ايه القرف و التهريج اللى فى التحرير ده؟

[ViralMind]

السلام عليكم

امبارح كان عندى مشوار فى وسط البلد و كنت معدى على ميدان التحرير..

ايه القرف ده؟ ايه الحثالة و الزبالة اللى موجودين فى الميدان دول اصلا؟

كام عربية عدت من ناحية قصر النيل علشان عايزين يكملوا على طلعت حرب, قام طلعوا بلطجية و واحد فيهم قال:

مين اللى فتح ام الميدان؟!!!

الشتايم و الالفاظ القذرة تسمعها عادى جدا هناك..

المخدرات و البرشام..

اوسخ و اقذر خلق الله موجودين هناك.. كلهم بدون استثناء بياعين... مفيش بس غير 10 او 20 واحد اللى هما بيعدوا او واحد جايب حبيبته ياكلوا فشار و يتصوروا :blink:

و العدد كله لا يتعدى 200 او 300 واحد اساسا..

الميدان بقى عبارة عن وكالة البلح..

ازاى اصلا متسابين فى الميدان كده و المرور مخنوق خنقة زى الزفت فى القاهرة كلها بقاله كام يوم..

انا نفسى حد هنا من اللى بيؤيد التهريج اللى بيحصل فى التحرير, يقول لى راح التحرير آخر مرة..

انا اصلا اقرف اروح هناك تانى.. ده بقى اوسخ من اوسخ المناطق الشعبية..

هى دى صورة مصر؟ هى دى صورة الثورة؟ هى دى صورة ميدان التحرير اللى كان شرف لاى حد انه يعدى بس من عليه؟

عيب اللى بيحصل ده..

الناس دى لازم تتشال فورا و اول مرة اقولها فى حياتى.. ياكش يموتوا ولا يولعوا بجاز حتى..

اصل دول مش ابرياء ولا غلابة..

دول بيخالفوا القانون و اللى يخالف القانون ياخد على دماغه طالما انه مبيفهمش.

يا ريت لو حد بيؤيد القرف اللى بيحصل هناك ده, يفهمنى وجهة نظره بالظبط!

[متعب]

أسأل ال بعتهم هناك عشان يعملوا كده

قول للعسكر دول مين وهو هيقولك

[ViralMind]

يعنى انتا مع اللى بيحصل هناك ولا عايز التهريج ده ينفض و يرجع الميدان يتفتح؟

اظن سهل فتحه, لان فيه ناس عاديين فتحوه علشان يعدوا بعربياتهم.

[عبير يونس]

ماهو ده هو المقصود يا فايرل

باعتين بلطجية لتشويه البقية الباقية من رمز الثورة - رحمة الله عليها

و كل شيء رجع عادي

زي قبل 25 يناير

و يجعله عامر :closedeyes:

[م تيمور المراغي]

دول امن يا فيرال وانا كتبت ده من كام يوم

النشطاء انتقلوا لمجلس الوزراء وانضم لهم نواره والاسواني ومعتصمين هناك

انما الامن هو اللي قافل التحرير ومعاه بلطجيته ولما بثينه كامل راحت كلمتهم شتموها وضربوها

حركة مكشوفه اوي عشان انت وغيرك يقولوا الكلام ده

تحيتي ,,

[ViralMind]

انا مش متابع الاخبار بقالى كام يوم..

طيب ليه مفيش اى بيان ولا اى حاجة تطلع تتبرأ من اللى بيحصل فى التحرير.. و كل اهالى الشهدا يطلعوا و يقولوا الكلام ده؟

انا عارف ان دول مش الثوار - اكيد يعنى, و ان دول البياعين بتوع بولاق و المنشية..

و ان كان فيه خناقة من كام يوم بالليل معاهم..

