سلفى فى برنامج الكاميرا الخفية

[raouf]

مش هاعلق هانتظر تعليقاتكم بعد رؤية الفيديو

http://www.youtube.com/watch?v=UUmtde8mseI&

[raouf]

ايه الفيديو ماعجبش حد ؟

طيب محدش اتعلم منه حاجه ؟

[اثار]

جميل جدا الفيديو

يا ريت كل السلفيين في مصر يكون عندهم الرؤية دي

بخصوص اخفاء الفيديو المسامح كريم ...المهم هو المشكلة ان الفيديو اختفي ولا المشكلة

ان السلفيين لازم يجتهدوا اكتر في توصيل فكرهم الحقيقي للناس وانهم يصلحوا صورة

التشدد الشديد اللي الناس واخداها عنهم

تم تعديل 9 ديسمبر 2011 بواسطة همسات مصرية

[عادل أبو عمر]

مش هو ده يا رؤوف نفس الراجل اللي في الفيوم في الفيديو بتاع أستاذ محمد ... الموضوع التاني

بص يا غالي بصراحة الفيديو ماينفعش التعليق عليه من جماله ... أنا شفته قبل كدة من فترة طويلة و عجبني جدا و ربنا يجازيك كل خير إنك نقلته .. لأنه بيغني عن كلامنا احنا و لأن الناس فعلا محتاجين يشوفوا بعينيهم مين الناس السلفيين اللي نزلوا علينا من المريخ بعد الثورة .. من غير الأمثلة اللي الإعلام مركز عليها .

تخيل واحد بيشرح الفكر السلفي بالبساطة دي ومحتفظ رغم جديته بخفة الدم و احترام من يخاطبه .. يعني بالحكمة و الموعظة الحسنة ..

نرجع نقول تاني الاعلام بتاعنا في معظمه و هذا رأيي بضاعته للأسف هي المشاكل و تهييج الرأي العام .. لعمل شو إعلاني أو لخدمة أجندات خاصة

و القنوات الدينية أيضا للأسف الشديد لم تسلم من هذا سواء بقصد أو عن غير قصد ..

[م تيمور المراغي]

الراجل ده بيفكرني بمكاوي :happy:

نفس الكوكتيل الجميل من التدين الصحيح و خفة الدم والروح

[se_ Elsyed]

ماحدش إعترض على كده يا رؤوف بيه والناس عارفه وفاهمه وفي ناس كتيرة من السلفيين زي الفل لأنهم مننا وعلينا مش جايين من كوكب اخر

لكن اكثر من يُسيء للسلفيين .. هم بعض السلفيون أنفسهم

لأن الأولويات عندهم ضايعه

يعني أنا عايش في مجتمع الجميع فيه لهم حقوق متساوية ومن حد أي حد يحلم بالسلطة والحكم .. ده لا عيب ولا حرام

لكن لما اكون أنا عاوز اخوض غمار الحياة السياسية .. وبالتالي اكون بأضيع وقتي ومجهودي في حاجات غريبة زي أدب نجيب محفوظ اللي عبارة عن دعارة أو المايوهات ... إلخ ...

أو أول ما أفوز في البرلمان زي اخ عملها من يومين ومن قرفي لا أخدت كوبي من كلامه ولا عاوز أعرفه واول تصريح أقوله : أول ما سنقوم به هو محاولة فصل الرجال عن النساء في العمل ومراجعة قوانين البنوك العاملة في مصر

تبقى كارثة بكل المقاييس في مجتمع به ملايين مطحونة وعايشة عيشة أقل من الحيوانات ... أقسم بالله العظيم شاهدت برنامج بالأمس على احد القنوات .... اتضح لي إني ما عشتش في مصر ولا شوفت أهلها

مش هاقول عشوائيات ولا عشش صفيح ..

لأ لأ ... دي حاجه كده أشبة بسوري يعني بيوت الكلاب .... أول مرة في حياتي أشوف عشش بابها جاي لكتف البني ادم وبيعيش حياته منحني عشان يدخل بيته او عشان يعيش في داخلها ...

وخد من ده ملايين بقى لا صرف صحي ولا كوب ماء نظيف

فلما اكون نائب برلمان المفروض يحس بالشعب كله .. وتكون دي أولوياتي فصل النساء عن الرجال أو انكش عن محلات الخمر اللي ممكن تكون معدودة على الاصابع في مصر ... وأسيب المشاكل المتلتلة التانية

يبقى سلام عليكم ... وهانبقى عارفين نتيجة الانتخابات المقبلة من الان

[عادل أبو عمر]

الراجل ده بيفكرني بمكاوي :happy:

نفس الكوكتيل الجميل من التدين الصحيح و خفة الدم والروح

فاكر حوارات مكاوي مع أغابي من سنة

كنت تحس بناس مصرية و بس

و هو ده زي ما قلت التدين الصحيح

[raouf]

مش هو ده يا رؤوف نفس الراجل اللي في الفيوم في الفيديو بتاع أستاذ محمد ... الموضوع التاني

بص يا غالي بصراحة الفيديو ماينفعش التعليق عليه من جماله ... أنا شفته قبل كدة من فترة طويلة و عجبني جدا و ربنا يجازيك كل خير إنك نقلته .. لأنه بيغني عن كلامنا احنا و لأن الناس فعلا محتاجين يشوفوا بعينيهم مين الناس السلفيين اللي نزلوا علينا من المريخ بعد الثورة .. من غير الأمثلة اللي الإعلام مركز عليها .

