عليكم

الزميل جوناثان تحيه احترام على ادبك فى الحوار

الكلام ده لو قاله احد غير ساويرس برضه هاننتقده لأنه مجحف و غير صادق

فانا اقل مصرى متواجد هنا فى الخليج و لله الحمد لنا اسمنا و سمعتنا و اهميتنا و لولا ذلك لما كان

بعد فضل الله وجود هنا و المجال اضيق من اذكر لك اهميه المحاسبين و الاطباء و الصيادله ..و غيرهم من المصريين هنا

و الخلاف مع موبينيل و مقاطعتهم بسبب تصرفات و قله ادب ساويرس المعروفه للكل و سيكون نفس الموقف مع

الاتصالات او فودافون فالقضيه ليست ان ساويرس مسيحى و إلا فكيف تفسر ان 40 % على الاقل من الاقتصاد فى يد

مسيحيي مصر الذى لا يتعدون 5 % من تعداد الشعب المصرى حسب كل الاحصائيات اى لا يتجاوزون 5.5 مليون

و ليس كما قال الكذاب 12 مليون و القصه ليست كثره او قله العدد فهم فى النهايه مواطنين مصريين كاملى

الحقوق و الواجبات شأن كل المصريين على ارض مصر .

القضيه فى قله ادبه و سخريته و تجاوزه و الاخطر من كل ذلك و اراك للاسف تراوغ فيه و هو عندى اهم

من كذبه و سوء اخلاقه هو التحريض على مصر للتدخل الغربى فيها و لا ادرى هل هانت عليك

مصر لهذا الحد ان توافق و تبارك ...بسكوتك .. على هذا

هل تظن ان امريكا و الغرب عندما يتدخل فى مصر سوف يميزك و يجعلك سوبر مصرى فوق باقى الشعب

او انه سينشئ لك دوله قبطيه مستقله

انت يا جو و من يظن ظنك بذلك تكون واهما

فمصلحه امريكا و عقيدتها البروتوستانتيه فوق و قبل الكل ...نعم الكل ..بما فيها الاورثوزوكس و الكاثوليك انفسهم فضلا بالطبع عن المسلمين .

.

و بالنسبه للقضاء فنعم الان مضيق عليه الى حد ما و الكل يعلم ذلك و ما محاكمه مبارك و عصابته

منا ببعيد و عدم تقديم ملف مثل كيفيه امتلاك ساويرس لموبينيل للقضاء حتى الأن بسبب ضروف البلد

فلن يستمر طويلا فانه يصعب على الاقتناع ان من مثل ساويرس كان هو ...خضره الشريفه ... وسط كل ذلك الفساد

و تلك العصابه التى استزفت البلد سنيييييين طويله و انه إذا كان محميا الأن فى عبائه بعض كبار الكنيسه

رأيت ذلك او لا فالامر لن يستمر طويلا و ارجو من الله لى و لك طول العمر لنرى ذلك بأعيننا

و أظن ان ذلك اقرب مما اتوقع و الله اعلم .

تم تعديل 8 ديسمبر 2011 بواسطة abaomar

[آل مصريم]

عيلة ساويرس... مش قريبى ..طبعا... ولا بشتغل عندهم ولا أى حد من أهلى

لكن أعتقد إن الخصومة مفروض تكون عادلة... فيها فروسية... يعنى زى ما أذكر عيوب الكلام... أذكرما فيه من حق... و زى ما بنتكلم عن الفعل الغير الخاطىء... نتكلم عن الفعل الصائب... و نشوف أد إيه من الكلام يؤيده الفعل

متابعة الحوار هنا.... فكرتى

بزماااااااان

صراع البلوريتاريا و كرههم للبرجوازية

و

نار الحقد المقدس... التى تدفع الحروب الصليبية.... فى فيلم صلاح الدين

ما أشبه اليوم بالبارحة... و إيه الغريب مهى الموضة بتخلص و بترجع.... زى الشعر الكاريه... و الشارلستون....و الياقة العريضة مرة و الطويلة مرة

من غير زعل.... الهجوم مش موضوعى بالمرة... و أكرر ليس لى علاقة شخصية ولا منفعه منه أنا و أهلى

[jonathan]

استاذ ابو عمر..انتقد كما تشاء هذا حق مشروع و لكن..ارجو ان يتنقى نقدك من نكهة الاهانة باستعمال اوصاف ككاذب او توجيه الاتهام بالمرواغة او التشكيك بالوطنية بناءعلى اعتقادك بان لدي او لدي غيري من مسيحي مصر رغبة في التدخل الاجنبي. مشاركة حضرتك و اسمحلي القول مليئة بالاحصائيات الخاطئة..فمن اين تاكدت ان مسحيي مصر لا يتعدون 5% و لا يزيدون عن 5.5 مليون مصري ؟؟ التعداد الحقيقي اكبر من كدة حضرتك و لا مجال لذكره بغرض حاجة واحدة مهمة حضرتك ذكرتها الا و هي (القصه ليست كثره او قله العدد فهم فى النهايه مواطنين مصريين كاملى الحقوق و الواجبات شأن كل المصريين على ارض مصر .)

ثانيا انا كمصري مسيحي يوم ما يضيق بي و باولادي لحال قد اترك مصر و اهاجر ...و لكن لا اقبل باي حال من الاحوال التدخل الاجنبي في شان بلدي حتي و لو كان المسمي الحفاظ على الاقباط..نحن لا ننتظر حماية بشريه فيد الله تحمينا في كل عصر و كل اوان و هذا وعد الهي لنا و هذا ايماننا و ليس لدينا ادني شك ان مصر محروسة ببركة ربنا الذي قال( مبارك شعبي مصر).

ثالثا ..تاكد يا سيدي الفاضل ان امريكا لا يفرق معها بروتستانتية او ارثوذكسية او غيره..امريكا دوله حاربت كل القوي العظمي لكي تبقي دائما القوي العظمي الوحيدة و امريكا على اتم الاستعداد للتدخل في شان اي دوله قد تشكل قوي عظمي فيما بعد و ابسطها الصين.

اتمني ان يعطيني الله و يعطيك طولة العمر لنري مصر افضل و افضل بمصرييها مسلمين و مسحيين. تحياتي