السياحة و مشكلات اجتماعية لا تجد حلا

[جويرية]

من المشاكل الكتيرة للسياحة و ازاي بقدرة قادر ينتقل مجمتع اوربي كامل الي مجتمع شرقي ، و المشاكل اللي موجودة في كل بيت في المدن السياحية

نتكلم عن اول مشكلة

و هيا الزواج السياحي و ازاي ملايين الشباب متزوجين من اجانب و طبعا مقابلهم ملايين العوانس

طبعا ظاهرة العنوسة المنتشرة بشكل فظيع في الغردقة و في غيرها من مدن مصر كلها ، لأن اللي شغالين في السياحة اغلبهم مغتربين مش من الغردقة

طب عشان نحل ظاهرة العنوسة دي ليس امامنا الا حل من ثلاثة

الاول هوه منع السياحة

الثاني هوه منع الزواج من الاجانب ، كما فعل سيدنا عمر رضي الله عنه و منع الزواج من الكتابيات ، وكما هو ايضا في السعودية منع الزواج بغير السعودية في بعض الاحوال

الثالث هوه اباحة الزواج السياحي للفتيات كما هوه مباح للرجال

و اري ان الحل الثاني و الثالث غير مقبولين

و ليس هناك سوي الحل الاول

تم تعديل 13 ديسمبر 2011 بواسطة جويرية

[جويرية]

ومن أمثلة تقييد المباح بالنص ما جاء عن عمر بن الخطاب رضي الله تعالى عنه حيث قيد حكم إباحة الزواج من الكتابيات، فمنع من ذلك كبار الصحابة وأهل القدوة فيهم حتى لا يقتدي المسلمون بهم في ذلك فتروج سوق الكتابيات وتكسد سوق المسلمات، كما أن عمر رضي الله تعالى عنه نظر نظرة أخرى في هذا الأمر وهو أن كثيرا منهن لسن عفيفات فالزواج منهن قد يفضي للزواج بالمومسات، أما العفيفة منهن لغير أهل القدوة فلا منع من الزواج منها، وتقييد عمر رضي الله تعالى عنه لهذا الأمر ليس على سبيل المنع منه أو التحريم ولكن على سبيل اختيار الأفضل والأولى في حق أهل القدوة وإلا لو خالفه في ذلك أحد من كبار الصحابة لم يعاقبه على المخالفة، ثم هو في الوقت نفسه تقييد ليس على سبيل العموم وإنما تقييد خاص بفئة معينة، روى ابن جرير الطبري عن شقيق قال: "تزوج حذيفة يهودية، فكتب إليه عمر: خَل سبيلها، فكتب إليه: أتزعم أنها حرام فأخَلي سبيلها؟ فقال: لا أزعم أنها حرام، ولكني أخاف أن تعاطوا المومسات منهن"[6] وقد علق ابن جرير على ذلك فقال: "وإنما كره عمر لطلحة وحذيفة رحمة الله عليهم نكاحَ اليهودية والنصرانية، حذارًا من أن يقتدي بهما الناس في ذلك، فيزهدوا في المسلمات، أو لغير ذلك من المعاني، فأمرهما بتخليتهما"[7]

[ابراهيم عبد العزيز]

و هيا الزواج السياحي و ازاي ملايين الشباب متزوجين من اجانب

أعتقد أن القول أن هناك ملايين الشباب متزوج من أجانب هو قول مبالغ فيه جدا , ولن يتعدى في رأي في أسوأ الأحوال مئات الالاف

لكن لو فرضنا أن هناك بالفعل ملايين الشباب يتزوج من السائحات مما تسبب في إرتفاع نسبة العنوسة في المحافظات السياحية

فلا أرى أي حل من الحلول الثلاثة التي تفضلتي بطرحها صالحا , وخاصة الحل الاول الذي فضلتيه , فلا يعقل أن يكون حل مشكلة العنوسة يكمن في إلغاء السياحة , فإلغاء السياحة معناه إنقطاع مصدر رزق ملاين الشباب فكيف سيتزوجو بعد ذلك !! هو حل بالتأكيد يعقد المشكلة ولا يحلها

يجب حل المشكلة من جوهرها , مثل البدء في عملية توطين الوظائف في المحافظات المصرية , فكما قلتي أن غالبية من يعملون في المحافظات السياحية يكونون من خارج المحافظة ما يؤدي الى إرتفاع نسبة العنوسة داخل هذه المحافظات وذلك كما قلتي طبعا حيث لا توجد إحصائيات رسمية نأخذ بها في هذا الشأن

أيضا يكون الحل عن طريق تيسير الزواج على الشاب الراغب في ذلك , وليس إثقال كاهله بأعباء ضخمة تتمثل في متطلبات أهل البنت , فيلجأ الشاب الى الزواج من الأجنبية