ليه بقى مفيش اى حد يتحرك و يقول فضوا الناس اللى فى التحرير دول؟

ولا كده هما عايزين فكرة ميدان التحرير تموت و بالتالى اى حد هيروح الميدان تانى هيبقى بياع ولا بلطجى؟

[م تيمور المراغي]

6 إبريل تعلن فض إعتصامها بميدان التحرير.. والإبقاء على إعتصام رمزي أمام مجلس الوزراء \\ الرباط الخاص بي

[عبد الله غريب]

بردو مش متابع بقالي كام يوم .. لأني حاسس إن مفيش جديد .. بس داه خبر بالنسبة لي جديد .. إن فيه أشكال كداه قافلة ميدان التحرير .. شيئ غريب فعلاً .. و أول مرة أعرفه النهاردا .. طب الإعلام مجبهمشي و لا اعترض على وجودهم ليه !؟

ها .. يا جماعة ..

و ليه مفيش حد من الثوار بيتكلم ..

ليه ما يقولوش للحكومة إن احنا عاوزين الميدان يتفتح .. و الناس اللي فيه دول يمشوا .. و إنهم مش من الثوار و لا من أهالي الشهدا و المصابين ..

و نشوف ليه احكومة مش عاوزة تشيلهم .. و تفتح الميدان ..

يمكن الحكومة تتحجج باللي حصل لهم 19 نوفمبر .. و إن الناس حتقول عليهم بيضربوا الثوار و أهالي المصابين و الشهدا ..

و الحل إتقال مرتين تلاتة قبل كدا ..

الحل يعينوا وزير داخلية محسوب على الثوار يعني من المناصرين للثوار .. و يكون مُطالب بإستعادة أمن الشارع المصري بالطريقة اللي يشوفها مُناسبة .. و يبقى تحت تصرفه عساكر من الجيش .. منتدبين للعمل في جهاز الشرطة و مش لازم بلبس الشرطة يعني ممكن بلبس الجيش بتاعهم .. يتعاملوا مع أي حد خارج عن القانون .. و ساعتها محدش حيقدر يتهم الحكومة بأنها ضد الثوار .. و ساعتها الحكومة مش حتقدر تتحجج بأنها خايفة لحسن الشعب يتهمها بأنه بتضرب الثوار .. لأن ساعتها حيكون الرد هو إن وزير الداخلية مختار من الثوار .. يعني من الشعب ..

ليه داه مايتمش؟

ليه مبيحصلش كدا؟

حد عنده جواب .. ؟

[se_ Elsyed]

اللي بيتابع الأخبار هايعرف إن من فترة والأعتصمامات وحتى العيادة الميدانية إنتقلت إلى امام مجلس الوزراء .... وبيانات طلعت أكدت ذلك واكدت إن مافيش ثوار موجودين في التحرير

وكل يوم خناقات وقلة أدب بين الباعة الجائلين هناك

[متعب]

أمال فين ال كانوا بيهاجموا التحرير اربعه وعشرين ساعه

ولا عشان عرفوا انهم شويه رعاع تبعهم

التحرير بالفعل بيهدد عرش البلطجيه والنظام ككل فكان لازم يحاربوه

لكن حاليا لاء طبعا . التحرير كده على قلبهم زى العسل . والبلطجيه والحرميه على قلبهم برده زى العسل الابيض لانهم واحد وفرقه واحده

حد شاف بلطجيه فى اسمله العباسيه . لاء طبعا لانهم هما البلطجيه وعشان يفهموا صح يبقى لازم يقرأو صح بس مع الاسف هما متصورين انهم خلاص بح وسيطروا على مقاليد الامور . هأو .

بس بعون الله هنسقط عرشكم وقولوا ال تقولوه

ننتظر بس نشوف الدنيا فيها ايه وايه السيناريوهات بالظبط وهتشوفوا ال عمركوا ما شفتوه

تعامل يليق بيكوا ياشويه حوش

النوم وجب فى الدرة

لازم تفهموا ان دى ثورة ياغنم ومفيش تراجع عن اهدافها

عارفين امته نتراجع عن اهدافها كامله

فى المش فى المش فى المشمييييييييييييش

[ابراهيم عبد العزيز]

انا أتفق مع مداخلة الاخت عبير والاخ تيمور

بعد التدخل الدموي من قبل قوات الأمن في ميدان التحرير صبيحة يوم 19 نوفمبر وقتما كان أهالي الشهداء والمصابين والثوار هم بالفعل الموجودين في الميدان وفشل السلطات وقتها في تصوير من كانوا موجودين في الميدان أنهم بلطجية حتى تبرر إراقة دمهم , وبدى هذا الفشل واضحا عندما نزل جحافل الشرفاء من الشباب لنصرتهم مما أدى لحدوث الموجة الثانية من الثورة التي زلزلت العروش

