مليونية (( اشتر المنتج المصرى ))

[Om Zayd]

قطونيل عاملة تخفيض (50% على ما اذكر) .. و السلاب عامل خصم على سيراميك رويال

و زهران عامل خصم 10% .. و تخفيضات من اغلب المصنعين المصريين (اجا و دومتي و ريجينا و شارمين

مؤمن و تشيليز .. 10% خصم

كذا سوبرماركت شهير مشارك بخصومات ايضا

و هناك من اعلن التبرع بارباح اليوم لمدينة زويل

[ابو محمود]

الصاغة يوم الجمعة عاملة تنزيل على الأجر المصنعية جبارة

جميع منتجات الذهب مصرية 100 % المستورد لأ على فكرة انتاج مصر من المصنوعات الذهبية يضاهى شغل الخارج

احنا بصراحة مش شغالين من اول الثورة يعنى خربانة خربانة المهم نشارك بجدية وبصدق اي حد عايز يشترى بمصنعية التكلفة يتصل انتو عارفين رقم الوبايل زيرو 012 او 0100 او يرسل شيك مقبول الدفع ههههههههههههههههههههههههههههههههههههههههه هنخدمة خدمة العمر مصطفى نصار ازاي هيعمل تخفيض 40 % على سعر الذهب ؟؟؟؟؟؟التخفيض من سعر المصنعية عندنا فى الصاغة بسعر التكلفة قرب قرب ب 2.5 كلة ب2.5هههههههههههههههههههههههههههههههههههههههههههههههههههههههههههههههه

[لونا]

بالرغم من إن المصانع دي بتاعة رجال أعمال .. الكثير منهم محسوبين من رجال النظام السابق

و أثروا ثراء فاحش .. و معظمهم لم يرد الجميل لأبناء وطنه

لكن لا يمكن ننسى أن العمال و الموظفين في هذه الشركات .. هم مصريين يستحقوا أن ندعمهم فعلًا

لكن المقال المقتبس .. طرح جزئية جديدة كتير مش واخد باله منها

إن تشجيع المنتج المصري مش قاصر على منتجات المصانع الكبيرة و بس..

لأ .. بياع الذرة و البطاطا على الكورنيش

بياع الفول و العرقسوس على ناصية أي شارع

سواق التاكسي

ياريت ما ننساش البسطاء اللي محتاجين الدعم الحقيقي

وجهة نظر

انا مش هافرح بحملة اشتري مصرى اللي هتزود مكاسب رجال أعمال إللى أصلا مش بيدوا للعمال حقوقهم

.. أنا باشتري مصري بطريقتي اللي أنا مقتنع بيها ...

اركن عربيتي و اركب تاكسي .. أكل فريسكا ، درة مشوي أو بطاطا من بياع سريح عالكورنيش هيروح لعيلته بالفلوس ... اشتري كل الخضار و الفاكهة من حد واقف في الشارع مش من السوبر ماركت ..

لو هتجيب هدايا لزمايلك أو لصحابك او لحد بتحبه .. انزل خان الخليلي و اشتري نحاس أو ازاز معشق معمول في الخان مش حاجات صيني

.. جرب تلبس جزمة معمولة في مصر ..

جرب مرة تشرب عرقسوس من الشارع ( سمي و اتكل على الله مش هتموت .. كانوا ال 50 مليون ماتوا) ..

افطر مرة من على عربية فول .. و اسمع الراجل اللي على العربية و هو بيدعيلك بصباح نادي و زي الورد ...

اشتري باكو منديل من واد غلبان في اشارة مرور .. حتى لو شكله مش عاجبك ما تبقاش انت و الناس عليه ....

الفلوس إللى بتدفعها بتروح فعلا للناس إللى قامت عشانهم الثوره

بتروح مباشرة للغلابه ...

دول وزيهم كتير هما إللى يستحقو المساعده ....

مش رجال الاعمال إللى اصلا معاهم ميارات من البلد ...