وطبعا لابد من حملات توعاوية للشباب لتوضيح سلبيات الزواج من الأجنبيات

تحياتي لكي

تم تعديل 13 ديسمبر 2011 بواسطة ابراهيم عبد العزيز

[جويرية]

فلا أرى أي حل من الحلول الثلاثة التي تفضلتي بطرحها صالحا , وخاصة الحل الاول الذي فضلتيه , فلا يعقل أن يكون حل مشكلة العنوسة يكمن في إلغاء السياحة , فإلغاء السياحة معناه إنقطاع مصدر رزق ملاين الشباب فكيف سيتزوجو بعد ذلك !! هو حل بالتأكيد يعقد المشكلة ولا يحلها

هذه الحلول الثلاث هيا الموجودة امامنا ، الغاء السياحة مش معناه انقطاع رزق الناس ، لأن البحر اللي بتاخده القرية السياحية ممكن يتعمل مصايد للسمك ، و دول كتير عايشة علي الاسماك و بتصدرها

يجب حل المشكلة من جوهرها , مثل البدء في عملية توطين الوظائف في المحافظات المصرية , فكما قلتي أن غالبية من يعملون في المحافظات السياحية يكونون من خارج المحافظة ما يؤدي الى إرتفاع نسبة العنوسة داخل هذه المحافظات وذلك كما قلتي طبعا حيث لا توجد إحصائيات رسمية نأخذ بها في هذا الشأن

ومن عيوب السياحة طبعا ان السياحة في بلدنا في 3 مدن او 4 مفيش غيرهم ، طيب ما الناس دي عايزة تعيش في بلادها و مش عايزة تفضل متغربة طول عمرها ، فمفروض ان شاء الله في المرحلة الجديدة يبقي في استثمارات في جميع المدن

أيضا يكون الحل عن طريق تيسير الزواج على الشاب الراغب في ذلك , وليس إثقال كاهله بأعباء ضخمة تتمثل في متطلبات أهل البنت , فيلجأ الشاب الى الزواج من الأجنبية

المنافسة بين المصرية و الاجنبية ليست في صالح المصرية علي الاطلاق ، دي واحدة بتصرف علي الواحد و بتشتريله عربية او بازار او شقة ، مين اللي حيقدر علي ده كله

او علي الاقل لو مش معاها خالص يبقي مش حتكلفه لا مليم في الجواز ، طيب عندنا اهل الفتاة ممكن يتنازلوا عن حاجات كتير لكن مش حيبقي زي الاجنبية اللي بيتجوزها من غير ما يدفع فلوس خالص

وطبعا لابد من حملات توعاوية للشباب لتوضيح سلبيات الزواج من الأجنبيات

هما عارفين السلبيات دي بعضهم يعني بس بيبقي مفيش طريق قدامه غير كدة ، و فيه نوع طماع و المفروض برضو احنا نحمي السياح منه

[moamana]

افتكرتك بتهرجى فى الاول و الله يا جويريه الغى بكل بساطة قطاع كامل قد ينقل مصر اقتصاديامثلما انتقلت تركيا و ماليزيا لاننا نمتلك الكثير من الاثار و الشواطىء الرائعة .الخ

لاجل بضعة الالاف من الشباب تزوج من اجنبيات

طيب ما انا اقولك حل احسن اللى اتجوز من اجنبية نرحله بره البلد ايه رايك او نعدمه كده اسهل فموت الالاف الشباب افضل من القضاء على وظائف 5 مليون مصرى و استثمارات بالمليارات

اولا عشان نتكلم فى مصادر رزق 5 مليون مصرى و دخل مصرى يصل الى 13"% من الموازنة يجب ان يكون الكلام مقنع و بالارقام

اولا الشباب المصرى لا يتزوج من اجنبية بسهولة كما تقولين لان المصرى يفكر الف مرة فى هذا الزواج واضراره و يكون له اسبابه

1.هيسيب البلد و يهاجر معاها و ده طبعا بيكون اغلبية من يتزوجون من اجنبيات و ده طبعا هربا من جحيم البطالة و الفقر و العيشة الزبالة فى مصر فلو حليتى تلك المشاكل و اصبحت مصر كاى دولة اقتصادها قوى فلن يجد الشاب التفكير فى الهجرة مغرى و سيظل فى مصر و لن يتزوج اجنبية

2.ان يحب اجنبية غنية تساعده فى مشروع و هذا بعدد قليل لان الاجنبيات لا يعطون اموالهم لقاء الزواج و السلام و لكن ان فتح هذا المشروع فى مصر فهذا شىء رائع جدا لانه زيادة و دفعة للاقتصادو كون الزواج من الاجنبية مشكلة فان نشرنا التوعية الدينية و نشرنا مجتمع مسلم متحاب قوى امن صدقينى هتسلم هى بعد اسابيع قليلة و هذا المثال حدث امامى فامراة عمى كانت نصرانية و قرات عن الاسلام عندما التقت عمى فى ابو ظبى لكى تحوله الى المسيحية و لكن لان الكتب و الدعاة المترجمة الاسلامية الصحيحة موجودة بكثرة فى الامارات كلما قرات الاسلام اقتنعت به اكثر حتى اسلمت هى قبل ان تتكلم معه عن المسيحية و التبشير

