مدرسة ولادك ايه .... وعجباك ولا ....

[a_ragab_itp]

يا جماعة انا اخذت فكرة الموضوع ده من موضوع انشغال الاهالى بدراسة الاولاد

الموضوع باختصار ان انا واكيد فى اعضاء مثلى كثير داخلين على مرحلة دخول اولادهم المدرسة ومش عارفين يدخلوا الولاد فين وايه المدارس الكويسة وبكام وايه نقاط القوه ونقاط الضعف بالمدرسة

لذلك ارجو من كل عضو قد سبقنا فى هذه التجربة انه يقول مميزات وعيوب مدرسة اولاده وايه افضل مدرسة من وجهة نظرة

ربما نستفيد من ها الموضوع

انا على فكرة امامى اكثر من مدرسة افاضل بينهم لابنى مثل نارمر ودار التربية وكلية رمسيس

واعتقد ان اغلب الآراء بتشير نحو دار التربية بتاعة نوال الدحوى مصاريفها بحوالى 3500 جنية شاملة الباص ووجبة بيقدموها للاطفال

بس المشكلة انهم بيقولوا ان امتحانات القبول بها صعبة جدا

[فــيــروز]

الحقيقه انا معنديش اولاد :rolleyes: .. ولا بنات :D

لكن اظن ان مدرسة الحريه جيده ومستواها معقول و حسب ما سمعت مصروفاتها معقوله .. حد عنده معلومات عن المدرسه الالمانيه؟ بيقولوا بنت حلال بردو :blink:

[Lighthouse]

انا كمان ماعنديش اولاد او بنات :lol:

بس اعرف من صديقاتي ان المدرسة الالمانية امتحانات القبول بها من اصعب مايمكن :o

ومش بس كده

يعني لنا صديقة معاها دكتوراة في اللغة الالمانية ونشفوا ريقها على ماقبلوا بنتها وبعد وسايط وشغلانة

mfb:

[ragab2]

أفضل

أى مدرسة حكومى لغات

وتسمى تجريبية

لقد تخرج أبنائى من هذه المدارس ومنها كلية السلام والنوقراشى

وحصلوا على الثانوية العامة مع اجادة اللغة الانجليزية اجادة معقولة نفعتهم فى التعليم العالى

وكانت مصاريفها معقولة . حوالى أربعمائة جنيها فى السنة وأربمعائة جنيها شهريا للباص

[bentmasria]

استاذى الفاضل

ساحكى لك تجربتين ولك الاختيار

من ابنائى الذين اشرفت على دراستهم وتربيتهم

بنتان مدرسة العروبه بالدقى

مستوى دراسى جيد

مع ضرورة المتابعة الدوريه والدروس

والمصاريف حوالى 3000 و250 للباص ومديرتها يشهد لها المشكله الوحيد هناك حدثت من 5 سنوات ضبط حالة بانجو وتم تدارك الامر المشكلة الثانيه هى الاختلاط وان كنت اعتقد انه صحى فى حدود الرقابه حتى لا يصاب اولادنا بصدمة الاختلاط لاول مرة فى الجامعة

ومثلها تماما مدرسة تشايلد هوم الدقى وهى فى شارع الدقى نفسه وخاضعة لاشراف دار التربيه ويملكها شريك جامعة 6 اكتوبر ومستواها الدراسى افضل وتعمل بنظام يوم كامل بس مصروفاتها اكثر حوالى 1000 فى الابتدائى