ومفكروش يعملو حاجه بجد للبلد ... مصانعهم معموله عشان هما يكسبو وبس ميعرفوش حاجه تانيه وده إحدى اسباب الغلاء إللى حارق البلد .... محدش فيهم حاول يعمل مشروع قومى يساعد الاقتصاد المصرى بجد ... ويرخص الاسعار بجد

لو عايز فعلا تساعد مصر .... ساعد العامل الشقيان... ساعد البياع الغلبان... ساعد بتاع المناديل ... ساعد المنتجات المصريه الصغيره ... وساعد وساعد ... ساعد المحتاج المساعده فعلا .... ومتديش صدقه لحد مبيبعش حاجه ... ساعد إللى بيكافع بجد

متساعدش إللى خلو كيلو اللحمه ب 70 جنيه

متساعدش إللى خلو كيلو اللبن ب 7 فى علبه

متساعدش إللى خلو متر سلك الكهربا ب 8 جنيه

متساعدش إللى خلو السندوتش ب 30 جنيه

متساعدش إللى خلو متر السيراميك 100 جنيه

متساعدش إللى خلو كيس المكرونه ب 5 جنيه

متساعدش متساعدش متساعدش ... كتير اوى اوى

ممكن تكون الاسعار دى تافهه بالنسبالك ... لكن 60 % من الشعب المصرى ميعرفش يشتريها .... وعشان كدا الاقتصاد المصرى خارب لأنه غالى جدا وفئه قليله هى إللى قادره عليه

دا بسبب رجال الاعمال اللى عمالين يدفعو ملاين من ارباحهم المهوله على حملات إعلانيه ويلمو فلوسها من الشعب

وسايبين الغلابه مش لاقين ياكلو ولا يسكنو ولا يتعلمو ولا قادرين على مصريف حاجه ... بيتمنو الموت عشان يوفرو لقمه لإخواتهم... والاسعار بتزيد عليهم يوم ورا التانى

عايز تساعد .... ساعد الصناعات الصغيره بجد .. ولو تعرف شغل اى حد ... خلى فلوسك رايحه للى فعلا محتاج ... ومتخليش رجال الاعمال يضحكو عليك

اما الاقتصاد المصرى عالميا ... فلا يستطيع احد إصلاحه إلا الحكومه

بوضع حد اعلى للأجور وتخفيض الجمارك والضرائب على المواد الخام الغير موجوده فى مصر ... والماكينات والصناعات الثقيله إلى ان توجد هذه الصناعه مره اخرى حتى يستطيعو إدخال مواد خام رخيصه وتصنيع منتجات مصريه تنافسيه حقيقيه

تساعد على زياده وتنوع المصانع والمنتجات

ومن ثم خفض الاسعار وزياده الجوده

الموضوع مش إختراع ... لكن إحنا بيتنصب علينا

[aimen]

مدام لونا شكرا على المداخلة الجميلة

دى كمان فى نفس السايق

قبل ما تشترى لمصرى شوف المصنع اللى بيراعى حقوق العمال

اللي عايز يضحك على نفسه و يخدر ضميره و يقنع نفسه إنه شارك في شراء منتج بلده هايروح يدور على العروض بتاعت أحمد بهجت و أبو العينين و السلاب و باقي المليارديرات اللي عاملين العروض للمشاركة يوم الجمعة. طبعا ده مش وحش و لكنه مش الأولى. لو حقيقي عايزين تدعموا الاقتصاد يبقى لازم تشوفوا المستحق الحقيقي لهذا الدعم و بالطبع مش همه رجال الأعمال و المليارديرات! سيبوكوا من الهلس بتاع عمرو وعماد أديب ده. متش...تروش من المحلات الكبيرة ولا الماركات الجامدة. اشتري من البقال اللي على أول الشارع وجيب قلم سنون من الخردواتي اللي في العمارة اللي جنبك واشتري جرجير من الست اللي فارشة على الناصية ومناديل وبسكوت لوكس من الراجل اللي قاعد متكتك على أول النفق. روحوا كلوا عند المحلات العادية اللي طول الوقت سامعين انها جامدة بس عمركم ما روحتوها. فصل قميص و هدوم وجزم عند الترزي اللي في النصية و اللي مالوش مهنة تانية يسترزق منها (أيوة في ناس لسة بيفصلوا جزم!). اتصلوا بنجار وسباك وكهربائي يصلحلكوا الحاجات اللي بايظة في شقة المصيف ومكسلين تعملوها. اركنوا عربياتكم وخدوا تاكسي وميكروباس ومشروع. ادوا للناس بقشيش (عامل البنزينة- جرسون المطعم- عامل الدليفري...) بس لو الخدمة كويسة والمعاملة لطيفة مش تلاكيك عشان يطلع منكوا اللي يقدر عليه. كارفور ومترو وألفا وماري لوي و موبيكا و كونكريت مش هيفلسوا لو مرحتش تشتري من عندهم يوم الجمعة- لكن كل واحد من الناس دول ممكن ينام من غير عشا، ده لو كان اتغدى أصلا.. إنشرها إذا إقتنعت بها. منقول