3.كمية العوانس فى مصر يقابلها عدد كبير جدا من الشباب غير متزوج و موجود فى مصر لان معندهوش رفاهية الزواج من اجنبية كخيار فلا هو يعمل فى مجال السياحة او يعمل اساسا فان اوجدنا عمل لهولاء الشباب سيتزوج هولاء الشباب و تنتهى العنوسة او تقل جدا

4.التعدد يبقى حل لماذا لا يعدد من يمتلك المقدرة و ترضى زوجته بذلك و لكن بلاش و ببكر صغيرة لماذا لا يختار عانس و يتزوجها

5.المدن السياحية ليس بها خدمات و هذه هى الكارثة الكبرى فالمستثمر يبنى المدينة و يبيعها للاجانب و تنسى الحكومة مسئوليتها و تشيل ايديها فلا تبنى هناك اى مدارس اللهم الا اقل القليل بل لا تشترط توافر سكن عائلى لهذا العامل المتزوج فان وفرنا فى الغردقة و جميع المدن العائلية سكن عائلى للشاب المتزوج و ووفرنا المدارس و المستشفيات و بنينا مدن جميلة قائمة فلن يجد الشاب الشهوة و الاغراء كبير جدا لانه اساسا محصن نفسه و متزوج من مصرية

اعتقد ان لو الحل فى الغاء السياحة كانت دول كثير اكتشفت هذا الحل السحرى للقضاء على العنوسة مثل الامارات على سبيل المثال و ليس الحصر

و على فكرة انا عندى شك بانك تقترحين الغاء السياحة ليس فقط من باب الزواج من الاجنبيات بل لان مشاكلها كثير خمور و مايوهات لانك قلت ان المجتمع الغربى لا

يتحول الى شرقى فى ايام و ان نحول شواطئنا الى مصايد للاسماك و لم تذكرى المفروض نعمل ايه فى الاقصر و اسوان و الاثار الفرعونية

على حد معلوماتى السعودية لا تمنع الزواج من غير السعودية الا لمن فى مناصب حساسة او لمن فوق او تحت سن معين و برده حل فاشل و لم يقضى على العنوسة حتى الان لانهم لم يوفروا الاقتصاد القوى و الحد الادنى من المرتب الذى يقضى على طاهرة العنوسة خاصة لان الزواج فى الخليج مكلف موووت

[جويرية]

افتكرتك بتهرجى فى الاول و الله يا جويريه الغى بكل بساطة قطاع كامل قد ينقل مصر اقتصاديامثلما انتقلت تركيا و ماليزيا لاننا نمتلك الكثير من الاثار و الشواطىء الرائعة .الخ

لاجل بضعة الالاف من الشباب تزوج من اجنبيات

طيب اذا كنتي شايفة ان الحل الاول هذا غير مقبول ايه رأيك في رقم 2 و 3

الثاني هوه منع الزواج من الاجانب ، كما فعل سيدنا عمر رضي الله عنه و منع الزواج من الكتابيات ، وكما هو ايضا في السعودية منع الزواج بغير السعودية في بعض الاحوال

الثالث هوه اباحة الزواج السياحي للفتيات كما هوه مباح للرجال

و بعدين هما مش بضعة الاف بس دي الاحصائيات الرسمية بتقول كدة لكن معظم اللي شغالين في السياحة علي علاقة بأجانب سواء بزواج او من غير زواج

طيب ما انا اقولك حل احسن اللى اتجوز من اجنبية نرحله بره البلد ايه رايك او نعدمه كده اسهل فموت الالاف الشباب افضل من القضاء على وظائف 5 مليون مصرى و استثمارات بالمليارات

و في حل فانتازي تاني زي اللي انتي بتقوليه ، ان احنا نستورد عرسان من المريخ عشان يتجوزا البنات اللي قاعدين من غير زواج

عشان انتي عارفة بعد الثورة مفروض الدنيا تتغير ، و طبعا حماة الشرف دول اللي بيحموا شرفهم بالسلاح ، الولد لو اتجوز اجنبية طبعا بيدخل بيها بيت اهله عادي و تبقي مراته قدام الناس اما البنت لو اتجوزت بنفس الكيفية اللي اتجوز بيها الولد تتقطع رقبتها و تسمعي خبرها في صفحة الحوادث

وعنوسة البنات دي حاجة كدة زي و أد البنات بس في القرن الواحد و عشرين ، لكن طبعا وأد للبنات اشد سرا طبعا عشان حتي الشر و الاجرام بقي اكثر شراسة ، فزمان كان الواحد يقتل بنته و ترتاح من الدنيا و تروح الجنة و ده طبعا اكتر رحمة