ما يحدث الأن هو خطة خبيثة لتشويه الميدان وإرسال بلطجية بالفعل لإغلاقه وتلويث سمعته , مع تعليمات لهم بالتفوه بأقذع السباب وسوء الكلم أمام المارة ولا مانع من القيام بأفعال مشينة كشرب الحشيش والبانجو, حتى تأخذ أنت يا فيرال وأنا وكل مواطن مصري هذا الإنطباع الذي أخذته , ويفقد ميدان التحرير تعاطف الناس معه , فيصبح الطريق مفروش وممهد للتدخل القوي والدموي الكاسح في يوم من الأيام التي سيتواجد فيها الثوار في الميدان بالفعل

تحياتي لك

تم تعديل 9 ديسمبر 2011 بواسطة ابراهيم عبد العزيز

[متعب]

مليونية "حراسة الثورة".. لم يحضر أحد فى الميدان

كان حازم ابو اسماعيل قد دعى لمليونية حراسة الثوره اليوم الجمعه بالتحرير ولم يحضر أحد !!!

بالصور.. مليونية "حراسة الثورة".. لم يحضر أحد فى الميدان أو "فيس بوك" و"تويتر".. غاب المتظاهرون والمنصات والمسيرات.. وحضر الباعة الجائلون..

الجمعة، 9 ديسمبر 2011 - 16:32

جانب من جمعة حراسة الثورة

كتبت إيمان على ومحمود عثمان ومحمود عبد الغنى وهانى الحوتى ومهاب محمود

غاب المتظاهرون.. وغابت المنصات.. وغابت المسيرات.. وحضر الباعة الجائلون فى مليونية "حراسة الثورة"، وظهرت خيام متناثرة يسكنها عدد من المعتصمين، وقليل من المتظاهرين، يقابله عدد كبير من الباعة الجائلين.. هذا هو المشهد فى مليونية "حراسة الثورة" التى دعا إليها الشيخ حازم صلاح أبو إسماعيل المرشح المحتمل لرئاسة الجمهورية، وعدد من القوى السياسية والائتلافات الثورية.

ساد الهدوء أرجاء ميدان التحرير منذ الصباح فى مليونية حراسة الثورة، حيث ظل عشرات المعتصمين بخيامهم فى ظل توافد ضئيل للغاية لعدد من المتظاهرين، وعدم وجود أى منصات تابعة لأى حركة أو تيار سياسى فى غياب تام لأى مظهر من مظاهر المليونية، وشهد ميدان التحرير توافد أعداد كبيرة من الباعة الجائلين الذين انتشروا بشكل كبير فى الميدان، فيما اختفت أى مسيرات أو تجمعات بالميدان، كما كان يحدث من قبل.

يأتى ذلك فيما خلت مداخل ومخارج ميدان التحرير من اللجان الشعبية، بينما تواجدت المنصات الحديدية لمنع دخول السيارات والحافلات، ولوحظ أن بعض المعتصمين بدءوا فى مغادرة الميدان، وقاموا بطى خيامهم وتعبئة أغراضهم فى حقائبهم، استعدادا للعودة إلى منازلهم، وقامت سيارات النظافة التابعة لمحافظة القاهرة بتنظيف الميدان من القمامة المنتشرة الكثيفة التى انتشرت فيه بشكل كبير.

مخلاص اتفئسو ولاد ابو اسماعيل

[ابراهيم عبد العزيز]

للتوضيح فقط يا أخي الباز

أبو إسماعيل لم يدعو اليوم الجمعة ( لمليونية )

نص دعوته موجود على صفحته في الفيسبوك

الرجل دعى لصلاة الجمعة في ميدان التحرير وليس لمليونية

لكن في يوم 18 نوفمبر دعى الرجل ( لمليونية ) وقالها صريحة , وبدأ الترويج لها قبلها بعشرين يوما تقريبا

تحياتي لك

تم تعديل 9 ديسمبر 2011 بواسطة ابراهيم عبد العزيز