[Om Zayd]

بالرغم من إن المصانع دي بتاعة رجال أعمال .. الكثير منهم محسوبين من رجال النظام السابق

و أثروا ثراء فاحش .. و معظمهم لم يرد الجميل لأبناء وطنه

لكن لا يمكن ننسى أن العمال و الموظفين في هذه الشركات .. هم مصريين يستحقوا أن ندعمهم فعلًا

لكن المقال المقتبس .. طرح جزئية جديدة كتير مش واخد باله منها

إن تشجيع المنتج المصري مش قاصر على منتجات المصانع الكبيرة و بس..

لأ .. بياع الذرة و البطاطا على الكورنيش

بياع الفول و العرقسوس على ناصية أي شارع

سواق التاكسي

ياريت ما ننساش البسطاء اللي محتاجين الدعم الحقيقي

جزاكم الله خيرا يا لونا

اعتقد اغلبنا بيحاول يدعم الناس اللي حواليه فعلا

الفكرة بس .. لما يكون قدامي منتج صيني او مستورد عموما أحاول ادور على بديله المصري

بالذات في الظروف دي

يعني الدعوة مش موجهة بس للمقتدرين و اللي ربنا وسعها عليهم

كمان للموظف اللي على قده .. اللي سعر الصيني بيغريه طبعا

نيجي على نفسنا و نساعد بعض

و لو بطرق غير مباشرة

[متعب]

ده مين اصلا صاحب الملونيه الجميله دى

اكيد طبعا دوله رجال الاعمال واستغلال العالم بشراء منتجاتهم الفالصو تحت الشعارات اياها مصر والام والاب

وبكده يبقى شجعنا حاجتين فقط . منتج فالصوا . وشجعنا شويه حراميه بيمصوا بدماء الناس بالاونطه

وياريتهم بيعملوا منتج يستاهل او من غير غش فى المواد

دول بيعملوا خامات من اردء الخامات الموجوده وبيخدوا من الناس تمن الاصلى

يعنى بيبيعوا المضروب بسعر الاصلى بل يفوقه بمراحل

ومصر كلها اصبحت تجارة ليهم

احنا عوزين مليونيه تطهير نص الشعب ده من عقليه الامن المركزى ومن متخلفات سوزان مبارك

هى دى المليونات الناجحه

[لونا]

حذف للتكرار

تم تعديل 15 ديسمبر 2011 بواسطة لونا

[لونا]

شكرًا للأستاذ أيمن و أم زيد

-------------------------------------------------------------------------------------------

لو تفتكروا أيام سداد ديون مصر

كان فيه حملة لشراء المنتجات المصرية

و على الرغم من إن المنتجات المصرية الجيدة ما كانتش موجودة بشكل كبير .. إلا إن الحملة كانت ناجحة

يا ريت الحملة الجديدة تستمر و ما تكونش مؤقتة لمدة يوم واحد

و يكون فيه تخفيضات كبيرة حقيقية

لأني باحس إن التخفيضات في مصر نصب بالمقارنة بالسعودية

تم تعديل 15 ديسمبر 2011 بواسطة لونا

[se_ Elsyed]

ده مين اصلا صاحب الملونيه الجميله دى

اكيد طبعا دوله رجال الاعمال واستغلال العالم بشراء منتجاتهم الفالصو تحت الشعارات اياها مصر والام والاب

وبكده يبقى شجعنا حاجتين فقط . منتج فالصوا . وشجعنا شويه حراميه بيمصوا بدماء الناس بالاونطه

وياريتهم بيعملوا منتج يستاهل او من غير غش فى المواد

دول بيعملوا خامات من اردء الخامات الموجوده وبيخدوا من الناس تمن الاصلى

يعنى بيبيعوا المضروب بسعر الاصلى بل يفوقه بمراحل

ومصر كلها اصبحت تجارة ليهم

احنا عوزين مليونيه تطهير نص الشعب ده من عقليه الامن المركزى ومن متخلفات سوزان مبارك

هى دى المليونات الناجحه

باز ..