اما العنوسة دي معنها ببساطة عقم اجباري للبنات ، طيب و ليه مش بيتحاسب اللي مسئول عن ظاهرة تعقيم البنات ، زي ما بيتحاسب القاتل

قلنا قبل الثورة الناس مجبرة و محدش في ايده حاجة ، لكن الفئة المظلومة البنات دول اللي حتي ميقدروش يعبروا عن طلباتهم في مظاهرة

كان فيه قبائل بتمنع الزواج من خارج قبيلتها ، بس كان عندهم قانون ان لا البنت تتزوج من خارج القبيلة ولا الولد كمان ،

طيب دلوقتي الاولاد اللي بيتجوزوا من قبيلة بني الاصفر دول قصدي اللي بيتجوزا السائحات ومش بيحصل العكس طبعا

و طبعا الناس بتحل مشاكلها عندنا زي ما كانوا بيحلوها في القرون الوسطي ، بزيت قنديل ام هاشم ، و يدوروا علي السحر و العمل اللي عاملة الجارة الشريرة لبنتهم ، و هما اذا بصوا حيلاقوا ان اولاد العيلة كلهم متجوزين اجانب ، طيب البنات دول حييجي العفريت اللي في المصباح و يتجوزهم

[جويرية]

يحب اجنبية غنية تساعده فى مشروع و هذا بعدد قليل لان الاجنبيات لا يعطون اموالهم لقاء الزواج و السلام و لكن ان فتح هذا المشروع فى مصر فهذا شىء رائع جدا لانه زيادة و دفعة للاقتصادو كون الزواج من الاجنبية مشكلة فان نشرنا التوعية الدينية و نشرنا مجتمع مسلم متحاب قوى امن صدقينى هتسلم هى بعد اسابيع قليلة و هذا المثال حدث امامى فامراة عمى كانت نصرانية و قرات عن الاسلام عندما التقت عمى فى ابو ظبى لكى تحوله الى المسيحية و لكن لان الكتب و الدعاة المترجمة الاسلامية الصحيحة موجودة بكثرة فى الامارات كلما قرات الاسلام اقتنعت به اكثر حتى اسلمت هى قبل ان تتكلم معه عن المسيحية و التبشير

ايوة مش كل اللي بيتجوز اجنبية بتبقي غنية هوه و حظه ، بس علي الاقل اللي مش معاها فلوس برضو حيتجوزها ببلاش ، يبقي برضو مفيش واحد حيروح يتجوز واحدة مصرية من غير فلوس خالص ، مهما بسطوا ليه في التكاليف ، فبرضو المنافسة مع الاجنبية غير عادلة

يا اختي فيه ناس كتير متزوجين اجانب في خارج مصر و حياتهم مستقرة سواء اسلمت أو لا ، لكن اللي مرفوض الزواج السياحي واحدة جاية اجازة و ماشية ،

و اللي بشوفوه ان اي اجنبية حتي لو اسلمت بعد كام سنة بتطلب الطلاق و تهرب بولادها ومش بتخليه يشوف ولاده تاني

المدن السياحية ليس بها خدمات و هذه هى الكارثة الكبرى فالمستثمر يبنى المدينة و يبيعها للاجانب و تنسى الحكومة مسئوليتها و تشيل ايديها فلا تبنى هناك اى مدارس اللهم الا اقل القليل بل لا تشترط توافر سكن عائلى لهذا العامل المتزوج فان وفرنا فى الغردقة و جميع المدن العائلية سكن عائلى للشاب المتزوج و ووفرنا المدارس و المستشفيات و بنينا مدن جميلة قائمة فلن يجد الشاب الشهوة و الاغراء كبير جدا لانه اساسا محصن نفسه و متزوج من مصرية

ايوة موضوع السكن ده يحل جزء من المشكلة مش كلها ، شقق الحكومة اللي كان بيسرقها الحرامية و الشباب مش لاقيين شقق و بيأجروا الشقة فاضية بألف جنيه

[جويرية]

على فكرة انا عندى شك بانك تقترحين الغاء السياحة ليس فقط من باب الزواج من الاجنبيات بل لان مشاكلها كثير خمور و مايوهات لانك قلت ان المجتمع الغربى لا

يتحول الى شرقى فى ايام و ان نحول شواطئنا الى مصايد للاسماك و لم تذكرى المفروض نعمل ايه فى الاقصر و اسوان و الاثار الفرعونية

ايوة دي اول مشكلة و هيا العنوسة لسة في مشاكل تانية حكتبها في الموضوع بسب السياحة طبعا ، لسة الجزء التاني مشكلة البنات اللي شغالين في البارات

