حكومة إنقاذ جوز بنت الجنزوري

[se_ Elsyed]

أصل نبقى واهمين وعايشين في البطاطس لو توقعنا حاجه غير كده

ينفع يا جماعة أبقى متجهاً جنوباً ناحية أسوان وأُصر إني رايح إسكندرية وإن ده الطريق الصحيح ؟

ينفع ثورة تقوم والثوار الشباب اللي مصر ممكن تبقى دولة عُظمى على إيدهم .. سنة دلوقت وإحنا بنرجع اكتر واكتر .. وبنقول على ناس عاشت سبعين وثمانين سنة في جمود فكري ودولاب العمل البيروقراطي .. بنقول عليهم حكومة ثورة

وزير الصحة الجديد يزور زوج ابنة الجنزورى داخل المستشفى

الخميس، 8 ديسمبر 2011 - 22:07

كتب محمد الجالى

تعرض زوج ابنة الدكتور كمال الجنزورى رئيس الوزراء الجديد إلى أزمة قلبية حادة وتم نقله على إثرها إلى مستشفى وادى النيل لتقلى العلاج الفورى.

وقام الدكتور فؤاد النواوى وزير الصحة اليوم بزيارته للاطمئنان على صحته ومعرفة التقرير المبدئى عنه، والذى تبين منه أن زوج نجلة الجنزورى تعرض لأزمة قلبية حادة فاجأته، وأدت لتوقف لحظى للقلب وتم إدخاله العناية المركزة وإنعاش قلبه بشكل سريع.

وكان قد نشر اسم الدكتور عادل العدوى وزيراً للصحة عن طريق الخطأ.

يا ترى الجنزوري بيه راضي بالتصرف ده ؟

يا ترى البيه اللي لسه متعين وزير صحة أمبارح هايعدي على كل عيان في مصر عشان يعرف التقارير المبدئية لكل مريض مصري ؟

يا ترى البيه وزير الصحة يعرف وضع الصحة في مصر اللي كنا في عهد حلاقين الصحة والتمرجية والمجبراتية أفضل بكثير ... على الاقل ما كانش السرطان أنتشر بهذا الشكل الرهيب . وما كانش فيروس سي رفيق لكل بيت مصري