إنت عندك مشكلة ... صدقني والله

إنت حاولت في مرة تشوف الدنيا بنضارة بيضاء ؟

إيه كمية السواد والكُره لكل شيء ده ؟

يا عم ده غلط عليك كده .. ده أنت هاتصحي في يوم هاتلاقي نفسك متاكل من الداخل وهاتبقى على الجنط

[عادل أبو عمر]

عايش برة مصر بس لازم بكرة إن شاء الله أنزل و اشتري منتجات مصرية ...

ياريت ما ننساش البسطاء اللي محتاجين الدعم الحقيقي

وجهة نظر

اشتري باكو منديل من واد غلبان في اشارة مرور .. حتى لو شكله مش عاجبك ما تبقاش انت و الناس عليه ....

كلنا مصريين

دول ولادنا كلنا .. احنا مسئولين دلوقتي عن مستقبلهم .. ننوي و نعمل و أكيد ربنا هيوفقنا

[متعب]

ده مين اصلا صاحب الملونيه الجميله دى

اكيد طبعا دوله رجال الاعمال واستغلال العالم بشراء منتجاتهم الفالصو تحت الشعارات اياها مصر والام والاب

وبكده يبقى شجعنا حاجتين فقط . منتج فالصوا . وشجعنا شويه حراميه بيمصوا بدماء الناس بالاونطه

وياريتهم بيعملوا منتج يستاهل او من غير غش فى المواد

دول بيعملوا خامات من اردء الخامات الموجوده وبيخدوا من الناس تمن الاصلى

يعنى بيبيعوا المضروب بسعر الاصلى بل يفوقه بمراحل

ومصر كلها اصبحت تجارة ليهم

احنا عوزين مليونيه تطهير نص الشعب ده من عقليه الامن المركزى ومن متخلفات سوزان مبارك

هى دى المليونات الناجحه

باز ..

إنت عندك مشكلة ... صدقني والله

إنت حاولت في مرة تشوف الدنيا بنضارة بيضاء ؟

إيه كمية السواد والكُره لكل شيء ده ؟

يا عم ده غلط عليك كده .. ده أنت هاتصحي في يوم هاتلاقي نفسك متاكل من الداخل وهاتبقى على الجنط

ههههههه

لامش كده خالص الحقيقه بس انا واقعى شويه

والشعارات مليت منها لانى ذهت منها ومن تكرارها مش اكتر

عموما خد دى لسه بنار مليونيهخ الجمعه دى ال مش باينلها لون

ههههههههههه

ذهب أحد الشبان ليتقدم إلى فتاه

وقال لوالدها : يا عمى انا معنديش شقه

فرد الاب : مفيش مشكله

فقال : ولسه مشتغلتش

فرد الاب : مفيش مشكله

فقال: مش هجيب غير دبله

فرد الاب مفيش مشكله

.

.

.

.

.

.

.

.

فقال الشاب : غريبه يا عمى انا كده بدأت اشك فى بنتكم

فرد الاب : يابنى النهارده الجمعه 16/12/2011 .. احنا بنشترى مصرى

ففرح المصريون جميعا وتزوج كل الشباب بكل الفتيات

------------------------------

[عادل أبوزيد]

مر على هذا الموضوع تقريبا خمسة سنوات ، و أعود إليه  للإفادة من عدد من المشاركات هنا التي تحوي تحفظات على الفكرة و توجيهات مساعدة.

ما سبق كان إستهلالا لابد منه

منذ طفولتي و أنا أعشق شيكولاتة كورونا خصوصا الويفر بتاع زمان ابو ورقة فضي و مكتوب عليها بالأزرق (غير موجود الآن لا تحاول تبحث عنه) ، و كل انواع شيكولاتات كورونا (عدا روكيت) .

تسائلت دائما لماذا لا تتطور و تتوسع الشركات المصرية ؟ لماذا نفس الشيكولاتة من ٦٠ سنة دون ابتكار لانواع أخرى.