على حد معلوماتى السعودية لا تمنع الزواج من غير السعودية الا لمن فى مناصب حساسة او لمن فوق او تحت سن معين و برده حل فاشل و لم يقضى على العنوسة حتى الان لانهم لم يوفروا الاقتصاد القوى و الحد الادنى من المرتب الذى يقضى على طاهرة العنوسة خاصة لان الزواج فى الخليج مكلف موووت

طيب يبقي ناس عندهم نخوة و رجولة برضو و بيفكرو في بناتهم و حاولوا يعملوا قانون يحد من هذه الظاهرة، اما هنا يا اختي كل همهم الفلوس السياحة حقت كام ، و ده طبعا علي جثث البنات

[جويرية]

كنت بتكلم مع اوحدة صاحبتي قالتلي فلانة اللي اخوها قتلتها ، فاستغربت ان الناس كلها عارفة ان ده قاتل و محدش بلغ عنه عشان ياخد جزاءه ، فطبعا من وجههة نظرهم ان ده عادي و ده واحد بيحمي شرفه و البنأدمة دي ملهاش دية ، كأنه قتل كلبة ، و هيا لم تفعل الا زي ما بيفعل ألاف الشباب جهارا نهارا ، ولا يرفضهم المجتمع ولا ينظر اليهم حتي مجرد نظرة احتقار

افتكرت اغنية شفيقة و متولي جدتي كانت بتحب تسمعها و كنت بقعد اسمعها معاها

لكن فيه فرق بين حماة الشرف زمان و حماة الشرف دلوقتي

[جويرية]

التعدد يبقى حل لماذا لا يعدد من يمتلك المقدرة و ترضى زوجته بذلك و لكن بلاش و ببكر صغيرة لماذا لا يختار عانس و يتزوجها

يا اختي التعدد مش حل للعنوسة ، لأن الفتاة الافضل تتوزج شاب اعزب زيها ، زي حديث االرسول صلي الله عليه و سلم لسيدنا جابر انه كان افضل ان يتزوج فتاة ، لكن لما سيدنا جابر ذكر انه عنده اخوات يتيمات و عايزة امرأة اكبر سنا تساعده في تربيتهم

الشاهد في الحديث ، ان الافضل للأعزب يتزوج عزباء مثله و انه يتزوج ثيب في حالات معينة

و هوه ليه يا اختي نستني عليها لما تبقي عانس ، يعني هوه الشاب ده يلف و يبرطع في الدنيا براحته وحدش يكلمه و طبعا ما هي سياحة و محدش بيسأل حد ، و في الاخر يرجع برضو لبنت بلده و ميلاقيش غيرها هيا اللي تقبل تتجوزوه ،

[جويرية]

بمناسبة شفيقة و متولي يا جماعة ، ايه رأيكم في فكرة الحفاظ علي الشرف بالسلاح ، يعني الرجالة يعيشوا براحتهم مع السائحات ، و البنات اللي حتخالف الادب و الاخلاق اخرتها زي شفيقة

http://www.youtube.com/watch?v=ZD6XCz2I_Pk

تم تعديل 14 ديسمبر 2011 بواسطة جويرية

[جويرية]

واحدة جارتنا عندها 3 بنات لم يتزوجوا

بس هيا بتخبي حزنها و بتضحك و دايما تقول المركب جاية هههههه

و قصة المركب هيا عندها امل ان فيه مركب حتيجي كلها عرسان و تاخد كل البنات اللي متجوزوش

[Om Zayd]

كانوا عاملين تحقيق عن الموضوع ده في ال ام بي سي و شفته صدفة

مبقتش مصدقة النماذج اللي بيعرضوها

و الغريب ان كلهم تقريبا عارفين ان ده حرام (مش الزواج طبعا) و مخبيين على اهاليهم

لا و السائحات بقوا فاهمين الموضوع كويس اوي .. دول عاملين منتديات و صفحات عشان كل واحدة تحط تجربتها و خصوصا السلبية و تحط صور "النصابين او العابثين" عشان غيرها ميتخدعش فيهم

أكيد توفير فرص عمل منتجة و معاها تدريب صح خطوة مهمة جدا

بس مش متأكدة ده هيحل المشكلة ام لا

الاهم بقى ان اغلب النوعيات دي مش من مصلحة البنت انها ترتبط بيه اصلا

[جويرية]

و الغريب ان كلهم تقريبا عارفين ان ده حرام (مش الزواج طبعا) و مخبيين على اهاليهم

انا برضو مش عارفة الجواز اللي بورقة ده يطلق عليه جواز ولا لأ ، شوفي الفرق و اختلاف المسميات بين زواج الشاب و الفتاة بهذه الطريقة ، عند الولد نقول ده متجوز اجنبية ، اما عند البنت نقول مش حنجيب لفظ جواز خلاص لكن حتلاقي الناس بتقول مشيت مع واحد ، فضيحتها بقت بجلاجل ، جابت العار لأهلها، و الموضوع واحد ، لكن شوفي اختلاف مبادئ الناس