التجربة الثانية وانا اؤمن بجدواها

المدارس الحكومية التجريبية الجديده

الاطفال يدرسون مناهج اللغات

مستوى اللغة ممتاز

مصروفاتها السنويه حوالى 1000 جنيه

بدأ تطبيق شرط التفوق الرياضى فيها

امثله للتفوق فى مدارس قصر الدوبارة وام الابطال التجريبية النموذجيه

المجموعات تغطى المراجعات يشكل طيب

الزياده انك ستقوم بالتوصيل او تتفق مع سائق حسب رغبتك

سانبهك لشىء بسيط

خريجا ام الابطال حصلا على 99و96 بالثانويه ومهندسان

خريجتا العروبة 86 و 88 خريجتا تجارة انجليزى والجامعة الاميريكيه بمصروفات كاملة

استخر الله واسأل

وبالنسبة لمدارس نوال الدجوى هى رائعة برحلات لندن السنوية ومظاهر الجذب والترف وان اخترت مدارس بهذا المستوى فاختيارك لمدارس الحرانية سيكون اكثر تميزا او مصر للغات فكلاهما يقومان بتدريس السباحة وركوب الخيل ومتابعة البطولات الرياضية فقط مشكله بسيطة ان المصروفات تعتبر اضعاف المدارس الاخرى اعانك الله ووفقك للخير يارب

لا تنسوا محمد بالدعاء

تم تعديل 10 نوفمبر 2004 بواسطة bentmasria

[Farida]

انا كمان احترت الحيره دى لما قدمت لبناتى فى المدرسه ...طبعا دار التربيه هايله بس برضه الأم بتذاكر مع اولادها بس بواختها انهم عايزين اولاد صمامين يعنى لو ولد جاب 8 من عشره فى اى امتحان يزفوه فى الفصل و يهزأوه و ممكن فى KG2 الولد ياخد عواصم البلاد و اسماء رؤساء جمهورياتها (معلومات عامه) حاجات تعكنن كده ....

اما المدارس التجريبى فللأسف الفصل فيه 45 تلميذ و فى الثانوى بيوصلوا ل 60 ؟؟؟؟؟؟؟؟؟؟؟؟؟؟؟

النهايه طول ما الrange بتاع المصاريف اقل من 7000جنيه يبقى حا تذاكر لأولادك حا تذاكر لو دفعت اكتر شويتين ممكن يخف الحمل عنك

[فــيــروز]

بعد البحث فى كل الموضوعات التى تتحدّث عن المدارس فى "مصر" فى المنتدى اخترت رفع هذا الموضوع لطلب المشوره حول المدارس الجيّده فى "مصر" لأن -وياللعجب- معظم الموضوعات المتعلّقه بالموضوع بها معلومات مفصّله عن المدارس خارج "مصر" فى البلدان العربيه على اختلافها بينما مفيش مواضيع عن المدارس الجيّده فى "مصر" ..

يا ريت من لديه معلومات بهذا الشأن يضيفها بهذا الموضوع .. مع ملاحظة أن السؤال ليس عن المدارس الدوليه دى خارج المقرّر ولكن عن مدارس اللغات من حيث موقعها الجغرافى و اللغات التى تدرس بها و كذلك مستواها و مستوى الاختبارات المطلوبه من الطالب للالتحاق بها و ما إذا كانت توفّر أتوبيسات أم لا .. مداخلة الأخت "بنت مصريه" فى الموضوع مداخله مفيده جدّا و يا ريت يكون فيه مداخلات جديده على شاكلتها ..

:closedeyes:

[سهل جدا]

والله أنا إبني الكبير بيدرس السنة دي في كى جي وان في مدرسة أزهرية نموذجية, لا بأس بها

مصاريفها مش غالية وفي عربيات بتوصلهم يوميا من البيت للمدرسة بمقابل رمزي كل شهر

مكان المدرسة: في المعادي خلف مستشفى الفتح..

ومستواها لا بأس به..

أنا قولت أجرب المدرسة السنة ديه لحد ما أرجع مصر نهائي أو انقله لمدارس السعودية

بس مدارس السعودية مستواها سيء جدا جدا جدا ..... إلخ.

[Guest Adel]

دلوقتى  فىى مصر فى اكتر من مدرسة  و حضانة لو محتاج نعرف كل المعلومات و التفاصيل عنهم تقدر تعرف من خلال افضل دليل مواقع فى مصر

http://schoolsguide.net.eg/ar

[Guest Ashgan]

من فضلكم ايه افضل مدرسة بمنطقة الدقي لبناتي اول مرة هأقدم على المرحلة الكي جي 1 ومحتارة عايزة مدرسة لغات وجيدة جدا من الناحية التعليمية والاخلاقية ويكون اللي فيها بيراعوا ضميرهم ...