منذ اسبوعين بدأت حملة جديدة بعنوان صنع في مصر و هو هاشتاج جديد في موقع تويتر ( #صنع_في_مصر )

و اليوم أشار الفاضل ابو محمد إلى الحملة التي بدأتها إسعاد يونس.

 

[أبو محمد]

برافو صاحبة السعادة .. برافو إسعاد
اليوم كنت أشترى لحفيدتى شيكولاتة بيمبو .. لأنها أحبتها بعد أن جربتها
فى أكتر من محل كانت الإجابة:
والله خلصت .. مستنيين العربية .. زمانها جاية
فى مكان آخر وجدتها .. كان تاريخ الإنتاج هو تاريخ اليوم
كل هذا من مجرد حلقة فى برنامج صاحبة السعادة عن "المنتج المصرى"
الإعلام .. وما أدراك ما الإعلام

[tarek hassan]

المصري اصبح جيدا فهو على الاقل احسنمن الصيني في كثير من الاجهزة 

سعيد بهكذا مبادرات لصالح البلد تشغلنا بدلا من الانشغال ببتوع الهيء هيء

[herohero]

مازلت متعجب لماذا الملحقين التجاريين لا يقوموا بدورهم في تنشيط تصدير منتجاتنا المصرية

اتعجب من وجود منتجات مصرية ممتازة والله العظيم حرام

للاسف تمشي ف محلات الخليج ترى المنتج المصري بقلة جدااااااااا

والله العظيم شوية تنسيق وتسويق صح هبقى المنتج مغرق المنطقة

ابسط شئ تليفزيونات سامسونج المصنوعه في مصر هي الموجودة حاليا في السعودية وتوشيبا العربي 

ليه ما يبقاش في ثلاجات توشيبا ؟؟ وبوتوجازات يونيفرسال 

 

الاهتمام باستخدام المنتجات المصرية في مصر شئ كويس

لكن الاهم تصديرها وساعتها مش هنتظر دولارات من حد 

 

ياريت بجد يتوقف الاستيراد مالها الاجبان المصرية والبسكويتات المصرية والشيكولاته 

ما الناس كانت عايشة طول عمرها  كده

 

[White heart]

1 ساعه مضت, herohero said:

مازلت متعجب لماذا الملحقين التجاريين لا يقوموا بدورهم في تنشيط تصدير منتجاتنا المصرية

اتعجب من وجود منتجات مصرية ممتازة والله العظيم حرام

للاسف تمشي ف محلات الخليج ترى المنتج المصري بقلة جدااااااااا

والله العظيم شوية تنسيق وتسويق صح هبقى المنتج مغرق المنطقة

أعتقد أن هناك "إعتبارت" أخرى علاوة على تلك الخاصة بمدى جودة المنتج ... دعني أعطيك مثال بسيط من داخل دول السوق الأوروبية المشتركة.
فاكهة "التين" تزرع بكل سهولة حتى في داخل الحدائق الخاصة لمواطني دول الإتحاد الجنوبية أو الساحلية (فرنسا، أسبانيا، ايطاليا ... الخ) بل انها حتى توجد في بعض المناطق البرية ... وهذا نظراً لطبيعة المناخ الحار والمعتدل التى تتمتع به تلك الدول مقارنة بدول الشمال ... وبالتالي صعوبة إستزارعها لديهم بنفس المواصفات والكميات ... أذن المنطق يقول أن أسواق دول الشمال كان سيُغرقها هذا التين الفرنسي أو الإيطالي أو الاسباني وغيرهم ... نظراً لإنتاجهم الممتاز والوفير ... اطنان وأطنان في كل موسم، أى وحدة قياس شراء تلك الفاكهة يجب أن تكون بالكيلو وبسعر رخيص أو معقول .... ولكن ما رأيك أن هناك دول شمالية،تلك الفاكهة تُباع في أسواقهم بالثمرة الواحدة وليس بالكيلو ... وسعر الثمرة الواحدة يتراوح ما بين الـــ 50 سنت واليورو ... وتكون وارد اسرائيل أو المغرب أو تونس ؟!؟!؟
لا يجب أن نُسقط من حسابتنا تلك "الإعتبارات" الأخرى عند محاولتنا تقييم مسألة التصدير ....