لا و السائحات بقوا فاهمين الموضوع كويس اوي .. دول عاملين منتديات و صفحات عشان كل واحدة تحط تجربتها و خصوصا السلبية و تحط صور "النصابين او العابثين" عشان غيرها ميتخدعش فيهم

دول مساكين مفروض دولهم تهتم بالجانب الديني و الروحي شوية ، عشان الناس ميبقاش كل همها متع الدنيا ، ده انا بشوف ستات رجلها و القبر و جاية هنا و ساحبة جنبها شاب يا دوب 25 سنة ،

انا شايفة مفروض برضو يبقي عندنا قانون ان لازم الاجانب ييجوا ومعاهم محرم او مش لازم محرم يعني ممكن يبقي صاحبها ، لأن كون ان هيا جاية لوحدها ده في حد ذاته معناه ان هيا جاية و ناوية علي الشر ، اصل اكيد مفيش حد بييجي يتفسح لوحده

أكيد توفير فرص عمل منتجة و معاها تدريب صح خطوة مهمة جدا

بس مش متأكدة ده هيحل المشكلة ام لا

لا اظن انه حيحيل المشكلة، زي ما بنشوف ان ممكن واحد يتزوج زميلته في العمل من طول القعدة و العشرة ، بالظبط كدة واحد كل شغله مع الاجانب حتي لو مش عنده ضغوط مادية طبيعي ممكن يتزوج منهم

يا اختي مفروض الناس تراعي تحقيق التوازن بين كون ان الرجل محلل له زواج الكتابية و المرأة لا ، فده اللي سبب المشكلة لأنه ترك الحبل علي الغارب بدون تقييد ، سيدنا عمر ابن الخطاب انتبه الي هذا الامر من 1400 سنة و خاف ان المسلمات يعنسوا برغم ان الراجل كان بيتزوج 4

و بعدين ان جينا للحق فزواج الاجانب ده محرم اصلا لأن من شروط زواج الكتابية ان تكون محصنة

والمحصنات من الذين أوتوا الكتاب )

[جويرية]

دي المشكلة الاولي وهوه الزواج السياحي

نيجي للمشكلة الثانية ان عندنا نص الشباب متجوز اجانب و النص التاني متجوزين بنات الكافيتريات

و بنات الكافتريات ده لفظ بنطلقه هنا في الغردقة علي البنات اللي شغالين في القهاوي او البارات

طبعا عشان القهوة بتاخد ترخيص سياحي فممكن تشغل بنات او يتباع فيها خمور

طبعا قصص مأسي عن ناس اعرفهم شخصيا أبنائهم اتجوزا من البنات دول

امي بتحكيلي عن واحد عنده 19 سنة اتجوز واحدة من قهوة و كتبت عليه مؤخر 50 الف و لكا اهله حاولوا يطلقوها قالتلهم طلقوني و هاتوا ال 50 الف فطبعا اضطروا يقبلوها و خدوها تعيش معاهم في البيت ، ده غير الامهات اللي جالهم المرض من حسرتهم علي ابنائهم اللي بعد ما تعبوا في تربيتهم بقي هوه ده النسب اللي اختاروه

ده غير طبعا انهم بيهدموا الاسر ، و بيبقي سبب في الطلاق ، زي واحدة سمعتها بتتحكي ان جوزها طلقها بعد 16 سنة جواز و مش بيصرف عليها خالص هيا وولادها و اللي اتجوزها دي طبعا من بنات الكافتريات خلته كمان باع العمارة بتاعته و هيا الست خدت ولادها و عايشة في بيت ابوها

وحتي لو موصلش الموضوع للطلاق تلاقي واحد بيروح يصرف فلوس ولاده علي القهاوي دي و طبعا البنات دول خبرا في ابتزاز الزباين

ده غير ان البنات دول برضوا مش سعدا في حياتهم ما هما برضو بيبقوا مسجلين اداب و حياتهم تشرد

و ادي حال السياحة و نشوف طبعا ان الضحية الاولي طبعا هيا المرأة

[moamana]

يا جويرية و الله انا صديقاتى كثيرات من القاهرة و لم يتزوجن و اللى عندها بنتين و ثلاثة للاسف

الحكاية حكاية ازمة اقتصادية طاحنة بالفعل خلت الشباب يعزف عن الزواج الى الاربعين و اللى اتجوز بالكاد عايش و اللى لسه متخرجش بيدور على عقد عمل فى اى حته بره مصر

انا اعرف ناس بيروحوا يشتغلوا فى الاماكن السياحية مخصوص عشان يلاقى واحدة يتجوزها و يهاجر

و انا كده فهمت واضح انك من الغردقة و بتتكلمى عن مشاكل معصرها بس المشكلة ان ده حال اغلب المحافظات حتى غير السياحية