تخيل واحد بيشرح الفكر السلفي بالبساطة دي ومحتفظ رغم جديته بخفة الدم و احترام من يخاطبه .. يعني بالحكمة و الموعظة الحسنة ..

نرجع نقول تاني الاعلام بتاعنا في معظمه و هذا رأيي بضاعته للأسف هي المشاكل و تهييج الرأي العام .. لعمل شو إعلاني أو لخدمة أجندات خاصة

و القنوات الدينية أيضا للأسف الشديد لم تسلم من هذا سواء بقصد أو عن غير قصد ..

صدقنى يا حج عادل معظم الناس السلفيين كده

طبعا فيهم شوية مختلفين لكن دول بيحبوا الظهور شوية

وعندهم بعض الفكر الجامد شوية

لكم فعلا كله لوجه الله وليس رياء للناس

[raouf]

ماحدش إعترض على كده يا رؤوف بيه والناس عارفه وفاهمه وفي ناس كتيرة من السلفيين زي الفل لأنهم مننا وعلينا مش جايين من كوكب اخر

لكن اكثر من يُسيء للسلفيين .. هم بعض السلفيون أنفسهم

لأن الأولويات عندهم ضايعه

يعني أنا عايش في مجتمع الجميع فيه لهم حقوق متساوية ومن حد أي حد يحلم بالسلطة والحكم .. ده لا عيب ولا حرام

لكن لما اكون أنا عاوز اخوض غمار الحياة السياسية .. وبالتالي اكون بأضيع وقتي ومجهودي في حاجات غريبة زي أدب نجيب محفوظ اللي عبارة عن دعارة أو المايوهات ... إلخ ...

أو أول ما أفوز في البرلمان زي اخ عملها من يومين ومن قرفي لا أخدت كوبي من كلامه ولا عاوز أعرفه واول تصريح أقوله : أول ما سنقوم به هو محاولة فصل الرجال عن النساء في العمل ومراجعة قوانين البنوك العاملة في مصر

تبقى كارثة بكل المقاييس في مجتمع به ملايين مطحونة وعايشة عيشة أقل من الحيوانات ... أقسم بالله العظيم شاهدت برنامج بالأمس على احد القنوات .... اتضح لي إني ما عشتش في مصر ولا شوفت أهلها

مش هاقول عشوائيات ولا عشش صفيح ..

لأ لأ ... دي حاجه كده أشبة بسوري يعني بيوت الكلاب .... أول مرة في حياتي أشوف عشش بابها جاي لكتف البني ادم وبيعيش حياته منحني عشان يدخل بيته او عشان يعيش في داخلها ...

وخد من ده ملايين بقى لا صرف صحي ولا كوب ماء نظيف

فلما اكون نائب برلمان المفروض يحس بالشعب كله .. وتكون دي أولوياتي فصل النساء عن الرجال أو انكش عن محلات الخمر اللي ممكن تكون معدودة على الاصابع في مصر ... وأسيب المشاكل المتلتلة التانية

يبقى سلام عليكم ... وهانبقى عارفين نتيجة الانتخابات المقبلة من الان

ما احنا اتفقنا يا احمد صوابع ايدك مش زى بعضها

وللاسف اللى اترشح للانتخابات من السلفيين هم الرعيل الاول من السلفيين الموجودين الان ودول تشددهم اكثر شوية وقوى ومش سياسيين

اما الجيل الجديد من السلفيين فهم جيل الانترنت اكثر تفتحا وتقبلا للاخر

[عبد الله غريب]

الفيديو مش محتاج كلام مننا .. هو بيتكلم عن نفسه .. و كفاية إنه مش مترتب .. و الشخص اللي فيه طلع الكلام اللي عنده لسواق تاكسي .. يعني لا هو بيمثل قدام التلفيزيون علشان يخدع المشاهدين .. و لا هو مجبر إنه يمثل دور المصلح .. و يقول كلام مش صادق فيه علشان يبان إنه ملتزم قدام الناس .. لأ .. بيتكلم مع اخوه سواق التاكسي بكل تلقائية .. كداه إحنا عرفنا إن داه فكر السلفيين الصحيح .. و مش معنى إن واحد أو اتنين غلطوا في الكلام أو في التصريحات يبقى نقوم نمسكلهم ع الواحدة .. و نحكم على السلفيين كلهم بسبب خطأ صدر من أحدهم أو من بعضهم .. إحنا لينا عقل و نقدر نميز .. و كفاية نشوف إخلاصهم و حبهم الخيرلجميع الناس .. مسلمين و مسيحين .. ربنا يوفق الجميع للتآلف و التعاون .. و كفاية تحليلات بقى .. و نفترض حسن النية ف اللي جاي .. بس بدون إهمال المتابعة و النصح .. و أكيد كل واحد مش كبير على النصح .. و هيتقبله من الغير طالما حس إنه مش نقد لمجرد النقد .. أو لتشويه الصورة .. عاوزين ننسى شوية الخلافات .. و نتحد مع بعض .. و نشوف يمكن نعدي بسلام .. مش نقعد مستنين الفشل .. و ان اتأخر .. نحاول نعمله بإشاعة الفرقة .. و الاتهامات .. طبعاً الكلام سهل .. و المهم أرض الواقع .. اللي بتحكمه عوامل و مصالح كتير .. بس نقول يارب .. و بإذن الله .. مصر يا أم الدنيا يا غالية طالع فجر جديد ..

[أبو يمنى]

ما شاء الله ... نموذج طيّب ونسأل الله أن يكثر من أمثاله .

تحية لجميع المشاركين .