مع اختلاف ان الشاب بيطفش على بره سواء فى مركب يغرق معاها او يتقبض عليه او يقعد من غير زواج

و حكاية بنات القهاوى و الملاهى الليلية للاسف لن تنتهى الا برده باعانة الاقتصاد فايه اللى يخلى البنت تتجبر على كده غير الفقر و الحاجة

اصلحى الاقتصاد فى كل المجالات و ابنى بيوت ووفرى اعانة بطالة للشباب و البنات وابنى مساكن و اعملى نهضة و انشرى الوعى الدينى الصحيح هتبدا الناس متهاجرش و العانس تتجوز و بعدين ليه فعلا منمنعش استيراد الخمور و تصنيعها فى مصر انا قرفت لما زرت شرم الشيخ من منظر الخمور مرصوصة بطريقة فى كل حته

امنعى الخمور و الكباريهات و القمار فعلا هتستهدفى بالسياحة شريحة محترمة اكثر من الناس او على الاقل هتفرضى على اللى جايين الاحترام و رغم انى من المعترضين على ابو اسماعيل لانه داعية و ليس سياسى الا ان فكرة الشواطىء الخاصة عجبتنى جدا لانها مطبقة فى السعودية فجميعنا يعلم ان هناك شواطىء فى السعودية يرتادها النساء بالمايوهات و لكنها شواطىء خاصة لا يسمح بدخول رجال الهيئة فيها لانها مجموعة فلل و شارية الشاطىء و هذا موجود فى جدة و الخبر

الحل مش فى منع السياحة مش بس لانها مصدر رزق لا لانها تبادل ثقافات و تعارف و تالف شعوب يعنى قيمة انسانية و تجربة اجتماعية رائعة لكن الحل فى منع مسببات المشاكل من فقر و جهل و قلة وعى دينى و ثقافى

[جويرية]

يا جويرية و الله انا صديقاتى كثيرات من القاهرة و لم يتزوجن و اللى عندها بنتين و ثلاثة للاسف

طيب ما هما اللي بيشتغلوا في الغردقة من القاهرة و من كل المحافظات

الحكاية حكاية ازمة اقتصادية طاحنة بالفعل خلت الشباب يعزف عن الزواج الى الاربعين و اللى اتجوز بالكاد عايش و اللى لسه متخرجش بيدور على عقد عمل فى اى حته بره مصر

ما هيا الازمة علي الاتنين بنت وولد ، ما البنت برضو بيبقي مطلوب منها حاجات في الجهاز زيها زي الولد ، بس هوه بيسبها و يهرب و يقفز من السفينة اللي بتغرق بأقرب طوق نجاة ،

و حكاية بنات القهاوى و الملاهى الليلية للاسف لن تنتهى الا برده باعانة الاقتصاد فايه اللى يخلى البنت تتجبر على كده غير الفقر و الحاجة

لا هيا ممكن تشتغل خادمة ولا انها تشتغل الشغلة دي ، ما هيا في الاماكن دي ما هيا برضو ما هيا بتخدم برضو ، او لو عاشت علي الصدقة و اعانات الناس اكرملها من الشغلانة دي ، بس هما خدوا علي الفلوس الكتير و السكر و المخدرات عشان كدة ميقدروش يعيشوا بأي شغلانة

وده دور الدولة مفروض تمنع عمل المرأة في الاماكن دي ، و هما من كام سنة صدر قرار بالمنع ده ، بس الشيطانة سوزان ثابت اصدرت قرار فورا بألغاء القرار ده عشان ده تعدي علي حقوق المرأة ، ازاي ده من حق المرأة تخدم رواد المقاهي

اصلحى الاقتصاد فى كل المجالات و ابنى بيوت ووفرى اعانة بطالة للشباب و البنات وابنى مساكن و اعملى نهضة و انشرى الوعى الدينى الصحيح هتبدا الناس متهاجرش و العانس تتجوز و بعدين ليه فعلا منمنعش استيراد الخمور و تصنيعها فى مصر انا قرفت لما زرت شرم الشيخ من منظر الخمور مرصوصة بطريقة فى كل حته

امنعى الخمور و الكباريهات و القمار فعلا هتستهدفى بالسياحة شريحة محترمة اكثر من الناس او على الاقل هتفرضى على اللى جايين الاحترام و رغم انى من المعترضين على ابو اسماعيل لانه داعية و ليس سياسى الا ان فكرة الشواطىء الخاصة عجبتنى جدا لانها مطبقة فى السعودية فجميعنا يعلم ان هناك شواطىء فى السعودية يرتادها النساء بالمايوهات و لكنها شواطىء خاصة لا يسمح بدخول رجال الهيئة فيها لانها مجموعة فلل و شارية الشاطىء و هذا موجود فى جدة و الخبر

لا انا خلاص مش بقرف من شكل الخمرة دي بقت الحاجة العادية اللي بشوفها في طريقي كل يوم ،

منع الكاباريهات ، دي عايزة برضو ننشئ نظام فندقة اسلامي ، عشان الفنادق بتتقيم عدد النجوم اللي فيها علي اسس الترفيه و البار اللي فيها ، عايزين يبقي لينا ضيافة اسلامية خاصة بينا السايح يستمتع و ينبسط بس من غير رقص و خمور

الحل مش فى منع السياحة مش بس لانها مصدر رزق لا لانها تبادل ثقافات و تعارف و تالف شعوب يعنى قيمة انسانية و تجربة اجتماعية رائعة لكن الحل فى منع مسببات المشاكل من فقر و جهل و قلة وعى دينى و ثقافى

بس علي الاقل يبقي في قوانين منظمة

اشكرك

[moamana]

نعم انا اؤيد منع الفتيات من العمل فى البارات و القهاوى و نعم للسياحة الاسلامية بكل شروطها

[جويرية]

نعم انا اؤيد منع الفتيات من العمل فى البارات و القهاوى و نعم للسياحة الاسلامية بكل شروطها

بس اظن ان مفيش حاجة حتتغير علي الاقل خمس سنين كمان ، الاخوان مش حيتصادموا مع مصالح حد ، اظن ان هما حيصلحوا الحاجات اللي محدش حيختلف عليها زي الزراعة و الصناعة

اما السياحة فيبقي الوضع علي ما هوه عليه و علي المتضرر اللجوء لأنه يخبط راسه في الحيط

ده اذا الاخوان مسكوا الحكم محدش عارف امريكا و 6 ابليس ناويين علي ايه

[moamana]

معلش على التاخر فى الرد بس الحمد لله كنا بنعمل عمرة و يا رب تتقبل و يتقبل دعانا لمصر

بسى يا جويرية ليه تركيا الان تستطيع ان تضع اصبعها فى عين اسرائيل و تقاطع فرنسا بجلالة قدرها اقتصاديا بشكل رسمى و حكومى لانها ببساطة دولة اقتصادها قوى شعبها متعلم وواعى و فاهم و كمان احوالها داخليا و خارجيا مستقرة

يبقى مصر لازم تبقى كده قبل ما تحاول تعمل اى اصلاح يجعلها تتخلى عن جزء كبير من دخلها

اما موضوع امريكا فرغم ان امريكا دولة عظمى الا انها مثل اسد الغابة ملك الغابة لكنه ليس اقوى حيواناتها و هناك الكثير حوله ممن فى قوته

و عشان الاسد اللى هو امريكا عنده مشاكل متلتلة اهمها الاقتصاد الامريكى اللى فى الباى باى فهو سيحاول التدخل بالتاكيد و لكننا بالتاكيد ايضا لسنا اغبياء لكى لا نفهم تدخلاته و نضيع عليه فرصته و ارادة الشعب فوق اى دولة و مصالح اخرى فيها و الا مكنتش الثورة قامت

و اعرفى ان امريكا مش عارفة تطول ايران و لا عارفة تتدخل باى طريقة فى كوريا الشمالية و بتشد فى شعرها من الصين اللى ضربتلها اقتصادها بكل سهولة و اليابان اللى بتطلعلها لسانها بعد اللى عملته فيها امريكا فى الحرب العالمية

يعنى الامر بايدينا اكثر مما هو فى ايدى اى دولة اخرى

اما بالنسبة ل6 ابريل فنفسى افهم الناس بتهاجمهم ليه

هم مش دول اللى شجعوا على الثورة هم مش دول اللى اتهمهم الجميع بالخيانة و مع هذا لم يثبت عليهم اى شىء رغم انهم كل يوم و التانى بيمسكوا جواسيس سريين و دول اللى مفروض جواسيس و عملاء و معروفين مش عارفين نمسكلهم غلطة

كل من يهاجم 6 ابريل من مجلس عسكرى ظالم و غبى او اعلامى على اده فى السياسة

اما اعتصماتهم فبصراحة هم زى اى حركة قوية ثورية فى اى دولة بتعمل اللى هى شيفاه صح و انا ممكن اختلف معاهم فى الراى لكن مقدرش اقولهم معلش انتم عملاء و خونه لانهم مش كده هم عايزين نبقى زى اى دولة محترمة الناس تعترض و تعمل اللى هى عوزاه و محدش يقتلها او يسحلها هم متغاظين اوى من 6 ابريل لانهم ثوار بجد و عايزين يفضلوا يعروا الحقايق و طبعا ده بيضايق البعض من الظلمة او ممن يريدون الاستقرار

انا ايضا اريد الاستقرار و لكن مش باى تمن خاصة اذا كان التمن جزء كبير او حتى صغير من حقوقى و حريتى